MY DRUG ( KA PATEA) CHAPTER 3

MY DRUG 

CHAPTER 3

“ Linden " room atanga ka chhuah rual a hmeichhia in a hminga a ko ri leh a nui zui har har chu ka hria a . Sitting room lam chu ka pan nghal vat,chutah a bialnu hnuhnung bera an sawi nen an lo awmdun avang chuan thinrim zetin ka melh nghek . Khati khan min duh awm ang tawk te in a tawng ve a ,min bawl kual ve mai mai hma a New York a ka let leh vat a ngai ani . Min lo enkawlna chu ka hrelo pawh a nilo,mahse hetiang ringawt chuan a bulah ka awm theilo.

Keipawhin ka hmuh hmasak ber atang khan ka duh a ,mahse ka nu leh pa ang maia en tur a min tih avang khan duh loh tumin ka awm zui kha a ni reng a ,ka rilru a hre hman lo chu ka lawm tak zet . Duhthawh zet hian an infawp nghawng nghawng a ,ka pan hnai zel “ In duh chuan roomah sawn va awm rawh u,awmpuite hmuh lai leh ka hmuh lai chuan khatiang khan in awmloh hram ka beisei . Chuan pate nangpawh i bialnu te hi thlak zun reng suh " tiin ka room lam ka pan a ,naktukah a office kal laiin New York ah kal ila a tha ber .

Hetiang chuan bialnu nei reng chunga a fa min pai tir a tum tih ka hailo,hetiang tur atan mai mai hian min lo enkawl chu a ni awm sia ,ka thawmhnaw chu ka siam sa thlapa ,pawisa khawlsa ka nei ve bawk nen New York ah ka thiante dawrah ka thawk thei tho bawka ka in enkawlna tur chu ka thawk chhuak thei em em ang . A bialnu nen chuan an riak dun tih ka hria,ka rilru siam fel turin min ti a ,hmeichhe dang a awm pui nghal zat a .

Tunah chuan ka rilru ka siam fel tawh,chu chu a hlat thei ang bera awm leh hi a ni . Zingah a chhuah rualin airport lam panin ka kal ve vat,a bodyguard rinawmte pahnih an awm lo hlauh chu ka vannei, airport chhungah chuan lutin terminal lam chu ka pan a ,ka ticket phawrha hmuh ka tum chiah chu ka kang nghal lawp . Ka au that a ,min chawi kang tu hmel ka hmuh rualin ka tal nasa sauh “ Min dahthla rawh,ka kal duh i bulah ka awm duh tawhlo,min enkawlna man chu ka inhlawh anga ka rul leh vek ang che " tiin ka tal nawk nawk a .

Ka thusawi ngaithla lo tih hriat takin pawnlam panin min pawm chhuak a , airport a mipui awm ho chuan min thlir thup a . Min puih tum hmel pawh an awm lo “ Min tlanbosan i tum vel a maw?" tihrawkin a car ngheng dawt chuan min nawr bet a ,ka en nghal kar ” Ka kal duh,i bulah ka awm duhlo, i mi enkawl nachhan pawh i sawi ang khan ka puitlin deuh hun nghaha fa min neih pui i duh a nilawm ni? Khatiang mai mai tur khan ka inphal bik hleinem,bialnu tha tak i neih kha pai tir zawk la ,keichu min kal tir zawk rawh . 

Ka ngen a che pate min kal tir hram rawh " tiin airport lam chu ka melh a ,dar 10 a chhuak tur New York pan tur chu lut vek tawh turin an rawn au lauh lauh a ,kal leh mai ka tum chu min pawt letin carah chuan min hnawh lut nghal rawk . “ Linden ka kal duh min kal tir hram rawh " ka tihleh chuan “ A tawk!" ti hrawkin silai in min tin ta mai . Ka hlau lutuk chu ka khur der der thei hial,engtin nge hetiang silai te a pai theih . 

