MY DRUG CHAPTER 9

MY DRUG

CHAPTER 9 

Ka hmaa mipa an phuar hlawm reng chu ka en a ,ka kuta silai chu ka melh leh zawk . Linden rawn kap tu ngei tih Fred ten an sawi bawk nen ka huatna a zual,amah avangin ka pasal ka thlakhleh em em bulah ka awm theih loh phah a ni si a . Tun thleng a la harh chhuak lo bawk “ Engvanga Linden kha kap nge i nih? Tu tih tir che nge " tiin ka melh kar a ,a ngawih reng avang chuan ka dawh thei tawh lo . Amalah chuan ka kap pawp mai. 

Rawn au chhuak tuarin a then tlawk tlawk ringawt “ Tunge sawi rawh,a nihloh chuan ka kap leh ang che " tiin a ke lehlam chu ka tin a. Thah hrehna ka nei hauh lo, Linden hna ka kutah a tlak tak avang hian ka insiam rem ve zel a ngai tih lah ka hailo ,“ Ka sawi....ang" bah naka a rawn tihchuan ka nui sak “ Anihte chuan sawi ta che " tiin ka kut chu ka melh zauh a ” Mr. Grey a ni" a tihchuan Liuis zawk chu a lo inrawlh vat mai .

“ Mai mai chuan chu putar a chuan a tum tawk a hrelo a nih hi ,rei a dam hauh lovang " tiin chupa chu a that zui a . Keiin tual ka thah chu an duh tak tak lo tih ka hria “ Ka kal phawt ange Linden ka hmuh vat a ngai" tiin ka tho chhuak a ,damdawiin lam pan chuan driver leh bodyguard pahnih chu hruaiin kan tlan zui a ,damdawiin kan thlen rual chuan Linden awmna lam pan chuan ka kal nghal hlawk hlawk a .

Darthlalang chhan atang chuan ka en ngawt ngawt,heta tang bak ka la hmu thei silo . A him nan vengtu kan dah reng a ,thah tum tu hian a tum nawn leh ang tih pawh hriat a ni silo . Ka pum chu ka khawih a “ Linden i sawi fo fa kha kan nei dawn a sin,lo harh vat ta che. I nghah hleh em kha hriat ve i duh lo em ni? He darthlalang phen atang chiaha hmuh che hi ka ning tawh,lo harh vat teh " tiin ka mittui tla chu ka nuai nak nak a , doctor rawn kal chu enin ka pan vat .

“ Engtianga rei nge hmuh in la phal loh dawn cheu a , doctor in nia ka pasal saw engvanga hmuh phal miah lo nge in nih? Hre rawh u,a chungah thil tha lo a thlen vaih chuan nang leh in damdawiin hian in tuar hmasa ber ang" ka tihchuan a hlauh hmel hle . He doctor teh hrep pawh hi ka ring love ” Vawiin ah American doctor an rawn thleng dawn a ,an ni chuan engkim an rawn hre tawh turah ka ngai " ka tihleh chuan a mengkual zek zek tawh mai .

“ Ka tihpalh a ni,mahse a tha thei ang ber chuan kan enkawl a nia ,naktuk atang chuan a hmuh theih tawh ang" a tihchuan ka lungawi chuang lo,ka pasal ka hmuh rem tih loh avanga hetianga hmuh phal a nilo a ti hi tih tir tu an awm tih lah ka hailo ” Tunah ka hmu duh,ka pasal saw enchiana in enkawl tha reng em tih hi ka en duh,naupang mawl tak angin min hmu nge ka mawl emaw i ti? Ka pasal saw keimah ngeiin a dinhmun ka hre khawp ang " ka tihtak fakah chuan a meng khup zul zul a .

Damlo hmuh nan bika an thawmhnaw dah chu ka inbel nghal sawk sawk a ,nurse te chuan min pui bawk . Ka kut leh hmai chu tuam vekin khuma mu bam chu ka pan a “ Ka lo kal a nia Linden,ka lo kal harh tawh teh ,engtikah nge ilo harh ang tih nghakin nitin hetah ka lo kal asin .

Enteh ,i fa ngei he ka pum chhungah buan a insiam mek a ,chu pawh chu ila hre ve miah lo a ,naute pai vat vat turin min duh kha " tiin oxygen hmanga thaw tawk tawk chu mittui nen ka melh vawng vawng a ,theih nise he a natna hi chhawk in a nat ai hian nat ka hnial lo a sin. A hmai chu kutkawr chhanah chuan ka chul a ,a hmel dang lap te chuan min ti na ngawih ngawih .

A tello a ka awm theih loh tur zia lah ka hrechiang si” Ka hmangaih thu che pawh ka la hrilh miah lo che a nia ,ka hmangaih che chuvang chuan lo harh tawh rawh. A rei tawh emai" tiin ka tap hlap hlap a ,a kut rawn che ka hmuh chuan doctor thusawi kha ka ring hlel sauh,a ni hian rawn harh a duh a ni . Chuan ka thusawi a hre thei tih ka hria .

“ Kei leh kan naute tan hian lo harh vat rawh aw ,ka innghahna neih chhun i nih hi,keimah chiah chuan khawvel hi rei ka hmachhawn theilo ang . I tello in ka awm rei theilo " tiin mask chhanah chuan a hmui chu ka tawk a ,chhuah a hun tawh thu an rawn sawi takah chuan muangchang chuan chhuak zuiin ka inthlak nghal mawlh mawlh .

