OFFICER HMINGCHHUANAWMA CHAPTER 7

OFFICER HMINGCHHUANAWMA 

CHAPTER 7

“ Morning poppy "Hmingchhuana aw ka hriat rualin ka meng chhuak riai riai ,biang dawmin min lo en kar ,a nui sen sen bawk. A duhawm hliah hliah,ka hnaih sauh a ,a awm chu ka thai sak nauh nauh,mumang a ang rum rumin ka hria ,a hmui no lutuk mipa hmuia mawilo khawpa nalh chu enin ka chil ka lem khawlh,a hmeichhia zawk hian fawh ka chak zel hi amak,Rinchhana kha keima duhthu in ka fawp hmasa ngai hauh lo,mahse Hmingchhuanawma erawh keimah zelin ka fawp chak.

A chungah ka bawk kai, min lo en reng ,a hmui chu ka kutzungtang chuan ka thai sak nauh nauh,a nel thep lehnghal . “ Tinge ka fawh chak zel che a ,ka diklo a niang " ka ti niah niah chu a rawn nui hawk,a taksa chunga ka awm avangin ka che tel dawt . “Ani a lawm i hmui hi hmeichhe hmui ai pawhin a nalh" ka tileh,min rawn enin a mit a kan uk a “ I hmui ta tur bak a ni chuang hleinem "tiin min fawpin min lehthal ,a tak pel silo in kan zo ve ve ,ka thaw halh halh chu min enin ka samah a chul hauh hauh,a nui vur vur reng.

A mipatna chu zahpui lo zet hian a tho chhuak a, min pawm kang nghal nawlh “ Kan innei mai dawn em ni? Poppy i duh angem?" a tihchuan ka bu nghauh nghauh,“ Dan ang ngeia in neih ka duh a ,a theih chuan mahse nu leh pa ka nei tawh bawk silo va " tiin ka phun sep,ka hmaiah khawihin ka hmuiah a fawp leh vang vang a ,“ A pawilo tihdan a awm mai ang,i duh dan thlapin biak inah ngei kan innei ang " tiin bathroom ah chuan min luh pui a. 

Thawmhnaw kan neilo bawk nen ruak ngal ngata awm chu ka zak hle. Ka inhup chawi chawi mai ,ka bialpa hmasa nen khan kal thui deuh chang chu kan nei thin,mahse Hmingchhuana nen a kan thil tih erawh hi chu ka tan thil thar a ni ziah, kan inneihna ka pawm ta mai hi ka tisual angem chu ka hrelo,mahse hun rei tak chhung ka lo duh vang nge pawi tihna ka neilo,a kianga ka awm theihna a nihchuan engpawh ka huam,ka hmaiah a rawn tawk a ,ka hmui chu a buaipui leh tawh .

“ Inbual vat zawk ang " ka tihchuan a nui huk a ,a mit kan uk ukin ka hlau em ni tihchu min zawt ,lu thingin sahbawn chu ka inhnawih malh malh, bathroom darthlalang ah chuan in enin ka nui var var,ka hnung chetah rawn dingin min kuah,a kut lum ham ham chuan ka hnute chu a hum thuk ,mipa hi chuan hnute hi an lo lawm ber a nih hi ,hmeltha vaklo pawh an hnute a len phawt chuan an hmu hmel tha vekin ka hria ,chu chu tunlai social media lama ka hmuh tam ber a ni bawk..

Hmeichhe duh an sawi sel a ,hnam dang an nig phei chuan an edit chhe thul,an sawisel sak peih ang hian hmeichhe ho hian sawisel ve ila in tluk lo min tileh awm sia,chu chu thangthar tleirawl leh tlangval ho mizia a ni tlang pui tawh bawk. Akut chu ka lasawn “ I status a hmeichhia ka hmuh hmasak ber ni chu i thih ni a nimai " ka tihchuan a nui hawk hawk “ Ka tifiam lo a nia aw , eng hmeichhia pawh hnamdang an ni emaw pawh nise i hman ni la la in kan inkar a tawp ang " ka tihchuan ka nghawngah chuan a rawn fawp zauh.

