THE BAD BOY RULES CHAPTER 7

THE BAD BOY RULES 

CHAPTER 7

ZOMUANAWMI POV...

Class ka kal leh thei tawh a ,ka bag nen Chuan muangchangin college lam pan tumin ka inher a ,ka bike dahna bula rawn tlan fua ka hriat rualin Dylan a rawn lang nghal zat ,nimin piaha kan awmdan ka ngaihtuah a vang chuan ka sa hat hat mai ,a bulah thawveng tak leh natna hrelo in ka awm a ,Kan infawp bawk a nihkha ,tunah phei Chuan ka damlo min ngaihsakna khan amah min ngaihven tir lo theilo .

Ka bulah a rawn din chuan ka lo en deuh ha,a nui suk a ,a nalh leh pek tawh a sa hi a mukin a pian a nalhin a inphiar fat a ,a mah hi a cher chi a nilo bawk nen a thawmhnaw hak engpawh a inhmeh,a sam a tiphir leh a ,nidang ang bawkin t shirt dum nen ,a jeans kekawr hak pawh chuti bawk ,ka kutah a rawn vuan a “ I ziaawm tawh maw " a tihchuan ka bu nghat,ka damlo a bula ka taha ka thusawi a vang khan min ngaihsakin zanlamah pawh a rawn leng zui a .

Ka pa nen pawh an inkawm thei viau ,kei erawh tv enin ngawi rengin ka awm tawp kha a nia ,class lam panin min kal pui a ,kawngka ka lut tur chu min pawt letin a mah zawk chu kawngka chhung lamah a hnung a dawh a ,a ri nghal thlawp ,ka en chhoh rualin mitmeng thuk ruihin min lo en ,mahse a hmelah chuan thinrimna a lang nghal class room chhung lam chu melhin Felyna bat kenga lo ding chu a melh nghal run,an awmdan atang chuan keimah zawk min vuak a tum a nih hmel ,rapthlak ka ti takzet .

“ Nangnu vang hian ka bialpa ka chan tih i hria em" Dylan en lo chuan keimah zawk chu min en a  hmelah chuan a na ve hle tih a hriat ,mahse Dylan hian a bialnu a nihloh thu min hrilh fo a ka awih ve tawh ,Felyna zawk hian a zarbuai hneh em a “ Ka hrilh chiang tawk tawh che Lyna ,Zomuani hi hnaih tawh suh tuna i tihtum ang kha iti leh a nih chuan keimah ngei hian ka khawih tawh ang che,hmeichhia inihna a vangin ka insum tih hria la ,khang thil kha vawikhat mah tih tum leh tawh ngai suh" thinrim tih hriat zet hian Dylan chuan a tirum hrawk .

Felyna chu a tap nghal pur a “ Engtin nge itih theih ,min duh ang takin i lang der a ,mahse min bum leh si a maw ka hua che Dylan hassin " a aw ah chuan a na ve hle tih ka hria ,ka dem biklo Dylan hi a duh ve em bawk a ni“ Ka bum lo che nangmah pawh khan i hriat khawp kha ka hnaih duhlo chunga min zar buaitu zawk ini" Dylan chuan a tileh a min kalsawn pui nghal ,class chhunga awm ho lah chuan min en thup bawk si,ka thiante pahnih ngei pawh chu an bang lo ,ka thutna ah chuan min thuttir in min nuih leh suk a ,tunah hi chuan Dylan hi ka hmu pa hluah hluah .

A thutna lamah letin a thiante nen chuan an infiam nghal nak nak,ka thiante lam ka en chu zawhna ngah tih hriat tak hian min en a ,Thana phei chuan mak a tihhmel zual,an pahnih chuan thil awmzia ka hrilh mawlh mawlh a ,awih chiahlo in Dylan nui hawk hawk lam chu an en a ,midang pawh chuti tho Dylan hi hetianga a nui an la hmu ngailo miau ,a nuih ve chhun pawhin a kiai suk thin chauh kha a nia ,Ruati chuan “ Awi a mak e " a tihluai a ka nuih ringawt,chiang Tak erawhin kan in ngaizawng tih ka sawi theilo a chhan chu ka la chhanglo tlat .

