THATCHHE LALPA LAST CHAPTER

THATCHHE LALPA 

LAST CHAPTER 

“ Angela Rinthanpui" ka hnung lam atanga min rawn kuah pah chuan a rawn ti,vawiinah a nute an rawn thleng dawn a . Ka zam takzet ka pa hnenah kan chungchang a lo hrilh lehnghal,nupui a min neih a duhthu chenin ka zam zo vek “ I nu leh pa hian mo atan min pawm thei tak tak angem? A chhan chu an thiante fa ka nih bakah,kan dinhmun a inthlau si a ,min iai mai ka hlau thin " ka thusawi lai chu ka hmuia a kut dahin min nuih vur vur .

Saw thla engin Chiardam te ,Farkawn te a chhun saw en ve mahteh,a mawi a sin " a rawn tidaih ,hepa hi chu. Nui hakin a awm chu ka ngheng der der,ka pa erawh reitak a hmuh tawh loh a thiante rawn zin tur chu a phur bawk a,pawnlamah an rawn thlen hun a nghak reng tawh mai . Zosangpuia ka ngaihtuah,Kan inhriatna a reilo kumkhat vel chiah kan inhria ,mahse tunah chuan a mizia tam tak a kalsan a ,hnathawh a thiam tawh hle bawk .

Kan bawng te pawh kan hralh vek a ,bank ah pawisa kan dah lut nual,ka pa in nakin zelah ka la mamawh dawn a tih vang a ni pakhat,pawnlamah thawm a rawn awm a ,Zosangpuia chuan min chhuahpui vat,mipa lian pui Zosangpuia nena in ang tak leh nu tlin hmeltha tak an kum phulo a la naupan hmelte chu ka pa nen an rawn inkuah lut ,a nu leh pa chu an ni tih ka hre nghal . “ Heihi maw in fanu kha ,alo lian ta hle mai Angela lo kal teh " tiin a nu zawk chuan min kuah vang vang “ I nu i chhunin i hmeltha hle mai .

I nu chu kan rawn hmu ve hman ta silo va ,a va inthlahrun awm ve aw " a tinghal zat “ U Zosanga chu khawimaw a danglam tawh em " hmeichhe pahnih in ang zet zet te rawn tlan lut chuan Zosangpuia chu an pan nghal . A nilah a lo in vai nasa “ Kal rawh u,mi harh pahnih " a lo tihluk hluk mai ,kan nui hak ka pa leh pa Nick chu an inbe mual mual,mifel tak an nih ka ring.  An vanglai chuan an hmeltha ngawt ang ,tunah pawh an la hmeltha emai “ Awi nu u Zosanga hi hei a thingtlangpa ve ruih tawh a nia ,a kut no hlur te kha hmuh tur a awm tawh lo .

Khawimaw hei hi ami kan unaunu tur chu,mo kan nei hmeltha dawn lutuk tlat ,u Angela kei hi Sawmtei ka nia chuan hei hi Rintei " tiin an insawi nghal zung zung . An nungchang a tang chuan fiamthu duh tak leh tawng duh tak an ni in ka ring “ In aiin kum khat chiahin kan naupang a ,mahse kan u tho vang cheu,tilo chu pakhat pa hian min beng leh euh euh mai ang " tiin an nui har har a ,an thawmhnaw room a kan dah fel hnu chuan kan inkawm khawm ,kan hlim phian. Ka nu thih hnu a kan la bengchhen ber tum a ni hial ang ..

Keipawh ka thawveng huai ,ka pa leh pa Nick a te ho chuan enge an sawi ka hrelo nangin kan inneihna tur chungchang a nih ngei ka ring,Zosangpuia lah a leng chhuak daih lehnghal a . “Engtin nge ka u hi i duh theih,hnathawh vel hi a peihlo ve thei sia,kha vang khan a nia apa in helaiah a rawn dah ,mahse tunah chuan a danglam ve tawh hmel " an tihchuan ka nui hak “ Danglam tawh tak a ni . Keipawhin a rawn thlen hlim khan thatchhia ka tia ,mahse tunah chuan a inthlak danglam nasa tawh lutuk .

Chuvang chuan ring tawp rawh u " tiin ka nui hak hak ,midang mut rem vek hnu ah Zosangpuia chu a rawn lut leh tham tham “ I pa te chu i hrilh em? Dan khatna kan tlin silo va " ka tihchuan bu nghatin ka pum chu achul hauh hauh ,ni e naute thlakhat mi ka pai mek a ni. Kan mudun reng bawk nen in duh ve ve awmdun chu December thla khan kan chesual,ka rai zui nghal. Ka pa kan hrilh hlim phei kha chuan ka zak viau, mahse min hau lo hlauh.

