MY DRUG CHAPTER 4 BY MAWITEI BAWITLUNG

MY DRUG

CHAPTER 4 .

A damdawi in awm chu a thinchhe bawk nen mi hriat lar leh mihausa tak chu nilo se mi an hnawtchhuak tawh hialin ka ring,nithum kan awm hnuah kan chhuak a ,kar khat hnuah a thuina phelh a ngai dawn bawk. Doctor chuan enkawl dan tur min hrilh mawlh mawlh a ,keipawh chuan ngun tak chuan ka ngaithla ve bawk a,a ni erawh chhuah a nghakhlel tawh lutuk chu a lo phi chunga kan in vin leh hlak hlak thin “ A naupang zawkin min vin teivei suh" a rawn tihluk a .

Thaw ham hamin ka melh nghal ram bawk “ Vin i duh loh chuan vin ngailo vin awm ve mai ta che ,damdawi ina awm te hi en rawh nang ang tumah an awm miah loh hi " tihlarin pawnah chuan ka chhuah san a ,a lu tuam bur chung chuan min rawn zui ve bawk . Fred chuan car kawngka lo hawngin kan thuzui a , reporter ho thla lo la mawlh mawlh chu ka kham takzet ,ka kut rawn vuanin nghen chhan chu a ngheng a . A mit a chhing hmak bawk .

A lu hliam chuan a tichau hle a nih ka ring,in kan thlenga ka kai chhuak nghal dat dat ,in chhung kan lut tep tihah chuan inchhung lam atanga kha a bialnu kha rawn tlan chhuakin Linden-a awmah chuan a rawn bei nghal thlawp a . A kut chelhna thlah ka tum chu a hum ngheh em avang chuan mak tizet chuan ka en haw mai “ Enge hetah i rawn tih,rawn kal tawh lo turin ka hrilh chiang viau che in ka hria " tihmukin chunu chu a en a ,chunu pawh chu a mengkawk mai .

“ Chutiangin ti ringawt suh,ka kal dawn lo . Tinge min fiam kual mai mai a " tah chhuak tih hriat zet hian a ti a ,kan inkaihna chu a melh nghal ran “ Henu hi tunge ,i enkawl nu kha a nilawm ni? Linden tinge in in vawn vela " a tileh tuar . Ning tih hriat zet hian a thaw hawk a “ Liuis la sawn nghal rawh u,tin helaiah hian ka phalna la lo chuan luh tir tawh suh ang cheu " tiin inchhung lamah chuan min luhpui a ,hnathawk ho chuan chibai min lo buk nghal thap . Room kan thlen rualin khumah ka thut tir a ,kalsawn ka tum chu ka kawngah a rawn vuan nghal chat.

A mitmeng dum kak chuan min en a,ka zam lutuk chu ka khur leh der der tawh . Tinge a huhang hi a nat em em le ? Ka thawk te hi a ti pangngai lo zo “ E..enge" bahnaka tiin a kut chu laksawn ka tum a ,a chelh nghet lutuk chu ka la sawn thei der lo . A nui vur vur a ,a mit a kan zauh zauh chu ka ngei teh e “ Hadrik" a hming laita a ka koh vang nge min rawn en nghal vut,ka hmui seh zeuhin “ I lu tuamna hi phelha a thara thlak a ngaih kha " 

 “ Anihte chuan phelh la " a rawn tinghal zat ,ka chesawn theilo tih a hre reng awm sia ” Min thlah lohin ka chesawn thei hleinem" tihlakin a mi kuahna a phelh thawl takah chuan ka kalsawn vat a , doctor in a hliam tuamna tura min hawn tir ho chu phawrhin a lu tuamna chu ka phelhsak mawlh mawlh ” Lo chesawn hlek suh ang che " tiin damdawi chu ka hnawih mawlh mawlh a ,a hliam thuk lo hlauh chu kan vannei . Thu awih zeta a in dawh hle hle chu mak ka ti let ling phian.

