THATCHHE LALPA CHAPTER 4

THATCHHE LALPA 

CHAPTER 4

Lo ah kan feh dun a,hlo kan thlawh lai chuan a tawng char char “ Awi Evi duhtak,kan chawl ve dawn lo em ni ? I pasal Adama hi ka hah tawh a nia,kan inhmangaihna eng hi a sa mah mah a ni,vanah daih daih han eng mai" tiin nernung hian ni chu a en chho vung vung . A la rawn hah chhiau thuai zui “ Zosangpui ninawm thawk ve mai mai rawh ,dawnfawh leh Fanghma heh viau si an rah that na tura hna pawh i thawh peihloh chuan enge i ei tawh ang " tihlak hlakin fanghma zamna kara hnim chu ka pawt sauh sauh.

“ An" thutak zeta a rawn tih chuan ka en chho ha ,ka bulah a ding zurh a ,ngaihtuah nei a ang “ Enge i chau viau em ni?" nernang chunga ka tihchuan a lu a thing vut ang lawi bawk sia ,ka ding chhuak deute kan zar lam chu ka panpui,ka pa erawh inlamah awm tawh in kan pahnih in kan bawng pawh haw pahin kan khalh haw mai zel . Ka thut luh pui a ,tunah chuan a vun ngo lutuk kha inthlak deuhin niin a emna lamaha uk ve deuh kharh tawh a .

A biang erawh a la tai tha khawp mai,khawpuia awm leh eiin eitha na na na chu keiai a ngo zawk mah. A hmaa ka ding chu min pawt hnaiin min kuah a ,a awmdan danglam thut chuan min ti hamhaih ,chutah ka hmuiah rawn fawpin a duhthawh tial tial,min bawhtluk a tum rual chuan ka namsawn dawrh “ Zosangpui tenawm suh aw " tihmakin ka inher san “ Ninawm engmah pawh ka ti theilo,hna ka thawk theilo va ,ka bialnu lah ka khawih thei heklo,ninawm" tiin naupang titau ang maiin a taksa chu a sawi nghawng nghawng.

A vahan chhe tak “ Khatiang ringawt ngaihtuah suh ka tihkha ,hna kan thawhloh chuan thingtlang angah chuan eitur kan hmu lo nghal a nimai . Chuvang chuan taima taka kan thawh hi a tul a ni,i hrethiam tiraw . In awmna angah chuan sum pawh a tamin hahdam zawka inhlawhna tur pawh a tam tih ka hria ,mahse helaiah chuan hahtaka kan thawk chung pawh hian kan eikhawp tawk kan thar chauh a,inthlah dah a thiang heklo,ka nu kha la dam se chuan hei ai hian a thawk thei ngei ang " tiin ka mittui chu ka hru zauh.

Chuveleh min rawn hnaih ruakin alamah min pawt her ,ka mit atanga mittui luang chu hru in a min en reng,tunah tak hian ka hmu hmeltha zual,uang hmel a lang tawh lo va . Nidanga a hmel ngeiawm zet a put ang kha hmuh tur awm tawhlo in a thutak ran,“ Mipa tha tak ka nilo tihchu ka hria,i beisei ang ka pha kherlo vang,mahse engkim hi nang nen tih ka duh,i kiangah awm in he i thil nuam tihte hi zir thiam ka duh a ,min zirtir ang tiraw ? Dawhtheihna nen An chu chu i thei angem?" Tisupin a awmah ka kut chu a nghat a.

A hum vang vang,a hmelah fiamthu a lanloh a vang pawh chuan ka lawm a ni,he mipa hi a inthlak ve tan tak takin ka hria ,kum khat dawn kan inkhaih hruai hnuah tunah hian a mize hlui a kalsan mek a ni . Ka lu ka bu nghat nghat,ka nuihzui sen sen ,thaw huai hian a awmah min kuah bet ,Mumbai-ah kha chuan thianho in len leh suahsual rawngbawl a ruih vak vak kha nuam kan ti thin,hmeichhia pawh ka kawp nasa . Keimah in ka pan ngai miahlova min pan tu an ni tlangpui .

