THE GOVERNOR CHAPTER 10

THE GOVERNOR

CHAPTER 10

Ka pa pawh chuan lu bu nghatin “ Nau a lan tak tak hma a tihfel vat angai dawn a nihchu. Nangpawh khulama chhuk vat tur ini tawh a,muangchan chi pawh a nih tawhloh chu. Chhungkua a kan lo awm ho hunah te kan lo sawi anga,kan rel tha leh dawn ania engpawh nise man leh mual te pawh sawi angai dawn a ,mi hriat tam hmaa tihkha a tha ber ,nangmah ni tan pawh mualpho lo thei ang bera tihkha a tha zawk " ka pa chuan a tidam dap 

Kan inneih pawi a ti em em lo ani tih a lantir chuan min ti thawveng huai,ka nu leh ka phirpuii erawh an la ngawi ngar thung. Engtak ngaihtuah ang maw ,Nick chuan ka kut rawn vuanin min nuih suk a “ In rem tih ngei ka beisei ,naktuk zanah palai ka lo tir ang " a tihchuan akutah ka sik vat,a sawi tlang hmiah hmiah bawk si,ka chhungte thin a tirim ang tihpawh ka hlau,a ngainep lutuk anga an lo ngaih phei chuan kan inneih chu an phal hauh lo ang “ Nau chu thla eng zat nge " ka nu chuan a rawn tikhauh .

“ Karthumna chiah" ka tihchuan “ Chungte chu titla mai ula,nangpawh college kal te i la ngai bawk si" a tihchuan ka pa chuan a melh hrawk,Nick pawh a lungawi hmel loh ka nu chu an melh,a inthiamlo lehnge “ Ka sawi awmzia chu ala nau bawk sia nu nih a la thiam vak dawn silo a " a tihchuan “ Ka nu puitling ka ni ve tawh,tin nunna nei tawh chu keihian ka that hauh lo ang. Tualthah hi ka duhlo hul hual" ka lo tive vat ka pa pawh chuan “ Khatiang kha vawikhat mah sawi tawh suh ka tih che kha ,tin he thilah hian i inrawlh ve kher pawh a ngailo ang.

A pa ka ni a,keimahin ro chu ka rel mai ang . Hmeichhia zawk lehnghal nu i niin naute chu hum him zawk tak aruanga khatiang thil kha vawi khat mah ka hriatah sawi leh tawh ngai suh" ka pa chuan chiang fekfawk hian a ti a ,Nick pawh a rum nghut “ Keichuan ka fa hi tihtlak ka phal dawn hauhlo,nu Tluang i fanu hi ala nau chu a nimai thei,mahse ka hmangaih a,nupui fanau chawm zolo nitur lahin mipa nep tak ka ni biklo,ka thawk tek tek chhung chu eitur tlachhamin an awm ngailo ang. Ka kal phawt ange"tiin Nick chu a tho chhuak a .

Pawn thleng ka thlah “°Hrethiam rawh aw ,ka nu mizia chu i hriat kha he Grace Lalnunhlimi rawn lan atang hian a danglam vek a ni . A â nita berin ka hria " tihapin ka mit ka chhing,Kan naupan lai ka ngai ta ber ,hetianga rilru hah leh chhungkaw nun buaichuar lutuk a awm reng hi ka kham. Ka nu thusawi phei kha chu Nick-a hriat ah pawh a mawilo,min haw mai ang tihte pawh a hlauhawm ka nu hi ka haw takzet engtin nge khatianga awlsam taka naute tihtlak kha a sawi theih,Nick a lakah hian ka inthlahrung hluah hluah.

“ Lo kal teh ,a pawilo i nu chu ka ni hleinem " tiin min kuah hlun “ Ka nu hi ka hua " ka tihchuan min kuah nghet sauhin “ Shh.....ka bulah i awm thei tep tawh alawm,rilru tihah hauh suh kan naute tan hian rilru hah lo a i awm angai a nia"tiin ka pumah chuan a kut a dah vang vang,ka nui ve ta hak . Ka nu thusawi avang khan thinrimin min hawsan dawn emaw ka ti tawh kha ania ,a tlanliam hnu chuan inchhung lamah phur lo zetin ka lut ,keipawhin Nick-a kianga hahdam taka awm ka chak tawh.