Tunah chuan kan inneihna hial an sawi tawh chu a ni sia “ Ka hmangaih che " a rawn tihchuan ka nuih sen sen ,ka pum chu a chul zui hauh hauh . Ka hlim a ni ,he kan fa lo piang tur hi dam leh hrisel takin rawn thang lian se ka ti “ A mak e nu leh pa kan nimai tawh dawn chu a nisia ,ka mumang emaw tihchang ka ngah " tisepin ka en chho ,rawn nui sukin ka chhipah a fawp vang vang.

“ Nupui neih hi ka ngaihtuah ngailo,mahse ka huat ber hmunah leh ka awm duh miahlohna hmunah ngei ka hmangaih leh ka nupui tur ka chhar a ni sia " a tihchuan ka nui hak “ I rawn thlen tirha i ngeiawm dan kha ,i tawng thei si i chapo bawk sia ka pa kha a lawmlo ang tih ka hlau thin" ka tihchuan a nui hawk hawk “ Shhh" kan chhungten kan thawm an hria ang ,bengchheng suh " tiin ka kuah than . Ala vawg bawk si February thla ngat phei hi chu thlasik dan a na bik.

Ka ke chu a ke in karah ka rawlh than “ I va vawt ve ,ka naute nen hian kan tilum ang cheu" a tihchuan a hmuiah ka fawp zeuh. Ka mitchhingin ka nui ver ver reng mai “Bawiha tihian vawiinah inah hian man kan in hlan fel  mai dawn a nia,midang sawm em em tur an awmlo bawk nen,nau in lo pai tih pawh nizanah kan hre chauha " pa Nick an chaw eilaia a tihchuan ka zak ngei mai “Maw u nau i pai maw? " a naute pahnih chuan mak ti lutuk hian min rawn zawt nghal.

Ka bu nghat “Ni e naute hi tha taka alo pian kan duh ber,i thatchhiat nen naute siamlamah chuan ilo taima hle a nih hi kan hre hman reng reng hleinem " nu Jasmine chuan Zosangpuia en pahin a tikher “Nuuu.....ka taima tawh ka tihchu fa siam hi thil hahthlak nise tumahin an siam peih nang" a tihchuan ka pa leh pa Nick chu an rawn nui phuh thawt “Nge in lo nuih,mipa ho hi chu in ngaihtuah a inang vek reng a nih hi " a tizui hlak hlak.

Mipa ho lah chu an nui nasa sauh lehnghal “Ninawm tiru thawhsan ang u Angela min lo zui teh aw " a tihchuan ka zui vat,roomah chuan kan lut dun a. Ka kut chelhin a chul hauh hauh “ I nu ang chiahin min en la ka duh,tin ka fapa hi enge i hmuh dan chu ka hrelo,ka fapa hi mipa fel tak a nilo tih ka hria a ,nakin lama buaina in tawh ka hlau ber ,a puitling lo si a i nat hi a ni ka hlauh " a tihchuan ka nuih sak “ Nu,Sangpuia hi a inthlak nasa tawh lutuk a sin,keipawhin ka hmuh tirh kha chuan a mizia hi ka ei lo lutuk a .

Mahse arei tial tial a ,a inthlak danglam zia ka hmuh hian ka hmangaih lo theilo " ka tihchuan a hmela hlim hmel rawn lang chhuak chu ka hmuh hmaih lo ,ka kut chu a hmer vang vang “ Naute chu thlakhat maw a nih tawh " a tihchuan ka bu nghauh nghauh a “ Sangpuia ka pailai hian i pa nen hian harsatna kan tawk nasa a sin,a thi angin thu a thanga ,khatih laia ka natzia kha ka la hre reng . Mahse a lo la dam ka ring tlat a,Zosangpuia hi ka en thin,a ni hian chakna min pe a .

Apa nghak thei tur khawpin chakna min pe nasa hle bawk " a tihchuan ka en ha mai,chutiang thil engmah ka lo la hre miahlo ,chhunah kan chhungkhat ho sawm khawmin ruai kan buatsaih a ,khawtlang pawhin an hre vek tawh in ka ring.  Ka zak lek lek zel ,miin min sawi dan tur ka ngaihtuah a ni ber,naupaisa ka ni bawk nen thenkhat chuan min  selna sa leh viauin ka ring a ni  

ZAWMNA 

“ Nu ka nupui kha ka duh ve tawh a nia " chaw eikhama kan thutkhawm laih lai chuan Zosangpuia chuan a rawn ti bui bui,midang chu an lo nui dar dar a ,ka melh nghek “ I neih hlen tawh tur tho a nia ,i kiangah i ninhlui thleng ala awm dawn,in room ah lo va mu mai mai teh " nu Jasmine-i chuan a tihlak,ka Patea te ho chuan an lo fuih pawrh leh ta nghal . An bawl a leh zo vek ang tih a nia ka hlauh ni .

