THE GOVERNOR CHAPTER 25

THE GOVERNOR

BY MAWITEI BAWITLUNG

CHAPTER 25

JASMINE POV .....

“ Nu ,nu harh teh min min kalsan thei lo,nu " ka sawi vak vak,heti mai hian a kal dawn tih hria ila chuan nizan te khan ka lo ngaihsak zual tur ,ka tap ka au vak vak bawk . Mahse a che eihlo,ka sawi dan dan chuan a awm tawp , Nick chuan min pawm bet ” Duatte insum rawh ,i nu chu hmunnuam zawka kal turin a chawl tawh ,intichak rawh" tiin min kuah bet ,ka u te ,Malsawmite chhung bakah Kyle leh Chamchami pawh an rawn thlenga,hmeichhe ho chu kan tap hlawm,mipa ho erawh buaipui ngai buaipui in an phar .

Ka taksa chak lo nen ka tlu hnawk ,ka phun sep sep “ Duatte" tiin Nick chuan min rawn kuah “ Nick ka neih chhun a ni tawh a sin,Pathian hian a timah mah mah a ni,tinge ka lak atangin ka neih hlu ber ber te a lak zel le eng em em nge ka tihsual " tiin ka mittui luang ngiai ngiai chungin ka pasal mitmeng lainatna leh hmangaihna a khata min en tu chu ka en let ve reng,min pawm tho in ka nu motor a an lo dah luh tur lam chu min panpuiin min hlang chho a ,amah pawh a rawn lut ve nghal . Sawi tur hrelo vin ka nu ruang chu ka melh tlawk tlawk .

Ka nau thihna a la reiloh teh lul nen ka nu heti hian a awm leh mai chu a ni si a ,tumah ka u te tihloh chu ka nei ta lo,fahrah mai ka ni tawh . In kan thlenga mi an lo awm teuh tawh a ,inchhung lamah ka nu ruang chu an la lut ,ka kal that theihloh avangin Nick rinchhanin ka kal tawk tawk a niber ,kuang chhungah ka nu chu an dah nghal a ,zai ri te chuan min tina ngut ngut ,a hmai chu ka khawih,ka mittui a hul vek a ,tawng tur lahin ka theilo,ka tawng dawn a piangin ka aw a chhuak theilo .

Nick chu midangin ka bula awm tura an tih tlat avangin a awm ve reng,a mita min tuarpuina chuan min ti ziaawm viau tho si ,thu an sawi a pastor thusawi ka hriat meuh chuan ka nu kal pawh ka dem ta lutuk lo ve ,ka pa bulah leh a awmna tur hmun dik takah a kal dawn alawm,thlana an chhilh hnu chuan kan nupa in kan la awm reng,ka ute erawhin a chhak deuhah min lo nghak thung “ Duatte kal tawh ang hmiang,i nu leh i pa hi i mangtha duh em ?" a tihchuan ka en chho ha .

“ I hria em? Ka tet te atangin hmangaihna leh duatna a khatin min en a ,ka duh min pek loh lai an nei ngailo,mahse kei an fanu hian engmah ka pe ve hman silo,chu thil chuan min tina ani,kan nu leh pate ngaihtuah leklo in mahni duhzawng umin kan tlan a ,a tlai hnuah kan inchhir a a sawt tawh der silo " ka mittui chu a rawn tla ve ta “ Nu ,pa hlim tak in awm ula,pialral atang khan min lo thlirin min lo veng rawh u aw ,fahrah mai nitur a min dah erawh in timah mah a ni .

Awmdun in chak tawh viau a nihpawhin heti lo zawng hian in ti theilo em ni ,mahse ka thusawi inchhang thei tawh chuang silo va ,pa ka nu kha hlim takin lo lawm la ,keimah min tihnatna avanga i huatna te kha dah tha in ka nu kha hlim takin lo kuah rawh aw,Mangtha ule " tiin ka phun sep sep , Nick chu enin ” Haw ang " zang deuh vah chuan ka ti a ,ni e tunah chuan ka intihchak leh zual a ngai a ni ,ka pasal leh ka fa tal hi na lo tura ka ven an ngai tih ka hria .

