DARK ROMANCE CHAPTER 1

DARK ROMANCE

CHAPTER 1 

“ Lizzie i tlai dawn a nia " ka nu chuan a rawn ti lang lang, Toronto atangin America ramah kan pem a , Washington ah kan awm mek a ni. Kan ram ngai viau mah ila awm reng theih a ni miau silo,chhungkaw pangngai tak atanga seilian ka ni a ,tunah pawh hian Washington a college tha ber ah ka luh theih phah a ,ka lawm viau . College tha na na na chu zirlai pawh an ngah tih ka hria ,hmelhriat ka neilo bawk nen ka zam ru viau,taxi la in college lam pan chuan ka tlan tir a .

Thian siam thar ka ngai a ,lehkha pawh ka zir that viau a ngai ngei ang. Pathian zarah lehkha ka thiam thei a ,kum laihawlah pawh in sawn thin mah ila ka tichhe ngailo,mahse tun meuh chu ka huphurh takzet ,hmelhriat tumah ka nei dawn lo va .  Canada kha chu nise mahni hnam pui an nihna ah pawh ka tlangnel nghal mai zel ,tun chu American mite karah ka awm dawn miau va , college kan thlenga ka chhuk nghal vat . Gate bul atang chuan chhunglam chu ka en vang vang ,chutia ka lo dinlai chuan bike hi chak zetin a rawn tlan a .

Ka au nghal that ,gate chhungah chuan a tlan lut a ,min ngaihtuahna a nei miahlo . Midangte chuan min en thap hlawm, science ka la a a chhan pawh doctor nih ka duh vang a ni ,muangchangin ka lut a . Kha rawn tlan fua pa pawh kha ka hmu nghal, coat suit a la ha thlap zui “ Hi lo lut thar tur an sawi kha i ni em ?" hmeichhe thau lam pang mahse hmeltha zet hian min rawn pan pahin a ti a ,ka bu nghat “ Carolina ka nia nang ve " a tihchuan “ Lizzie" tiin ka chibai a .

Min ti tlu tupa bawk chu ka melh leh “ Marciel rossier a nih saw , billionaire fapa mi lar lutuk, amah saw bad boy a nia " a tihchuan mak tiin ka en ha ,bad boy coat suit ha ka vawikhat hmuhna leh hriatna a ni,a tlangpuiin bad boy te chu an incheidan a dangin a pa thei hle ,mahse saw pa saw chu bad boy smart tak a ni,a mizia nilo a incheidan a nia ka tih . Mipa pahnih hian an pan a “ Saw saw a thiante mi hausa fa ve tho Thomas Danis leh Franklin Brookline te an  nihsaw " Carolina chuan a rawn tileh . Mi thar ka ni bawk nen tumah mah an chanchin leh an hming tak ngial pawh ka hrelo .

Chutia kan lo en reng lai chuan Marciel chuan min rawn melh chat,ka phu zawk mai a mitmu chu a pawl ni chiah silo a grey ni bawk silo hian a paw êng phat lehnghal ,a hnar ngul chu a nalh hle ,a hmeltha bawk . Min rawn nuih suk a ,a thiante chu eng emaw hrilhin an kalsawn nghal ,hmeichhia mai nilo mipa ho pawh chuan an en thup,an lar tih an hria nge dak vah hian an kal a ,an mizia chu ka ngaih theihloh zawng tak an ni . Carolina nen chuan kan class tur a lo inang hlauh a ,amah a polite bawk nen kan inkawm ngeih nghal hle .

Kan awmna hmasa vel ka sawi chuan hmuh ve a chak thu a sawi a,kan nui dun leh hak hak thin . A hmel en ai kawm a nuam a ,thil a hre zau bawk ,class kan lut a . Mi an lo awm deuh thup tawh,ka lut chu min lo hmelhriat sap sap a , American mite chu an changkang a ,an polite bawk an lo tih thin chu a dik dawn hle in ka hria ,kha Marciel te thian ho tihloh kha chu, class chu tanin introduction te chu ka nei a ,kan inpawh hlawm nghal viau mai ,break lai chuan Carolina nen basketball court lamah kan kal a .

