OFFICER HMINGCHHUANAWMA CHAPTER 1

OFFICER HMINGCHHUANAWMA

CHAPTER 1

Ka kawngka chu a rawn ri dawt dawt ,mit nuai chat chat chungin peihlo zet chuan ka chhuak a ,kawngka ka hawng chiah chu police lo ding thap chu ka hmu nghal . Mak tizetin ka en “ Lalnunzampuii i ni em?" pakhat chuan a rawn ti a ,ka lo bu nghat “ Ka ni a lawm enge pawimawh a awm em ni?" ka tihchuan min rawn hnaihin “ Nizanah pu Saidingliana thah a ni a ,nang hi rinhlelh ini bawk . Man tur che a thu pek kan ni " an tihchuan mak tihna in ka khat,engtin nge ka hnathawhna neitu chu a thih ang? Tin kei nen eng inzawmna nge aneih ang tihchu ka hre hauh lo .

“ In hresual a nilo maw? Chutiang thil ka ti hauh lo " tiin ka hmaa police te chu ka melh ran . “ Chu chu station lamah aw ,min rawn zui a ngai ang ,thu zawh fiah che kan duh bawk a ,min rawn zui ta che " an tihchuan mak ka ti deuh deuh “ En teh u ,tumah keihian ka thatlo min hruai ringawt theilo vang " ka tihchuan Bolero lo in hung atang chuan mipa lian zet a rawn chhuak,a len dan leh san danah chuan police nihchu a awm hluah hluah “ I that kan tilo va ,rinhlelh ini kan timai a ni . Tin thudik chu kan la zawng chhuak dawn a,chumi hma chu nangpawhin thiam thusawina tur i neilo nizana hmu hnu hnung bertu ini bawk" a aw chang zet chuan a rawn ti a

Ka chil ka lem khawlh,a thinchhe hle in ka ring kei ngei pawhin a aw atang ringawt pawhin ka hlau a nia “ Rawn hruai ru ,rei helaiah awm a tul lemlo " tiin Bolero ah bawk chuan a thu lut leh ,keichu a naute chuan min rawn hruai a ,police motor a ka chuang ta mai te chu mumang a ang takzet . Ka damchhung pawha ka ngaihtuah phak ngailoh tualthattu a rinhleh ka nihna chuan min ti tawng thei heklo,nizanah chuan kan inhmu ngei a tha takin kan in mangtha a nihkha ,min ngaizawng tih hre mah ila kan pu a nihna ang bakin ka en ngai lo ,a thi tih pawh ka hre hek lo.

Station kan thlenga an hotupa ber bawk chuan min rawn panin ,ka kutah chuan misual ang hrimin nghet zetin a hmer ,indawpna hmun an tihah ngei chuan min hruai lut ,ka khur der der thei ,hmeichhe pakhat a rawn lut a “ Tualthattu a rinhlelh ini tih i inhria ang chu tiraw?" a tihchuan ka bu nghat ringawt . Officer pa chu enin “ Nizanga pu Saidingliana nen in inhmu bawk a ,in inhmuh hnu lawkah a inah thi a hmuh a ni a ,tur a hrai tih hriat chhuah ani bawk a" a tihchuan engtia chhan tur nge pawh ka hrelo,ka hriat zawng chu chutiang thil ka tilo tihchu a ni .

“ Thil in hre sual a ni,a ni nen chuan dawr ah chiah kan inhmu chupawh ka bantlai deuh avangin " ka ti a ,kan palian deuha chu a lo nui hawk,a awihloh hmel ngang mai . “ Midang tumah an awm ve tawhlo bawk a ,tualthahna atana duhthusam a ni bawk . A hnathawk i nihna angin a ringhlel dawn hauh silo che a,chubakah in in ngaizawng a nilawm ni?" a tihchuan mak ti lutukin ka en ho mai ,chungte engtin nge a sawi theih zawk“ In ngaizawng hauh lo ,a ni chu ka hnathawhna a ka pu mai chauh a ni. Engmah in zawmna kan neilo " ka tileh ringawt.

He station hi ka tan chuan thaw tipik tu mai a ni“ I thawh pui te sawi dan nen a va in ang lo ve ; an ni chuan in in ngaizawngin a duhsak hle che tih pawh an sawi asin,zep buai duh suh engkim a la lang dawn tho tho " a tihchuan dak vahin ka en “ Tualthattu ah min ngai nghet bur tih ka hre mai e ,mahse heihi thudik ngei a ni bawk ,in zawmna kan neilo ,min lo duhsak ve pawh a nimahna mahse vawikhat mah in ngaizawng angin kan awm lo ,tin thah chhan tur ka neilo bawk . Ka thah lai ngei in hmu em ni ?" ka ti ve fak .

