DARK ROMANCE CHAPTER 3

DARK ROMANCE 

CHAPTER 3

“ Lungngai suh nute Liz-i chu ka lo enkawl dawn a nia ,mahse in fanu hi ven vak a ngai pawhin ka hrelo,insual a thiam emai " a tihchuan ka pa chuan “ Lizzie" a rawn tihrawk . Ka insual an phal ngai lova,a tul hunah bak ka thiam thil hmang lo turin min tiziah a ,ka insual chang chuan ka lam an tang ngailo hrim hrim . “ Ninawm mipa rualin min khawih an tum a nihkha ,in fanu hi thi se min ti em ni " ka ti vak ,min en kur ringawt “ Nang pawh kha haw rawh,i inzawh tawh kha tawng thei ropui si " tiin sofa ah chuan ka thu thla chawrh.

“ Ni e ka haw tawh ange,mahse min rawn thlah la " mit kan uk chunga a rawn tihchuan vuak tluk tawp mai ka duh tawh . Ka pa in va thlah tura min tih avang chuan phur lo zetin ka zui chhuak a ,a bike a a lawn tur chu rawn inher thutin alamah min pawt hnaih dawrh pah chuan min kuah thlawp,ka hamhaih lutuk chuan namsawn na chang ka hre lawk lo “ Lizzie ka hmeichhe hmuh tawhah chuan ila danglam ber " tisupin min thlah a ,bike ah chuan lawnin a tlanchhuak nghal . 

A tlan chhuah hnu pawhin ka awmna ngaiah chuan dingin ka melh ngai ka melh tlawk tlawk,engvanga hepa hian min tibuai char char nge a nih? A bula ka awm apiang in ka lungphu a rang ve ziah lehnghal . Inchhung lama ka lut chu ka nu chuan min lo chum awk awk “ Engvanga khatianga ti nge i nih a ,tawngkam mawite hi hre ve teh,hetiang tur hian kan enkawl seilian lo che . Thian i neih loh hlauin mi kan be tawk tawk a ,tun atang chuan tha deuhin be tawh ang che " a tihchuan “ Ka thian a ni bawk lo,engmah in hriat loh kha " tihmakin ka room lam ka pansan a .

Khumah chuan ka bawk thla thlawp,ka chau takzet ,khang ho kha ka insual pui nasa bawk si,engkim hi Marciel Rossier vang vek a ni ,ka haw hluah hluah “ I la chak lo ang " tiin ka lu kham chu ka hnek bawrh bawrh, a tuka class kal tur a inhnuai ka chhuk chu ka nu in Marciel a lo be bawrh bawrh chu ka hmu nghal . Enge a la rawn tih cheu dawn ni,ka hrilh chiang viau sia “ Enge i rawn tih dawn " tiin pawn lam ka pana,ka hnunga min rawn zui pah chuan“ Kal rual ang,ka lo sawm che " a tihchuan ka nersawk .

“ Ka lawm e ngailo mai rawh se ,keimahin ka kal thei " tiin a bike chu kal pel mai ka tum a.  Ka kutah a rawn vuan chat; “ Liz,thu awih teh chuti lo chu college ah buaina ka siam ang che " a tih tak hmukah chuan a hmel chu ka en ,a lo rum al tawh mai . Ka hlau ther te lo “ Buaina min thlen lo emaw i ti em ni? Ka lak atang hian in thiar fihlim rawh " tihmakin taxi rawn tlan chu phar din tumin ka kut ka vai a ,chuveleh ka hnung atanga min chawi lawpin a bike ah chuan min thut tir in ka hnungah a mah a rawn thu nghak,bike hmalamah chuan ka bawk ringawt “ Hmela a hrehawm a nia khawi ka chhuk dawn 

I hmel hmuh ka duh lo ka tih tawh kha " ti thatin ka thu ngil “ Nangmah khan khalh rawh,ka phurh i duh lova keiin i phurh ka duh a lawm " a tihchuan ka en let ha,ka nui ta vur vur.  Ka khalh a phal phawt ahnu, Toronto a kan awm lai khan ka thianpa bike kha ka nu leh pa hriat lohin ka khalh fo va ,ka thiam lo emaw a ti a ni ngei ang,a bike a changkangin a nalh bawk a.  Khalh ka phur zual sauh,hetiang bike manto te chu ka hnar phal nang.

