MY DRUG CHAPTER 8

MY DRUG

CHAPTER 8 

Crete iraklion kan thlen chuan ka hawi kual ruai mai,mitthlaah Lorna in Jason a nghah lai vel te chu ka hmu thei ruai ruaiin ka hria ,khawpui mawi tak a ni . Khawpawn tlang pawng laia inah min awmpui a ,chuta tang chuan iraklion khawpui chu a lang nalhin a mawi takzet . Tuipui cham put nen phei chuan a inhmeh takzet “ A nawm dan hi,cheng hlen dawn pawh ni ila ka hnial miah lo ang" tiin bathlarah chuan ka vir kual a.

Ka bulah Linden chu a ding ve bawk ,ka che vel chu hmuhnawm tih hmel zet hian min en a ,a nui ve sang bawk . ” Ka lawm e aw " tiin a nghawngah chuan ka kut in ka kuah a ,ka kawngah chuan a rawn vuan ve run bawk . Ka hnung lamah rawn dingin min kuah a ,kan hmalama ni tla tur hnuaia Iraklion khawpui cham duai mai chu kan thlir dun vang vang a ,nun chu a hahdam hliah hliah hian ka hria .

“I duhthusam enge?"a rawn tihsup chuan nuisakin a kut chu ka chelh te te a “Min hmangaih reng la,keimah chiah min en la hlim takin awmdun ila tih hi ka duhthusam ber a ni . Ka tan awm reng la tih hi" tiin alamah inherin ka kuah a “ Ka tan awm reng rawh aw ,min phatsan a nihchuan ka awmdan tur ka sawi lawk theilo" tisepin ka en chho ha a “ Englai pawhin,nang lo an awm ngai lovang ka tihkha ,ka hmangaih che a ka kalsan ngai lo ang che ,ka ta ni reng ang che " a tihchuan ka bu nghat nghat a .

Ka hmuiah rawn fawpin min chawi kang nawlh a ,khum lam chu min panpui nghal zat . Kan taksa thlan hlap chu in kuah chialin kan thaw dun halh halh a “ Kan ti deuhin i hre ve em?" ka tihchuan a rawn nui hawk a ” Chu ka duh ngun i ti deuh em ni? Theih phei se englai pawha hmangaihna chenpui che ka duh a sin" tiin ka chungah chuan a rawn lawn leh zata . Nernang chuan ka lo en reng ringawt,a rawn luh leh takah chuan ka thaw hak ringawt . A hnung te chu ka hamnan a pilh phung tawhin nia ka rin ni .

A hlimna hi ka duh ber a nih miau avangin ka as, PE dang duh lem lo,chubakah keipawh hian englai pawhin ka mamawh reng nimai hian ka hria . “ Pa ka ni chak tawh " a tihchuan ka nui hak “ A awm tawh hial mai thei a ni,tunge hria . I hmel chhun zet lo piang se ka ti" tiin a awm hmul deuh chap chu ka zut saj riak riak a. “ Keichuan fanu ka duh" tiin ka dul chu naute awm tawh ang mai chuan a chul heuh heuh a .

Ka nuih hak mai ” Mipa te chuan i hnung a zui thei zawk ang chu" ka tihchuan a lu a thing mut mut a ” I hmel ang chiah hi piang rawh se ,inbual tawh ang hmiang " tiin a mah chu tho chhuakin min pawm leh nawlh a. Bathroom lam pan chuan min pen pui nghal thauh thauh mai ,kan inbual chhung chuan a ni leh nilo ang mai a tawng tam ve em em lehnghal “I ril a tam tawh em" a tihchuan ka bu nghauh nghauh dik tak chuan Korean ho noodles thak tawk mai ka ei chak.

Ka thil ei chak ka sawi zat zat lai chuan a lo nernung a “ I pum ana ang,hmarcha ei vak suh" a tihchuan ka lei ka chhuah nghek “Na dawn lo,ka eichak a lawm. Um ei ang aw Korean restaurant ah min chawlh pui rawh" tiin ka mitmeng chuan ka tlawn a ,ka hmel nen zawng zawnga ka tihdanglam avang chuan a rawn nui hawk hawk mai . “Ok kan kal dawn a nia,mahse ei tam loh tur" a tileh hram chu ka chhang lo .

