OFFICER HMINGCHHUANAWMA CHAPTER 10

OFFICER HMINGCHHUANAWMA 

CHAPTER 10

Ka taksa chul hauh hauh tu an awm avang chuan hlauthawng zetin ka meng chhuak kawk ,mahse ka mipa hmuh avang chuan thaw huaiin ka inthlah dul lehnghal . “ Good morning ka naute " tisupin ka hmuiah a rawn fawp zauh ,ka nuih sen sen ,a nghawngah ka kuah nghal thak bawk . Ka sam chu chulin ka nghawng vel chu a hmuiin a nul kual,ka mumang emaw ka tih kha a tak ngei a ni “ Tho teh le tih tur kan nei " a tihchuan mak tiin ka en ha .

Eng thil nge ni ang tih ka ngaihtuah ngial pawhin ka hre theilo a ni lah in bualfai tawh tih hriat takin a fai sar bawk si . “ Bibi enge kan tih dawn " zik al al pah chuan ka ti a ,a hnute hmur tetakte chu ka khawih sak nauh nauh ,ka kut chu vuan betin a fawp zauh a . A hum zui vang vang “ Kan innei tha leh ang,i thawmhnaw pawh ka lak phei tir vek tawh,tho rawh le " tiin min kai tho zui a ,keipawh phur zetin ka intifai nghal zung zung . Ka mo kawr nimina ka phelh tak ngei chu ka ha ,ka nui var var .

“ I inpeih em ?" a tihchuan ka bu nghat“ I mawi lutuk" tisupin ka hmuiah a fawp zauh . Min kai chhuak nghal ,Biakin lam kan pan a ,ka nui sang reng . Pastor a biak vek tawh thu min hrilh a ,hming sign chiah kan hmabak a ni tawh . Biak inchhungah kan lut dun,mipa pakhat leh Remtei an lo awm a ,an ni pawh an inchei vang mai “ Kan inneih min hriat pui tura ka sawm te an nih hi,ka thianpa Alex Remsangpuia ,nupui a nei ve tawh " a tihchuan ka bu nghat .

Inneih thutiam chu pastor chuan min sawi tir,ka chhungril lamah hian ka nui ver ver ,kan inneih ngei tih hriatnan hming kan sign a ,kan thiante pahnih pawh chuan an sign ve bawk . Thla la tu in thla min laksak a,inneihna ropui tak nilo mahse ka lawm tawk em em tho . A chhan chu a innei tur a te kan hlim a ,ka kiangah ka mipa duh ber a awm miau a lawm,hotelah chaw kan eihlawm a ,Bibi chuan min ngaihsakzia a tilang reng “ In fate teh an dam tha maw ?" tiin a thianpa chu a zawt a bu nghat .

“ Kan nu hi a buaithlak ber ,a pangchang lutuka a fate ai a ka duat angai a nih ber hi " a tihchuan kan lo nui hak,a nupui chungchanga a sawi zawnga a hmel hlim sarh danah chuan a hmangaih hle tih a hriat (MR BOSS CHANGTUTE KHA AW 🤭) kan eikhamah inthlah in kan nupa chuan kan haw zui a ,ka pasal kut lehlam chu ka hum ran reng “ I hlim em?" tiin nuisangin min rawn en ,ka bu nghauh nghauh,a Bolero khalh lai chu en leh zauhin ka kut chu a la kanga ,a fawp nghal vang vang .

In kan thleng a ,min pawm kang nghal nawlh “ Ka nupui hmeltha " ti a nui hawk hawkin inchhung lamah chuan min pawm lut nawl nawl ,a nghawngah kuahin ka nui uar uar a ,khumah min nghat thla in ka mo kawr chu a phelh nghal zung zung ,a tih tur ka hria ,ka lo nghak tawp ringawt. A thawmhnaw a phelh ve a,a pian a nalh takzet ” Bibi ih " ka sawi tum ber pawh hre chuanglo chuan a hming ka lam,a rawn nui nghawr dat .

A abs nalh zet chu khawih chhin ka chak,ka ban da da . Min lo en reng bawk ,ka chul kual riak riak,a rawn thaw hawk mai . Ruak ve ve in kan awm tawh a ,ka zak lutuk tawh bik lo,ka hmuiah chuan rawn kun hniamin min fawp nghal,ka lo pawt hnai ve sauh bawk “ I nalh lutuk Poppy " tiin ka hnute hmur vel chu a hrual nak nak,reilo teah vanram tlafual chu chen dunin inkuah chialin kan mudun .

“ Ka tan hmeichhe hmasa ber ini tih i inhria em?" a tihchuan mak tiin ka en chho ha ,a zei hle si a . “ Mahse i mi khawih dan kha" ka tihchuan then sakin ka hnute chu a hmer leh salh . Mipa hi chuan hnute hi an lawm ber reng a nih hi “ Bangalore a ka awm lai khan ka hostel awm pui vai ho khan an en nasa a,kan en ho thin a lawm " a tihchuan ka ner sawk “ In va han ti tullo tak" ka ti hlak .

