DARK ROMANCE CHAPTER 2 (ZAWMNA)

DARK ROMANCE

CHAPTER 2 

MARCIEL POV...( CHANGTUPA POV LANG NGHAL RAWH SE AW )

“ Bawiha i kum a naupang lutuk tawh lova ,ka sumdawnna hi ila enkawl thuai angai dawn a nia " a tihchuan ka ner sawk “ Chutiang thil ka ngaihven lo ka pa " ka thlenga eitur chu ka eizawm nghal , restaurant ah kan chawl a ,mi hausa nimah ila dawr changkang lutuk ah kan chawl ngai hauhlo ,chutia ka thil eilai chuan pawnlam ka en ,kha hmeichhia bawk kha ka hmu leh . Kawrfual a ha a ,ka hma ah chuan duh tawkin a lo in post ,kan chawlhna darthlalang hi pawnlam atanga mahni in en theihna ,chhunglam hmuh theih loh in chhunglama awmten kan hmuh theih a ni a .

A hre lo a ni ngei ang,a hmui a tipawrh kual a ,a lam pah lehnghal “Bawiha enge i en reng " ka nu in a rawn tih pawh chuan ka chhang lo,chunu awmdan hlir chu ka en,a mitmu a uk fiah kak a ,a vun rawng chu hang ni silo Indian ho vun ang a pu,saw vang sawn a ni ngei ang nalh ka tih ruk em em . Lei a rawn chhuah chuan ka hriat loh karin ka lo nui suk ,ka nu leh paten ka enna lam an en chu an hawi lawl lawl mai “ A va buaithlak,a lawmawm phian bawk sia,a fel hle dawn a nih saw " ka pa chuan nui ruh ruh chungin a ti a ,a thinchhiat zia hmu ve se an ti hauh lo ang .

A kal sawn tur chuan mit a siai sak a ,ka chhuak nghal vat . Weekend a ni a ,a leng dawn a ni ngei ang .

LIZZIE POV...

Darthlalanga in en chung chuan ka in post vel ,tiang glass ka hmuh hi chuan khawlai pawh nise ka in en ngei ngei zel ,ka kalsawn tur chu chu ka in enna lai kawng khar chu a rawn inhawng thut ,mi an lo awm reng a maw ? Mihring hmel ka hmazawna rawn lang ka hmuh chuan ka tum nghal hmak “ Camera hma a in post chu i thiam hle mai ,khatiang a nihchuan ka la chhawr duh mai thei che a ni " a tihchuan ka kut ka hum ruh “ Nanga chhawr kha ka ngai aw kawng lo,hmela min lo hmu reng em ni" ka ti that .

“ Hmu ele ,ka nu leh pa chenin mawle " a tihchuan “ Awi ka nu,ka zak lutuk" tiin ka hmai ka hup “ Zak duh suh,i ti vek tawh tho " ngeiawm zeta a rawn tihchuan a ngalah ka chhuih tawk ,ana ti rawn kun hniam chu a samah ka lo kek nghal “ Aiah nang nu hi enge i hriat teh hrep a ,thlah rawh" tiin ka kawngah a rawn hmer vak ,ka thaw kawk mai chutia kan lo insual lai chuan “ Bawiha inthlah teh u,miin an en thup cheu hi " dam dap a rawn tiri avang chuan rang zetin ka hawi phei ,chutah Mr Rossier te nupa ka hmuh rual chuan ti dakin ka en ..

An fapa ka khawih avang hian jail ah min tan tir angem,an ni ang mite hriat lar leh mi hausa si chuan an duh chuan min tan tir thei ngei ang ,Marciel taksa atang chuan ka chhuk a ,ka hawi chhuak chu kawnga kal mite chuan camera nen min lo tin thup . Ka kun chal “ Kan lo infiam a nihkha ,ni lawm ni Liz " a thusawi avanga ka hamhaih tawh sa nen ka hming a lamdan a vang chuan mak tiin ka en chho ha “Pa ka bialnu Lizzie a nih hi ,hei vang hian a nia Felyna nen a kan inneihna tur pawh kha ka duh loh" a ti deuh deuh .

Ka ang phuau,a nu leh pa chuan min en tawnin an nui ta hak “ Bawihi tu nge i nu leh pa " an tihchuan tidakin “ Harry Thompson leh Kate Winslet " ka tihchuan a nu leh pa chu an bu nghat “ Kan kal phawt ange,hna thawh kan la ngai si a " tiin car lam an pan a ,an driver ni ngei tur chuan a lo hawn sak nghal vat ,an tlan liam rualin Marciel chu rum zetin ka melh “ Nang hian engvanga i bialnu anga min sawi nge i niha? " ka ti deuh tuar . Ngaihsam hmel fe a a mit kan ukin “ Khatianga ka tih loh chuan thubuai i nei ngei ang,ka nu hian ka thlavang a hauh a nia . Ka pui che a ,nang in ka nupui tur a an tih lak atangin min pui thung ang .

