DARK ROMANCE CHAPTER 4( ZAWMNA)

DARK ROMANCE

CHAPTER 4 

Nilengin chulai ramhnuaiah chuan kan awmdun a ,puan phahin a chungah kan mu a ,min kuah deuh hlun “ Liz,kan company ka enkawl hunah min nei duh angem " a tihchuan ka en ha ,ka chil ka lem khalh . Chu thil chu ka la ngaihtuah ngailoh lam daih nimahse ka hnial em em lo “ Min neih duha,ka tan i awm reng dawn phawt chuan " tiin a awmah chuan ka bei than a . A nui nghal var var,a vahan hmeltha tak “ Marciel min hmangaih takzet em " ka tihchuan ka kut la kangin a fawp vang vang .

“ Ka thinlung zawng zawngin,ka sawi tawh kha ka hmuh tirh atang che khan ka hmangaih che ,bialnu neih ka duh ngailo . A chhan chu keimaha awm hian nuam ka ti a ,ka nun hi a hahdam niin ka ngai ,mahse ilo lan atang chiah khan hmeichhe dang laka ka awm ngai loh danin ka awm a ,ka tibuai ta reng bawk che ,mahse Liz reilote mah nise hmangaihna nei tur hi chuan second khat lek pawh hi a tawk si a ni " a tihchuan ka nuih sak .

A sawi dik chiah,hmangaihna hi chu hun reilote chhung pawhin a thleng thei miau,kan hriat miahlohin a rawn thleng a,rinlawk lohin thinlung na veng veng in min siam thei a ,hriat loh ruamah vek hlim takin min siam leh thin bawk . Chu chu ani hmangaihna danglam em em bik nachhan “ Marciel keipawhin ka hmuh tirh che kha chuan hmeltha ka ti lutuk che a ,mahse i chapo em avang khan ka ngei che a ,ka hnaih duh mai lo che a nihkha ,in thian ho khan in ngeiawm bawk nen ka thin in tirim hle bawk .

Mahse tuna in mizia dik tak ka hriat takah hi chuan ka nel sawt cheu ,i nupui nih hun chu nghak hlel takin ka thlir reng ang. Mahse i nu leh pa khan keiang mi hi chu min duh dawn em ni? Mi hausa fanu i nupui tura duh pawh an nei mai thei a sin,Marciel chung ka ngaihtuah lawk chuan ka na sa ,i nu leh pa khan min pawm lo a nihchuan nang nen kan awmdun theih ka ringlo" ka thusawi chu ka ngaihdan tak tak a ni,mi hausa ho chuan an hausakna belhchhah nan mi hausa dang nena thawk dunin a thente phei chu an fate hial an inneih tir thin a .

Keini pawh hi chutiang dinhmun chu kan thleng lovang tih pawh a sawi theihloh, Maciel nu leh pa kha ka hmuh ah kha chuan tha viau mahse an fapa nupui tur em chuan min iai ka ring tlat ,ka kut chu a hum nghet salh “ Chutiange a thleng ngai lovang,englai pawhin i kiangah ka awm dawn a ,hmeichhe dang ka pansan hek lovang che . Nang lo neih ka tum heklo,thu ka tiam tawh che a ,chu chu ka nu leh pa tih danglam theih a ni lo bawk ,keimaha ka duhzawng thlang thei tur in ka puitling ve tawk tawh .

Chuvang chuan min ring la ,keimahah in nghat rawh . Ka thlah thlam ngai lovang che ,i tan kumkhua in ka awm ang ka tih tawh kha ,tirawh le haw tawh ang,i nu leh pa laka ka mark a chhe hlauh ange" a tihchuan a awmah ka chum dat,tho chhuakin kan insiam tha a . A tawp nan kan kal na hmun chu ka enkual leh vang vang “ Nidangah min kalpui leh ngei ngei rawh aw " ka tihchuan nui sukin a bu nghut . A va han pa tak em ,bike lam pan chuan in kai rialin kan phei dun a ,kan titi pah bawk .

A bulah ka awm rei a ,kawm a nawm zia ka hriat belh zel , businessman fapa tih takah a hriatna lah a zau,tawng chu 13 lai zuk thiam a ,ka tluk lo a chha chu a ni e . Bike bul kan thlen rualin min hlang nawlhin amah chu min inkuah tir a,ka kuah rual chuan muangchangin a tlan chhuak,thli fim rawn thaw heuh heuh chu ka inchhem tir leh thin ka hlim veng veng bawk , hepa ka tawn atang hian bialpa neih nawmzia ka pawh ve tan chiah a ni .

ZAWMNA 

Restaurant changkang zetah hian min kai lut a ,chuta lo awm te chuan Marciel chu zah takin an lo bia a , chawl ve dang ho lahin min en deuh ha ha bawk . Marciel hian a pa company a enkawl tep tawh a ,chuvang chuan hrelo an awmlo ang tihchu ka hrethiam mai ,mi hausa nih hi chuan milar tluk kan ni miau a lawm . Marciel chuan ka duh zawng min chah tira,china chaw lam hlir ka chah ,Marciel chu a nui deuh vur vur ,“ Chinese food i ngaina a ni maw " a tihchuan ka bu nghat.