“ Zan a tlai tawh naute nen an mut a hun " tiin ka kut ah a rawn vuan,min kalsawn pui nghal nal nal . Hepa luhlul leh naupang chhia lutuk hi chu aw “ Midang in mak min ti ang,Zosangpui i che maksak thei si ka mut pawh ala chhuaklo " ka tihchuan rawn in her vut in “ Hruai duhna che ka nei" a tih takah chuan ka chhang tawh lemlo,kawrlum min hak tirin pawnlamah min chhuah pui ,kan khaw primary school lamah chuan min kalpui zel ,enge kan tih dawn ni .

Class 4 room chu a hawng a ,a rawn eng nghal uar,a thiante pathum leh hmeichhe thenkhat an lo awm a ,min lo au dar dar . Cake chu dawhkanah an lo dah a ,bati a eng an chhi thliah bawk “Le va pan rawh le " Zosangpuia chuan a tisup,muangchangin ka pan phei,an lo au thap thap, bati chu ka chhem hlum a . Ka bulah rawn dingin cake chu min zaipui,kan eizawh hnuah a thianpa ve ber khawpui lama college akal vanga awm bo char char mahse hmanni lawkah a rawn hawng a ,in ang deuh na na na chu an inkawm ngeih nghal hle .

Franklyn kan timai zel,amah hi thingtlang tih hriat loh khawpin a vun a ngo a ,khawpui lam nula ngaihzawng a neih thu leh a hmeichhe nu leh pa ten kuthnathawk mi a nih avanga an duhloh thu kan hnenah a sawi thina ,ka khawngaih viau . Tunpawh a hmeichhia in a kalsan duh bik silo va ,amah a rawn haw tawp a nih hmel . Ka khawngaih ve hle,amah lah tlangval hmelchhia leh thatchhia a ni hauhlo,khawpui tlangval tam tak aia a rintlaklohna tur ka hre hauh lo, tunang lai hunah ngat phei chuan.

Nu leh pa ringa in la lian leh in la chapo te ai kuthnathawk thang tlangval hi thlan an chakawm daih tawh zawk , present min rawn pe sap sap a . Kan naute mamawh tur lam vek lehnghal . Kan haw meuh chuan a tlai duai tawh“ Khavang khan a nimaw min lo tihbuai phet " ka tihchuan a bu nghut . In kan thlenga kan muzui nghal. 

Nu Jasmine te pawh Aizawl lamah an haw tawha ,keini erawh ka pa amah maia dah kan duhloh avangin kan khuaah kan la awm ta reng,Franklyn pawh a hmeichhia zawkin a rawn pan takah chuan loh theihlohin an innei phah a ,a hmeichhia lah a hmeltha in a la upa lo tih a hriat,kei nen pawh kan in kawm ngeih viau bawk . Ka pum puar lah tawh nen duh duhin ka vak chhuak theilo va ,an mahni zawk an rawn leng mai zel .

An chhungte pawhin an la rawn ngaihven lo a nihhmel “ U Angela keichu ka hlau thawng thin,u Franklyn hi ka kalsan mai ang tih,ka nu leh pa lah hian min pawmpui lo nasa mai si . Mahse a niin min kalsan loh chhung chuan kalsan bik ka tumlo " a tihchuan ka nuihsak “ I thinlung in a thlan tawh chu i nu leh pa thlak danglam theih a ni hleinem,chhel takin tuar ula in la tuar chhuk em em ang, Franklyn pawh mipa rinawm leh nangmah chawmzo tak tur a niin ka hria.

I iai lohna a vang hrim hrim pawh hian a ngaisang sauh ang che ,khawpui nula leh nu tam tak hian thingtlang hmuh hniamna an nei tlat a ,an ngainep reng bawk . Mahse thingtlang an ni emaw khawpui an ni emaw taima leh taima lo inkar chu a inthlau lutuk,chubakah hmangaih miahloh nupui pasala neih ai chuan in hmangaih ve ve in neih chu dam chhung a daih thin zawk a lawm . I u Sangpuia pawh hi kan dinhmun in ang lo lutuk avang hian ka hlat phah fo .

Mahse a mah a thawveng bawk nen mi a tihbuai reng takah chuan ka hnar thei reng biklo . Tunah erawh a inthlak danglam ve tawh viau mai ,nangpawh i duha i hmangaih a nihchuan nghet takin vuan la ,thlah duh hauh suh " ka tihchuan a bu nghauh nghauh . Kan pasalte pahnih pawnlama thing ek kurh kurh chu va enin kan nui hak hak,Zosangpuia zeilo lutuk chu kan nuih char char “ Ka nupui duh tak min lo nuih suh aw ,zanah i nghei mai ang " ka melh nghek .