A nui leh mai “ Mipa tan chuan a nuam ve alawm " a timai a,ka sawisel chuang lo . Zeilo tak chu nise nuam ka ti in ka ring lo,a kut lianpui chu ka kut chuan ka khal neuh neuh “ I chhungten an hriat hunah engtin nge min tih ang le ?" rilru hah zetin ka tichhuak,a bikin a nu leh a unaunu thinrim dan tur ka ngaihtuah kan hmabak chu a ko hle in ka hria ,ka chalah a fawp zauh.

“ Lungngai suh ka awm chhung chu tumah in an tina in an khawih lo ang che " a tinghet charh . Ni e ka ring thlap,a ni bulah chuan ka him ziah thin a lawm,hman atang tawh in “ Bibi min hmangaih takzet em ?" hre tho mah ila amah ngeiin a sawi hi a dan a dang miau va “ Ka thinlung leh taksa nen zawng zawng hian ka hmangaih che ,hmangaihna avangin alawm tun thleng bialnu neilo va ka awm .

Hmangaih lo che ni ila chuan ka umzui reng lo ang che " tiin a awmah min kuah beiin puan chu min sin that tir ,ka bei hle hle mai . Ka dul chu a zut hauh hauh “ Naute pai zung zung la " a tihchuan ka nui hak “ Ala hma emai,a la insiam lo vang" a kut chelh hnan pah chuan ka tisap,keipawhin nau pai zung zung ka chak “ A siam hna kan thawk tlauh tlauh anga a nimai a lawm " tiin a nui hawk hawk,ka zak bawk nen a kutah chuan ka hmer vak .

“ Bibi naute lo nei ta ila enge a hmingah kan phuah ang " a hmel en chung chuan ka zawt,ka hmai chul riak riakin a inher tha a ,a ngawi deuh vang vang ,a sawi tawh dawn lo emaw tih hnu ah “ Mipa a nihchuan Hmingthanzama ,hmeichhia a nihchuan Lalnunpuii" tiin puan chuan min inkhuh pui thutin ka chungah a rawn lawnkai,a la nui hawk hawk zui. Chau zetin kan muhil dun,zinga thawm awmah chuan ka mengchhuak vat 

“ Kan phallo chung i nei lui a ,i nu leh pa in hi vawikhat pawh rawn rap tawh suh ang che. Ka fapa pawh ini tawh lo " a nu in a ti thuai thuai lai chu ka en “ Ka nu " ka tidek dek chu min rawn melhin “ Khatianga min ko ngam tur kha inilo,i nu ka nilo ve ,engtikah mah ka mo ah ka pawm ngai lovang che ; ka fapa vehthlema a chhungte laka pawt hrang tu hmeichhe tenawm lutuk i nihkha " a rawn ti tawn tawn,thawmhnaw ka ha bawk silo,rizai chuan ka in tuam tawp a .

“ Ka nu a tawk! Ka nupui leh zel kha sawisel suh,engmah neilo va kan awm lai khan i fapa timawi tu ,a neih loh pe thin tu chu he i duhloh hmeichhia hi a ni a sin,tunah i dinhmun a tha dek dek a . I retheih laia tiduhdah tu che nundan in i nung mek tih i hria em ? A tha e ,ka nu ini tawh biklo ,ka in hi chhuahsan rawh u . Ka mamawh bik lo cheu,ka nupui duhlo tu hi ka hmu reng peihlo che u,chhuak rang ru" Hmingchhuanawma chuan a ti ta hrawk .

Min neihloh a tum chhan pawh kha a nuten an vau vang a nih ka ring nghet hmiah bawk . Thinrim zetin an chhuak a ,keipawh tho chhuakin ka pasal chu ka kuah,a rilru ana tih ka hailo,thutthlengah thut puiin a hmel chu ka en,a mittui a tling pam “ Bibi ka tihpalh,i nunah ka lo lang si a ,ka tihpalh " tisepin ka awmah ka bei tir . Keipawh ka mittui a luang zung zung,nghet zetin min kuah a ,a ri si lo in a tap khur dar dar . A rilru a na a ni “ Keimah vang a ni ,Bibi i chhungte lak atangin ka lasawn che a ,min ngaidam rawh aw " tiin ka kuah nghet sauh.

“ Chutiang sawi suh,i tello in ka awm theilo tih i hriat kha . Ka tan chuan i pawimawh ber " tiin a insiam tha,a hmelah chuan tumruhna leh luhlulna a lang chhuak,ka kut chu hum nghet sauhin a darah min bei tir “ Kan pahniha kan awm chhung chuan tumah kan mamawh lo ; i hria em ? Ka kianga i awm chhung chuan eng harsatna pawh ka hneh thei a ni " tiin min nuih suk,ka thaw huai mai “ Engtikah emaw chuan an rilru a la dam ve mahna ,tunah rihchuan kan inhmuh rihloh hi a tha ber" tihzawmin khum lamah bawk chuan min pawm phei leh.

