OFFICER HMINGCHHUANAWMA CHAPTER 3 ZAWMNA

OFFICER HMINGCHHUANAWMA 

CHAPTER 3 

BY MAWITEI BAWITLUNG

LALNUNZAMPUII POV...

“ Ka bialnu" Rinchhana aw ka hriat rualin pawnlamah ka tlan chhuak nghal hlawk hlawk,kawta a lo nuisang ka hmuh chuan ka pawm nghal chawt . Ka ngai tawh lutuk chuan min insum tir theilo “ Min ngai em em tih ka hria a ka lo haw vat reng a lawm tirawh le,inchhung lamah lut ang ka thil lo hawn che pawh ila en reng reng hleinem " atihchuan inchhung lamah kan inzui lut nghal zat ,a banah ka kuah a a niin ka kawng ah a kuah bawk . A thawmhnaw min rawn hawn chu an nalh leh pek hle,lawmthu sawinan a biangah ka fawp zauh a .

A lawm tawk a tling leh em em tawh mai ,“ Kan thawhna neitupa kha a thi a " ka tihchuan min rawn en vut ,a hmel chu mak tihna in a khat “ Amah thattu ah min ringhlela ,chu tak chu nia hrilh ka duh che " ka tihchuan min rawn melh ngur “ Engvanga nang rawn ring hlel che nge an nih,i tidawn lo tih ka hria a lawm,lungngai suh ka awm tawh hi tumahin dawt hmangin an man hauh lo ang che ,a ngaizawng che mah tih tawh nak a laia engvanga rawn puh leh ngam che nge an nih " tihlukin min kuah nghal hlun.

Hei hi lawm ka duhna em em chu,englai pawhin ka thlavang hauhlo in a awm ngailo,ka hmuiah a rawn fawp zauha ,in ngaizawng rei ve tawh viau mah ila vawikhat mah kan la chesual dun lo,kan inkar a chhiat phah chuang lo,min nawr luih chang chu a nei ve thin . Mahse ka duhloh zia hria in a titlang ngam ngai bik lo ,a chhungte hian kan inkawp an phal vak lo va ,mahse Rinchhana hian inthen a duhloh avangin keiin inthen ka rawt chang pawhin a duh ngai lo ,“ Naktuk ka nu birthday ania lo kal rawh aw " a tihchuan ka en ha .

A chhung ten min duhloh lutuk avang hian an hma a inlan ka hreh thin,“A tha dawn em hi " ka tihchuan ka biangah dawmin min nuihsak,ka hmuiah a rawn fawp a ,khum lamah min pawm phei nghal nawl nawl ,ka thawmhnaw phelhin ka hnute a khalh leh nghal nak nak,a tawp erawh thlen ka duh dawn lo tih a hre ngeiin ka ring ,thawmhnaw chhanah chuan a che a “ Kan inneih vat a ngai a ni " a tihchuan ka nuih hak “ I tar i hlau em ni " ka tihchuan a nui ve suk,an chhungkua hian hotel an din a,Mizoramah chuab an lar ve hle bawk.

Kan inhriat na a rei tawh a , higher kan kal atangin kan inhria ,a tir chuan an hausak em avangin ka phulo ni in ka hria a ,ka nihpui duh lawk lo . Mahse nitin inhmu a mi zui ta reng reng chu kan ni chho ta kha a nia , “ Ka tar hma in naute siam teuh ka duh a lawm " a tihchuan ka nuih hak “ Awle i chhungte lo hmin phawt la chu ti lo chu ka tan a nuamlo tih i hriat kha ,vawitam hmin ka tum tawh tih i hria ,mahse ka theilo .

A chang chuan ka then mai dawn che em ni tiin ka ngaihtuah fo ,inthen ila i chhungte pawhin an ngaihsak zual che in ka ring" ka tihchuan ka hmui a rawn hup vat “ Chutiang sawi suh kan inthen ngai lovang,ka hmangaih che ka tih tawh kha ka thlah mai mai lovang che " a tihchuan ka thaw hak “ Ka hria alawm" tiin ka kuah vang vang,keipawhin anilo hi chu mipa dang ka la hnaih ngailo,kha Hmingchhuanawma tihloh kha chu.

