MY DRUG CHAPTER 6 BY MAWITEI BAWITLUNG

MY DRUG

CHAPTER 6

ZARA POV...

“ Zara " ti a ka hming lam sap tu avang chuan mengchhuak riai riai in Linden nen chuan kan in en nghal kar . A mitmengah chuan min ngaihtuah zia ka hmu thei a ,nichina thil thleng chu ka ngaihtuah a ,ka mittui a luang nghal ngiai ngiai chu rum hakin min kuah bet nghal hlum “ Shh ...engkim a tha vek,kha nu thusawi kha dawt vek a nihkha " tisupin ka chalah a rawn fawp a ,ka insut nghal hlap hlap .

Kha nu naupai kha a fa a nihchuan ka kalsan ngei a ngai dawn tih ka hria “ Keilo hmeichhe dang i awmpui tawh lovang tih min tiam rawh" tiin a hmel chu chiang takin ka en a ,ka kut chu rawn humin thutak zet chuan min en ran mai ” Ka tiam a che ,tu hmeichhia mah an awm leh tawh lovang,tunah chuan ka ta ini tawh a . Hmeichhe dang ka mamawh lo " a awma min kuah bei pah chuan tiin insiam remin a chungah min mut tir a .

Ka hnungah chuan min chul hauh hauhin ka chalah chuan a fawp leh vang vang a ” Kartawpah kan innei ang " a tihchuan mak tizet chuan ka en ha mai ” Ava rang awm ve" ka tihchuan nui hakin “ Ka nghak thei tawhlo alawm,ka nupui ni vat la ka duh " a tihchuan ka nuih ve hak ,kuah chialin ka ke chuan ka khan ar ar a “ Ka ril a tam lutuk" tiin ka pum chu ka chul hauh hauh .

Min thawhchhuah puiin pawnlam chu min panpui a “ Chaw ei kan duha rawn siam ta che u " tiin maid te chu hrilhin ka thutna tur chu min pawh chhuah sak a keipawh chu ka thu nghal tharh “ Kelsey te haw na a rei tawh em " ka tihchuan a la reiloh thu leh Fred leh Liuis ten an thlah thu a sawi chuan ka nui vur vur ” An inhmeh dawn in i hria em?" ka tihchuan a dar a kan uk ringawt ” An inkarah awm a awm a nia " ka tihchuan min rawn en vutin “ Engthil maw ?" a rawn ti hu a ,hepa hi chu midang hi a ngaihven thlawt lo .

“ Nangin ka laka i rilru put ang kha mawle ,mahse Fred te chu ka chiang lo " tiin bawngsa chu ka keih tawn tawn a . Lu thing mut mutin ka thil ei chu min nuih suk ringawt “ Vawiinah inneih thuam kan en dawn a nia ,heta inneih nge hmun dangah inneih i duh?" a tihchuan ka thil ei lai tawp datin ka ngawi vang vang a ,ka movie en thina tuipui kam mawi taka an cheia an inneih ang ngei kha ka duh “ Tuipui kamah ka duh ve ,a nawm hmel thei lutuka " ka tihchuan a bu nghut a .

A chaw thleng chu thawhsanin phone a hmang a,kan inneihna tur chu a buaipui dawn a ni ngei ang . Keipawh chu kham thuaiin ka tho tih a hmuh rual chuan room lamah chuan min hruai lutin bathroom ah chuan min hruai lut zui a ,ka ha nawhna chu min pe in a phone chu a hman zawm zat ,keipawh chuan la in ka ha chu ka nawt ve mawlh mawlh a . Bathroom atang chuan chhuak zuiin ka thawmhnaw dahna lam chu ka pan nghal zat 

A hmanhmawh hmel bawk nen muangchanga lo insiam kha chu ka duh bik lo,kawrfual hak nuam leh ka khup thleng khuh a var chu ha in sneaker var ka bun leh tawp a . Ka hmai chu chei duhlo in sunscreen ka hnawih tawp a ,Lindena lam chu ka pan phei nghal chhat chhat ,a phone dahin min en a . A ni erawh inthlak a tum lo nge mawni “ I hman em ni?" a tihchuan ka bu nghat a ,a kut ka chelh tur a a rawn dah chu ka lo vuan nghal vat .

“ Friday ah kan innei ang,i duhthusam ang in engkim tih a ni ang" tiin ka chalah chuan rawn kunin a fawp zauh a ,a hmeltha zet chu ka lo en dauh dauh ringawt. Miin min dem angem tihte thlengin ka ngaihtuah a ,mahse thisen inzawmna pakhat mah kan neilo tih ka hriat chhuahna chuan huaisenna min pe leh thung . Mite min ngaihdan ai chuan ka hlimna leh min hmangaih tu ka nei tur hi ka lawm zawk ,nuisangin kan inzui chhuak a.

Fred chuan car kawngkhar chu lo hawngin kan thu lut a ,kan hnung lam a car atanga ka thiante pahnih min lo hui lauh lauh ka hmuh chuan ka hlim hle . Lindena hian engkim a hrilh tawh a ni ngei ang,kan chuanna chu Fred an a khalh anga ,Liuis an ka thiante pahnih a phur thung dawn a nih hmel . Lindena dar chu nghengin kan kut chu a insuih chial a ,ka titi chu ngaithla in a changin min lo chhang ve sup sup bawk .