Ka nu leh pa avanga hriat hlawh zual ka ni a ,ka hmel a chhelo nen hnamdang hmeichhe ho hian min duh zual thin,hnar ka tum ngailo va ; min duha min pan tu na na na chu hlat ka tum biklo . Chonaah ka ngai a,ka pa beidawn thlengin ka awm ta reng a ,tunah chuan he khuaah hian ka lo kal lo ang tih ka hlau tawh" a tihchuan ka en chho ha ,a sam buk leh kir deuh chu lukhumin a tuam hnan hlan a ,thingtlangpa tak tak te pawh a ang ve tawh .

“ Hrehawm ila ti em?" a ngaihdan dik tak hriat tum chuan ka en ,a awmah chuan ka bei hnai leh nghal zat . A taksa hnaih renga awm hi nuam ka ti,a tir kha chuan ka mil vak lo,mahse nitin inhmu reng leh mipa hmeltha tak anihbakah a nungchang thawveng lutuk hian min hip a niber mai ,ka mipa duh zawng ang a mahah a awm lo va ,mahse tunah chuan ka duhzawng ka thlak ta nge mipa cool tak duh thin khan mipa harh vang tak ka thlang ta tlat a .

“ A tir kha chuan hrehawm ka tiin thingtlang nun hrim hrim kha ka ning hle ,mahse in taimakna te in neiha in lungawina te,in inpawh tlan na te ka hmuh tam takah chuan a nitelin ka ngaihdan a bo,tin in hun bik hmandan te hi tha ka ti,inla inhre vek a ,khawpuma infiamna in nei thinte hi nuam ka ti bawk ,keini lamah chuan vengkhat pawh kan inhre tawh lova ,puipun nikhuaah lah engah mah kan ngai vak tawh lemlo ,party leh len nuam kan tihlur a chuzawng chu.

Nang ni lamah erawh thianghlim tak leh inpawh takin in infiam ho va , nula lengchhuak lah a zen zenin an awm heklo,hmanlai pi leh pute nun in la pu in in nundan pawh ala mawi ,hengte avang hian ka hmusit thei tawh lo cheu " a tihchuan ka nuih sak. Ni e tam tak chuan hmanlai nundan mawi ,Aia u zahna chang te an hre tawh lo va ,Mizo tlawmngaihna lah an nei tawh heklo ,nula te lah hmanlai nula te thiam thil chanve pawh thiam lo kan mizo hmanrua tak ngial pawh hre kimlo an tam tawh.

A hming hrelo lehnghal phei chuan a hmandan an thiam dawn lo tih hriat reng hi kan awm nuk tawh,tunang laiah chuan khawvel changkan chhuanlamin chhungte thawhchhuah ringa thalai kan fawr nasa thei ta lutuk hian pawi khawih na ruamah min hruai lut a ,kan fate nun zalen lutuk hian ruihhlo bawiha tang a siam hnem ni berin ka hria. Nu leh pa thu kan awih thei meuh tawh lo va ,mahnia ngaihdan in tinei dik inti em em ,mah mahni ngaihdan anga awm tlang ngam leh silo te hi kan tam mange .

“ Zo haw ta la ,ilo kir leh angem? Helaia cheng i ni ve bawk silo va,haw hun i nei ngei dawn a ,chutih hunah chuan min theihnghilh mai a ngem " ka tihchuan a ngawi vang vang,a chhanna ka nghak reng . Sawi har a tinge pawh ka hrelo “ Ka theihnghilh che in ka ringlo, a theih phei chuan ka bulah lo kal theila chu chu ka duh ber a ni " a mi chhanna chuan min ti hahdam huai,deute zar hnuaiah chuan chaw chhun eiin kan thawh zawm leh a ,chawhnu lam chu tlemin nisa pawh a zia deuh.

Dar thum velah kan haw a ,ramhnuai kan kallai chuan sava leh thehlei vel kawng sira rawn tla chu kan en dun,thing hnuai a ni bawk a . Lo ai chuan a nuam hle ,a daihlim vek bawk nen feh kawng hi chu a nuam hrim hrim a ,ka hnungah zel a rawn kal a ,nidang ang kha chu nise a hma a kal a chuh leh tlat tawh ang chu. Reilote chawl leh in kan kal dun leh ,bawng ho awmna kan thlen chuan kan zawngkual leh nghal zung zung a .