A ni kha chu ka dang hman thlawt lo min thunun hneh lutuk tlat ,mak ka ti viau bawk . Rinchhana haw hnu chuan muttumin ka khum lam ka pan a ,ka chau ve takzet ,a tuklama ka thil tawn chu ka rinphak bak a ni . Birthday na a kal tura ka lo insiam chu police ho an rawn lang leh ,ka thaw ham ham Rinchhanan min rawn hmuh hman avang chuan min zui ve bawk . Station kan thleng,Thansiami ka hmuh chuan mak ka ti hle Hmingchhuanawma nen chuan ah lo in hmachhawn ran.

Enge thil awmzia“ Engvanga ka bialnu hi tualthattu a ringhlel tlat nge in nih tih ka hre thei angem? Kalna tur kan nei a ,kan tlai phah vek dawn a nih hi " Rinchhana chuan lawm lo tih hriat takin a tichhuak hluk . Police ho chuan an hrilhfiah mawlh mawlh a ,Hmingchhuanawma erawh in hre lo ang maiin a awm khum hmiah “ In rawn hruai thei chu a lawmawm e ,tunge tualthattu dik tak chu kan hre vat dawn a lawm.

Lo au pung pung hun a nilo, police hian misual ni a rinhleh leh thil tihsualna a tel ngei te chiah kan man thin ” tiin kei chu min rawn en ,a mitmeng vawt ruih chuan ka taksa a melh kual dan dan “ Athat ngei tih inchiang hauh lo " Rinchhana chuan a tileh ,a dawhtheiloh hmel takzet tawh. Pakhatpa lah hian a ngaih pawimawh loh hmel nasa mai si “ Ani kan tilo,mahse a tel ve angai miau si a ,lo thu ta che u ka u nangni pawh rawn chhuak ula " atihchuan Saidingliana nupui leh a nute chu an rawn chhuak.

Keini ho chu min melh that ,Thansiami hmela hlauhthawnna chu ka hmuh hmaihlo a ni hian tel ve na a nei em ni ,“ Tumah ka thusawi laiin in lo inrawlh tur a nilo,ka thil zawh cheu dik takin min chhang tur a ni bawk " tihmukin a u lam chu a en “ U Saia chu engtik velah maw inah a rawn haw " a tihchuan “ Dar 10 " a nupui chuan a lo tivat,kei nena kan inhmuh kha chu dar 8 vel daih a ni bawk “ In inhmuh hunlai kha dar 8 vel a ni a ,dar 10 ah in a thleng chauh bawk a " tiin keichu min rawn en chu a thusawi awmzia ka manlo hle .

Midang pawh chuan mak an ti tih ka hria,mahse tlem chuan ka harh deuh “ A nihchuan in inhmuh zawh hnu ah hmeichhe awmpui a nei tihna ,tin chu nu chuan eitur nilo in in tura tur telh a pe bawk,chupawh hmeichhe pakhat a huat avangin " a tihchuan mak ka ti deuh deuh,chutah a Thansiami lam chu en in “ I inpuang dawn nge keimah in ka tilang kher dawn " hlauhawm zeta a tihchuan Thansiami chuan a hlauh hmel hle “ Ka ..ka..tih a nilo " a tibah nawk nawk .

A u pawh chuan “ Ani chu a nilo vang,henu hian a lawm ka pasal ngaizawng" a tihchuan Hmingchhuanawma chu a nui suk,kei erawh ka lo inhum ruh vak thung. “ Ka u hriatsual palh i nei a nihchu,I pasal khan Nunzampuii hi a ngaizawng ngei a ,mahse a mutpui thin erawh he nu ngei hi a ni " tiin a nernawk ,Thansiami chu a kawk bawk . A ni erawhin a nihloh thu a sawi ve fan,ka ngawi reng ringawt engmah hi ka hrethiam lo,kan pu leh Thansiami an mudun thin tih a sawi chuan mak min tih tir lo theilo.

