MY DRUG CHAPTER 7

MY DRUG

CHAPTER 7 

Ka hma a kawng an chei mawi leh inte nalh zeta an chei tuipui lang nghal uarh lam chu panin ka mokawr fual hnalh nen chuan ka in hnuk phei dalh dalh a ,mipa pian nalh leh hmeltha zet lo ding a min en vawng vawng tu chu a hnen thlen nghakhlel takin ka kal ve zel bawk . Khawvela mopa ka hmuh tawhah chuan ala hmeltha ber ang . Kan inneih lawmpui tu mipui tam tak leh reporter te chu ka hmuh kan vek thei nia .

A bul ka thlen rual chuan ka kut chu a lo la vat a ,ka nuih seih chu ka hmuiah a rawn fawp vawng vawng mai . Min inneih tir tu tur chuan a aw a rawn thian kharh kharh a ,Linden chu awmsawnin ka kut erawh a la chelh reng thung . Thu kan chham zawh chuan a nupui ka nihna tichiang tu zungbun chu a ta a min phuar reng turin ka kut zungtangah chuan a rawn thawlh lut ta riai riai a .

Ka nui sak mai ,ka hmuiah chuan rawn fawp leh in mipui lam pan chuan carpet chungah min phei puiin a ban chu ka vuan ran a ,rose par an rawn theh te chu kan thawmhnaw velah chuan a kai nual a . Ka nui har har mai ,ka thiante pahnih leh Liuis-a te pawh an hlim viau mai . Eitur an buatsaih chu an rawn sem zung zung a ,mipui rawn kal te atang pawh chuan thil pek kan dawng hnemin mi hausa tak tak vek an ni tih a hriat.

Lindenan a hriat em em rualin kei erawhin a tu amah mah ka hrelo chu a awm ve tho,a sumdawnna lamah ka telpui ngai miau lo va . Hotel lam keini pahnih erawhin panin room nalh leh pangpar leh balloon vela cheiah chuan min luhpuiin min fawp nghal buan buan mai. Khum lamah chuan min pawm pheiin kan thawmhnaw chu chhuatah kan dahthla tawp tawpah,khumah chuan min delh tlu in a chet zawm nghal buan buan mai 

Ka taksa a a rawn luh rual chuan ka thaw hak ringawt,a hnungah chuan ham tawn tawnin ka mit ka chhing a ,ka hnute chu hrawm bawrh bawrhin a thaw hawk hawk bawk . “ Ka ta chiah i nih hi" tiin a nui suk a ,ka nuih ve hak ,zawi thlar hian ka mu a . Ka hnungah chuan a chul hauh hauh mai “ Khawiah maw kal i duh?" a tihchuan ngawi rauh rauhin “ Greece ram fan ka chak " ka tihchuan a nui nghal hawk mai “ Ok kan kal dawn a nia ,i duhna zawng zawngah" tiin ka biang vela thlan luang chu a rawn hru a .

A ni pawh a taksa chu a thlan dap mai,kan hahdam deuh hnu chuan bathroom ah min pawm lutin hmangaihna chu min chenpui leh tho va ,keipawhin ka lo dawngsawng thei zel chu a mak . Zanlamah chuan zanriah tui tak min eipuiin khawpui hmun hrang hrang kan fang dun a,kan pahnih chauh a kan awm chuan a nipawh a ngawi run bik lova ,min titi pui veleh zauh thin chu a hnathawk ho in min hmu se mak an tileh dawn mange .

Hotel kan let leh rualin a tawp min thlen pui leh hnuah ka mut a phal chauh,ka hah bawk nen ka mutui hle ,zingah inah haw in Liuis leh Fred chu in enkawl tha tur a chahin kan thawmhnaw chu kan siam mawlh mawlh a , Greece kan pan dawn tih ka hriat chuan ka phur hle . A private jet kan hmang dawn a ,kan thleng hma viau in ka ring “ I hman tawh em ?" a tih chuan bu nghauh nghauh in a kut min pek chu ka vuan nghal vat.

“ In kutah thil ka dah vek a ,fimkhur takin lo awm ang cheu,engmah tihsual a awm tur a nilo " Fred en chunga a tihchuan a ni pawh a lo bu nghal nghauh nghauh a . Linden an zahthiam em em mai hi keipawhin ka nel phah,car chuan inkhalh chhuakin a private jet awmna hmun chu kan thleng thuai a . A chhungah chuan lutin a khalh tu leh eisiam tu thlengin an lo awm thlap nia ,a chhung chu enin ka hawi kual ruai a .