Hetiang kan thleng ta ro ro ,a bula awm hi a chakin ka chak tawh ,ka nu hmel leh ka unaunu hmel hi ka hmu reng peihlo . “ I fanu chung ngei leh i thusawi avang khan zahawmloh takah min siam tih i hria em ka kham tawh ,chhuak rawh duh chu ni sela Nick khan jail ah a khung ngei ang che  nang ang hmeichhia hi ka mamawh tawh lo; hrep hian chhuak rawh u,i fanu thar zawk hi hruai la Jasmine-i erawh ka bulah a awm ang,rawn kir leh tawh ngai suh " ka pa chuan a ti hrawk.

Ka nu chuan chhuah a duhloh thu a sawi chul a ,ka en reng ka nu hi hetiang em em alo nih ka ring lo a sin,heti khawp hian mihring rilru hi a lo inthlak thei animaw? A fanu ngei hetiang hian min tita mai si “ A tawk chhuak rawh ,thu ka hrilh chiang tawh che ,fate thliar bik nei hetiang hian i la inkhawm ve ngam chu anisia,hetiang nupui rilru chhe lutuk hi engtin nge ka lo neih theih che le " ka pa chuan a ti tlawk tlawk ,ka nu chuan chhuah tirlo turin a ngen leh,chutah kei chu min rawn melhin min rawn pan.

“ Bawihi i pa hi hrilh teh,kei leh i unaunu hi engtin nge awm se min tih,min chhuah tir lo turin hrilh teh" a tihchuan sawi mai tur ka hrelo. Ngawi rengin ka nu chu ka melh tlawk tlawk “ A tawk Zonuntuang,ka fanu kha va biak angailo chhuak rawh . Nangmah avang hian ka mualpho tam tawh lutuk ,chhuak ula animai " tiin ka pa chuan min rawn au,ka pan vat,ka nu chu ka khawngaih lo tihna a nilo ,mahse ka naupai ngei pawh tihtlak duhtu hian thil thalo tak a tilo ang tih pawh a hriat miau silo.

Ka nu chu thinrim zet hian a ang tawn tawn “ Fate avang maia hetiang a min ti hi ka awih theilo Ramnunpui " a ti tuartuar ,ka pa chuan ngaihsak tawh lo in keichu ka that leh thatloh min zawt a ,ka bu nghat ringawt kan chhungkaw boruak chhe zet hian hrehawm min tihtir ngawih ngawih,tinge hman ang khan kan awm theih tawh lo. Nu leh pa inhauhna ,inthenna hian fate rilru a tihrehawm in ,nu leh pa te pawh hian kan fate enkawl danah hian thiamloh na tam tak kan nei ve thei tih ka hrechhuak,ka fa hi a lo piang ve anihchuan rilru hrehawm taka awm turin ka siam ngai hauh lo ang.

Ka rilru ipik lutuk chu ka roomah lutin Malsawmi ka be tawp ,thil awmdan ka sawi chuan a rawn len tur thu a sawi vat,thian tha ka nei hi ka lawm,thian ah pawh hian min hmangaih tak tak tu leh ngaipawimawh tu hi thliar thiam an ngai takzet,a lang a paua min be tha hiam hiama min hmangaih awm bera awm thin tam tak hi a lehlama min lo phiar ru leh thintu,kan chhiatna duhtu an lo ni leh fo thin. Thian tam tak chu kawm ve tur chu a ni nameuh mai,mahse rinngam erawh hi chu ngah loh a tha,tin kan harsatna zawng zawng hi min kawm ve tu satliah lakah hian hrilh ngawt loh tur 

Keipawhin ka lo tisual ve tawh ,khata tang khan Malsawmi bak hi chu ka kawm ngai ta lo ,Ani erawhin ka diklohna a nihchuan min ngaihtuah miahlo in min zilhin min rauh a ,thu tha min hrilhin a duh hunah kut min thlak leh awk awk thin. Mi anga awm thei nilo mahse a rinawmna ,ka thuruk engkim hre chung a a sawi chhuak ngai lo te hi keichuan ka ngai hlu,hlim a tul hunah min hlimpuia ,thinrim hunah kei ai aia thinrima tangin insual phah chang lah angah ,thiantha ka tilo theilo kan natna min tawmpui tu leh kan mamawh huna tlanchhe ngailo te hi chu an hlu em asin.

