THE GOVERNOR CHAPTER 1 TO 9

THE GOVERNOR 

CHAPTER 1

A HMASA IN HETIANG SAWRKAR LAM LEH RAM AWPNA LAM HI KA TUICHILH VAKLO A ,KA KUMIN ALA PHA HEKLO BAWKA KA THIAM DAN DAN HI MIN LO PAWMSAKIN KA HRIATLOH TE PAWH MIN HRILH THEI TU IN TAM DAWN A ,MIN LO PUI VEK DAWN NIA AW ☺️☺️

“Awi kan college ah hian a vawikhat nan pu Nick Zochhuanmawia a rawn kal dawn ,Mizoin Governor kan ram ngeia kan neih hmasak ber a nia ,a chhelo teh a nia ,pathlawi a la nizui awi ka hmu chak tawh lutuk " ka thiannu thusawi zat zat chu ka en a,ka nuih tawp keichu mi ka ngaihsaklo a ,ka lehkha chhiar thin leh story chiah ka buaipui,Kan MLA te mah hre theilo hian tumah han hriat tur vak ka nei lem lo 

Chief minister ka hre tawk chauh a nia ,reiloteah professor te an rawn lut ,thusawiin khual zahawm an tihchu an ko chhuak,a rawn luh rualin thawm a reh duk “ En ve teh " Malsawmi chuan min rawn nghawk zauh zauh ,ka ning lutuk chu hawichhuakin ka en ,awi leh khawvel hi ava zim tak,sawpa ngei saw a ni Mumbai ka zin tuma ka hmuh pa kha ,ka la fawp zui ka hmai a sa hat hat ,tun thleng hian ka la ngaihtuah fo thin.

A mitmeng pa hrak te,a hnar ngul nalh zet te chu ka la hre vek,dawhsana thu in a rawn hawichhuak chuan min melh ta run mai,ka ip chawih a mitchuan khawdang hawilo in min melh run run reng,ka mit ka la sawna ka va en leh pawhin keimahah a mit a la fu zel ,ka thiannu pawhin min rawn enin “ Awi pu Nicka sawn a rawn en reng che ania in inhria em ni ?" Zawhna a ngah leh tawh “ Hrelo keimah min en lo ang " ka timai ,mahse ka chiang ropui sia ,chutah professor Zokima chuan solo turin min ko chhuak .

Kut an lo beng dur dur mai ,ka zai fo a min sawmtu pawh an awm ve fo,mahse keichuan ka ngaihsak em em lo ,ka zirlai hi zawh phawta ka tui zawng zaia kalnan a la tlai lo tih ka hre bawk a ,ka la hmanhmawh lutuk lo ,muangchangin ka tho chhuak a stage ah ka lawn chho a ,ka zam lutuk chu ka in hrethiam bik lo ka za mer mer hian ka hria ,ka khur hial bawk nidangah pawh hetiang hian ka awm ngai tawp silo ,Taylor Swift “ Red " tihchu ka zai a .

An au dur dur ,ka zam a ni tih ka aw a a lang chhuaklo chu ka lawm ,ka zai zawh rualin kut an beng dur dur ,Mike daha ka hawi let chiah chu pu Nick a nen chuan kan in melh leh nghal chat ,en rei duhlo in ka chhuk nghal vat ,a mitmeng rum lam lek lek leh mi hip zet avang chuan ka ip ru chawih chawih ringawt ,mipa tam tak an awm a,tunah ngei pawh hian mahse tinge saw governor sawn min tihdang lam theih tlat le ?

Hunserh a zo a pawnlama thil ei tur a kan chhuah hnu lawkah ka bulah a rawn ding“ Awi sir ,thla min lo lakpui ,rem itihchuan ka lawm viau ang ,Kan mizo pui ngei hetia i ram ngeia governor hna i thawk thei hi ka ngaisang lutuk che " thiannu dang bawrhsaibe neih hi chu a buaithlak a nih hi,hnapkhawna a hnap laia hi tawngthei se chu ai pawha rang chuan a tawng theih hial ka ring,ka bei hi a dawng thin “ Awi i remti maw ka van lawm em em " thla lak puiin keimah ngei min la hmeh tir zui .

A chak lo khawp ang he mihring nu hi,midangte pawhin chutia Malsawmin thla alak pui theih avang chuan an rawn beisei leh nghal ,ka kalsawn daih ka ning lutuk,college hnunglamah ka eitur nen ka kal ,Malsawmi ka bihruk san rih  ani ber,mahse min rawn hmuh leh vat chu ka ring tho,ka awm duhna leh kal duhna a hrechiang ve tawh miau ,ka sawi ang ngeiin reilo teah “Amelia " tiin a rawn au lung lung “ Awi en teh maw pu Nick khan i number min dil,a star chiang che" a rawn tihchuan “ I pe em " ka lo tivat.

A hmel atang chuan a pe a ni tih ka hre nghal ,henu hi chuh! Ka thaw ham ham “ Enteh in inhria ami,i chanchinte min zawt a ,a ngaihven riau che thian inkarah engmah zep a awm tur a nilo kan ti emaw ka tia " tiin min melh ram ram ,ka zep chu ka duh biklo,mahse kha thil kha hriat nawn fo ka duh tawhlo,ka nun lo hman tawh zawng zawng a ka la zah tum ber ani “ Mumbaia ka kal tum khan kan inhmu a " tiin ka chawl leh dat kha hun kha nichin lawka thleng ang maiin ka la feel thei ,tuipui kamah ka tlana ,thla ka la kual bawk .

Ka tlankual laiin kan insu fuh a ,inkawm tanin keipawhin a hmelthat bakah a chhelo bawk nen khan ka zarbuai anihkha,ka fawp hial bawk engtin mah kha mi tum khan min tilo a ,mahse tunah tum loh deuhin kan inhmu leh ta bawk si,ka ngaihtuahna hi a buai nuaih mai,min la hre ve reng anih ka ring,ka sam ka tuai nawk nawk “ Lalpa engkim a chhe ta vek a nih hi awi,tinge tunah a lo lan ,hnamdang emaw ka tia ka fawp leh nghal " ka tihchuan Malsawmi chu a mit a pawt chhuak dawn emaw tihturin a meng pawng hru .

Au a tum chiah  chu a ka hupin“ Saw khawvelngama alo kal " ka tihchuan a tlanchhe nghal,Rinpuia hi a hmelchhe lo a mahse a mah hi awm duhdah ve deuh ,che a buang mai leh buaina awmzia hre ve vaklo emaw tihturin mi insual lai te hian a lo nui vur vur zel a ,thenkhat tan chuan angei awm thei ngawt ang,Malsawmi hi a duh deuh nge a be renga ,ka thiannu lah hian a lo hlau tum hrang ve bawk nan in peh hel reng theilo ,nitin tihian an intlanchiatsan thin,ka nui hak hak a “ Tinge a tlanchhiat ziah le " ti nui nuiin ka sirah a rawn thu thla a .

Ka lo nuih hak hak ,pangngai deuha awm turin ka hrilha ,a bu nghut nghut mai , a kalsawn hnu ah keipawh ka chhuak zui a,mi an lo rem duak tawh mai ,tlem te lo awm zingah Malsawmi pawh a lo awm a ,ring zet zetin a lo au leh tawh ,inah ka haw rualin khapa bawk kha ka ngaihtuah leh ,min lo be mai angem tiin ka phone ka en sek ,mahse zanlam thlengin a message emaw a call emaw ka hmuh takloh ah chuan ka hahdam huai thei ,Malsawmi khan a pelo a nih ka ring ,nge a lo pe reng zawk .

Ka inbual zawhah lehkha zir tumin ka lehkhabu ka phawrh a,mahse rilru ah engmah a lut theilo ,ka phone chu a rawn ri ,number hriatloh a nih avang chuan ka lung a phu nghal dup dup ,muangchangin ka la tutak ni ang maw “ Angel " ka phu zawk “Tunge inih " tisepin number chu ka en nawn ,ka hriat ngai pawh a ni bawk silo “ Min theihnghilh tawh amaw ,tuipuikamah kha chuan ka awm nghenga awm kha nuam iti viau a ni lawm ni " Chu thu a sawi rual chuan ka mengkawk .

“ Ka hmu duh che naktuk ah ka inah lo kal ang che ,tuma hriatloh in " a tihchuan ka hnial vat “ I duh duha thupek kual tur ka nilo,Chuan thil thleng palh avang mai khan ka hnaih che ring suh,ka hmelhriat tha pawh nilo in ka mikhualnaa ka tawn mai ini,Chuan ka lo kal lo bawk ang " tiin phone ka dah a ,thawk ka la ham ham kum hnih liamta ka ngaihtuah ,tuipui kamah keimahin ka thu a ,chutah ka bula rawn kal ve ka sut pa bawk chu ka hmu leh ,a hawiher reng reng chu a ngeng ngalha .

A hmel enin a naupang chhe zawk zawk tawh lo tih a hriat,kei chauh nilo in chuta awm ve ho mit pawh ala,miin an en reng tih hrelo awm ang chuan a awm ngai rengin a awm a ,a hmelah engmah a langchhuak heklo ,ka pan hnai “ Hi " tiin ka nuih sen sen ,ka duhthu ngeia mipa ka pan hmasak ber ani,engin nge min mawlh pawh ka hrelo ka harhchhuah meuh chuan a bulah ka ding fel der tawh ,min melh chhuk runin a kuta a sana bun chu a en zauh .

“ Enge buaina i neih naupang " tihmukin kalsawn a tum,a hmaah ka ding leh tlat ,muangchangin ka hnaiha dingdihlipin a hmuiah ka fawp ,tumah an awm lo a ,lungpui phenah kan awm miau ,ka mit ka chhing ka taksa leh rilru hi ka thunun hmanlo a niber ,ka mipa fawh hmasak ber ani ,ka kawngah a kut lian hlup rawlh lutin min chhang let ,a zeiin ka ngaihtuahna a tibuai vek mahse “ Dear " ti a au thawm a hriat takah chuan min thlah vatin kan awmna lai atang chuan a chhuak ,ka enzui chuan hmeichhe pakhat hian alo kuah a ,a awmah a bei chial bawk.