A nalhin thil awm reng reng chu an changkang in an man a to tih a hriat hle bawk “ I fang duh em " a tihchuan ka bu nghal nghauh nghauh mai “ Athens thlen hma in darkar hnih kan nei ,tirawh le " tiin thlawhna chhung chu min fanpui a ,a chhung chu a mawiin a ropui takzet . Khum awm na lam chu min panpui in min muttir a “ I chau tih ka hria ,muhil rawh.  Hna tlem khawih tur ka nei a ,kan khawih pah a nge " tiin khum bul dawhkana laptop chu a ban a .

Keipawh chuan thu awih takin ka mit ka chhing ve mai bawk . Zep loh chuan nizan lamah ka mu tha lo bawk nen ka mut a chhuakin ka chau lutuk tlat. Thlawhna tum tur thu rawn ri ah chuan meng kawkin ka thu chhuak hlawl a ,Linden ka hmu mai lo lehnghal . Ka kawr chung chu ban in ka inthawlh sawk sawk a ,tho chhuakin Linden chu ka zawng ruai mai ,kawngka chu rawn inhawngin a rawn lut a ” I harh tawh a nimaw ,tirawh le Athens kan thleng tawh e " tiin min rawn kai a .

Pawnlam pan chuan min kalpuiin mipui zin vei vak chu chulai airport ah chuan an lo insul pel zut zut hlawm a . Ka nui var var mai ,a boruak chu hip vang vangin thlawhna kailawnah chuan kan chhuk thla a , airport kan chhuahsan rual chuan min hmuak tu chu kan hmu nghal mai reng a . Linden an thil a ti thei bawk a ,khawi hmunah pawh hretu a nei a nih hmel ” In awmna tur peih fel a ni tawh e " tiin car kawngkhar chu min hawnsak a , Linden chuan min thut luh tir hmasa in a ni pawh chu a rawn thu lut zui a 

Kan tlan chhuah rual chuan car atang chuan ka hmuh theih chin ram leh in vel te chu ka ena ,an mawi takzet . Greece hi chu khawvela ram mawi ber te zing a mi a niin ka hria ,hmun nalh tak tak an ngahin a boruak lah nise a fresh var reng lehnghal . Kan awmna in tur ka en chuan ka phur hle ,chutianga lian nilo mahse engkim chu a tha ber ber a sak tih a hriat hliah hliah,pool zau zet awmin a in a chu olive kungin a din hual vek a . Khawvela olive oil siam chhuak tu lar zinga langpha ngat kha an ni miau va .

Kan room turah chuan in nghatin , bathroom ah chuan ka in bual nghal vat ” I zawh hunah pawnah lo chhuak la ,thil kan ei dawn a nia " rawn tiin a mah chu a chhuak zui a ,keipawh chu in ti fai zung zungin thawmhnaw pan lam leh hak nuam chu inbelin pawnah chuan ka chhuak ve nghal a . Linden leh he in enkawltute ni awm tak chu an lo titi mawlh mawlh hlawm a ,ka va pawh ve thuai ” Hei olive rah atanga siam a nih hi,han ei teh maw " tiin plate pakhata olive rah lo awm chu ka hmu nghal zat m

Pakhat chu la in ka ei chhina ,a tui phian lehnghal “A tui lutuk" tiin ka nui var var a ,a dang pawh chu ka ei nghal mawlh mawlh . An pathum chuan ka thil ei chu min en in an nui leh hak thin a ,grape juice nen chuan ka hmeh pawlh a ,a tui dangdai lutuk tlat . Linden ka ah chuan ka hnawh luhsak mawlh mawlh a ,a nipawh chuan hnial lo in a lo ei ve mai bawk ,ka lakah chuan a zaidam em em reng a ,min ngaihsakna a tilang awl lo bawk . Hmeichhe dang lak a a awmdan nen chuan inpersan tak a ni.

Min duat em em vang te pawh hi a nimahna a ni tela ka vei telh telh ni.

ZAWMNA...

