MY DRUG CHAPTER 5 BY MAWITEI BAWITLUNG

MY DRUG

CHAPTER 5 

Ka leng chhuak a ,ka thiante pahnih nen chuan restaurant ah in hmuh kan ti a ,Lindena chuan Liuis leh mi pakhat hi min veng turin min zui tir a ,ka lungawi lo lutuk kan inhnial hmasa fe phawt kha a nia. Fred erawh amah veng turin a hruai thung , a bodyguard ah rau rau chuan Liuis leh Fred te hi an tha lawrlak a ,hei vang hian amah pawh hian a duatin an ni pahnih pawhin pu thlavang an hauhin a thu an awih hle bawk .

Kelsey te rawn thleng chuan min rawn panin ka bula ding run te chu an en hrek hrek a ” Tinge i rawn inzui tir a " Liliana in a rawn tihchuan ” Patean min zui tir tlat a lawm" ka lo tihlak chu an nui hak a . ”A ngaihtuah hle che a nihchu,hey hetah in awm reng chuan kan duh angin kan titi theilo ,pawnah emaw a nih loh pawhin hla lutuk silo ah lo va awm teh u " Liliana chuan a tih chhun zawm a . An ni erawh an din ngai rengin an ding thung .

Mi lah chuan min en duh hlawm ropui si ” Ka tha a lawm,hei a hlauhawm loh hi sawti laiah sawn min lo nghak mai rawh u " ka tih takah chuan an kalsawn deuh a ” Awi a lian zawk kha ka duh riau,a hmeltha ka tihchi tak Zara min lo biak" Kelsey in a tihchuan ka nuih hak,Liuis leh Fred hi an pa len bakah an hmel pawh a zahpuiawm loh hle ” I fel viau chuan " ka tihchuan a ner nang a ,chutah Liuis lam chu enin anui sak a .

“ Min lo biak ngei ngei rawh,i patea chuan rawn len a phal ang tiraw " a tihleh chuan ka bu nghat . A duh tak tak viau a nih hmel ” Keichu pakhat zawk kha ka duh,tv velah ka hmu thin a ,ka mit a la riau" Liliana pawh chu ” Hey in lerh lutuk,kan inhmu ve dek dek a keimah nilo in mipa ringawt in buaipui mai " ka tihchuan an pahnihin an nui dun kar kar a “ Aw i thiante tan te chuan iti ve ang chu. Kan lo leng ziah ang,helama i awm dawn chuan " Kelsey chuan tiin kan thil eiman chu kan pe a ,Liuis-a te lam chu panin “ Hei Kelsey hian a duh lutuk che a nih chu" ka tihchuan Liuis chuan Kelsey chu a en nghal vut .

A nilah ka sawi mai a ring lo nge a hmai a sen tawn tawn a ,pawnlamah a tlan chhuak nghal nal nal “ Awi Zara i mawl thei e ,khatiang ten a hmu ngam tawh nang" a rawn tihchuan Liuis chu a lo nui suk a ,pawnah chuan kan inzui chhuak tham tham a . Kelsey chu kan zawng pah bawk , restaurant piah deuhah chuan lo dingin a hmai a hup reng a ,kan pan hnai vat “ Kelsey khatia ka sawi mai loh chuan tihdan a awm lo a lawm " ka tihchuan a rawn hawi chhuak a ,rum zeta min melhin min chum nghal awk awk .

“ Kelsey maw i nih a ,Liuis ka nia " rawn ti tu avang chuan kâ ho in kan hnunglam kan en rual thap ,Liuis chu lo nui var varin Kelsey chu a en ran a “ Ih aw..aw...ni..e" Kelsey chuan a tibah nawk nawk mai . Mahsela Liuis an a biak avanga a hlimzia chu hai rual a nilo “ Kal ang u hmiang,kan tlai lutuk dawn e boss in kan pi hi a vah rei a phal silo a ,in lo leng dawn nge " a tihchuan rang zetin an lo aw a ,ka lo nui chhuak nghal hak hak . Car ah chuan lutin kan vai chuan in lam kan pan a .

Lindena pawh a haw tawh ngeiin ka ring ,in kan thlen chuan rin ang ngeiin pawnah a lo teikual sek tawh . A bulah Fred a awm ve bawk a “ Linden " ka tihrual chuan rawn hawi pheiin a thaw huai a ,ka thiante pahnih a hmuh chuan a melh ngur mai ” Ka thiante chu an nih hi,an lo leng dawn a " tiin a beng bula Liuis te nen an chungchang chu ka hrilh a ,a bu nghut ringawt ” Rei tak leng chhuak lo turin ka hrilh che a" a tih chuan a lungawi lo tih ka hria .

“ Sorry,mahse thil ei te kan duh ve alawm,chubakah i lo haw hma hrim hrim a nimaw '" tiin ka thiante pahnih chu ka ko phei a “ Hi Mr Linden,Zara thiante kan nia " tidai a an rawn tihchuan a lu a buk khum leh tawp a . A kutah chuan ka sih sak vak “ Fred ,Liuis a thiante hi in pahnih khan lo kawm hlim rawh u,keini erawh chawlh hahdam kan ngai " tiin min kaiin inchhung lamah min luhpui nal nal a.