Kan hlim ni leh kan neih chiah it a min kawm hiam hiam tute,kan tlakchhiat hun leh hmingchhiat hun alo thlen a min bihruksan thintu thian chu keichuan thian dikah ka ngailo. Ka nu te pawh chu an chhuak ta nge thawm a reh ruih,ka room tukverh atanga dak chhuakin kawngpuia mihring kal vel te chu ka en mai mai ,mi hausa tam tak ai chuan mi rethei te nun an neiha lungawi thlamuang tak leh chhungkaw inpawh tlang taka nun hmang te hi ka awt thin. Pawisa in an nunah hmun a chang ve ber lo a ,mi anga intha pui pui neilo mahse an inchhungah Pathian dahlalna reng reng chu a nuam lo theilo ang.

Keini ngei pawh tunah hian kan kehchhe mek a ni si,Malsawmi rawn thleng chu ka roomah a rawn lut “ I nu te kha enge an tihdawn an in keng bawr bawk si " a tihchuan nui lui sakin thil awmzia ka hrilh “ Awi a buaithlak e ,a lehlamah chuan a sual bawk sia,nang ni lah in innei tep tawh si,a pawilo ka nu saw i nu angah ngai ve tawp mai rawh " tiin a nui hak ,keipawh chuti tho rilru hahna hi a chhawk ve thin hle mai ,ka kuah vang vang“ Nick nen kan inneih chuan khulamah kan awm a ngai awm si a ,ka ngai dawn che e" ka tihchuan anipawhin min kuah ve vat.

“ Keipawhin ka ngai dawn che alawm,mahse ka thiannu nun hrehawm tak hi thlamuang taka a awm theihna hnenah a awm tawh dawn tih ka hria . Ka hlim bawk in hmu reng thei tawh dawn lo mah ila phone a awm tho bawk a ,nitin kan inbe thei ang chu,a pawi ta ber erawh in inneih hma a i nute chhuak hi a ni. Inneih dawn phei chuan thuamchhawm velah nute hi an pawimawh zawk lo thei silo,kan tunlai khawvel hi chu a buaithlak tawh a nih hi,mahse tihdan a awm mai ang" a tihchuan keipawhin ka lo tuihnih .

Ka nu thusawi vel a hriat takah chuan a chet tlak tlak “ Nu Tluangi chu alo van mak em em ,pa Rama tan pawh a zahthlak dawn anihchu,Nick phei chu a thinrim viau lo maw? A awm lai lehnghal inneih in sawilaia nau lo tihtlak tih,chubakah nunna a nei ve tawh a tihtlak kha duh reng reng suh. Nick phei chu a kum ngaihtuah la ,pa nih achak ve tawh dawn tih hria la ,Kum 36 na lai a hmang ve tawh a a awm tawh a lawm,I nu pawh chu ka khawngaih ve lawk nen chutia pawisawilo thah a tih reng reng,keichuan ka unaunu anga ka ngaih che avangin he naute hi paitlang ngei turin ka duh che.

Media vela naute bawlhhlawh paihna vela an chhar thu vel ka hriat te hian ka khawngaih ngawih ngawih zel,an duh loh tur leh an enkawl theihloh tur chu pailoh ngam mai tur ania,an nun an uluk loh luatah nau an paia huai takin an paitlang ngam leh thin silo te hi ka haw tlat. Chubakah thla 9 chhung ngawt an lo pai tawh lehnghal,awlsam taka fahrah enkawl tu neilo nitura an dah mai te hi a kristian loh thlak hluah hluah ka ti,miram kan sawisela keimahni ram ngei pawh in enkawl thei silo hian mi ram nundan thalo lai kan sawi peih leh hle si.

