OFFICER HMINGCHHUANAWMA CHAPTER 13 LAST

OFFICER HMINGCHHUANAWMA 

CHAPTER 13 LAST

“ Poppy " ka nupui chu a rawn insut nghal hlawp hlawp,ka zin chhuahsan atangin kar khat na chiah a ni a ,hetiang hian a awm ngai hauh lo “ I tha em?" ngaihtuah zetin ka zawt nghal ,a tap tih ka hailo enge thleng ang tih ngawt chu ka ngaihtuah bawk . Min chhan mai loh avang te chuan ka hamhaih zual “ Poppy i tha em ? Enge thleng min hrilh rawh " tiin ka be leh “ Lo haw rawh" tihzawng sawi in lungchhe lutukin a tah zawm a ,min ti chiai zo vek .

“ I hria em ? Lo haw rawh Hmingchhuanawm " phone chu a dah zui,a thusawi chuan min tih hrilhhai zia a hre hauh lo vang.  Ka phone chu phawrhin hotu lam ka bia a ,ka haw an lo rem tihlauh,a tuklama haw tur thlawhna ticket chu ka book a,zingkarah kan chhuak dawn a nih hmel . Pawi ka tilo viau,ka nupui mangang leh thlabar tih hriat reng reng a min rawn biakna khan tunah pawh haw thwi ila ka haw duh ngei ang. A chungah enge thleng ang,ka call leh pawhin a la thei tawh bawk silo ka hlauthawng takzet .

Mizoram kan thlen rualin taxi la in ka chuang lut nghal,ka nupui ngaihtuahna hlir in ka khat,khua a chu a thim deuh ruih tawh a ,ka kut chu ka hum ruh nghek . Ka nupui chunga thil pawi a thleng a nihchuan tu a pawh ni rawh se ka chhuah hauh lo vang ,kan in ka thlen rualin ka thaw deuh huai,gate chhung ka lut a in pawn light chu a lo eng va va ,chu chuan min tingaih tha deuh,inchhungah chuan ka pen lut . A reh ruih bawk nen room lam ka pan nghal mawp mawp “ Chhuak rawh ka tihchu,keihian i pasal fa hi ka pai" Lalbuatsaihi mai mai chuh! 

Kawngka chu ka hawng thuai,ka nupui mittui tling pam chu hliahin Lalbuatsaihi chu ka rek bet chawt“ Eng maw i sawi kha ,ka fa maw " tiin zalo zetin ka nui ro hawk ,a ang chawp chawp a ,khawngaihna ka neilo ka nupui mittui titla tu hi lainatna chhe te mah ka nei lo “ Ka fa pai tur chuan ka mutpui an ngai a sin,nang nen hian kan mudunlo tih hrechiang ber tu te kan ni " tiin ka nui leh hak ,ka kut chu lak thlak tumin a rawn hmer ve ngat ngat “ Bibi thlah rawh,i that ange thlah rawh " ka hnunglam atanga min rawn kuah pah chuan a rawn ti .

“ Duhtawk rawh ka ring che . Ka tha " a rawn tih takah chuan Buatsaihi chu thlahin ka melh zui hrawk a “ Chhuak rawh" ka tihrualin rang zetin a tlanchhuak nghal . Chuveleh ka nupui lam chu hawiin ka kuah chawt,lungchhe zetin a rawn tap chhuak a “ Khanu kha a rapthlak takzet ka ring che a ,ka awih duh lo va mahse i unaunu nen hetah rawn kalin dawt an rawn sawi char chara ,min hnawh chhuah an tum a sin" a tihchuan ka kut ka hum ruh . Ka u pawh chu eng emaw taka ka tih ngei a ngai tawh ang .

“ Ka lo haw tawh ,Poppy ka lo haw e ,tumahin an tina leh tawh lo vang che" tiin a hmuiah chuan ka fawp vawng vawng ,he hmeichhia hian ka engkim hi a thunun a ,a tello in ka awm thei tawh heklo.

ZAMPUII POV ....

7 MONTH LATER 

In en tir turin damdawi in lam kan pan a ,ka pum puar luah chu a dawm pah,kan kal sawt lo hle . Chutia damdawi in chhung kan luh lai chuan hmeichhe pakhat hlauh thawn hmel zet chu hmu in midang chu thil awmzia kan zawt,a pasal an kah hliam thu an sawi chuan ka pan vat ,ka va biak chuan a lo fel phian lehnghal “ Jasmine " a nihthu a sawi a ,a bulah mipa naupang duhawm zet a lo awm bawk ,ka pasal awmloh laia thil thleng avang chuan thupha ka chawi ve luam.