“ Duatte ka damchhung chuan i mal ngai lo vang" ka chalah a rawn fawp vang vang,ka nuih seih a . Ka ute lam pan chuan kan chho nghal,an ni pawh an mit a vung luk hlawm mai ,in lam panin kan haw zui a ,mipui insul pel zut zut leh naupang an nuten an kaih chunga kal ve hnek hnek ho chu ka thlir reng ,engtikah emaw chuan ka fa hi a la rawn piang ve anga,hmangaihna leh dawhtheihna nen ka en kawl ngei ang ,in kan thlenga tunah chuan luahlum tu tur nu leh pa an awm ta lo ,ka mit chhingin chhungkima kan awmlai ka ngaihtuah let .

Lunglenna chuan min rawn tuam leh hlup hlup,hun hi tih din theih se kum thum liam ta ah khan ka dintir reng tur ,khatah kha chuan tupawh mai kha kan la awm a ,kan la hlim a sin . Ka ute chuan min ngaihtuah zual hle ,an pasal te pawh an fel tupawh chuan a naupang ber ka nihna ang pawhin min ngaihtuah zual em em tih ka hria ,ka lawm hle bawk chaw chu ka ei ve tak nain ka ka a tui hlawl lo,ka ei tlem hle reng a ,muthmunah chuan ka pasal chunga bawkin a kut chu ka khal nauh nauh,ka dulin min dang deuh chu ka thaw hak .

A ni erawh a rawn nui nghawr dat “ Kan naute chuan anu chetna tur a dal a ni maw " tiin ka pum chu a rawn chul zauh,min thlamuan tura ka kianga a awm hi ka lawm a ni. Ka hun hrehawm tak tawh chang pawha ka nuihna leh ka harsatna ka theihnghilh theih phahna a ni si a .

Ka nu thih atang pawhin thla a liam leh tawh a ,keipawh ka tha chho viau,Kyle leh Chamchami pawh kan bulah an awm ve leh tawha ,Kyle pawh an rama let duh heklo pawi kan tilo bawk nen kan bulah a cheng ve ta reng. Khawlaiah bazar turin kan chhuak ho a ,mipa rualkhatin Kyle an lo auh dan a vang chuan kan ding dat . “ Mizo tawng pawh thiam silo in enge kan ramah i tih ve reng,haw leh vat che " an rawn tihchuan ka thin a rim hle ,chhan ka tum chiah chu “ Nang ni pawh kha enge in nih bik in tawng pawh in thiam kim loh kha ,ani hmusit tur hian engmah in ni bik lo.

In tawng pai dan atang khan Mizo pawh in nilo non-mizo in nihkha ,vai mizo tawng thiam tha thum lo ,an tawng dan zirin English in inti zir a nangni pawhin English in in inel pui ngam em? Zirlai zaktheilo lutuk,Mizo ah mah full mark hmu ngailo tur vek in nihkha in duh duhin nangni aia hnampui zawk lo ti duhdah suh u,in ram in timualpho ,mi ram in biak dan hian in ram mite ramdangin an sawi dan tur ngaihtuah ula ngawi hmak rawh u" Chamchami chuan alo ti hlar ,a thinrim hmel hle bawk “ Enge thlenga " Nick leh Dereck te rawn inzui avang chuan chung tleirawl ho chu an ngawi nghal dak .

Kyle darah kuahin “ Tumaw mizo tawng thiamlo chu " an tihmuk,an lianin an upa tawh bawk a chung tlangval ho chu an tawng ngam tawh der lo “ Haw ula mi hnam dang an ni emaw nilo emaw Mizo tawng an thiam loh avang te ,tawng dang reng reng pawh thiamlo an nihna a vangin hmusit leh tawh suh u,kan tawng hi tumahin an ngaisang chiam bik lo tih hria ula midang aw chhuak leh an thil sawi mawilo nuihsawh ching mi fing an awm ngailo " Nick chuan dam dap a tiin min rawn pan,Kyle leh Chamchami inkai chu ka melh ka nui tet tet an inngeihlo em em kha ania,an thlavang an inhauh na leh hle tho sia.