An kut ka en chuan ka mengkawk ,keihian nupui neilai ka fawp amaw? Ni e khani atang khan ka hmu  leh tawh lo,mahse ngaihtuahna erawh a luah reng thung,tunah lah nupui a then an tileh nghal ,ka lu ka thing nawk nawk ,ka ngaihven tur anilo tiin ka infuih,ka phone ah message rawn lutin “ Ka lak atangin i him rei dawn lo,sanghate ka rawn man thuai ang che " tihchu a rawn thawn ,ka awm a nuam thei meuhlo,a ni pathlawi a nih bakah ram awp tu a ni bawk,kei lah college zirlai ve mai .

Engvang a lo inhmu kher kher nge maw kan nih le,Chaw eitura ka chhungten min lo auh pawhin ka eichakloh thu in ka chhang,engtin nge hepa hi ka pehhel theih ang ,ka rilru a buai takzet 

Losing him was blue like I'd never known ,

Missing him was dark grey all alone ;

Forgetting him was like trying to know 

Somebody you never met ,

But loving him was red .

Zingah tho in exer ka la a ,taksa hriselna hi ka chhungte hian an ngaihpawimawh avangin tette atangin ka insawizawi tha a ,ka pian pawh a nalh hle reng bawk ,mipa mit ka lakna ber pawh a ni,ka unau te zinga naupang ber ka nih avang hian min duat rawn a ,pasal la neilo awmchhun ka nibawk nen ka nu leh pa phei chuan naute ang maiin min la cheibawl ziah ,ka hming hi Liandingpuii a ni a ,min koh nan erawh Jasmine tih a ni daih thung.

A chhan pawh Jasmine par ka tette atanga ka ngainat vang tih an sawi ,in ka thlen rualin chaw eiin class kal turin ka insiam  ,ka zai pah rat rat zailam hi ka tuina ber anih avang nge zailo Chuan ka awm rei thei meuhlo ,Daduhi ,Zorinzuali leh Melody Lalsawithangi te hla hi ka duh em em vek a ,Taylor ,Selena ,pink sweet tihvel hi hnamdang be zai ka ngaihthlak leh ka sak tam ber an ni bawk  bawk,ke in muangchangin ka kal,college kan hlatloh avang hian ke hlirin ka kal.

Chubakah lirthei a tam tawh avang hian traffic jam ka ning bawk nen taxi ka chuang peih meuh lo ,college ka thleng tep tihah kawngkawia ka hmaa ding avang chuan mengkawkin tlanchhiat ka tum,mahse a che rang lutuk tlat ,ka kawngah rawn manin car chhungah min pawt lut ,tumah vak an la awmlo nen min chhantu tur an awmlo “ Min kaltir rawh ,engvanga min man nge inih " Nick Zochhuanmawia chu ka en,a awmah ka chum dawt dawt,nimina a thusawi ka theihnghilh vang vek ,hetiang tur tih hria ila Malsawmi bulah ka kal tur hi ania .

Ka at vang vek ,driver a nei thlap a ,mi zahawm a nibawk a awm ve e,kei erawhin ka ngaisang tehchiam lo “ Min chhuah tir tawh class kal ka ngai ania ,nang nen hian sawidun tur kan neilo ,ka lak atang hian kal bo rawh " tiin ka au khum tuar ,a la tawng chuanglo nghet zeta min man betin “ Ka inlamah tlan rawh" driver pa bulah chuan thunei tih hriat hluah hluah hian a tichhuak ,a sawi hnu reiloteah min tlanchhuahpui ,kei erawh ka la tal reng.

A ning deuh nge min sawi nawkin“ Ka hrilh chiang viau che ani lawm ni? Hetiang hian i awm ka rin avang a lawm keimah ngei ka rawn kal ,nang hian bul i tana a tawp i khar ngam leh dawn si nange naupangte " tiin ngeiawm zetin a kiai suk ,motor lah chu khawpawn lamah a tlan zel “ Hey khawiah nge min hruai i tum ,min chhuah tir ru police hnenah ka report dawn che " ka tihchuan ngaipawimawh lo tih hriat tak hian a sana a bihzauh “ CM te nena kan inhmuh khawm hun tur kha lo sawi teh,helaia nghate pawh hian police hnen ai chuan a report liantham ve deuh ang.

A ka hi a chip thei mahna " a tihchuan ka melh nghek “ Min chhuah rawh ka hmu peihlo che,hmelhriat pawh kan nilo,hruaitu inih avang kher hian i duh duh a i khawih a i hruai kual tur ka nilo,min dah let rawh hmela " ka hmuiah ka phun lai chu na zet hian a rawn fawp ,ka tukkhumah a dawm ber,ka tawng theih tawh lo hrim hrim,a lei chuan ka ka chhung a hawl kual,ka meng kawk kawk ringawt ,he mihring hian zahna chang a hre thlawtlo,a coat hakah chuan tham nghek in a hmuiah ka seh vak.

Min thlah chiang hle ,a hmui thi chu tuaizauhin a en ,ka en let ve kar bawk nuisuk hian min fawp tha leh ngat,driver pa awm leh awmloh a ngaihsaklo tih hriat tak hian a duh duh danin a che kual,a awmah ka chum dawt dawt reng,car tlan kawngchhiatna lai a a tlan changa insawh leh pawh chuan a tibuai phalo,car ding thutah chuan ka inring hmanlo nen ka eu dawrh,ka insawh ringin mit ka chhing sawk ,mahse alama min hnuk dawrha min kuah tu avang chuan car darthlalangah chuan ka intauh lo hlauh chu ka vannei .

Ka hawi chhuak in nawm hmel zet lei hrula sak leh daih hmel raih mai leh gate chunga “ Mizoram Governor house " tih lo inchhu kalh chu ka thlir reng,“ Chhuak ang " tih hmuk pahin car kawngkhar hawngin dimlo lutuk chuan min hnukchhuak dawr dawr,police lo duty te chu vai deuh vek an nih avang chuan ka be duhlo law law ,shavdhan ka en atangin vai reng reng hi chu a hlauhin ka hlau hlur tawh mai .

Mi puih pawh an tumlo hrim hrim ,an pu thiltih tha lo hi an enliam tih a hriat reng “ Pathlawi min thlah rawh ,I nupui ka nilo college zirlai naupang nu leh pa nei,nu leh pa in an duat ve em em ka nih hi,I duh duha i kawih phar tur ka nilo,ka hmu duhlo che ka ti anilawm ni " tiin ka au khum tawn tawn,ka au ring bawka ka hrawk te hi a na vek tawh,ka thusawi lah a ngai pawimawh duh der silo ka haw takzet ,chhuak ringawt dawn ila hawna tur ngaihtuah turin khawilaiah nge lirthei ka nei bawk silo.

Chubakah khang police ho kha min sawisak tir hrep ang tih pawh a hlauhawm,tun ang laiah ram hruaitu tha an vang tawh ropui si,pawisak neilo tak tak an tam tih ka hre ve khiau,ka chhungte phone tumin ka bag chhunga ka phone dah chu ka la chhuak a ,ka hmet dawn chiah tihah a rawn pawtthla, a ipteah a dah nghal hmak  “ Ka thu anga i awm ham chu he hmun hi i chhuahsan lo ang " a rawn ti a ,a kamiz haklak ban chu a thlep pah,a ban thahrui inphiar fut te chuan kei hmeichhe dawrdep lutuk hian thaah ka hneh dawn lo tih lah ka hrechiang ropui sia .

“ Enge ka lakah duh i neih,I thu thu a awm tur ka nilo ve " ka tileh fak ,ka tlawm mai mai lo ang,a mizo pui ngei chunga hetianga che duh mipa hi ka ngaisang ve tehchai lo ve ,ka lam a rawn hawi zawk a “ Sharma ka file kha lo la teh ,Chuan helai nghate hi vah chhuah a tum em tih ngun deuhin lo en ang cheu" tideuh hmukin chair nalh zet leh thutpawha dup nuam tak tur ani tih hriatah chuan a thu thla a ,laptop chu a khawih nghal mual mual,a mi tirh pa pawh chuan engmah sawilo in a tinghal zung zung.

Ka ngawi ta reng,ka kut ka tawm a,tlanchhiatna tur ka melh a ni ber ,engtin nge min tihdawn tih lah hriat a nilo,min pawngsual ang tih ka hlau ber ,chutiang chu thleng lul suh se ,ka phone chu a rawn ri ,Malsawmi a nih ngei ka ring tawh ,college ah min zawng ngei awm si a ,Nick Zochhuanmawka chuan a phawrh chhuaka ,a en zauh,chutah hmet tawpin a bul dawhkanah chuan a dah nghal hmak “ Hey ka phone kha min pe rawh " tiin ka au tuar ,a nersawk duhchauh,a hmazawna paper awm chu la in ka vawm  darh.

“ Ka phone kha min pe rawh ,nang ang mihring bulah hian ka awm peihlo,governor nimahla ka tan chuan vawk vulh tu ang lek ini i hria em ,khawi ka phone kha " tinawn leh in ka kut ka dawh ,pen la in ka kutah a rawn dah a “ Hetah hian henghi lo ziak khat rawh " a rawn tisup anihchu! Hepa mai mai chuh! “ Ka kal duh tawh khawi min pe vat mai rawh" ka  tileh tuar ,ka zaidam ka intih ve tehreng nen he mihring  bulah hian ka thinrim lo  theilo  chu a nih ber hi.

Ka chhung ten college ka kal lo tih an hriat chuan  ka chan a chhe khawp ang le. Lalpa enge hepa hian a duh ni.

THE GOVERNOR 

CHAPTER 2 

A in ah chuan tihtur neilo in ka vak kual char char ,Ani lah a buaiin phone a hmang deuh reng Prime minister vel a bia tih ka hriat avangin thawm ka chhuah duh miahlo a ,lo runluih vak chak mah ila ka tan a pawi thei miau “ Sharma assembly thut khawm kha lo ko rawh aw ,naktuk ah rorel angai dawn ania ,kha hei hi Delhi lamah lo thawn bawk rawh" tiin lehkha a pe a ,ka lo vak kual mai mai ,a inchhung chu governor a ni bawk a ,thil pawimawh hmel tak tak leh banga thlalak intarah chuan ram hruaitu te ho thlalak a intar a .

