OFFICER HMINGCHHUANAWMA CHAPTER 12

OFFICER HMINGCHHUANAWMA

CHAPTER 12 

NUNZAMPUII POV...

“ Poppy " ka muhil chu min rawn ko tu avang chuan ka mengchhuak riai riai “ Titau tawh lo la um,a ni kha ka be ngai tawhlo tak tak " a tihchuan ka thaw hak,ka thinrim em em pawh a ni lo . Mahse ka laka zep a tum kher kha ka hua,ka bulah a rawn muthla a ,min kuah vang vang “ Ka lakah thuruk nei tawh lo la ,chu chu min tihlawm dan a nimai ,kan pahnih chiah kan nih hi thuruk enge awm ngai,hmeichhe dang duh i nei a nihpawhin zeplo vin min hrilh la ngawi rengin ka inthiar fihlim mai ang " ka thusawi chu ka ti tak tak.

Kan in karah midang an inrawlh dawn ai chuan keimah hi inthiar fihlim ka duh zawk . “ Amak e midang ka duhlo,midang duh ni ila chuan nupuiah ka neilo ang che " a rawn ti ve hmuk “ E tilui lo che ila min nei tawp nang officer Hmingchhuanawm mi lerh " rum lutuk in ka melh zui nghek “ Enge ka lerhna Nunzampui mi thinrim peihnu " ka tho chhuak phat “ Khatikhan min ko suh aw Hmingchhuanawm mi lerhkawhpa " a hmaiah ka hnek chawrh,a thinrim nge min bawhthlu in min man bet tlat.

Ka tal fat fat “ Hmingchhuanawm min thlah rawh" ka chau lutuk chu ka mit hmuh a fiah lo vek,ka khawhmuh a thim ruai ruai “ Poppy i tha em ,Poppy" Hmingchhuanawma mangang au rawl chu ka mang hriat ruai ruai enge ka chungah hian thleng dawn le ? “ A tha leh mai ang,a taksa chaklo nen chuvang a nih hi  " hmeichhe tawng ri ka hria ,ka mengchhuak riai riai “ Poppy ilo harh em ni ?" Hmingchhuanawma chu ka hmai bulah a rawn kun hniam,ka mit chhingin ka meng chhuak leh .

A fiah ta deuh,ka hawi kual mak ti takin Hmingchhuanawma chu ka en “ Enge ka chungah thleng? Tinge damdawiin ah kan awm?" zawhna a khat a en chung chuan ka ti ha ,ka kut la in a fawp vang vang “ Min ti hlauthawng lutuk,khatiangin awm leh tawh ngai suh,Poppy ka lawm e doctor chuan nau kar hnih mi i pai a tia,kan lo tih nat teuh zia kha " a tihchuan ka meng phawk vak “ Nautea" ka pum en pah chuan ka ti,ka lawm tho bawk si . Mahse ka ring lawk lo ,hetia nau ka pai ve mai hi .

“ Um kan pahnih fa ,kha i pum chhungah khan a awm mek a ni ,Poppy ka hlim lutuk " a tihchuan ka melh nghek ,mak tih hmel takin min en “ Engvang a khatianga min man bet nge i nih reng reng " ka kut kuangkuah hmakin ka ti chhuak . A beng pawtin in la duhawm kual chung hian min nuihtlawn ,a bengah ka pawhsak vak “ Anah ....poppy ka beng a na ,ka ti tawhlo ang . Min thlah rawh le midang an awm ve a nia ,zan a rei tawh an tan kan ninawm palh ang " a tihchuan ka thlah ve chauh ,puanin min zar hliah avangin ka lo hre lo anih hmel.

“ Bibi a vawt " ka bulah a rawn inthawlh vat ,zan a rei tawh bawk nen a vawt mah mah a ni . Khum a te bawk si saisirin kan mu hlan ,ka pum chu a chul hauh hauh “ Kan naute kan fa hi tha takin lo piang se ka duh ber " ti sup supin ka nghawng chu a nul dan dan “ Anu hian min hmangaih reng bawk sela ,a thinrim chuan ka talbuai vek zel " tiin ka hmuiah a rawn fawp leh zat . Hepa hi chu thinrim khum rei theih pawh a nilo “ Muhil ang midang tan kan ninawm ang i tihkha " tiin ka insiam rem ,reiloteah ka muhil nghal mai .

