OFFICER HMINGCHHUANAWMA CHAPTER 8

OFFICER HMINGCHHUANAWMA 

CHAPTER 8

NUNZAMPUII POV...

“ Min thlah rawh engvanga kan leader kha hnek ringawt nge i nih? Hmingchhuanawm nang hian mi hmaa min tizak tih i hria em? Nang officer thluak thawl pa " ka thinrim lutuk chu enge ka sawi pawh ka ngaihtuah thei tawh lo,hnatlanga chhuah ve ka tum a ,mahse Hmingchhuanawma hian engkim a tichhia ,tikhan midang khan chhe tak takin min sawi dawn tih ka hria,ka mutpui emaw an ti hial ang,ka ina ka awm tir kher kher chu ka in hua ,ka in ngei hluah hluah bawk.

Chhuatah chuan amah hmachhawn zawngin min din tir ” Ka lakah i lungawi lo anih pawhin kha tianga mipa dang hnaih kher kha a ngailo " a tihchuan ka nui hak “ Nang pawhin hmeichhe dang i hnaihlo bik a mi ,keichu ka hnatlang dawn tin,ka in atang hian insawn chhuak leh ang che ,nupa pawh ni silo a chen dun ka duhlo " rum zeta min en a vang chuan ka tawp chawt “ Ngawi hmak rawh ,dan anga innei lo vin ru tur che a min duh a nihloh chuan khatiang kha sawi tawh suh,chutia i tihchuan zaninah palai hmuh in beisei ang che " tiin a kalsawn nghal hlawk hlawk.

Ka en zui reng ringawt,roomah lutin kawng a khar ri bur ,chaw pawh ala ei awm silo khatianga awm rual pawh a ni tawh lo a sin le ,a rawn chhuah leh chuan a police form nen a awm leh tawh,a kekawrah a la bilh lut lo va ,high school kal lai tleirawl awm duh dah tak ho min hriat chhuah tir , “ I kawr em kha chu bilh la " ka lo ti chu min han melh na em em khawp a “ Ka duh leh ka bilh lo vang ,ka ril a tam" a ti hmuk,dawhkanah tum burin a thu. Keimah zawk hi lungawi lo tur ka nia,min la lungawi loh khalh daih lehnghal .

He mihring pa hi ,ka rawngbawl sa chu ka chhawp sak mawlh mawlh ,ngawi rengin a ei a ,biak ka tum bik lo ,roomah lutin hna kal tur in ka insiam,ka thil tum a tlawlh takah chuan ka hna ka zawm ve leh tawh mai a niang chu ,ka chhuah leh lai chuan a lo inha fel thlup tawh . Ngawi rengin ka kalpel a ,pawnlam ka pan nghal zat ,kawngka ka hawn rual a ka mi hmuhte avang chuan ka ding chawt,Hmingchhuanawma nu leh a nau hmanni a a pasal ka thahsak anga min puhtu ngei chu ka kawngka zawnah an ding ran mai .

“ Poppy min lo nghak ve ta che " Hmingchhuanawma chu ka hnungah arawn ding,a ni pawhin a nute a hmu chu mak a ti a niang a melh ta reng “ Bawiha hetah i awm tih kan hria a ,kan rawn kal a nih hi . Hmeichhe inah an awm ngai lo ,mawi pawh a mawilo nupa lo lehnghal te chu hetiang chuan khawtlang an hmaizahawm,rawn haw vat ang che " a nu chuan a tinghal hlak hlak,a fapa a enlai hmel chu nelawm viau mahse kei min enna mitmeng erawh chu khakna in a khat thung.

“ Nu hei hi Poppy higher ka kal laia ka sawi fo kha a nih hi,ani avang hian a nia tun thleng ka la dam ve " Hmingchhuanawma chuan a ti a ,“ Aw a nihchu chutiang vang khera heta awm chilh kher angai hleinem lawm thu sawi nan pawisa pe ila atawk mai engzat nge i duh?" tiin a purse chu a khawih,mak tiin ka kâ ho ringawt “ Ka nu a tawk,khatiangin poppy hi tisuh,pawisa pek ila tum leh ta nghal . I chetdan hi ka duh miahlo,pawisa amamawh lo " Hmingchhuanawma chuan tihmukin alamah min pawt.

“ Ani hi ka nupui tur a ni a ,khatianga sum duh lutuk anga iti kha ka lawm viau lo,ka nupui tur a ni a ,a mamawh chuan keimahin ka pe mai ang. Tin,Poppy hi amahin a inchawm zo,kutdawh a nilo zaninah keimahin palai ka tir ang ; ka pa ka be vek tawh bawk,in haw thei tawh ang"tiin a nu leh a u chu min kalpelh pui “ Hmingchhuanawm khatiangin ka nu kha ti tur i nilo,kha nu kha i neih kan rem ti ngai lo vang,i makpa lo ngaizawng duh tu sum duh tih hriat reng reng a nihkha " tiin a u chu a rawn au tuar .