Min biak dan chuan police bula awm ka ni tih pawh min ngaihtuah tir theilo “ Neilo ve ,mahse kan la chhui dawn chauh,Kan neihloh avang reng chuan a lawm kan man che ,tin kan hmu lo a nimahna mahse i thah ngei pawh a ni thei tih tu nge hria,heihi police station tih i hria ang chu maw? Misual chu a inpuan theih nan kut thlak a ngaih chang a awm tih pawh" a tihchuan ka lo ip chawih chawih tawh “ Ka thatlo,ka thatlo takzet " ka tichhuak tiak ,ka in pet fan fan bawk . Eng buaina ah nge ka luh tak hi .

“ Tunah rihchuan finfiahna tello in engmah kan la ti theilo,i haw thei ang mahse khawi hmunah mah kal phal inilo vang,en thlak reng ini dawn bawk " a hmeichhia chuan a tileh,a mitmenga a bula ding officer chu a en ralh ,“ I chhuak thei tawh ang" a tihchuan ka thawk a ven phah em tih pawh ka hrelo,englai pawha enthlak ka ni tur chuan ka nun zalen lo tak chu min hriat chian tir zual . Pawnlamah chuan ka pen chhet chhet ,taxi phar mai ka tum chu ka kutah kut lian zet hian a rawn chelh,kha officer pa bawk kha a ni “ Sir min thlah thei angem?" kan hnung lam atang chuan a hmeichhia zawk khan nuisangin a rawn ti a .

“ Hna ka nei,tin he nu hi a in a thlah a thil zawh leh ka duh bawk " a tihchuan ka lo ip chawih,chunu nui hmel chu rehin keichu min rawn en “ Awle a tha a lawm " zuai raih hian a ti a ,a awmdan chuan ka bula ding hi a duh tih hai rualloh vin min hriat tir . “ Keimahin ka haw thei,i duh duha min khawih theihna dan i neilo " tiin ka kut chu laksawn tumin ka tal vak . A man hneh nasa mai si“ Ka mi man a in thlenga hruai a dah leh chu ka hna ani " a tihchuan ka thinrim lo chauh,tualthattu a min rin ngheh zia ka hriatna chuan min ti thinrim zual.

“ Keimahin ka haw ve thei,tin finfiahna neilo vin i duh duh in min puh suh" midang an awm ve loh avang chuan ka thinrimsa leh hlauthawnna inpawlh nen chuan ka au khum tuar ,nui suk hian min rawn hnaih ka hmazawnah a rawn din rualin ka en chho ngar ,hmeichhe sang ve tak ka nih avangin mi pawh hian min fak ve fo thin. Ka pian leh ka hmel avang hian model ka nih ring pawh an awm fo,Mizo mipaah min chenlo tu an awm teuh laiin hepa hi chu a nghawng ka chen tawk chauh a ni. “ Duh lo ta ila,i taksa hmang hian mi pawh i hip theih dawn hi a " atihchuan ka thinrim zual sauh..

Hmeichhe inzuar ang mai a min sawi chuan min ti thinrim,kalsawn tumin ka inher ,ka pen chiah tihah min pawt let dawr in a Bolero ah chuan min nawr lut deuh nawk “ Enge i hriata i thlah ka duh lo ka tihchu " kawngka hawn ka tum tih hria in pawnlam atang chuan a ngheng bet ,a car chahbi la in rang zet hian a rawn thu lut a . A seat belt ka hreng lo chu hmu in rum nghutin a rawn awn phei ruai ruai,ka hmai bul cheta rawn kunin seat belt chu min hren tir,a perfume rim pa zet chu ka lo hip lut hak mai . Hmeltha hluak tih tur chu a nilo,mahse a hmelin a pa kan tih ang chi zun nei tur tak a ni.

Hmeichhe ho in a chanchin an sawi chu ka hre zauh zauh thin a ,an duh zia te chenin ka hmuh ve loh avang leh an fak mah mah a ka hriat avang khan ka ngaihsak ngailo,mahse awm hmuna han awm tlan chiah hian a mi uap natzia ka hrechiang zual . A rawn dak chhuak chuan ka lo melh reng bawk nen min melh let ve ran,ka lung lah chu a phu dawt dawt,inthing harh vatin ka hawisawn,tual thattu a min puh laiin engtin nge mipa pakhat chupawh min man tupa ka lo ngaihtuah ni . Hawisawnin pawnlam ka en .

A nui tih pawh ka hria ,kan tlan chhuah hnu pawh chuan a tu amah mah kan in be lo ,kawng sira thil zuar ho chu ka en reng ringawt ,a bolero a din tak dawtah chuan rang zetin seat belt chu phelh ka tum,ala har em em zui. Min rawn pui a ,ka kut a rawn dai avang chuan rang zetin ka kut ka lasawn a ,rum zetin ka melh bawk ,a Bolero chhung atanga chhuakin ka in lam ka pan hlawk hlawk a ,min lo zui ve zel tih ka hria ,engvanga hetiang buaina a inhnamhnawih nge maw ka nih le .