“ A thleng ngai lo vang,min then i tum rualin kawl i bun angai ang,tichuan ka inah ka thlung bet ang che ,Poppy ka neih chhun leh khawvela ka hmangaih ber ini tih hi hre reng rawh " a tihchuan alamah ka inher ,a nghawngah kuahin ka en vang vang,a hmeltha lutuk hi ka phu hlawllo ,ka pian leh ka san zawng chiah hi ka taksa a ka chhuan ve chhun a ni . A mipatna khawng deuh luah ka hmuh chuan ka hawisawn vat “ Tireh vat teh" ka tichul a nui hawk hawk “ Tihreh dan awm chhun i hriat kha Poppy" a tihchuan “ I hur " ka ti vak .

Mi mah zak chung chungin kan awm lui a ,hetiang leh zel chu ka tih hreh zawng tak. Hmingchhuanawma nilo phei se chuan ka ngam lo vang,ka hmuiah a rawn fawp a ka bawp chu chawiin a kawngah a kherh tir ,a kap a thil awm chuan ka bawp inkar a mi chu a tiza chiai chiai thei “ Bibi" thaw halh halh in a sam chu ka tham a ,ka fawp let ve zel . Bangah min nawr betin ka mawng chu a tham tawn tawn,a insum theihna a pan tawh hle tih ka hria , kei ngei pawh ka bang lo ,hetiang khawpa mipa min hip nasa tu hi ka la tawng heklo.

Ka tha a khur a ,ka lungphu a rang a ,ka ngaihtuahna a tibuai vek thei bawk . A rim tui zet chuan suang tuahna ramah min luh tir ,a thil tih avang chuan ka ngaihtuahna atanga harh zawk,a hnungah ka tham vak “ Hmingchhuan duhtawk rawh " tlem a rawn nawr luhna pawh chuan min kam tun “ Poppy ka hmangaih che ,hei bak ka pello vang" tiin min kuah nghet sauh,a aia na a banga min nawr betin a chet zawm,a sawi ang ngeiin a bak kan pello,ka hmuiah a fawp tawn tawn a ,min hmer pah bawk . Insum a tum nasat zia ka hria .

A insum hmel hi hmuh hrehawm ti viau mah ila kan inneih zanah ngei hman ka duh a ni . Chu chu nakinah pawh ka tan a ka zahawmna humhim theih na a ni . Tunah hlan pawh ni ila min tih hmingchhiat chu ka ring chuang lo,mahse inneih zanah ngei hman ka duh,kohhran te hriat pui leh Pathian hriatpuina ngeia inneih ka duh chuan tuna kan insum hi a ngai a ni. A zawh hnu chuan a thaw ta ham ham,a hmaiah chuan ka chul sak “ I insum theihna a vangin ka lawm e ,Dik tak chuan hetiang lamah hian ka hlau thawng a ni. " tiin thudik chu ka hrilh tawp .

Tui chuan min in tleng puiin towel chuan min tuam nghal zat “ Engmah hlauhthawnna tur a awm lo,i kiangah ka awm reng dawn alawm" atihchuan ka ring thlap . Min kalsan keipawhin ka phal tawh lo,a hma in ka hriat lohna avangin ka chan tawh a ,tunah chuan chan nawn leh ka duh tawh lo,ka tan chuan mipa tha ber ani a ,ka in nghahna a ni tawh bawk. Rinchhana ka ngaihtuahna tur lak atangin min la sawn chiang hle bawk .

“ Vawiin enge i tih ang?" ka tihchuan ka sam hruk pahin “ Ka hna ngai ,hmanniah tualthah thubuaiah mi kan mana tunlai chu tualthah a tam sawt khawp mai,Mizorama thleng atan chuan a rapthlak ta khawp mai,lu la hnam min tih na atangin Christian tiin kan in vawrh lar leh a ,mahse tunah chuan tualthah hmang tih bawkin kan lar leh dawn a nih hi " a tihchuan ka pawm pui viau ,tualthah hi a nuam viau em ni le ,mi pa ,mi pasal,mi unau ,mi fa an that a inchhirna an nei ve miah lo em ni ang.