A hmun thlen hunah a hmu mai ang . Kan inthlak zawh hnuah min kai chhuakin Crete kan awm chhunga kan hman tur car chu kan awmna in kawtah chuan a lo awm a ,driver pawh a awm sa thlap nia . Linden hian tih theih loh a neih pawh ka hrelo , Korean restaurant lam pan tur a a tih chuan driver pawh chu a lo bu nghut mai,iraklion mi ngei kan chhawr chu kan tangkai pui dawn riau in ka hria .

Kawng bo a awm hek lo anga ,darkar chanve vel kan tlan hnu chuan Korean restaurant chu thlengin a chhungah kan lut a ,waiter leh waitress te chuan min lo chhawn nghal vat. Mi hausa leh chanchinbu luah tam chu eng ram pawhin an hria ka tih tawh kha. Menu an rawn dah chu enin Jajangmyeon ,Budae jjigae ,Janchi guksu leh arbawp tih vel chu ka chah a ,Linden erawhin luisa lam a chah thung. Ka thil chah an rawn chhawp chu a mengrum ngei mai .

Nuih vur vurin ka ei nghal mawlh mawlh “ I pum a na a nihchuan ka lawm lo hle ang,ka enkawl lovang che " a rawn tihmuk a ,ka chhang lo . Min enkawla buai leh ber ber tur a ni tih hi ka hre chiang ve tawk tawh . Ka duh angin a thak tha bawk a ,a tui ngei mai. Arbawp pawh chu ka keih tawn tawn a ,ei tur lam hi ka insum theih lohna lam tak a ni a ,ka dam that phawt chuan tlem tak ka ei ngai lo .

A ei tur chu a nipawh chuan a ei ve mual mual mai ,ka thil chah zawng zawng ka ei zawh meuh chuan ka puar tha hle ,mak tih hmel taka min en tu ho chu ka nuihsang ringawt “ I thei tui kha in rawh " a rawn tihchuan thu awih tak chuan ka in ve mai a ,thak lam hlir ka ei bawk nen a tul hrim hrim . Eiman chu a card chu pe in a lak let rual chuan pawnlam min panpui a, archeological museum ah kan kal dawn tih asawi chuan ka phur leh em em tawh.

Crete ah hian hmanlai minoan hunlaia an thil hlui chi hrang hrang hmuh tur a la awm a ,a mawiin thil tha tak tak an lai chhuak a.  An man pawh a to hle reng a ni ,bawng lu mawi leh nalh tak taka an siam te chu a him piala museum a dahthat an nei nual bawk ,driver chuan chulai hmunah chuan min kalpuiin a chhung kan lut chiah chu a ropui ngei mai,milim nalh tak tak leh dangdai pui phi chu a awm thluah a ..

Milem mak leh dangdai a tam bawk nen thla ka lak sak mawlh mawlh a ,kan chhuah leh hnu chuan hmun dang vak pan tawh lo in khawpui chhung kawtthler thenkhat chu kan fangkual a ,an in tam tak hi chu hmanlaia lei in a sak te pawh ala awm nual nen hmuh a hahdam thlak phian mai . Kan chenna in a kan let leh meuh chuan a tlai duai tawh a .

Inthlak in night cream chu ka inchulh a, Linden erawh tukverh bulah dingin khawpui lam chu coffee in chungin a en vung vung thung . Ka pum lah chu Linden sawi ang tak takin a sa na huam lehnghal,mu vatin ka inkhuh tha sat sat a ,ka bula a rawn phei chuan ka lo nuih var var ringawt . “ Ilo mu ve dawn lo em ni?" ka tihchuan a chapal chu phelhin khumah chuan a rawn mu kai a ,ka pum nuam lo nen hnaih tha ngam lo chuan ka mu kawm chal mai .

I ngeih loh thil ei suh ka tihkha ,lo hnai teh " tisupin alamah min pawt hnai salh a “Tihpalh,mahse ka ei chak em a ni.  Nidangah chuan a khat tawk bakin ka ei tawh lovang " chu ka la tihram a . Ka pum chu rawn khawihin a chul nghal hliau hliau chu ka thaw huai mai,ka chungah a thinrim ngai zen zen lova . Englai pawh in min ngaihsak emaw tih tur zawkin a awm thin,tawngkam vin min hmankhum ngai miah lo bawk .

