FRIEND AFTER LOVE (KAWRDUMBELA) CHAPTER 1

FRIEND AFTER LOVE (KAWRDUMBELA )

“ Hnek ve ta che mipa i ni nange ,Bahsamsei i thianpa hi a pa lo em ni?" tiin Kawrdumbela chu ka en ,a thianpa Bahsamseia lam chu ka en lehnghal “ Mipa nilo se a khai uai i ring em ni? A hmelchhiat hlau lutuk hi a inhup tut lo chauh a nih hi" a rawn ti hluk hluk .

“ Mipa ve si nep zel zul lutuk" ka melh nghek “ Ve a che ,nang ang patil hi maw in tipa viau mahla vawikhat ka sawh pawp ang che nga i rai pawp mai tur a sin,nang ang patil vang mai maia he ka hmeltha tak hi a chhiat ka phal reng reng lo .

Mipa hmeltha ber ka nih hi,saw va hnek leh mawlh mawlh rawh u,keihi boss ka nih hi,he school a hmeltha ber leh pa ber mai " ka hnek lo chauh,a inla hmeltha si,a at em vang a nih hi Kawrdumbel an lo tih ni .

“ Tikhan din reng i tum em ni" “ Tum e " rum zetin ka melh “ Hey Papa nu lo kal vat mai teh" Bahsamseia chuan a rawn ti bung nghut ,kan sual pui te lam bawk chu kan pan leh .

Zep loh ah chuan ka hah thawkhat viau a ni,kan thian mawla lah chu insual hi hmelchhiatna emaw a ti tlat lehnghal,engtin nge hetiang thian maksak lutuk hi ka neih theih hrep ni . Ka chau tawh hle “ Ka ning Lalhunthar min rawn pui rawh nangmah avangin mipa ka sual phah a nih hi" ka ti tuar ,he school ah hian kar kalta mai khan ka lut a ,thian mawl deuh deuh pahnih ka la chhar zui a nia ,an la luck phian lehnghal .

Khawi in va tawng tak" tiin min hnek tum tu chu a rawn tlawh tlu tawp “ Ka hmai kha rawn hnek vaih teh u,haih jish kha awmsawn rawh ka ning " tihluk hlukin chu mite kalsawn chu a en zui a,a vawm leh hram “ Thiante buai laiin a mipa zawk lo ding tlawn zuah reng ringawt mai,thawmhnaw dum hlir i hak man te hi awmzia te neih pui ve rawh ,a dum i hak man a awm lo,a pink hlir ha rawh " ka ti vak ,nernungin min en “ A dum tal ka inthuam loh in ,chubakah angel ka nih hi ka vanram kaina tur dal thei thilsual tih ka duh lo reng reng,angel an insual ngai lo,Pathian pawhin a phal heklo " Muanpuia nen chuan kan melh kawr ringawt.

“ Pawnlam landan an thlir thin a hlimin,buaina karah an tan khan a ding thin . Se an dawn lo a hring nun a hnim tih,hnemtu beisei khan nitin a thlir a sin,ni e ka beisei a sang te pawh a nia nge ni e ka tana ruat ka hrethiamlo ania nge ,ni e ka fel famkim biklo tih ka hria e ,fak tlak nun ka nei lo tih pawh ka chiang hle ,thinlung hliama tahlai ka bang lo,min pui rawh aw lalpa nunnem ,keimah mai chuan ka tuar chhuak zo lo'ng " a hla sak zawh rual chuan kan chum nghal awk awk .

“ Zak ve deuh rawh khatiang hla sa tur khan engmah i tilo,nep si hmeichhia em ni inih " ka ti that “Ka nilo muah" ka hmuia a rawn chuk zauh chu rum theih tawpin ka melh,a hnarah chuan manin ka pawhsak vak “ Ana ana ,min thlah rawh awi ka nu.....ka hnar a tla dawn " tiin a rak chul “ In ninawm lo kal rawh u,haw a hun" Muanpuia chuan a rawn tihluk,hepa thinchhiat dan em em hi chu aw ,a sam ala zuah sei zui bawk nen Bahsamseia tih hi a inhmeh tawk chiah.

“ Awi Rothuamlian(ka u ve em em i hming aw ala rawn voice ang🤭) ka hnar hi maw i lei leh thei dawn em ni? A to a sin,i siam thiamlo ,i vuah theilo doctor pawh a i nilo,siamtu lah ini heklo,dawithiam pawh ini chuang lo " a vahan tawng thei zawih zawih tak “ Ka hmui i fawh kha i la kir thei em ,a virgin ang ngaiin i siam leh thei em? Doctor i nilo a dik tiraw chu vang chuan ngawi mai mai rawh Kawrdumbel,kawrdum hak man neilo pa " tiin Muanpuia chu ka zui.