“ Kan ram a tet sa tehreng nen nun tha lo lo kan la lut a ,ram te leh mawl si kan nih ber hi " tiin ka phun sep sep , thawmhnaw ka hak hnuah hna kal turin a insiam chhunzawm ve a ,chaw eikham chuan pawn thleng ka thlah ,ka chalah fawp vang vangin “Ka lo haw leh vat ang " tiin min kuah leh vang vang a uniform hi a inhmeh bik hluah hluah,ka lu bu nghat nghatin ka nuih sen sen . 

Nupa kan ang ka tihle,a nupui tura min duh thu a sawi kha ka bengah a la cham reng, inah chuan keimahte in ka che leh rak rak ,ka ha a vang khan in pawh tifai peihlo in ka awm kha a nia ,tihfai ngai chu ka tifai zung zung,tlailamah pawnah ka vak harha ,Hmingchhuana pawh an hna an bang tep in ka ring ,“ Bawihi " Rinchhana aw ka hriat avang chuan kawngpui lam ka en vat ,a mah ngei a ni ,a inzuah buk in a hmel a pawr fap ,zu a in a ni tih a hriat hluah hluah.

Ka lam panin a rawn pen pawk pawk ,engmah ka sawi hman hma in min kuah bet nghal chawt,ka dawh mawl tawp “ I tha tiraw? Ka ngai lutuk che ,bawihi " a phun mawlh mawlh . Min kuah nghet sauh bawk “ Enge i rawn tih" namsawn tum pah chuan ka ti a ,mahse min kuah nghet lutuk tlat . A awmdanah a hlim lo tih ka hria ,kha chen kan lo inzui tawh a ,a hmel awmdan atangin engkim ka hre vek tawh . Min thlah duh bawk silo chu na takin ka nam leh “ Hetiang hian awm suh " tiin ka nam.

“ Aih ka duhlo,I tello in ka awm theilo tlanbo mai ang" a tihchuan ka thinrim hle ,nazetin ka namsawn lawp “ Enga i fa tlansan i tum a maw? Lalrinchhan ,mipa inih chuan i tih tur hlen rawh . Min phatsan lo la chuan hetiang hi kan thleng kher lo vang,kal tawh rawh. Nupui nei lai i niin i fa a pai bawk ,chuvang chuan thil dang ngaihtuah lo vin i chhungkua ngaihtuah zawk " ka thusawi zawh hma in min rawn fawh avang chuan ka tawp chawt ,thawk leh khatah ka taksa chu a per dawrh. Rinchhana pawh chuti tho .

Ka hawi chhuah rualin Hmingchhuanawma thinrim hmel ka hmu nghal “ Bibi" ka kohna chu hrelo ang maiin Rinchhana lam chu hawiin a hnek nghal thuai,ka rak that mai . A palian nasa mai si Rinchhana chuan tha ah pawh a hneh dawn lo tih ka chiang,a khawih zawm leh tur chu ka va dang ,rum zetin min en “ A kianga let leh i duh anihchuan sawi rawh tichuan ka kalsan ang cheu,hepa hi ilo la hmangaih reng em ni?" a tihchuan ka ang pam.

A thusawi chuan min thawn zia a hre hauh lo vang,kan in ngaihzawn chhung khan Rinchhana hi ka hmangaih ngai hauh lo tih ka chiang,ka duh ngeia mahse hmangaihna a tello tih ka hre chiang “ Chutiang a nilo i ngai diklo a nihkha ,kutthlak hmang i nih ka duh lo, police pawh ni la mi ngaihtuah chiang miahlo a khawih lo turin ka duh che " ka thusawi avang chuan a thinrim hmel hle ,Rinchhana chu a thlah a ,a nui ro hawk Rinchhana mi rawn pan chu “ Haw vat rawh" ka lo ti that ,a kalsawn hnu chuan Hmingchhuanawma chu ka en .

