XAVIER CHAPTER 1-2

XAVIER

CHAPTER 1 

“ Sara " ka thiannu nen chuan kan inkuah vang vang a ,inhmuh lohna a rei tawh bawk nen ka ngai viau mai . Ka nu leh pa an inthen avangin ka nu bulah hun eng emaw tichhung chu ka awm a ,tun hi LA ka kir lehna chiah a ni. Ka thiannu luhna University ah ka lut nghal dawn a ,chutia hun kan hmang leh thei tur chu a lawmzia a sawi mawlh mawlh reng mai , college lam pan chuan kan kal zel a .

A tual kan thleng phei tihchuan ka lu ah hian eng emaw hian min rawn fuh chawrh a ,a na ngei mai . “ Hey lut thar nu " an rawn tihchuan ka hawi let vat a ,hmeichhe rual khat hian min lo en reng mai . Ka luah chu a na riau lehnghal ,Jolie chuan min buaipui nghal mawlh mawlh “ Caterina ,a tawk ka thiannu hi intibuai leh a nihchuan a pawi khawp ang" ti a a hawi phei rual chu chumi te pawh chuan rum zeta melh chungin an kalsawn a .

Ka thaw hak “ Tirawh kal ang" tiin building lam chu min panpui a ,mipa rual khat rawn phei chu hmeichhe ho in an hmuh rual chuan an au tuar tuar mai “ Joe tute nge a " ka tihchuan thaw huaiin “ Ka u kha i hre tawh lo em ni? Mahse kan awm hrang tawh engkim i hriat kha " a tihchuan Xavier tih ka hre nghal mai . An ni pawh ka nu leh pa ang bawkin an inthen a ,apa bula Xavier awmin apa hi a hausa hle bawk .

Mahse inhmuh lohna a rei tawh bawk nen chungin an chanchin erawh ka hre tam lo ” Hi unaunu " Xavier chuan rawn tiin keichu min en a ,ka chil ka lem khawlh . A hmel that ngai in a la hmeltha reng,kan naupan lai atang in keini ai in a upat bakah hmeichhe naupang dang ho khan an duh thei hle a nihkha ” Hi " Joe chuan tiin keichu min rawn nghawk zauh a .

“ I thiannu hi tunge " a tihchuan ka lo ner nang,min hre tawh lo chu a mak hle mai. Mahse ka awm bo rei tawh em a ,a awm tho mai “ Sara-i ka thiantha ber kha a nih hi " a tihchuan Xavier chu a meng deuh kawk a ,chutah nui sukin ka lamah a rawn kun hniam a . Ka thawk ka lo hip let vak ringawt “ I danglam tawh hle mai Cutie" a tihchuan ka sen tawn tawnin ka ring .

Cutie tih hlir in ahma chuan min ko va ,ala hre reng a nih hmel . Hmeichhe ho chu an lo phun nghal sep sep a ,awm a nuam lo rum rum zawk “ Nia ,ih...ka...a rei tawh em alawm" ti bah nakin ka insiam tha a ,ka nui sang bawk . An kalsawn hnu thleng chuan ka en reng a,ka ngaihtuah zui veng veng mai “ Sara ,a ni lakah khan i rilru pe lo la ka duh,i tan a thalo bad boy an tih hial khawpa insual hrat a nihkha .

Ka unaupa mah nise ka duhpui lo che " Joe in a tihchuan ka lu thing nakin ” Ka pe hleinem,a hmel kha a thlak ve em a chu chu mak ka ti deuh mai mai a nia ,kal ang " tiin thil dang chu ka sawi pui ta daih a , class kan luh chuan midang an lo awm thap a. Min lo en thap chu ka zak lek lek zawk mai . Jolie chuan thutna lam tur chu min panpuiin kan thu dun a.

Kan classmate tur te chuan min rawn be nghal sap sap mai,class kan tan a , introduction ka neih zawh takah chuan ka thaw huai mai . Lehkha chu ka zir mawp mawp a ,Jolie pawhin min rawn be leh zauh zauh thin chauh a ni. Ka lehkha zir lai hi chuan tihbuai vak ka duh lova,a ni pawhin a la hre reng a nih hmel,chawlh lai lawk lai chuan insual an awm tiin kan class hmeichhe pakhat chu a rawn au a .