“ Kal ang u Lalremruati hi tah a tum leh tawh hi " Malsawmi chuan an pa kut kai chungin a tihlak,Aruati pawh a nu thusawi ang hrimin a rawn chik leh tan,din pui reng aning tih a hriat,ka pum puar lah tawh chu chul hauh hauhin ka sira mipa kal chu ka en dauh dauh,ka kut a hum run bawk mipui min hmu a piangin keini ho chu min en thup zel,a inkawp te te a inzui miau hek . An ni hi ka tana awm thin leh ka neih chhun te an ni a ,an tello hian ka hlim thei pawhin ka ring lo,thawmhnaw kan lei a , Nick pawhin kan fa lawm tur a lei lawk teuh,mipa a nih a ring nghet bur mai bawk sia.

Ka sawisel duh lem hlei lo va , Kyle leh Chamchami pawh thawmhnaw leh an mamawh tur kan lei a ,an lawm ve em em bawk . An la naupang chhia dun bawk a nun tihlim tu ber an ni,an inhnial reng chungin chungin an inhaw leh chuang lo ,an awmdan ka rinhlehna a rei tawh a vawiin hian ka hrechiang chiah bawk “ In la leng duh ang , Nick nen kan lo va haw ange mahse rawn haw har lo ula " tiin ka pasal chu ka signal zauh,a hrethiam tih hriat takin khi sukin ka biangah a piai zauh .

Kyle leh Chamchami lai hmel chuan nuih an tiza,MC kawt atang chuan kan inthen darh a,Malsawmi te pawh nichin maiah an haw ,“Duatte hruai duh lawkna che ka nei " a tihchuan ka en ha,car khalhin a tlan chhuak ,khawiah tak min hruai ang maw ? Chutah kan college hlui a min dinpui chuan ang pamin ka en,ka dara vuanin gate lam chu a en “Hetah hian hmeichhe pakhat Mumbai a ka tawn hmu lehin nitin ka lo nghak a ,min tlanchhiat san nal nal chang pawha min tihlim tu nisi nundan kha tunah hian hmuh leh ka chak .

Thinchhe em em chungin a thinrim tawpah a tap tawp a ,khang thlem te kha nuam ka ti em em a nihkha" kan nunhlui a sawi lai chuan hun kal tawhah khan awm leh ang mai niin ka inhria, ka duhlo chung a in a min hruai lai leh Mahatma Gandhi te ho ka sawisak lai a a thinrim theih zia te kha ,ka nui hak “ Kha tih lai pawh khan ka ngaihtuah reng zel che ,phulo che khan ka in hria a ,ka hlat ve tang tang che a nihkha . Mahse maw kan phuloh leh neih theihloh a kan ngaihte hi kan lo nei ve thei tih nang ka tawn a tang che hian ka hria.

Tumah hi in phu bik kan awm lo a ,induh chuang tur kan awm heklo,hmel leh hmangaihna chu a thlir tu mit leh thinlung a lo nihzia ka hria a ,hausakna hian hmangaihna a lo thliar loh zia te chenin ka hre thar bawk " tiin ka pasal chu nuisen senin ka en chho ,ka biangah fawp zauhin kan college zirlai thar te infiam ho leh nula leh tlangval a hran a lo awm ve ho chu kan endun,nunhlui leh hlimlai hunte ,panlai nunte ngei hi a nih hi lo ngaihawm thin . Kan upa tial tial a ,Khawvel a hrehawm tual tual a ,lung a leng lo theilo .

A kut chu ka hum nghet sauh,a motor a min pawh luh luih na ah chuan ding chatin mit kan euh euhin ka en ,a rawn nui hawk hawk “ Nick tah hian chawl ang " tiin ka restaurant chawlhna fo thin amah nen pawh a kan kal ziahnaah chuan kum tam tak hnuah kan lut leh ta . A neitu berin ka hmel ahmu chu a lo phul hlut “ Awhaw in innei ta a ni maw ,in inhmeh kha ka tireng a ,in va rawn kal ngai ta lo ve " a lo tihlut ,nui sangin “ Kan buai ve em a lawm,kan lo kal leh ziah tawh hial mai thei a ni " tiin dawhkan lam chu kan pan,ka pum a puar ve tawh nen duh duha thut ka harsat tawh .