Pan mai ka tum chu min nam dawrh,leiah chuan ka thu hnawk mai ,beidawng duhlo in ka tho va ,ka pan lehnghal zat “ Min rawn hnaih suh,i la hmangaih a nihchuan pan ang che . Keichu ka tha " a tihmuk a ,a Bolero lam a pan nghal hmawk hmawk chu a hnungah ka um zui “ Mahse ka hmangaih silo a lawm,ka hmangaih thu ka la hrilh ngai heklo,tumah mipa reng reng ka pa tihloh ka hmangaih thu ka la hrilh lo, Bibi min ring hram rawh " a kut a vai hluk,a motor kawngkhar a hawng chu a hnungah ka zuang kai, Bolero chhungah chuan a bu lut lawp.

“ Enge i tih chhuk rawh "a tihluk “ Aih i lungawi hma chu ka bet reng dawn ,Rinchhana khan ka inrin loh laiin min fawp ringawt a nihkha ,Hmingchhuanawm thinrim ringawt suh " ka ti that,min thin thlak tumin a che vak vak,ka ke leh kut her remin a hmalamah ka insawn phei,a nghawngah ka uai nghal chat. Min tih nat a hlau ru tih ka hre reng,a chhan pawh a duh chuan na takin min paih thla thei tih ka hria “ Thinrim tawh lo la ,Bibi ka sawi tawh kha a kiangah kir duh ni ila chuan nupui a neih hma khan ka tlanbopui tawh ang " ka ti leh sap.

Min en run run in ka mit takah khawdang hawi miahlo vin a rawn melh,ka lo en let ve kiau bawk,in lamah min pen pui takah chuan ka thaw huai mai ,a awmah chuan a lungphu ngaithla in ka bei kar,pa leh fa thiamlo deuhva in awi kan ang ,dawhkanah thu in min en leh ngat ,ka lai lek lek mai ,a mal chungah chuan ka thu ran ,a chak bawka rit min tih hmel vak loh “ I duh loh zia te chu fiahta che" tiin a kut a la sawn a ,a duh ka hria . Ka khur nghal der der mai .

Muang changin ka hnaih a ,a hmuiah chuan ka tawk de de ,min chhanglo a chesawn heklo,ka chet hmasak a phut ziah hi enge a ngaihtuah pawh ka hre lo,rawngbawl ka ngai a sin le . Min chhan let hma a ka tawp chuan a lungawiloh ka hlau bawk si ,“ Bibi" ka nuih tlawn ,ka inla no kual vel chu min en run run in min namsawk ,ka va han ning tak “ A tawk ka peih tawh lo,min rin duhloh leh i thu a lawm,beisei tur ka nei tawh chuang lo ,kal rawh nang chuan hmeichhia i van dawn hleinem.

Ka tuar thei mai ang ,kal rawh Bibi" inherin choka lam ka pan hnak hnak,dawhkan chu nemin ka thaw ham ham . A kal leh kalloh hriat tuma ka inher chu ka hmaah tak a lo din avang chuan a awmah ka in tauh dawt “ Enge i hriat" ka ti that “ I pasal tur hmuah dan pawh i thiamloh chuan engtin nge ka nupui i nih hunah kan in chhawn thin ang,min bihruk san reng mai dawn em ni?" a rawn tisup,a hmelah thinrim hmel a lang tawh lo va ,a dam leh dup tawh ,a mit hmul buk tha zet hnuaia mitmeng buang khak chuan min en ngar .

“ Ka hmeichhe duhloh kawp luih ka theih i ring em ni? Engtin nge khatianga hmeichhe dang hnaih tura min ti thei nge inih Nunzampui" a tihchuan ka chil ka lem khawlh “ Awmsawn rawh rawng bawl lai ka nei a nia " tiin namsawn ka tum,nui sukin ka hmuiah a rawn fawp a ,min zut leh nghal dan dan hetianga awm reng hi ka duh lo “ Hmingchhuanawm duhtawk teh,khawi maw ka antui chhum tur ka vil a ngai a nia " tiin ka fian pui chuan a lu ah ka tuk lawlh .