Sawi awm leh awm lo pawh hi a hrelo , Franklyn leh Siamsiami chu an lo nui vak vak lehnghal “ I nghei theih phawt chuan keite chu ka awm thei lutuk,min dai miah suh ang che " tihlakin rawngbawl chu ka chhunzawm ,ka pa a leng chhuak chu an niin nghal nan an hmang tih a hriat hluah hluah, chaw eilai te chuan an nui leh thut thin . Siamsiami nen kan hau reng,ka pa lah chuan mak ti lutukin a en thin bawk nen an hlimpui phian.

Huna liam ve zel ,ka nau neih hun a hnai tial tial bawk nen ka huphurh ve hle,ana lutuk an ti ziah lehnghal . Ka pasal lah a phur nasa ropui lehnghal,nu Jasmine te pawh an rawn thleng leh vek tawh ,inrinni chhunah chuan ka pum rawn na in Farkawn lam min panpui a “ Ka nupui tang hram hram rawh,naute a zawnga hmeltha ber a lo chhuah dawn kha " mi a vahan fuih thiamlo tak. Damdawiin kan thlenga nau chu ka vei zui nghal,anat dan lah chu ka thi thuak thuakin ka hria ,ka thlan tla chu nurse chuan an lo hru nghal zel .

Zosangpuia kut vuan chuan ka sang leh vak thin,ka chau takzet tawh a ni pawh a kut awm dan a tangin a tang ve hle tih a hriat. A hmelah hlauhthawnna a lang bawk “ Neih tir zung zung ta cheu,doctor in nihkha a hah tawh a nih hi" a ti khur khur tawh ,ka han hau leh rih a tawp nan ka theih tawp in ka han sang leh vak ,naute tap ri ka hriat rualin ka thaw huai,puan chuan an tuam zung zung a “ Mipa in nei e ,a hmeltha em em lehnghal " doctor nu chuan a ti a . Kan chhungte ho lawm chu an lo au raih raih.

Ka pa leh pa Nick chuan an lawm zual,an pawm deuh reng. Hnute ka pe a ,ka pasal chuan alo en vung vung “ A samah chuan min chhunlo a nihkha ,a nu sam kir bup a chhun " a tawngtheih dan em em hi ,ka pa leh pa Nick chuan hming an inphuah tawm ,phuah ve ve duh miau hek “ Vanlalrempuia " tihchu an phuah dun a ,ka fapa pawhin hming a nei ta ,a ni la la in khawlam kan pan leh a ,ka fapa hmeltha zet chu ka en vang vang .

“ Nu tupa i nei ve tawh a sin,tupa hmeltha tak,nangmah ngeiin han pawmin ka kiangah awm la ka van ti em " midang hriat loh tur chuan ka ti sap sap,in kan thlen hnu lawkah naute en tura rawn kal an rawn awm deuh reng a ,kan naute pawhin thil pek a ngah hle . A thenin artui ka hip atan an rawn thawh bawk ,Zosangpuia lah a thianpa Franklyn a ti lui zuk zuk,Siamsiami pawh a nu leh pa ten a la naupang tiin an rawn hruai lui a ,a chhan pawh Franklyn jaila khungah an vau a ni awm tak ani .

A sual thlak hi ka han tikhawp a ,vai ho anga mahni duhzawng an nih vanga fate duhzawng pawmloh hi ka duhdan a ni ve lo,ringtu in ti an ni leh awm thin tho si a. Kan fate nupui pasal tur lo thlansak hi keichuan ka tingai lo vang . “ Ka nupui leh ka fapa ,ka damna te " zan mut hmunah chuan kan nufa a min kuah pahin a ti vei sup sup a ,fapa a neih chin hian a inla patling lutuka kan chhungte nuihzat ah a kal thung .

“ Ka hmangaih cheu" a tihchuan ka nuih sen sen ,a fapa kut te takte chu a kut lian pui chelh tirin hmangaihna nen a en vawng vawng,kan nufa tan a tih ngailoh ti in a zir a ,tunah chuan ram chhuah leh thang kam engkim a thiam tawh a ,sa pawh min barh ve ta zeuh zeuh “ Keini pawhin kan hmangaih che apa " ka hmuiah chuan a rawn fawp vang vang,siamtu lakah lawmthu sawisen loh ka ba ,ani hian a hun takah ka pasal chu kan nufa tan a thlak danglam si a 

Kumkhua in he ka THATCHHE LALPA hi ka vantirhkoh a ni reng tawh ang .

A TAWP TA