“ Marciel haw tlai lo ang aw ,ka nuten min lo ngaihtuah lutuk ang" ka tihchuan “ Ngaihtuah suh ka hrilh vek tawh " a tihchuan ka ang pam ,engtik laiin nge ka nu leh pa phone number a neih theih ” Billionaire fapa ka ni tih hi theihnghilh lo la ,ka duhzawng chu ka nei thuai thin" a tihchuan ka lei ka chhuah khum vak ,min rawn fawp nghal chawt a,ka mengkawk mai ,ka lei chu a zuk dek dek lehnghal . Chulaia awm ho chu an phun mur mur a .

A thenin thla an la tih ka hre bawk ,ka khur der der. Ka lak atanga a awm hran rualin ka ang pam “ Enge i hriat ,miin min en thup hi "tiin ka vin hlak hlak “ Ka nu leh pa bulah nupuia neih che ka duh thu ka hrilh ang" ala ti deuh deuh,hepa hian min ti a zo mai dawnin ka hria “ Chutiang i ti theilo ang " ka tihchuan a nui vur vur ” Engvang chuan,keichuan nghah rei che ka tum lo,kum 27 ka ni tawh a ,nupui neih a hun tawh viau nang lah kum 22 ini bawk a ,kan inneih a remlohna tur a awm lo " a tihleh chuan ka thaw hak .

“ Doctor la nihte ka duh,chutianga reilo te chiah kan la inhria a ,inneih nghal te chu" ka tihchuan a tum ta hmak “ Min duh lo a nihchuan sawi mai rawh ,kal ang" tiin waiter chu a ko va ,pawisa a pe nghal . Min en tawh miahlo in a chhuak zui chu a hnungah ka umzui dat dat,engvanga thinrim em em nge a nih ” Marciel ding teh" a kalchak lutuk chu thaw hlawp hlawpin ka um,kan bike dahna a la hla ropui sia. Marciel ka inchhuih avang chuan ka bawk thlawp,ka la tho thei mai lo lehnghal .

” Marciel Rossier " ka ti tuar ,a ding nghal chawt. Muangchangin ka tho chhuak a “ I duh duh chuan awm rawh " tiin ka kalsan,a kallohna lam kawngpuiah chuan chhuakin taxi chu phar tumin ka ding ran ” Enge i hriat " ti a min kuai her lawp tu chu a hmaiah tak ka hnek thuai “ Enge ka hriat maw? Enge i hriat zawk,kei hi i bawl kual mai mai tur em ni ka nih? I duh duhin awm rawh,ka peih tawhlo " tiin taxi rawn ding ah chuan thut luh ka tum chu min pu nawlhin a kalsawn nghal zat .

“ Min dahthla rawh " ti tuar tuar in a hnungah ka chum zawt zawt,min lo puih tum ho chu a vau zel a vangin min en liam tawp hlawm “ Ka hua che " tiin a hnungah chuan ka chum dawt dawt. A bike bul kan thlen chuan min dahthla in engmah ka sawi leh hma chuan min pawt dawrhin ka hmuiah a fawp nghal nawk nawk “ I duh ang ngei chuan i awm dawn a nia ,mahse tunah chuan ka hruai chhuah che i nia ka thlah haw ang che " tiin bike ah chuan min thut tirin chak zetin a tlan chhuak nghal .

Kan in kan thlen thleng chuan min be tawh lo hrim hrim ,ka en liam a ,a tlan liam takah chuan ka lut vat. A tukah chuan Felyna nen an inzui a , college students ho chuan an sawi duh hle,ka thik lo a nihchuan dawt chiang bal a nih ka ring,mahse tihlan ka tum lo . Hun reilote chiah kan ni hman a ,hun reilote chhungin a inthlak thei a nihchuan engah nge ka inthlak theihloh bik ang,Carolina chu zanlama club a kal turin ka sawm a ,a lo phur hle ..

Na anga lan ka tumlo va ,ka chak tawk zia hmuh tir ka tum zawk ,class a ka awm lai chuan an rawn lut a ,melh pawh ka melh peihlo . Ka phone ah hla play in ka ear phone ka vuah hmak,min thik tir a tum a nihchuan a tisual khawp ang,ka seka rawn nghawk zauh tu avang chuan ka meng chhuak a ,chutah mipa pakhat in nuisanga min lo en chu ka hmu nghal ” Hi Christian ka nia" a tihchuan ka nuih let sang,ka chibai let a ,ka bulah thut min dil chuan ka rem tive mai, Carolina chuan min nuih vur vur .

 

Christian nen chuan kan inbe mawlh mawlh ,zanlama club a kal ve tho a tum avangin kalrual kan ti a ,he college ah pawh a luhna a reo tawh a ,mahse keimah Marciel bula ka awm deuh reng avangin min be ngamlo tih a sawi a ,ka nuih hak ,dawhkan ri deuh burah chuan kan hawi chhuak nghal ha ,Marciel rum lutuka min lo en tu ka hmu nghal,an class a awm lo a engvanga kan class a awm tlat nge a nih ang .

Chutah ka lamah rawn kun in min pu leh nawlh,ka au nghal that “ Min dahthla rawh lerh thak pa " ti tuarin ka chum zawt zawt, Carolina te lah chuan ang phuau in min la en zui ,he mihring hi ka haw lutuk “ Min dahthla rawh " tiin a hnungah chuan ka theih tawp a na in ka chum leh,bangah min nawr deuh nawkin rum zetin min enna chu ka haider hmiah bawk