Nick chuan min lo pui vat,tleirawl rualkhat higher zirlai ni ngei tur hian kan chanchin chu an sawi a “ Model a nilawk an tia ,awi an inhmeh e pu Nick lah saw a hmeltha in a zahawm vuah a ,a mah ang saw tawng ve ila ka chak" ti a an thianho a an thusawi chu kan hre pha ,ka pasal nen chuan in enin kan nui ringawt “ Kha ei rawh u,ka lo free ang cheu naute ka lawm sakna cheu a nimai" a tihchuan kan hnial ve tak na in a tihluih tlat a vang chuan lawmthu hrilhin a thil rawn dah chu kan ei dun,momo chu ka ei pang pang .

“ Nick icecream lei haw ang aw ,chuan ar bawp pawh,chingit leh bawkbawn vel pawh ka ei chak lutuk" tiin ka pasal thil ei chu ka en ,a lu bu zeuhin ka bianga ka thil ei kai vel chu tissue chuan a rawn hru a ,ka lo hau hlak “ Mi an awm ve thup hi a inthlahrun awm,mi hmuhah a mawilo " ka tihlak,a nui suk ringawt . Kan chhuah hnu ah chuab ice cream ei tumin an zawrhna lam kan pan a , traffic a jam peih em a vangin kan car chu hmun thawl deuhah dahin ke in kan kal dun a ,a nuam phian . Ice cream chu pathum lai ka ei,a ni erawhin lollipop a fawp mual mual 

Patling kum 38 tawh ina lollipop a fawp hmuh chu a nuihzatthlak in a hmuh nawm letling “ I van cute tak " tiin a biangah ka piai,ala duh lo em em zui , Christmas kan hnaih tawh a ,a nipawh a hnalam a la ngaihtuah leh rihlo,mahse an pute lam erawhin an la rawn be fo ,ala hnial tang tang zel,keimah vang tih ka hria ,dik tak chuan a hna hi bansan thei tawh se ka ti,a ni chiah hi ka neihchhun a nibawk nen chan ve mai ka hlau ,mahse min thah tumtu te hriat chhuah hma chu chawlh a tumlo tih min hrilh ziah,“ Englai pawhin an rawn inlan leh thei,nang leh ka fa hi chan cheu ka tumlo bawk" tiin nghet charhin min chhang thin.

Engtiang pawhin tum mah ila a duh a tihtlang hma chu a chawl duh dawn lo tih ka hriat avangin ka nawr lutuk duhlo thung . Kan haw meuh chuan Kyle leh Chamchami te an lo awm tawh “ Haw intum emaw tia khawnge in awm ,nangni pawh hian chance in lo nei zawk reng a nih hi " Kyle chuan a lo ti hluk hluk,kan nuih hak hak “ Lut vat ang u,rawngbawl ila tha ang a tlai tawh riau mai " tiin inchhung lamah kan inzui lut dial,rawng kan bawl ho a ,kan infiam nak nak mipa pahnih erawh ngawi reng in an harh a,keini pahnih kan tawng char char thung a.

Kan in mil tawk viauin ka hria,kan mipa te pahnih lah tawng tam silo thinrim deuh reng emaw tih mai tur an ni a ,mahse kan hriat chian avangin ngaiah kan neih thung . Zanlamah sitting room ah thu in movie kan en thap,ar bawp leh sprite mipa in an in tel a ,kei erawhin lakhuih tui ka in mial mial,nau ka pai bawk nen ka ngeih loh tur a an rin chu engmah keipawhin tihluih ka tum lo,kan pali chuan Superman kan en thap,naupang lawm mah nise hmuhnawm kan tihlawm phian ,tumah kan bengchheng lo hrim hrim, Nick pawh in ngawi reng in a en ve ngur.

Ka nuih a za ru viau puitling rualin naupang ho lawm em em kan en chu a ni sia,heng ho hi a takah awm se an in lak lal ka ring ringawt thil an ti theiin an thlawk thei bawk nen khawvel hi an thuhnuaiah an dah duh hial mai thei,chhuatah chuan ka thusawp niah a ,ka arbawp ei lai chu ka keih mial mial “ Mu tawh ang " Nick chuan tiin min pawm tho nawlh,ka arbawp peh lai nen chuan inchung lam min panpui nawl nawl “ Ka la en duh a sin" ka tisap ,rum nghutin ” I chau ang " tiin room lamah min luh pui .