Min en kur erawh in min tibuai chhelo chauh “ I hmeltha lutuk" a rawn tih sup chuan ka mengkawk a ,ka hmai chu a sa huam huam bawk . “ I mitmeng pawl phat hian tuipui min hriat chhuah tir ziah bawk a , tuipui ka hmuh apiangin nang ka hrechhuak thin bawk che a " a tihchuan ka hmui ka tipawrh a “ Lo in la Romeo viau suh,ngawi reng khan awm hle hle rawh . I in enkawl that loh chuan i hliam hi a pun mai ang ,ka ril a tam tawh tehmai a nia " ka tihchuan ka kut chu rawn vuanin a ding thut a .

Zawhna mitmenga ka en lai chuan “ Kal ang,i ril atam chuan ei hmasa ila a tha a nihchu " tiin choka lam pan a tum ta mai ” Thu rawh ,i lu kha tuam phawt angai a lawm,ka tuar thei ; a rei tawh dawn chuang hleinem khawi " tiin a lu chu ka tuam sak mawlh mawlh a . Ka zawh rual chuanin chhuah puiin awmpuite chu chaw ei siam turin a hrilh nghal zat . An rawn chhawp nghal zung zung a ,a bulah min thut tir leh run tawh mai .

Engtin tak awmpuite hian min ngai ang maw? Awmpui nilo se chuan min sawi ve nasa viau mai thei a ni . Linden an hlau tho bawk nen engmah sawi ngam tur an ni lo hrim hrim bawk a “ Awi he sangha tuizia hi" tiin sangha tui ber an tih thin leh vang em em chu ka ei a ,ka nui ver ver bawk “ Hadrik New York ah min la zinpui la a tha ang,ka thian te hmuh ka tiam ve si a ,nangmah vangin ka kal thei bawk silo" ka tihchuan a nernawk mai .

“ I thu awih leh awih lohah a in nghat,tin mipa an nihchuam ka kal tir hauh dawn lo che tih hre bawk la " tiin ka hmuia thil kai chu a rawn hru a . Ka lai leh tawh hepa bula awm hi chuan a boruak hi ka zo thlawt thin lo “ Mipa an ni bawk lo,phallo mahla kal dan tur ka zawng tho vang,i bula awm reng pawh hi ka duh lo,silaia min tin atang phei kha chuan i bula awm hi ka duh vak tawh lo . Tun pawh hi na lo la chuan ka kalsan daih ang che,i natna avangin ka la awm mai mai a nih hi .

Min enkawlna kha rulh let ve ngei che ka duh bawk a ,chuan..." Dawhkan a rawn ben dawt avang chuan ka thusawi tur pawh ka tawp chawt ” A tawk ,i chaw kha ei la engmah sawi belh tawh suh . Khawiah mah ka phalna lo vin i kal ngai dawn lo,ka enkawlna man che kha i damchhung pawhin min rul zo lovang,chuvang chuan ka thu hi awih la ngawi reng khan awm ang che " tiin a kham hmak a . 

A room lamah a lut nghal nal nal,ava han sual tak em . Engtin nge a mizia ka lo hriat theih loh zawk ni,mahsela a awm ve tho kum 1 pawh a bulah ka awm tling miau lova,ka thaw hak a ka chaw chu ka ei zawm mial mial bawk . Ka kham rualin ka room ka pan nal nal a ,a chhung ka thlen rualin khumah chuan ka let nghal tawp . Damdawi inah ka mu tha lo bawk nen ka chau takzet ,engmah ti lo chuan ka muhil zawm nghal bawrh bawrh a .

“ Zara " ka hmai a rawn khawih avang chuan ka meng kawk ” Enge ,tunge inih?" ti a vai tluk tawp ka tum chu ka kut lo man betin alamah min pawt hnai a , Linden a ni tih ka hriat rualin ka in thlah dul nghal vat “ Enge i hriat a " tisepin ka thaw ham ham a ,zan ala ni tih hriat takin pawnlam chu a la thim khup a . Ka roomah engvanga rawn kal nge maw a nih le ” I bulah ka mu dawn" a tihchuan ka phu zawk thei hial “ Ka duh reng reng lo,room i nei ve reng va mu la a nihmai chu hetah rawn riah tum hlek suh

Ka khum ai lian leh zau i nei reng a ,enge hetah i rawn tihziah" ka tinghal hlak hlak . Min kuah mut pah chuan min delh bet tlat a “ I awm ve hleinem,chuvang chuan chelo khan ngawi rengin awm hle hle rawh ka chau a nia " ka bengbula rawn thawk lum ham ham pah chuan a ti a ,a lu na khawn sak la hlau bawk nen inthlah dulin a mi tih ang ang chuan ka awm ve mai bawk . Reiloteah a muhil zui a.

