THATCHHE LALPA CHAPTER 3

THATCHHE LALPA 

CHAPTER 3

Inkhawm ban rualin pawnah ka chhuak a,nghah pawh ka tum lemlo ka pen hlawk hlawk ,ka kutah a rawn man,thim karah min pawt lut nghal “ Min nghak ve ta che enge i kal hlawk hlawk " a rawn tihluk,chhan pawh ka chhang peihlo . Kalsawn mai ka tum chu ka kut a vuan bet tlat, midangin min hmuh ka hlauh avangin ka tawng ring ngam bawk silo,rum zet chuan hmu theilo mahse ka melh ngar .

“ Tinge min haw viau em ni?" a rawn tihchuan ka thaw hak “ Min mamawh em ni? Nge nangmahin ilo haw ve thiamlo,min thlah rawh ka hmanhmawh a nia " tiin ka tal deuh,midang an thlen hlat tawh avang chuan ka tawng ring ta deuh “ Khang ho kha i thik em ni?" chiang zeta min rawn en paha a tihchuan angalah ka chhir tawk,a rum hawk mai “ I zak chai nange thikna tur ka nei em ni ? I lerh zia ka hria a ,engah nge ka thik ang ,i tih tur reng a lawm min thlah rawh" tiin ka tal leh vak .

Min thlah ve ta hram ,ka kal zui hlawk hlawk a ka hnungah min rawn zui ve zel lehnghal. Ngaihsak vak lo chuan ka phone ka en ,ka bialpa ve deuh Faka hnen atangin message ka dawn a vang chuan ka call ,a la rang hle “ Inkhawm kan bang chiaha ,i inkhawm ve lo em ni?" ka tihchuan a inkhawm thu sawiin an bang hma deuh a nih hmel ,kan inbe char char a ka hnunga kal pa phun nuah nuah pawh ka hre reng .

A duh duh danin awm tehse, in kan thlen rualin ka room lam ka pan nghal,phone chu ka dah zui bawk . Inthlak pahin ka zai rat rat a ,ka room piah chiah a mi chu a rawn bengchheng lui vak bawk “ Enge i hriata ?" ka tihlar,a khum a tiri dawt dawt . A hnek emaw ni dawn ni ,a â tawh tak tak a nih dawn hi “ Rawn buai suh bialpa in ti nei nu " a rawn tih chuan ka nuih hak “ Ka lawm e " ka tichu a huat hmel kher mai ,a room atanga rawn chhuakin ka room kawngka a rawn hawng .

Kekawr bul nen chauha ka awm avang chuan ka lo au that ,min rawn hnaih rawk rawkin ka khumah a rawn mu “ I zak theilo lutuk,tho nghal rawh ka pa in a hriat vaih chuan i chak lo ang aw " tiin kaih thawh tumin ka pawt tang tang “ Amu tawh a hre dawn lo bawk " mut that deuh deuh pah chuan ala ti zui,a biang dawm in min en a ,ka taksa chu a melh kual dan dan,chutah nui sukin “ I chhiat lemloh kha " nui sung chung hian a rawn ti a ,thu chhuakin ka hmaah tak chuan a rawn ding.

Ka en chho kar mai “ Min duh tiraw " teh tlawng chuan chu thil bawk chuh ,rum zetin ka melhna te chu engah mah ngailo tih hriat tak hian a khabe dawnin vei nuih sak “ Zak rawh aw, nang ang mipa lerh leh thatchhe si hi ka duh hlawllo che" ti thatin ka nam,a inring lo nge a tlu tur chuan min pawt telin khumah chuan kan inbawh tlu rawk ,a chungah ka bawk chiah chu ka lung a phu dawt dawt,hepa lakah hian feelings ka nei duhlo takzet . Mahse ka nei tan mek si,ka kawngah a kuah a ,a mitmeng uk kharh chuan sexy zetin min melh reng 

Hetianga mipa hmeltha leh mengmawi hi ka la hmu lo,siamtu hian a siam fuh ve thlawt . Mahse a that chhe mah mah ,a rawn tho kang min fawh a tum niin ka hria ,ka hmui chu a rawn hnaih tial tial ka namsawk “ Enge tih i tum?" tiin awmsawn ka tum,nui vur vur chungin a rawn thu chhuak,ka kawngah a la kuah reng “ Min vei chiang" a tileh,a lu ah ka kuk tawlh mai . Rum zetin min melh “ Mai mai chuan nang nu hi " tiin min bawhtlu rawk,kan insual nghal a samah ka kehsak ngawn ngawn a ni pawhin a kek ve bawk .