Chu thil i tilo a nihchuan keihian buaina ka siamsak ang che" a tihchuan ka hnek leh tep a ni “ I duh duh tirawh " tiin ka kalsan hlawk hlawk “ I bawp tawi te kha a bal ange kal muang deuh rawh " a bike a chuang chunga min rawn auh leh chuan rum zetin ka melh let “ I ngal cher zet kha ka awt bik lo " tiin ka kal leh ,a bike chu a tinung a ,a tlan chhuak ri ka hriat rualin ka kawngah a rawn vuan a ,min chawi kang nghal nawlh . Ka rak that , a mal chungah min thut tirin hmalam chu a melh,chhuh duh mah ila kan accident ka hlau bawk si a mah chu ka kuah ngawt ngawt.

A tlan chak ropui si,ka hlau takzet “ Tlanmuang rawh" ka tichul,ka sam te chu an phe hlawp hlawp a ,ka mit pawh ka meng ngam lo “ Min kuah nghet rawh,ka nghawng ah erawh kha chuan rek vak lo la ,ka thi riau riau ange " a rawn tihchuan “ Ka reh hlum nghal loh che ,ding rawh kalna tur ka nei a nia ,engvanga min tibuai nge i nih " tiin ka kuah bet tung mai . Khawiah tak min kalpui tum ang maw? Hepa hi ka hre chiang der silo va ,ka chungah thil thalo a tih ka hlau “ Min dinpui vat rawh ,ka hre chiang lo che a nang hian min tihnat i tum a nih vaih chuan ka awm mai mai dawn lo a nia " tiin ka en.

A helmet chhanah chuan min rawn melh zawkin “ Ka it zawng i nilo va ,tualthah hmang lah ka ni heklo. Ngawi reng khan awm hle hle rawh ,thu kan sawi dun mai mai dawn a nia ,ka bialnu hual" a tihchuan ka kut ka hum ruh tun mai, “ Ngawi hmak rawh hmel a " tiin kan awmna lai vel en tur chuan ka hawi chhuak,khawpawn lamah min tlanpui tih ka hriat chuan ka hlauthawng deuh deuh “ Marciel " min rawn en chiang hle ,mahse a bike khalh lai bawk chu a en “ Min tina suh" ka tisep ,mahse a rawn nuih nghawr dawt avang chuan mak tiin ka en ha .

Bike chu a ti ding zui a, a mal chung atang chuan ka zuang thla nghal vat “ Misual ka nih loh hi " a tihchuan ka en ha ,ka lamah a rawn tawlh hnai a . Ka lo en ngar ,ka tawlh hnung dat dat . “ Eng...enge i tih dawn " ka tihchuan ka kawngah a rawn dawm chat a ,ka khur dar dar“ Marciel " ka hmui bul chetah a rawn thaw lum ham ham,ka zam zo vek ,a thaw rim chu ka hip lut hak,a thil ei rim a nam deuh “ Min duh vang a ni lawm ni,ka hma ah i rawn in post " a tihchuan ka lu ka thing nak nak .

“ Min hmu ang tih ka hre hauh lo ,i awm tih lah ka hre hek lo ,min thlah teh" ka tihchuan thing bul lamah chuan min hruai phei a “ Ka nu leh pa bulah ka bialnu ang i ni tawh a ,tunah chuan kan inzui tam a ngai dawn a nia ,ka pa hian min enthla ngei ang" a tihchuan ka ipik zual,a bialnu anga awm tur chuan kan la inhre reilo mah mah a ni “ Chutiang a theihloh,kan in hre tawnlo " ka tileh ,tawngkam ka thiamlo lutuk leh hnial dan tur ka hrelo chuan min ti thinrim deuh tun “ Kan inhre chiang dawn a lawm,ani lawm ni? Kan thil ngainat te kan inhriat chhoh sak dawn a lawm " a tihchuan ka lu ka thing nawk .

Thawk leh khatah kan piah atangin faifuk ri a rawn chhuak a,kan hawi phei chuan tlangval sual hmel tak tak ka hmu nghal “ Marciel kan intawng leh ta maw ,e a fuh dawn e a bialnu hmuhah sawisa hrep ila a nimai" tiin mipa panga chuan min rawn pan,hlauthawng zetin Marciel chu ka en ,min din chhuahpui a “ Bialnu a nei hmeltha zek lehnghal,kan chinfel zawh hunah a hmeichhia hi chu ka ta tur a ni " chupa bawk chuan a rawn ti a ,ka hlauthawng takzet .

