OFFICER HMINGCHHUANAWMA CHAPTER 9

OFFICER HMINGCHHUANAWMA 

CHAPTER 9

Tlai ah kan leng chhuak duna ,khawpui chhung kan fangkual,nuam kan ti dun hle ,kan kal ziahna thin thinghmunah chuan kal leh in lungah chuan kan hming kan ker dun,kan naupang chhia viau nan nuam ka ti,a hming chu lian takin ka ker,ka chungah ka hming a lo ker ve mual mual bawk “ Ka zo e " ka tihchuan min rawn chhuk melhin a nui suk a, a thil ker chu a hliah kher bawk “ Enge i uikawm lutuk khawi maw nakinah ka hmu leh dawn tho" tiin ka zuan euh euh.

A hup bet tlat bawk si ,a va han sual thiam tak “Hmingchhuanawm sual thiam viau suh aw khawi maw ka en ve duh" tiin ka zuan char char,ka lu ah a rawn nawr nawk nawk“Ka la zawh loh hi,i nghakhlel lutuk a nihkha poppy " nui vur vur chungin a ti a,lunga a thil ker chu a chhem nghalh pharh pharh ,ka lo nghak ve reng “ Le a zo e ,en ta pauh che" tiin a mit a kan uk,ka en rualin ka ang pam “ Analh lutuk " ka hming nalh zeta a ker chu ka en reng .

Ka ker aia letin a nalh fe zawk,ka hnung lam atangin min rawn kuah a ,ka darah khabe nghat in kan hming awm dun ran chu kan en “ He thil hi kan inhmangaihna tilang tu a nih hi,engtikah mah a bo thiang lo ,he thila pakhat zawk zawk a chhia a nihchuan chu a chhe zawk zawk mi chuan min hmangaih tawh lo a ni tiin min rin tir ve ve ang " a tihchuan ka en ha “ A bo ngai lo vang,ka hmangaih che " tiin a awm ka ngheng talh talh.

“ Poppy kan pahnih chiah hian kan innei thei a lawm,pastor a awma kan thiante an awm bawk chuan nu leh pa kan mamawh lo,i nu leh i pa i chan tawh a ,keipawhin ka nu leh pa ka chan angah ngai la ,ka ta ni tawh tur in ka duh che " alamah min kuai her in ka kut pahnih chu a hum vang ,a mitah chuan min hmangaihna a lang chhuak zut zut ,thli tleh chuan kan bul vela thingkung leh hnim hnah chu a chhem che dalh dalh.

Ka bula mipa ding nen a kan thusawi nem nghehna ni mai awm hian thu hre tu an nih zia an rawn tilang nimaiin ka hria ,ka kut chung chu a tuai hauh hauh a,ka mitah tak en in “ Min nei rawh "a rawn tichhuak ta sup, ka ang pam kha thu kha a sawi chu ring tho mah ila mak tihna in ka la khat ” Kan kum a naupang zawk zawk tawh lo va ,nang nena chhungkua din ka duh Poppy,min nei rawh " tiin ka hmaah ka mipa hmangaih in inneih puiah min sawm mek a ni.

A aw khur deuh te ,a hmela zam hmel langte chu ka hmuh hmaih lo ,he mipa hian ka hnar a hlau takzet tih ka hre thei,ka chhunglam atanga chuan aw ti a chhang turin min rawn nawr ut ut bawk “ Aw ka nei ang che,Bibi ka nei ang che " tiin ka nuih var var ,thaw chhuak hawkin a nui halh a ,chutah min chawikang nghal lawp . A nui sen sen a ,Mipa naupang duhawm deuh a ang,a hmaiah ka chul a ,ka kun hniam rualin ka hmuiah alo fawp vang vang ,a kawngah ka inkher bet a a awm ah ka bei than.

“ Kan innei vat ang " tiin hlim zet hian min vir pui “ Kan tlu ang titawh suh" tiin ka rak chul mai, restaurant ah zanriah kan ei haw a ,inlam pan mai lo vin inneih thuamhnaw kan en dun,a hmanhmawh lutuk chuan ka nuih a tiza “ Bibi a zahthlak e " ka thusawi hreawm pawhin a lang lo,mo kawr nalh zet zet chu a enkual a ,dawr nghaktu te chuan kan bulah dingin min lo kawh hmuh zung zung bawk ,pakhat a buk laih mai hnute hnuaia inrek a hmawr lam buk sei zet a ni a .

