THATCHHE LALPA CHAPTER 2

THATCHHE LALPA 

CHAPTER 2

Mu pahin ka phone ah soul land ka en mai mai a ,ka room piah chiaha mi chu a zai rut rut ,eng hla emaw ni “ I'm Mr lonely" tih vel emaw ni a zai a ,ala inhmeh phian lehnghal . Zaithiam tak chu a ni in ka hria “ Lonely (so lonely) " a sawi nawn na lai zel chu a sawi a “ I'm Mr lonely (Mr lonely" ala sa lungrun ve em em zui “ Bialnu te min then phah ka pa Nick Zochhuanmawi i fapa hi min dawn ve rawh I have nobody " tiin a zai zawm .

Ka thil en pawh ka ngaihtuah thei tawh lo,ka nui dir ngat ngat,ka nui ri a nih vaih chuan zai chhunzawm duh tawh awm silo . Ka pum na vekin ka nui ,ka mittui a tla phung bawk ,chutah phone in mi a call a,a ring chu a nghah vang vang hnuah “ Ka nu in fapa hi thi turin min duh a nihloh chuan min rawn hruai haw nghal rawh u ,engvanga hetiang khawte leh thing zeta min dah nge in nih. Ka bialnu pawh a lungawi loh avang in min then phah,pawi ka ti em em pawh a nilo. Ka thiante ber kha ka mamawh .

Hetiang a reh si,hmeltha an vang ropui si zanah run tawk thut pawh ni ila ka thi hmasa ngei ngei ang tih tur hmunah hian engvanga ka pa khan min dah nge a nih? Min rawn hruai vat rawh u " a ti nghal zung zung,lehlam a mi chuan a rem tilo nge ni “Chutiang ka fel tawh dawn ka tihchu,vawikhat lo hmuh hi a tawk mai lovem ni?"a ti leh hluk hluk “Ka ning in fapa ka nih ngai chuan min rawn hruai ula a nimai,a nihloh chuan ka lo haw tho tho ang" a tihchuan loud speaker ah a dah nge “Zosangpui i rawn haw lo vang,tin,i pa seilenna khatiangin sawi tawh ngai suh.

I pa nen kan thil tuar ang te ,kan hlawhtlinna te i hriat hma chuan i rawn haw lo vang,i pa a tar tawh kan dam pui reng dawn lo che . I farnu te tana in nghahna tlak i nih hma leh i insiam that hma chu i awm reng ang . Hrehawm na hre ve la ,miin hlawhtling turin engtianga harsa in nge an beih i hriat hma chu i awm ang ,tin i pi leh pu thlan kha a khat tawkin tlawh la tifai reng ang che ,helamah kan awm reng dawn lo va ,khalama rawn haw hun ala awm dawn ..

I pa thu hi awih la i tana tha tur a ni ,tin thingtlang mite kha tumah hmusit ngai suh i tetlai ,ka paina hmun ngei che leh i nu leh pa lawm em em tu awmchhunte an nih kha ,an nilo laina hnai i neilo ,i nu anga fahrah mai inilo te hi lawm rawh" anu chuan a ti dap dap,ni e nu Jasmine leh pa Nick-a te chanchin chu ka hre fo tawh,ka nu leh pa thiantha tak an ni tih pawh ,ka hmu chak ve thin . Ka nu a thih hnu ngat phei hi chuan ka hmu chak lehzual ,helaiah an rawn awm ve reng thin tih te pawh ka hria a .

Hmuh ka chak ve em em ringawt ,Zosangpuia pawh a ngawi ta reng,phone a dah hnu chuan a thaw chhuak hulh “Hmm a rei duh awm mange,insiam that ka tum si lo va ,damchhunga ka a ngai ngei ang ka ning" tiin a mu zui nge a reh hmak . Ka nui var var mai ,a mizia hian ka nuih a tiza,a cute riau . Ka thil enlai chu ka enloh chin atang ka en leh a ,pawnlam atanga thla eng rawn lut chu thlirin ka zai rat rat “Hey lehlamnu ,i thiamlo ropui si zai ve tawh suh.