Ka ip chawih mai,Hmingchhuanawma chu ka en ,ngaihpawimawh loh hmel zet hian hmalam panin a kal,a Bolero bul kan thlen rualin kawng hawngin min thut luh tir a “ I tha em? " min ngaihtuahna a mita langchhuak chu ka hmuh hmaih lo,ka biangah a dawm a . Chiang takin min en bawk ,ka bu nghat “ I chhungten an phal silo va ,kan inthen angai angem?" ka tihchuan thaw chhuak hrawkin a lu a thing“ Ka kalsan ngai lo vang che ,ka hmangaih che " a tihchuan ka nuihsak.

Anu leh a unaunu in min duh silo va ,an inah lawi lut dawn ila nuam ka tiin ka ring lo,hna ka kal chu kan pi chuan ka kal leh lawm nan chawhnu lam atanga club a kal a rawt,ka peih ve vak lo . Mahse min nawr lui tlat bawk si . Tlai lamah chuan kan kal ta thap,room thim vekah kan lut a ,light a phe zeuh zeuh ringawt ,zu an in nak nak,keipawh chu in turin min tibawk. Ka hnial chung pawhin min tilui tang tang“ Rilru hahdam takin awm ve rawh,he thil hian buaina a tireh thin" an tihchuan ka in ngaihtuah.

Ka rilru ah Hmingchhuanawma chhungte an rawn lang,min hmuhsit zia tukin khan ka hmu a ,Hmingchhuanawma pawh hian keiai an ni a thlan loh ka ring lo,a nu te ngei an ni si a ,zu no chu ka en vang vang,ni e kei ang fahrah hi chu tumahin mo atan an awt lo vang. In nghahna tur neilo leh thuam chhawm tur pawh neilo hian engtin nge mi mo tha tak nitura min rin theih ang ni . Zu chu ka tlak pawp,a tuilo lutuk chu ka ner sawk,mahse ka in lui zel .

Zai chunga ka thiante lam chu ka en,ka rui tawh bawk nen zah ka hre tawh lo,Mike chu la in ka zai vak vak Olivia Rodrigo “ All i want" tih thunawn lai chu ka zai vak vak “ All i want is love that lasts is all i want to much to ask,is it something wrong with me,all i want is a good guy,are my expectations far too high? Try my best but what can I say ? All i have is myself at the end of the day ,but shouldn't that be enough for me? " ka zai zo chiah chu Hmingchhuanawma ang tawk ka hmu.

Ka tawp chawt “ Ehe Remte ka bialpa thar ang tawk hi in hmu ve em? Mipa tha tak ka mamawh ka tihchu van khian min chhang em ni ? Awi " tiin a awmah ka sawh keuh keuh,a sak tulh lehnghal “ Ah! Hmingchhuanawma taksa nen a in ang tak tak lutuk,a ni hrim hrim" ka mit phe ruai karah chuan chiang zawka en tumin ka hawi chho,lawm loh hmel zeta min en tu chu amah ngei ani “ Bibi,engtin nge ka awmna i hriat theih ?" nui har har in ka pan .

“ En teh anuam lutuk,ka thlawk delh delh in ka hria " ka tihrual chiahin min pu lawpin pawnlam min pan pui ,hnial pawh ka tumlo “ Engvanga hetiang mi dukdak lo kal khawmna a kal nge i nih Lalnunzampui " a rawn ti hluk. ” Ka rilru a hah a lawm,ih maw i chhungte ai min thlangin ka ring lo,a chhan chu keihian engmah chhuan tur ka nei ve hleinem, mi hmaah min zahpui ang . Min nei duh tak tak dawn lo tiraw ? Keichu pianglo tur piang palh ka nia ,ka tan khawvel hi ka harsatna khawvel a nia .

En teh i nu leh i nau khan min hmuhsitna kha a awm lutuk, nula nu leh pa pawh neilo ka nia ,thingpui dawra thawk ve mai engmah chhuan tur neilo " ka thusawi lai lai chuan bolero ah chuan min dah lut “ Naa nang chu ka thusawi min ti buai zel a" ka ti niah niah,ka thil in chuan zahtheihlohna min pe nimaiin ka hria ,a khalh chhuah hnu chuan a mal vel chu ka va khawih a,ka kut alo dahthla zel chuan min ti tahchhuak zo vek.