Chu chu la in ha chhin turin min tinghal,a to viauin ka ring,ka hnial tak nangin ka thusawi engkim a hnial char char ,sum sen vak kher ka duh lo a sin le ,a tawp a tawpah chuan ka ha ta nge nge ,inthlakna room atang chuan muang changin ka chhuak ,Hmingchhuanawma lam ka hawi chu a ni pawh a lo inthlak a ,mopa hak thin suit dum chu a lo in bel zarh . Ka lam a rawn hawi chuan a meng kawk mai ,dawr neitu leh nghaktu te pawh chuti bawk .

“ Awi i inhmeh lutuk,mo kawr an rawn hawhin an rawn lei fo va,nang anga inhmeh kan la hmulo hrim hrim,i sang a ,i pian a nalh bawk si . I pasal tur lah mipa ka hmuh tawhah a a lianin a la hmeltha ber ,in inhmeh dawn lutuk " dawr neitu nu chuan a rawn ti a ,ka lo nui ringawt. Fakna thu dawn hi chu tu tan pawh hian a lo hrehawm loh a nih hi . Hmingchhuana chuan min rawn pan,ka lo en reng khawdang a hawisawn lo reng reng .

“ Ka nupui tur hi heti takin a lo nalh tih ka hre lo reng reng, ka vannei dawn hle mai " kiai suk in ka biang a nul,ka sama veil an dah chu a zut ,a lamah min pawt hnaiin a rawn kun hniam a “ I mawi lutuk,naktukah chuan ka ta i ni tawh ang " a tihchuan ka nuih sang,ka kutah kaiin thla min lak pui a , Kan thawmhnaw man chu pe in a pack tir hnuah min chhuahpui a,inlam kan pan ta vang vang .

Khumah chuan ka muthla dat “ Ka riah ve chuan a mawi dawn silo va ,ka haw anga naktuk zanah chuan dan anga ka nupui ini tawh anv, ka kal phawt ange,muttui ka vanneihna nula " tiin ka chalah fawp vang vangin min nuih a “ Keimahin buaipui ngai chu ka lo buaupui mai ang,tui takin lo mu rawh " tiin min chhuahsan,a reh nghal huaiin ka hria.

Nui var var reng chung chuan ka mit ka chhing,pasal ka nei mai dawn tih ka hriatna chuan min tihlim,mi anga lehkha tara mi tam tak hriat pui kher ka mamawh lo,ni e ka tan a ni hi a awm phawt chuan engkim a tha vek mai ang. Zingah phur takin ka insiam sauh sauh,ka mokawr chu ha in Hmingchhuanawma min rawn hruai hun tur ka nghak ran ,eng ruahmanna nge a neih ka hrelo .

Ka nghakhlel em em ringawt,darkar 9 ah pawh ala rawn kal lo,ka hawi kual reng ,mahse a rawn lang lo hrim hrim,ka nghaka ka nghak zel chhunlai a nihpawhin a rawn lang lo “ Bibi enge i chungah thleng,ka phone che lah ila duh bawk silo ,Bibi tinge i rawn lanloh " tiin ka phun sep sep,zan a ni a pawnah chuan ka la awm reng,ka phone chu ka melh reng ,a tawp nan ka phone leh ,alo la ta hram mahse hmeichhia in min lo chhang.

“ Tunge i nih?" a rawn tih chuan ka khur dar dar “ Hmingchhuanawma a awm em? Nunzampuii ka nia" ka tihh rualin lehlam a mi chu a rawn nui hak “ Oh ! A nihchu ka officer lo ngaizawng ve tu kha maw ,theih nghilh rawh . Neih che a tum kha ilo la thutak ange kal pawh a rawn kal loh kha ,ka ta a nih hi fa kan nei thuai ang kan innei dawn bawk sia " a tihchuan khanu a police pui nu kha a ni tih ka hre nghal “ Hmingchhuanawma ka be duh" ka tihchuan a au lang lang “ Ka be duh lo " titu aw chu tu aw nge tih ka hai lo .

Nilo hram se tih pawhin a mah a ni tih ka chiang, ka khur a phone an dah hnu pawh chuan che chang lo vin ka awm reng ,ka tah a chhuak mahse ka mittui a hul vek,engvanga khatianga awm thut kha nge a nih ang,a ni pawh khan Rinchhana ang chiahin min phatsan ve leh tihna em ni ? Ka nui chhuak halh,a zat vang erawh a ni mawlh silo,pawnlam hlim mahse chhung ril lamah hian ka engkim hi an kehchhe mek a ni .

