BAD MAN CHAPTER 1

BAD MAN 

CHAPTER 1

BY MAWITEI BAWITLUNG

“ Candy Malfero ka thusawi chu awih mai rawh " ka pa chu rum zetin ka melh “ I fanu hi misual tak nei turin i ti chu a ni si a ,engang pa nge maw i nih le " tithat in ka nu min lo dan tumna chu pawisa lovin ka pa chu ka en ngar ngar “ Ngawi hmak rawh,ka hrin chawp leh ka chawm chawp i nih hi ,ka thulo chuan khawiah mah i kal hek lovang,i nei ngei bawk ang" a tihchuan ka nuih hak “ I fanu ka nilo a nilawm ni,chuan ka nei lovang,i duh chuan min tuithlar mai dawn a nia " tiin pawnlam pan chuan ka kal nghal hlawk hlawk 

Ka nu min umzui chu melh hrawkin “ Min rawn hnaih suh,nangpawh hi ka nu i ni hlek love ,pasal te hlaua fate thlavang pawh hauh ngam lo nu hi enga tan mah ka tilo che " tiin ka bikeah chuan lawnin ka tlan chhuak nghal zat ,ka tet te atangin nu leh pa hmangaihna ka dawng ngai lova ,ka pa engtik lai pawha a chhungkua ai a sumdawnna ngai pawimawh tu phei chu biak pawh ka be ngailo tluk a ni . Nupui leh fate ai chuan hmeichhe hrang hrang kawp a,a sumdawnna a inhman a duh zawk .

Tunah a sumdawnna zauh nan bawka min hman a tum chu ka lawm lo hle bawk . Ka hmalamah chuan chak thei ang berin ka tlan zel a ,ka pasal tur min rawn na nei lek lova a lo thlang ve ringawt chuan min ti thinrim in ka pa chu ni lose ka tina duh hial in ka ring,hmeichhe nu zawk zawk ka nilo va , taekwondo black belt ngat ka ni pha ve a ,keimah ka invenna tur tawk chu ka thiam ve tawk tih ka chiang hle bawk . Keimah te a nun hmang chho ka nih avangin ka him nan leh ka inven ve nan ka zir a ,a tangkai phian bawk .

Mipa satliah mai mai chuan an duh duhin min khawih thei bik hauh lo,ka pa hian mafia pawl a dina,chu erawh zawm ve ka tum lo bur ,mi nunna laka sumdawnnana hman hi ka duh ve heklo,khawpui pawn hmun sang takah chuan dingin thli chu ka inchhem tir heuh heuh,ka hmaah chuan London khawpui chu a lang chiang hle bawk . Thawk la ham hamin ka kut chu ka hum ruh,kha mipa englai maha ka theihnghilh theihloh,hliam tam tak min hnutchhiah hnua kal bo ta daih kha ka ngaihtuah let a ka inhum ruh talh talh.

Mipa vawt tak a niin a pa hle bawk,hmeltha vur tih tur chu a nilo,mahse hmeichhe ho hmel pa tih chi a niin an ngaizawng fur zel a nih kha , kei ngei pawh ka bang hauh lo . Ka University kal chhung zawng kan inkawp a ,mahse engmah sawilo in a kalbo vang vang a,kum 4 lai liam tawh mahse ka tan chuan theihnghilh a har hle thung .

Ka hmangaihna zawng zawng ka hlan a,ka engkim ka hlan tih tluk a ni . Mahse a ni chuan bumna chiah min pe thun,keimah ni ang bawkin mafia pawl hotu fapa a ni a ,mahse tumahin an hre hauhlo . A chhan chu mafia chu pawl inthup an ni tlat a ,hriat mai mai theihloh an ni tlat “ Candy " chu aw avang chuan ka phu zawk,ka ngaihtuahna atanga harh chhuak thutin hnung lam ka hawi let a ,ka mipa hmuh chuan min ti mengphawk hra mai,tuna ka ngaihtuah lai mek leh min kalsan tu ,kum tam tak chhung hrehawm a min siam tu Lucifer Delgado ngei a ni .

Ka hmaah chuan a rawn ding a ,kalsawn tumin ka che nghal hrat chu ka tlai hret,ka tum hria in ka kutah a rawn man bet nghal chat “ Min thlah rawh " ka ti that,a mitah chuan chiang zetin ka melh bawk ,engtin nge helaiah daih daih ka hmuh theih? Ka hmu thut chuan min thawng lo theilo“ I nalh hle mai,a hma ai khan i nalh tawh zawk " a tihphei chuan ka ten lutuk chu ka uak lo chauh a ni“ Ka hre ngai lo che a ,ka kut hi thlah ta che " tiin ka kut chu thinthlak ka tum a ,a vuan nghet mah mah

“ In bia ang" a tihchuan za lo zetin ka nui leh hak “ Nang nen inbiak chhan tur kan neih awm ka hrelo,ka kut hi thlah vat mai teh" ka ti leh that. A thlah rual chuan kalsawn tumin ka che leh,mahse ka kutah vuanin a car awmna lam ni ngei turah min hruai nghal, ka tal vena te chu engah mah ngailo tih hriat tak hian a kal ngai rengin akal,engvanga helaia hmuna awm ve nge a nih ang . Chutah,Zak hauhlo in a duh duh naah min hruai a tum leh ta nghal a nia .