Zawhte awchhang i ang"a rawn tihchuan ka zai lai ka tawp chat,mai mai chuan eng mi ah nge a in ngaih bik ni . Mu tha sauh sauhin ka lu ka kan deuh “Thatchhe Lalpa zai ai chuan ka thiam fe,daia kan bawngpa boo tha theilo i ang ,inrinah ka la hmuh tir nghe nghe ang che . Mahni anpui chu a nel viau che in ka ring; in in mil viau ang " ka ti ve hlak ,a che thawm ka hria a . Ka room lam arawn pan anih hmel,kan room danna bang bul chetah a rawn dinga “Hmeltha min tih em kha ka hre vek ania,he khua a nula hmeltha ber hi min la hmuh nghe nghe ang che.

Bialnu neilo a awm ka tum miah lo a nia " a rawn tihchuan rang zetin ka lo aw,a rukin ka nui vur vur thung . Ka ngaihtuahna hi hria se chuan a lawm lemlo khawp ang ,“Muttui Thatchhe lalpa" ka tihchuan “Khatiangin min au kher suh Samkirbuknu ,leihluihin " a rawn tih hnu ah thawm a reh hmak . Ka sam kir a sawi dan chu ka ngei hle,mai mai chuan a lu buk tehlul nen. Zingah a chak lo khawp ang,khum lam ka pan hnak hnak.

Mu thla dawtin ka mit ka chhing nghal vang vang ,ka chau ve takzet a chang chuan ka kum rualpuite anga zir zawm zela eng emaw tak nih ve ka chak thin . Mahse chutiang chu a thleng ngai dawn lo tih ka hre chiang, ka pa hi a mah maia hnathawk turin ka dah theilo,ka nu kha nu tawng duh tak a niin ka pa pawh hian ka nu awm lo hi a tuar na em em a ,ka nu a awm kha chuan khawhar pawh a hre ngai meuh lo . Ni e ka nu hi a nulat lai atang tawhin hmeichhe thawveng tak a ni a .

Ka pa nen erawh an mizia a hrang nalh thung a ,ka pa mizia erawh ngawichawi tak mi a ni thung . Zingah ka tho a ,mei ka chhem nghal zung zung,rawng ka bawl melh melh lai chuan Thatchhe lalpa pawh a rawn tho chhuak hlawl,ka bulah chuan a rawn thu a ,chiang zetin min en vung vung,min tilai ringawt lehnghal . A hmel hi chu a tha thlawt,kan khaw nula ho pawh an buai nghal chu a ni si a .

Kei erawh in a mizia hi ka haw hlur thung “ Vawiinah kan feh leh dawn em ?" a rawn tihchuan ka bu nghat,peihloh hmel zet hian a thaw chhuak hawk a ,tap a vut chu a thai a thai “ En teh inkhua hi heti zat chiah hi mi in nih" a tihchuan ka melh kar “ Ni mai e,a nuam ka ti bawk sel vak vak suh, tin mi thenkhat hi hmunpui lamah an zirzawm a , Christmas dawnah an rawn haw chauh thin. Tin hetiang aia tam khua awm mahse kan khua hi a nuam ka ti ber tho ,chuvang chuan sawisel reng reng suh.

Nang chuan hlimhlawp leh thiante nena lenkual nuam i ti pawh a niang,mahse i nu leh pa ngaihtuah ve la ,hetianga awm mai mai kual tur i nilo " tiin vawk chaw pekna tur tui ka chhuang a ,mei chu ka chhawm tha sauh sauh. Ka bulah chuan ngawi rengin a thu a ,ka che vel chu a en reng “ I vun rawngah hi chuan i hang lutuk bawk silo " a ti nuah nuah,ka nuih sak ka hang over lo a ,tin ka ngo lutuk ngailo bawk . Mi chuan hang ngaihno bei min ti fo thin,kei erawhin ngaihno ka beina pawh ka hre lem lo .