A tuar tu lo chuan an hrethiam kher lo vang,chhungrila ka hliam hi darthlalang vawm a keh thuai thuai ang mai hi an niin ka hria,ka lo hmangaih hman a sin ,a tan tiin ka inchei a,mahse a ni chuan kan inneih ni ah min thulh san leh ta,tinge ka lo rin leh mai le ,ka â tawh a nih ber hi ,mipa pahnihin min bum a ni si a . Ka khumah chuan ka bawk a .

Ka tap khur dar dar reng ,engtin nge a tih theih nimin maiah kha chuan min kalsan dawn loh thu a sawi a ni si a,Hmingchhuanawm mipa sual tak ilo nih hi Rinchhana ai pawhin ilo sual zawk ka phun sep sep .

ZAWMNA ...

Heti ringawt chuan ka awm theilo,amah ka hmuh a tul ani. Engvangin nge hetianga a awm thut hi ka hre ngei tur a ni,chhan a nei ngei ngei ang ,amah ka hmuh hma chuan heti hian ka awm ringawt tur a nilo,ka tho chhuak a ,ka mittui chu ka hru sawk sawk ,pawn lamah tlan chhuakin taxi ka phar a ,a rawn din rualin Hmingchhuanawma awmna lam pan chuan ka tlan tir .

A in zawn kan thlen chuan ka en vang vang,ala en danah ala mulo tih ka hria . Kawngka chu ka beng dawt dawt,a rawn hawng mai lo lehnghal . Ka beng tha leh ngat “ Tunge i va ninawm ve " tih ri ka hriat rualin kha police nu kha a rawn lang,ka en reng ,Kawrfual chhing zet a ha a ,a sam chu a huh deuh chhap,inbual zo tih a hriat hle . “ Hmingchhuanawma ka hmu duh khawiah nge a awm" tiin in chhungah chuan ka lut “ I va zak lo ve,chhuak leh nghal rawh . Ka pasal nimai tur a ni tih hi i hria em " a rawn ti tuar tuar .

Ka nuih hak “ Ka biak hma chu khawiah mah ka kal lo vang,lo in rawlh suh Bibi" tiin ka au tuar tuar ”Pawimawh a awm em ni ?" room atanga rawn chhuah pah chuan a ti sup,ka en reng thawmhnaw a ha lo a ,boxer nen chauh a rawn chhuak,hmeichhia nen sexy zeta an awmdun ka hmuh chuan min tina ngut ngut “ Engvanga tinge i nih? Min neih tur thu i sawi kha Bibi thil awm a awm em ni? Nge an vau che,min hrilh rawh ,heti ringawt chuan min kalsan theilo ang.

I hria a ni lawm ni? Min phatsan leh tur chuan min hnaih suh ka tihkha " tiin ka pan hnai ,a hmeichhia zawkin min lo dan a tum chu a kut ka vaisawn lawp “ Min hrilh rawh . Vawiinah khan ka lo nghak che a ,engvanga rawn kal lo nge i nih? Mo kawr nen ka lo nghak che a ,engvangin nge ilo lan loh Bibi min bum em ni?" mittui luang zawih zawihin ka zawt ,a hmelah chuan a na tih ka hmu a ,eng emaw tak chu a awm ngei bawk ang..

“ Nangnu hi chhuak rawh " tiin chunu bawk chuan min rawn khawih a tum “ Buatsaih lo va chhuak rawh ," Bibi chuan a tihrawk “ Mahse sir " tiin keichu huat hmel zetin min rawn melh “ Haw rawh,rawn lang tawh suh " tiin a vin leh tuarh,Buatsaihi chu rang zetin a chhuak “ Enge i sawi duh, nang pawh haw rawh " tiin inher a tum,rang zetin a hnungah ka bei chawt “ Ka kalsan lovang che i ti a ni lo'm ni? Mahse nangpawhin engmah ka neih loh avangin min kalsan leh dawn maw?.

Bibi ka ring che a sin,i chhungten min duhlo tih hre rengin ka hnaih che a ,mahse ka lo tisual a ni . Mipa danglam bikah ka lo ngai thin che a ,hman atang tawhin i thutiama ding nghet thin mipaah ka lo ngai che . Mahse alo nilo,nangpawhin engmah ka neih loh meuh chuan min kalsan ve ta a nih hi,ka chelh lui dawn lo che ,thu dik ka hriat duh vang chauhin ka rawn kal a ,tunah chuan ka hre tawh e . 