“ Ka hotel ah zan hun kan hmang dun anga,khawiah nge honeymoon hman i duh " a tihchuan ka ngawi vang vang ” Ka la hre rih lo,ka lo ngaihtuah anga ka hrilh leh ang che " ka tihchuan a bu nghut ringawt . Kawngsira ice cream an zawrh ka hmuh chuan car chu ka tih din tir vat ” Linden ice cream saw min leila " tiin a kut chu ka sawi che dat dat a “ Kawngsir a mi chu a tha lo,dawr pangngaiah kan lei zawk dawn a nia" a tihchuan ka hmui ka tipawrh vak .

“ Saw saw ka duh alawm,a thatlohna a awm lo . A tui a lawm Vanilla ka duh aw " tiin ka mit chu ka kan zeuh zeuh a ,thaw hawk hian Fred chu ice cream lei tur chuan a tir a ,kan thiante leikep tur chuan a hrilh pah bawk a ,ka thiante a ngaihtuah tel ve chu ka lawm takzet . Fred rawn let chuan kan thiante chu pe hmasa in kan car lamah chuan a rawn phei lehnghal a ,ka ice cream tur min pek rual chuan ka nui nghal var var .

“ I duh ve em? A tui tehmai a nia " tiin ka ei nghal mial mial a ,a lama ka dah phei chuan a ka a chip hmuk ringawt ” Duhlo,a tenawm" a tihchuan ka melh nghek ” Min ten tihna mi? I duh leh ei bawk suh " tiin ka icecream chu ka hmuam pawk a ,chutia ka tih vang nge alamah min kuai herin ka icecream hmuam lai lai chuan min fawp ngawng ngawng a ,ka dawh tawp ringawt . A awm sawn rual chuan a hmui leh a kamsirah chuan icecream chu a kai tih ka hmu nghal.

A chil lem zawnga a hrawk bawk che ralhte chu hmuhnawm tham a tling . A hrawk bawk chu khawihsakin ka nui ver ver chu min nuih ve suk a “I hlim em?" a tihchuan ka lu chu ka bu nghal nghauh nghauh mai “Kan thleng e boss " Fred an a rawn tih takah chuan kan hma a dawr lianpui mokawr chi hrang hrang intar dulna chu ka en reng ringawt . Tv leh ka thiante ho inneihna a ka hmuh bak ka la hmu lova.

Tunah a tak ngeiin ka ha dawn chu a ni sia. Mumang a ang rum rum mai “ In innei dawn tih pawh min hrilh miah lova,amak ka la ti tawp theilo . Pa leh fa ang mai khan in inen sia " Kelsey in a rawn tihchuan Liuis chuan rang zetin a ka a hup sak a . Liliana pawh chuan alo hau ve nghal hlak ” A pawi love ,ka hmangaiha ka fa ang in ka en ngai lo hrim hrim,lut ang u hmiang kan tlai ange " tiin a sana chu a bih zauh a .

Tih tur dang a nei a ni ngei ang,dawr chhunga kan luh rual chuan a nghaktu ho chuan min lo lawm thiam hle . Linden chu an zah tih hai rual a nilo ” Ka nupui tur tan hian in mokawr tha ber ber leh nalh kha lo thlansak rawh u,ka lo endik ange " tiin sofa ah chuan a thu zui a . Dawr neitute chuan nuisanga min rawn panin an mokawr zawrh ho chu an rawn phawrh a ” Heng hi kan neih zinga nalh leh to ber te an nia ,ha chhin ta che i inhmeh ngawtin ka ring" ti chuan min nuih sang a .

” Va ha chhin ta che ,hetah ka lo nghak ang che " Linden chuan rawn tiin midang chuan min buaipui chhunzawm a,a leina turah buaina a nei dawn lo tih ka hriat avang chuan ka sawisel duh lem lo . Mokawr chu ka ha a ,mawi ka ti hlawm vek bawk nen thlan tur pawh ka hrelo, Linden chu thlan tir tha a ka hriat avangin ka ha chhin vek a . A hmaah chuan ka va ding chhuak chu min en vung vung mai.

“ A dang kha va inbel leh teh" a tih hnu chuan sawm vel lai ka ha a ,a tawpah pakhat puk laih mai,a dar bah awm lo tle sep sep chu a thlang a . A nipawh chuan a thawmhnaw tur chu a thlang ve bawk ,ka thiante hak tur leh Liuis te hak tur pawh a leisak nghal a . An lawm thiam lutuk chuan min tinui leh thin,zungbun zawrhnaah min luhpui lehin lunghlu atanga an siam ho chu min en kual pui a .

Ka hnial ve nangin lunghlu pawl hmanga an siam nalh zet chu a lei a ,ka ang phiauin ka en ringawt “Linden a to lutuk,a ngai reng renglo " ka tihchuan a la lui tho . Dik tak chuan a nalh ve reng,an chei dan a uchuak hauh lo ,a sir velah chuan lunghlu tho in a te deuhin an chei a ,a laiah chuan a pawl lian leh nalh zetin an dah bawk . Ka kuta ka bun tawk leh tawk loh a test hnuah a pack tir a ,ka en liam ta ringawt.

Restaurant changkang zetah chaw ei lehin kan haw ta chauh a ,Kelsey te pawh chuan nuam an tih thu an sawi chul reng mai .“ Inneihna hmun tur chu nak tukah peih fel a ni anga,a tuk lehah chuan ka nupui i ni tih an hre vek tawh bawk ang " tisupin ka kut chu a fawp zauh a. Ka nui seih ringawt,ni e a nupui nihchu ka chak ber a ni