Hetiang hian min thah a duh maw? Ka tap chhuak hawm hawm a ,chuveleh a silai chu dahthla in a thaw hawk a ,min kuah te chu ka tal nghal nawk nawk,hlauhna nena ka en chu lungawi lo tih hriat tak hian min melh run a” Min thah i duh maw? Ka fahrah avang hian tiraw min hmuhsit em em? Min enkawlna zawng zawng te kha a lem vek alo nih hi,min duhthu i sawi te pawh kha dawt vek " ka tihchuan min chhang lo .

Ngawi reng chuan min kuah bet tawp a ,kei erawh ka lungchhia a reh theilo . Rei fe ka tah hnu chuan ka tha te chu zawi zovin ka thaw hle hle a ,ka melh ngai chu ka melh tlawk tlawk “ Ka awmloh chhunga lokal bo tum tawh hauh suh ang che" tiin in kan thlen avang chuan car atang chuan min pawm chhuakin inchhung lam chu min panpui a ,ka thaw ham ham ringawt . Ka roomah chuan min luhpuiin khumah chuan min mutthlak pui a .

Ka thawmhnaw ken chhuah ve te chu awmpuite chuan rawn keng lut lehin a ngaiah chuan an rem mawlh mawlh a ,an chhuak zui nghal daih bawk . Ka la insut faih faih a ,min biakna pawh chu ka chhang hek lo “ Ka bialnu kha i duh lo a nihchuan ka kalsan ang" a tihpawh chuan ka la en chuang lo,ngawi ngar chuan ka en ngai chu ka en tlawk tlawk ringawt.

Ka chalah rawn fawpin eng emaw hi a sawi sup a ,ka hmuiah a rawn fawh pawh chuan ka awm ngai chuan chelo in ka awm ngat ngat . Ka mit chhingin a awmlohna lamah ka inher a ,ka hnung lam atang chuan min rawn kuah leh ngat . Tal buai in awmzia a neilo tih ka hriatchian avang chuan ka tal duh lo law law ,a perfume rim chu hip lutin ka thaw hak a ,a bula awm hi ka ning takzet tawh ..

Remchang ka hmuh hunah New York ah chuan ka kal tho tho vang,a kut lian leh lum vung vung chu ka kawngah a dah a , abawp sei leh hrawl zet chuan min khan bawk . Haw viau mah ila biak ka peih miau loh avangin ka tuar tawp “ Min biak i duh lo em ni?" tisupin ka beng vel chu a hmuiin a hrut a ,a kut chuan ka dul thep zai chu a chul dan dan bawk ,ka nghawng velah te chuan fawp kualin a thaw ham ham reng a .

Chhan ka la tum chuang lo “ Engvanga New York chu let tum leh reng reng nge inih? Nimin khan kan sawi chiang tawh viau emaw ka tia" a rawn tihchuan ka inseh ruh nghek “ I bulah hian ka awm duh lo tihna a nimai,i hmel pawh hi ka hne,tin bialnu nei reng chung chuan min beisei chu tum buai duh suh . Bialpa ka nei a ,a ni tan chauha awm ka tum " ka tihchuan a nui suk ringawt.

“ Chumi chu ka la ni ngei ang, hre reng rawh Zara ka ta ila ni thuai anga min la mamawh ngawih ngawih turin ka siam ang che" a tih chuan chhan pawh ka chhang peih tawh lo . A engkim hi ka ngei hluah hluah ,a awmah min bei tirin a .mit a chhing hmaka , office kal a tum tawh lo emaw ni . Ban a la hun lo ropui si,tu in nge New York ah ka let tur thu hi lo hrilh ni .

A nilahin min kal tir a tum der silo ,ka rilru a hah takzet. Ka kalsan lo a nihchuan a fa pai hun ka la nei ngei anga,tuna a bialnu pawh hian fa a nei duh lo anga ,chu mi aiah chuan keimah hmangin neih an tum lovang tih tunge sawi thei? Tumahin an sawi thei hauh lo ang .

ZAWMNA...