Amah lah chu hmeichhe puitling tak a nih hmel,an fapa chu a duhawm bawk nen ka lawm ngei bawk ,a pasal pawn Nick Zochhuanmawia ama ram ngeia governor reilote nizuai tawh a ni lehnghal . An theuneu lo viau mai,kan inkawm rei phian a pasal pawh a that leh vat ka ring,a nupui leh a fapa a hmangaih zia an sawi atangin ka hremiau a lawm,in en tir kan ngaih ve tho avangin kan kalsan rih a ,doctor kan hmuh chuan ka hrisel that thu leh kan naute pawh a that thu a sawi chuan ka thaw huai mai .

A chhungte hnen atangin ngaihsakna ka dawng ve tan a ,a unaunu erawh home lamah thla 4 liam ta khan an dah a ,a chhan pawh min thah a tum avangin ka tan a hlauhawm thei tiin home ah an dah lut a ,tunah chuan buaina kan nei ngai talo ,“ Poppy i ril atam em? " damdawi in kan chhuahsan lai chuan a rawn tisup,ka bu nghal nghauh nghauh mai “ Ka ril a tam tawh lutuk " tiin ka kai nghal dat dat ,a hna a tlin em avangin sawrkar lam atangin chawimawina a dawng a,a thuneihna pawh a hma ai a zau leh zual bawk.

A thawhrim vang liau liau tih ka hailo,zanah mu lova ram tana a thawh chhuah chang a tamin amah pawh a hah zia hmu a hriatpui tu ka ni,chuti chung pawh chuan a nupui hi tawngkam vin in min be ngailo ,chung te chuan amah min zahtir zual bawk . Min hauin min vin reng se a thu ka awih reng peihin ka ringlo, restaurant ah thil min ei pui a ,keilahin ka lam char char.  A tawpah ka puar ve hram “ A tui bawk em?" a tihchuan ka bu nghat .

“ Le haw tawh ang hmiang i in fit tawk bawk silo,i ke a vung leh palh ange " a tihchuan ka hnial biklo,ka ke a vung nasa thei bawk nen mut lawk theihloh chang kan ngah a ,Chung a thlen loh nan chuan dimdawi takin min en kawlin a khat tawkin excer kan la thin ,in kan thlenga a nu leh pa an lo awm avang chuan kan in en ha mai “ In lo kal a nimaw" tiin ka be vat,an la tim deuh tih ka hria,a chhan pawh a hmaa min lo tih hrehawm vang kha tih ka hailo .

“ Kan in en tir lawk a ,thingpui in duh em pa khatah khan lo thu rawh u" tiin ka be zung zung,an ni pawh an thu ve mai,thingpui chu siam zung zungin chhang nen ka va chhawp sak a ,ka pasal chuan tawngka a sawi silo in a mitmengin a lawmzia min hmuh a ,chu chuan min ti awm nuam veng veng bawk “ Naute teh chu a tha maw " ka nu in a rawn tihchuan a that thu sawiin a chet nasat ve tawh dan ka sawi chuan an lo nuisang mai ,sawilo mahse kan naute piang tur hi an nghahlelh zia ka hre reng .

He kan naute hian kan khawvel hi a rawn thlak danglam ngei ang“ Ka hmangaih zia che hi hrilh fo mai che hi ka duh,ka nupui rilru tha em em nu " a tihchuan ka nuih hak,ka pum rawn pet dat dat tu chu mu chung chuan ka be zauh ,a ni pawh ka pum zawna beiin kan fa lo piang tur chhuah chaka rawn che dat dat chu a be nghal mawlh mawlh,a hlimzia ka hmuh chuan keipawh ka nui hak hak “ Ka lalfanu tur " tiin a be sup sup a ,a chul hauh hauh bawk .

Kan naute lah chuan a hre ve emaw tih turin a rawn che na sauh,ka nui zui hak hak “ Apa biak chu a hre hle mai " tiin ka pum chu ka en . Dam leh hrisel taka a rawn pian ngei ka beisei,ka nunah Hmingchhuanawma ka tawng chu ka lawm a ni,kan inhmuh leh hmasak ber atangin vawikhat pawh hmeichhe dang  a hnaih awm ka hrelo va ,ka tan a rinawmzia a fiah zawk thin . Ka rilru tihnat ai ka rilru tina tu te natna pek let a hnial ngai heklo ,heng vang te pawh hian ka hmangaih zual.

Thla a liam leh meuh chuan kan fanu Ramnunawmi chu a lo piang ve ta,a pa kut chu chelh ranin a mitmeng fim kak chuan a pa chu a en ve kiau,ka pasal mitmenga hlimna tam tak lang chhuak chuan a fanu a hmangaih zia a tilang,kan fanu chuan engkim rawn thlak danglamin a pi leh a pu chu a salah a rawn siam zui emaw tih turin a bulah an awm chawt a ,an kalhlat san ngailo,an thlakhlelh em avangin kan cheng ho ta tawp .

Ka pasal hna kal chhunga ka khaw har tur pawh an hnem ta,tunah chuan fahrah Lalnunzampuii hian nu leh pa leh chhungkua ka nei ve leh ta e .

KA LAWM E LALPA I MALSAWMNA A VANGIN,ENGKIMAH KA FAK A CHE