Tuipui kam fangin kan leng dun a ,crete thliar kar lam thlir chuan Jason peritakis te ka hre chhuak nghal . Kha thawnthu avang khan Jason ang mipa kha tawn ve ka chak thei em em a ,tunah chuan amah ang maia min ngaihsak tu chu tawngin a nupui ka ni ta reng chu a nia ” Thla ka laksak thei cheu angem? " hmeichhia keiai a naupanna a tam hauh lovang tih tur hian a rawn ti a . Linden a ngawih reng lai in keimah chuan ka chhang vat 

“ Awi i bialpa hi a hmeltha ka ti reuh lutuk a ,in inhmeh lutuk" thla min lak pah a a tihchuan ka nui hak ” Ka pasal a nia " ka tihchuan a mengkawk a ,a awm ve tho ka hmel an hmuh rualin ka naupanna an hmuh kan hauh dawn silo va . “ Oh tihpalh lutuk,nupa hlim tak in nih ka beisei,in pa a lian si,a veng hneh hle dawn che a nihkha. A nih ka kal phawt ange ka lawm lutuk aw " tiin kan thlalak chu pakhat min pe in a kalsawn a .

Thlalak chu en in ka nui var var mai “ Anuam e tirawh helamah hian awm ang " tiin coconut kung hnuaia thut mutna an siam lam chu ka pan pui a ,a ni erawh intur vel la turin kan piaha dawr lam chu a pan thung ” Hi nula ,Sam ka nia " mipa la upa lo tak hi ka bulah chuan rawn thu in a rawn nui var var a. A kut rawn phar chu ka lo vuan ve mai bawk ” Hi " tiin ka nuih let sang a ” Nangmah chauh in em ni? I chhelo bawk sia " a rawn tihchuan chhan tumin ka ang zuau a .

Mahse kan hnung lam atanga aw a rawn chhuah takah chuan tawp chatin Linden an thinrim hmel zeta chupa a en chu ka hmu nghal,a kutah chuan kan intur a ken chu ala awm bawk ” Ka nupui lak atang khan inthiar fihlim rawh " nelawmna tel miah lo hian a tichhuak hrawk a . Engmah lo sawi lo in ka enkar ringawt ” Engmaw ...nupuia " chupa in min rawn en paha a tihchuan lo bu nghatin ka kuta zungbun chu ka hmuh a .

Mak tiin a mengphar awn awn mai ” Ka tihpalh a ni e " tiin a kalsawn zui thuai a. Linden chu ka bula rawn thut pah chuan a thil ken chu na deuh hian a dah a ,khapa ka lo bia kha a thinrim pui tih lah ka hailo ” Engvanga mipa lo bia nge i nih?" a rawn ti chang fak a ,a hmel chu a ngai reng nangin a aw chhuak atang chuan a insum nasa hle tih a hriat . ” A rawn kal a ,min biak chuan chhan loh a mawi hleinem,khawi maw in tur chu" tiin ka ban zat a .

Ka in nghal khalh khalh chu min en run ringawt,a lungawilohna lah hi a ho thei bawk sia . “ Titeh min melh run run lo khan in ve vat rawh,ka hahdam sawng sawng ania " tiin theitui chu ka in leh nghal zat a ,ka hmuiah a rawn fawh chawt rual chuan ka kut a ka theitui ken chu rawn la in a dah sawn a ,ka mutnaah chuan min delh tlu in min la fawp reng tho . A mi fawh dan lah chu a na em em lehnghal “ Linden miin min en a nia " tiin namsawn ka tum a .

A duh mai bawk silo “ Hei hi Linden Hadrik Cameron a ni lawm ni " an tiri leh thla an la tihchu ka hmu in ka hre vek, Linden lah chuan a duhthawh sawt lehnghal . A tawpah chuan ka chhang let ve ta nge nge a ,ka biangah chuan dawmin min en vang vang a ,ahmui chu a la huh hlap bawk . Ka thaw ham ham mai ,chulai hmun atanga min kalsawn puiin car lam chu min panpui a ,ngawi reng chuan ka zui ve zel ringawt ” Keilo mipa dang i bia in i hnaih tur a nilo .