“ En teh An" ka hming chu a puma lam duhlo in a rawn ti sup “ Khawpuiah lo kal ve la ,tichuan ka nu te pawhin ka haw ve an phal dawn a lawm "ka taksa chu a rawn nek phah,rum zetin ka melh vak “ Ka pa ka kalsan theilo,tin i nu leh i pa in i haw an phal hma chu ka pa nen haw turin kan dilsak bawk lo vang che . Thingtlanga awm i hlauh viau chuan i nu leh pa rintheih turin awm ta che " tihlarin ka thawhsan,chaw chhum siamin gas ah ka chhuang nghal zat.

Vawk chaw tur chu ka siam zung zunga ,ka inkhai chhuak tur chu min rawn pui,ka kut a rawn dai a vang chuan rang zetin ka la sawn,ka lung a phu dawp dawp mai . Ka en,mit zimsanin min lo en ve bawk“ Ka lo pui ang che ,hei chu ka peih ve mahse i siam chauhin" tiin min chhuahpui ,vawk chaw kan pe chu an hap zawnga per chu a thawmhnaw ah an kai a ,a au chul mai “ Hey nang ni hnarphek ho ,ka thawmhnaw hi sing tel man a nih hi in hria em mai mai chuan.

Vawk hmelchhe tak in nih hi,ka bang " tiin inlamah a phei nghal vawk vawk “ Thinchhe si,thatchhe bawk vanduaina thuahhnih neia a ni ringawt" ti a phun sap in vawk hnungah chuan ka chul hauh hauh,an ni leh kan bawngte hi kan in nghahna an ni deuh ber ,tun dinhmunah chuan kan dinhmun pawh kan khuaah rau rau chuan a kâng pawl a ni .

ZAWMNA.....

Ina ka phei hnu chuan tapah a lo thu a ,ka pa pawh a lo tho chhuak tawh a nih hmel. A nu leh pa chanchin a lo zawt ni awm tak a ni “ I pa hi ka thiantha ber a ni a ,hetiang dinhmun a thlen theih chhan hi a tum ruh vang ka tilo theilo,lehkha zir chungin a inhlawh a ,lo lam hna a thawk kawp a ,pawisa an neihloh avang khan a hah pawh a hah in a bei nasa ,tumahin mi rethei chu pawisa puk tir duh hek lo ,khawpui lamah kal zawm a ngai si nen hnathawh pah a duh avangin an han zang kual a .

Tihian tunah chuan a tumruhna rah in seng a nih hi,i pa vanglai kha chuan mite fak a hlawh a sin,a fapa i ni a i pa hian a chhang dawl tu ah a duh ngei dawn che ,i pa rilru tur ngaihtuah la ,he khua a a rawn dah chhan che pawh min hrilh vek tawh . Keichuan engtin mah ka ti ngai dawn lo che ,mahse i harsatna chu nangmah ngeiin sual chhuah i tum tur a ni ,keini'n kan pui bawk ang che ,i farnu hi en la a ni pawhin khawpuia awma a thiante nena inkawm te ,lehkha zir te pawh a chak tih a pa hian ka hria.

Mahse a pa min ngaihtuah avangin a zirna chawlhsanin ka phallo chung a rawn haw a ,tihian a tul ang ang thawkin min pui a ,tlem chuan ka hahdam phah ve ta ,nangpawh mipa i ni a mipa chuan a tihtur a hre chiang tur ani . Nakin lawkah nupui ila nei ngei dawn ,i pa rintlak leh i nupui chawm thei tur khawpin nangmah in todelh la a tha " ka pa chuan a ti dap dap ,pakhat chuan a ngaithla ve kur nangin zawm tum hmel a pu lo hrim hrim.