Ka nui kur kur an va han chhe ve tak,mi thil tithei hmeltha tak hi ka la hmu miahlo,Hepa Nick tihloh “ Ehe hepa chu a chhip a ruak a nih hi ,lu steel a kha a ang e " tiin ka nui kar kar a ,Nick leh a hnuaia thawk te chuan min melh deuh hrawk ngai pawimawh duhlo in Mahatma Gandhi lam chu ka en leh “ Sorry hnam pa ,mahse thudik a ni bawk sia " tiin ka kal kual leh “ Awi hei te chu zawng a ang reuh lutuk ,a lukhum te hi " tiin ka nui leh vak vak,tihian sawichhe char char ila min kal tir mai ang .

“ Ngawi tawh rawh" a rawn sawi lai tak chuan dawhkana thil mak deuh awm chu khawihin saihlum a rawn in perh chhuak ,Nick Zochhuanmawia chalah tak a va ri lawlh mai ,a kun ngur a ,a chet hluk mai “ Hey nang nu kha nungchang mawi i va hrelo ve ,jail ah khung i ngai anih hi " Sharma a tihchuan a rawn ti a ,a thinrim hmel hle pawnlam auh a tum chu “ A tullo" tiin Nick chu a rawn tho chhuak ,a mengsen rum mai ,tunah chuan ka hlau takzet tawh .

Tlanchhiatna tur ka zawng,a vang ropui si kawngkapuiah tlanchhuak dawn ila pawnah police an awm thup bawk sia “ Ka tihpalh ,pu governor ka tihpalh " tiin ka back dat dat ,a ngawi reng keimah chiah min en ngur “ Sharma lo va chhuak la kawngka kha rawn khar ang che " tihmukin bangah min nawr bet ,ka chil ka lem khawlh ,a hnuaia thawkpa lah chu a chhuak nghal daih “ Min tih thinrim hi i chak tiraw?" A rawn tihrawk . Ka chil ka lem khawlh; hetiang hian a awm thut ang tih ka hrelo; ka tih thinrim chuan min kaltir mai kha ka ring asin.

“ Ih ka haw duh " tiin hmun dang ka melh,ka zam hlum lo chauh,ka lung a phu rang hle bawk,hepa mi uap natzia leh a thinrim hlauhawm zia ka hriatchhuah phah “ Kal maw ,haw tir mai tur che in ka hruai hleinem che ,ka nupui hmuhlai pawha min fawp ngam chuan tunah min pehhel leh mai dawn em ni? Bul tan tu zawk hian a tawp khar i ngam leh si na nge ?" A rawn tihmuk a ,min khawih tum hmel pawh a pu lo . Min ngaihpawimawh hmel tawhloh hluah hluah “ Chhuak rawh." Tihlukin a kalsawn a .

Keipawh chuan rangzet in pawnlam ka pan nghal ,ka phone ka la lo tih hria in ka let leh ,ka va han ning tak,a bula awm hlauh tawh mahnak alaiin chutia ka lo la theihnghilh chu ka hua ,sofaa mitchhing chunga alo thu chu tim daiin ka pan a,“ Ih ,ka phone kha! " Aw khur hlak hlak hian ka tichhuak ,min rawn vin leh hrep ka hlau a ni ber . Ngawi rengin a kekawr ip te atanga la chhuakin min rawn pe a,rang zetin ka tlanchhuak nghal ,Sharma a tihpa khan ka kal chhuak chu min en zui ang run run lehnghal.

Vai hi chu ka ngaina thei thlawt lo,kawngpui ka chhuak thla a ,taxi lah an vang em em zui ,in awmna hi a va fal deuh avangin motor tlan an awm meuh lo,a tawpah truck rawn tlan chu ka lo phar ding tawp a ,an ni pawhin min chuan tir ve mai bawk. Ka thaw huai huai thei ,Kan venglam panna pengah chhukin pawisa pek ka tum chu la duhlo in a ngaihloh thu an sawi a ,an fel takzet thenkhat hi chu thuilo te ah pawh pawisa an phut tang tang zel a ni sia ,lawm thu hrilhin taxi ka chang leh a ,khapa vang vek khan motor hyre ka ngaih phah a nih hi.

Kan veng kan lut a ,Kan inzawnah chuan chhukin pawisa ka pe a ,ka tlan lut nghal nal nal ,ka chhungte chuan engmah an hre lo hlauh,ka room panin Malsawmi ka bia a ,thil awmzia ka hrilh chuan anipawh a lungawi ve leh mai bawk,a mah chauha a thut thu a sawi chuan ka khawngaih ve hle ,kha Nick Zochhuanmawia kha rawn langlo se chuan kan awmdun leh animai tur ,ka haw takzet khatianga thil tangkai pawh awm silo a min hruai ve ngawt pawh kha ka hua ,khumah mu thla hnawkin thawk ka la ham ham.

Bialpa ka nei ngailo a ,kha ka fawh bak kha mipa dang tumah ka la fawp leh lo bawk ,bialpa tur ka hmu lo a nilo a ,mahse Nicka ka hmuh atang khan mipa dang ka ngaihsak tawh lo hrim hrim,ka mipa duh hmasak ber lah mi pa alo nireng bawk a . Ka vanduai a nih ber hi,ka fawh atang khan ka ngaihtuahna zawng zawng a la a niber a ,mahse chunga tihlan erawh ka tum lo thung. A mi ngaihnep tur a awm ka tum miah lo bawk ,a ruka duhna nun hi ka la hlimpui ani ber ,Han hrilh ila; min lo hnawl leh si chuan ka tan chuan natna tur mai a ni .

Rebecca Lallawmsangin a“ suangtuahna ka nuihpui ,I hlimthla ka hlimpui " a tihkha ka la vawng nung rih mai ,suangtuahna a ka ta nihtira lo hlimpui hi ka duhtawk rih viau e ,hnawl nih ai chuan ngawi renga a hlimthla lo hlimpui ve mai hi ka thlang zawk ,ka hmangaihna hi hnawl a nih a ,ka neihchhun ka thinlung hi tihkeh a nihchuan thinlung dang zawn nan hun ka mamawh leh viau dawn tih ka hrechiang si.

Ni e ,hrilh tawp chu ka duh ve alawm ,mahse a bula ka awm chuan ka zam zo va ,hlauhthawnna ka nei a min lo hnawl mai angem? Midang a neih leh neihloh hrelo hian risk ka la ngamlo ani ber ,chubakah ka phuloh neihtum chu midangin min dem bakah a hmaah ka insawi mualpho mai mai dawn . Phuloh beisei tlatna nun hi hringnun tikimtu ber a ni tlat bawk si .

Kan phuloh kan vei a ,Kan neih theihloh tur umin kan buai a ,hmangaihtu zawngin kan hmanhlel a ,a tawpah natna chiah kan hlawlhchhuak leh thin ,a ni chu ka tan chuan a sang mah mah a ni,a ruka vei a ka ta nih tir hi a nuam zawk,takram ai chuan suangtuahna khawvel hian min tihlim fo a nia ,ka nu in chaw ei tura min rawn auh chuan tho chhuakin room kawngka hawng chuan choka lam ka pan a ,Kan in hi leiin ang ban neilo in kan sa a,sap ho in ang a niber ,ka pa hi police officer ani a ,a hna ah pawh fak a hlawh viau zel .

Unau dang a nei lo a ,ka nu lam atang erawhin chhungte kan ngah viau thung,ka pa hi ka faka ,ka diklohna ah ka thlavang a hauh ngailo a ,ka diknaah erawh a tawp thlengin a tang thin thung,sawrkar hnathawk thenkhat angin eiruk a nei ve ngailo a ,dik takin a kal mai thin,thu tha tinreng min hrilhin ka naupan tet atangin a tul tawpah lo chuan khawlaia vah chhuah a phal ngailo ,ka u te pawh in a thu awihin pasal tha tak an nei vek tawh“ Hmeichhe vak vak nih hi a mawi lo,a tawpah mualphona bak an hlawh chhuaklo,hmeichhe vak vak reng reng an nun a chhe tawlh tawlh a ,chhungte zahna khua an titam thin.

Mipa lenpui reng hman te hi in ngaihzawn lai chuan nuam viau mahse inneih hnuah pasal ten min hmuhsit phah fo ,inchhung khura awm tam na na na chuan nula fel tih an hlawh a ,mi nu leh pa pawhin an fate nupuiah an iai mai nilo in an awt em em zawk thin,nungchang hi an en ber a niin hmeichhe lan mawina ber chu kan nungchang hi a ni ber,mipa chu nungchang tha lo pawh nise miin a lawi tur an nilo ,hmeichhe tan erawh vawikhat hmingchhiat pawh a pawi tih hi hre reng rawh " a ti fo .

Hei vang te pawh hian aniang,mipa hi ka ngaihsak ngai vak loh ni ,vawksa ka hmuh chuan ka nui vur vur “ Awi a tui dawn lutuk " tiin dawhkanah ka thu thla a,artui leh tomato kan ka hmuh phei chuan ka pum a ri rawk rawk thei hial “ I ei rang lehchiam ange ,tumahin an eikhalh dawn lo che " ka nu chuan a rawn ti nghal zat,Chaw ei dawn a piang hian min hrilh ziah a ,ngaiah ka neih tawh ka pa erawhin “ Fate puarloh hlauin a lawm le hna kan thawh ,ei zung zung rawh ka fanu te chu a hmeltha in a pian te hi a nalh ania " ka pa in a tihchuan ka nu a mengrum hle .

Ka pa nen kan nuih dun a ,Chaw hmeh te chu a suak tau deuh sawk sawk ,ngawi rengin nui ngam tawh silo in kan en “ In pafa hian rawngbawl ziah tawh ang cheu!" A tihlak hlak a ,a thinrim belh kan hlauh avangin kan biak belh duhlo ,Chaw chu ka ei mawlh mawlh,hmeichhia mah ni ila chaw hi ka heh mah mah em aw tih tur a ni a ,kan chhungkua ah pawh hian ka eitam ber zel ,artui leh tomato kan chu chawmin chaw chu ka bar tawn tawn,vawksa hang chu thakin ka hawp leh char char “ Awi Liandingpuii rapthlak dan hi chu aw ,hmeichhia pawh ini lo hmanlai mipa chaw duh an sawi ang chiah .

