BAD MAN CHAPTER 2

BAD MAN

CHAPTER 2 

Ka thawmhnaw chu ka siam tha sawk sawk a ,ka kal dawn chuan ka kutah rawn man lehin engmah ka sawi hma chuan min fawp leh phawta, ka sam chu ka biangah zepin chiang zet hian min en “Zanah kan rawn kal ang,i nu leh pa bulah lo awm ang che " a tihchuan thinrimin ka che nghal phat “ I duh duha ka awm ring suh,ka nei dawn lo che ka tih tawh kha " tivakin min khawih leh a tum chu ka kick thuai a ,ka bike ah chuan lawnin ka tlanchhuak nghal zat .

Ka awm emaw awm lo emaw ,min neih luih a tum dawn tih chiang takin ka hria a ,chu chu ka thlen tir ngai lovang,kum li hmalam te kha chu ni se ka nei duh mahna ,mahse tikhawpa min tina chung khan engtin nge inthiamlohna nei miah lova min la biak theih zawk ni ? In ka thlen rualin ka nu chuan min lo pan nghal vat “ Bawihi " a rawn ti dek dek chu thaw hakin “ Nu tumah ka be duh rihlo " tiin ka room lam ka pan, Lucifer ringawt ka rilruah a awm lehnghal ,engtin nge hetiang khawpa ka la ngaihtuah theih .

Ka rinna zawng zawng ka pek a,ka engkim ka hlan laiin a ni chuan min fiam mai mai a ni tih ka hre leh zel a ,engtin nge ka rin ngam tawh ang? Ka hmangaih em em lai khan a ni chuan min kalbosan a ,min duhna chhete pawh a neilo tih hriat takin a engmah pawh a sawilo a nihkha ,ka tan khan a na in reitak chhung mumal lo in ka awm phah a ,tunah ka mithmuhah rawn lang lehin ka pasal hial nih a tum a nia.

Eng angah nge maw min ngaih le ? Zan a nih pawh chuan ka pa min kohna awih duhlo in ka room ah ka awm tlat a,tukverhah chuan dak chhuakin ka ngaihtuahna chu ka kawm melh melh “ Kawngka rawn hawng rawh " a aw ka hriat rual chuan ka phu zawk ,kawngkhar chu pawnlam atangin a rawn sawi dawt dawt bawk . Hawn mai ka tum loh vang nge “ Candy" a rawn ti ta hluk “ Kal bo rawh " tiin hawn pawh ka la tum chuang lo ,ka ngei hluah hluah.

“ Inbiak kan ngai,ilo hawng lo anihchuan ka tichhia a nga,ka rawn lut tho tho vang" tiin kawngka chu ahma aia na mah hian a rawn ti ri bur bur ,a tihchhiat ka hlauh avang chuan ka va hawng ta ringawt “ Enge i la duh cheu,ka hmy duh lo che ka ti a ni lawm ni" ka ti deuh tuar ,a mithmul kan akin ka kutah a rawn vuan a ,min kai chhuak nghal dawr dawr . Kan chhungten min lo en thap chu a ngai pawimawh hauh lo,ka nu chuan min ngaihtuah hmel zet hian min en a.

Chu chu ka duh hauh lo,min ngaihtuah tak tak lohzia ka hrechiang lutuk ,min ngaihtuah chu nise ka pa hi a dang em em ang . Mahse chu pawh a tingam lo chu a nih hi, Lucifer chuan in hnung lamah min chhuahpui tih ka hriat chuan ka harh chhuak nghal zawk . Khachen kan in kawp a ,kan in chu a hrechiang viau ang chu,sakawr in lam min panpui tih ka hria ,in hnung lam hi ramzau tak a niin sakawr kan vulh a ,phul hmun zau nuam tak a awm a ,tui luang chenin mawle . 

Khawpui atangin a fal nalh reng a “ Min thlah rawh " ka ti that,sakawr inah chuan lut in a tieng a ,a sakawr ngai nat thin em em chu a pan nghal,a sen uk a niin a mah nen pawh an in hmeh viau bawk . A chal chuan sakawr hmaiah chuan a nawr vang vang,a mit a chhing chial bawk ,chiang zet in ka lo en thung . Nunhluiah ka kir leh lo theilo,tlaiah he sakawr chung ah ngei hian chuang in kan ram kan fang dun thin a nihkha ,hlim takin tudang mah kan ngai ngai lo 

Mahse tunah chuan chung te chu hmanlai an ni vek tawh a ,a thleng leh tawh kher lo vang