A ham buai buai a ,a tho daih lehnghal ,pawnah nilum ai pahin ar chaw ka pe a ,ka mit kham urh nen chuan men a har ,chutah tui a la rawn haw zui leh ta nghal . Tho chhuak in tui point lam ka pan a ,Zosangpuia chuan kawngka atanga rawn dak in min rawn zui ,engmah a ti thiam pawhin ka ring lo,tui chu kan chang dun a ,kan veng ho chuan an en leh zauh zauh thin,an be zak tih ka hria,Zosangpuia lah a ding lawr zuah a ,kan khua ah chuan chentu an vang viau in ka ring.

Tui ka dawhkhah sa tin pahnih chu khai kawp ve ngei a tuma,a khai kang a kal ve mai,mahse rei a kal lo,hah lutuk hian a thaw hlawi hlawi a ,a kal pai ang nul nul zui leh ta nghal . “ A rit lutuk " tiin a ding a ,a awm sep dawrh dawrh khawpin a thaw chhuak,kan tuichawipui te chuan an nuih tet tet hlawm,mi a tizak tam mai mai “ Khawi keiman ka lo khai ang " tiin ka va laksak a ,mak tih hmel lutuka min en in “ Hercules-i ini lo maw? " a rawn tih chuan ka pet pah chawrh.

“ I thatchhe cher lutuka engmah thiam i neilo hi zak ve ta che ,mipa ve si hmeichhe bem leh thatchhiat chiah em ni i thiam?" midang hriat loh tur chuan ka ti a ,ka hnungah min rawn zui ve zel “ Um a nimai,nangpawh ka bem ve i chak chiang a nihkha ,i awmdanah ka hre vek " mit kan uk uk chungin a rawn ti; tui chhun pah chuan rum zetin ka melh “ Mikhual nghal tak i nih hi,zaktheilo hundred percent lutuk" chhuahsan pah chuan ka ti hlak.

Zamlo ve tak chu a ni “ Oh! Mikhual pawh ka ni leu,hetah hian kum eng emaw zah ka awm dawn a mikhual nilo in i pasal ka nimai; chutichuan ka zakthei ve tho a nia ,zakthei two hundred percent zawk a lawm" ka ding chawt “ Inah hian lo awm rawh,tangkai lo si tawngthei zaktheilo " ka kalsan nal nal . Tui chawi zawh ah chaw eiin feh turin kan insiam a ,kan thatchhe lalpa pawh zawi zetin insiam turin a roomah a lut hnu hnu ,kan feh chhuah pahin kan bawng te chu kan thlah pah a .

Sawm vel chiah kan nei tawh bawk nen chunga buaipui ngai lutuk an ni lemlo,fehkawngah kan thlah tawp a ,haw hunah an rawn haw ve leh mai zel ,ka pa chu a hma berah a kal a ,Zosangpuia nen chuan a hnungah kan inhnial char char ,“ En teh heng hnimte hi an in di rialin ka hria ,nang leh kei ang mai ,a tirah in haw mahse a hnuah chuan an in nghen rial hi " ka hnung atanga a rawn tih chuan rum zetin ka en “ Ngawi mai mai rawh hmela ,nang leh kei engah nge kan nih ngawt ang" hnung lam en chuan ka ti vak.

“ Aw nang leh kei hi Zawlpala leh Tualvungi kan nih hi i hre ve lo em ni ? Hallo ten in di rial rialin " a tizui kher chu ka haw takzet “ Nang nen hi chuan hnai lo ve ,min fiam tum reng reng suh aw ,i rilawlh mai ang " tin uaih uaih chung chuan ka ti,ka pa in a thusawi hi hre phei se a lawm lo khawp ang. “ Ka bem che i duh a ni lo'm ni? Enge i duh loh leh vel a ,ka hmeltha a ka chhelo a ,ka sang in ka hausa cheu enge keimahah kimlo awm,ka awmnaah te chuan a chuh in min inchuh zawk a sin?" a sam tuai chung kher chuan a ti a.

