OFFICER HMINGCHHUANAWMA CHAPTER 6

OFFICER HMINGCHHUANAWMA 

CHAPTER 6

Ka harh leh chuan khua a lo thim chhulh tawh,ka bulah Hmingchhuana a awm lo bawk ,a haw tawh a ni ngei ang. Rawngbawl tumin choka lam ka pan,mahse ka mi hmuh avang chuan ka ding chawt,rawngbawlin a lo che kual mawlh mawlh ,ka thawm a hriat rualin inherin min rawn pan nghal zat ,chil lem khalhin ka lo melh reng “ Enge ila tih? " ka ti deuh that ,ka kawngah rawn kuahin alamah min pawt dawrh .

“ Hmingchhuanawm ,awmsawn rawh min thlah nghal vat rawh " ka tihchuan a lu thingin min pawm nghet sauh “ Enge i hriat" ka ti that “ Engmah ka hrelo " a tihchuan ngei lutukin ka melh“ Min thlah rawh " “ Aih " kan inmelh rum tha viau tawh “ Lerha ,lerhkawh " ka tichiam “ Ka lerh thlawtlo,nangmah a nihkha lerh mipa thutpui dawk dawk" a rawn tih rualin abanah ka seh sak vak “ Hmela lerh te chu min ti duh suh " ka sehna zual sauh “ Nge hmela nupui tur " tiin ka sehna chu enin a nui suk,na ti ang pawhin zu awm duh lo va .

Na a ti tih ka hre reng sia “ Haw rawh " “ Aih" ka thinrim tawh lutuk chu ka sa up up in ka hria “ Ka hua che " “ Ka duh che " a rawn ti ve nghal zat ; hnial pawh ka hnial peih tawh lo “ Ka lenlohna hmun leh ka pawimawh tak tak lohna thinlunga awm ka thei velo,chuvang chuan min kian san zawk rawh ka hua che " tiin ka inher,kha hmeichhia nen an awmdan ka ngaihtuah leh ringawt pawhin ka na ,ka tah a chhuak teuh bawk . “ Lo in lan tawh suh,mipui hmaa i pho chhuah i bialnu kha vuan la ; keichu min ti buai tawh suh" tiin ka inher nghat.

“Lalnunzampui" a rawn ti hrawk a ,a aw ah chuan a lungawi lo hle tih a hriat bawk . “ Haw rawh ka mamawh lo che " ka tileh,ka hmaah tak rawn dingin thinrim tih hriat lutuk hian min melh chhuk run,hlau lo ang tak chuan ka en ve reng,a ngawih vung vung hnuah nui leh in “ Keiin ka mamawh thung che a lawm " tiin ka hmuiah a rawn fawp nghal buan buan,a awmah chuan ka nam vak vak,duhtawk duh lovin min man nghet sauhin min pawm kang nawlh a ,ka hmui hnuailam chu a pet ner ner ,ka nam leh vak ,min thlah rualin “ Hmingchhuanawm duhtawk" ka sawi zo hman lo a hma ang bawkin min fawp leh nghal .

Sofa lam min panpuiin min delh tlu rawk ,ka chungah a bawh meuh chuan a rit ka ti nen ka thaw hak ,ka hnute chu a hrawm bawrh bawrh a ,a thaw pangngai lo lutuk chu ka hrechiang viau, kei ngei pawhin ka danglam tan mek tih ka hailo,ka kawr hak chu hlim chho in ka hnute lang chu a thlir reng,inhup ka tumna zawng zawng te chu phallo vin ka kut a man bet tlat bawk si . A en reng hnu chuan a rawn hmuam chawt a ,ka thawk ka hip ngar ngar ,hetiang hian Rinchhana khan min khawih ngailoh vang nge ka hamhaih rualin nuam tihna riau ka nei lehnghal .

Hmingchhuanawma laka ka insum theilo lutuk hi ka haw ber,hote a min khawih pawhin ka taksa ah nghawng a neih nasat mahnak a laiin hetianga a awm reng phei chuan ka insum theilo mai in ka ring “ Duhtawk rawh " ka tihrualin ka hnute hmur chu a seh ner ner ,a hmui hmul rawn to tan siar siar chuan ka taksa a nawk za chiai chiai bawk ,“ Min mamawh ve tih sawi rawh " tiin ka taksa chu a zut kual dan dan ,“ Ka mamawh ve lo che " tiin namsawn ka tum tang tang,lu thing chung in min rawn en a,ka dul vel chu a thai nghal riak riak.