A ka te ho a zau hem hum ania ,insum ve thin rawh ,I dul a kiar mai ang" a tihchuan ka en kar “ A ho ,ka dul puar luah pawh nise enge pawi nau ka pai hunah pawh hei ai lian lianin a puar dawn chauh,chubakah hei en la zingtin exer ka la a ,mi pawhin piannalh min tiziah,ka nu ve hi a mi chuan an fate puar loh hlauin a tui tui leh a tha tha an pe a ,nang ve chu mi hau reng mai nuhrawn hi i ang thei lutuk. Aiah..." Ka lu ah a fiana a rawn tuk avang chuan ka dawm nghal vat “ Nu i a mak thin e ,mahni fate thil tisual pawh ni zenglo kutthlak ngawt thin suh .

A ei theih phawt chuan ei rawh se,Chaw ei tur kan nghei em pawh ala nih loh hi " ka pa chuan alo ti nghut ,ka nu pawhin ka pa a tawng takah chuan min hau tawh biklo ,Chaw eikham rualin lehkha zir turin ka lut a ,ka phone lah chu tu emaw mesage rawn luh hun tur changin ka en sek leh nghal ,huiz beiseina thlawn tur beisei hi a sim theih chuang siloh a . A thawm a reh ta hmaka,min ngei ta viau ani ngei ang; ni e a ni ang mipa vawt leh tawng tam lo kha chuan ka mizia ang hi a mil dawn lo hrim hrim .

Keiaia tha a hmu hnem dawn tih ka chiang,hna nghet neia mahni inchawm thei tan hi chuan nupui/pasal hi an vang lo ve em a ,Ani pawh kha bemtu an tam viau ang,governor ni kher lo pawh nise a hmel pawh khan hmeichhe ho a hip dawn hrim hrim,lehkha chu ka en ve tak nangin ka rilru ah erawh a lut thei meuhlo ,ka thaw chhuak ham ham,mitchhingin rilru a luh tir tum takin mitthla ka tum a,mahse; ka beidawng thak ,Engvanga Nick hmel ringawt ngaihtuah nge ka nih ? Kha mipa chapo leh sual lutuk kha .

Ka zir that theih miah loh avangin ka mu hmak a ,zirtirtuten a tuk lamah min la hauh phah zui ,Malsawmi hnenah engkim ka hrilh “ A van mak em em,a chenna ka la hmu miahlo ,an sawi dan chuan nau hmeichhia a en a chupawh chu tunah hian Mizoram aiawhin hockey a khel mek an ti,a nu leh pa erawh thingtlang lamah an awm daih thung a ,thingtlang boruak an ngaina zawk an tia,Nick hi an fapa neih chhun a niin amah hian thiam thil angah lutuk an ti.

A nupui nen an inthen hnu lawkah Indian actress Deepika nen an inzui an tia,tun thlengin mahse nangmah hi a ngaihsak hmel che e " a tihchuan za lo zetin ka nui,bialnu a nei tih ka hriatna chuan min tihnualin niminah te khan ka lo hnaih mah mah ang tih ka hlau ta hle ,keimah te a ka awm hnu ah hla sa in college hnunglamah chuan ka thu a “ Thinlai tihlimtu ber ,lunglawm tikumtu ber ,zaleng ten an hel rawn,lengtin khumtu ,ka tan hian par ang vul ve la ,ka tangah beiin min pawm vela ,lunglawm a kim mahna " mitchhing chung chuan ka zai .

He hla hi chu ka duh ve thlawt,ka thil tawn ka ngaihtuah a ,ka nui hak ;amah avangin kumhnih chhung ka buai a ,a zunah ka uai laklawh a vangin hmuh leh ka chak em em thin . Tunah ka hmu ta chenga ,midang ta bawk a lo ni leh si “ Mahse ka hlan...ngam silo che .....chhai che ka zuam silo Thadang ,phuloh a chhai min tia" ka nui chhuak hak “ Min duh miah siloh leh biahthu ka hlanpui miah siloh nun thikin ka na mek chu a ni sia,ka bialpa pawh nilo lakah thikthu ka pe chhe ve em em a ,mahse engtin nge kan mi duh zawng zawng hian an hre vek hleinem maw? 

Guitar dahin class lam ka pan ve chauh a ,an lo bengchheng leh tawh viau “ Jasmine " min au tu ka en chu Hlutea kan class captain ,min ngaihsakin min zuikual reng ,a chhelo a amah mihausa fapa a nih bakah a in vawng thianghlim bawk a ,a fresh thei hle kan college hmeichhe ho star rawn a ni a; vawitam min bem fo. Mahse ka hlauthawng ziah leh min dang tu hi an awm leh thin,a mah ka duhlo lutuk pawh a nilo .

Mahse rem miahlo anga min hrilhtu hi a awm ka timai “ Hi " ka nuihsak a ,ka lam a rawn pan nghal ,ka en chhoh chuan pangpar alo keng ,ka duh chi tak ka hming anga an sawi ngei Jasmine par ngei a ni “ I ngaina em a ,I hming pui hi ka duhsakna zawng zawng nen ka hlan a che " tiin min pe a ,ka lak rualin kan class ho chu an au dur dur ,hmeichhe thenkhat erawhin ngei hmel deuha min en pawh ka hmu nawk “ Ka lawm e ,Hlute " tiin ka thutna lam ka pan ,Malsawmi chu a lo nui vur vur .

“ Thiannu luck deuh neihchu a va insit awm thin,Kan luck ve mang silo a " a rawn tihchuan nui hakin “ Rinpuia hi pawm ve tawh mai rawh ,high school atangin a zarbuai tawh che a ,hmeichhe ho in an duh thin zia pawn i hriat kha ,midangin an neih hma hian hma la rawh,I duh velo pawh a nichuang lo a ,I tlai ange kan miduh te hian min duh let ve anihchuan hrilh mai tur ,tlai khawnu a midang an nun a an seng luh hnu a hrilh kha chuan awmzia a awm tawh lo ,inchhirna khua a sei mai mai " ka tihchuan dik a ti ve nge a bu nghat.

“ Ka hlauthawng thin a lawm,an hausa si a nu leh pa in min duhloh ka hlau,keini lah inhlawh chawp tawk tawk a zir ve thei zel tan hi chuan insit hi a awl em ani." A thutak hmel tawh viau ,a kutah chelhin “ Mipa dik tak a nia lawm ,a venghim thei em em ang che ,chubakah a nu leh pa pawh mifel tak an ni in ka hria ,an fapa neihchhun tan hian an iai hauh lo ang che ,ngaihtha deuhin awm rawh,chubakah ka thiannu hi teacher ila nih hunah chuan an iai mai mai lo ang che " tiin ka kuah vang vang,ka thiantha neih chhun a ni a ,engkimah kan inpui tawn a ni ber.

An khawsak a har ve a ,mi inhnuai luah an ni nen mi kara awm hi a inthlahrun phah fo ,ban rualin pawnlamah kan chhuak diah diah “ Naktuk chu ser keng ang aw ,class-ah kan ei dawn ania" ka tihchuan a bu nghat,gate kan pel chiah chu zirlai naupang lo ding thup avang chuan an enna lam kan en chu Nick Zochhuanmawia a car nena lo ding dum zurh chu kan hmu nghal. Thawmhnaw dum vekin a inthuam a ;a kamiz erawh a var thung,an kalkhawm zo a rawn peng a ni hrim hrim ,zawn nei niawm takin a hawi kual a .

A bulah Sharma kha a awm ve bawk ,Malsawmi chu “ Ka lo va kal hmasa ang ,sawpa sawn min hmu tawh tur anilo " tiin mi karah kun chungin ka kal zel,kawngpeng ka thlen rualin ka hawi let min lo hmu ve chiah,mengkawkin rang zet chuan ka tlan nghal vang vang,Kan inthleng rawkin ka tlan a ,ka thaw hluam hluam mai,hmuh ka duh tawhlo,bialnu a nei lehnghal,mi sawi kan kai riau riau ange ,Malsawmi message rawn thleng chu chhiarin ka nui hak “ Pu Nick-a Khan i tlanliam kha a en che a ,a khi suk an sawi nasa nghal teh mai cheu nia ,tinge i tlanvak reng renga " tihchu.

Chhang lemlo in inchhung lamah ka lut a ,zanlamah ka nu in ka lehkha zir min rawn koh chuan mak ka tiviau,ka lehkha zirlai hi min tibuai ngai miah silo va. Room ka chuahsan chiah chu kan sofa a lo thu run avang chuan ka mak tihna a belh chhah,ka meng kawk kawk ,enge a rawn tihdawn ? Min la melh chiang hle lehnghal!  

“ Eng....eng nge ilo tih dawn?" hamhaih lutuk in ka tichhuak sep ,ka pa a awm lo a ,zanlamah duty an ngaih tel thin a vangin zan inkar danah an station ah a riak mai thin ,ka nu nen chiah kan awm bawk nen a rawn lan chhan tur a awm hian ka hrelo “ Enge tise min tih ka lo leng a nih hi pi Nancy ka lo tibuai cheu anihchuan min lo hrethiam dawn a nia " tisupin min rawn en leh,a mitmengah chuan enge a ngaihtuah ang ka hre hauh lo . A mengrum ul ringawt .

Ka nu lah chuan “ Lo inkawm rawh u,ka mut a chhuak tlat ,bawihi nang pawh i Singkhawlawina kha ilo chhuah leh a nge" ka bengbulah a rawn ti a ,ka melh nghek! Ka nu lah hi ka duh leh ka hnial leh char char anga a nimai a lawm,a hmaah pawh ka pa inleng a thiante ho ka hnial dang thak tawh “ Ka mu ange Nick lo inkawm mai ru aw " tiin ka nu chuan room lam a pan nghal zat . Ka nu awm loh rualin Nick Zochhuanmawia chu ka melh nghek “ Bialnu nei leh nghal ! Engvanga rawn kal nge i nih? Ka nu in tawngkam tha a a biak mai che avang khan ka lakah engmah i neilo tih hre rawh .

Haw la ,lehkha ka zir dawn " ka tihchuan a ke khawkherhin sofa ah chuan a ban sei zet chu a phar dur ,a ke hmawr chu a ti che zeuh zeuh duh chauh lehnghal. Ngei lutukin ka melh “ Bialnu ka nei tih ilo ngaihven danah min lo duh ve hle a nihchu " a tihchuan ka thinrim zual sauh ,mai mai chuan tunah hi chuan ka lo duhrukna thin kha an bo vekin ka hria . A rawn tho chhuak ruai ruai a “ Rawn kal tawh bawk suh,hmuh pawh ka hmu peih tawh lo che ! Kal nghal rawh " ti tawn tawnin ka hmachhawn ,ar insual tur te pawh kan ang hial ta ve ang.