“ Ka khawih pawh i duh lo maw? A tha a lawm ka khawih lo vang che ,i tan hian ka tenawm awm hle mai " tiin ka tap fap fap ,“ Poppy tap lo teh,khatiang i ngaihtuahna ang kha engmah a diklo,i laka insum ka duh vang zawk a ni . Engvang mah a nilo,Poppy min khawih reng chuan i taksa a luh kha ka duh mai ang " tiin ka sam a rawn chul,a ding zui bawk . Inchhung lamah chuan min pawm lut “ Aih a nilo,engmah i sawi kha a dik lo,min ten a nihkha " tiin a awmah chuan ka chum vak vak “ Khawiah nge min hruai?.

Hei hi ka in a nilo Hmingchhuanawm enge i tih? Ka hua che ,min ten a nilawm ni i bulah ka awm duh tawh lo " tiin ka tal vak vak . A ning ta deuh nge “ A tawk! I duh em ni ? Maw ka khawih che hi i duh em ni" a ti tuar ,ka en kar .

HMINGCHHUANAWMA POV....

Poppy hmel naute tap tur ang maia ner tan chu ka en,ka thaw hawk a rui tih ka lo theih nghilh leh pek . Ka vin vak chu ka inthiamlo leh hnuhnawh “ Poppy ka tihpalh " ring zeta a rawn tah avang chuan ka tawp chawt “ Ka hua che ,ka haw lutuk che Hmingchhuanawma ka kalbo san ang che nga ,i hmuh phak loh ah ka awm anga chuan min hmu tawh miah lo vang " tiin chhuah a tum chu ka dang vat,ka kuah bet . Amah avangin ka rilru a hah ve tih hi a hre miah silo .

Ni e ka pa ngeiin inneih a phal na pawh ka nu leh ka nauin dawt an lo va hrilh avangin keimah ngei pawh min hauh phah a , Poppy ka neih a phallo bawk . Ka biak ngial pawhin a theih tawh bawk siloh ,ka rilru a hah takzet ka pa thu hi hnial ka hreh a ,a thu lo angin ka awm ngai heklo . Mahse Poppy hi ka kalsan thei tawp silo ,a hmuiah chuan ka fawp,a ruih avangin a ngaihtuahna a fim lo a ,chu chu rem changa laka a thianghlimna chhuhsak ka duh lo .

Min chhang let rang hle ,ka awm vel chu a rawn chul,reilo te chhunga ka mipatna ti tho thei tur khawpin min hip bawk . Ka insum vat a ngai tih ka hria “ Min en teh? I ruih lai hian engmah pawisak i neilo a nimahna mahse ,i harh fim hunah i chunga ka chet dan avang hian i lungawi lo ngei dawn ,chu chu ka duh lo . Ka mamawh che ,mahse nupa kan nih hma chu ka thutiam hi ka sut theilo " tiin mitmeng phi riaia min en tu chalah chuan ka chal chu ka nghat dat ,ka thaw chhuak suai suai bawk .

“ Ka mamawh che avangin ka tina theilo che ka hmangaih" tiin ka phun chhuak sup,“ Mahse Bibi ka duh che lawm" tiin ka thawmhnaw ngawt chu a buai pui “ I ta ka nihchuan ka chan dawn lo che a,ka bulah i awm reng tawh mai ang" tiin a che sat sat,a thawmhnaw phelh a tum chu ka pawm bet a ,ka man bet ta tlat. A mutthilh thleng chuan ka kuah,a mutthilh hnu chuan ka khum lamah ka hruai,a ni hian kha ka nu awmdan avang khan hetiang khawpin a lo hlauthawng hman tih ka hriat hian kalsan ka duh lo lehzual.

Abulah chuan muthla in ka kuah,ka pa hi ka biak leh ngei chu angai ang,chhungte phalna lo va in neih a malsawm lohzia ka hre chiang ve tho si a hetianga ka pa leh zel a awm hi ka hrethiam lo hle bawk .

ZAWMNA...

ZAMPUII POV...

Lu na lutuk chuan ka meng chhuak,chet sawm mai ka tum chu ka awma kut lian leh lum thur thur in nghat avang chuan ka tawp chawt. Enge ka chungah thleng tih hriat tumin ka in ngaihtuah,Hmingchhuanawma ,alam chu ka hawi a mah ngei a ni . Tuizetin a mu hil a ,a mithmul buk zet chu ka khawihsak zauh,ka ril a tam takzet tlai chaw eilo in ka muhil tlang a ni ngei ang . Engtikah mah zu ka in leh tawh lo vang ka ti rilru mawlh mawlh.