Ka tinung vut vut a , chu veleh ka kawngah a rawn kuah nghal chat a . Ka darah a khabe a nghat nghal “ I khalh thiam chiah maw " a rawn tisup a ,ka chhang lo ka taksa a tawhna chuan min tidanglam vek “ Tikhan min kuah kher suh " ka tihchuan a rawn nui hak a ,ka biangah a rawn fawh chuan ka la phu zuk zui,hepa hian enge a hriat ni . Ka tlan chhuahpui thut a ,min kuah nghet nghal tung mai “ I khalh thiam tak tak elo? Nangnu hi i va dangdai ve " a tihchuan ka nuihsak ringawt .

College gate chhunga kan tlanluh lai chuan zirlai dang ho chuan min lo thlir thap,Carolina in nui sawnga min rawn en in kan lam a rawn pan.  Bike chu tidingin Marciel chhuh hun chu ka nghak a ,a chhuh rualin a thaw deuh hluai “ Bro ,i bialnu chuan bike khalh leh zel a lo thiam elo" nui huk huk chungin Thomas chuan a rawn ti a,Marciel darah chuan a beng nghal thuk thuk bawk . Carolina lam pan mai ka tum chu Marciel chuan ka kawngah rawn manin a lamah min pawt hnaia,ka hmuiah a fawp nghal zauh .

Midang chu an phun nghal mur mur “ An in ngaizawng a ni hrim hrim,awi ka thik e " ti karah “ A van zaklo tak a rawn lut thar ve dek dek a,kan University a lar ber a rawn kherh ngam vel a nia " ti tawk an awm bawk . Kei erawhin Marciel min fawh avang chuan ka ang phiauin ka en ,a nui suk a ka biang chu a kut chuan a rin nghal riak riak “ Ka bialnu i nih tawh kha , hre reng ang che " a tihchuan ka tum hmak“ Zaklo pa " tihlakin ka kalsan nal nal, Carolina thil min zawh tum chu a kutah kaiin ka kalsawn pui nghal hlawk hlawk .

“ Enge in inkarah thlenga ,in in hre sa em ni?" hmun danga kan awm hnu chuan min zawt nghal “ Hresa nang,a bialnu ka nih thu a nu leh pa bulah a sawi ringawt a ,ka ngei lutuk . A bialnu ang maiin min cheibawl nghal a ,ka thin a tirim a nia" ka tihchuan Carolina chu a rawn au vak “ Awi Lizzie i va'n vannei tak,Marciel hian hmeichhia a bem ngai lo a nia ,avan mak em em a duh che a ni hrim hrim "a tihchuan a ka ka hup sak nghal vat “ Class ah kal vat ang " tiin ka kai leh dawr dawr,class kan luh dawn chuan hmeichhe pakhat hian min lo dang a .

Ka en vat “ Nang hian Marciel kha i lo chhaih buai tiraw" a rawn ti deuh that “ Chutiang engmah ka tilo " tiin kalpel mai ka tum a ,ka samah a rawn kek nghal bawrh bawrh,ka pa min hauh ka duh loh bakah ka hmeichhiatpui a nihna avangin ka thiam thil ka hmang duhlo ,ka sam a kehna lah chu a na zek lehnghal . Ka mittui a parawl titih “ Felyna thlah nghal rawh " Marciel aw a hriat rualin Felyna chuan min thlah nghal . Mittui parawl kiangin Marciel chu a en “ Kha chen ka nghak che a ,i nu leh pa leh ka pa pawhin kan in hual tur thu an sawi tawh a .

Engvanga a ni hi lo nihpui nge i nih Mar" tiin Marciel chu a pan “ Nang nen hian kan in hual ngai dawn lo " Marciel chuan tihrawkin min rawn pan,ka biangah dawmin a kut pakhat chuan ka sam Felyna in a kehna chu a siam tha mawlh mawlh . A ni hi a nimaw Marciel an a neih duh loh thu a sawi kha “ I tha em?" a rawn tihchuan ka rilru a tino zo vel,ka tap nghal hliam hliam . Min kuah bet vat “ Shhh...engkim a tha vek e,i bulah ka awm reng ang ,hmeichhia a nih avangin i khawih duhlo tih ka hria a lawm.