Ringlo mi tam tak hi Mizo chritian inti ve tam tak ai hi chuan vanram an kai ka ring zawk daih" a tihchuan ka pawm pui ve viau . Christian kan inti a mahse kan nundan a tawp sawt zia te hi. Hmanah kha chuan kan pi leh pu te avang khan kan lo hmingtha in mi chhuan kan lo ni ve thin. Mahse thangthar mek zel te hian chu kan pi leh pute'n a an lo din ,an lo hum ram hi thangthar pi leh pute aia fing inti te hian kan finna kan hman thiamloh luatah he zoram hi kan tichhe mek zel a ni si a “ Tidaih ila,naute hi ka hmu chak tawh e ,keimahin a hming ka phuah dawn aw " a ti leh nghal chul 

He mihring nu thutak rei theilo hi a buaithlak “ Ka pa a awm ve reng hi a phuah ang chu,chubakah hma hun a hriat siloh a damtea kan paitluan theih ka beisei " tiin ka pum chu ka khawih zauh “ Nicka ahlim hmel em " a tihchuan ka bu nghat “A tirchuan a thinrim lutuk a ,mahse damdawi in kan thlenga a nui vur vur ,keipawh a nupui hlui ka hmu bawk nen kan inti thinrim ve ve " ka tihchuan a nui hak hak“ Nang teh Dereck kha a la rawn lang em?" ti a ka zawh ruala a hmel tum hmak chu ka hmu reng.

Mipa hi ngeih pawh a nei lo,Nick hi a ngeih deuh ber chupawh ka bialpa a nih vang a nih ka ring“ Ka ngei a nia kan inhmuh apiangin thinrim loh lai pawh ka neilo" a tihchuan ka nuih a za viau “ Kan inah a rawn lenga ka thingpui siam a sawisel char char,ka chhungte awmlai chuan fel lutuk angin a awm a ,an awm loh chuan ka mipa hriat tawh ah a la tawng thei ber lawyer ni awm reng pawh a ni . Tutan pawh ding se a tawng theih lutuk avangin hnehna a chan zel ka ring" ner nawk nawk chungin a tihchuan ka nui hak hak.

“ I anpui lo lang chu i duh vak nange" ka tihchuan ka sekah a beng chawrh“ Ngawi hmak rawh Liandingpui keiai a nasa daih zawk mipa ve si ,khatiang khawp khan hnial hnehloh ka neilo emaw ka inti thina mahse ka hnial hneh lo hrim hrim ,tinge a chungchang pawh chu min zawh ziah,nangpui hi min hmeh bel i tum em ni?" A tihchuan ka lu ka thing nghal nak nak ,“ A duh hmel che ka tia,duhve mai la a that em hi " ka tihchuan a ner nasa ,a hmel a pe chhe lutuk chu ka nuih vak vak .

“ Ka duh lo hrim hrim ,chubakah Lalrinpuia khatianga a awm atang khan mipa hi a huat in ka haw tawh ,min duh tak tak tu chu ka la tawng ve mahna tunah chuan ka la hmanhmawh rihlo " tiin a ngawi vang vang. A kutah chuan ka chelhsak vang vang,Rinpuia kha a duh ve hle tih ka hria,hetiang an thleng ta mai hi ka thiannu hi ka lainat takzet , Nick nen hian inthen ve dawn ila ka nat viau ka ring,a chhan chu ka mipa hnaih hmasak ber leh hmangaih hmasa ber ani miau si a ,inhauh chang te chu nei ve thin mah ila chungin inthenna tur khawpin kan la awm lo hlauh thung a .

Thil dang dang sawiin Nick an palai rawn tirh vat a duhthu ka sawi chuan a nui uar uar ,a over thei ania “ Nia inneih vat a tha alawm,nau a lan tawh chin hi chuan a buaithlak thei ve a " a ti vei hlak hlak ,kan inkawm vek vek hi chuan dar zat enna chang pawh hrelo in room ah kan inkhung ngat ngat thei,ka eichak zawng min zawh chuan Nick a min leisa a awm thu ka hrilh ,aner nasa “ Induat tan vel maw? Kan pathlawia chu a phur tawh awm turh turh ve " a tileh zat.

