XAVIER CHAPTER 3

XAVIER

CHAPTER 3 

Nitin mai chuan Xavier chuan min ti buai a ni ta ber a,ka college luhna te sawn ka duh rum rum mai . Ka pa lah engmah ka hrilh ngam der silo ,tharum chu an thawh tawh lo nangin an tawngkam ngeiawm lutuk hrim hrim pawh chu ka tan chuan college chawlhsan vang vangna tham a tling a ni,a thenin ka sam sen thar chu min nuihsawh nan an hmang a .

Thenkhat lahin ka lehkhabu te chu la in min paih sak thul,Jolie awm lo phei se heiai hian ka tuar tam ngeiin ka ring. Xavier chu ka huat viau rualin ka ngaihtuah reng lawi bawk si te chuan min tilawm lo lek lek a ni,ka ngaihtuahna atang lah chuan ka paih bo thei der silo . Ka damdawi chu ka ei reng a ,a chhan pawh ka lung tan vek a nih thu ka nu leh pa in an sawi miau a ,ning hle mah ila dam ka duh chuan ka ei luih tang tang a ngai si .

Tumahin ka nu leh pa chauh lo chuan ka natna hi an hre em em lova . Doctor in damdawi eithata la dam thei a tih miau avangin ;ngaihthat lohna pawh nei lo in keipawh chuan ka damdawi chu ei ka thulh ngailo . Jolie chuan a hre deuh nangin a vai erawh chuan a hre lo thung,ka nu leh pa hi inthen tawh mahse midang an inkawp san hauh lova ,engvanga inthen ber nge an nihlah ka hre hek lo . Jolie rawn kal loh avangin keimahin ka awm a .

Zirlai dangte lah chuan min kap leh fek fek tan a ,engkim hi Xavier vang tih ka hailo . A hmelma min tih rual khan he University a a tam zawk hi ka hmelma an ni ve nghal niber in ka hria ,keimah te chuan ka thu ran a ” Hey,hmelchhe nu " tiin Xavier bialnu chuan min rawn nem bu lawp a . Ka inring lo nen dawhkanah chuan ka lu chu ka tauh dawt a . 

An la nui mai mai chuan ka thin an tirim hlur mai ” Kal sawn rawh u " ka theihtawpa insum chung chuan ka tichhuak a . Za lo tih hriat taka nui chung hian ” Enga! Kei hi ka kalsawn ang maw ,nang zawk hi kalsawn rawh . Helai hmunah hian tumahin an lawm lo che " a rawn tihchuan muang changa tho chhuakin ka hmachhawn a.  “ Tu in nge min lawm ti,a hrim hrimin i college a nilo a ,i ta a ni hauh lo . A duh duh chu kan lut thei lawm .

Enge sawi tur i neih,tin min tibuai tawh suh u . Tun chiah hi ka sawi tawh ang,a nihloh chuan principal hnenah ka kal ngei ang" ka tihchuan an nui leh hak a . Ka lu lah chu a na phian lehnghal,min chhan leh tuma a an dawn lai chuan thawm chu a reh duk a . Ka lu hai chu ka thutna bul chhuatah chuan ka tlu deuh thlawrh mai,zan ka mut that loh bakah ka lu sawhna chuan min ti chau nghulh mai bawk .

“ I tha em?" Xavier chu ka bulah a rawn thu hniak a ,a zawhna chu ka chhang lo . A chhan pawh a hmelah chuan a thutak loh zia ka hmu chiang hle si a ,min nuihzat a duh vang bakin hetiang a tileh dawn lo tih ka hriat avang chuan muangchanga tho in ka bag chu ka la a “ I danglam tawh hle mai,i nu leh pa chuan eng chiah nge i chungah an tih ka hrelo ,mahse i danglam tawh takzet 

Kan naupan lai ka ngaihtuah a ,tun hun nen chuan inang lo tak a ni Sharky" kan tetlaia ka auh thin dan chuan tisapin in ka kalsawn a ,a ngawi ngul mai . Jolie nen khan nau ang maiin min en in kan thlavang a hauh na a ,min tibuai tu an awm chuan a chhuah mai mai ngai lo ,khavang khan a mah koh fiam nan shark ang maiah ngaiin sharky ka ti thin a nihkha .

A chhan pawh englai pawhin a duhloh zawngah chuan a kawlh hra reng miau va ,kawngpui sirah chuan kal in kawngsira dawr vel chu ka enkual a ,ka ril atam bawk nen restaurant pakhatah chuan lutin Chinese food lam vek chu ka chah a ,ka ngainat bakah thak lam hi ka tui tih chi a ni bawk nen ka ei reng zel . Ka nu bula ka awm lai pawhin min hauhna tam ber a niziah a 

Mahse ka sim hleithei lo chu a nih ber hi,ka duh tawk ka ei zawh meuh chuan theitui inchhawp sa chu in leh in a man chu ka pe a ,ka chhuak zui nghal zat . In lama la haw ka duh loh avang chuan khawpui chu ka fangkual a ,hla erawh ka kal duh lo thung . Ka bo ka hlau a ni ber ,hmun mawi leh nalh tak tak te ,kawmkar thenkhata tleirawl damdawi ti chen chuan hmuh tur an awm a ..

Chung ho ka hmuh erawh chuan ka kalsawn thuai zel thung.  A chhan pawh hetiang lam chi reng reng hi ka hlau miau va ,ka duhtawka ka vah hnu chuan taxi in kan awmna lam chu ka pan a ,in ka thlen chuan a lo la reh ruih mai . Ka pa hi doctor a nih avangin a chang chuan rawn haw loh chang pawh a nei fo va ,phone in min rawn hrilh ngei ngei thung. Chahbi spare ka kawl chu phawrhin inchhungah chuan ka lut zui a ..

Inbual hmasa te te in rawng ka bawl zui a ,ka pa a rawn haw har leh ka rin avang chuan chaw ka eisan a ,ka thiante nen video call in kan in be pah mawlh mawlh a . Min ngaihthu an sawi reng bawk nen keipawhin New York lam chu ka ngai takzet,ka awm rei bakah thian ka ngah zawk bawk nen ka ngailo theilo . Kan inbiak zawh hnuah ka thleng vel chu silin lehkha chu ka zir leh te te a . 

Ka room tukverh atang chuan pawnlam tuipui cham put mai chu ka thlir pah bawk . Kan awmna atangin tuipui a hla lova ,thlirna pawh a rem changin a nuam hle bawk . Zana ral leh lama khawpui de nauh nauh te chu hmunawm tham a tling hial mai . Lehkha chu zir chhunzawm lo in tukverhah chuan ka dak chhuak a ,tuipui lam atanga thli rawn tleh heuh heuh chuan sam chhawl leng chu a chhem phe hlep hlep bawk nen mit chhingin ka nui var var mai .

Motor ri leh a khat tawka mipui thawm rawn chhuak leh thin nen a reh lo tih piahlam a ni . Ka mut a rawn chhuah tak avang chuan khum lam panin ka phone ri zawk chu ka melha . “I tha em cutie " rawn titu chu ka hre chiang viau mai . A message pawh chhang lo chuan ka mu zui nghal hmak a .