Ka kawngah chelh thutin a lamah min pawt deuh hrawk ,a awmah ka kut in ka in nem khalh,a taksa chu a thawmhnaw hak chhanah a rawn lum chhuak ham ham ,a perfume rimte chu mipa perfume rim dik tak,ka ngaihtuahna mai mai chuh! “ Ka kal dawn chuan eng emaw tak i tih angai a nihchu " a khabe tuai zauh a tiin a kut lehlam erawhin ka kawngah a la chelh bet reng “ I ngam ngam ka ngam ,min rawn tibuai tawh bawk suh ang che. Nang ang mipa hi hnaih pawh ka duh lo ,bialpa ka nei nanga duh duh a tihkual tur ka nilo " ka tihchuan a khi suk .

“ Ka duh duhin ka tikual che em ni,he hmuiin a min fawh hmasak lai kha i hre reng ang chu maw? Ni e bialnu ka nei,mahse ka nupui em pawh a nih hmaa a tana lo inserh hran lutuk chu " a tihchuan a thusawi chuan min tina in a lak atang chuan ka tawlhsawn nghal dawrh. “ Mipa lerh tak ini ,min chhuahsan rawh kan in emaw,Kan college-ah emaw pawh lo kal tawh suh . Haw ang che " tiin ka inher ,a duh leh a mahin awm reng rawh se ,room lam ka pan chu ka hnung lam atanga min rawn pawt herin ka thinrim hawi let chiah chu rawn kun hniamin ka hmuiah a fawp nghal hmiah.

A hmui lum thur thur leh eng emaw ti taka min siam ziahtu chuan zei takin min fawp ,ka fawp let ve lo ka ka chhunga luh tumin ka hmui hnuai a pet a ,mahse ka tang ve tlat ,min fawp rei tial tial . Infawh a zei dan hre tur chuan amah fawh ve chhin angai ngei ang(awihawm tho hi hi🤭😆😂) 

Ka inthlah dul ve tial tial ,hnial duh mai ila. Ka mipa duhruk em em leh bialnu a neih avanga ka hlat chauh hi rei ka hnar theilo 

Ka hmui ka tikau a ,rang zetin a rawn lut nghal ,ka kawnga a vawnna chu sawnthla in ka mawngah a tham tawn tawn ,a nghawngah kuai kun ve in ka thiam tawkin ka chhang let ve zel ,ka tha a khur a ka lungphu a rangin ka taksa chu a rawn sa chhuak vek niberin ka hria ,Kan inthlah rualin mitmeng phi chiaiin ka en chho,a nipawh a pangngai lo tih hriat takin a thaw hrawk hrawk,a taksa lian zet chu a thawk zawng chuan a che ve zel bawk “ Kal tawh rawh ,tuna thil thleng kha chu tihsual palh a nihkha " ka tihchuan a hmel a rum nghal ul.

Ka thusawi chuan a ti lawmlo hle tih hriat takin a mitmeng a inthlak a ,a rum ul mai “ I bialpa chu i duh meuhlo a nihkha " a tihchuan rum zetin ka melh “ Chhuak rawh,nang hi ka duh ngailo ang che ! Mipa lerh lutuk ,ka sawi ang khan tun bak hi chu ka hmaah lo in lan tawh suh,I chhuah rualin kawngka erawh kha chu min lo khar sak hram dawn ania Mr Governor " tisakin ka roomah lutin kawngka ka kalh nghal hmak. Ka lungphu rang lutuk chu dawmin ka thaw ham ham,ka tah a chhuak teuh lehnghal .

A bialnu nena an awmdan khan min tina a ni ber ,mi a fiamkuala nge keihian ka fiam let ve dawn? Ka nunah rawn lut lo se hetiang teh hrep hi ka ni lo tur ,ka buai zo a a bula ka awm in thinrim viau mah ila ka duh tlat si,ka thinrim theilo hle reng bawk. Ani mipa puitling tawh chuan engkim a hrethiam tih ka hre bawk . Anichuan ka thinlung hre ranin min fiamkual mai mai bawk ang. Tun atang chuanin keimah ka inven theih angai tawh ,keimah ber hi a lakah inveng thei ila ,a ngaihnep theiloh turin awm ila chu chu alak atanga ka him theihna tur tha ber ani bawk .

Mahse hetianga a rawn lang zel a nihchuan engtin nge ka hmachhawn reng theih ang tih ka hrelo bawk silo,ka rilru a tibuai vek .

“ Jasmine" ka lama Hlutea rawn phei chu ka lo nuihsang,Malsawmi pawh Rinpuia lamah a kal daih an in chhang ve tawh a ni ngei ang “ Ban chu min lo nghak rawh aw ,ka lo thlah ang che " a tihchuan a ngaihloh thu in ka chhang ve tak nangin a tihluih tlat avang chuan ka hnial ta biklo,class lam panin kan inzui a“ I lubuk buk nen i lubuk milpuiin i thluak a tha leh chuang silo ,mawl ber bur si " Malsawmina Rinpuia a lo hau mawlh mawlh chu pawh duh mai lo in kan en “ Enge hmangaihna te chu ka hmangaih ang che hi a ni ka tih ka tihchu ,ka hmangaih che a ka thinlung hi i tan tui thianghlim nen ngat ka serh hranga .

Chu pawh chu i duhlo amaw ? I va han mawl ve mawle ,thluak lianpui emaw i neih ti a thluak tetakte ilo nei a nihchu" Rinpuia thusawi avang chuan Hlutea nen a ri a nui silo in kan nui khur char char “ I thinlung kha khawiah mah tui thianghlim chuan a serh hrang lo ange ! I lerh kawh lutukna thinlung kha pianthar tir i ngai anihkha . I duhleh khatiang hnute leh mawnglenna eichawp ching ho chu va nei la ,va beng fawn hlawrh hlawrh rawh,ka kal dawn" tiin Malsawmi thinrim chu a ding uaih 

“ Nangpawh khatiang hmuihmul leh inla pa ve satliah ho bulah khan i awm thei bik ami? Nge lehkhabu chhungah kham inkhung ve i tum i a fe zawk " Rinpuia thusawi hmangah story boy leh hnute leh mawnglian ho ah an inhnial dun tih a hriat reng “ A tha a nihchu khatiang mipa ang mizia pawh nei ve phalo pa ,story boy pawh tluklopa " Malsawmi chuan thinrim zetin a ti tuar “ Mawng pauh tham pawh nei velo,awm pauh tur pawh neilo dep chhuak vek nu " an inhnial thinrim ta vek ,va inrawlh mai chi a ni bawk silo.

“ A tha a nihchu ni leh lo ang ,I bulah pawh ka awm peih tawhlo " Malsawmi chuan tap titihin a tichhak“ I duh leh mawng lian leh hnute lian chu bialnu ah chuan nei ang che ,saw saw ta saw menglemvuahi a awm saw " tiin kan class a inla chhelo thei ber mai Geneviv-i kawk chungin Malsawmi chu kalsawn a tum “ Hey...ka tifiam a nihkha inthen ka duh reng reng lo ,Malsawmzual" Malsawmi lah a kal sawn ,midang an inhnial ngaithla tute erawh an lo nui char char tawh .

“ Ding teh,i mawng te chu khawvelah a nalh ka tiber alawm ,khang mawng fawn hlawrh hlawrh thei kha ka duhlo,keichuan i mawng khal tawk hi ka duh ber ,ka fiam che a nihkha " Rinpuia chuan a tileh,Malsawmi erawh a tawng duh leh tawh lo “ Hey Malsawmzual ngawi reng suh" hnai zeta en in a tileh “ Ehe Duati ka...ka tihpalh! Tap suh ,Jasmine engtin nge ka tihdawn " Rinpuia mangang chu ka nuih za bawk nen nuih insum zeta enin“ Enge a story boy i sawisel thlem vat rawh" tiin Hlutea nen chuan thutna lam kan pan a .

Pawnlamah Malsawmi te pawh an in pawt chhuak dat dat ,an inhmeh kha ka ring reng a ,an in hnial te pawh hi a nuihzatthlak vek tawh “ An hahthlak dawn riauin ka hria " Hlutea chuan nuihza insum zetin a ti a ,Kan nui dun leh ta hawk hawk an inhnialna ho lutuk leh an thinrim kual vel ber kha a nuihzatthlak zual ,darkar chanve vel hnuah an rawn let eitur in an inthlem a nih hmel,Malsawmi chuan eitur a rawn pawm lut tun ,teachers te an la awm lo a; a la thlamuang a nih hmel ,ka bulah rawn thu thla in Rinpuia pawh Hlutea bulah a va thu ve nghal.

“ I lungawi ta ami?" ka tihchuan nuisakin “ Pawisa hmanna tur a hrelo lutuka ,ka leitir a nih hi ei ang"tiin a kheh nghal rawk rawk ,chocolate chu kan ei duna ,Rina leh Hlutea pawh a khat tawkin an rawn hawi zauh zauh mai “ Hlutea hi i duh ve mai lo ami? Nge pu Nick kha i beisei deuh?" mitko san ak akin a rawn hawi ,za lo zetin ka thensuk “ Chutiang sawilo ang,Ani kha chuan a fiamkualah bak min tidawn lo hrim hrim,mipa chapo lutuk leh nghal " tihlakin ka thil ken lai chu ka ka ah ka hnawh lut hmiah hmiah.

Ani pawhin engmah a sawi tawh biklo ,ban rualin Hlutea nen a bike dahna lam kan pana ,a fiamthu thawh avang chuan kan nui dun hak hak ,mi pakhat kan lam pana lo kal chu enin kan dinga ,ka hming ngeia min rawn auh theih danah tu tak ni ang maw ? “ Min lo hrethiam dawn ania ,pangngai zawka sawm che kan tum nangin ,he lehkha hi i chhiar chuan i hrethiam mai ang. Min lo ngaihpawimawh sak hram dawn ania " tiin a kalsawn a ,lehkha chu inlamah chhiarah tiin ka dahtha a .