“ Naktuk chu tuipui kam vel kan fang ang chu " a tihchuan ka bu nghat nghat ” Thingtlang te kal ila car in,ka hmu chak ka thawnthu chhiara an awmna khua ngeiah khan ka kalchak a ni " tiin ka lu chu a awmah ka nghat a ,ka mut a chhuak bawk nen ka ham nghal bai bai mai . Rei meng tawh lo chuan ka muhil zui thuai reng a .

A tuk lamah chuan tuipui kamah chuan lengdunin kan infiam a ,a bula awm hi a hnathawk ten hrehawm an tih thu sawi thin mahse ka tan chuan a bul tluka nuam a awm lo . Amah hrechiang tute chuan an ngaina hle reng a , balloon lian chi chu bengin kan nui dun hawk hawk a ,khualzin dang bakah a khua a awm kal ve te pawh chu kan bul velah chuan an infiam ve bawk . Nupa awm ve te nen chuan inkawm ho in kan nui leh dar dar thin a .

An ni erawh kum hnih an inneihna niin an hnachawlh kar an zin thu chu an sawi ve a ,an fel bawk nen Linden leh a pasal pawh an inkawm thei viau mai . Kan thlenna te in hrilh tawnin a tuk lam chena thingtlang vel fan tlan chu kan rel thlu a ,nau an la pai bik lo tih an sawi chuan mak ka ti viau nangin ka zawt lui bik lo va.  Linden leh a pasal chu eitur lam turin an kalsawn a “ In pa hi London a company lar tak neitu kha tiraw billionaire naupang ber an tihkha " a rawn tihchuan ka bu nghat ringawt .

“ I vannei hle mai,a hmangaih hmel bawk che sia,nupa nih hi chuan in ngaihsak tawn hle ila chu chuan min inpawh zual tir ania " tihchuan ka pawm zawng tak a ni.  Kan pasal te chiah hi min ngaihsak turin phut lo ila,keimahni pawh hian ngaihsak ve ila chu chu mipa pawh hian aruk tak chuan an hlimpui zawk nge nge bawk . Linden te rawn let chuan coconut tui an rawn keng tel a ,Bryce-i nen chuan kan in nghal khalh khalh mai .

A lum bawk nen kan dai sawng sawngin ka hria,nisa vawl vawl chu thlirin ka dak vang vang a . Ka mit erawh ka chhing chial thung” A ram hi ka ngainat zawng tak a ni" tisepin lei vut chungah chuan ka mu thla a . Linden chu ka bulah a thu ve run bawk ,Bryce-i pawh chuan nuam a tih ve tho thuleh an pa hnenah pawh chambelh a lo dil tih a sawi chuan kan nui dar dar mai . An ni pawh mi rethei zawk zawk an nilo tih a hriat ..

Nileng chuan kan in kawm ho zel a ,kan in pawh phah hle ,kan thlenna a kan let meuh chuan ka chau hnawk thei mai, Linden chuan ka dar vel chu min hmehsak a . Ka thaw huai mai .

ZAWMNA 

“ Linden" ka muhil ka harh leha ka pasal ka hmuh mai loh avang chuan hlau thawng zetin ka au a ,a chungah thil tha lo a thleng nge min kalsan tihte chu ka ngaihtuah kai hman hial ” Linden" tiin ka au leh vak a ,thawm rawn rirawkin kawngka chu a rawn inhawng a ,hlauthawng zet a min rawn en tu ka hmuh chuan ka thaw huai mai .“ I bo daih a ,ka hlau thawng a lawm,ka hriat loh laiin kal sawn tawh suh " tiin alamah chuan pheiin ka kuah chawt a .

Min kuah letin a rawn nui suk mai “ Min tihlauthawng hman a lawm i rawn au vak si a " a tihchuan ka nuih ve hak a ,hlauthawng in kan insiam tawn reng chu a ni sia . Insiamin thingtlang chu kan fang kual a ,Bryce-i te nupa pawh an tel ve bawk , Jason peritakis te thil hlui laih chhuahna hmun thawnthu a an sawi te chu a tak tak a lo ni a . Ka feel zualin ka hria ,kan let leh lam chuan kan kalna hmun vel mawi zia chu sawiin Bryce-i nen chuan kan phul hlut a .