“ A tirah khan hnaih ka duh biklo,a mizia kha a huat awm em a ,mahse ka damloh ni khan Dylan mizia dik tak ka hmu nimaiin ka hria ,ka beiseiloh deuhin min ngaihsakin amah ring tur khan reilo teah min siam a ni ,ka chungchang zawng zawng inla hre lo ang,mahse ka nghah fo chhanna chu ka hmu ta in ka hria " Dylan en pah chuan ka ti sep,ni e ka nu leh pa lak atanga ka dawn ngailoh reilo te chhungin ngaihsakna leh ka pawimawh ve a ni tih min hriat tir ,English teacher rawn lut chu muang ruih hian a rawn kal a ,a tarmit phen atangin min bih kual leh duk duk tawh,amah hi hmelchhia chu a nimiahlo.

Mahse awm ho ve tak mai a nia ,a zirlai te hian an duh duh danin an be bawrh bawrh thei a ,a lehlamah chuan a tha phian,ka mut chhuak lutuk chu ka ham buai buai a ,dawhkan ka bawh nghal hnawk “ Zomuanawmi kha chhuak rawh " a rawn tihchuan ka meng vat a rum zetin min lo melh ,ka din chhuah rual chuan “ Mi hausa fa nih a vanga inlak vak a ngai lo " a rawn tileh kher ,mahse ka la ngawi tlat tho midang chu an lo nui hak a ,min nuihtute ho chu ka melh diat diat “ Mi hausa fa nih avanga inla vak ka hmu lo " aw rawn chhuahna lam chu kan hawi leh thup .

Dylan chu muangchang hian a tho ruai ruai a “ Tin zirlai dang pawh an mu thlu ve tho a ,Zomuanawmi a nih avang kherin leh i fanu hmelma a nih avang in i sawi kher te a nilo maw " a tihzawm leh ,sir hi Felyna pa maw?ka la hre hauh lo ,sir hmel chu a sen tawn tawn mai,midang pawh Dylan rawn din a vang chuan tumah bengchheng an awm tawhlo “ Keipawh mihausa fa nakin lawka Dubai lal la nimai tur ka ni bawk nen ka lo chhuak mai ange " a tikher a ,midang chu an phun nghal mur mur ,Dylan chu an zah zual sawt ang le ,ram khat Lalfapa a ni miau a .

Ka kutah kaiin pawnlam min panpui ,ngawi rengin ka zui ve det det ringawt ,class dang kan kal pelh lai te chuan min en haw haw tawk an lo awm a ,hmeichhe thenkhat lah chuan thik hmel zetin min lo en bawk “ Dylan khatianga tih kher kha a ngailo a sin ,ka thiam loh zawk leh nghal " bike bul kan thlen rual chuan ka ti nghal zat,midangin min ngai khawlo vek ang tih ka hlau ,a bikeah chuang vutin “ Leng ang " tiin a helmet a khum nghal a ,chhan hman hi a nilo reng reng,Len ka chak ve tho nen ka bike lam chu ka pan a ,Kan college awmna hi a fal deuh bawk a,chungin lirthei a tlan tamlo ,nuamsa takin kan tlan thei tihna .

Dylan bulah chuan ka va ding a ,min rawn enin keipawhin ka lo en ve ran ,helmet erawh khaw lum em avangin ka vuah duhlo,Chu chu a hmuhin rum nghut ,a bike a tanga rawn chhukin ka helmet chu la in ka lu ah a vuah lut chawrh a ,ka lo aih ah tuar ,rum zeta melhin a helmet chhanah vek chuan ka beng ve bu ve lawp,a kun ve khun tho,ka bike hi KTM rc 200  a ni a Dylan erawh rc 390 a nithung,a bike pawh a Black leh a red a ni leh tho,a helmet chenin mahse mipa chuan a dum hi an in hmeh ka ti ber ,kei erawh black leh lime a ni thung ,kei ka lian uchuak lo nen ka inrah khalh pha tawk tawk.