NICK POV ....

Khuma ka mut hnu reilo teah a muhil leh lawi a ,ka nui hak . He hmeichhia hian ka thawk dan te thleng hian a thunun nimaiin ka hria,a mut chhuak lo tive si kha hma deuhah a muhil leh nghal a ,ka kut zungchal chu hum bet ranin tui zetin a muhil sak sak,ka mitah chuan naute ang mai a niin a duhawm a ,duat a chak awm hliah hliah zel “ Ka hmangaih kei hian venghim theilo che in lo kalsan ta che ila i tuar thei angem tih hi ka ngaihtuah a ni " a chalah chuan ka fawp vang vang .

He indo naah hian ka chak angem ka hrelo,mahse heng mite hi ka chhui chhuak tep tawh a ,engvanga kan nupa inkar a inrawlh nge an nih ka hrechhuak vat ang. Zui ru tu kan nei reng tih hi ka hailo,chuvang chuan ka nupui ngei pawh hi a tul tawp khawk ah lo chuan ka tello a a kalhran ka phallo ,a nu leh pa a chan a heti chunga tuarchhel taka a la awm thei hian hmeichhe chak tak anihzia an tilang chiang viauin ka hria.

A bulah mu thla in a lu chu ka awmah ka nghah tir,ka fa tih hriat tak pai a a dul puar lah mai hmuh hi ka kham theilo ,keihian ka veng anga an nufa a an damna tur a nihphawt chuan keihian ka nun pawh ka chan mai ang.

ZAWMNA......

Thla 4 hnu ah

“ Ka duatte " ka nau neih pawh a hnai ta hle mai , Kum thar lamah ka nei tawh dawn tih ka hriatna chuan min ti hlim veng veng, Nick lahin min ngaihsakin min kalhlat san ngai lo “ Nick,ka pum hi a lian e tiraw " tiin ka pum puar lian lutuk chu ka en,phir ka pai pawh a ni bawk silo hrisel taka a rawn pian ngei ka beisei “ Um apa leh a nu a chhun anga hmeltha leh hrisel takin a lo piang dawn a lawm " tiin min kai hnak hnak,kawng kan cross lai chuan kawnglaiah tak thing an lo kham a , Nick chuan a kan mai kân ve thei hek lo ka ding chat .

Kun dawn lahin ka pum a puar lian tawh si ,an va dang laklawh tak ,ka pasal chuan min rawn chawi nawlhin min pawm kang a,ka kân ve thei ta . “ Ka ning e ,raipuar tan hetiang te ngaihtuah ve tur a nia ,ka chau tawh " tiin ka thaw hle hle ,ka rit tawh bawk nen chet leh kal ringawt pawh hi ka chauh pui a ,ka ke a kham ut ut zel . Ka thlan rawn hru in min nuih sen sen,hepa pui hi upat hnu lamah a nui mawi in a nui duhawm hle lehnghal . Vei thar zel tur hian a awm thiam mai a ,a kutah chuan ka hum, Christmas bazar kan nei ve a ,kan duh ang pawhin kan bazar theilo, Christmas dawn hnaih hi chuan Aizawl hi chu a chep mah mah a ni.

Kawngpui a te si ,mi ram ang te hi chu nise a ziaawm viau in ka ring,kawngpui zau tha tak nei ila mipui innek buai luih luih reng pawh hi a reh mahna,naktuk mai hi a ni tawh lehnghal . Ka thaw ham ham ,tam tak chu an lung a leng leh ngei ang ,chhungkaw kima awm ve tawh lo ho tan hi chuan Christmas vel hi chu tahna titam tu mai a ni. Nunhlui ngaia tah a awl hle ngei ang,kei ngei pawh hi ka ni,zanlamah ka nu leh pa thlan chu Kyle leh Chamchami te nen kan pali in kan tlawh ,tlaivar zan a ni bawk a vengtin atang leh hmun tinah chuan hla an play dup dup.