Mipa pahnih te erawh an ngawi leh ran tawh mai ,an tawng tam lo ve thlawt . Iraklion kan thlen rualin Linden nen chuan London panin kan thlawk haw tawh dawn a ,ka a honeymoon chu a zo ve ta der chu a nia ,kham lo viau mah ila hna kan kalsan thei der silo . A private jet lam chu panin kan thlawk haw ta vang vang a ,ka lung a leng riau lehnghal . A dar chu nghengin ka ngawi kar ringawt “ Kan hman remchan leh veleh kan zin leh ang tih ka tiam a che " a tihchuan ka nuih seih ringawt.

London a a ma thlawhna tumhmun bikah chuan tum ruai ruaiin ka hawi kual ruai a ,khua a la thim lo bawk nen kan awmna lai hmun chu a lang chiang hle . Thlawhna atanga kan chhuah mek lai chuan silai a rawn ri thuai a , Linden chuan min kuah bet nghal vat . Ka phu nasa bawk nen ka lung te chu a phu dawt dawt mai Fred leh Liuis chu an rawn tlan phei vat a ,an silai chu an phawrh nghal bawk,mahse a rawn kap tu awm renf ka hmh lo .

Linden chu ka en a ,thisen chhuak ka hmuh chuan ka hlauthawng zual sauh “ Linden engtin nge i awm " tiin a mah chu namsawn deuhin ka en a . A lo then chak chak ka hmuh chuan ka hlauthawng zual sauh “ Min chhang rawh " ka tihleh chuan a mit a chhing ta ruai ruai a ,Liuis chuan rawn kuah vatin Fred chuan silai nen min veng thung a ,car lam chu kan pan vat bawk . Ka mittui chu a tla zawih zawih a , Linden chu ka au reng bawk ...

Mahse min chhang thei silo,damdawi in lam kan pan zui a ,a mit a chhing reng a . A hmel chu a dang chak hle bawk ,tunge khatianga rawn kap kha ni ang . Ka hriat chhuah hun chuan ka ngaidam miah lo bawk ang,damdawiin kan thlen rual chuan an lo buaipui zung zung a ,hlauthawng zeta ka awm chu Fred te chuan an thiam tawkin min hnem ve bawk a. Ka tah erawh a chhuak em em reng ringawt.

Ka thiante pahnih pawh rei loteah rawn thlengin min tahpui ve bawk “ Linden hetianga siamtu hi zuah ka duhlo,thi ve ngei se ka duh a ni . " tiin ka phun sap a ,doctor rawn chhuakin a thusawi phei chuan ka thinrimna leh natna a belhchhah chiang hle . Linden chu hun eng emaw chhung tuma hmuh an rem tih loh thu leh a harh hun tur pawh hriat a la nih loh thu an sawi a nihchu. A tello in engtin nge ka awm ang,ka kut chu ka hum ruh tlat a “ Madam lungngai suh boss chu a tha leh vat mai ang " Liuis chuan min hnem tum tak hian a rawn ti a .

An ni pawhin an pu an ngaina bawk nen an hlauthawng ve tho tih ka hria “ Fred engkim ka kutah a awm rih dawn tih in hriat thiam ka ring,chuan Linden hmelma te ho chanchin kimchang ka hre duh,tunge hetianga ka pasal ti duh tur hi ka chhui ngei angai,keimah ngei hian ka that ang " ka tihchuan mak tih hmel tak hian min en hlawm a. Ka pasal tan chuan engpawh ka ti thei ,hetianga a awm chhan hian dam ve reng pawh a phu hek lo .

Kelsey te pawh chuan an tel duh ve thu an lo sawi ve zat a ,Fred leh Liuis chu an meng rulh mai “ Ok engkim kan lo tifel ange " tiin an kalsawn zui a ,thutna awmah chuan ka thu thla hnawk . Ka mittui chu nuai pawkin ka inpet fan fana thawk leh khata thil danglam thut hian min ti hamhaih takzet.