MY DRUG ( KA PATEA ) CHAPTER 1 BY MAWITEI BAWITLUNG

MY DRUG( Ka patea) 

CHAPTER 1 

HNAMDANG STORY AW ,A CHHAN CHU KA COMICS DUH BER ANG DEUH NI DAWN A 

“ Little uncle " ka patea lam pan chuan ka tlan phei a ,a car chuan min lo nghakin a bulah a thiante leh a bodyguard te ni bawk pahnih chu an ding ve bawk “ Ilo haw ve ta maw?" an tihchuan nui var varin ka bu nghat a ” Ka lo lawm a che Zara" patea pawh chuan a rawn ti sup a . A awmah chuan ka bei nghal thak “ Ka lian tawh i ti em ?" tiin ka nuih var var a ,ka chhungkaw neihchhun a ni tawh a . Alakah ka pangchang viau bawk ,engkim ka thlenna awmchhun a ni tawh bawk nen ka tan chuan patea aia hlu an awm lovang .

Ka nu leh pa in kun 15 ka nihlaiin min boralsan tawh a ,patea hian an company enkawl pahin a ni pawh a nu leh pa in an boralsan tawh bawk nen kei nen intawngin a ni hian engkim min buaipui vek a . Chuvang chuan ka chhungkua tak takah ka ngai bawk,in kan thlenga amah a hausa bawka ,awmpui pathum leh amah enkawl tur bik a ruao bawk a ,kan pahnih chauh chuan a reh a ring te pawh a niang . Ka room tur lam min panpui in inchhung vel en chuan ka hawi kual ruai a “ Pate in hi i va chei danglam nasa ve ,ka bo hu alawm .

New York ah chuan hmun nuam tak tak a tam a sin aw ,nanglah ilo kal duh der silo a " tiin ka tawng zat zat a ,a ni erawhin hman a mizia la paih lo tih hriat takin ngawi reng hian ka thusawi a ngai thla a . Banga ka nu leh pa nena kan thlalak intar ka hmuh chuan ding datin ka en vang vang . Ka room turah alo dah chu ka lawm takzet ,ka room lah chu a zauin khum te lah chu a nawm hmel hle lehnghal . Ka khum tura a tihah chuan ka thu thla dat a ,dup nuam tih hriat tak hian ka thut zawng chuan ka ting euh euh lehnghal .

“ Pate ka lawm e aw ,a nuam lutuk " tiin ka nui var var a ,min rawn pan hnaiin khuma rawn thu chung chuan a mal a beng thuk a ,a duh ka hre nghal mai,ngawi reng chuan a mal chungah thu in a lam hawi zawng chuan ka kuah a ,min enkawl tirh atanga a tihdan fo niin vawitam a awmah bei chungin min tih mut chang lah atam . Ka mangchhia te a bo phah fo a nihkha “ Ka lian tawh sia ka rit iti lo em ni" ka tihchuan a nui hak a “ I tet ngaiin ila te reng emaw ka tia " a tihchuan ka sik vak a ...

“ Sual suh aw kan University ah te chuan college queen leh mipa ho duhrawn ka nih hi aw " in ti thei zet chuan ka sawi zat zat a “ A nihchuan puitling anga en tawh tur che in min duh tihna em ni? A ni em?" a tihchuan ka bu nghal nghauh nghauh a ,a awmah chuan min kuah betin ka kawngah chuan a hmer salh a ,a kutah chuan ka beng nghal hlak “ Pate khatiangin min tiziah suh" tiin ka awmsawn deuh a ,a hmel chu ka en ngar “ Puitling ang a en tur che in min duh a ni lawm ni,chutiang chiahin keipawh mipa ang in min en la ka duh" a tihchuan a thusawi awmzia ka hre hauh lo 

Mak ti a ka en chuan min nuihin “ Intifaila dinner ei turin ka lo nghak ang che " tiin min chhuahsan zui a ,kei erawhin a thusawi awmzia chu ka ngaihtuah dauh dauh . Lu thing nak nakin ka thawmhnaw phelhin bathroom lamah chuan lutin bathtub ah chuan ka inchiah vang vang a ,ka dam sawng sawngin ka hria . Thlawhna a thui tak chuan chuan taksa a na ve thum thei a nih hi, London khawpui ka awm leh ta chu ka lawm viau bawk . Room atanga ka chhuah chuan awmpuite chu an lo che sawk sawk hlawm a .