Tap reng reng suh i hmelchhe zo vek a nia " a tihchuan a awmah ka chum chawrh “ Tirawh hmun dangah kal phawt ang " tiin Carolina chu a en “ I thiannu hi kan tlanbo pui lawk a nge " tiin min kai chhuak,midang corridor a awm te chuan min en thap hlawm a. Tumah tawng an awm lo ,ka hma a Marciel hmalam en a kal ngut ngut chu ka en ,ka kut a chelhna lai chu ka en bawk . Engtin emaw tak hian ka awm ,nuam ka ti riau . Ka nui leh ver ver ,hepa hi ka hriatna a la rei hauhlo mahse ka ngaina tawh takzet . 

A bike bul kan thlen chuan a rawn hawi let a ,a kut chu min pek rualin ka vuan nghal chat,kan tlanbo dawn tih ka chiang,mahse ka pawisa lo . Hepa hi hriat chian ka duh ,a kut chelh chung chuan bike ah chuan ka lawn a ,a rawn chuan rualin a kawngah ka kuah nghal zat .  Arawn nui nghawr dat a,ka kut chu rawn hmer vang vangin a helmet chu a khum nghal zat ,a hnungah chuan beiin ka mit ka chhing chial,a tlan chhuah rualin thli chuan min rawn chhem heuh heuh a ,ka kut chu phar kualin vanlam ka hawi a,ka nui sang bawk .

Ramhnuaiah min kalpui a ,ke a kalna tur bik kan thlen chuan a bike tidingin kan chhuk a ,ka kut kaiin kawng awmna lamah chuan min hruai nghal zat “ Marciel khawnge kan kal dawn a " ka tihchuan thuruk tih bakin min chhang duhlo ,tui luang ri ka hriat rual chuan ka phur nghal sarh mai . Thinghmun atang chuan chhuakin khamsang zet atanga tui khawhthla nalh zet chu ka hmu nghal ,ka au chul mai “ A mawi lutuk " tiin ka pan nghal ,a hnuaiah chuan a li pum a ,a bul velah chuan pangpar sendang leh hrui zam par a purple chu an vul chuk a ,a mawi takzet .

Marciel chuan a thawmhnaw phelhin tuiah chuan a zuang lut a ,rawn chhuak lehin a mitmei chuan tuia lut tur in min tizauh,ka thawmhnaw chu ka phelh dawn a ,ka tim leh deuh hlek . Marciel lah chuan min en reng bawk si ,muangchanga phelhin ka kekawr pawh chu ka hlip zuiin ka lut ve nghal,Marciel chu ka lam panin a rawn hleuh phei a ,ka hmazawnah a rawn ding a . A sam atang chuan tuiluang thla in a awm pharh dapah chuan a luang a ,ka chil ka lem khalh.  A sexy takzet .

Ka lu ka thing nawk nawk,enge ka ngaihtuah tehhrep . Ka kawngah chuan min chawi nawlhin tuiah chuan min in liluh pui leh thut a ,ka kuah nghal chawt.  Ka inring lo bawk nen tuipawnah kan chhuah leh chuan ka thaw kawk kawk ,ka hmel chu chiang taka enin ka lamah a rawn awn phei a ,ka thaw ham ham . “ Marciel " ka hmuiah a rawn fawh avang chuan ka tawng zawm thei tawh lo,a mifawhna avang chuan mitchhingin a awmah chuan ka kut ka nghat a .

Ka chhang let ve vat ,a samah chuan thamin ka fawp let ve tan tan,ka hnute chu a hup chat,a kutah chuan man betin ka awmsawn deuh a ,a mitah tak chuan ka en “ Ka hmangaih che Lizzie " a tihchuan ka angpam “ Mahse ala hma.." ka sawi tur ka sawi zawh hma chuan ka hmuiah bawk a rawn fawp leh “ Ka hria a lawm,mahse ka hmuh tirh atang tawh che khan i laka ka awmdan kha hmangaihna a ni tih ka hria a ni . I laka ka awmdan ang hian hmeichhe bulah ka awm ngai hauhlo ,min ring rawh " a tihchuan ka hlim lutuk chu au chhuah vak mai ka chak .

Ni e ,ka ringhlel lo Carolina pawh khan Marciel an hmeichhia a ngaihsak ngailoh thu a sawi a nihkha ,ka nuih ver ver a . A nghawngah kuahin ka fawp zeuh a ,chuveleh thaw huaiin tui thuk zawk lam pan chuan min kalpui,kan infiama kan rak dun chul bawk . America a ka awm atanga ka hlimber tum a ni hial ang.