Ka chetna a vang chu nge a rawn meng duar duar a ,a mitmeng nalh leh pa zet chuan ka lam a rawn melh nghal chat. Ka harh tih a hriat rualin a khi suk a ,ka biangah a chul nghal riak riak,ka ruihlaia ka awmdan ka ngaihtuah chhuaka ka zak lutuk chu a awmah hmai nawrin ka seh vak, a rum nghut a ,ka chalah a rawn pen kawrh a nihchu “ Aiah Hmingchhuanawm " tiin ka melh chho ram ram “ Tu emaw chuan eng emaw tih a chakin ka hria " a tihchuan ka zak zual.

“ Kha i hmui kha pet tawh suh" tiin min fawp tawk ,ka chungah a bawk kai nghal zat . Ka en kar ringawt,ka rui lai rem changa a la lo chu ka lawm takzet “ Bibi min kalsan dawn lo tiraw " tiin ahmaiah ka dawm,min kalsan ka hlau . A chhungten min duhloh zia an tilang tawh a ; a ni pawh hian a chhungte a do reng chuan hrehawm a ti dawn tih ka hria, ka kut chu a chelh hnan a “ Engtikah mah ka kalsan ngai lo vang che" a tisup ,ka nuih sen sen mai .

“ Ka pa ka be leh a nga ka ta i ni thuai ang " tiin ka kut chu fawpin min kai tho a ,choka lam min pan pui nghal zat “ I ril a tam tawh emai chaw ei phawt ang " tiin dawhkanah min thut tir ,awm pui a nei tih ka lo hre miah lo ,zawhna mitmenga ka en chu a hrethiam nge “ Zingah a rawn kal a ,tlaiah a haw leh thin . Ka nute rawn tirh a nia ,a chhan pawh ka hna nen chuan inlam ka enkawl hman silo va " a tihchuan ka bu nghat.

A thusawi ka ringa ,dawt min hrilh ka ring heklo ,“Poppy zu in tawh lo turin ka duh che. Hmeichhe tan phei chuan a mawilo leh zual ,zu hi nun tichhe tu ber ani tih i hrechiang a nilawm ni? Thinrimna i nei a,i lungawi lo a nihpawhin hetiang hian i thinrimna hri thla tawh lo turin ka duh che " a thusawi chu dik ka tiviau ” Awle ka in leh tawh lo vang" tiin ka nuih var var,a khi ve ta suk “ Nangpawh hmeichhe dang hmu leh tawh suh,a bikin i hnuaia thawk ve nu kha police hmeichhe zak theilo deuh kha .

I hnaih leh a nihchuan ka khawih duh mai ang,police a nih lam ka ngaihtuah lo insual te chu ka thiam ve tho" ka ti pang pang ,ka ngaihtuah zawng ringawt pawhin ka thin a la rim thei ,a chhungte lahin min lo duhlo lehzel bawk nen Hmingchhuanawma hi ka kalsan a ngaih mai hlauh chang ka ngah ” Poppy enge i ngaihtuah" ka harh chhuak zawk ,ka mittui atla tih pawh ka lo hre lo reng reng,ka hru nghal thuak thuak “ Engvangin nge i tah?" a tihleh chuan ka lu ka thing nak .

Nuisangin “ Ka tha; ka tha tak tak,ka mit hi a thip deuh a ,chuvang chu a niang " tiin ka mittui chu ka hru hul zung zung ,a awihlo nge a fian dahthla in a thu ngil a , chair ngheng chuan min en ta ngar . Pasal a nupui thuruk hrechhuak lungawilo a ang ber ,ka chil ka lem khalh “ Ka tha tak tak alawm " ka tihpawhin a rum nghut duh chauh “ Poppy kum engzat nge ka lo hriat tawh che a,i mizia ka lo chik tawh . I hlim hmel,i lungngai hmel leh i rilru hah awm dan thlengin ka hria ,tunah khan i hlim lo .

Ngaihtuah i nei bawk . Chu thil chu ka hriat i duhlo a nihchuan sawi mai rawh " a rawn ti dam dup ,a aw dam viau mahse thupe aw chu ka hre thiam lutuk tlat “ Bibi " min rawn hnaih ruak,min kuah bet vang vang ka chaw eilai pawh ngaihtuah lovin ka tap hlap hlap “ Ka hlau,chan ve che ka hlau,min kalsan dawn anga hriatna ka nei zel,i chhungte leh kei ah duh thlan i ngaih hun a thleng anga chutih hunah chuan loh theih lovin min kalsan ngei dawn tih ka hria a ni . Bibi min kalsan hunah keimah chauhin ka awm leh ang.