Choka lam chu ka pan ve thuai bawk . Patea chu dawhkan sei zetah chuan a lo thu run tawh a ,kan in hmuh khat vang nge a mi uap a na riau tawhin ka hria “ Pate khawnge ka thut dawn ?" ka tihchuan min rawn melh nghal vut a “ Ka bulah hian rawn thu rawh, tinge mikhual ang maia i awm taka? Diklo a awm em ni,i in leb i chhungkua kan la ngai vek a lawm" a rawn tihchuan thaw ham hamin a bula chair chu pawt chhuakin ka thu ve a 

“ Naktuk chu ka lenpui ang che ,khawia kal nge i duh le ?" a rawn tihchuan “ Pangpar huanah min kalpui rawh,chuan sahuanah pawh ka chak lutuk ,sakawr chung chuan te pawh ka chak " tiin chawhmeh chu ka insuah mawlh mawlh a . A ni pawh chuan ka thusawi chu min tihpui ngei tur thu a sawi avang chuan ka hlim hle bawk . Chaw eikham rualin tv kan en dun a ,kan nui dun leh hak hak thin,keiai kum 8 in a upa a ,mahse a kum naupan ngaihtuahin a puitlingin a fing hle tih chu hetiang dinhmun a thlen theih dan atang hian in hre maiin ka ring .

Ka tv en chu min lo en leh vung vung thin,kum 22 ka ni ve tawh a . Mahnia in enkawl zo tak chu ni mah ila baihvai taka ka awm laia min tuam hlawm tu hi kalsan leh tih lunghnur ka duh ngailo ” Pate tinge i danglam riauin ka hria " ka tihchuan a khi suk a ,“ Tu emaw in min ti danglam te pawh a niang,a mah ka hmuh in ka hahdam sawng sawng zel a ni ber " a tihchuan ka mit ka san euh euh a ” Wow chu hmeichhia chu ava vannei dawn ve ,min la hmuhtir ve ang chu .

Keipawhin ka hmu ve chak a lawm ,chuan ka room i chei dan ah sawn lawm thu ka sawi leh e,engtin nge ka thil duhzawng ila hriat theih,i hna ah i buai sia i theihnghilh vek ka ring a sin" tiin ka room chhung a chei dan vel chu ka zawt a “ Ka chhungkaw neih chhun leh ka naute duhzawng chu ka theihnghilh sak thiang hleinem ,i chau tawh ang va mu tawh rawh . Menrei lutuk a tha lo,i mit a chhe vat mai ang ,hna ka thawk tawh ange " a tihchuan ka hnial bik lo .

Room lam chu panin ka kal nghal vat,ka khum dup nuam zetah chuan mut kawr than nal zarh nen chuan ka mu a ,ka nuam ti lutuk chu mahni te in ka in let kual thul . Patea ang ka tawng hi ka vannei takzet ,kha ni khan lo hmull ila chuan fahrah dahkhawmnaah awm in mite nun awt reng rengin ka awm ngei awm si a ,tunah erawh patea vangin duh duh nei theiin ka awm a ,a chungah hian lawmthu sawi senloh ka ba in ka hria .

Ka ngaihtuahna chuan ka mut ti chhuak in ka ham bai bai a ,ka muhil nghal thuai . Zanlaia ka harh chuan patea chu ka bulah a lo mu a ,ka melh kawk mai ,min kuahin a muhil sak sak a ,dik tak chuan a hmeltha a ,a sanga a pian a nalh bawk ,chutah a la hausa tel cheu zui . Ka patea chu nilo se chuan ka ngaizawng ngei ang,a niin fa ang a min en laia lo ngaihzawn kha zahthlak ka tih avangin alak atang pawhin ka awm bo ta reng kha a nia.

A sam chu ka khawih sak neuh neuh a ,ka kawng chu rawn hmer salhin a insiam rem a . Min rawn hnaih sauh bawk nen chet ka la ngam tawh lo,a hmel chu ka en a,a mithmul pir sang te. A mithmul buk dum tha zet si te ,a hnar ngul sang leh nalh zet te chu ka enkual dan dan,hetiang khawpa mipa mi hipna ngah hi an vang viau in ka ring, New York ah pawh khan hmeltha tih tak tak chu ka nei a ,mahse ngaihnobei erawh ka la hmu lo thung.

Engvanga ka bula lo mu mai nge a nih le ,nge ni a ka awmbo reisia min ngai ve tawh nge . Chutiang thil ka ngaihtuah chhung chuan ka lo muhil zui veleh mai bawk a. Ka taksa chuan delhtu a nei ang mai hian thawk har ka tichu ka mengchhuak vat “ Pate engthil..." ka sawi zawh hma hma chuan ka hmuiah a rawn fawp nghal tawn tawn a , ka lung a phut dawt dawt bakah mak tihna hlirin ka khat “ Zara ka mamawh che " a tihchuan ka hamhaih deuh deuh ” Ma..mahse..ka ..patea ini alawm" ka ti bah nuaih a ..