Tumah hian kei ang fahrah chu min pawm ngai dawn lo tih hi,hlim takin awm ang che" tiin thlah tumin ka kut ka ti che chu a rawn hum bet chat “ Engkim hi i tan a ni,a chhan min zawt suh i tan vek ti ka nih hi hre rawh ,i him nan,Poppy engmah i hrethiam ngailo vang" a tihchuan a hmalamah ka va ding “ Anihchuan min hrilh thei mai lo vem ni ? Chu thil ka hriat loh chu min hrilh ta reng che,engvanga hetiang zawnga min ti nge i nih? Ka him i duh anihchuan i bulah min awm tir rawh ,i bulah lo ka him dawn lo .

Bibi ka hmangaih che" ka insum thei tawh lo ka inhnit hraih ,ka hmai hupin ka tap khur dar dar “ I tello in ka awm duh lo ,i hlatah min dah suh" tiin ka thu hnak “ Tap suh,Poppy tap suh ka tihchu " tiin a rawn thu hniam,ka tap uar sauh min pawmin a awmah ka lu a nawr bet a “ I tah chuan ka na ve zel tih hria la tap tawh suh,keimah vanga na i tawrh ka phallo Poppy,i hria em? Keimah avanga i nat ka phallo,ka kianga i awm reng a nihchuan i na fo dawn chuvang chuan min hlat rawh " ka kut chelh in ka hmai ka dawmna chu a la sawn.

A lung phu zawnah chuan ka kut chu a hmeh bel a ,ka mitah min en reng “ I tello chuan he lung hi a phu theilo,mahse he lung a phut theih nan ka hlat che a ngai tho " a tihchuan ka inseh ruh teuh “ Engvangin ,enge khanu kha kei ai a thatna min hrilh rawh min hmangaih iti a mahse min hmangaih miahlo,a tha e engmah min hrilh duh lo va,khanu kha neih i tum bawk a tiraw a tha e,kal rawh ti rawh ka dang lo ang che mahse min hmu leh tawh ngai lo vang " ka tho chhuak a .

In her in pawnlam ka pan nghal zat,kawngka ka hawng tur chu ka kutah manin min pawt let dawrh ,ka hmuiah a fawp nghal chat . Duhthawh zet hian a hmui chuan min fawp,ka biang tawn tawnah a chelh a ,namsawn ka tumna zawng zawng chu engah mah a ngai lo in min kal sawn pui ,bangah chuan min nawr bet in ka nghawng vel chu a fawp kual dan dan “Min kalsan chu i duh takzet em ?" thaw hawk hawk hian a inher “Ka insum theih lai hian kal rawh" a tihzawm .

“ Ka duhlo " tiin a hnung atangin ka kuah “ Lalnunzampui ka thusawi chu zawm mai rawh kal rawh " a tileh nghut “ Anihchuan tinge nichin khan min dan si,kal ila i hlim chiah ang maw? A tha e ka kal ang ,mahse hei erawh tih ngei ka duh,min hmangaih tih hi ka fiah khawp ang " tiin ka thawmhnaw chu muangchangin ka phelh ,a rawn inher in min hmu chu a mengkawk “ Engthil nge i tih?" tiin a kut chuan min rawn ban,ka lo tawlhsawn ,ka kawrfual hak chu a tla ta hnak “ Min mamawh tih i sawi a ni lawm ni? Min khawih la ,i ta ah min siam ta che .

Min hmangaih nge hmangaihlo fiahla tichuan min hmangaih lo tih i fiah thei anihchuan ka inthiar fihlim tawh ang " ka nuihsak ,a hmel a buai a ,a mitmeng chi ai zetah chuan thuruk tam tak a zep tih ka hria,a kut a hum ruh a min khawihlo turin insum a tum hle tih ka hre bawk . A awm hlai hlap chu a kan awk awk a , a sam a tuai puat bawk . A pangngai biklo tih ka hria,mahse keihian ka fiah duh min hmangaih avangin min khawih in min khawihlo thei a,min hmangaihlo a nihchuan min theh chhuak thei reng bawk.