DYLAN AND ZOMUANAWMI

Helmet chhanah chuan ka lu a ti kual nawk nawk ,ka duh biklo chuan a nghawnga kuai kunin ka chum bur bur ,a tawpah in thlah ve ve in ka insiam tha “ Vawikhat mah helmet khumlo in awm tawh suh" atihchuan ka lu a ka kut dah zauhin sipai ho tihdan ang chuan “ Yes sir " ka tizat ,a bike lama a let lai chuan ka tlanchhuah san phut a ,a duh leh min rawn um rawh se ,Hmuifang kal ka chak avangin chulam pan chuan ka tlan zel ,Dylan pawh ka hnung maiah a rawn tlan a ,ka nuih pah .

ZMC kan tlan pelh rual chuan chak zetin ka tlan leh a ,anipawh chuti tho mahse kawng a chhiat deuh avangin ka tlan muanga ka zawna a rawn tlan rualin “ Tlan chak tawh suh "tihzawng a sawi,ka lo bu ve mai ni e tunang laiah chuan accident a tam tawh a ,kan thih tamna ber pawh lirthei leh ruih hlo a ni ber ,hman angah vhuan a upa pa thi tur Khan an ngaiin a dik chiah bawk a ,tunangah erawh kan thlanmual han en Ila thalai thi kan tam mah tawh zawk ,hmanlaia awm ka chak thin tunang lai natna te hi hrelo in hlim takin an awm thei tho a .

An nunah hausak duhna in hmun a khuarlo ,pawisa a awmlo a in rel leh in sawisel,tihduh dah ang kha a awm em em lo bawk,ka pasaltha story tam tak ka chhiar atang hian hmanlaia awm ka chakna a zual phah ,Kan tlan chak pangngai bawk a hmuifang pawh darkar2 vel tlan hnuah kan thleng a ,bike chu thing hlim hnuaia dahin a tlang tak kawng sira cham put ah chuan kan kal a thli a tam nghal hle ,thutna tura an siamah chuan thu dunin ka titi chu a ngaithla a ,nuam ka ti lutuk chu ka ban pharin ka au chul ,mit chhingin thli rawn thaw chu ka inchhem tir ,ka ding chhuak pah bawk 

“ Awm reng mai ka chak tihian nun zalen tak ka nei nimaiin ka hria " min chhan mailoh avang chuan ka meng chhuak vat,mitmeng mawi zeta min lo en in a nui suk,ka bula rawn tawlh hnai chuan “ Ka bialnu ni tawh mai la " tiin Zoram tlang dung inkhawh zui chu a thlir ve ,romei zamin a bawh deuh a vangin chiang tak erawhin kan hmu thei lo thung “ Ih ka hrelo " chubak chhan ka pe thei rihlo,ka chhan dawn hian eng emaw hian min dang tlat zel,hlauh thawnna ka nei bawk ,Resort lamah kalin a phul hmun khualzin hiptu ber awmna ah chuan kan kal a ,thingin zar bukin a rawn hliah pheina chinah chuan ka thu dun a .

A darah lu min nghah tirin “ I mut ala chhuak em " ka sam thliin a chhem zawnga leng chu a kut chuan a chul mam a ,ka mut chhuahloh thua chhangin ka phone chu ka phawrh nghal vat ,thla ka in lak tir a ka awmdan chu a nuih pah hawk hawk keilah ka in post mak thei bawk sia ,a awm ve dang ho pawh chuan min en in an nui an nui mai,Kan let lehlamah hmun fal deuha eitur theitur vel lo zuar chu panin dawnfawh le nimbu tui chu ka lei a ,khua a lum bawk em a ni ,dawnfawh ka eizawh min nghak a ,a duh leh duhloh ka zawh chuan a duhloh thu sawiin ka bulah a lo ding ngawi ngul .