An thi ri atang chuan an lo vak thui ve hle tih a hriat,um khawm zung zungin kawngah kan khalh chhuak a ,hmaah an kal tak avang chuan an hnim pet pah nen kan kalsawt lo viau mai “ An,tihian in hralh leh thin em ni?" a tihchuan ka bu nghat “ Tihian talh duh an awm vel hian khaw thenawm vel a tang ten an rawn en a an rawn lei mai zel,mahse phal tawk kan nei a ,a pui hi chu kan hralh phal vaklo " ka tihchuan a bu nghauh nghauh “ Ka nu leh pa nulat tlangval lai atang tawh in ka pa hian a vulh a ,ka nu in a ven pui thin. 

I nu leh pa pawhin an venpui ve tawh thu ka nu khan min hrilh thin a,an vanglai a sawi kha chuan a lung a len hmel thei lutuk,thatlai hun hi an lo ngai berin ka hria " ka nu hmel ngaihtuahin ka ti sap “ Um ka nu leh pa pawh khan an sawi fo mai,ka pi leh pu thlante pawh tlawh ziah turin min ti a ,mahse ka peihlo mai pawh a . Mitthi tawh te chuan min rawn hre tawh lo va ,damlai te erawh in kan hre reng zel hi a buaithlak chang a tam a nih hi " a tihchuan ka nuih ringawt .

A tuklamah chuan kan feh dun leh a ,kan pahnih chiah chuan a reh ve lek lek zel.

Hna kan thawk leh tan a ,a nipawh tlem chuan a zia ta deuh . Ka bulah chuan faifuk hlawrh hlawrh hian a thlo ve kurh kurh a,ka nuih sen sen , tui in a kan chawlh pah chuan fanghma no chu eiin a dar ka ngheng chial bawk . Kan enkawl uluk avangin a awm hun tawhlovah pawh an la rah reng chu a nih hi . Ka kut lehlam humin a kut pakhatin fanghma keng chuan a keih tawn tawn,dawnfawh leh fanghma a heh lutuk hi a mak ka ti,a ka khat khat in a hnawh reng peih,ka nuih hak hak ,tawng pawh a tawng tha theilo va . Ala hnawh belh deuh deuh leh ta nghal.

Haw lam ah chuan kan inchhawm leh bek bek,kal lam hi kan thei dun vak lo va ,mahse tunah erawh kan ziaawm tawh viau thung . “ Ding lawk teh " a tihchuan ka hawi tang nghal hru,a tawng zawih danah thil eng emaw tak a hmu a ni ngei ang “ Bengchheng lo khan chak deuhin kal rawh " kan piah deuh hlek en chung chuan a rawn ti,ka hawi phei ve chu ka thil hmuh avang chuan ka rak lo chauh,ka kutah rawn kaiin chak zet leh thawm nei lo chuan kan kal,Savawm dum ngun mai lian lutuk chuan kan piah deuha thril rah a lo chhar niin .

    

Ka rap lutuk,ka hlauthawng bawk nen ka kalchak visu,khua kan hnaih takah chuan ka ding ta chauh,“ I tha em?"a tihchuan ka bu nghat. A hun takah Zosangpuia vangin kan him hlauh,engtin nge a lo hmuh theih ni kan bengchheng lo kha a lawmawm hle ,savawm reng reng chuan mihring emaw sa dang pawh an hmuh phawt chuan beih an tum ngei ngei thin . Savawm seh avanga thi pawh ka hre nual tawh ,Zosangpuia ka fak lo theilo .

A hun takah a mipa nihna a hmang thiam ka ti bawk . Ka kutah a vuan a ,a awmah min pawm bei vang vang ,ka thlamuang suai suai thei “ Ava den fia fia ve " a tihchuan a awmah ka chum taih ,fiamthuna hun pawh a nilo khawchhungah kan lut a ,ka pa chu thil awmzia kan hrilh,pasaltha deuh ho chu a hrilh kual a ,an lo phur tlang nge a pel turin tlangval eng emaw zat nen an liam nghal vat . Kan ram hi a hla lemlo bawk a ,an zu hlawhtling ngeiin ka ring.

Zosangpuia nen chuan kan intifai,ka pa a len daih avangin kan pahnih chiahin kan awm bawk nen,nghal tak hi a ni ringawt. Ka duh lo chung bathroom ah min pawt lut zui,tui chuan min leih ,a pian nalh thlarh chu ka en ,six pack a la nei zui . Ka chil ka lem khawlh,min en reng tih ka hria ,ka kun a,ka ner sak . Hepa pui hi mi tihlaih nuam a ti riau “ An" ka ngawi kar ,ka khabe ah rawn vuaninnmin kuai dak “ Ch..chhuak tawh...ang " ka tawng bah nawk nawk .