Ka thaw hak “ A mak thin e ,ka thiante an rawn leng ve em em a,tianga awmziah mai Linden nelawm tak te hian awm ve" ka sawi zawh hma in bangah min nawr betin min fawp nghal tawn tawn a ,ka mawng chu a tham nghal nawk nawk . Roomah min pawm lutin kawngka chu a khar zui a ,keipawh chuan ka chhang let ve mawlh mawlh ” Min nei rawh " a tihchuan ka ang phiauin ka en tawp . Ka lungte chu a phu dawt dawt a ,hlauh vang erawh a ni miah silo .

“ Linden" ka tisap ,ka beisei piah lam a ni . Nupui neih duh ngailo khan a nupui ni turin min sawm a maw?“ Ka hmangaih che Zara,i puitlin hun ka nghak a ,he thu hrilh tur che kum eng emaw zat chhung ka nghak che tih hi i hria em,hmangaihna awmzia i hriat hun leh i rilru puitlin hun hi ka nghak rei a sin" tiin ka mitah chuan chiang takin a en a ,dawt a sawi loh zia chu keipawhin ka hmuh hmaih lo . 

Ka nuih sen sen a ,ka bu nghat nghat bawk ,ni e thisena inzawmna pakhat mah kan nei lova ,fahrah tur min enkawlin min la hmangaih zawk a . Ka phu lo zawk a ni ,min chawi nawlhin khumah chuan min mutthlak pui a ,ka hmuiah bawk chuan fawp lehin kan thawmhnaw chu kan inphelhsak mawlh mawlh a . Ka kut chu rawn la in a kawngah chuan min dah sakin ka nghawng vel chu a fawp kual a .

Ka lo thaw ham ham mai “ Linden " thaw hlap hlap chuan ka tichhuak a ,a kekawr vel a la ha nangin a kawr erawh a phelh vek tawh thung . Min en ranin ka dul lamah chuan a insawn a,mitchhingin a chet hun chu ka nghak tawp a . Min siam rem paha ka taksa a rawn luh chuan ka in pet fan fan a ,a hnungah chuan ka tham tan tan bawk . A duhtawk a ngah meuh chuan ani pawh thaw hlawp hlawpin ka chungah chuan a bawk thlawp a .

Keipawh chu zawi zet chuan ka mu ve bawk ,ka mitchhingin ka thaw halh halh chu min nuih sukin ka sirah a rawn mu thla a “ Ka tina che em?" a tihchuan ka lu ka thing nar nar ,a lam hawi zawnga inher in ka kuah a . Ka muhil zui nghal riai riai,ka taksa chu a na thumin ka hria ,mahse chutianga tawrh har erawh a nilo thung 

Ka harh leh chuan a lo awm tawh lova ,ka tho chhuak vat . Ka thawmhmaw tla darh chu chharin ka inbel mawlh mawlh a “ Linden" tiin ka tlan chhuak zui a,sitting rooma lo thu te ka hmuh chuan ka ding nghal chawt. Lindena chu mak tizetin ka en a ,hmeichhe raipuar chu ka melh reng ringawt “ Zara ,room ah lo va lut rawh" a tihchuan ka dinna ngaiah ka ding reng a .

Ka che sawn theilo a ni ber “ Linden i fa ngei a ni " a tihchuan ka phu zawk ” Maw fa a " tiin ka pai nawk a, Lindena chu enin chunu chu ka en leh thin . A pum chu a puar luah tawh a ,a naupai chu a hram hle tawh tih ka hre thei mai “ Ni e ,kei hian Linden-a fa hi a ni ka pai ni " a tihchuan Lindena chuan duhtawk turin a lo tihrawk a . Ka lu chu hai mual mualin a ri chawrh a ,engmah ka hre zui tawh hek lo .

LINDEN POV...

“ Zara " tiin a lam pan chuan ka tlan phei vat a ,Fred leh Liuis pawh chuan min rawn pui ve nghal bawk “ Doctor lo ko rawh u " tituarin roomah chuan ka pawm lut a ,khumah chuan ka mut nghal a . Antonella rawn lut chu rum zeta melhin“ Chhuak nghal rawh ,i naupai nena ka tihnat hma che hian chhuak rawh.  I nau pai kha ka fa a nilo tihchu nang leh kei hian kan hrechiang khawp .

Ka khawih hma che hian ka in atang hian chhuak rang rawh u " tihrawkin Zara chu ka ko mawlh mawlh . A ni erawh a mitchhingin tuizeta mu ang mai chuan a thaw sek sek a ” Linden i fa ngei a ni a sin,min ring rawh " a rawn tileh chu tho chhuakin a hmaah tak chuan ka ding a ,a pa pawh chu a rawn hnai ve nghal zat ” Vawikhat bak ka mutpui lo che ,tin invenna ka hmang tihchu i hriat chian kha dawt i sawi leh a nihchuan ka that ang che .

Chhuak rang rawh u" tiin ka silai chuan ka tin a ,rawn tawng leh a tum chu a pa zawk chuan dangin a chhuah pui nghal vat . Thaw hawk chuan khum lam bawk chu ka pan leh a ,a thu hriatin a thin a thawng bawk nen nikhaw hrelo in a awm phah tih ka hailo ,a rawn harh hunah ka hrilhfiah tawh mai ang chu. Doctor rawn thleng chuan en mawlh mawlhin damdawi chu a chawh a .

” Chawl hah dam rawh se ,ngaihtuah awm a nilo ve ,a taksa a chak lo deuh mai mai a nih hi" tiin a chhuak zui a . Kawngka chu kalhin a bulah chuan ka mu a ,a thianghlimna min hlan hnu lawka khatiang thu a hria kha ka lung a awi lo hle bawk . Antonella a hna ka tihtawp sak ngei ang .