Kha Marciel te thian ho pawh khan an lo khel ve,a kawr chung phelhin kamiz nen chuan a khel a ,a taksa inphiar fat chu ka en. A pian a nalh tih hai rual a nilo,a sang bawk si . Ka lo en reng lai chuan ball a rawn thlawk phei a ,ka bum hman tawhlo ka hmai chu a ri chawrh a ,ka tlu nghal thuai . Ka hnar chu a lum nghal pap mai ,mi chuan min rawn bawr laih laih“ Lizzie i tha em?" Carolina chuan a rawn ti a ,ka chhang theilo . “ A hnar a thi a nia " tihri chhuah rualin Marciel hmel ka hmu nghal .

Min pawm kang nawlhin college lam chu min panpui nghal pawk pawk a ,ka hnar thi avang chuan hnial thei pawh ka nilo “ Mithar leh nghal fimkhur ta che ,nge nang hian min hnaih i tum ve hrim hrim " min pen pui pah chuan a rawn tihlak“ Ngawi hmak rawh " tiin ka hnar chu ka hup,hmeichhe ho in thik hmel zet zeta min en chu ka hmu,room pakhatah min hruai lut a ,nurse a rawn lut nghal . Rikrum thila zirlai naupang ho enkawl tur a an rawih ani ngei ang,ka hnar vel chu min tihfai sak a .

A reh ve hram ,Marciel pawh a la awm reng ,ka bulah a rawn kal hnai “ Min star viau mahla hetiang zawng hian vawikhat mah chet la tawh suh " enga ! A va han zaklo tak em “ I hre ringawt em ni? Nang hi ka star lo che a ,hriat pawh ka hre ngai lo che mipa chapo lutuk" tiin ka neksawn lawp a ,ka chhuahsan nal nal . Ka chhuahpah chuan ka la phun mawlh mawlh,khatiang mipa chapo lutuk kha engtin nge an awm theih,star a a ni kha duhna chhete pawh ka neilo .

Class ka luh leh chuan min lo fiam laih laih,Marciel in pawm tir chu a nuam em tih te min lo zawt a ,ka nuih liam mai mai thung . Haw dawna Carolina nen pawn kan chhuak gate kan pel fel awrh tihah chuan ka bul chetah bike rawn tlanin ka mawng a rawn beng a . Ka au tuarh ,ka hawi chhuah rualin nuisawng chunga Marciel tlan liam chu ka hmu hman “ Hmela" ka ti tuar ,thinrim zetin ka mawng chu ka tuai ,ala chaklo khawp ang .

Ka thiannu lahin min nuih tet tet “ I vannei e ,khatiangin Marciel khan tu hmeichhia mah a la fiam ngailo,biak chu sawiloh melh pawh a melh duhlo,mahse nang chu i rawn luh hmasak ber atangin a pawmin a bia che a ,a la fiam bawk che nia i van vannei tak "a la tizui,ka vanneihna pawh ka hrelo,tin khapa kha hnaih lah ka duh heklo. Lerh hmel ropui si,a mitmeng te diar duar kha ka ngaih theih loh chi . “ Kal ang khatiang mipa lerh hmel lutuk" tihlakin taxi chu ka phar a,kan awmna  a lo in ang bawk nen kan haw in kan kal rual thei tawh ang chu.

In ka thlen rualin ka bawk nghal thlawp ,ka chau takzet ka mitthla ah lah chuan kha Marcielan min pawm laia a hmel hlir kha a lang,a hmui chip hmaka ding tak a hmalam melh chunga min pen pui pawk pawk lai khan a hmelkha chiang takin ka en a ,a tha takzet a nihkha,ka lu ka thing nawk nawk . Keihian a ni kha ka vei tur a nilo ,ka hmelma tur a nihkha ,min zah miahlo tu kha ka ngaihtuah tawh tur a nilo 

“ Bawihte vawiin i class enge a an"ka pa chuan min zawt a “ A tha mahse pa Canada ka ngai e ,ka thiante pawh helai chu tumah hmelhriat ka nei bawk silo,kan nundan a inang lo si ka haw chak" ka tihchuan ka nu nen an in en a ,an dar an san ak ringawt . Sawi sawi mah ila kan let tawh dawn lo tih ka hria a ni.