Alamah inher in a hmel chu ka en leh char char tawh,khawvela mipa hmeltha ber chu ka ti thei hauh lo,mahse a hmel chu a tha chiang a lawm . Hmeichhia a mah hria a hmu tawh phawt chuan tha tilo an awm ngai miau lova 

ZAWMNA...

“ Sual viau mahla i hmel hi chu a tha a ni Linden hadrik cameron " tiin a hnar chu ka khawih sak a ,ka kut chuan ka nuai sak neuh neuh “ Mu hle hle rawh,ka hmelthat chuan ka ta chu nila a nihmai chu " a rawn tih thut avang chuan ka phu nasa bawk nen khum atang chuan ka tla lo chauh,ka kawngah rawn vuanin a rawn meng chhuak a,a mit chu a la siai kher lehnghal ,inher ka tum chu min kuah nghet sauh ” Ka bula mut hi nuam iti ve tho vem,i bula mut nuam ka tih ang chiah hian .

Ka kiangah mut hi nuam iti em " a tihchuan chhan dan tur ka hrelo,nilo ka ngam lo a ni zawk . Nuam chu ka ti chiang alawm,a taksa lum ka ngheng thei ringawt pawh hi ka lawm “Min chhang la Amour ( Hmangaih) " a rawn tihchuan ka zak chu ka hmai te asa hut hut“Ummm...mu ang ,min be tawh suh " tiin puan chuan ka inkhuha ,rawn nui hawk hawk in ka zakah a rawn dek a ,ka tal nghal nawk nawk a ,ka rak chul bawk “ Linden duhtawk rawh ,i lu kha kan khawng ange ila dam chiang lo " tiin a kut chu ka vuan bet ve tang tanga .

Inthlah dulin ka chungah a rawn bawk a ,thutak zet chuan min en ta reng chu ka nui lai tawp chatin ka en let ve nghal kar ,ka hmuiah duhthawh zeta a rawn fawh chuan ka lo chhang let ve nghal zat . Ka zep lo a fawh hi anuam a ,a danglam bik bawk,mipa dang laka ka awm loh dan in a bulah chuan ka lungphu a rang a ,ka zam a . Ka pangngai thei meuh lo chu a ni e ,a biangah chuan dawmin ka thiam tawk chuan ka chhang ve a . Ka kawr chhungah chuan rawn zenin ka hnute zahpuiawm loh tak chu a rawn tham nghal nak nak .

A kut che reng chungin a hmuia mi fawhna pawh ala sawn chuang hek lo . Mitchhingin a nghawngah ka kuah a ,a mi khawih ang ang chuan ka dawh ringawt ,a kut chu ka kekawr chhungah zen lutin ka se*h a khawih rual chuan mengchhuakin ka thaw hak a ” Ka ta i nih hi Zara " tiin a kut chu tiche zuiin a nuai nawk nawk a ,ka rak chhuak that that chu hmuhnawm tizet hian min en thunga . A kut pakhat chu kawm lutin ka man beh rual chuan ka hmuiah bawk chuan a rawn fawp lehnghal vat .

Ka taksa a lum pup pup a ,au thatin ka khur nghal dar dar chu mitmeng tle sar sar chuan min en a ,ka chalah chuan a rawn fawp leh zauh “ Muhil rawh Amour " tiin a nipawh chu a insiam tha a ,a awm zawnah chuan bei than a . “ Muttui " tisepin ka mit chu ka chhing nghal riai riai,thawm bengchheng zet chuan min tiharh a . Ka meng chhuak nghal kawk ,khua chu a var uar tawh a ,thawm chu inchhung ngei atang tih ka hre thei . Hmanhmawh zetin room chu ka chhuahsan a .