Dragon fruit chu kan ei duna “ Drogon fruit nisi hi dragon te hian an ei ve angem? Chubakah dragon hmuh tur pawh an awm tawp silo a " tiin kan nui dun a ,hlim famkim erawh a har ,ka rilru ah ka nu te an lang lo theilo. Khawiah tak kal ang maw? Kum 21 chhung min lo enkawl ve tawha ,ka tan chuan ka nu a ni reng dawn,a danglam theilo engvanga hetianga min tita mai nge a nih ang? Min lo enkawl thinna vang tal leh a fanu ka nihna avang tal pawha ka thlavang hauh tur ber ni siin.

Ka lakah a hel ta daih si,tunah te hian ka nu duatna ka ngai em em a ni si a,Ani erawhin kei chu min ngaihsak ve tawh der silo .

ZAWMNA 

Inneihna chu tluang takin kan hmang zo a ,biakin hawnga inneih theih niheklo inlamah ropui takin kan hman tho avang chuan ka lawm,Nick nu leh pa bakah a nau ramdanga awm ngei pawh inneihna hmang turin a rawn haw vang vang kha a nia ,ka lawm takzet Nick chhungte ka chungah an tha hlawmin thil pek pawh ka dawng reng,ka nu rawn tel ve theilo erawh ani chuan min haw viau mahse keichuan ka ngai takzet.

Ka pa pawh hian sawilo mahse a ngai ve tih ka hria ,chu chu a hmelah pawh a lang chhuak , Nick enin “ Ka pa hi ka ngaihtuah a ni,kei leh zel ka awm loh chuan a khua a har dawn emai" mittui tling pamin zan kan mu tur chuan ka tichhuak ,ka tah a chhuak sa tun,midang chenpui tur pawh a nei dawn lo a ,sawtianga a mah tea a awm chuan a khawhar dawn lutuk “ Shhh.....lungngai lo la ,i thiannu leh Dereck an kan lo awmpui ang an titawh a lawm,ngaihtuah duh suh an ngaihven hman reng dawn a .

Nangpawhin nitin video call pawhin i be thei dawn alawm,le kan inneih zan a nih hi mittui nena hmang turin ka duhlo che a nia,kan pahnih kumkhua a kan awmdun tawhna tur zan hmasa ber anih hi nui tawh rawh le kan naute hian anu lungngai lai a hre duh dawn lo ania " a tihchuan ka mittui hruin ka nui seih,ka pum chu chul hauh hauhin a fawp a ,a hmui leh a biang hmul awm deuh chuan ka dul a tiza mar mar thei,hlim tih hriat tak hian ka pum chu a chelh a .

A nui leh suk zel,hetiang tak hian a nimaw fa neih a lo chak tawh ni ,min mutthat tirin min kuah hlun,a awma hahdam taka ka mu thei chu ka thla pawh a muang hle . A bula awm kha ka chak thin reng bawk a ,tunah chuan mi mit ven ngai tawh lo in khawlaiah pawh kan awm thei tawh anga ,mi sawi pawh kan kai tawhlo deuh ang chu maw “ Nick engtikah nge Delhi chu kan chhuk ang" tiin ka zawt ,diktak chuan Delhi kal hi ka huphurh hluah hluah,ka anpui leh ka chhungte hlata ka awm tur chuan min ti hrehawm sa.

Hetah ka hmelhriat leh thiantha bakah ka chhungte ngei bula awm hi ka chak a ni. Ka kut la kangin a fawp vung vung,hahdam tih hriat taka thaw chhuak suai suaiin “ Hmakar lamah chuan kan chhuk thei tawh ang ,in ngaihtuah hahlo la ,mipui chim buailohna tur leh boruak tha i hip theihna hmunah kan awm ang tih ka tiam a che " tiin muturin min hrilh zawm zat,keipawhin mit chhingin mutthilh tum chuan ka bei a,ka harh tulh tulh zawk leh nghal .

Nupa nun hman lam kan rilru ah alang lo ve ve , Nick hi ka hrechiang ka naupai tana thalo tur leh ka tana thalo tur lakah a insum thei hle tih ka hria ,tunah pawh hian kan fa a ngaihtuah hle tih a hriat pa nih a tlin dawn khawpin ka hria . Ka in ngaihtuah lai chuan hriat loh karin ka lo muhil ve der mai ,Malsawmi tawng ri lawng lawng chuan min kaiharh chiang hle ,ka mengchhuak chu zing ni chhuak tir zung chuan kan room tukverh a rawn chhun eng iarh tawh.