In tuai vut vut in a kalsawn,pawnlamah chhuak in a reh deuh vung vung hnuah a rawn lut chuan bag a rawn khai lut ,phawk zetin ka lo en thung“ Ka lo insawn dawn ka tihkha ka thawmhnaw nen tikhan min en suh " tiin ka room lamah a lut ,he mihring pa hi a mawl tawh a ni hrim hrim ang ,reilo te hnuah a inbual ri ka hre nghal,nui sakin rawng chu ka bawl zawm mawlh mawlh, Chaw eikhamah checker kan khel dun,kan chalah kan in kuk leh lawlh zel . Mahse a ni chuan min kuk na duh lo ,kan nin hnuah movie kan en dun leh .

A dar nghengin min mut tir a ka nui var var mai ,a sir zawng chuan a hmel chu ka thlir,a hnar ngul nalh lutuk leh a hmui nalh zet chu ka thlir dauh dauh,hmeichhe hmui thenkhat ai a mawi a neih vang pawh hian sexy ka tizual,a hmel nu nisilo hian a hmui hi a nu ka timai,chu chuan a ti duhawm . A hnar hmawrah ka hmet sak thut chu a ka in a thaw hawk ,ka kut a vai thla nghal . Ka nuih uar uar mai “ Nang te hi engvang mi thaw tha hle hle lai hnar hup sak nge inih " tiin min dek,ka nui uar uar mai .

“ Mi awm tha hle hle lai khawih nawk nawk te hi a nuam ve a lawm,naute tlei deuh biang piai sak leh pawm nawk nawk te hi a nuam bik" tiin a dar bawk chu ka ngheng leh than.

ZAWMNA...

Ka mal chungah a muhil a ,a sam buk deuh chu ka tuai sak hauh hauh,a muhil hnar chu ka nuih var var mai,a hmaiah ka chul saka he mipa hi ka tan a lo pawimawh zia ka hriat belh zel a ni. Hman atang tawhin,ka tan alo pawimawh in a hlut zia tunah hian ka ngaihtuah chhuak chauh ani,a taksa lian pui chu sofa ah leng heklo chhuatah a dahthla zuara,ka nui deuh hak,a phone a rawn rik chuan ka en vat “ Remi junior " tih atangin a ni .

Lak ka tum lo uka mahse ka la ta tho “ Sir ilo leng dawn lo vem ni,ka nghak che a nia" a rawn tihchuan ka thinrim hle “ Bibi chu a mu tawh a " ka tihchuan a reh vang vang,a thawhpui nu kha a nih ka ring . Ka dah tep tawh tih ah chuan “ Engvangin nge i bulah a awm tunge inih?" A rawn ti that “ A bialnu" ka tihchuan thinrim hmel zetin a rawn ang,ka dah hmak. Hmingchhuanawma chu ka en,ben sawk mai ka duh,ka thinrim lutuk chu ka inhum ruh. Khanu in a rawn biak peih danah an innel hle tih ka hre mai .

Ka thaw hawk,an in ngaizawng angem tihchu ka ngaihtuah,a chhan pawh hna thawk tlang leh nitina inhmu reng an ni dawn a ,an induh viau mai thei. Mahse Hmingchhuanawma hi ka ringlo ngam chiah bawk silo,a rawn che tuah tuah chu ka en. Ka lungawi lo lutuk chuan nam thlak tawp mai ka duh rum rum ,a rawn meng duar duar a,ka mitah tak a rawn melh ta ran mai . “ Eng vang in nge i hnuaia nu nen hian min kawp tlat anga hriatna ka neih " ka tihchuan a ngaihna hriat loh hmel zetin min en .

Chu chuan ka thin a tirim zual,ka tum hmak “ In in ngaizawng em ?" ka tihleh chuan a rawn tho chhuak tuah tuah “ Ka mutthilh chhungin enge ilo tihchu ka hrelo,mahse Poppy i ngaihtuahna kha a atthlak takzet " a tihchuan rum zet in ka en“ A rawn phone a ,i leng fo thin a ni tiraw ? A rawn tawng danah khan engkim ka hrethiam vek ,in inkarah eng emaw a awm tih ka chiang bawk,awm lo se chu khatiang khan arawn tawng nghal ngawt lo vang " tiin a phone chu ka en .