Hlutea bike hnung pir kang vuahah chuan ka thu chho a ,a mah a chhelo bawk a intih theih pui tham khawp a ni ve tlat. Hmeichhe ho chuan min en huang huang hlawm a ; Rinpuia leh Malsawmi pawh kan bulah an rawn ring,college mipa chhelo pahnih fel bawk si hnunga kan chuang ringawt pawh chu kan class hmeichhe ho bakah senior ho in an haw viau ngei ang“ Min kuah rawh " Hlutean a rawn tih avang chuan ka kuah vat . Kan tlanchhuah rualin gate pawna Nick lo ding run leh rum zeta min lo entu chu ka hmu.

Ka hmaah rawn inlan tawh lo turin ka ti si a . Chutia ka hmu leh thut chu hawilet meuhin ka en ,mahse ; min lo en ve duh tawh hauhlo. Ka inthiamlo ve ringawt chu in ngaihtuahin ka inthiam chawp leh rih ,bialnu neilai a ni ve tho a . Kei a lo inthiamlohna tur a awm lo hrim hrim ,Hlutea chuan kan inthleng min thlah “ In inlo hnai lutuk chu a va pawi ve ,zanah lo leng ila i chhungten min hau angem ? " a tihchuan nui hakin a lo len theih tur thu ka sawi a . Nui sak chunga a tlanliam chu ka thlir reng,a hmeltha thlawt a lawm. 

Mahse engvanga duh ve thei miahlo nge ka nih hi ka hrethiam bik lo,inchhung ka lut a ka nu rawng lo bawl chu au lang langin ka room-ah ka lut tlang a . Ka lehkha dawn chu ka en nghal vat! Ka hmuh rualin ka mengkawk a ka au deuh tuar bawk ,miss Mizoram an thlanna tawp ber turah zai turin min lo sawm chu niin ! Ka zai thin tih engtin nge an hriat le ? Mahse YouTube lamah ka dah chhuak ziah tak a lawm ,mi angin la lar em em lo mah ila ka hla sak chhun erawh ngaithla tu an tam ve thei viau zel ,college vel leh eng emaw puipun nikhuaah hian ka zai ve zeuh zel bawk a.

Ka room atanga tlanchhuakin ka nu ka au chul,ka lehkha ka hmuhchuan a ni pawh a lawm hmel hle “ Ka fanu pawh tunah chuan a hlawh tling ve tan tawh e ; i pa kan hrilh ange" tiin phone la in ka pa a call a ,a hmelah a hlim hle tih ka hria. Inrinni a final a ni tawh a ,tun hi thawhtan ani a inzirna hun a awm turah ka ngai,ka u te lam ka be ve a ka phurna lamah ka che buai vek a ni ber . Ka hla sak tur ka en chuan ka rilru a buai ve hle a tawpah “ Ka neih chhun " tihchu ka thlang a .

 

 Zanlamah Hlutea pawh a rawn leng a ,mahse Nick Zochhuanmawia pawh a rawn leng ,ka nu leh pa lah tlangval nula rim kara awm ve reng a mawilo tih hria in an inthiar fihlim hmak ,Hlutea nen chuan an inkhak fek fek reng a . Ka en mawl tawp “ Mi hausa fapa chu lehkha zir aia pawimawh a awm ta a ni maw?" Nick chu ka melh nghek . Min en duh miahlo in Hlutea nen chuan an inmelh reng .

Hlutea lahin aia u a nihna ang leh governor meuh a nih avangin thinrima be duhlo chuan “A pawttu hi ana em a ,loh theih nang lehkha zirna hun chu ala tam a lawm" a tive zat . Ka lo nui chu ka tisual chiang hle ,a chhan pawh Zochhuanmawia chuan thah chak hmel zet hian min en ka timai; a mitmeng chu a sakei mit ka tilo theilo . Zam rum rum na tham khawpa rumin min melh,enge hetianga a rawn awm vak ni? Lo leng tawh lo tur ang te khan a insawi vel a .

“ Oh bialnu i nei lo animaw ? Nangni ang te chu bialnu inkawp kual teuh thin tih an sawi a ,a dik ngei bawkin ka hria " Nick chuan a tileh,a eng a mah hma in an in mil lo em em ringawt “ Mipa te chu kan hmeichhe tawn ang zelin kan inthlak danglamin kan rinawm thin. A nilawmni pu Nick " Hlutea chuan ngeiawm zetin a tichhuak a. Zochhuanmawia erawh a inseh ruh funa,Hlutea chu a hnek mai ka hlau“ Ngawi reng khan awm mai mai rawh u. Tunge nula rimnaah inhnial chiam ngai ,inthiamloh leh haw ve ve rawh u " ka tihtakah chuan an ngawi hram.

Kan titi a Nick Zochhuanmawia erawh biak ngam loh khawpin a hmel a dur tha ,Hlutea chu ka lehkha dawn chungchang vel chu ka hrilha ,min phur pui hle ,a rawn kal ve ngei tur thu a sawi bawk . Ka nuih var var ,Zochhuanmawia tawng duh ta lo erawhin awm a tinuam meuhlo,Hlutea chu dar 9 a rik takah chuan a haw a ,pawn thleng thlah theih heklo ,pakhata a awm ve miau sia , a haw hnu chuan kan inchhung chu a reh tlawk tlawk “ I haw ve dawn lo em ni? Ka mu dawn a sin " ala tawng chuanglo . Enge a hriat ni .

A duh hun hunah a rawn lang thut thut a,a duh hunah min hrelo ang hmakin a awm leh thul,he mihring hi hriatthiam theih pawh va ni suh . Ngawi reng hian min melh tawhlo in a chhuak nal nal ,ka hamhaih ang reng hle ,nidangah te kha chuan a thinrim pawhin min be ngei ngei kha a nisia ,a tuklamah erawh chanchinthar lama an thil puan chuan ka lung a tina veng veng Deepika Padukone a rawn zin tihleh governor nen an inzui tihchu a lar chak hle ,Mizote hi hnamdang ngaisang hnam kan nih bakah chutia actress meuh rawn kal chu an bawr leh nghal hut hutin group lamah pawh an post leh tawh ngei ang.

Nick nen chuan inkai rialin an kal dun a ,ka zeplo ; an inhmeh lutuk tlat . Ka rilru ka siam fel sauh sauh thung,Chu chu Nick Zochhuanmawia hi hnaih leh tawh loh a ni ,ka zai na hun tur chu,ka perform hun a lo thlenga ,ka zam takzet . Ka nu leh pa bakah ka thiante pathumin min tawiawm a . Ka zamna belhchhah tur tingin Nick leh a bialnu ka hmu bawk,stage hma zawn tak ah dawn kan kilin an thu a,an hlim hmel takzet Nick chuan melh khat pawh min melh lo.

Kawr fual designer kutchhuak ngei ka taksa phuar tang ka ha a ,ka mal lam chu dinglam an tikak chho,ka awm a nuam lo deuh hetiang thawmhmaw tight leh sexy lampang hi ka la ha ngailo a ,a miss contest a tel zawk emaw ka inti rum rum ,ka pian hi ka sawi fo tawh angin nalh titu an tam thei hle ,mipui an au dur dur reng a tlem chuan ka inring tawk ta deuh,mitchhingin thawk ka la ham ham a ka nui sak 

Chutah ka zai tana “ Chhingmit mengmawite,ka hnen rawn pan rawh le " tih ka zai rual chuan miss ho chu an rawn chhuah tir tan a ,ka nuisak mipui lam au nen ka zamna a reh zo va ka zai zel “ Van angel em ni inih? Mawina tinrenga thuam ,chhingmitin chuktuahin kawng chelhin ka banah vuan la ,lamtuali th ka intheh vir ve zauh zauh a ,ka zai zawh rualin kut an beng dur dur ,chutah stage atanga chhuk mai ka tum chu judge lam atanga kohna ka dawn avang chuan mak titakin ka ding .

Mipui lam pawh an reh thuap “ Kan inthlahrung viau nang ,zawhna pakhat zawh ve hrim hrim che kan duh a,Kan final lut te tana an zam tihreh nan emaw? Zawhna zawt ve ta che ila pawi iti em ? I pian enin miss zinga tel ve mai awm ini?" Mipa pakhatin a tihchuan mipui lam an au dur dur . Zawhna zawh ka rem tih thu ka sawi chuan lawmthu a sawi sup “ I hriat ang laiin kan tunlai ram en hian hruaitu nge mipui te tihdikloh a i ngaih le ? Kan ram hian hruaitu hi kan nei tha iti em " a tihchuan ka nui sak.

Nick chuan min rawn melh ve ta chat “ Ka ngaihdan chuan hruaitu pawh a dik lo lo a ,mipui pawh chuti bawk . Mipui te hian minister te hi kan dem fo ,mahse enge heihi kan ngaihtuah thin loh,Kan sawisel leh tur thlantlin ai chuan tinge kan rilru ina hruaitu tha ni a kan rin hi kan thlan thinloh . Mipuite hi kan diklo fo zawk a nih hi . Inthlan hmaa an thutiam a hlawhtling ngei dawn tih pawh kan hriatloh sum umin kan hman hlel a . Kan ram hian hruaitu tha a mamawh tihai in sum kan duh luatah mi tha thlang lo in sum pe thei tur chauh kan thlang thin.

A hma atanga an mizia kan sawisel fo pawh an tlinchuan chumi khami ka ti ang ,pawisa chuti zah an tihchuan vote kan tum nghal em em . Mipuite pawh hian kan ram hi kan vei tak tak meuh em? . Pawisa chu kan mamawh vek ,mahse chu ai a kan mamawh hmasak chu Zoram hmangaihtu dik tak ani,sum hi dah hmasa ber lo ang u,mi ram hi engvanga tluk ngai lo nge kan nih? A chhan chu mipui leh hruaitute inkarah in pawhna tha a awm tlat lo a lawm . Kan tihsualna ngaiah hian tlu tawh lo ang u ,Kan thinlungin a thlan ,Kan ram hruaitu tha nitura kan rin hi i sawhsawn lo ila .

Mi ram hmuhsit tur hian i awm tawh lo ang u . Heihi kan ram ani . Tun atangin i harh chhuak ang u ,tuna minister a nihlaia a thutiam pawh tihlawh tling theilo michu inthlan leh pawh awmse angai bawk . Tumah hian tisual tawh lo ang u ,hruaitu ram tak kan nei tawh. Mahse tinge mahni ram ngei pawh hmangaih zolo kan nih thin. Minister te pawh hei hi ka ngen duh,sum nilo in kan ram hian chhanchhuah angai ta e,Kan tawng ,Kan hla engkim hian hnamdang tihdan a zir zo mai dawn .