Chutah a phone phawrhin audio a rawn play,Aw chu Thansiami aw ngei a ni . Phone ah chuan mipa dang biak a nei tih leh an thusawi rapthlak tak tak chu kan ngaithla ka rin phak bak thil a ni . “ Ka tih a nilo" a la tifan,Hmingchhuanawma u chuan a beng sawk “ Tenawm lutuk ka pasal ilo chetsual pui a maw? In tenawm dun takzet " a ti tuar ,a pasal in a phatsanna chu na pawh a ti in ka ring,a hmelah thinrimna leh natna hlir a lang “ Ni e ka thah a nihkha ,a chhan chu maw i pasal khan min neih tiamin ka thianghlimna hial ka hlan a .

Nun nuam tak min neih tir a tiam a ,mahse engmah a tilo,Chu ai chuan Nunzampuii a ngai zawng leh a ,ka thinrim in ruahmanna ka siama,an pahniha an thil eidun ka hmuh rualin remchang la in a rawn haw tur ka ko penga,zu in puiin a zu inah chuan tur ka pawlh ta a nihkha " tiin a nui uar uar ,ka rap takzet hetiang anga mi rapthlak a lo ni ang tih hi ka ringphaklo,rinphak bak thil a ni . Hmeichhia ngeiin tual a that a nia ,chu pawh mi pa leh nghal . Ka rap hluah hluah,police ho chuan hrilh nawn ngailo in jail lam an panpui .

Rinchhana nena kan chhuak chu ka kuta rawn man bet tu avang chuan ka ding dat ,a kut lian leh tha chak zet atang chuan tunge a nih tih ka hailo,reilote chhung ka hriat mah nise kum tam tak ka lo zui tawh ang maiin ka hre hneh hle si . “Lawmthu min hrilh dawn lo vem ni?" a rawn tihchuan ngei zetin ka en “ Lawmthu ka hrilh a che,tin ka bialnu lo zawk thil tihsuala ani zawk in timualpho hi ka en liam mai mai lovang" tiin Rinchhana chuan min kalsawn pui dawr dawr .

An in lam kan pan lai chuan a tu amah mah kan inbe lo,kei erawh ka buaina kiang ta chu ka thawven pui huai mai ,an in kan thleng rin ang ngeiin a nu chuan min lo lawm leh chiam lo ,mahse mi an tam vang nge a thup thiam viau lawi a ,a chhung kan lut chu mi an tam ngei mai ,mi hausa hi chuan laina pawh an lo ngah an tih kha maw . Reife hnuah kawngka lamah thawm a rawn awm a ,mipui lam pawhin an en thap,nula awm ve ho an au that avang chuan ka melh ve ,chutah Hmingchhuanawma leh hmeichhe chhelo zet rawn lut chu ka en reng.

A bialnu ani ngei ang,an inhmeh takzet police form nilo a coat suit nena a induang zurh te chuan a tizahawm viau,a inhmeh leh em em tho,a taksa lian zet leh exer la thang tih hriat taka a kawng fek rat nen chuan a inmil thlap,ka lu ka thing nawk nawk ,bialpa nei rengin mipa dang ka melh amaw? Ka lam a rawn hawi chuan ka lung a phu dat dat,a nuisuka a bula kal chu a be zauh a ,kan lam an rawn pan phei thinphu dep depin ka lo en reng ,mi hmaah a inrin tawkzia a langa chulai hmunah chuan a langsar vuah bawk .

ZAWMNA......

Kan bul an rawn thlen chuan chil lem dakin ka lo en “ Awhaw pu Dina fapa i ni elo? " a hmeichhia zawk chuan a rawn ti a ,Rina chu a bu nghat Hmingchhuanawma erawh a ngawi reng,mahse min en ngur thung ka lak a tangin a mit a lasawn lo hrim hrim chu chuan min ti zam takzet ,Rinchhana ban chu ka hmer na sauh “ Aw ni e nangpawh hei i bialpa em ni ?" a tihchuan chunu chu nui har har in “ Um nih hi ,i bialnu chu a hmeltha hle mai " a tihchuan Rinchhana chuan min rawn enin anui var var ...