A ka an tirin ka barh luih hram kha ,kan tlan chhuak leh a mahse thui pawh kan tlan hmain kan hmaah motor a rawn ding ,Dylan nen pawh kawng a te bawk nen a kham phei zawng khera a rawn din avang chuan dinloh theihloh le ,kawngsirah kan bike dahin kan chhuk a ,mahse motor chhunga rawn chhuak te hmel leh an hmanraw ken a vang chuan ka hlauthawng nghal hle ,Dylan chu rum nghutin a hnunglamah min dah a ,chung ho chu tawng hriatloh hian a bia ,a aw ah chuan a thinrim hle tih a hriat ,Kan hma a mite zinga pakhat chu a nui huah huah a .

Dylan chu a chema tinin a tawng let ve ,an tawng hman a dan a vang chuan engmah ka hrethiamlo mahse Dylan hmel atang chuan heng mite hi an hlauhawm tih ka hrethiam ve vek “ Ka khawih chhungin kan bike hi ilo thukru dawn ania ,heng hi chu ka hneh thei mai ang,mahse an hnungah zuitu an nei ngei dawn ,an rawn thleng har bawk lo ang,chuvang chuan chet vat angai tunah " tiin chung ho chu a pan a ,bike chu kawngsir biru laiah ka lo dah,ka hmanhmawh hle bawk ,hmanrua an hum bawk nen kan hun tawn chu a buai vekin ka hria .

Ka let leh lam chuan pahnih chu thi hnuangin leiah an lo mu a ,Dylan pawh a chau tan tih ka hria tun hi anilawm ni mahni invendan ka lo zirthin hman hun chu,hnunglam atang chuan pakhat chu ka tlawh tlu tawp a ,Dylan pawh chutia ka chet avang chuang muanglo in an vai chuan nikhaw hrelo in a siam vek,silai a rawn rik rual chuan Dylan chuan min bawh tlu in rang zet chuan min dinpui leh a ,ram lam pan chuan chak zetin kan tlan dun nghal ,Dylan sawi ang ngeiin an thiante chu an rawn thleng ve tih ka hre bawk .

Hmanhmawh zetin kan tlan a,kan tlan rei tawh bawk nen ka chau takzet ,ka thaw hlawp hlawp “ Dylan ding ang " tiin ka thu hnawk a ,ka tlan thei tawhlo “ Min en teh ,intichak rawh kan pahnih tan ,khang mite khan min um phak chuan min that ngei ngei dawn" a ti fan ruih a,muangchangin min pawt tho a ,keipawhin rilru no putna hun a nilo tih ka chiang tawh khawp “ Tinge an um zui che a ,in inhria a mi " ka tihchuan “ Ka nunna hi laka ka pa beih an tum,ka pa thatlaia a hmelma pa ,a tihchhiat ta fapa a nih kha , a pa ang chiaha mi bum hmang .

Apa khan ka nu neih a duh avangin ka pa leh ka nu lakah dawt an sawi a,rinhleh tawnna an neih tir ka pa a thi tep a ,keipawh ka fahrah tep bawk " lungawi lo zetin a tichhuak a “ Ka awmna an hriatna a rei tawh a ,mahse duh duha India rawn kal a theihloh,mahse tunah chuan an rawn kal thei ta ngei a nihkha ka nu leh pa biaka vengtu tirh a ngai,keichu invenghim thei mah ila nang ka ngaihtuahlo theilo che ,ka tana mi pawimawh lutuk ini tih an hre vek tawh ang" a tinghet churh ,kan phone kan lo keng hlauha .

Ka nu leh pa te ka bia a ,a ni pawhin a putea a be bawk police ani bawk a,an rawn kal vat turah ka ngai ,khua a thim tan a ,ramhnuai lah chu a thim khup tawh kan chhaklamah chuan thawm a rawn awm a ,Dylan chuan hnim karah min thutpuiin kan en ran ,a tawpah mi pathum chem keng vek hi fimkhur vaklo in an rawn kal hlawk hlawk a ,an rawn thlen thui deuh kan nghak a ,Kan zawn an pelh thlak dawn chuan a hnung ta bera mi chu Dylan chuan a pet tlu tawp a .