Kan ram leh hnam kan pi leh puten hah taka an lo dinsa hi holam takin i luan ral tir tawh lo ang u . Mihuaisen hruaitu huaisen kan mamawh minister te u kan hlen a theih tawh lo in kan ram tan,he kan ram zimte hi ramdang miten min chim pilloh nan tan ila tawh zawk ang u . Heilo ram kan neilo ,he kan ram meuh pawh kan hmangaih zawh lohchuan nakinah chuan Mizoram “ Rimawi ram " tihtur kan nei tawh lo ang tih a hlauhawm ta ,I inhmuchhuak tawh ang u ,ka tawng hi huata la lo in ka ngaihdan ani tihkha ka sawi duh bawk e .

A tawp berah chuan kan hriatchian reng tawhte thlang nawn leh tur hian kan rilru sawhsawn tawh lo ang u ,mipuiin an nel theih tur ,he ram hmangaih tu tur dik tak min pe tur hian Lalpa i au thin ang u,a mite tawngtaina ngaithla thintu hian engtikah emaw Zoram hmangaihtu diktak a la rawn lantir hi ka ring tlat a ni ,ka lawm e " tisepin ka chhuk thla a ,kut beng ri leh au ri chu a nasa hle ,ka nute leh ka thiante ka hmuhchuan min lo nuih var varin min kuah nawk nawk a “ I va han sawi tha tak em! Nangmah ini tak tak maw thiani? " Malsawmi chuan ringhlel fe in min rawn en ka nuisak “ Mi huatthu ka sawi em lo ang chu maw?" Ka tihchuan chek tlakin “ Enge sawi dikloh i nei hleinem,in thlan hma in thutam an tiam kur duaha an han tlinga,an tlin hmaa an thutiam kha a taka hmuhtur avang emai" Rinpuia chuan alo tive bawk.

Ka nu leh pa pawhin ka sawi dik thu an sawi ve sap ,ka nui var var mai ,ka thiante nen haw mai kan tum tawh,Ka hlawh erawh an rawn thun dawn thung a . Pawn lamah kan chhuak a “ Jasmine " Hlutea chu ka en ha , a thawk a rangin sawi duh nei hmel a pu lehnghal “Enge a " ka tihchuan thimlaiah min pawt lutin “ Ih ka duh che tihchu i hria anga hei leh chen ka tilang tawh a ,zanin hian i chhanna ka hre duh tawh a ni. Min duh ve em?" A rawn tihchuan hamhaih zetin ka en ,hetiang anga hnai hian tu mipa mah in min la bem lo ,mahse Hlutea hi ka hnar bik em em lo tih ka hria .

“ Ka hrelo" tisepin ka mit ka chhing,ka mipa duhber ka nei thei dawn chuanglo a ,Hlutea hi ka tan chuan a tha ber dawn tih ka hria ,ka hmuiah a rawn fawp a ,ka hnar biklo kan inthlah rualin hlim tih hriat tak hian min en . Ka kutah min kaiin thim kar atang chuan min chhuahpui,mahse engchina lo ding mipa avang chuan ka rak that Nick chuan rang zetin Hlutea chu a rawn hnek a ,a tlu nghal tawp . Hepa hian engthil nge a tih? Hlutea pawh rawn tho chhuakin a hnek ve nghal,tumah kan awmna bul hnaihah an awm lo bawk nen ka hlauthawng zual ,Rinpuia te lah Malsawmi nen an haw tawh a .

Ka nu leh pa lah inchhung lamah an awm daih bawk si. “ Duhtawk rawh u ,Nick Zochhuanmawi thlah rawh " tithatin an inkarah ka inrawlh,an inkhawih tawh biklo “ Engvanga rawn hnek ve ringawt nge inih? I bialnu inchhunga awm reng zawk saw va ngaihven rawh . Tleirawl in ngaizawng kara inrawlh rual pawh ini tawhlo,tlangvalah pawh Val senior- tawh inih kha " ka tichiam a . 

THE GOVERNOR 

CHAPTER 3

“ Engtin maw min tihkha?" a aw chu ramsa hlauhawm tak ang mai a ni. “ Pathlawi ,chubakah Val phanchang tawh bialnu nei i nihkha,min rawn tibuai tawh suh ,governor ka hriat tawhah chuan ila hman ber ,vak chhuak reng lo hian inah te awm ve ta che ,ram hi i enkawl ve tur tho a sin " tiin ka la hmachhawn ve zel,a inseh ruh ta tawlh tawlh ,alamah min pawt dawrhin a darah min pu nghal nawlh ,ka kawrfual hak nen ka tal thei bawk silo .

Hlutea rawn inrawlh leh tur chu “ I rawn inrawlh leh a nihchuan ka khawih dim tawh hauh lo ang che . Ka hmeichhia a nih hi rawn hnaih tawh suh! " A aw chu a thinrim ka hriat thin lakah kha chuan a dang ta hlak ,a hlauhawm in eng emaw hmul thi ti ding sung sung thei khawpa hlauhawm ka ti mai ,ka lungphu a tirang hle bawk “ I hmeichhia ka ni bawk lo ,min thlah nghal rawh Nick Zochhuanmawi i zaklo lutuk ka haw dawn " tiin ka ke chu ka leng bat bat a .

Hlutea lah a rawn inrawlh ngam tawh der silo,a car changkang zet chhungah chuan min nghat lut dawtin kha a bialnu emaw ni kha phone-ah bia in a haw tur thu a hrilh tih hriat takin a hrilh tawi tuk ,kei lahin chhuahdan tur ka lo zawng ve tang tang bawk. Ka lam a rawn hawiin car kawngkhar hawn ka tum ka tal kual vel chu khabe dawm chungin min en reng ,a hmelah nuihza hmel ka hmuh chuan thinrim lutukin ka en “ Lerha! Engvanga min tibuai nge inih?" Ti tawn tawnin car kawngkhar chu ka sawi nawk nawk .

Tlanchhuakin a inlam min panpui zel ,ka nu leh pa in an hriat ka hlau hle bawk,ka pa a lawm vakin ka ring lo ,mahse zanin ang hun chuan an hrethiam mai thei bawk “ Kha i kawr inhmeh zet phena ,taksa nalh tak kha ka duh " a tihchuan a hmaiah ka va ham sak “ Ka hua che i khawih ngai lo ang,ka pa ka hrilh dawn " tiin ka phone ka phawrh ,rang lutuka rawn la in pawnlamah a paih chhuak a nihchu! He mihring hi ka haw lutuk ,a inkawtah kan ding amah vengtu pahnih chiah an lo awm ,car atangin a chhuak a ,keichu kut kuangkuah hmakin ka thu .

“ Rawn chhuak rawh " pawnlam atang chuan a rawn tihmuk ,hrelo ang mai chuan hmalam melhin ka thu ngar . A duh duha a tihkual mai mai tur ka ni hauh lo ,a hnuaia thawk ka nilo a ,a chhungte lah ka ni heklo ! A dawhthei tawh lo nge car kawngka chu rawn hawngin min pawm chhuak nawlh,ka lo tal nghal nawk nawk bawk . Mahse ka ban a hmerna a tihnat avang chuan mittui tling sawkin ka rak that ,a nipawhin a thlah leh nghal “ Min tibuai tawh suh. Min thlah nghal rawh ,ka hua che phuba ka la dawn ka man tir bawk ang che .

Hmeichhe duhlo chung hruai luih theihna dan i neilo ,Hmelvarung! Min thlah rawh " tiin ka tal zel ,a inkawngka password hmetin inchhungah chuan min pen luh pui pawk pawk ,a room lam min panpui tih ka hriat rual chuan ka tal nasa sauh“ Duhtawk rawh. Hrep a !" Ti tuarin khumah chuan min theh thla dawp ,ka hlau a ka tha a khur ,ka tap chhuak ta hak “ Nu ,pa min chhan rawh u " tiin ka phun chhuak sep sep ,ka hmaa ding ngawi reng chu melh pawh ka melh ngam tawh lo . Ka hlauhna chuan ka taksa a tikhur nasa hle bawk.

Reife chutia kan awm hnuah chuan ka bulah a rawn thu thla ,ka lo tawlhsawn rawk rawk “ Min en teh" a aw chu mak tilutukin a hmel ka en ,a aw dam ta lutuk avang chuan mak ka ti a ni ber ,min rawn hnaih sauhin min kuah bet a ,a awmah chuan ka lu a chelh bet tlat “ Ka hua che ! Ka hmuhah lo lang tur pawhin ka duh tawh lo che " ti sep sepin a awmah hmai ka nawr tawk,nichina hlau hle si kha a taksa lum vung vunga ka bei takah chuan ka thoa lah chu a muang em em lehnghal! “ Min duh ve tiraw? Min haw mah la min duh ani." a rawn tileh ,ka la tawng lo ngawi rengin ka thaw hle hle ringawt .

“ Deepika hi ka bialnu a nihauhlo a sin" tiin ka chalah a hmui a nawr tawk ,hahdam tum tih hriat tak hian a ni pawh chu a thaw chhuak suai suai,a thawk zawng chuan ka taksa chu a che tel ve zel bawk,a thusawi chu mak ka ti in ngaizawng angin an awm reng si a “ Dawt sawi suh,in awmdan hi ka hmu ve vek ,mi pawhin an hria min tibuai tawh suh,I laka ka rilru i hriat avang mai a hetianga min fiamkual tur hi ini lo ,duhtawk rawh ka hmu duh tawh lo che ,a hma kha chuan ka duh ngei che a lawm,mi pasal ini tih ka hriat hma kha chuan.

Tunah erawh min hmangaiha min duhtu ka tawng tawh a ,ka nunah lo lang tawh suh aw ,keichuan theihnghilh che ka tum anga ,ka thei ngei bawk ang,nangchu! Ka nipui chawlh laia ka mi tawn ve pakhat ang in ka hre reng zawk ang che ,chuvang chuan khawngaihin min tibuai tawh lo la ,I ngaihsak miah siloh nunah hian lang tawh suh ,i tan engmah ka nilo " tisep sep in ka en chho deuh ha ,lu thing nghutin a rawn kun hniam ruai ruai “ Nang hi ngaihsak miahlo che ila chuan ka zar buai reng lo ang che ,mahse ka lak atanga zalenna i duh anihchuan ka pe ang che ,mahse hei erawh tih ngei ka duh.