“ I chau em ?"a tihchuan ka lu ka thing nar nar ,lungawi hmel zet hian min en vung vung mai . Inthlakin rawng kan bawl dun a ,a hna kal tur chu ka vai liam “ Ka lo haw leh vat ang " tiin ka hmuiah a fawp leh zauh a ,a Bolero ah chuan lutin a tlan liam chu ka thlir reng. Inchhungah chuan lut in tihfel ngai chu ka tifel zung zung,in su in pawnlamah ka zar a ,ka thawmhmaw te hi engtik laiin nge a lo laktir vek pawh ka hrelo .

Tlai lamah chuan chaw chiah ka chhum a ,a dang chu chawhmeh thing tihlum chiah a ni tawh bawk nen sofa ah mu in ka lo muhil zui a ni ngei ang ,ka hmaia khawih tu an awm chuan ka meng chhuak vat ,ka pasal hmel ka hmuh rualin rang zet hian ka thu chhuak,ka insiam tha nghal sawk sawk “ I chau a nimaw ? Lo awm mai mai tur che a lawm " ka bula rawn thut thlak pah chuan a ti a , athil rawn lei haw chu dawhkanah dahin alamah min pawt hnai,ka ngheng hnai nghal talh talh .

“ Ka chau pawh a ni chiahlo ka lo muhil ve tawp a ,ilo thlenna a rei tawh em " tiin ka zawt,a form a la hak danah a la rei em em in ka ring lo “ Ka lo lut chiah,i muhil hmeltha zet thlir kha a nuam em a ,ka kai tho duhlo che a nihkha ,i chauh viau chuan kan muhil dun dawn ania " tiin min pawm kang nawlh,ka rak that mai “ Bibi a ngai kher lo,ka mu duh tawk " ka tihpawhin nui hawk hawkin roomah min luhpui lui ta tho. Khuma min mut thlak pah chuan a inbual lawk tur thu sawiin a kalsawn .

Nui ver verin ka mu tha sat sat,a bula awm chu reilo te chiah la awm mah ila a nawm zia leh hahdam thlak zia ka hmu chiang,pasal min ngaihsak em em tu neih chu a nuam takzet . Thenkhat te anga nupui te sawisak ching leh zu heh zet a niloh hram ka beisei,ruihtheih thil lamah tunah rih chuan ala fihlim tih ka hria,chupawh chu ka lawm tawk hle .

A rawn chhuah leh chuan ka lo muhil leh ti tih tawh,ka mut chhuak em em reng chu mak ka ti . A ni lah a nui vur vur reng bawk sia “ Nizan lama ka chetna vanga i mutchhuak hmel hian min tihlim riau " tiin ka bulah chuan a rawn inthawlh sawk sawk,min kuah nghal hlun. Ka bawp chuan ka khan nghal thak “ Ka mut hi a chhuak em em reng,amak lutuk " ka tinang nang, “ Muhil leh rawh ka hmangaihnu " tiin ka hnungah a beng thek thek .

Chu chuan ka mut a tichhuak zual ,ka ham bai bai,reiloteah ka muhil leh nghal thuai “ Ka kalsan theilo,um lo buaipui mai rawh u. Ka nupui mutthilh laia chhuahsan ka duh lo,Durtlang lam leh RV lamah khan duty tur dah belh rawh u an tlan chhuak tur a nilo " tih thawmah chuan ka mengchhuak riai riai,khua a lo thim tawh a . Ka pasal chu khumah thu mu in ka kut chuan a kut ka lo la hum bet tai,ka nui sak . Ka harh tih a hriat chuan a phone chu en zawkin “ Nakinah ka lo be leh ang cheu,lo ti nghal bawk ula " tiin a dah .

Ka lam rawn hawiin “ Ruihhlo tawlhru an awm a ,chan a ngai dawn a nih chu nangmaha lo awm i pawi ti em?" a tihchuan ka lu ka thing nak nak ,thaw huai in min kaitho a , choka lamah kan inzui phei nghal hnak hnak “ I ril a tam tawh ang ,Chaw eikhamah ka chhuak mai dawn ania " tiin a thu thla a ,Chaw ei chu ka siam nghal zung zung. Police te hna ka hre chiang bawk a ,kallo tur in ka ti duh lemlo .

Chaw eikhamah a insiam zung zung a ,a chhuah hma chuan min kuah leh vang vang “ Ka lo haw har mai thei a ,lo mu rawh aw . Naktuk chawlh a nibawk a ,i duh duh naah kan leng kual dawn a nia " ka chala fawp zauha tiin a kalchhuak zui . Thleng silin ka zai rat rat a ,a hlawhtlin ngei ka beisei tun ang laiah phei chuan misual an tam tawhin ruihhlo tawlh ru te lah hi ram hruaitu lo in rawlh nawlh nawlh an awm lehnghal a .

Ka ngaihtuah takzet ,sualna a tam tawh bawk nen ka ngaihtuah theilo,tualthah hrehlo hi an tam tawh em mai a . Room lamah lutin ka han nghak ang ren rawn a ,mahse 12 thlenga a rawn haw tak lo ah chuan phone tumin ka try leh,signal neilo angin a awm tlat avang chuan dahin mut tumin khum lam ka pan a ,ka tawngtai mawlh mawlh . Him taka lo let tir leh turin Pathian ka ngen a ni ber .