Thianho leh in ngaizawng kawng sira awm tawk lah bo lo,Lalpian hun hi in ngaizawngte hian an lo thlahlel ber in ka ring ,thlanah chuan keini chauh kan awm lo,naktuk lamah phei chuan mi tam tak chuan an tlawh leh ngei ang “ Nu ,pa merry Christmas u " tiin an thlan hmaah chuan kan ding thap,mit chhingin chhungkaw kima Christmas kan hman dan te ,dawhtlak zana nghakhlel zeta thleng ka dawh thin lai te chu ka ngaihtuah,zingah tho in enge ka dawhtlak tiin phur em em in ka pan a ,thil tha tak tak ka dawng ziah zel a nihkha .

“ Nu,pa ka van ngai tak cheu em,in tu tal hi hmu in chawi ve ula,a hming te phuahin duat taka in enkawl hun ka nghakhlel ve a sin,Pa angchhung atang khan a pian cham hi vantirhkohte nen in lawm ngei ang tiru" ka phun chhuak sap,vanlamah chuan arsi an lang tuar a ,“ Kumpui sula lo vei chang hian lung len a tho leh thin" tih kan awmna bul mai atanga an rawn play chu kan ngaithla thap,ni e kum a liama a ngai te bawkin sikni a rawn inher chhuak a, Christmas chhungkaw kima hman theih hun lai kan ngaih tuah a.

Chhungte chanve lo in chhungkaw kima an hman laiin a chante erawhin lunglenna leh mittui nen kum liamta an ngaihtuah in an lung a len tur zia ka hriatthiam pui uar uar,hun leh ni an herliam zel ang hian mihring nun pawhin tawp lam panin kan tar hun kan hnaih ve tial tial thin si a “ U tah hian kan tlaivar mai dawn em ni, eitur kan keng tho a hmun dang pan ai chuan Nutei te nen ngei hian tlaivar ang u " Chamchamin a rawn tihchuan ka bu nghat,ka pasal chuan a kawrchung chu min hak belh tir a ,thlanmual ni si a sir deuhah chuan thingtang fawmin mei kan chhema kan ai thap .

Kawn cheimawi vel en kan peihlo tlang a nia nge ,zandanga enah kan khek nge pawh ka hre heklo,mahse keichuan en kha tul ka ti em em lo,“ Nick a vawt i ti ang,thlasik anih hi ,i kawrchung hi ha rawh " tiin ka en ha ,kawrlum phiar a la ha tho nangin kumin phei chu thlasik ana zual bawk nen inchhungah pawh a vawt hle a nia,a kawr chu phelhin ka hak tir ,a nui suka ,a kawr keuin a awm nghengin min beitir than,ka dul chu a chul hauh hauh,Chamchami lahin naute hming phuah a hauh sa a , Nick nu leh pa in an phuah ka ring thung.

Ka nu leh pa an awm tawh lo a ,an ni phuah turah ka ngai ,ar hem hmin sa kan ken chu kan ei hlawm a , Nick leh Kyle chuan beer an in tel ,ka melh rum viau khap erawh ka khap peihlo an inlui dawn tih ka hre miau,chubakah tun ang huna inhauh ka peihlo,Malsawmi te erawh an buai em avangin an chhungkua leh a nu te nen an hmangin ka ring,ka sawm lui duh lem lo. Dar 1 a ri hnai thuak tawh,halmawi an hal te chu ralkhat atang chuan kan thlir reng,tunang ah hi chuan a bengchhen loh theihloh a .

Tlaivar lo vak an awm in ka ringlo, Nick darnghengin ka ham bai bai “ Kan haw tawh mai dawn em ni " a tihchuan ka hnial lo viau,car lam kan pan diah diah,kal reng chung te chuan ka muthlu thei nia , Nick chuan min nuih hawk . Car kawngkhar chu hawngin min thut luh tir,Chamchami te pahnih pawh a hnungah an thu lut nghal,tlaivar hi chu ka thei ngai pawhin ka ring lo,haw kawngah chuan ka muhil hman,in kan thlena car atanga min pawm chhuak te chu ka hre rei ruai chauh ani.