Ka lu hai bur nen chuan ka tho chhuak a ,Lindena chu a la muhil reng a kamiz kilh chu phelh thawlin a awm uk kharh chu a lang chiang hle ,a six pack te chu a lang vek bawk . Ngei zet chuan ka melh a ,khum sir dawhkan te a a silai dah chu ka melh vang vang . Kah mai te ka duh ut ut hial “ Min thah i duh em ni?" a rawn tih avang chuan amah zawk chu ka melh ta vat .

Khi sak hian a rawn thu chhuak a ,“ I duh chuan ka tih ang chiah che khan min tin let ve ta che " a rawn tileh sup a . Ka la chhang chuang lo,ngawi renga tho chhuakin bathroom lam ka pansan a ,ka inbual pah chuan a mi tih dan ka ngaihtuah zawng ringawt pawh chuan amah huatna in ka khat thei . Silaia min tin a min vau bet kha ka huat ber a ni, ka thih pawi a ti miahlo tihna a nia ,engtin nge kha chen ka lakah a lo inthup theih zawk ni.

Ka chhuah leh pawh chuan a lo la awm reng a ,be duh lo in ka inthlak mawlh mawlh . Vawikhat pawh biak leh ka tum tawh lo,a tul chuan tawng theilo ang pawhin ka awm hreh miah lo ,chhuahsan ka tum chuan rang zeta rawn tho chhuakin ka banah a rawn vuan a,ka melh kar chu a hmui tikawi nawkin ” Engvanga min be duh miah lo nge i nih? I chunga khatianga ka chet nachhan kha nangmah tho ini tih theihnghilh suh" a rawn tihpawh chuan engmah sawi chuang lo in ka kut ka la sawn a .

Ka haw hluah hluah tih hi hria se ka duh ,ka chhan chuan loh avang chuan nui sukin “ Engtia rei nge i luhlul theih kan en ang chu " tiin alamah chuan min pawt phei dawrh a ,ka hmuiah chuan a rawn fawp nghal ta chat . Ka tal na leh namsawn ka tumna te chu engah mah ngailo in ka ka chhunga a lei rawlh luh tum chuan tan a la a ,ka hmui chu ka chip lui ve tang tang bawk “ Awm tha mai mai la i tan a tha a nimai ,min do hian nuam ka tih thin zia chu i hriat kha Zara" tiin min fawp nawn leh ngat a .

Ka hmaia a hmer takah chuan ka na ti chu ka hmui ka ti kau a ,chuveleh rang zet hian a lei chu a rawn rawlh lut nghal hmiah a. A mipatna ruh tung chu ka hriat ngei theih nan min pawt hnai zualin ka dul zawnah chuan a rawn nawr salh ” Duhtawk rawh Linden ka haw lutuk che ,min thlah nghal rawh " tiin ka lu chu hersawn ka tum a ,min man nghet bawk nen ka tal theilo hrim hrim ,min fawhna atanga awm sawn pah chuan a nui suk a “ Tawng tir chu i harsat loh hi ,chuvang chuan luhlul lo khan awm la .

I tan pawh a nuam zawk ang " a rawn tileh chu insum thei tawhlo in a kut chu ka la lawk a ,a ban rekah chuan ka seh nghal vak . A ner ve sawk mai ” Engthil,nang naute kawlh zet hi " tiin a kut chu a lasawn a ,min melh run run mai . Tlanchhia in pawnlam ka pan a ,gate ka thleng tep tihah chuan min pawt let dawrhin chhuat phah chang laiah chuan kan in bawh thla chawrh mai . A chungah ka bawk hlauh chu ka vannei,a hmel ka en chu a mit a chhin tlat avang chuan ka hlauthawng hle .

“ Linden ,Linden " tiin ka sawi nawk nawk a ,a tukkhum atanga thisen chhuak ka hmuh chuan ka hlauthawng lutuk chuan a mah vengtute chu ka au tuar tuara,ka tap pur bawk . Ka thawmhnaw chu phelh sawk sawkin a tukkhum sawhna lai chu ka tuam a ,kan tlu na hle a nih ka ring . A bodyguard pahnih te chuan min rawn hnaih vatin pakhatin car a la chhuak a ,Liuis zawk chuan car lamah chuan paw pheiin ka zui ve a .