“ Hmingchhuanawm duhtawk rawh,ka haw lutuk che " mittui luang chunga ka tih takah chuan a tawp chawt,mak ti tih hriat takin min en “ Poppy " a rawn tihchuan ka tap chhuak hlawp hlawp “ Ngati nge hetianga min tih,tinge ka rilru i tihbuai ,engvangin nge ka ngaihtuah reng che ,hmeichhe dang ta i ni tih ka hre chung pawhin ka ngaihtuahlo theilo che " ka tawng chhuak chu a zawi hle nangin a hria tih ka hria ,ngawi reng in min en hnu ah a awmah min kuah bet “ I thik tih i hriat reng chuan engvanga min hlat tum nge i nih?"a tihchuan a awmah ka chum vak.

“ Ka hlat lo che nangmah in a nihkha min hlat ,engmah sawilo vin i lungawi lo ringawt a ,chuti chung chuan kei in ka hlat che angin sawi suh,tunge hla zawk chu i inhre chiang viauin ka ring,ka sawi peih tawhlo . I bialnu chu va buaipui tawh zawk rawh ,kei min buaipui lo vin " tihlarin ka thin rim bawk nen ka tlawh sawk “ Ka bialnu a nilo" a tihchuan ngei lutuk in ka nuih “ E i nupui a nihchu,tunge ig a post zuau zuau kha a tawk ka peih tawh lo min hlat la ,inhre ngailo angin awm ang " tiin choka lam ka pansan .

Min rawn zui em pawh ka hrelo,a rawng lo bawl sa chu siamin chaw ei ka siam mawlh mawlh,“ Min siam kep ve na nge ,ka siam vek an nih kha aw" rawn ti tu chu hnungchhawnin “ Ka in a nia ka awmpui ang ini mai ,ka eitur min siam sak avangin ka lawm e " tiin ka chet zawm mawlh mawlh “ Poppy ka ril atam ania ,i awmpui ka ni bawk a,naktukah ka thawmhnaw nen ka rawn insuan lut mai dawn a sin pi Zam" a tihchuan ngei zetin ka hawi let “ Hmingchhuanawm pitar hmel ka pu mi?" ka ti tuar ,nui vur vurin min rawn hnaih 

“ Awmpui te chuan an awmna nute an pi thin a lawm,my beautiful mistress " ka tum hmuk “ Bleh anih tak chu,awmpui ini bawka ka eikham leh thleng sil la ,nakinah chaw chu i ei dawn a nia " tiin chaw chu ka ei nghal mawlh mawlh,ka bulah a ding a a ner deuh nung ,a ril atam tak tak a nih ka ring, a tawpah a thleng tur la in a rawn thu sawk sawk “ I sual si " titau aw zet leh naupang ang mai a a sawi avang chuan ka nui chhuak lo chauh,a tum bur a mipa naupang ang maiin a hmui a tipawrh tiau lehnghal .

“ Ka sual chuan ei suh" ka tihrualin a ka ah a hmawm nghal hmawk hmawk,a chaw bar lah chu a tilui emaw tih turin a kut lianpui chuan thamin a bar tawn tawn “ Hmingchhuanawm i hak ange ei tha rawh,i ka a zau viau pawhin insum ve ta che " ka tihrualin a chaw hmuam zawng zawng chu ka hmaiah a rawn phuh tuar ,ka tawng lai ka tawp chawt . Ka tap mai dawnin ka hria “ Hmela" ka tivak,za lutukin a rawn nui chhuak hawk hawk ,ka hmaiah leh samah chaw chu an kai luai“ Min nuih suh" tiin ka fian chuan na zetin a chalah ka tuk,ala nui lui zel lehnghal.

A hmai chu a sen vek tawh “ Hmingchhuanawm nui tawh suh aw,nangmah in ei vek rawh ka mu dawn " tiin ka thawh chhuahsan ,ala nui zui chu ke per dawt dawt chungin roomah ka lut a ,khumah chuan ka bawk thla thlawp,hetianga ka inlama a awm reng chuan miin min ngai diklo mai ang tihchu ka ngaihtuah rauh rauh “ Min hmangaih let turin ka phut lo che ,mahse min duh ve hi i thei mai lo vem ni?" ka manglama mi nge pawh ka hriat loh chuan min bia a ,ka hmai vel chu a khawih tih ka hria.

“ Min duh ve maila chuan he ti taka ka nun khawhar pawh hi a bo ngei ang; I bulah ka awm a mahse ka khawih thei silo che ,min duha mahse thuruk angin i kal tir a,poppy mi nunrawng tak ini " a thusawi avang chuan ka meng chhuak riai riai,min lo en reng tu nghawngah chuan kuahin ka fawp nghal chat,hepa hian min nghak rei tawh lutuk . Engtin nge ka lo la induh khum theih zawk ni,a awm chu ka zut sak zai zai,a hamhaih tih hriat takin min la chhang let hauh lo,ka taksa lehlam ve ve ah chuan khum bawhin a la innem khalh reng.