“Zaktheilo lutuk nang mihring pa min thlah nghal rawh " tiin ka rak that ,ka chungah rawn bawk kaiin ka hmuiah a fawp a ,ka mengkawk ka hmui chu a pet nar nar ,a zei takzet ,ka kawngah hmer salhin ka ka chhungah a lei a rawn hawl kual ,nilo! Hetiang hian ka awm pui theilo ang . Namsawn ka duh mahse ka che thei der silo,ka khur dar dar chu a hrechiang hle ang . Ka hnute a rawn tham chuan ka harh chhuak zawk . A kutah chuan manin ka namsawn ,ka thaw hawk hawk mai .

“ Min hnaih tawh suh " la pangngai lo zet chuan ka tichhuak,a nui vur vur reng a ,a hmui chu a tuai zauh “ Ka ta nih i duh lo vem ni ? Min duh tih ka chiang engvanga min duhlo anga awm tlat nge i nih? Min hlau em ni? " tiin min rawn hnaih,khum lu lamah ka tawlhsawn nghal . “ Min rawn hnaih tawh suh,i zaktheilo si " tiin ka awm chu ka hup ,mit min siai khumin a tho chhuak a ,faifuk rut rut chungin a room ah a lut zui. Reiloteah a muhil hnar ri ka hre nghal ,ava han ngeiawm tak em .

Anu leh pa hetiang an nih ka ring bawk silo,fapa chimawm zet an nei a nih ber hi. Ka muhil thei derlo,a mi fawhna ringawt ka rilru ah a awm,ka in let kual ka inlet kual . “ Mai mai chuan hmela vang vek" tihlakin ka mit ka chhing lui a ,ka muhil ve thei hram “ Bawihi vawiin chu inah ka lo awm ange,nangpawh bawng i veng ve mai dawn em ni? Nangmaha feh turin ka duh lo che ,lo pawh naktuk lam kan vah chuan kan zo thei mai ang " ka pa chuan chaw eilaiin a rawn ti dap dap .

A tar tawh a,ana viau a nih ka ring ringawt “ Pa min ngaihtuah suh,lo awm hahdam tawh rawh . Ka awm hi a hla chuang lo a keimahin ka feh mai ang " tiin ka chhang a ,min ngaihtuah tih ka hria,a chhan pawh kan awmna hi a la ngaw a ,sa hlauhawm tak tak an la awm nual vang hian hmeichhe tan chuan mahni a ram kal a hlauhawm viau mai . “ Ka kal pui ange,lo awm rawh kan vat zo thei mai ang" Zosangpuia chuan thu tak zet hian a rawn tichhuak a .

A hmelah chuan nidanga a put thin peihlo hmel a lang tawh lo . A thutak hmel chu mak tizetin ka pa nen kan en dun “ Lo awm mai mai rawh mipa ka nia lawm,ka chungah rinna nghat rawh u " a tinawn leh ,ka pa pawh chu a bu ta nghat . Chaw eikham chuan thleng ka sil zawh rualin ka insiam,Zosangpuia pawh a insiam ve mual mual ,lo lam pan chuan kan inzui dun,ka bulah kalin min fiam char char chu keiin thinrim zetin ka en thung.

“ Heng pangpar te pawh hi ram hnuaiah tuma tih buailoh in an awm a ,keini pawh tuma tihbuai loh in kan awm bawk a . I indi ve rial rial ang" a ti chhen chu hem chawrh ka chak ,lo kan thleng chawlh lai chuan ka bulah a thu a ,lo pawh a vat ve ta . A mizia inthlak thut chu amak ka ti,thing chu a kit tlu zung zung,mipa tha a chhuah meuh chuan thingtlang pa thanen an danglam loh zia ka hmu nimaiin ka hria .

Chawl turin kan in nghahna lam kan pan,ka êm bula rul lo awm a hmuh rualin a au leh tuar . A thutak rei thei thlawtlo “ Vaw hlum rawh,a nihloh chuan um sawn mai ta che mawli " a la rawn ti. A mah hi ka vaw thlu chawrh zawk dawn emaw ni,thing lian tha tawk tak bung chu la in ka vaw thuai thuai a ,hmun dangah ka paihsawn nghal . Ka thu thla hnak “ Tikhan Evi ang lo takin a rul a zawk i thata ,sual i hneh ta. I Adama i chhanhim a ni ringawt,kha rul kha Eden huana mi kha a ni a ,chuan nang leh kei hi Evi leh Adama chu kan ni .