“ Buatsaih duhtawk rawh u,ka nupui a harh phah chuan in chaklo vang? Ka nu nang pawh ka nu tih pawha koh che ka duh tawh lo,helai hmun a tang hian chhuak ula rawn lang leh tawh suh u " ka pasal thinrim tawng chu ka hria “ Hmingchhuanawm he nu vang hian i nu leh pa hi min hua a maw" a nu chuan a tinghal . Ka harh tih an hre hauh lo “ Aw ka nupui hi ka thlang e ,nang ang nu tha lo tak ka lo nei tih ka hriat hian nang ang nu ka nei che hi ka inchhir a ni,i monu tur a i duh hi a duh duh in an mutpui theih a nih hi . Finfiahna i duh em ? 

Nge ilo hriatpui reng zawk . Ka nupui erawh hi chu ka hrechiang,hetiang hmeichhe nun zawi lutuk leh in mithmuha hrehawm ti em em a awm thin hmeichhia hi hman atang tawhin ka hmangaih,chu thil chu min pawm pui lo a nih chuan ka nu ka ti thei tawh lovang che . I retheih lai mi hmuhsita i awm lai kha ngaihtuah rawh ,i fapa hian nitin a zirnaah hmuhsit a tuar a sin ,chu hmuhsit a a awmlai leh a mamawh pawh lei theilo a awm leisak a ,buaipui tu leh a kawm duhtu awm chhun chu he i pawm theihloh hmeichhia hi a sin a nih.

Ka thawmhnaw leh ka pheikhawk ka mamawh a piang min leisak theihloh laia min leisak tu chu i hmuh theihloh Nunzampuii hi a ni ,ka nu duhtawk tawh rawh.  Ka then dawn lo eng pawh tawk dawn ila ka then ngailo vang " a thusawi chu a timai mai lo tih ka hria “ Bibi a tawk khatiangin i nu ti suh" tiin ka mit nuai in ka tho chhuak,ka ril a tam hle bawk . “ Poppy " ka bulah a rawn thu hniam “ Ka ril a tam" ka tihchuan nui suk sukin a chhuak vut , anu leh Buatsaihi awm ve chu hrelo ang hmakin zuk awm thei a .

An ni pawh an ngawi ta reng ,a nu chuan min en vang vang in “ Nau i pai maw?" a tihchuan ka bu nghat “ Nizan khan kan hre chauha karhnih mi a ni e " tiin ka sawi tha ve mai,a niin min huat avanga huat ve kher ka tumlo,ka pasal duhdan tak pawh a nilo vang . Tunah ka thlavang a hauh luatah a nu hua ang in lang mahse a mah hring tu leh enkawl seilian tu huat chu a tan a har dawn lutuk . Hmeichhe sual tak anga a chhungte lak atanga laksawn ka duh lo ,bu nghatin an chhuak zui a,an chhuah hnu lawkah Bibi pawh a rawn lut nghal .

Chaw leh chawhmeh a rawn keng bawr luk a ,min rawn nuih vur vur bawk ,ka bul a rawn thlen rualin a thil rawn ken chu ka lo ban vat . Ka ril a tam tawh bawka ka ei nghal zung zung “ Ei teuh rawh,kan naute kha duhawm tawkin lo chhuak se ka duh a nia " naupang chhia zeta a tihchuan ka nuih hak “ I duh ve em ?" ka tihchuan a lu a thing mai “ Puar deuhin ei rawh i eikham veleh kan haw anga kalkawngah i duhzawng kan lei leh dawn ania " a tihchuan ka phur ngei mai .

Rang zetin ka chaw chu ka ei mawlh mawlh,ka puar hawkin ka hria “ Ka zo e " tiin ka tho tharh “ Fimkhur rawh kan naute " a tihchuan a banah ka sik vawt,midang awm ve te chu an lo nui hak hlawm a “ In van hmeltha dun em em,in lian bawk sia mizo nupa ka hmuh tawh ah chuan in la inhmeh ber ,in naute chu tha takin lo piang sela ka ti hle mai “ Nula pakhat awm ve chuan a rawn ti ,lawm thu hrilhin kan chanchin kan inzawt luam,Malaria a vei avangin a ni pawh a awm ve a nih hmel.

Dam vat tur a inchahin kan in mangtha a ,Hmingchhuanawma lah chuan kal chak a phallo ,doctor in eng chiah nge a lo hrilh ni “ Inah awm char char ang che ,ka zin chhunga i eitur ka ngaihtuah sa vek a nga chuan ka lo haw leh vat bawk ang " tiin Bolero ah chuan dim zetin min thut luh tir “ Hmingchhuanawm i over lutuk aw " tihlak in ka beng chawrh ” Aiah enge naupai laia a nu in hmelchhe tawk a hmuh te ,a chet nasat lutuk te hian naute hmel a kir a nernung thei an ti ,chuvang chuan ka fa hi thur ti hmel kir nena piangsa tur hian ka duhlo hrim hrim " a lu ah ka kuk lawlh.