“ Keichuan maw kha i sam sei zet te ,in la hmeltha zet leh i pian nalh emaw i tih cher chhe zet kha tuai taksa leh hmel nen ka tehkhin,chuvang chuan ka duh hlawllo che ,thatchhe si lerh hmel zep zuap,dang varak deuh hi ka mipa duhzawng inilo tih hi hre chiang ve mai mai ang che hm." tihmakin ka kalsan “ Keipawhin ka duh hlawllo che thing si,sam kir buk leih luih lehnghal ,ha pauh ropui si"a rawn tileh kher chu ka la na zak.

Ka ha hi keipawhin nalh ka tilo,a chhan chu ka hmui a ti puam deuh thin,mahse hetianga min titu reng reng chu tumah ka chhuah ngailo ,ka bula lungte chu chharin ka vawmsawk“ Ka hua che " tiin ka kalsan hlawk hlawk,ka pa bulah chuan ngawi rengin ka kal,ka hnunga rawn kal chu melh pawh ka melh duh tawh lo ,lo kan thlenga reilote chawlin thing chu kan kit leh tan.

“ Hey An i thinrim em ni?" ka chhang lo,ka bula thing chu a kit ve kurh kurh a ,delh leh zawt se ka chak. “ Ka bem fiam mai mai che a nihkha , ka hmeichhe duh chi inilo,chubakah bialnu ka nei a a ni chu nupuiah neih ka tum bawk " a tihchuan rum zetin ka melh,ka thing kih tluk chu kalsanin ka hmalama hnim awm chu ka sam leh rih “ Chutiang min hrilh ka ngai lo,taima tak khan i thing kih lai kha ti tlu la a tawk .

Tu hmeichhia pawh ngaizawng la ka hre chak lemlo,keipawhin bialpa ka nei ve tho a . A ni chauh chu ka tana awm chhun a ni bawk " tihlakin thing dang chu ka kih zawm “ Ana tawh ka peih tawh lo ,ka kut hi a durh vek tawh " ka pa bulah va kalin a va tihluk hluk,melh pawh ka melh peihlo,lo neih zau kan tum lo va ,thlai ilo chin nana vat mai mai kan ni bawk . Nili kan vah chuan he mihring thatchhiaa tello pawh hian kan zo em em ang .

“ Um naktuk atang chuan kan Bawng kha i hmu nga ,ilo veng tawh dawn a nia ,mi huan thlai an pet thin a ,chung lakah chuan i ven a tha ang . I farnu nen lo kan vah zawh lamah keini pawh in kan veng leh hman tawh dawn a ,ilo awm ta rau rau in pahnihin in veng thin anga,keipawh ka hahdam deuh ang. " a tihchuan engmah ka lo sawi ve lo,ka pa hi a tar tawh a ,tunah pawh hian pa hrisel tak chu nilo se ina awm mai mai tawh tur a ni 

Lo vah loh hi chu a feh ka phal tawh kher lo vang,keimahin ka enkawl thei lutuk ang,a nihloh pawhin thatchhe lalpa tana inzir na a ni pah fawm anga,a tha hlei hlei a ni mai . Ka kut durh keh phung ka hrei cheh zawnga na thip tawk chu ka ner leh sak zel . Tuar ngun tawh mah ila ngaiah neih erawh a har hle thung a ,chaw chhun kan ei a,kan vah hmabak chu kan en vang vang,a zau ve thawkhat viau mai .

Ka thlan chu hru in hnah hlai deuh chuan ka in zap hauh hauh,Zosangpuia chuan min rawn melh leh zawk thin,ka be duh lo chu nuamlo a tive deuhin ka hria ,hetiang em em a mipa zawm thaw hi ka la hmu lo ,thatchhe si a awm no rei lutuka chuvang chu a nih ka ring ber. An hausa pawh a nimahna ,mahse hausa zawng zawng hi an taimak vang te a ni vek chuang lo ,tin an fate an taimak chuan loh chuan nu leh pa taimakna chauh chu fate hian an chhawm rei lo ang 

Thi tur vek kan la ni a ,nu leh pa thawh theih laia mi hausa an nih avanga nula tlangval in la tak tak,mi rethei hmusit tlat leh lang lutuk silo a sual ru tlat an tama,tun angah phei chuan mi hausa fel tak hi an vang,kohhran leh khawtlangah thawh hlawk ,mipui vantlang kara fel hmel leh tha hmel pu,mahse an inchhung khura sual leh em em te hi tam tak an awm . Mi hausa reng reng chuan induh tawkna an nei ru vek thin.