Ka unaunu ka phirpui rawn lut ve tur nen he mite pahnih hi tih fin vat an ngai a ni, chuti lo zawng buaina kan tawk reng mai ang,pakhat a thinchhe si,pakhat lah a no leh em em lawi bawk si . Rilru hahna hlir “ Ka va han lo hmeltha em em ve ,hmeichhe ho hian min lo vei ngawih ngawih pawh hi a awm a nih hi ,kei anga mipa hmaifang fuh hi an awm leh tawh lovang,keimah chu fakin awm rawh se " tiin a bike dar thlalangah chuan a in en .

“ Start zung zung mai teh mawl a ,Bahsama a tlanchhuah daih tawh saw ,hmeltha hle mahla i dawihzep lutuka tumahin an duh reilo tawp ang che " tihlakin a bik hnungah chuan ka lawn nghal zat.

“ Ka hmelthat tho te chuan bike ka nei bawk a ,hmeichhia chuan bike an neih phawt chuan in duh vek " a tingei leh nghal “ Ka nih veloh tawp chu a ,tlan vat mai teh Kawrdumbel " tiin ka nawr,a tlan chhuak nghal fua “ Khale Aizawl tlangval thingtlang tlangval nita ka lo tlan e " tiin a la au luah luah zui,ka la sawi lo tak e ,covid a vangin a chhungten Muanpuia nen hian helamah school an rawn kal tir rih a ,khawpui angin thingtlangah chuan chungin a hlauhawm lo a , lockdown lai pawhin keini chu mahni khuaah chuan la len vah an phal vek bawk .

Pawl 12 kan zir mek a , Covid chu awm lo se kei pawh hi Bangalore lamah ka zirna ka la chhunzawmin ka ring “ Khatiang khan lawi lungleng angin dak vu mah ta che kun rawh,thil eng emaw i tauh anga i tla daih mai tur a sin mawl lutuk" a rawn ti leh hman tawh “ Tlan mai mai rawh,mawl si " tiin ka thu thla ,Muanpuia chu hmuh phak a ni tawhlo,ani hi chu awm fal duh hi a ni hrim hrim a,Lalhunthara ve erawh hi chu ka mipa hriat tawhah a la thawveng ber hial ang,kan khaw tlangval tawngthei an sawi apiangin a lang thei ziah lehnghal.

Chutih rual erawhin a insual erawh hmuh tur a avang thung,a hmaia ser awm a hlau hlur a ,khawih tum an awm chuan khawih let aia in vennana tlanchhe nal nal duh tur ang chi kha ,a mah a len tehlul nen a dawih lutuk hi a mak ,kan in kan thlenga Muanpuia pawh pawnah a lo la awm reng,chutih lai chuan kan inchhung lam atang ka phirpui Rosiamliani a rawn chhuak ve leh a ,Muanpuia leh Hunthara chuan mak ti fe in min en dun.

“ Hey Rothuamlian pahnihah i in tichang thei em ni,heihi i enge " an tihchuan ka nuih hak “ Ka phirpui a nihkha ,en ta che u a sam a tawia kei a sei hi ,ani pawh a lo haw chiaha naktukah a rawn lut ve ang,Muanpui i phur ang chu tiraw " tiin Muanpuia lam chu kan en thap “ Ka duhlo" a bul tha hmek hmawk hle mai “ Keipawhin ka duh biklo,hetiang savawm thinrim ang lutuk phurh ngat phei hi chu " ka unaunu chuan alo ti ve nghal,rum zetin an in melh dun bawk .

“ Lut phawt ang u,in in hre chho anga in la in nel mai dawn a lawm,thian kan nih hi,thian chuan englai mahin a phatsan ngailo,tiru spicy ka nei a nia " tiin ka hruai lut diak, spicy chu hmarcha telh belhin kan ei “ Asa awi ka hnap nen a thlem chhuak zo dawn ,Rothuamlian heng thil hi tinge min ei tir ,a thak lutuk" Lalhunthara chu a au char char,Muanpuia lah a hnar leh a beng a sen tuk ang lehnghal “ Ngawi reng khan i duh loh leh eilo mai la ,kan dang lo che " tihlakin ka ei zawm leh 

“ Lalpa ka pum " tiin toilet lamah a tlan lut ,Muanpuia pawh hmaisen vekin a tho chhuak a “ Eitur pawh a nihloh kha ,hmarcha hlang anih ringawt kha " tiin fridge a tui chu a in nghal khawlh khawlh,ka unaunu nen chuan kan nuih char char ,an hmel a sendun nasa mai sia.

(Hei chu hun awl hnawhkhahna mai mai atan ka dah aw )

A sam dum ve ve hi Rothuami leh Hunthara ,a buang ve ve hi Rosiami leh Muanpuia aw