“ Ni e vannei ka inti khawp a sin,mipa dang lakah pawh ka veng nasa reng bawk a " a tihchuan ka lo sik hlak,a nui hawk hawk mai chunu nen chuan inpawh takin an in bia a , kei leh Hmingchhuanawma erawh kan ngawi ngar “ Bawihi ka va lampui lawk ange " Rinchhan chuan Hmingchhuanawma rawn kalpui nu chu kaiin a rawn ti,mi a ngaihsak tawh lo lutuk chuan min ti thinrim hlur ,ka bu nghat ringawt . Lam tual lam an pan a ,ka en zui reng ka bula rawn thu chu tunge a nih ka hailo “ I bialpa chuan hmeichhe dang a ngaihven zawk a va nih hmel ve " ngeiawm lek lek chuan a rawn ti 

“ Nangpawh" ti a ka chhan chuan a nui huk “ A duh duh a kawp thiang a lawm, ka lo inrawlh na tur a nilo ve ,kan lam ve dawn em ni?" a tihchuan ka chhan hman hma in min pawt tho nghal,ka kawngah a rawn kuah a ,a mah si chetin min pawt hnai,ka khur der der ka lungphu lah chu a rang narawh ,hepa lakah hian engvanga danglam tlat thin nge maw ka nih le . Ka en chho ha , music rem chuan min insawi pui a ,ka lamah rawn kun hniamin ka biang vel chu a nul thuak thuak.

A thaw lum ham hamin ka nghawng a thawk khum te chuan ka thawk a chham lo chauh “ I rimtui hle mai ka duh zawng tak a ni" a tihchuan ka nersak,ka hawi chhuah chuan Rinchhana chuan rum zetin min lo melh,a hmeichhe lampui nen chuan an inbe leh zauh thin,ka lakah a lungawi lo tih ka hria mahse keipawh ka lungawi biklo . A chhungte ka laka an awm dan a hre reng a chuti chunga min thlah thlam thei chu ka hua a ni ,Hmingchhuanawma taksa lum ham ham nghen chu nuam ka ti ru tlat,keihi ka diklo “ Duhtawk ang " ka tihchuan a tawp mai lo .

Hawikualin “ Haw ka duh tawh " engvanga chu chu a hnena sawi nge ka nih pawh ka hrelo,a taksa lian leh hlai hlup hian thlamuanna min pe nimai in ka hria ,ka him hliah hliahin ka hre bawk . Min enin a nuisuk “ Ka thlah ang che ,saw i bialpa lak tlak loh zet saw chu theihnghilh hmak rawh " a tihchuan ka ner nang mai ,ka kutah kaiin pawnlam min panpui a “ Ka bialnu kha thlah nghal rawh " tih rawn ri hrawk a vang chuan kan ding deuh dat ,Rinchhana leh a rawn hruai nu kha hmanhmawh zetin an rawn phei .

“ Engthil nge tih in tum " a rawn tihchuan “ Haw kan tum mai a lawm" ka lo tisap ,min melh dan chu rum tak a ni “ Nang officer ve satliah hi ka hrilh ang che ,ka hmeichhia hi lo hnaih leh tawh ngai suh " a tihchuan “ Rinchhan" ka lo ti that,hetianga midang hmusit taka a tawng khum hi ka la hmu ngailo “ I hausakna chu i chhuang hle mai maw ,mahse hre rawh officer satliah hian tih theih ka ngah a nia,tin i nupui a la nilo va ,i hmeichhia ti thei tur lahin i ngaihsak tawk heklo a ni lawm ni" Hmingchhuanawma chuan ngeiawm zeta nuichungin a ti let .

An inmelh rum dun viau tawh “ Rin kal ang ,buaina thlen a tha lo i nu birthday a nih hi " tiin Rinchhana chu hruaisawn ka tum,an insual buai a nihchuan Hmingchhuanawma hi a hneh in ka ringlo,an taksa a inhrawl hleih mah mah . Ka hnuk sawn dawr dawr ,kan liam dawn a ,Hmingchhuanawma bana a hmeichhia in a kuah chu ka hmu hman “ Ka hriat loh vin khapa kha lo inhruai bo tir i tum vel a maw Lalnunzampui " a rawn tituar ,ka en ha mai ka hmingpuma min koh vawikhatna a nibawk nen mak ti takin ka en ...