Ka au mawlh mawlh reng ringawt “ A tha ang tiru " ka tihchuan a that tur thu in min hnem ve tak nangin ka hahdam phah chuang lo,a tukkhum kha lung pawng laiah a sawh tih an laksawn khan ka hmu a . A lu lamah nghawng na tak a neih ka hlau a ni ,a kut chu vuanin ka au mawlh mawlh,min ti thinrim viau mahse na a tawrh chuan ka buai lo theilo,kha chen min enkawl a ,dawhthei tak in ka mamawh min pek loh lai a nei ngai lo va .

Tunah ka lak atangin thil duh pakhat a nei a ,chupawh keichuan pek har ka ti a nia . A hmeltha tak chu thlirin a mitmeng dum tak ngaih a chhing tlat chuan min ti hrilhhai in min tihlauthawng takzet ,damdawiin kan thlen rualin an lo buaipui zung zung a . Hre tu a ngah bawk a ,buaipui a hlawh nghal hle , emergency roomah chuan an nawr lut a ,a pawnah thutna an dahah chuan ka thu hnawk . ” Ngaihtuah lutuk suh,a tukkhum a sawhna khan ni khua a ti hre lo mai mai a nihkha .

A rawn harh leh vat mai ang . I hlauthawng lutuk a nihkha " Fred-a chuan a rawn ti a ,ka thaw hak ringawt . Doctor rawn chhuakin a that thu a sawi chuan ka thaw huai,a harh tih an sawi avang chuan engmah sawilo in a awmna roomah chuan ka tlan lut nghal vat a ,khuma lo thu mu a min lo melh kur ka hmuh chuan ka thaw huai mai . “ Rawn kal hnai ta che " a rawn tihchuan ka pan vat “ Tinge khatianga min pawh thut a ,min tih hlauhthawn zia i hria em?" ti tiauin a kut chu ka vuan a ,a lo vuan let nghal chat . 

Kan in upat hleih bakah a lian bawk nen ka kut chu a kut lakah chuan a te hle . “ Tikhan ka lakah feeling i neilo tih chu ila sawi thei em?" chiang zeta min enchung hian a rawn sawi a ,a hmel chu a thu takin a mitmeng chuan khawdang a melh lo hrim hrim . A lu chu an tuam bur bawk ka hmui chu pet zeuhin ” Aih" tihzawng chuan ka chhang ringawt ,alamah min pawt hnaiin ka hmuiah bawk chuan a rawn fawp a ,a lu na a chhuak nge a ner nghal sawk .

“ Dam lo inihkha awm mai mai rawh" tiin puan chu ka sin that tir a ,doctor in a rawn check leh lai te chuan a vin khur khur reng a,a thinchhe lutuk hi chu a buaithlak a ni . “ Khawiah phiangsen nge kal i tum a ,ka nat chhunga kal bo i tum a nihchuan hre rawh ka rawn umzui tho tho ang che " a tihchuan alamah inherin “ Vin hlur reng suh,khawiah mah ka kal dawn lo . Kal duh pawh ni ila i bodyguard rinawmte awm laiin khawiah nge kalse min tih reng reng ni,kawngka ka khar mai mai dawn a lawm" tiin kawngka lam chu panin ka khar nghal thuai a .

Hahdam hmel tak hian a mu nghal hnawk, alamah bawk chuan phei lehin a hmel chu ka en vang vang,a mit a chhin miau avangin ka en tih a hre hauh lovang,a khabe ruh kual nalh leh a hnar ngul sang vahte chu ka en reng,a hmui sen deuh chak leh a kareh zau lam mahse a inhmehpui zet si te chu an nalh riau hian ka hria .

(TUNLAI CHU BUAI A ZUAL A ,MI SAWM VEL TAL NIH A CHAKAWM)