Ka bulah a rawn thu a “ Min ngei viau em ni? I va thinrim hma tak,fiam pawh i dawl lo a nia " a tihpawh chuan ka melh peihlo,ka tawlhsawn san hmak ,ka pa hriat leh hmuh laia inhnial ka peihlo,tlaiah kan hawng leh a ,kalkawng laia rul tuha a lo awm chuan ka rak that,Zosangpuia ka pan chu kei ai ai a lo hlau a “ Awi ka pa rul " tiin kan kal tawhna lamah ka pa neksawnin a tlan thla vawn vawn chu ka melh tawp .

Ka pa chuan a rawn that a ,ka thaw huai rul hi chu nel an har ve em bawk a ni “ In that tawh em ?" kawngkawi lai atanga rawn dak duk duk chungin a rawn ti rut rut , ka pa in a thih tawh thu a sawi rual chuan rang zetin a rawn chho nghal hlawk hlawk ,a laiah bawk a rawn kal leh a ,a la hawi ang zuk zuk lehnghal “ In khua hi ka nello,ram ngaw a tam si savawm leh sakei te nen lam an la awm in nia ka rin , mi tina thei an tam dawn riau,ka vun nalh tak dang lep leh leihnuaia zal mai tur hian ka la in phallo " a tih chuan ka nui hak 

“ I thih tak leh i nu leh pa an vannei tihna " ka tihchuan ka pa in min lo khap vat “ A teuh vang,ka nu a tap char char a nimai a fapa duat em em thi tur chu a phal teuhlo,i va nunrawng ve ,nang te hi i rilru a chhe riau,savawm leh sakei hmu pawh ni ila min khawih ngawt lo ang " a tihchuan chhan leh tumin ka ang zuau“ Inhnial tawh lo khan kal phawt teh u,khua a tlai tawh a nia " ka pa chuan dam dapin a rawn ti,ngawi reng chuan kan kal hlawm.

A hahthlak bawk nen kan thatchhe lalpa pawh a ngawi hmak mai, in thleng chiah ila chuan a dak leh par par tawh ang . In thlenga in tih fai leh chaw kan ei zawh meuh chuan inkhawm a hun der tawh,hmanhmawh zetin ka insiam a ,ka puan bih zung zungin ka sam chu ka khuih tawp a ,pheikhawk heel hniam te ka bun bawk . Room atanga ka chhuak chu Zosangpuia chu inchei vurhin a lo ding ut “ Bawihi Sangpuia kha a rawn inkhawm ve dawn a nihkha ,kal tlang ula rawn haw rual leh tum ang cheu.

Mi hmaah in ngeihlo lutukin in awm ange,miin an sel zui dawn cheu tih kha hre reng ula,in ngeih takin zu inkhawm ang che u" tiin min thlah,kan inzui chhuak,biakin kan thlenga nula leh tleirawl biak in tuala lo awm chuan Zosangpuia chu an lo bia a ,an chhaih pah bawk . An la nui awr awr zui,awm hmunah ka lo ning ve em em ringawt ,“ I hmeltha si engtin nge thingtlangah i rawn awm peih zawk ,Angela-i nen hian cousin in ni tak tak em?" tih vel an zawt a .

Ka ngaithla peih tawh lo chuan Biak in chhungah ka luhsan,reivaklo ah an rawn lut rual hlawm a,hmeichhe ho hmel hlim sarhah chuan an lawm tih a hriat,eng tak in hrilh ang maw? Biak in a ni tih hriata insum ve deuh awm,mipa lam thutna ah chuan a thu a ,mi hmaah chuan a inla cool hle ,a ngawi hle hle mai a lawm. Inthup thiam ve tak chu a ni . A tawng theih teh lul nen.