Nick pawh a tho tawh a nih hmel “ Khawiah nge monu mu rei chu" tiin Malsawmi chu a au leh lang lang,henu hi chu a awrawl a rin sa nen ahan au belh hi chu duhtawka na tuar rak ang tluk vel a ni thin. Muangchanga tho in ka intifai,bathroom ah chuan hate nawtin ka hmai ka phih,ka pum la dep zaih chu ka khawih,hetah hian naute chu a awm ngei a ni si ,nui sakin ka pum chu ka khawih heuh heuh,muangchanga room chu chhuahsanin ka pasal leh a chhungte bakah Malsawmi leh Nick thian pahnih Hmangaihsanga leh Dereck te pawh thutkhawmna pindanah chuan an lo thu thap.

“ Mo thar chuan thawh a hai animaw " Dereck chuan a rawn tizuk ,ka zak hle midang lah an lo nui dar dar , Nick chuan min lo kuah vatin a bulah min thut tir a “ Ehe in va in chhan tan ve " Hmangaihsanga zawkin a rawn tive leh bawk ,Malsawmi lahin mo thar zaktheilo film kha min hmeh bel zuk zuk leh nghal . Nick bulah chuan ka tawm chawih chawih ringawt,ka zah bakah ka tah an tichhuak vek ,an nui dur dur reng bawk si,ka rilru no ta riau te hi ka inhre thiamlo,a chang leh thinrim ka chak huam huam bawk si.

Ka mittui a tla chu duhlo mah ila ka rilru rawn no thar lutuk chuan min insum tir theilo , Nick an ka mittui tla a hmuh rualin midang nui reng chu a khap ,an ni pawhin min hmu chiah chu an inthiamlo nge min en thap,Malsawmi lah a inthiamlo ber berah tangin ngaihdam min dil nghal chul “ Nick an sual si,tumah ka hmu duh rihlo " tiin Nick chu ka en,min pawm in “ Khatiang maiah tah tur ani hleinem an fiam che alawm" a tihpawh chuan ka awm ngai rengin ka awm.

“ Bawiha roomah va luh pui leh mai rawh ,hmeichhia chu thi kan neihlai leh nau kan pai lai hi rilru inthlak kual hun lai a nia,dawhtheih angai a nia,hoteah thinrimna tur kan hria a,kan thinchhe em em bawk,a chang leh rilru no lutukin kan awm thin bawk, Jasmine pawh kha chutiang hunlai chu anidawn a va awm hran pui phawt mai rawh,a mood swing lai chuan dawh hram hram angai dawn a nia" an tihte chu ka la na zo vek tawh ,ka tum bar .

Mahse a sawi chu adiklo lo chuang lo,a chang leh tah chhuak em em in ka awm a ,a chang leh ka nui leh vak a ,ka inhrethiamlo thil hnek tur leh pet tur ka zawn chang lah a tam, Nick chuan khumah chuan min thutthlak pui “ Ka nupui tereuhte hi a naupang ta vek animaw ,kan fa nen hian an naupang chhia riau mai " a tihchuan melh ram ramin a sekah ka sik hlak,a ner nawk mai “ Ka ril a tam " ka tihchuan min en vutin a mit a kan uk.

“ Anih chuan kan chhuak leh mai dawn em ni ,tirawh le " a tihchuan thaw hakin ka lu ka thing “ Roomah hian ka awm rih duh,ih ka chhuak duh rihlo ka zak"ka tihchuan a nui risuk“ I naupang thar riau tih hi i inhria ang tiraw?" tisupin ka chalah a fawp vang vang,keipawhin pawmpui tak in ka lu ka bu,naupai dangte hian hetiang hian an awm ve tho a ngem le? Rilru na hma lutuk ang te hi an nei ve tho angem? Riltam reng ang te pawh hian an awm ve vek a ngem le tihte chu ka ngaihtuah pah .