Marciel hnungah chuan ka biru nghal “ Hlau suh" tiin chung ho chu a en phei a “ Luciano a mal leh mal hian min cho thei ngang lo a nimaw " Marciel chuan chupa lam hawi chuan a ti a ,chupa chu a thinrim hmel hle . A naute chu tel ve lo tura hrilhin Marciel chu a rawn pan a ,an in hnek nghal thuai thuai . Ka hlauthawng takzet ,mahse Marciel insual thiam zia ka hmuh chuan bad boy an lo ti pawh kha ka ringhlel lo ,Luciano a tihchuan a hneh lo hle,a tawpah a thiante chuan an rawn pui dawn a ,ka che chhuak ve vat..

Canada ah khan taekwondo ka zir a ,ka thiam ve fu . Pakhat in a hnung lam atanga Marciel khawih a tum chu ka kick tlu thuai ,midang pahnih chu ka hmachhawn zui a ,Marciel erawhin pathumte chu a chingfel nghal mai . Keipawh chu pahnih te nen chuan kan inbeih ngat ngat hnu ah ka hneh hram ,kut beng ri ka hriat rual chuan “ Aw ka bialnu tang rawh " tiri a rawn chhuak a “ Ngawi mai teh hmela " tivakin chung ho chu kan kalsawn san nghal,a bike ah chuan inphur in chung ho chu kan kalsan nal nal .

ZAWMNA 

“ Khalaiah khan ding rawh " ka thusawi chu hrelo ang maiin a tlan lui zel ,hepa hi kan in hriat tir ka tum lo bur “ Mitpawng pa ,ding rawh ka tihchu " ka tileh that “ A bengchheng in in awmna sawi chu a har em ni hnutelian " hmela mai mai chuh. “ A duh leh a lian ang,mipa in an en duh nen,hmeichhe ho in an awt tih hria ang che" ka tihchuan ka thusawi avang chuan bike khalh reng chungin a rawn nui hawk hawk “ Nuilo khan khalh tha rawh kan accident ange " tivakin a hnungah chuan ka chum tawk .

Hmun pakhata lo intibuai kan hmuh chuan min dinpui nghal “ Thomas , Franklin enge in buaina " tiin mipa pahnih chiah lo dinga ,a lehlam pawl erawh mi sawm chuang tur chu an lo ding thap . Tinge vawiin ni ataka insual hlir ka hmuh le ka ning takzet ,a thiante pahnih kha an ni tih ka hria “ Kan leng kual min lo tibuai alawm,hrep tak hian nep lutuk " Thomas a tihzawk chuan a rawn tihluk,an thian thuma an hmeltha tak chu ka lo en dauh dauh ,hmelma an ngah hmel ka ti,an hmelthat teh lul nen misual chu nilo se keipawhin ka vei hlawm viau ang .

“ Tunge a mala min cho " Marciel chuan chung ho hma a ding chung chuan a tichher chhak a ,chung ho hmel tlanchhe nghal dui chu mak ti takin Marciel chu ka en , Carolina sawi ang khan in mal beihah phei chuan Marciel chotu an awm ngailo a tih tak kha ,hepa hi ka la hrechiang chho dawn chauh in ka hria ,a nui hmel phena a luhlul hmel leh a mitmeng rum al thin hi reilote chhung pawhin ka hmu thiam. Nui hmel pu mahse a hmel chu a nelawm chuang loh ,a mah hrechiang tute chuan he anui hmel zawk hi an hlau ngei ang le .

“ Aih insual tawh lovang,min thlah haw rawh " insual hmuh reng ka kham tawh . Hmeichhe tan phei chuan a rapawm mah mah “ Bro henu hi i rawn hruai elo? Lut thar nu kha a ni lawm ni" Franklin an a tihchuan ka lo melh vak,Marciel chuan a chhang lo,an hmalam a mite ringawt chu a en “ Hey hming ka nei ve aw ,Lizzie thombson ka nih hi " ka lo ti that ,a nernawk mai . ” I vun leh hmelah khan American ai chuan Indian i ang" ka thinrim viau nangin ka ngawi ta daih,ka pi hi Indian a ni a ,ka pa pawh hian Indian hmel lek lek a pu nang in chungin a lang lo,keimahah hian Indian thisen a lang daih a .

A chang chuan miin min hmuhsit ve phah fo va ,mahse engah mah ka ngai duhlo . Kalsawn ka tum chu lehlam ami chuan “ Hey nang Indian nu kha ,kal bo tum ringawt suh,kan phalna la lo in khawiah mah i kal theilo " a rawn tihchuan ka kut hum ruh vakin ka hawi let “ Engtin maw min tih a ,ka hmel hi ka zahpui lo tin nang ang mipa hmelchhe lutuk ai kha chuan a let tam takin ka luck tih lo hria la ,ka hmelthat avanga ka lar laia i hmel lar pha velo khan khatiangin min tisuh" ka tihchuan a thinrim hmel ta hle , min rawn pan hmawk hmawk a .