Chuveleh pawnlam panin an tlan nghal sup sup mai,Jolie nen pawh chuan a hnung berah kan tlan chhuak a . University hnung lama miin an lo bawr hut hut na lam chu kan pan ve tawp a,chutah mipui kar atang chuan Xavier an mi pakhat a lo hnek mial mial ka hmuh chuan ka meng kawk,a hnekpa lah chu a hmai a thi phung tawh lehnghal .

Ka lam a rawn hawi thut avang chuan ka phu zawk a ,chutah a mi hnek pa chu thawhsanin keichu min rawn pan a ,ka din ngai chuan ka ding reng ringawt . Chetsawnna chang pawh ka hrelo,ka hma a a rawn din rual chuan a nui suk a ,ka sam sen thar chu rawn khawihin ” Cutie nang maw?" tiin a mit a kan uk a ,chhan ngaihna ka hrelo .

Midang lah chuan min en thup bawk si,an phun leh ser ser tawh mai ” U ,Sara hi hmeichhe dang i fiam ang a fiam tum ve hauh suh ang che . I fiamkual mai mai tur anilo tih ka hrilh che a nihchu; kal ang Sara" tiin Jolie chuan ka kutah a rawn vuan a ,min kalsawn pui nghal dawr dawr mai . A hmui sir kak khawih zauh a min rawn nuih suk tu chu ka en leh hram .

Hetiang hian Xavier a awm ka ring pha lo hrim hrim,kan naupan lai te kha chuan mipa naupang nuih duh tak kha a ni si a ,tuna insual a hrat ta em em mai chu mak ka tilo theilo . Haw dawnah chuan kan veng a inan loh avang chuan gate bulah Jolie nen chuan kan inthlah a,taxi chu ka chang khar bawk ,ka hma a bike rawn ding chu tunge tih ka hre thei mai lo . Helmet a khum miau avang chuan a hmel ka hmu thei lo hrim hrim.

Chutah a mit chin chu rawn ti langin “ Rawn chuang rawh " a tihchuan Xavier tih ka hre nghal mai,zirlai la haw lo ho lah chuan min en leh thap tawh . Xavier hi a lar hle tih ka hriat phah “ A ngailo taxi ka la mai ang" ka tihchuan a rawn nui hak a“ Min hlau em ni? Cutie rawn chuang rawh ,ka seh lovang che" a rawn tih leh takah chuan thaw hakin ka pan hnai a .

A kut chu rawn pharin ka chelh chhan tur chuan a rawn dah a ,ka lo vuan ve mai bawk . “ Kan chenna pawh i hre ringawt em ni" tihalhin ka hawi kual a ,miin min en duh lutuk chu hrehawm ka ti letling zawk ” Kan hre chawp mai ang chu,min vuan nghet rawh . Khatianga i awm tung reng chuan i tla mai ang" a rawn tihchuan melh nghekin a kawr hmawrah chuan ka vuan a .

” Tlan chhuak vat mai teh" tihlakin ka mit chu ka chhing sawk mai,a bike chu start vut vut in a tlan chhuak zui a . Kan phe dawrhin ka hria ,nghet zet chuan ka kuah a ,a rawn nui nghawr leh dat mai ,kei erawh ka tang tung thung,kawng te chu a phe zuai zuai nimai hian ka hre tawh . Hmun pakhat ah hian min din pui a ,ka hawi chhuah rualin khawpui chhung a lenna tur hmun an siam tih ka hmu nghal .

Pangpar nalh zet zet awmin a laiah chuan tui an khawh chhuah tir seng seng a ,a mawi takzet ” Enge kan tihdawn " tiin a kalna lamah chuan ka zui ve zel a . Thingkung buk zet hnuaia thutthleng an siamah chuan min thut puiin hmalam chu a melh vang vang mai “ Xavier" ka koh avang chuan chiang zet hian a mitmeng dum kak chuan min rawn en a .

Min melh reng bawk nen ka zak leh si chu ka kun nghal daih a ,a rawn nui leh hak mai . ” Kan naupan lai ang mai kha ila ni,i la duhawm reng a nih hi . Ka en a piang che khan i lai ziah a " tiin a nui suk a ,a bula thu tur chuan min mitmei nghal zauh bawk “ Ka danglam i tih thu i sawi kha " tiin a sirah chuan ka thu thla a ,a nui leh mai . “ Nui reng suh " tiin ka tum bur a .