Tin helai hmun hi kan Eden huan a ni bawk " mai mai chuan “ I mumang thuah sarih a nihchu,nanga Evi kha ka ni lul lo ve ,i duh leh i Evi tur dang i zawng dawn nia " ka tihlak hlak . Faifuk leh hlurh hlurh in thing chu a thliar a thliak a “ In khuaah nula hmeltha zet a awm an tia,zanin chu kan rim ve ange, ka thian chhar thar te khan kan hruai ang che an tih tak kha " tiin a phone chu a khawih mual mual.

Ka chhang lo,ni e Ziri hi nula hmeltha tak a ni a in leng a ngah thei hle bawk . A mah a polite in a inleng te a be thiam bawk a ,kan khuaah rau rau chuan a ni tluk chu an awm lo vang,khawdang atang pawhin nupui atan an rawn dil fo miau a . Ka tawng leh tawh lo chu a ngaih a tha lo nge min rawn en in ka hmai zawnah a kut a rawn vai “ Tan ang" tiin ka tho chhuak a ,vahloh tlem la awm lam chu ka pan nghal hlawk hlawk.

Kan in be leh tawh lo,kan vah zawh chuan ka thaw huai mai,tihi chuan lo hal hun chiah nghah a ngai tawh. March thla tawp lamah emaw hal a hun chiah bawk ang,thlasik a la na ve bawk a tlai lam chu a vawt leh vur tawh . Haw kawngah pawh chuan ka be lo hrim hrim,engvanga a ni nula rim tur lo thik viau nge maw ka nih le ,zanah chuan a sawi ang ngeiin tlangval pahnih hian an rawn sawm ta ngei a,an chhuak ho chu ka en reng ringawt ,ka thik tur a nilo tiin infuih mawlh mawlh mah ila ka thik lo theilo .

Hepa hi ka duh ta mai em ni ? Nilo a ani theilo vang ,hun a liam ve zel a thla a ral duak duak,ka thlai te pawh ka zuar ve ta ziah a,Zosangpuia pawh a mizia a inthlak ve tawlh tawlh. Ziri nen khan an ni zui a ,an inzui nasa hle bawk . Khua ah chuan an pahnih chanchin a khah in a khat a ni ber mai . Sunday a ni a ,ka nu thlan tlawh tumim ka insiam malh malh “ Enge i tih dawn ?" ka enzawk,a tul tawpah bak ka be ngailo va ,a ni pawhin tunah chuan ngaiah a neih tawh .

Ka bag chu ak hnakin ka chhuak zui “ Tinge min biak duh tawh miah lo va " ka hma a rawn din pah chuan a rawn tileh hmuk “ A tul ka tilo a nimai kalsawn rawh ,ka hmanhmawh a nia,i bialnu nen in leng leh dawn lo vem ni ? Awmsawn vat mai teh " tiin kalpelh mai ka tum chu ka kut a lo vuan bet tlat,ka thaw hawk ka kut chu ka thing nawk “ Min thlah rawh enge i hriat a ,ka duh duh danin ka awm ang. Ka nuna inrawlh turin ka hmelhriat tha pawh ini lo a ,ka chhungte lah i ni heklo ka kut hi thlah rawh " ti thatin ka pawt leh.

A thlah ta hram,ka chhuak nghal vat “ Pa ka nu thlanah ka kal lawk dawn a nia " tiin ka chhuak zui a ,thlanmual lam pan chuan ka kal nghal hlak hlak . Ka thlen rualin ka nu thlan hmaah chuan ka ding vang vang “ Nu ka lo kal a sin " tiin a thlanah chuan ka thu thla,a damlai kha chuan ka nun kha a hlim thin,min ngaihsakin min duat a,hmeichhe hlim thei tak a ni bawk . Thian ka kawm ngailo va ,amah hi ka thian a ni tel bawk “ Nu i awm loh a chin hian ka mal zia hi i hmu ang tiraw ,thian tur ka nei tawh lo va .

Ka lungngaih chang pawhin min hnem tu tur nu ka nei ve tawhlo,mi chu an nu te thlazar hnuaiah hlim takin an awm a ,i awmloh a china ka pa khawhar zia te hi i hmu lovem ni? Nu i kal hma emai a fair lo lutuk,engkim ka tih angai tawh a. Lehkha zir ka chak em em laiin hetianga ka awm angai ta mai si ,nu ka mamawh takzet che ,ka khua a har lutuk nu " ka insut hlap hlap. Ka dar a rawn khawih tu an awm chuan ka hawi chhuak vat,Zosangpuia nen chuan kan inmelh ran .