Nick chu tho chhuakin ka eitur la tur chuan a chhuak a rawn lut leh tur midang nena inbia a midang nui ham ham te chu ka hre reng ,hepa hian engthil tak va sawi ang maw ,eitur arawn ken chu ka ei nghal bawrh bawrh,ar bawp te chu ka keih mial mial,ka kamsir vela kai chu min lo hruk fai sak “ Muangchang khan ei rawh,I hak a nge " tiin tui intur min lo thlit sak ,keipawhin a thu chu awihin muang changin ka ei mial mial,“ Nick khulama chhuh hma in vawikhat tal ka pa bulah riah leh ka duh a ni"ka tihchuan a ngawi vung vung.

Min chhang tawh dawn lo emaw ka tih hnuah “ Awle Inrinah kan riak phei ang a tha em?" A tihchuan bu nghatin ka nuih ver ver ,veng a inhlat tawha ka duh duh hunah ka hmu thei tawh heklo,tunah phei chuan ramdang daihah kan awmsan tawh dawn lehnghal,ka nu leh ka unaunu hian an lo tihbuai lutuk loh hram ka beisei ,kan chhuah leh chuan midang pawh an lo la awm vek “ Jas ka tihpalh aw " Malsawmi chu ka en a thiamloh a nihloh thu leh keimah ka in control hmanloh thu ka sawi takah chuan ani pawh a thaw huai mai 

Chaw an lo ei nghal vek dawn a niawma ,chuvanga zing a rawn kal an nih ka ring,chaw chu kan eikhawma kan tam ve bawk nen kan ri le lu reng,keilah in thawm bengchheng chu ka zo lo lek lek zel ,ka naupai atang hian ka mizia tam tak a inthlak danglam tih ka hria ,Chaw eikham chuan ka chet ve an phalloh a vangin Nick nen tualah boruak thianghlim dawng turin kan chhuak ,a in bul vela far thing dingte chuan in chu an tinuam zual ,minister leh sawrkara mi pawimawh ho pawhin a khat tawkin min rawn tlawhin lawmpuina min hlan a .

Ka pasal hi mi hriat ani bawka ,kantu leh lawmpui tu an awm reng mai ,keimah lam atang erawh in chhungte sawi tur em em ka neilo bawk nen an awm lo viau,chhunah ka pa pawh a rawn lang hlawl ,ka hmuh rualin ka pan nghal vat,a nipawh police atanga a pension tep tawh ka ring. Ka awm lo tur chu a huphurh ve hle tih ka hria ,mahse a sawi duh hauhlo ,thu min hrilhin ka pasal timualpho tu nilo a tawiawm tu leh chhel taka awm turin min hrilh mawlh mawlh.

 “ I pasal hi mi naran a nilo tih hria la ,mi chunga leng mite en rawn ,hoteah pawh mualpho thei a nitih hria la ,nangpawh fimkhur ang che . Mipui te tana nelawm takin awm tumla ,mi ramah i awm dawna ,i hnampui an nilo tih erawh hre reng ang che . Mahni hnampui leh anpui loh chu englai mahin inzawmna tha a awm thei tak tak lo,i pasal thu chauh hi ngaipawimawh ber ang che" a ti dap dap a ,keipawhin lu bu nghatin a kut chu ka hum “ Pa i tha ang tiraw" ka tihchuan bu nghatin a nui var var .

“ Tunah chuan ka fanu pawh mi puitling tak kutah ka hlana ka lungngai lo,ka thih hunah pawh ani hian a enkawl thei dawn che tih ka hrechianga,mipa tha tak i tawng hi Pathian hnenah lawm thu awm mawlh rawh se ,keichu mih ngaihtuah reng reng suh"a tihzawm a “ Pa thihna lam sawi reng reng suh,ka kiangah awm reng rawh " tisepin ka pa chu ka kuah,ka hriat theih tirh ata awka vina min be ve ngailo tu ka pa hi keichuan thildang zawng aiin ka ngaihtuah zawk.

(WEBSITE A KA RAWN ZAWM LEH HUNAH HE MI LINK NGAIAH THO HIAN CHAPTER 10 A FULLIN A AWM ANG AW )