Ka bawp pahnih chuan a kawngah ka kherh bet a ,ka fawp uar sauh,ka muhil emaw ti a a thusawi zawng zawng te kha ka hrechiang hle bawk . Ka thlah rualin min en reng,a mitmu buang lam mah chuan khawdang hawilo vin min en reng “ Ka rintheih nan che hmeichhe dang i hnaih ngailo vang tih min tiam rawh . Min phatsan ve ngai dawn loh thu sawi rawh " ka tisap ,ka thusawi avang chuan a bu ta nghut “ Nanglo hmeichhe dang ka la hnaih ngailo,poppy ka nghah reng che avang hian tumah bialnu ka la neilo va ,fawh pawh ka la fawp lo .

Min ring rawh Kimpuii kha chu i thik nan ka inpuih tir a nihkha ,ka cousin a nia " atihchuan mak ti lutuk in ka en haw “ Engah nge i zep vel a " a bengah ka pawhsak vak “ Aihah poppy ana ania " a rawn ti nghal chung,duhleh ka pawtsen vek law law dawn emaw ni “ Min fawp rawh " a hmel hlimna a khat enchung chuan ka tichhuak sep,ka mit ka chhing nghal daih bawk . Kha thil sawi tur khan eng huaisenna nge ka neih pawh ka hrelo .

Ka khur der der ,a rei em avang chuan ka mengchhuak de de ,ngun lutukin min lo en ,min fiam emaw ka ti hial tawh “ Tihpalh ka sawi lo angah ngai rawh " tiin inher ka tum,ka duh tih a hriat avangin a induh ta mai em ni ang ,chutia ka inher tur chu rang zet in min fawp ,ka chungah a rawn lawnkai leh sawk sawk “ He hmui hi ka ta chiah a ni tawh tur ani" tiin min fawh zawm mawlh mawlh ,ka chhang let ve zel , a kawngah bawk chuan ka inkherh bet ,a thawmhnaw chu phelhin tawnzau nen chauh chuan a awm a .

A sa nghet leh sek deuh chu a lang chiang viau “ Bibi heibak chu pello vang aw,ih a chhan chu ka la virgin ania " ka tihchuan min fawhlai tawp chawt in a awm sawn vat “ Tihpalh " a tihchuan ka ham haih ang reng “ Enga timaw?" ka tihu,min rawn enin ka biangah a piai zauh “ Ka hmangaih hi a thianghlimna ka tihchhiat sak tep si a,tunah chuan ka tan chiah a ni anga,a tana awmchhun ka nih theih nan ka bei bawk ang. I thianghlim tih ka hriatna hian min tihlim a ni" tiin min kuah bet hlan a ..

Ka nui ve var var mai “ Mipa hi ka pasal an nih hma chuan sex hmanpui ka tumlo,eng nge kan thlen dawn a hriat siloh,Rinchhana ka lo hlan lo kha tunah chuan ka inchhir ta hauh lo,min phatsan ta si a , Bibi nang hian min phatsan ve a nih vaih chuan" tiin ka kut chu ka hum ruh “ Mipa hi ka rin leh theih pawh ka ring tawh lo, ka tan a awm chhun ini reng dawn tih hria la ,hman atang tawh khan keipawhin ka duh che ,mahse hmeichhe dang in an hnim hnaih em che avang leh ka laka eng rilru mah pu a ka hriat loh che avang khan Rinchhana kha ka nih pui a .

I rilru dik tak lo sawi la chuan hetiang chen chen min nghah angai lo mai tur " ka tisep,a awmah ka lu a nghata,ka hnungzangah a kut pakhat chuan a chul hauh hauh “ Hrilh che ngam pawh ni ila,ka kal bo a ngai tho tho dawn a chuvang chuan min haw leh mai lo vang maw?" a tihchuan dik ka ti ve tho bawk si. Ka ngawi reng ringawt ,ka hmuiah a rawn tuai chuan ka en chho ha “ I hmelthat zia hi i hria em?" a rawn tihchuan “ Hria e ,ka chhelo bawk" ka tihchuan za zetin a nui hawk hawk .

Min tihlaih a tum tih ka chiang, ka tlawm dawn lo hrim hrim,ka hmuiah chuan a rawn fawp tawka ,ka rak that. Min kuah nghet sauh in “ I ti dik e ,hmangaih loh theihloh leh vei loh theih loh nungchang leh mizia i nei miau va ,muhil rawh le i ha khan tawng tam a natpui ang" a tihchuan a nakah ka sik vak,a tawng thei sawt lutuk hi amak, school kan kal lai a a ngawih chawi tehreng nen..

(Muttui ule, comment leh like kha aw fb lama ka groupah leh a hnuaia enter comment ah hian aw 👇)