A thi dawn tih hria ila dawr atang lo bang daih ila tha tur ,tunge that duh ang . Keimah min rinhleh phah si a ,inchhung ka thlen rualin sofa ah chuan ka thu thla hnawk . Ka lu dawmin ka kun ngar “ Thingpui te min pe ve dawn lo vem ni?" ka inchhung thleng a rawn lut amaw “ Hey min en thlak i duh viau a nihpawhin khawngaihin ka inchhung lehzelah hi chuan enthlak ka ngai lo . Keimah chauh a awm ka duh,min awm tir mai mai rawh" a nui leh ringawt.

“ Tualthattu a rinhleh chu a inchhung thleng pawhin enthlak angai,thurualpui pawh i neilo vang tih tunge hria " a tihchuan beidawng lutukin ka en “ Ka tilo ka tihchu,hetiang a thleng dawn tih hria ila kha dawrah khan ka thawk hauh lo ang,en teh mi thah duh chu ni ila thah tur an awm teuh ,engvangin nge a ni chu ka thah ang . Ka sawi tawh kha ka that lo,ka thatlo " tiin ka hmai ka hup,ka tap khur dar dar . Ka darah a rawn vuan a , ka hawi chhoh rualin min lo en reng “ Ka chhui dawn reng a lawm,finfiahna a awm hma chu a chhungte duhdan in nang hi kan enthlak che a ngai .

A chhungten nang mah inih an rin miau a vangin rinhlelh kai a piang kan dawp mai a ni . Thihna ani tih i hriat kha, inthahna chu chu he rama thleng khat tak hi a ni bawk . Kan tih tur tih angai ,tichuan nang ngei pawh rinhlelh inihna hi i tanna tur angin ngai nghal ngawt suh. Chhui mek a ni ka tih tawh kha ,nang pawh kan ho tuten thu thar an rawn chhuah leh hma chu a khat tawka police station a i inlan a ngai bawk ang " a tihchuan ka thaw ham ham . Ka nun buai tawh tehreng nen tunah lah tualthattu hiala puh leh rin ka ni leh a ..

Engvanga buaina hian min kiansan thei miahlo nge a nih . Thingpui lum tur chuan choka lamah ka phei a ,ani pawh a rawn kal ve zel,min hnaih ka duh vak lo a sin le . Gas ah chuan ka chhuang a ,kan ngawi dun ran “ An dawra i thawhna hi arei tawh em ?" tiin min rawn zawt “ Kumhnih ka thawk tawh " tiin ka chhang ,ni e hna ka mamawh bawk nen pu Saidingliana hian min lo chhawr hlauh a ,a rei hnu phei chuan min hnaih ta hle . Kei erawhin nupui nei lai a nih bakah pu ang bakin ka en ngailo.

Min duhsak zia a tilang reng tho va ,a nupui pawhin min huat phah reng bawk a . Tun a a thih thu ah pawh kei kher min rawn ring nghal chat hi a nupui sawi bak a nih ka ring lo “ A ngaizawng che tihchu kan hre tawh a ,nang hian i duh ve reng em ? Nupui a nei tih hre rengin i hnaih em ni?" a rawn tihleh chuan ka tum hmak “ Ka sawi tawh kha ,nupui a nei tih ka hriat hma atang tawhin ka duh ngailo; vawitam min bem chungin ka hnar zawk a sin,tu hnen atangin nge i hriat tih pawh ka hre mai e " tiin thingpui chu ka pe .

A lo ban rualin ka ta tur ka siam chhunzawm a “ Nangmah chauhvin em ni i chen? " tiin ka inchhung lian lemlo tak chu a en kual,ka dar ka san ak “ I hmuh ang hi a nimai ,nu leh pa ka neilo a unau ka nei hek lo ,a dang hriat duh i la nei em ?" ka tihchuan a nui leh suk. Thingpui a inna ruak chu dawh kanah dahin min rawn hnaih,ka nghen mek chu innem khalh nan hmangin a kut pahnih inkarah ka awm ran “ Engthil nge tih i tum?" tiin ka en,ka awn deuh bawk .

“ Ka hrelo " tih ngawta min chhangin a awmsawn ruai ruai,hepa hi hnaih tam ka duh hauhlo “ I haw thei tawh angem? Chawlh hahdam ka duh " ka tihchuan ka taksa chu a enkual,ka sa pap pap mai . Engvangin nge hepa lakah hian ka danglam ziah mai le “ Ka rawn kal leh ang,tin kan sawi ang khan he khawpui chhung hi chhuahsan phal ini lo tihkha hre reng ang che " tiin a chhuak zui a ,a chhuah rual rualin duhthawh zetin boruak ka hip lut nghal kawk kawk .