Alama min pawt hnai thutin ka hmui bul chetah chuan rawn kun hniam a ,a thaw lum ham ham chu ka hre chiang viau mai “ Min tihlim si alawm Cutie "tiin ka sam ah chuan a kut a rawn rawlh lut a,kan inmelh tawn kar mai “ Xavier.....ka" tiin ka thaw chhuak ham ham a ,ka hmuiah chuan dam dap hian rawn fawpin alamah chuan min pawt hnai sauh a .

Ka hmui chu rawn nawr kauin a lei chu ka ka chhungah a rawn rawlh lut nghal zat bawk . Min ti hamhaih takzet ,a awmah chuan nam datin ka awmsawn zui a “ Haw ang,hetiang ka duh lo " tisepin a bike awmna lam chu ka pan zui a ,thaw hawk in muangchang chuan min zui a .

Ngawi reng hian kan in lam pan chuan kan tlan chhuak dun nghal vang vang ringawt,min mangtha miah lo hian kan in kawt kan th blena ka chhuh rual chuan a tlan chhuak zui leh a . Ka en reng ringawt,dik tak chuan a hmeltha in a pian a nalh a ,amah duhtu an tam bawk . Mahse ka tan chuan thil thar ang vek a la nih a vangin hmachhawn dan ka thiam hlawl lo a ni 

Kan naupan lai atangin ka ngaisang thei em em a ,mahse Jolie khan hnaih lo turin min ti bawk si . Ka pa min lo biakna chu a rul tawka chhangin ka room lam chu ka pan zui a . Khumah chuan ka bawk nghal thlawp mai,in ngaihzawnna lam hi ka ngaihtuah ngai lo nen ka buai vek ni ber mai 

XAVIER

CHAPTER 2 

MAWITEI BAWITLUNG

Class kal tur chuan ka chhuak leh hnak hnak a , University ka thlen chuan kawtah an lo thawm nak nak mai,chutah Xavier leh hmeichhe pakhat lo infawp ngawr ngawr chu an en thap tih ka hre nghal . Nimin lawkah min fawp a vawiinah midang maw? Hamhaih zet chuan ka ding a ,an inthlah rualin a hmeichhia chuan an in ngaihzawn thu a sawi a,kut an beng nghal dar dar mai .

Kalsawn mai ka tum chu Xavier chuan min rawn hmu fuh a ,min auh din avang chuan keipawh chu ka ding chat. Khawnge Jolie hi a awm ang le ” Hetah rawn hruai teh u " tiin midang chu a tir nghal zag . Chuveleh mipa pahnih rawn pheiin ka kutah an rawn man bet a ,ka tal ve tak nangin ka tal chhuak zo hauh lo “ Min thlah rawh u " ka ti that a . Mahse an ngaithla duh der lo , Xavier bul kan thlen rualin alamah min pawt dawrh a 

Ka dara hmer chatin min en chhuk run mai,keiin hlauthawng zetin ka en kar thung ” Niminah ka dawi kual a ,min duh viau lehnghal" tiin a nui hak a ,midang pawh chu an lo nui dar dar mai . Ka thaw hak,khang kha min lo chhaih kualna lek maw? Ni e ahma a Xavier ka hriat thin kha a ni tawh lo tak tak a nih hi,midang chu an tam bawk si ka zak takzet ” Vawiin atang chuan henu hi ka hmelma tih ka puang e " a tihleh chuan midang chu nui hak hlawmin min en thap a .

Engmah ka la hrethiam chuang lo,chutah ka samah eng emaw hi an rawn vawm khu luih a ,ka khuh nghal that . Min bawr luih luihin ka sam chu an rawn pawt thul,ka thawmhnaw lah chuti bawk ,ka thawk a buai dawn hial mai ,lung tha lo ka neih avangin hetiang thil hi ka zo lova ka nu leh pa min venthawnna ber a ni thin , Jolie chu rawn au thatin midang pawh chu an awm sawn nghal thap a .

Jolie chiah hian engkim a hria ,ka kuah nghal thlawp ,thawk ka la kawk kawk bawk a . ” Ka u,Jolie hi tibuai tawh suh. Midang ang a ni lo a nia ,ila inchhir zawk ange ,i nungchang hi sim tawh teh " tiin min kalsawn pui a , Xavier chu hawi letin ka en leh hram . Min melh ngurin a hmeichhe kawngah chuan a kuah a ,a kalsawn pui nghal nal nal chu ka thlir reng ringawt “ Sara i tha em?" a tihchuan ka bu nghat a .