Mite an rawn lenluh ka hlau,hmeichhe thenkhat hi rawn luh nulh an hmang lehnghal “ Nilo e ,kan la inbual zo lo " tiin sahbawn chu la in min hnawih,ka sa pup pup mai . Ka ip chawih chawih bawk,mipa hetiang in ka la awmpui ngai lo va ;ka khur der der thei ka hnute hnawih a tum chu a kut ka chelh vat “ Keimah in ka inhnawih tawh mai ang " tiin sahbawn chu ka la a, ka inhnawih nghal sawk sawk,nui vur vur hian min en a ka hnute chu a rawn hum .

A kut ka beng thla nghal hlak “ Zak rawh aw ,ka chhuak dawn " tiin ka in tleuh sawk sawk a , towel chu la in ka tlan chhuak nghal nal nal,a nui huk huk ri chu ka hre pha reng ,ka lungphu rang lutuk chu ka dawm . A phut muan phah der silo,ka college kal lai pawh khan mipa bulah chuan ka awm fo,mahse Zosangpuia bula ka awm ang em em hian ka zam ngai pawhin ka hrelo ,ka inthlak sawk sawk a ,khumah chuan ka mu nghal vang vang . A rawn chhuak a room a a zai rut rut chu a phone a rawn ri “ Aw nu " a tinghal zat ,ka lo ngai thla reng .

“ Ninawm ka taima tawh,in duh leh min rawn hruai su,ka pa kha lo hrilh la ka nupui tur palai rawn tir rawh se" a tihchuan ka phu zawk mai. Engthu nge a sawi leh tak “ Nupui turte chu ka hmu lutuk,in fapa hi ka hmeltha a ,ka pa a ,ka lian in ka pian pawh a nalh ,tu hmeichhia mahin min hnar dawn lo . Ka pa ai pawhin ka luck ang " ala tiduah zui, speaker ah a dah chiah chu ka nui lo chauh “ Zosangpui ngawi mai mai rawh .I pa vanglai te chuan nang let khan a luck tih hria la ,nang ang in a thatchhe tawng theilo,tu hi nge i chhun sen.

Ilo pian hlima kan lawm tehlul nen,i pa nen mittui nen hun harsa karah kan chawilian che a ,tawng thei hlawrh hlawrh lutuk kha tiang kha chuan tu hmeichhia mahin an nei rei peih tawp lo vang che . Ngawi mai mai rawh,i pa hnathawh zat pawh ila thawk lo va ,in la hnathawk em em ringawt. Kha tah kan rawn zin chho dawn a ,engkim a chiang mai ang ,i tawngtheih kha lo insum deuh ang che ,i pa mit tlun te tum ve tawh rawh . I pi leh pu thlante chu i tlawh ngai em " a nu chuan a rawn ti .

A fapa hau angin lang mahse a aw atang pawhin a fapa a ngaihtuah zia a hriat “ Tlawh tlawh tlawh,ka tlawh bel vek tawh an thlan pawh a phek mam hun tawh . Ninawm ,khalama ka awm leh tlangval that chhia min tia,helamah ka awm lahin chuti bawk ,ka ning in fapa hi min hmangaih ve em em teh u,ka nu lem lem leh ka pa lem lem te u " Zosangpuia chuan a tibak hlur,ka lo nui khur char char “ Ngawi mai mai teh . Tawngtheih changah hian hma sawn suh,nu lem leh pa lem i neilo ,i nu leh pa kan nih hi ka dah dawn ,i naute pawh kan rawn hruai ang.

An ngai tawh che a ,rawn hruai mai loh chuan " a nu chuan a rawn ti dam thlap,ka nu min ngaihtir hetianga duatna aw hi ka nu lak atang chuan ka dawng ve thei tawh silo. Phone an dah hnu ah ka room lamah a rawn phei “ Enge ilo tihdawn ka pa in min hmu a nge " ka tihchuan a lu a thing mai . Ka pa lakah kan inzep ve tak nangin a hriat ruk thi chu ka ring,ram lam atanga ramchhuak hlawlhtling ho rawn haw haw ri chuan beng a verh nghal zar mai .