“ Doctor dang duty rawh se ,tin hepa hian ka pasal hi a hnaih leh tawh tur a nilo " ka tihchuan “ Awle Mrs Cameron" an tirual thap a ,damdawiin pawnlamah chuan chhuak zuiin Fred te ka call zui a , Mr grey an dah that tawh thu an sawi chuan ka thaw huai,hnu an thup thiam bakah tumahin kan tih an ring pha dawn lova ,chhui chhuah ngaihna an hre hek lovang.

Linden harh hma chu a hna hi ka chelh mai a niang chu,a lo harh vat theih ka beisei tlat bawk

ZAWMNA 

Linden enkawl tu tur pawh an rawn thleng tawh a ,an check hnua an thusawi chuan min tihlim hle . A lo harh thuai pawh ka beisei,nau ka pai bawk nen ka tan chuan a hna zawng zawng enkawl sak chu a har lam hret a ni e . Fred leh Liuis awm lo phei se chu eng ka nih ka ring lo, Kelsey leh Liliana nen an pali in an inzui diah diah hmuh te chu a nuam hle bawk nen ka khua pawh a har lutuk loh phah.

Linden pawh nitin ka hmu thei tawh a ,a bulah ka awm deuh chawt ti ila ka sawi sual lovang . A taksa pawhin hmuh theih khawpin hma a sawn chaka chu chuan beiseina min neih tir sauh sauh zel,nitin kan naute nen kan chanchin ka hrilh mial mial a ,harh lo mahse ka aw a hriat theih ka ring tlat a ni . Nikhat chu ka nawm loh em avang chuan Linden bulah pawh thu lo in damlo riahpuitu mutna tur an siamah chuan ka mu a 

Ka luak chhuak leh luhai nen ka che chang peih meuh lo,Liuis te lah an rawn kal a la hun bawk silo . Keimah chuan ka tuar tlawk tlawk ringawt, doctor leh nurse an rawn luh rual chuan min rawn pan vat a ,ka bp vel chu an check nghal mawlh mawlh a“ In enkawl that i ngai a nia ,naupai chuan ei tur ei that leh mut tam te a ngai a . I taksa a chau a nih hi,hahchawl rawh i pasal pawh a tha zel a nia .

Kan awm a nangmah hi in enkawl hmasa teh,i thiante pawh kan lo hrilh dawn a nia " doctor Ryan chuan a rawn ti dam dup a . Kan innel ve tawh bawk nen damdawi in ka awm chhunga ka kawm ber a ni ,khum lam a thawm a rawn awm takah chuan kan hawi phei rual thap a, Linden rawn meng chhuak ka hmuh chuan ka mumang emaw ka ti hial.

“ Linden" tiin ka nawm lohna theihnghilh chuan ka tho chhuak a ,ka pan nghal zat “ Zara " a rawn ti ve sup a . Ka tah nuih hak,a kut rawn phar chu vuanin ka mittui chu ka nul tir nak nak “ I rawn harh tawh dawn lo emaw ka ti hman a sin,tinge i mut rei em em . Thlakhat chuang lai i rawn meng miah lo a nia " tiin a hmel chu ka en kar a ,ka hlim lutuk avang chuan ka na te chu ka theihnghilh vekin ka hria .

“I mittui kha ti tla hauh suh " tiin ka kut chu a fawp zauh a. A bulah chuan kun hniamin a hmui chu ka fawp vang vang a ,zawi zet hian min lo chhang let peih tawk a ni ” Ala chau a nihkha ,muhil leh se la a rawn harh leh hunah chuan a zia awm kawk mai ang" Ryanan a rawn tihchuan ka thaw huai mai ” Muhil leh rih rawh,ilo harh leh vat thung anga. Rei deuh mut ka phal tawh miah lo a nia .

Hrilh tur che ka nei tih hria la ,rei tak min mutsan tawh hauh suh" tiin ka nuih sen sen a . A rawn khi ve suk mai,thu awih tak chuan a muhil zawm a ,keipawh chu ka chauh em avang chuan ka mutna lam chu ka pan leh ta vat a . Ryan te pawh rei awm lo in an chhuak thuai a ,ka mit chu chhingin reiloteah ka muhil zui ve mai bawk “ Boss madam chu kan enkawl tha a lawm,a bo lo sawta saw a muhil .

A awmpui char char che a a chau a nih saw " tiri chuan min ti harh chiang hle . Linden lo thu chhuak leh Liuis leh Fred an an lo chelh beh chu ka en kar “ Linden" mit nuai chat chat chuan ka pan phei a “Tinge i thut chhuah,ila dam chiang lo tih hre ta che " tiin a darah chuan ka va dawm sak a ,ka kut chu a lo vuan nghal chat“ I bo emaw ka ti a lawm" tisupin ka dul zawnah chuan a rawn bei a ,ka lo chul nghal heuh heuh 

Fred te chu pawnlamah an chhuak leh a ,kan pahniha kan awm takah chuan aw thian kharh kharhin ka namsawn deuh a “ Linden ih maw naute ka pai a " ka tihchuan a rawn hawi chhuak nghal vut a ,ka hmel chu chiang tak hian en in thu dik ka sawi nge sawilo hriat a tum a nimahna . A kut chuan ka dul chu a rawn chul zai zai a ,lo chhah deuh tap tawh mai chu nulin a nui zui suk bawk .

” Ka naute ,ka fa " tiin a phun sup sup a ,a bei hlun bawk ” Ka hmangaih che Linden " ka tih phei chuan a hmel chu a eng sawt sawt niber hian ka hria “ Ka lawm e ,keipawhin ka hmangaih che u,ka mutsan leh tawh hek lo vang cheu " a tihchuan ka nuih var var ringawt. He kan nunah hian duh kan thlang thei lova ,mahse hlimna min pe hram reng tur erawh chuan khuanu ka dil fo ngei ang.

(NEXT AH LAST TIR KAN TUM ANG AW