Ka lungawi bik chiamlo “ Enge a pawina nangpawhin min ngaihtuah lek lo vin hmeichhe dang i lam pui nghal thei a nihkha ,i chhungte nen kan inkar pawh i hre vek,chuti chung chuan min la kalsan tho,kha nu a rawn lan rual kha chuan min ngaih pawimawh bik loh kha " ka ti ve hmak . “ Kha chu ka thiannu a nih vang a lawm,a hrim hrimah kha officer pa kha i hnaih ka duh heklo " a tihchuan ka melh ha ringawt “ Ka duh ai a ngaihven mah mah che ,ka ta inih hi,ka ta chiah" a tihleh chuan ka thaw hak mai .

“ Min thlah haw rawh ,chawlh hahdam ka duh" ka tisep “ Kan inkar that hma chu i haw lo vang ,Baby mipa dang i hnaih tawh lovang tih min tiam rawh " a tihchuan ka en ha ,Rinchhana hian hman atang tawh in mipa dang bula ka awm leh ka biak pawh a phal ngailo,keipawhin chutiang bawkin hmeichhe dang a biak leh an bula awm turin ka phal bik heklo “ Nangpawhin min tiam rawh " ka tihchuan a rawn nui ta var var,a bu nghat bawk “ Tirawh le ka thlah tawh ang che ,zanin chu ka rawn riak dawn a nia " a tihchuan ka melh nghal vat..

Fiamthu hmel lah a pu der silo “ A chiloh,i nu a thinrim theih zia i hriat kha ,ka hnenah riak vaih la engtin nge min tih leh ang . Nang chuan i enliam thei a nimai thei,mahse keichuan ka thei velo " ka tihmiah,ka ti tak tak bawk. An ni chuan Rinchhana hi hmeichhe dang neih tir an tum zia ka hria ,mahse an fapa hian min kalsan thei tlat lo va ,mi an huat phah hle bawk. An ina kan kal lahin tawngkam tha a min biak lai pawh ka hrelo,mahse Rinchhana ngaihdam min dilna leh min ngaihsak thinna avang hian ka la dawh hram hram ani ber .

“ An ni chu ngai pawimawh suh,engmah an sawilo vang ,chubakah kan pahnih in kar a nia,enge pawi an ni sawi tur a awm lo,an fapa bialnu an hmu theilo a nihchuan an duh leh thinrim ang hmiang,kal ang kan tlai lutuk dawn " tiin a car lam chu min panpui hnak hnak,ka zui ve tawp,gate bul kan thlen chuan Hmingchhuanawma te pawh kha an lo awm tawh lo,an haw ve tawh ani ngei ang. 

Mak takin ka rilru ah a hmeichhia nen khan engtin nge an awm ang tih ringawt ka ngaihtuah lehnghal,engvanga ka bialpa pawh nilo leh ka hmelhriat tha pawh nilo hi ngaihtuah reng nge ka nih? Ka tan engmah a ni bawk silo,mahse ka bul hnaiha a awm a piangin ka danglam ziah tho si,ka in hrethiam tawh biklo, ka hriat zawng chu officer Hmingchhuanawma hian min tibuai hle a ni tihzawng chu a ni .

Ka in kan thleng kan inzui lut nghal, ka room lamah inti fai turin ka lut zui a ,ka mut a chhuak riau bawk ,ka inbual zawh a ka chhuah chuan Rinchhana pawh a lo mu fel at tawh. Inthlak zung zungin ka va mu ve ,kan riak dun fo nen ngaiah ka neih tawh,mipat hmeichhiatna lam erawh kan ngaihtuah lo ve ve tihtheih tur khawpin tun thleng kan ka inkhawih lo ve ve .

Reiloteah ka muhil nghal mai,zinga ka thangharh chuan Rinchhana pawh a lo awm tawhlo,inbual fai a ni tih hriat taka bathroom lam thawm chu ka ngaithla reng . Kum 5 vel dawn lai kan inzui ve tawh a ,ka duhlo chung min khawih luih a tum ngai heklo,heihi a ni Rinchhana ka duh na pakhat chu .

Ka thusawi min ngaihpawimawh sak zia ka hriat hian ka hlim bawk

(REGU TAN KAN TUM ANG AW ,KAN DAH LEH VAT DAWN NIA ,KA MUT A CHHUAK EMAI)