Pakhat in rawn vih a tum chu che chhuak vatin a kapah ka pet sak a ,a kun nghal ngawih ngawih ka bula thing chu la in a lu ah ka hlap zui a ,a ka atangin thi a chhuak nghal zawih zawih mai ,Dylan chuan pakhat la dam chhun chu a chem ken chuan a vit pawp a ,ka rap hle na in kan tihloh chuan keimah ni kan na dawn tih ka chiang,an thi chiang nge chianglo a en hnu ah ka kutah kaiin kawr ruam lam min panpui a“ An tam tawh lo ang mi pasarih chiah an dam tawh in ka ring,i hlau lo tiraw " a rawn tihchuan ka lu ka bu nghat,hlauhna ai chuan mak tihna in ka khat .

Hengte chu movie ah bak a thlen ka ring ngailo,Mizorama thleng ngat atan phei chuan mahse tualthahna erawh a khat tawk chuan a awm ve reng tho a ,Kan khawvel chhiat tawh zia a tilang chiang nimaiin ka hria ,kawr lian vaklo tui luang dem dem bula zawlah chuan kan awm a ,ka zeplo ka mut a chhuak leh tawh,ral karah awm mah ila mut a chhuah miau chuan insum a har bawk em a ni “ Mu rawh ka lo veng ang che " Dylan chuan ka chala fawh pahin a ti a ,insiam remin a malah ka lu nghat chuan vanlama arsi lang iar chu ka thlir a .

“ Tinge Venus min tih thin a " he zawhna hi ka zawt chak lutuk “ Venus chu Roman ho Pathian pakhat hmangaihna leh hmelthatna hming chawi a an phuah a niin a compare nan Aphrodite an tibawk ,nangpawh chutiang chiah chuan mawina in a a thuam i niin ka tana hmeichhe special tak ka vawikhat hmuhnaa ka thinlunga arsi ang maia cham reng tawh tur inih vang mawle " a tiduah ,thim karah a hmel hmu theilo mah ila min en reng tih ka hria .

Muangchangin a biangah ka ban chho da da a,ka khawih nghal neuh neuh “ Keini pawhin chawngmawii kan timai thin,in hmangaih takte pahnih mahse an chhungte inhuat avanga awm dun theilo ,mahse thih thlenga rinawmte tehkhin nan an hmang a ,an thih rual chiahin vanah an pahnihin fiah taka an eng ni a ngaiin tun thlengin kan Mizo thawnthu a hmun pawimawh ber luahtu te zing a mi an ni,Dylan a tir kha chuan min tihduhdah thin em avang khan hnaih che kha ka duhlo hrim hrim .

A huat khan ka haw hluah hluah che " ka nui pah hak a “ Tunah erawh inihna ka hrechiang tawh ka ring bawk che ,Chuan keipawhin ka nuna Lal leh roreltu niturin Jupiter ka tihche i phal ang tiraw " ka tihchuan rawn kun hniamin min fawp vawng vawng ,ka duh tih ka chiang tawh a ,ka zep thei tawh biklo thih leh dam inkara awm kan ni a ,naktuk hi kan tana ni hnuhnung ber a nithei bawk ,police an rawn thleng thei kher angem tihpawh hriat a ni silo,Dylan pawh chu a rawn mu tha ve a ,a awmah ka lu dahin a darah ka kut in ka vuan bet bawk “ Ka lawm e my star " tiin ka kut chu a hum hnan vang vang .

Keimah zawk hi lawm tur ka ni,in nghahna tlak leh min venghimtu mipa ka tawng ania ,naktuk hun erawh khawvarin a hril tawh ang chu,hei erawh ka chiang Dylan tello chuan he ram hnuai hi ka chhuahsan hauh lo ang

(NAKTUK ZANAH LINK NGAIAH KAN ZAWM ANG AW )