Marciel leh a thiante pahnih erawhin min en kur ringawt,mi puih an tum lo emaw ni . Chupa in ka sama rawn keh mai a tum chu sir lamah awmsawn zauhin a dulah tak ka pet pawp a ,na tiin a rak tuar “ Nang hmeichhia " ti a min rawn hnek a tum chu hnung zawnga in dive in ka ding nghal chat. Marciel te chuan midang rawn tel tum chu an lo vau bet a ,a thiante pahnihin mak ti lutuk leh ang phuau a min en laiin Marciel erawh a lo nui leh vur vur tawh “ Ka bialnu kha i hneh phawt chuan kei chu min hneh tihna a nimai,Liz i hneh loh chuan ka tlawm dawn teh a nia " a rawn tihchuan buai viau lo ila chu ka va chhir tawk tawh ang .

Engvanga a bialnu anga mi sawi nuam ti em em nge maw a nih le ,ka duh teuh lo ,chupa in a ke a rawn vai chiah tih chuan man betin a kapah ka pet sak pawp a ,Marciel te leh ka beih puipa naute chu an lo ner sawk. A natdan tur an hriat pui te pawh a nimahna ,chupa chuan a kap chu dawmin a rak tuar tuar a ,police car rawn ri kan hriat rual chuan Marciel chuan min rawn panin a bike lamah min tlanpui nghal,hmelma lam pawh an insaseng nghal vek . Marcielte thian thum nen chuan kan tlanchhia a ,Marciel lah chu a tlanchak nasa mai si .

Ka meng tha ngam der lo ,kan thlawk fua fua in ka hria ,a tawpah hmun reh lai deuhah kan ding ta hram “ Bro rinai kan lut thar nu chu ava pui ve ,ka rap riau ka Lalrohlu te hi ka veng tha tlat dawn , min petsak ve ka hlau riau Thomas zawk chuan a kap zawn hup chung chuan a ti nghal lung lung . “ Ngawi mai teh,lut thar min ti ve ziah suh u,Lizzie ka nih hi ka pet sak nghal loh che " tiin ka che zauh chu inring lutukin a lo awm nghal . Marciel chuan ka kawngah rawn vuanin a mah hmachhawn zawngin min her thut a .

Hamhaih zetin ka en chho ha mai “ eng...e i....hr...iat " ka ti bah nak ,nui sukin ka bengbulah a rawn phun sap sap a ,ka beng chu a thaw  chuan a ti lum ham ham mai ,ka khur der der ,ka lung a phu dup dup bawk . “ Bialnu tha tak ka tawng dawn a nih hi,tirawh le ka thlah tawh ang che " a tihchuan“ I bialnu ka ni bawk lo " tihlakin a bike-ah chuan ka lawn a “ Tlanchak tawh hlek suh" ka tihchuan a thiante pahnih nen chuan in en in an nui kur kur ,he mite thian thum hi an ngeiawm dawn riauin ka hria .

Kan inkawtah bike a tih din rual chuan ka chhuk vat “ Coffee tal in turin min sawm dawn lo em ni?" a tihchuan zak lo tizetin ka en ,a mit tikang ukin kan in lam chu a thlir reng a “ Min rawn zui rawh ,i in zawh rualin haw ang che " tihmakin inchhung lam chu ka pan nghal,ka nu in min lo hmuh chuan min lo be nghal thuai thuai a ,mahse ka hnunga Marciel kal a hmuh chuan a ngawi dat . Mak tizetin min en a “ Ka thian a nih hi, coffee kan siam ange min lo thlah a " ka tihchuan a bu ta nghat “ Tunge i hming? Lizzie nu hi ka nia ,duhtak lo chhuak teh,hei i fanu in thian a rawn hruai haw a nia .

Lo chhuak vat teh" ka nu in a tihchuan ka lo thaw hak “ Marciel ka ni e ,in ina ka lo kal chu pawi in ti em lovang chu maw " tak ran hian a ti a . Tuna a awmdan leh ka kianga a awmdan chu a inper san hlak,a ngawi kar a . Ka nu leh pa in zawhna an zawh te chu a rul tawk chauhin a chhang a ,ka coffee siam pah chuan mak tizetin ka en reng ringawt . Tunah hi chuan businesses man muk taka midang te bula rorel ang mai a niin ka hria ,a ngawi ngar a.  A kut chu a hmalam ah suihin a thu kun deuh bawk a ,ka pa leh ka nu hmelah chuan an ngaisang tih ka hmu thiam vek .

Coffee ka va pek lai chuan min lo enkar a ,ka zam lek lek mai . Ka nu lah chuan Marciel hnenah chuan min kawm tur leh a unaunu anga min en turin a la ngen zui,enge maw a hriat ni .