“ Aw haw le ,pasaltha te an lo haw e " Zosangpuia chuan tiin a dak chhuak du du “ Haw leng haw haw " tiin ramhnuai atange chuan an rawn au dup dup a ,khawchhung atang kan lo ngaithla thap . A kap tu in an rawn thlen pui hunah en tura kal ve ngei chu a ngai ang“ Hetiang ang hi ka la hmu in ka la hre ngai lo,a nawm hmel hle mai " a tisup ,ka nuih hak “ I awm rei anga,ila tel ve ang chu taka tun Christmas hma hian riak lut a , Christmas sa tur zim an tuma.

I tel ve angem,kohhran bik in an ramchhuak thin a ,zan an riak bawk a Christmas hma in an rawn haw leh thin,an sa kah ang ang kha ruai ah vawksa nen kan hmang thin a. A nuam thei lutuk" tiin ka phul hlut ,mahse ka ngaihtuah leh si . A la tive ngai lova,a inhliam chiam te pawh a hlauhawm zawk “ Kan la tum ang chu " a tihchuan ka nuih var var ,thla thum vel a la awm a , Christmas pawh kan hnaih ve ta hle mai . Ka hmuiah a rawn fawp zauh a .

“ Kan tlanchhiatna chhan chu en ve ila " a tihchuan kawmthlang lamah kan chhuka ,pa Dinfelan a kap a nih hmel,a hmun kan thleng chu rinai alo lian daih lehnghal,kan vannei hle mai “ E in lo thleng a ni maw ,a hmutu in ni bawk a . In chan ve ngei angai ang" pa Dinfela chuan a lo ti zung zung,a awmah chuah a var in a inrin phei raih a ,apa puitling ngat tawh lehnghal “ Angela engtin maw hei in hmuh " an rawn ti nak nak ,kan hmuh dan vel ka sawi chuan an chet tlak tlak hlawm a .

“ In vannei hle mai,a hlauhawm chin a ni tawh lehnghal. A hmu ve lo hlauh cheu chu a vanneih thlak mange ,tihian kan dai a sa hlauhawm awm tur a bo phah a nih hi " an tinak nak,keipawh ka lawm,kan him thei hlauh va. Chuti nilo in min lo hmuse chuan a tu emaw zawk zawk hian kan nun kan chan mai thei si a ,Zosangpuia kut chu ka hum nghet sauh,a sa chu kan hawn ve a ,in kan thlen chuan ka pa leng pawh a lo haw tawh . Kan sahawn a hmuh chuan alo phur ve khawp mai .

Sa chu a then chhum nghalin a then kan rep a ,ka pa leh Sangpuia pawh an inkawm ngeih tawh hle . Pafa ang mai an ni,fapa a neilo bawk nen ka pa pawhin a fa ang tak takin a en tih ka hria . Sa chhum rim chuan ril a ti tam rawih rawih thei ,chaw ei kan siam a ,kan eitam hlawm ngei mai . Zosangpuia pawh ramsa la ei ngai heklo ,a heh phian lehnghal “Savawm hi chu sa tuilo pawl a ni zawk a ,sakhi te ,Saza ,henghi an tui leh em em thung a ,tin hetiang salian lo ah chuan zabuang te ,irrang tih ang vel te hi an tui leh bawka" ka pa chuan a hrilh mawlh mawlh .

“ Um ei tur a awm remchang em ang chu maw ? Helama awm chhung hian ei ve hrim hrim ka duh mange,Vahrit leh Ramar te hi ka pa khan inkam thin thu a sawia ,an la awm em ang chu maw " a ti ve zuk zuk,a va inla puitling thar tak. Ka lo nui tet tet chu min rawn melh kur “ Lo lu ah khan kan kam dawn a nia,kan ram vel hi an awm duhna ber a nia ,awh tur an awm in ka ring,naktukah keima ho vin kan kam dawn ania,i pa nen kan tlangval lai khan kan kam nasa a ,awh pawh kan awk thei hle ,tunah erawh ramvakin an pel nasa deuh nen an vang ta deuh a " ka pa pawh chuan phur zet hian a lo ti ve .

Chaw chu ka khamsan ,an inkawm tui bawk nen an kham har phian lehnghal a. Sa chungchang an in hrilh mawlh mawlh,ka pa phur zawng tak a sawi chhuahpui bawk a ,ka pa tawng duh ta lutuk chu Zosangpuia chuan min rawn en leh thin,ka dar chhin khum akin ka lo nuih ringawt.