Fb group makpui pui ah a awm tam tih a hriat mawl lutuk “ Chutiang ngaihdan maksak leh dawt thu mai mai awih rual pawh ini tawhlo " tihlak hlakin ka thu tha “ Haw zung zung ang,bawngsa ka ei chak,chuan khang hu buhchiar te pawh ,chuan spicy,Serthlum ,lakhuihthei  ka ei chak vek " tiin ka sawi zat zat ,bu nghutin ka hmuiah a fawp ” Kan lei vek dawn a nia ,vawiin chu chawlh ka la leh mai dawn a nia " tiin a start zui a ,a tlan chhuak nghal zat .

Bazarah kan kual a,reife kan inhnawh kual hnu ah kan in lei fel hram ,in kan thlen chuan chhun lai a pel leh daih tawh ” Thiana " ka hmelhriat pawh nilo mipa leh a nupui leh a fa ni awm tak hi an lo awm a ,Hmingchhuanawma chuan nui chungin a pan nghal zat “ Poppy hei ka thianpa Dinpuia a leh a nupui te an nih hi " tiin a thiante nen chuan min in hmelhriat tir nghal zat “ Hei ka nupui Nunzampuii kan college kallai pawha ka sawi fo thin kha " a tihchuan a thianpa chuan min en vut.

“ Khati khawpa i vei chu vei tlak a lo ni a nih hi ,nupui i nei hmeltha hle mai Dinpuia ka nia chuan ka nupui hi Faktei a nih hi " a tihchuan ka bu nghat ,an fanu chu a changkang ve tawh hle. Inchhung lamah kan lut zui a,kan inkawm ho bawrh bawrh Delhi lama an awm reng lawk avanga kan inneihnaah pawh lo kal theilo an ni tih an sawi a ,ka pasal pawh chuan a pawilo thu leh in thlahrung lo turin a tinghal mawlh mawlh.  Kan sa lei haw chu tlailam hmeh a tan kan siama.

Kan in a chaw ei tura kan tih luih tlat avangin an ni pawhin min hniallo in rawng min bawl pui mawlh mawlh “ U Zampui nau i pai maw ?" Fakteiin a rawn tihchuan ka bu nghat “ Awi ka lawmpui cheu e ,ka hria a lawm keipawhin kan pa in min rawn rim thin lai khan u Hminga hi a rawn hruai ve thin a ,kan thianho nen te pawh sawi rem kan tumve thin a ,mahse hmeichhia a ngaihsak ngai miahlo,hmeichhe pakhat a zawna a nghah thin thu a sawi thin,tunah kan pa in in chanchin a sawi a .

Ka hre ve chiah ,ka hmuh takah che chuan u Hminga rinawm tlut chhan pawh ka hre mai ,i fel in i hmeltha bawk si,i sang bawk sia ka awt che keichu ka te lutuka kan pa in min chhaih phah ziah " a tihchuan ka nuih hak. A la naupang â ve hle tih ka hre mai “ Um higher kan kal lai atang kan inzui thin a ,thian ang mai khan ka en thin. Mahse engtik laiin nge ka hmangaih ka hrelo,a lo thleng ve tawp mai a ni " tiin ka nui hak hak . Kan pasal te pahnih titi chu enin kan chanchin vel kan inhrilh .

An ni pawh an nupa kawng a bumboh ve zia a sawi nak nak ,an inneih loh teuh zia leh an inruk tawp thu a sawi lai chuan kan nui vak vak “ Nupui dang a nei dawn tih ka hriat a ka nat mai zia ,ka tap a a sawt lo bawk sia ,ka phone a a nipawhin a duhloh a neih dawn loh thu min hrilh a ,lo insiam turin min tibawk a ,an inneih hma ni ah kan tlanbo daih a lawm. Tunah chuan a chhungte pawhin min pawm ve tawh a ,ka lawm lutuk ,kan pasal te hian min hmangaih em em phawt sela chu chu an chhungte kan hmin theih dan a ni in ka hria .

Keini chiah in hmangaih ila an ni in min ngaihsak silo vin min nei tawp se an chhungte tan pawh a ngaihthat thlak dawn lo a,chuan pawimawh leh pakhat chu keimah ni hi kan niin ka hria ,kan pasal chhungte hi dawh thiamin nel thiam ila in pawh a awl zual bik " a tihchuan dik ka ti viau,rinai thil thlir dan a thiam daih mai . Kan hnung lam atang kan pasal te pahnih in min rawn biak thut ve ve avang chuan kan rak tuar “ In va han a tak" Bibi a chu ka melh nghek .

“ In va inkawm tui ve " an rawn tihchuan kan nui hak “ Nangni pawh chaw ei kan peih tep a nia " tiin kan nui hak hak