“ Nilo inilo,thisen inzawmna kan nei heklo i hre chiang viau,ka laka rinna i nghah theih nan patea in tih tir mai che ka ni,mahse ka hmuh hmasak ber atang che khan keichuan ka fa ang nilo in hmeichhia ka duhzawng tak angin a sin ka hmuh che " a tihchuan ka ang pham a . Ka chalah a chal rawn nghatin a thaw lum ham ham chuan ka hmai chu a tilum hak a ,ka taksa chu a chul dan dan bawk ” A diklo,pate awmsawn rawh " tiin ka nam ve nangin a ni mipa tha chak chu ka namsawn zo der lo .

Ka hmuiah bawk rawn fawpin ka kut pahnih chu a kut lian leh a tang sei thlurh pakhat chuan ka lu chungah nem betin a kut pakhat chuan ka hnute chu a tham bawrh bawrh a ,min tihlauthawng takzet ” Pate duhtawk hram teh,tinge tianga i awm " tiin ka taksa chu inher tumin ka che ve sek a ,mahse lunglian takin a delh beh talchhuah ngaihna awm lo ang mai ka ni “ Tun atang chuan ka hmeichhia i ni tawh ang hre reng rawh,patea i tih ka duh tawh lo . I ngaihzawng anga min en tum ang che " a tihchuan ka chhang lo .

Ka mit ka chhing tlat a ,a hmel pawh ka en ngam lo a ni ber ” Hre reng ang che ,ka mamawh che a hun ka pe thung ang che . Chu mi chhung chuan i rilru siamfel tum ang che " tiin min thawhchhuah san a . Ka melh ngai chu ka melh ta tlawk tlawk a ,keipawhin tha ka ti ngei a lawm . Mahse tih hi a awm tlat si ,ka thisen zawmpui nilo mahse kum 7 chhung zet patea ang maiin ka en a ,mipa anga en chu ka tan a har rih lutuk tlat ,amah ka hlat lahin min hua anga min kalsan ve mai ang tih ka hlau bawk .

Keimah maia tal hrang tur chuan ka ngam loh bakah ka tan hna hmuh mai mai a har dawn tih ka hria,muangchang chuan ka tho chhuak a . Ni e a luck a duhtu a ngah zia leh a hmeichhe kawp te magazine luah reng tu ka hmuh hmaih ngai lova . A chanchin thar lam awm apiang an ngaihvenin mi hriat a hlawh bawk ,kei nen inkawp chiah ila miin engtin nge min ngaih ang. A duh zawng kalh ila a niin he in leh a nun atang hian min hnawt bo ta se khawiah nge ka kal ang?

Kei ang fahrah mai mai tan chuan khawi hmun mah a ni tluka min enkawl tu tur an awm dawn lo tih ka hre chiang viau si,room atanga ka chhuah chuan a gym roomah a awm thu min lo hrilh a ,ka pawh duh lo law law . Pawnlamah chuan chhuakin in pawna ui lo awm chu ka pan a ,ka chul hauh hauh a nghawnga a thi awrh chu ka en a “ Mikey maw ?" tiin ka nuih var var a . A nipawh chuan bauh that thatin min lawm ve bawk a ,chutia kan lo infiam lai chuan patea chu ka bulah a rawn ding thut a .

Ka lo en ha mai ,a exer lakna chu a thlan hliam a . Kawr a hak loh avang chuan a pian chu a lang chiang viau bawk,a dul thep zaih leh six pack te chu a inhmehin a v line te nen chen chuan ka hmu hman vek . Min en reng avang chuan ka hawisawn vat a “ Insiam hma ila kal duhna i ngah si a kan chhuah vat a ngai dawn a nia " a tihchuan nimin lama ka kalchakna sawi kha a la hre reng a nih hmel. Hniallo chuan ka bu nghat a ,tho chhuakin a mah chu ka hmachhawn ta ran .

A lakah chuan ka te rawih rawihin ka hria ,mipa ah pawh amah chenlo tu chu mi tamzawk an ni . A vantlang chunglam a ni miau a ,ka kawngah rawn kuah thutin ka hmuiah chuan afawp leh vang vang phawta . Hnathawk ho in min hmuh ka hlau lutuk chu ka che ngam lo hrim hrim ” Min duh zir ang che " tiin inchhung lamah chuan min kai lut zui a .