“ Joe Xavier hi a danglam tawh takzet ,a hma kha chuan min duat theih tehlul nen" ka tihchuan a bu nghat nghat “ Ka nu leh pa in thenna nen a nungchang leh mizia a thlak zova ,keipawhin mak ka ti a sin . He University mai nilo hmun dangah pawh amah hre tu leh duh tu an tam em em a ,mahse eng atan mah hmeichhia hi a ti tak tak lo . Ka khap fova ,mahse a sim theilo chu a nih hi,hmeichhe chhaih kual hi a sim thei meuh lo .

Hei vang hian ania hnaih lo tur a ka tih che " a tihchuan ka bu nghat nghat ringawt,ka sama thil kai chu min tihfai pui mawlh mawlh a . Kan chhuah leh chuan midang ho min en dan chu a dang nghal vekin ka hria min kawkin an nui leh thin a,ka awm a nuam lo zo vek tawh . Jolie erawh in engah mah ngailo angin a awm tlat thung “ Jolie kalsan ta che ,i unaupa hmelma chu i kawm tlat a" an tihchuan engtin mah a chhang lo va .

A hmel ngai reng chu pu in min la be bawrh bawrh tho,thawk leh khatah eng emaw hi palin chhuatah chuan ka tlu bawk thlawrh a , Jolie chuan hmeichhe pakhat chu a khawih nghal chawrh “ Ngaihdam dil rawh " a tihchuan chunu lah chuan a tum loh hmel nasa ,a thiante chu an rawn hnai thuai a ,tho chhuak vatin Jolie chu ka chelh a “ Ka tha a lawm,kal ang" ka tihchuan a duh loh hmel hle , ka thlavang a hauhnaah lawm viau mah ila keimah avanga buaina a tawh ka duh lo .

Xavier chu ka haw takzet a ni,class ah te chuan hmeichhe thenkhat chuan min kap ta fek fek a ,lehkha hlawm te hian min rawn vawm leh thin . Ka hre lo der tlat thung,haw dawnah chuan Jolie chuan min ngaihtuah viau a ,mahse kan awmna in ang hek lo . Min kalsan turin ka hrilh hnuah a kalsawn hram kha a nia,ka hma a bike rawn ding chu tunge a nih ka hailo,a hnungah chuan kha a hmeichhe fawh hnu kha mawng pir vahin a thu bawk a .

Melh pawh melh duh lo in hmalam chu ka pan chhat chhat a ,taxi rawn tlan ka phar din rual chuan chak zet hian Xavier chu a rawn tlan chhuak a ,leiah chuan ka thu nghal hnawk . Thinrim zetin Xavier te tlan liam tur chu ka melh vak ringawt ” Nula i tha em,tunlai naupang ho hi chu aw duhtawk hian an tlan thin a " tiin driver chuan min rawn kai tho va ,lawm thu hrilhin a hnungah chuan ka thu lut nghal zat .

Kan tlan chhuah hnu chuan ka kut chu ka sik neuh neuh a ,New York lama kir leh mai te ka duh rum rum mai,khatah kha chuan hetiang em em hian tumahin min tingai lo,mi fel tak tak vek an ni si a . A tuk lam college ka kal pawh chu min lo tibuai leh ta ngei a ,ka insum thei tawh lo a hmaiah chuan ka hneksak sawk a ,chu veleh a bialnute thian ho chuan min khawih rawn leh ta mai a 

Min tam hneh bawk nen ka tan chuan chet ngaihna pawh a awm lo “ A tawk " ti a Xavier a rawn tawng takah chuan an tawp ta chauh va ,ka thawk buai tur anga a awm avang chuan ka ip chu dap rawk rawkin ka damdawi chu ka phawrh sawk sawk a ,ka hmawm nghal zat . Thawk la ham hamin ka kun ngar a ,chuveleh Xavier chu ka bulah rawn thu hniamin ka damdawi bur chu ala a .