“ Linden" ka thil hmuh avang chuan ka mit sulhin ka hria ,“ Zara rawn chhuak suh " tiin min rawn pan hnai a ,mi pakhat thisen in a bual khah vek chu Liuis leh Fred te chuan an lo man bet a ,Linden chuan min rawn din hliahin ka biangah a rawn vuan a ” Tinge sawtianga in tiha?" tiin ka en ha a ,thaw hak hian ” Kan hna chungchang ah thuruk a lo sawi chhuah bakah kan hmelma te a pui a ,sawtianga tih loh chuan a in puang duh lova ,roomah lo va awm rih rawh " tiin ka chalah a fawp zauh a ..

Ka makti meng buai chu ka biang tawn tawnah rawn vuanin “ Kal rawh le " a tihchuan an sawisak pa chu ka en leh hram a “ Tual i that lo ang tih min tiam rawh " ka tihchuan a ngawi vung vung mai . Mi a thah vaih chuan jailah a tang dawn angin ka ngaihtuah a ,chu ringawt pawh chuan min tihlauthawng thei hial mai . “ Pate " ka tihleh chuan a rawn nui ta suk a ,ka thaw huai mai “ Hremna chu in pe tawh a,thil dang ti tawh suh. Room ah ka lo nghak ang che " tiin ka kalsawn zui a .

A room zawk chu ka pan nghal zat ,maid ho rawngbawl chuan min en hrek hrek tih ka hailo . Keipawh hi eng hna emaw tak chu ka zawn angai a ni ,ina awm reng tur chuan ka tlin ka ring lo,ka thian neih ve ho te tlawh kual ve te ka duh hrim hrim bawk a ,chawlh hmanga ka haw te a nihloh chuan kan inhmu ngai lova ,phone a inbiak ringawt chuan in pawh a har riauin ka hria . Room chhung chu enkualin Linden-a thlalak chu ka enkual a .

A naupanlai atanga a tleirawl lai thleng chuan ka enkual a ,ka nui leh ver ver thin . A tleirawl lai thlalak phei chuan ka mit ala zual,a sam chu a bukin a chal hmalamah a uai zar a ,a inhmeh em em lehnghal . Mipa hmeltha tak hian engtin nge kei hi min duh theih le ,engmah neih ka nei lo lehnghal ,ka hnung lam atanga min rawn kuah avang chuan a kut chu ka chelh bet vat a . ” I kaltir tawh ami?" ka tihchuan “ Ummm" ti thum dutin ka biang vel chu a rawn nul dan dan a .

Ka dar ah chuan a khabe chu nghatin tukverh lam chu min panpui a ” Hna zawn ve ka duh a ,i rem ti em?" ka tihchuan a ding ngil nghal ut a ” A tullo " a rawn tinghal hmuk . Alam chu hawiin amah chu ka en ha a ” Phal mai la hetia ina awm reng ka ning alawm,ka thiante te ka hmu ve duh a ,chubakah ka duhna hmuna len ve te pawh ka duh" tiin ka hmui chu ka tipawrh tiau a ,nui hukin ” Pawn lam chu a hlauhawm ,mahsela min tih lawm viau chuan i duh huna i lenchhuah ka phalsak ang che .

Mahse vengtu in an zui che a ngai thung ang" a tihchuan ka ner nang mai,a hmel ka en a a thutak ropui si “ Chutiang em em te chu puitling ka nih ve tawh hi . Mahniin ka in veng ve thei em em ang " tiin a kut chu ka lak sak a ,ka kawngah ka kuah tir nghal zat ” Ka ril hi a tam tawh lutuk,ka hriat loh laiin min thawhsan daih lehnghal " ka lungawi lo tawng chu nuihzat hmel tak hian min en a” Tirawh le chhuak tawh ang hmiang, breakfast an peih tawhin ka ring " a tih chuan ka zui ve mai a .