Min en reng a ,ka bulah a rawn thu hniam nghal zat,ka mittui chu a tuai fai zauh “ Enge i rawn tih,haw rawh " tihlakin ka hawisawn “ Nute i fanu chu lo ngaihtuah suh,keimahin ka enkawl ang. Tin ka nu te nena inchanchin ka hria a ,in in thianthatna avang hrim hrim pawhin i fanu hi kan thlah thlam hauh lo vang " a tihchuan ka ngawi reng,kalsawn tumin ka tho chhuak a ,thlan lung la en reng chung chuan ka kutah a rawn hum bet chat .

Rawn ding chhuakin thlanmual lai taka thingkung nalh leh zar pharh duai mai lam pan chuan min kaichho dawr dawr ,a thing ah chuan min nawr betin ka hmaah tak a ding ta ran “ Sawi rawh nang hian i thik tih " a tihmuk ,ka ngawi ngar “ Sawi ta che ,i thik anihchuan ngawi reng lo khan sawi rawh . Min peh hel chhan te ,min biak duh miahloh chhan te hi Ziri vang a ni tih sawi chu a har viau em ni?" a rawn tileh tuar ,tunah tak hi chuan a thinrimin a thutak hle tih ka hria .

Thawk la halhin “ Ka thik lo ,thik tur pawhin ka bialpa pawh i ni em ni? Engvangin nge nang ni chu ka thik ngawt ang cheu,in duh duhin awm rawh u . Pawi ka tilo,i duh a i bialnu a ni a lawm,engvanga ka biak duhloh chhanah che ngai nge i nih" ka tihchuan za lo tak hian a then suk,a hmui sehin rum zet hian min rawn en ,a mitmengah chuan a duh ang chhanna ka pek loh avanga a lungawi loh zia a lang chhuak bawk .

Ka nghen mek thing chu a hnek sawk,ka lo rak that mai “ Dawt min hrilh tawh suh, nang hian min duh " a tileh ngat “ Ka duhlo che ,i lerh si nang ang mipa lerh lutu.." ka sawi zawh hma hmain ka hmuiah a rawn fawp bawrh bawrh,na zet hian ka hmui hnuai lam chu a pet ,ka chetsawm theihloh nan ka taksa chu a nawr bet tlat bawk ,a awmah chuan ka nam dat dat a awmsawn duh der silo . A mi fawh dan thlakin dam raih in min fawp,ka kawngah chuan chelh in a lamah min hnuk hnai salh .

Ka inthlah dul tial tial tih ka hria,ka mit ka chhing ka kut hum chu ka thlah,a hnungah ka kuah riai riai tih ka hria. Ka fawp let a ,chuveleh min nawr na sauhin ka ka chhungah chuan a lei a hawl kual nak nak,ka thawk a ranga ,nuam tihna ka nei bawk. Nghet zetin ka kuah bet tlat,kan inthlah rualin a nghawngah hmai ka phum tlat,ka en ngam lo ka zak takzet “ Min en teh " tiin ka biang tawn tawnah vuanin min kuai dak,a mitmeng tle sar chu ka melh zawka ,hnuai lam ka en leh nghal 

Nui hakin duhthawh takin min fawh zawm leh,ka chhang let ve leh ta tho ,ka hnute chu ka kawr atanga zen chho in a hrawm tawn tawn “ Mi an lo kal ang" tiin ka namsawn a ,a thaw hak hak mai . Keipawh ka pangngai biklo “ Min hlat tum tawh suh ang che ,ka kiangah i awm reng tawh ang . Ka ta ini tawh" tiin ka kutah a kai a ,min kalsawn pui nghal zat “ Bialnu i neih chhung chu ka hnaih duhlo che " ka tihchuan min rawn en thla vutin “ Tumaw ka bialnu,bialnu ka nei em ni " a tihchuan ka sik hlawk .

“ Okay ok ka bialnu a nilo,ka rim mai mai a ka ngaihzawng emaw an ti ringawt a nihkha . In khawte a a thang chak phian lehnghal,ka bialnu angin ka en lo hrim hrim,min hlat vang chauhin ka hnaih tunah chuan ani rim turin ka chhuak leh tawh lo vang,ka lakah sawi chhuak lo in thinrim ringawt tawh suh. Min duh reng si in ilo in lak ngen lillel vang vek a nih hi " tiin ka biangah a rawn piai hlawk hlawk .

“ Duh che mah ila i mizia ka ngaihtuah a ,min chawm thei dawna ka hriat loh vang mai anihkha ,i thatchhe em a lawm" ka tihchuan a nui huk “ Ka thatchhe tawhlo tih i hre reng" tiin kan kut inkai chu a then lauh lauh a ,ni e a insiam tha takzet tawh . Mahse a la thawveng reng a nih hi .