Chu chu hre reng ang che ,kei min ngaihthah a mipa dang i hnaih a nihvaih chuan " tiin a thaw hrawk a” Ka tichhe vek ang cheu" a tihchuan ka melh tlawk tlawk ringawt. “ Mipa dang duh ni ila ka nei dawn che em ni? Chutia tih ah chuan nang zawk hi alawm inneih hma atanga hmeichhe kawp kual dun dun tu chu,min puh ngawt suh keichu mipa nena sawi dun turin ka awm ve lo nangmah zel i nihkha .

Tunah pawh miin min rawn be hlek a ,thinrim nghal ringawt mai " tihlakin ka kut ka kuangkuah a ,car chu chak zet hian a khalh chhuak fua ringawt. Kan awmna kan thleng thleng chuan be duh lo in inchhungah ka tlanluh san a ,min rawn umzui ve nghal zat “ Ding rawh." chang hreih hrawih a a rawn tih hrawk pawh chuan hrelo ang chiah chuan awmsanin ka tlan zawm zel tho.

Step ka thleng phei tihchuan min rawn nangchingin min pu nawlh a ,room lam chu min panpui nghal nawl nawl in a hnungah chuan ka chum zawt zawt a ” Lerh kawh pa,min ringchhe ve ziah lehnghal . I lerh angin ka lerh ve lo,thla tin deuh thaw hmeichhia nen in chhuak dun tih an chhuah chuai chuai reng a ,engvanga keichu min vau nge i nih? Min dahthla nghal rawh ka hua che,ka haw lutuk che .

Hmelchhe pa ,hnar sei lutuk pa " ti tawn tawnin khuma min dahthlak rual chuan ka tlawh nghal awk ” Min khawih hauh suh ang che . I hria maw ,min tawk tawh hlek suh" tiin ka ke chuan duh tawkin ka tlawh kual a ,a lo indang seng bik lo nen a tawpah a dak awrh mai “ A tawk " a rawn tih tuar chuan tawp hmakin ka tho chhuak a . Pawnlam panin ka kal nghal nal nal,pool bul thutthlengah chuan thu in ka hmalam chu ka en ngar ngar .

Ka bulah a rawn ding tih hriat takin ka taksa chuan a feel thei,“ Ka tihpalh " a rawn tisup a ,vawikhat pawh a ngaihdam dil thawm ka la hriat loh khan ngaihdam min dil a nihchu. Mahse lungawi mai ka tum lo,a mi rin dik lohna ka hriat hian min ti thinrim takzet bawk. “ Zara ka tihpalh " a rawn tileh a ,a lamah chuan inherin ka mit ka kan uk ringawt . “ Ka hua che " tisapin ka khup chu ka tawm a ,ka kuah nghal than .

Ka bulah rawn thu in min rawn kuah a “ Thinrim tawh lo la ,keilo mipa dang i hnaih tih ka hriat khan ka thikthu ka lo tichhe palh a ni e ,ka hmangaih che tih i hriat kha " a tihchuan a ruk chuan ka nui ta var var mai. A lamah in her in ka kuah vawng vawng a ,min lo pawm let nghal vat ” Mipa dang lakah chuan min ring chhe tawh suh,nang lo hnaih duh ni ila bialpa ka nei daih tawh ang chu.

Mahse nang lo ka hnaih loh zia i hria,chuvanga nei che pawh ka ni " tiin a hmuiah chuan ka fawp vang vang a ,min chhang let thuaiin min pawm kang nawlh a . Inchhung lam chu min panpui in sofa ah chuan min dahin a min delh bet zui a ” Ka chau ania" tisapin a biangah chuan ka fawp vawng vawng a ,a beng chu ka khal nghal neuh neuh bawk . “ Ok kan mu anga a nimai alawm " tiin room lam chu min pan pui in puan chu a keu a ,min mutpui rualin mi a khan leh nghal run mai .

“ Naktuk chu Iraklion ah kal ila" ka tihchuan a bu nghat ,thlawhna tho a kal a ngai dawn bawk nen ka phur riau mai,Crete thliar kar hi tlawh ve hrim hrim ka duh,Rethimno leh Chania vel te pawh ka fang chak “ Awmna tur kan bia ange tikhan lo muhil rawh " tiin phone chu a ban a ,tu emaw a call mawlh mawlh . Greek tawng a hman avangin a thusawi erawh ka hrethiam miah lo thung ,a biak rei em avang chuan ka mut chhuak chu ka lo muhil ve mai bawk a .