Ka nu leh pa ka hmuh chuan ka pan vat,min kuahin min nuih var var mai ,hlim takin kan lo inkawm a , Grace nen pawh mak takin kan lo in ngeih viau,kan chhungkua chuan phul chungah thu in kan lo ti ti mawlh mawlh,kan thusawi tak erawh ka hrethei chuang lo . Kan lo inkawm tui em em ringawt ,ka pa ka hmu phei chu ka hlim zual “ Nu ,pa nu ka ni ve tawh dawn a sin " ka tihchuan ka nu leh pa chuan ka lu ah an lo chul,an hmel ah chuan an hlim takzet tih ka hre thei “ I pasal leh i fa thlahthlam ngai lo la,kawng engkimah i pasal thu zawm ang che " tiin an bo riai riai 

Ka in let that that,ka sama rawn khawih tu chu meng siar siar in ka en ran,ka pasal lo muhil mangchhe thil tih chu lo niin,a harh emaw tihnak a lai a tawng nuah nuah ,ka phone khum bula a dah chu la in video in ka laksak,ka nuih aza lutuk hepa hi a tawngvai nia “ Ka naute " tiin a tawng a ,a inlet thuk ,ka nui chhuak lo chauh tawh . Kum 38 ah pawh naupang ang maiin a tawng vai chu ania ,ava han cute tak nitin hian a nunah thil thar ka hmu nimaiin ka hria.

Phone chu dahin a hmai fang chu ka chulsak,khua avar titih tawh a ,ka mu duh tawhlo ,chhunlama mut leh law law ka duh zawk ,intifaiin ka inthlak a ,ka pasal erawh ala mutui viau,choka lamah kalin rawng ka bawl mawlh mawlh,ka nu leh pa hmel hlim sar ka hmuh khan mumang mai mah nise a tak angah ka ngai hmiah,chu chuan hlimna leh thlamuanna min pe a ni “ U ka lo pui ang che ' Chamchami pawh a rawn tho chhuak,kan pahnih chuan titi pahin eirawng chu kan bawl dun mawlh mawlh .

“ U Kyle hi ka tan a tha lo viau angem? A chhan chu hnamdang a nisia" a tihchuan ka nuih hak,ka thusawi kha a la hre reng a nih hmel “ Tha lo lo ve,mihrang a ni hleinem,tunah phei chuan kan chhungkaw zinga mi in ni tawh a ,mizo tawng lah a thiam tawh hle bawk,a ngaihsak zia che ka hria alawm,ka sawi tawh kha hnamdang mipa pawh nise a hmangaih che a i hmangaih bawk chuan a pawilo,min hmangaihtu hi an hlu ber ,hmangaih miahloh neih tum ai chuan kan hmangaih te chu eng mi pawh ni rawhse kan nei mai tur a ni.

I hnampui kher hian an hmangaihlo che a ,i tan an tha veklo,tunang ah phei chuan mipa rintlak hi an vang tawh a ,chhungte thawhchhuah ringa khawsak tum hi an tam tawh nen mipa rintlak tak i tawng hi ka chhuang zawk che " ka tihchuan thaw huai hmel a pu “ Dik tak chuan mi hian hnamdang nei te hi kan hmusit leh lutuk a ,mahni pawh hian hnamdang kan nei thei tih hre miahlo leh a inhmangaiha te rilru hre hauhlo hian mi hi an dem nghal vak zel a .

Kan iai em em te lah hian hnam an thliar ve hauh silo,ni e i ti dik Kyle hian min ngaihtuahin ka thinrim tawh chuan min dawh thei zawk ziah ka bialpa hmasa u Mapuia nen kha chuan an dang lutuk,a ni kha chuan a duh dan chiaha awm turin min duh a ,mi hmaah min zahpui leh tho sia Kyle erawh hi chu a nimiahlo " a tihchuan ka lo bukpui nghat. Kan tunlai khawvel thang zel hian mi hlauhawm tak tak a hring chhuak a ,nupui te thah duh hial lah an bang heklo,heng te ngaihtuah hi chuan hmeichhe tam takin inneihna an lo duh thinlo te pawh hi ka dem ta em em lo.

Dar 9 velah kan mipa te pahnih pawh lu thur em em in an rawn chhuak,an intifai hmasa lo tih a hriat an pahnih chuan tv enin a changin an inhnial leh ,in haw silo inhnial lo hian an awm thiamlo a niberin ka hria .