A ziak chu chhiarin min rawn melh nghal run ” I thaw a hah thin a maw " tisupin chiang zet chuan min en a ,engmah sawi lo chuan tho chhuakin kalsawn ka tum a . Ka banah chuan rawn man betin min pawm kang nghal nawlh ”Min thlah nghal rawh nunrawngpa ka haw lutuk che " tiin a awmah chuan ka chum dawt dawt a ,ngaipawimawh lo zet chuan college chung lam chu min panpuiin a chung zawl lai kan thlen chuan min dahthla chauh va 

Ngawi reng chuan khua chu kan thlir dun a ,kan hnuai lama zirlai dangte che kual chu kan en reng “ I damdawi kha engtik atangin nge i ei tan,naupang hrisel tak kha i ni thin si a " a tihchuan ka nui hak,min ti duhdah te te a ka natna hriat a tum leh si chu ka haw hlur mai “ Ka kal dawn,i hmuh ang hian ka tha mah mah a ni " tihlakin ka kalsan dawn a“ Ding rawh " a rawn tihleh avang chuan ding deuh datin ka hawi let a .

“ Ka nunah thu neih tum hauh suh,mi i ti duh dah te te a tunah min ngaihtuah awm ang ziazanga awm kha a ngailo,ka kaldawn i duh duh chu tirawh " tiin ka kalsan nghal nal nal . Ka thil tawn tam tak avang hian ka taksa in a tuar nasat phah a ,damdawi ei ka ngaih phah ta hial chu a nih hi . Class ka luh hnu lawkah Jolie pawh a rawn thlenga ,ka nuam vak lo nen ka tawng tha peih meuh lo .

Lunch ei turin kan kal a ,a chhung kan luh lai chuan an lo phun mur mur a ,a then an lo au lung lung bawk . An nih dan phung nimahse ngaia neih erawh a har deuh chu a ni, Xavier te pawh kan hmu a . Eitur chu la khawmin Jolie nen chuan dawhkan pakhatah chuan kan thu a ,kan ei nghal mawlh mawlh ,ka bula rawn thu an awm rualin Jolie chuan a melh nghek a , Xavier bawk tih ka hriat chuan keipawh chu ka thil eilai ka tawp chat.

“ Ka duh ve " tiin ka thlenga eitur chu a rawn ei ve a,rum zeta melhin ka thleng chu ka khai kang a ,a rawn ban zel avang chuan dawhkan hnuaia a ke chu ka tum sak nghal nghek . Rum hakin a intuai vut vut a “ I va uikawm ve " tiin ka hmuiah chuan a rawn fawp leh thut a ,thawm chu a reh nghal duk mai . A awmsawn rualin ka hmui petin thinrim zet chuan ka en a ,a la nui vur vur zui lehnghal .

“ Ka u" Jolie pawh chuan a rawn ti deuh tuar,a nilah chuan ngai pawimawh lo zet hian keimah ringawt chu min en a “ A tawp nan ka zawt nawn leh ang che ,ka bialnu i ni dawn nge dawn lo " a tihleh chuan midang chu an phun nghal mur mur mai “ Min tibuai tawh suh" tiin ka ei tur pawh chu ei zo lo in ka tho chhuak a ,pawnlam chu ka pan nghal hlawk hlawk .

Tinge kan inhmuh ruala min fawh reng le ,ka rilru a ti buai vek,eng ngaihtuahna fim mah ka hman theihloh phah lehnghal,hetiang chuan hetah pawh hian ka awm reng theih pawh ka ring lo,min rawn zui ve zel tih ka hriat chuan ka kalchak zual sauh . “ Min zui zel suh " ti thatin a awmah chuan ka nawr nawk a ,nui vur vur chung hian alamah min pawt hnaiin min kuah bet a .

“ Hetia awm hi a nuam " a tihchuan ka ngawi kar ringawt ,a lungphu chu ka ngaithla kar a,a taksa lum ham ham leh a perfume rim chen chuan ka taksa chuan a hre nghal hle ,lungphu dawt dawtin ka ngawi kar a ,ka biangah rawn dawmin min kuai dak a ,mitmeng tle rala min enna chu ka hmu chiang viau mai . “ Ka zawhna che kha min chhang rawh " a tileh sup a .

Engmah ka sawi theilo,ka dang chu an ro hulh mai ,khur dar dar hian ka en kar rimgawt. Ka biangah chuan rawn nulin min kuah nghet sauh a ,danna chang ka hrelo hrim hrim . Chutia kan din reng lai chuan thawm a rawn awm thut a ,rang zet chuan ka awmsawn nghal vat a. Class lam pan chuan ka tlan vang vang ringawt .