Ka sa pup pup mai ,message te chenin an inbia tih ka hriatna chuan thikna min pe nghal pang “ Ka delete dawn " tiin a number chu ka hmet chhuak,rang zetin a rawn ban “ Poppy tisuh,i duh duhin ka thawh puite number i delete theilo,ka tan tangkai hun an nei thei ,tin kan inkara thil awm anga i ngaihna kha dah bo rawh . Engtin mah ka awm pui lo " a tihchuan ka nuih hak “ In message thlum tak tak te hi engmah a nilo maw ,Hmingchhuanawm nikhat te pawh ka tan i rinawm theiin ka ring lo .

Delete i phal lo bawk a ,tih tur ka neih tawh loh ang chiah in nangpawhin i nei bik lo ,chhuak rawh . Tenawm lutuk,hmeichhe dang min tawm pui theih mipa ka duhlo,in inkara thil awm hriat pawh ka mamawh heklo,va leng rawh a lo nghakhlel tawh ang che . Ka tha " tiin ka room lam ka pan hmawk hmawk ,khumah chuan mutha in ka mit ka chhing a ,mutthilh tumin ka bei nghal . Mut erawh a chhuak thei tak tak lo,kawngka rirak ka hriat rualin Hmingchhuanawma chu rang zetin ka bulah a rawn mu a.

Min kuah a tum chu ka namsawk“Inhmu leh tawh lo vang,I police pui a ni bawk a in inhmeh hle reng ang. Ka lawmpui a che u " tiin mut tumin a awmlohna lamah hla fe in ka tawlh ,puan chuan ka in lukhuh hmak “ Poppy " “ Chhuak rawh ,Rinchhana nena kan awm dan mai mai pawh i huat laiin nang chu i junior nen in awm dan i hmuh kana,hetiang chuan rei pawh kan ni theilo ang,buaina nei reng tura in ngaihzawn ka peih lo,ka chau chhuak rawh" tiin mutthilh tum in ka mit ka chhing hmak a .

HMINGCHHUANAWMA POV....

Poppy muhil chu ka en reng,engkimah a thikthu a chhe em em a ,ka lawm zawng a ni daih thung. Thikthu nei miahlo se ka lakah rilru a pe lo tihna ah ka ngai ngei ang,mahse Remtei erawh nau ang bakin ka be ngailo ,min duh tih ka hriatna chu a rei tawh. A ni chauhlo pawhin min beiseitu ka tawng nual,mahse ka poppy lo hmeichhe dang ka la hnaih ngai lo,a nilo ka la khawih hek lo,a in lukhuhna ka hawng chu a ner nang,mahse mu tha leh in ka awm lohna bawkah a inher leh .

Ka nui suk,muhil chung pawhin ka chungah a la lungawi lo ngar ngar chu a ni sia,mu tha in a hnunglam atang chuan ka kuah bet ,min rawn ngheng leh ang lawi si chuan ka nuih a tiza takzet ,ka lam hawiin ka kuai her ,heti taka alak ka insum thei hi a mak zawk. Amah a inven thiam vang te pawh hi a nih ka ring,in ngaizawng tam tak ang chu ni ila kan chesual tawh ngei ang,eng anga ka khawih chung pawhin a thutiam hre rengin a tawpkhawkah chuan a tang leh nge nge thin. Ka thil ngaihtuah avanga ka kap lam che tual tual chu ka hre chiang.

Ka lu thing nawk nawkin ka thaw hawk,ka insum theilo lutuk hian ka khawih chhe mai ang tih hlauh chang ka ngah,ka fawh ringawt pawhin ka danglam chak zia hailo tu ka ni a ,hetiang reng chuan insum zawh loh hun ka nei ngei dawn ,chuvang chuan nupuiah ka neih vat a ngai a ni . Ka chhungte hian an rem tih ngei ka beisei,ka lamah a rawn inher sat sat a ,ka awm zawnah a bei rualin a rawn meng kawk “ Nang haw nghal rawh " rin ang ngei ngeiin a thinrim lehnghal .

