DARK ROMANCE CHAPTER 5 LAST

DARK ROMANCE

CHAPTER 5

“ Enge i duh " ti thatin a mi man behna ata chu tal chhuah tumin tan ka la phat a ,mahse min man nghet lutuk tlat “ Enge i hriata" ti tuarin ahmaiah hnek ka tum a ,alo awmsawn hman. Kan class a mite chuan min en thup bawk “ Dear kal ang,khatiang mi tibuai suh a ho lutuk" Felyna chuan no em em hian a rawn ti a ,Marciel erawhin a ngai pawimawh hauhlo “ Min thlah la i nupui hual kha kal bo pui vat rawh ,ka hmu peih vak lo cheu a nia " tiin a kut chu ka thing thla a ,kalsawn nghal tumin ka inher .

Mahse bangah bawk chuan min nawr bet leh in engmah ka sawi hma chuan min rawn fawp chawt,a awmah ka chum nghal dawt dawt ,min thlah duh bawk silo . A hmui chu na zetin ka sehsak a ,min thlah hram “ Phiangsen chuan " a tihrawk a ,min melh ngur bawk . A mitah chuan thinrimna a lang chhuak zawk zawk a ,min tihnat mai hreh lo hmel a pu bawk ,ka hlau duh bik der lo ,a ni aia nasa hian ka thinrim tih hi hre rawh se “ Ka lak atang hian thlawk bo rawh Marciel rossier ,chumai pawh ni lo in i thlarau thlengin ka lak atangin awm bo la ka lawm ang " ka tituar .

Ka thinrim ang phiar phiar chu min nuih suk a nihchu,chu chuan min ti thinrim zual,ka chhuah san nghal hlawk hlawk . Class lak pawh ka peih lo,ka haw a ngai tih zawng ka hria ,zanlamah chuan sawi ang ngeiin Christian leh Carolina an rawn lang a ,kan pathum chuan club lam panin kan tlanchhuak nghal . Kawrfual dum ka taksa phuar tang mai ka khup chen a tawi chu ka ha a ,pheikhawk 3inches a sang ka bun bawk . Chutia kawngpuia kan tlan lai chuan Marciel bike a kan zawn chiaha rawn tlan chu ka hmu.

Helmet khum mahsea bike leh a pian atang chuan amah ani tih ka hai hauhlo,suit a ha leh thlap a ,a helmet chu ka duh ber chi a tukkhum lam pawng vah a niin ,a coat hak chu a thli in a chhem leng siau siau a ,bow tie a awrh chuan a kamiz var sar chu a tilang nalh zuai,a pian chu ka thlir dauh dauh . Eng tak chu tih tum ang maw , party na hmun kan thlen rualin a nipawh a rawn thleng a ,mak ka tih zual em em turin kan college a mi chu an lo awm deuh thup a nih chu.

Enge an hriat hlawm ni,muang changin kan lut a ,intur chu Christianan min lakin kan pathum chuan chair ah kan thu thap,ka mit erawhin Marciel leh Felyna lam dun lam chu a melh ran,ka beer inlai chu ka tlak pawp ,duhtawk lo in brandy chu ka thlit tir a ,ka in nghal char char . Marciel nui sang chuan min tina zual ,ka lu te chu a hai chiai chiai tawh . Marciel te lam chu en duh tawh lo in boruak hip tumin pawn lam ka pan dawn a ,ka din chhuah rualin ka pai deuh khat . Rui chhia erawh ka ni hauh silo .

Mahse ka brandy in chuan min ti kal tha theilo “ Lizzie thompson " ka ding dat ,ka hawi let rualin Marciel chu ka hma ah a lo thingthi a “ Kan inhriatna a la reilo,mahse ka hmangaih che tih i hria ,in hmangaih tur chuan hun rei a ngai lo . Ka hmangaih che a ,i lo lan hma chuan hmeichhia reng reng ka ngaihsak ngailo tih helai mi zawng zawng hian an hria ang,ka sawi duh chu. Min hua a nih pawhin ka tidam leh ang,ka tina che a nihpawhin tihlim leh tur che in kei hi min nei rawh " a thusawi avang chuan ka ang pam .

Chulai hmun chu a reh duk hnu ah “ Yes tirawh" an rawn tirual thup thup a ,chhan dan tur ka hrelo tun lawkah khan Felyna nen an awmdun zo chauh a ni si a ,rilru buai nuaihin a mi sawmna pawh chhang lo chuan ka tlan chhuak a . Min au zui chu ka hre reng,kawngpui lam chu ka pan hlawk hlawk “ Liz " ka hnung atanga min rawn kuah chuan tal chhuah tumin ka che nghal phat,mahse min kuah nghet lutuk tlat “ Liz ka tina che tih ka hria ,mahse i ngaih angin Felyna nen kan inkarah engmah a awm lo .

Min pui tura ka ngen vang chauh a ni,Liz ka hmangaih takzet che " a tihte chuan min tibuai “ Ka ring lo che ,ka hua che nang chuan ka lak a i lungawi loh avang ngawtin i bialnu hlui i nu leh pa in nei tura an duh em em che i pan nghal ania,min thlah rawh " tiin ka tal nawk nawk,mahse min man nghet lutuk tlat . Ka mittui luang chu a hru a ,ka hma ah rawn dingin ka hmel chiang zetin a en “ Ka hria a lawm,mahse ka sawi kha ka ti takzet Liz ka hmangaih che ,min nei duh lo em ni,ka nawr mah mah che em ni,ka nghak thei che a lawm " ala tileh zel .

Ka thluah a tibuai nuaih tawh 

(ZAWM LEH TUR )