A hma ang ka ni tawhlo tih a la hrelo pawh a nimahna ,a kut chu ka herhsak a ,a inring lawk lo tih hriat takin min thlah nghal “ Min khawih leh tawh hauh suh. I hmelpawh ka hmu peih tawh lo " ka ti tuar,ka insum thei tawh thlawt lo . Mit chuar nungin min en a ,a hmel chu a upat hmel sawt bawk . A sana chu a melh zauh a “ Hun ka ngah lo a nia Candy" a tihchuan ka ner khum sawk“ Ka dal che em ni? Keipawhin nang biak nan hun ka neilo,i haw na tur kawng i bo palh nge helaiah hian i rawn kal ve hrim hrim " ka tihchuan min chhang lo .

Ka be duh tawk bik heklo a,ka bike awmna lamah chuan ka phei hlawk hlawk a 

ZAWMNA 

Ka thaw ham ham mai ,ka bike ka lawn tur chu hnung lam atanga min kuai herin engmah ka sawi hman hma chuan ka hmuiah a fawp nghal chat,a mi fawhna chuan min fan rawih rawih,kum tam liam tawh mahse nimin ang maiin engkim a hmui leh a rim te chenin ala ngai vek a ni . Ka kawngah a hmer chat a ,min fawpna zual sauh bawk,a biang hmul chuan min nawk deuh na na ” Ka ta ila ni reng a ni " a tihchuan ka harh chhuak zawk .

Ka namsawn nghal lawp “ I tenawm takzet ,i hming ang maia zahna neilo Setana chu i nih chiah hi Lucifer " tituarin a awmah chuan ka chum pawp pawp ,min dan a tum lova ,na ti ang pawhin a awm heklo; chu te hlei hlei chuan min ti thinrim,khang kum li chhung khan nitin ka lo nghak thin asin. Mahse a ni chuan min biak chu sawi loh vawikhat pawh a rawn in lan leh tawh ngai lova ,a bo hmak a nihkha . Tunah ka hma a a rawn lang chu ka haw hluah hluah .

Engkim a nih tur ang a nih tawh hnu leh huatnaa ka khah hnu a ka hma a a rawn inlan ngam chuan min ti thinrim lo theilo ,ka mittui te chu ka thinrim lutuk avangin a tling thei hial . Ka mittui tla a hmuh chuan a hmel chu a buai ve hman hialin ka hria ,mahse a reh leh nghal vat thung . Ka hmu sual zawk pawh a nimai thei,a ni hian min hmangaih lova ,duhna tak ngial pawh min hmuh tir ngailo a nihkha “ Ka tenawm a nihchuan tinge a hma khan ka bulah i awm si " a rawn tihchuan ka hnek lo chauh tawh .

Kalsan ka tum chu ka kutah manin,ka bike hliah zawng chuan a awm lui ta tlat ” Kan innei dawn tih i hre tawh ang chu tiraw ? Nge ni a i duh lo zawk nge " a tihchuan mak tihna in ka khat ,ka pa in nei tura min tihkha a mah hi maw . A khabe chu a tuai zauh a ,ka hamhaih hmel chuan a nuih a tiza tih a hriat reng,kan vela thawm awm te chu an reh dukin ka hria . Thli fim rawn thaw heuh heuh chuan min rawn chhem a,mahse ka ngaihtuahna erawh in ka taksa a tisa pup pup thung .

“ Ka nei ngai dawn lo che ; phatsantu tenawm tak ini " tiin ka kut ka hum ruh . Ka khabeah rawn dawmin a mah en turin min kuai dak salha ,a mitmeng dum fiah kak mai chuan min en reng “ Min nei lovang maw ? Min neilo ngam a nih phawt chuan maw i chhungte zawng zawng hi ka that chimit vek ang,Candy i danglam tawh ang bawk khan keipawh ka danglam tawh tih hria ang che " a tihchuan zak theilo leh rapthlak tizetin ka en ,chutah insum hmanlo in a biangah chuan ka beng thuai a .

A nui a ,mahse a mitmeng erawh a rapawm takzet . Ka kawngah chuan rawn chawi nawlhin kan sira hnimah chuan min lehthlak pui nghal zat “ Nang hian ka thinurna cho chhuah hi nuam i ti tiraw ,a tawk e i duh chu i hmu khawp ang " tiin ka hmui chu a fawp nawk nawk a ,ka thiam thil zawng zawng hmanga ka khawih pawhin invendan tur a hre lutuk tlat. Ka thawmhnaw chu a phelh mawlh mawlh a ,ka hlau takzet tawh “ Duhtawk rawh" ka thusawi te chu hrelo ang maiin a tihlai chu a tihchhun zawm a .

A hma a a thinrimna te kha a reh ta emaw tih turin a mifawhna chu a dam ta thlap,chu chuan hman ang lai hunah min hruai let leh lo theilo . Khang hunah kha chuan hmeichhe hlim leh nuih duh tak,thawveng tak leh nunnem ti a an sawi fo thin ka ni a nihkha , college queen hial ka ni thin . Mahse hepa vang hian thawk leh khatah ka nungchang leh engkim ka hloh ta vek a nihkha ,ka thaw hak a ,ka inthlah dul tih a hriat rual chuan ka hmuia a fawh na chu a thlak nghal zat 

“ Diamond khawngaihin tawp rawh " ka tisap,he thil hi thleng leh turin ka duh tawh lo takzet . A chhan chu ka natna thlen tu a ni miau va ,a nipawh chuan min tilui tawh lova ,a awmsawn nghal ” Ka thin tirim zawngin khawsa tawh hauh suh" tibul hmukin meizial chu a tan a ,a zu nghal zat.