Tawng leh a tum chu ngaithla duh tawh lo vin ka fawp nghal nawk nawk,min namsawn tumin a tal kual nasa hle ,a chungah ka bawk kai vat “ Poppy thinrim tawh lo teh,officer ka ni a ka hnuaia thawkte number neih chu ka tih tur a ni,a chhan chu enghunah pawh phone emaw thil pawimawh sawipui an ngai thin,ka duh vang ni lo vin ka hna in a ken tel a ni " ka tihchuan min rawn enin “ A ngaizawng che tih ka hria ,a rawn au vak vak a ,engmah i hrelo . Khatiang hmeichhia kha ka ngaina lo,keiai in inhmu hmasa a ,keiai i nunah a pawimawh thei bawk .

Keiaiin a nalhina hmeltha a ,i duh i thlang thei a lawm " thinrim a ang tawh lo . Beidawng aw a ni ,a hmai thukru in a ngawi ta ngar “ Poppy " min chhang tawhlo,a muhil lo tih ka hrechiang bawk “ Ila muhil lo tih ka hria a nia " ka tawng chu vawikhat mah min chhang lo,a hmel entumin ka che a ,a kut chuan a lo paih thla zel “ Lalnunzampui ,engvanga thinrim nge i nih " ka ti deuh tuar ,“ Kalbo rawh" a rawn tih tiau avang chuan ka meng kawk,a tap tih ka hre chiang lutuk.

A rilru no zia hmana tangin ka hre tawh a ,hoteah pawh ngaihsak a phut em em bawk . A duhlohna ah erawh a luhlul em em thung ” Poppy min en teh " ” Aih min duh tih pawh kha i dawtsawi bak a ni lo vang; chuvang chuan bialpa ka nei emaw ,mipa ka hnaih emaw lo inrawlh tawh lo la ka duh " tiin a ngawi hmak a ,min en pawh a tum chuang lo ,biak leh ka tum chu a hria nge a beng a hup hmak,beidawng zetin ka en,sofa ah insawnin ka mu ta tawp .

Motor ri avang chuan ka harh nghal zawk,tawng ri nauh nauh ka hriat rual chuan pawnlam ka pan,nula leh tlangval rual lo awmin Poppy leh mipa pakhat chu inhnaih chetah an lo ding dun,a mipa chuan a duh a ni tih chiang takin ka hre bawk ,enge tih an tum ni ” Kal vat ang u kan tlai dawn a nia,hmalaia kal hi a nuam ber " an tihchuan Poppy leh chupa chu inkai rialin motor lam chu an pan,ka ngaitheilo hle . Ka pan phei pawk pawk,a pickup hnunga lawn tur kut chu ka vuan bet chawt.

Mak tih hmel taka min rawn enin min melh ram ram “ Enge i hriat ka kut hi thlah rawh " a rawn ti that “ Thianpa tunge i niha,Zampuii khatianga i rawn tih ngawt " titu chu ka melh hrawk,hnek chakna in ka khat “ Enge tih i tum,mipa zui kual i tum a maw Nunzampui " ka tihrawk “ Engmah i hrelo,ka kut hi thlah rawh ka duh duh ka ti ang " a tihchuan ka hnuksawn nghal dawr dawr,ka kutah chuan a lo chum vak vak bawk . A mipa bawk chu rawn pheiin rawn puih a tum a ,ka hnek thlu nghal tawp chu midang pawh an lo au tuar .

“ Hmingchhuanawm enge i tih hi " Poppy chuan a rawn tichiam,buaipui tumin a thu hniam chu phih tho vin ” I ti a nihchuan a aia na in ka khawih leh ang,min rawn zui rawh " tiin inchhung lamah chuan ka kai lut dawr dawr .

LO SAWI RU AW HEI 

(AIZAWLAH UITE A THLAWNA LAK THEIHNA A AWM EM NI? A HRIA CHUAN MIN LO HRILH RU AW ,GROUP KAL TLANG HIAN)