“ Min khawih dawn nge dawn lo,min mutpui i duh anihchuan ka in peih e ,tichuan min kalsan lo anga tiraw?" tiin ka nui hak ,min melh ngut ngut “ Khatiang zawngin ngai suh,Poppy ka hrilh tawh che min hlat rawh ,chu chu i himna tur a ni " a tihchuan ka au tuar “ Enge ka himna tur chu? Sawi ta si che ,enge ka himna tur tinge min rawn pan,inthup hlen law law mai ta che tinge ani kha ka ni ti a ka hmaa ilo lan leh " ka pan hnai ,ka kuah “ Min kalsan lohna tur a nihphawt chuan ka engkim hi la rawh ,ka kal dawn lo min hmangaih lo a ni tih i sawi hma chu.

Sawi ta che min hmangaihlo tih sawi la ka kalsan ang che " a awmah ka chum vak vak,min pawm nawlhin a room lamah min pawm lut ,ka hmuiah a fawp mittui luang ngiai ngiaiin ka chhang let ,ka mittui hru hulin ka mitah tak a en a ,ka kut pahnih chu a kut pakhatin a hum kawp “ Min en teh,i ngaihtuahna fim loh laiin thil ti thin suh. I thianghlimna i pasal tur tana i hlan tur thu i sawi kha hre reng rawh ,inneih hmaa hman i duhloh thil hi tihhlawh tlinsak che ila min hua ang .

Chuvang chuan min nawr lui suh,ka insum theihna hian tawp chin a nei Poppy min nawr lui suh" tiin ka mittui chu hru in ka chalah a chal in a tauh dat “ Chuvang em ni a ni kha i mutpui ? Ani kha keiaiin a tha zawk tak tak em ni? Mawh ani ang khan ka nalh ve loh vang ami hetianga min tih " ka insut leh hlap hlap ,a insum thei tawh lo nge min nem mu in ka chungah a in nem khalh ,engmah ka ngaihtuah thei tawh lo . A duh ka pek loh vanga hmeichhe dang a pan a nih chuan ka tuar theilo ang.

Ka hnute hmur chu a fawp nak nak “ Kha hmeichhia nen khan in khai khin suh,ani nen chuan in danglam lutuk . Ka tan nanglo hmeichhia an awm ngailo,ka mutpui bawk heklo ,hmeichhia chu ka tawng hnem tawh ,mahse tumah beiseina ka siam sak ngailo ,nang lo chu,i nalh lo niin i in ngai a maw ? He khawvel hmeichhe taksa ka hmuh tawhah i nalh ber tih in hre fo ang che .

Ka mamawh che ,ka mamawh ngawih ngawih che ,mahse i laka ka thutiam avang hian ka insum a sin,Poppy tinge i insit ,ka lakah nang tluk an awm ngailo,zan in hian ka nupui ini anga kei i pasal ka ni bawk ang " tiin ka taksa atanga awmsawnin khum bula pawh dawh chu a hawng. Ka en reng “ Ka nupui i ni tawh tih hre reng ang che,i atna avang erawh hi chuan i kianga ka awm reng a ngai dawn a nih hi luhlulnu " tisupin ka kutah zungbun nalh zet chu a rawn rawlh lut .

A kut lehlam pharhin a ma zungbun tur ni awm tak chu enin a mit chuan bun tir turin min signal a ,ka thu tha a a kut veilam chu la in ka rawlh lut riai riai “ Vawiinah ka neih ngei tur thu ka tiam che chu ka ti hlawlhtling ta ,ka nupui " tiin ka chalah a fawp vang vang “ Min kalsan tum tawh suh,Bibi i tello chuan ka dam zo chuang lo ang . Ka thi dawn a nih pawhin i kianga awm chunga thih ka duh a ,ka dam dawn a nih pawhin nangmah nen bawk dam dun ka duh" ka thusawi zawh rualin min fawp leh.

A nghawngah ka kut pahniha kuahin ka fawp let ve a ,min delh tlu in a boxer chu a phelh sawk sawk,a awm chu ka zut dalh dalh “ Ka ta ini tawh ang ka hmangaih che" tiin a insiam rem a ,ni e a ta ka ni. A ta chauh,a tirah na mahse a hnuah chuan nawmna tinreng min pe in tuizeta ka mutthilh thleng chuan min chul hauh hauh ,nui sakin a takram kalsanin mangramah ka lut riai riai a .

(INTHATCHHE SIA MAW )