A hma ang bawkin min kalsan leh anga,kei chu min bihruksan leh ang tiraw?" a awmah chuan ka hmai nawrin ka hnap tui rawn chhuak tur chu ka sut hraih,tah apiang lah hian hnap hian rorel a tum ziah mai “ Shh engkim a tha ka kalsan dawn lo che ka sawi tawh kha ,I duh chuan ka awmah khan i hnap pawh i tat thei ,naute ila ni tihna a nimai a " a tihchuan ka sik vawt mai . A nui nghawr dawt “Nizan ang kha chu a chi tawh lovang,a chhan chu inneih hma a ka khawih mai che ka hlau .

Ka insum hram hram tih i hria em? Khatianga min nawr leh a nihchuan ka insum zo tawh kher lovang ,tharum hmang pawhin ka ta ah ka siam duh mai ang che " tiin ka hmuiah a fawp zauh “ Ha pawh kan la nawtlo va ,chaw pawh kan la kham loh hi " ka ti nang nang,kan chaw hmeh pawh a lo dai vek tawh . Kan puar tawh tho nen ei tawh lo vin kan seng nghal zung zung ,hna a kal loh tur thu a sawi a,ka hnial chung pawhin a tumlo bur bawk nen a inah chuan kan awm dun.

Nilengin kan infiama ,hahdam taka a bula awm chu a nuam ka ti hle . Ka mal chunga a mu a ,ka kawr chhungah a lu khungin ka hnute a tuai a tuai,ka hauh lahin a ngai bawkin a awm leh thin avangin ka hau duh tawh lo . Mafia lam movie ka en a ,hmuhnawm ka ti bawk nen ka taksa chhunga awm chu ka ngaihtuah tawh lo hrim hrim ” Awi achangtunu lerh zet zawt zia saw ,keichu changtupa saw ni ila ka kalsan nal nal tawh ang . Hmeichhe kawplawr tak a nih saw .

Sawtiang engtin nge a changtunu an nih tir theih zawk " tiin ka phun hlak hlak “ Movie nilo in kei hi min en la ,a changtupa saw nilo in i changtupa hi min vei zawk la ,chu chu a tha a nimai " tiin ka kawr chhung atang chuan rawn awm chhuakin ka hmaiah a rawn dawm a ,ka kun hniama a hmuiah ka fawp zauh “ Hmelthanu ,i zunah hian ka uai nghet tawlh tawlhin ka hria " a tihchuan ka hmai a sa hat hat .

“ Higher kan kal lai khan tawng lo che ila chuan nupui ka nei tawh mai thei ,mahse i zun khan min phuar reng a ,nitin i tan tiin ka thawk a . Ka lungngaih chang pawhin ka neih theih nan che tiin ka intichak hram hram thin . Ka duh lutuk che kha ka hlat phah fo che a ,mahse ka en ru reng tho che . Rinchhana nena in awmdan kha hmuh hrehawm ka ti thin" tiin ka hmui chu a zut hauh hauh,a hmet khawt chu rum zetin ka melh.

Ka sam karah a kut rawn rawlhin a rawn thu chhuak a ,a darah ka lu nghatin min kuah bet hle hle “ Bibi ka hmangaih che in ka hria " ka tihchuan rang zetin min dahsawn deuh hian min en “ Ka tum pawh a ni chiahlo ,Rinchhana kha ka hmangaih thu ka hrilh ngailo va ,ka hmangaih ngai pawhin ka hre hek lo . Mahse nang chu hman atang tawh khan ka hmangaih che ,ka lo hriat loh thin vang a ni,miten i retheihna an hmuhsit lai che khan ka khawngaih thei hle che a .

Khang hun zawng zawngah khan ka lo hmangaih reng tho che " ka sawi zawm hma in ka hmuiah a rawn fawp vawng vawng “ Ka kalsan ngai lo vang che ka thinlung neitu ,I hlatah awm ka duh hek lo . I tan chuan pialral thleng pawhin kal ngai se ka kal mai ang,Lalnunzampui ka hmangaih che. " “ Keipawhin ka hmangaih che Hmingchhuanawm " kan in nuih tawn var var ,kan hmelah chuan kan hlim dunzia kan inhriat tawn sak a ni . Thu dang sawi ngai lo vin chet zia in kan lan tir dun .

Ram ri erawh kan pello ve ve thung a ,insi rialin sofa ah chuan kan mu dun,hnung lam atangin min kuah a ,ka biang a nul dan dan bawk . Ka dul zawna a kut awm chu vawn hnanin ka nui var var mai ,ka hlim takzet he ka hlimna hi ni in tlakpui lo sela ka ti.

(MUTTUI U)