Vawikhat tal min fawp let ve rawh " tiin ka hmui ah a rawn fawp nghal ,a duhthawhin ka taksa nen lam chuan a zut kual ,a tawp na tur tih hre rengin keipawhin am takin ka fawp let ,ka kawrfual kak atanga ka mal lang var haih chu a chul kual ruai ,kan thaw chu a pangngai lo tial tial ,ka thawmhnaw a phelh a ,ka mitah a en reng a mitmeng chu sawi thiamlo mah ila min hneh ngawih ngawih,chutah ka awm lama abur ngurin min delh bet ta run “ Nick...."ka ti tham tiak,a awmdan na hmel leh khawharna chuan min hneh in mak min tih tir bawk .

“ Hei chiah ,vawikhat tal ka ta nirawh ,heihi huatna nilo in hmangaihna a ni tih ka tihlan rem tirawh " tisupin min fawp leh ,dan ka tum lo a a mi khawihna te chu tha takin ka lo dawngsawng thei zel chu a mak . Ka thawk a buai zo a; ka chunga a thil tih mek chuan min tidanglam vek tawh. Chutah a thawmhnaw hak chu phelhin a awm hlai phak leh a dar hlai hlup leh nghet tlut te ,a dul thep zaih te chuan min tiche theilo ,ka kut la in a taksa chu min zut tir dalh dalh,a taksa rawn lum chhuak pap pap te chu ka hre vek ,ka tha a khur a ,ka mur chem chem .

Reiloteah ka taksa a mipa hmasa ber niturin chet ala a ,na mahse he mipa mitmeng hian min aikaih niberin ka hre tawh ,thlan hlapa kan mutdun te chuan suangtuahna ramah min hruai lutin a hma ai zawngin ka thinlung leh rilru ah hmun a luah thuk dawn tih ka hai lo “ Nick!" tisepin a hnungah ka ham tawn tawn ,ka inchhir lo a chutihrual erawh in ka ta nilo a midang ta a nitur erawh na ka ti em em thung . Ka lak atanga a inthiar fihlim a nihpawhin ka theihnghilh thei dawn lo tih ka hria,ka mipa duh hmasak ber ani a,ka thianghlima la tu a nibawk.

Huatna nimahse hmangaihna in hmun a chang tawh tlat,keichuan ka hmangaih tih ka hria a ,chuvanga ka lak atanga inthiar fihlim tura duh pawh ka ni,a mah hi ka pan a ka tibuai a nihchuan mi rel in peih reng mipui mit leh beng hian min hawisan dawn lo. Deepika nen an lo than hatna kara kei ka lo inzep ve leh a nihchuan keichu hmeichhe rapthlak tak anga sawi ka ni zui ngei bawk anga ,khawi kipah pawh relna ka dawng leh ngei dawn chung tuar tur chuan ka inring tawk lo a ni.

“Nick ,khawngaihin i laka ka inphalrai a vang hian min hmuhsit phah suh aw,I laka ka rilru chu i hretawh a ,hmasial taka ka zui che anihchuan nang leh kei atana chhiat vek theihna tur ani tih kan hrechiang tiraw?Nangin i hna i chan anga keiin ka hma hun ,nang leh kei hi intawng miahlo ila chuan hetiang hi kan tawn angai kher lo ang ,Nick ka hmangaih che " tap chhuak hakin ka sawi chhuak ,Kan rem ve ngai dawn lo ,a nupui nitur hian theihna ka neilo bawk ,min kuah a “ Engtikah emaw ka ta ka la nihtir leh ang che . Dawh thei takin min lo nghak rawh bawihi ka ta niturin ka la siam leh ang che .

Tunah erawh chelh che duh mah ila ,I hmahun ngaihtuahin ka hlat ang che ,kha mipa kha ka sulhnu hi i chhui tir mai tur a ni lo bawk" a ti nghet churh,keipawhin amah ka hriatrengna tur hi midang lakah hlan leh mai ka tumlo,in lamah min thlah haw a ,a tu a mah mah kan tawng lo ,in kan thlen chuan chhuah mai ka tum chu “ Hun eng emaw ti chhung chu ka hna avangin ramdangah ka awm dawn a ,I tan pawh i hahdamna tur a ni bawk ang. Ka umzui loh che chuan nun zalen tak ini dawn bawk a ,lo in enkawl tha ang che " tiin ka kutah a hmer vang vang.

Chutia ka lak atanga a awmbo tur chu lawm tur ka nihlaiin ka na ru tlat bawk si. Nuihsakin “ Nangpawh in enkawl tha ang che ,nupui i neia chhungkua i din leh a nihpawhin ka hming leh hmel tal hi i hrechhuak ve dawn ania mangtha le " tisapin ka chhuak ,thinlung rit tungin inchhung lam ka pan a,tah hawm hawm ka chak a ni ber . Hmasial takin a mah hi zui ngat ila chuan he actress nu hian engtin emaw tak hma a la zui ngei dawn,lamtang a ngahin a mah in fans a ngah bawk nen Nick a hna thleng hian a tawrh phah thei dawn tih ka hrechiang.

A mitmeng ah khan Nick hi a duhtak zet tih ka hailo,India ram tihming tha tu an ni a ,PM lam pawhin a thlavang an hauh viau ang,Nick hi governor lai nive mahse vaiho nunah an mahni hnam pui ngei tanna a awm lo thei dawn lo ,chuvang chuan tun dinhmun an lar hat laia Nick hi ka lo vuan a nih vaihchuan a tan hmingchhiatna tawp ka thlen thei tlat ani. Hmangaihna hi rei deuh beih a ,piang thei anihrualin vawikhat hmuha hmangaihna a awm bawk .

A rinawm dan erawh a inang reng thung,hmangaihtu kan nihrualin engkimah inpekna a huam a ,Chan ngamna te ,thlah ngamnate a tawp berah hmangaihna dik takah chu nat tawp khawk pawh tawrh hun a awm thin,tluangtlam taka in hmangaihnaah chuan hlimna diktak a awm ngailo,hmangaihna chuan min tihnat em em theih laiin amah vekin min tihlim leh thin ,buaina leh harsatna tawklo a inhmangaih te nun chu awhawm viau mahse ,buaina leh harsatna hmachhawn dun .

Mittui kara inhmangaih tlat te nun hi a tawpah hlimna vawr tawp tawn meuh chuan khang harsatna te kha kan nun tikimtu ber a ni fo tih lo sawi thin te hian an sawi sual ka ring lo . Hmangaih nihchu chanhuamna te ,pekna te ,duhsakna te ,thikna te a tel ve ngai lo,Ani a hlim chuan keichu na dawn mah ila ka hlim ani tithei te hi mi ropui takte an ni . Thikna a tello tih avangin kan hmangaih lo a nilo a ,Kan hmangaihna a vang zawkin thikna chu nuihmel in kan hliah khuh thin .

Tapin thlah liam ila tu in nge ngaihngam taka min kalsan thei ang ni . Gate ka luhchuan ka nu leh pa te an lo la haw lo tih hriat takin in chu a lo inkalh thiap a ,mahse chahbi hran ka neih avang chuan pawrhin ka hawng nghal vat . Ka roomah lutin ka inthlak a ,ka thaw ham ham ka taksa a Nick a sulhnu a awm tawh tih ka hriatchuan hlauthawng chung siin ka hlim ru riau leh nghal “ Phuloh chu ka lo chhai chiang che a lawm tiraw tawnmang lasi " tiin ka insilfai pah chuan ka phun chhuak leh sap ,engkim huamin ka thianghlimna ka hlan a , ka ta a ni ve dawn lo.

Nimahsela ,rilru kilkhatah erawh ka hmangaih tana ka thianghlimna ka hlan thei chuan min tilawm thung,a nunah tlem chuan ka pawimawh ve tih ka hriat phah tal a lawm,hun a liam ve zel a ,Nick pawh a thawm a reh ta vang vang ,hnaah a buaizia erawh nitin newsa a lan avang chuan ka hriatpui buai chung chung khan a nihna ngaipawimawh lo in a rawn leng thin kha a nia,tunah chuan vairamah min pehhel tumin a awm ta thunga .

Mahse reitak erawh a awm bo thei lo thung,Hlutea nen pawh kan inzui ve zela ,mahse engvangin nge a lakah ngaihzawnna rilru ka la pu chuang lo ,a hre reng nangin ahaider a ka bulah hlim hmel takin a awm reng thin ,ka thiantha ber angah ka ngai a ,nitin Malsawmi leh Rinpuia inhnial erawhin Nick a lak atanga ka rilru hnual lutuk pawh an chhawk zangkhai thin. An ni lah indim lo zet in an inhnek ang awt awt a ,an haw leh lem chuanglo .

“ Jasmine " Hlutea chu ka en vat “ Min duh thei nganglo tiraw?" A tihchuan mak tizeta enin “ Nilo chutiang engmah a awm lo ka duh che a lawm" ka tihchuan a lu thingin awih loh hmel zet hian min en “ Kha Nick a kha i hmangaih tih ka hria ,nitin a chanchin an sawi tawh chuan i hmel a danglam a ,ka bula hlim taka i nuihna phena i nunchhungril ngui nghiai te hi ka hmu thiam vek a sin " a tihchuan“ I hriatsual a nihchu ka hlim a lawm" ka la tifan “ Liandingpui min bum lo ang " a tita hmak a,Kan hmaral tlang chu thlirin ka mit ka chhing .

“ Ni e i sawi dik a lawm,ka hmangaih,mahse ka nei theilo,ka hmangaih a sin,mahse maw Kan thil duh leh neihduh zawng zawng kan nei theilo tih hriatna tur in a ni leh keia khawvel chu a hran daih a ni. Hmasial taka ka vuan a nihchuan ka hmeichhiat pui rilru na takin ka hliam thei,engtiang chiaha thui nge an kal dun tawh hrelo hian risk ka la ngamlo. Mahse a hmel ka hmuhloh chuan ka ngai hluah hluah a ,ka zawng a ka thin a tihrim leh hun ka nghak a . Mahse tunah chuan ka hmuh phakah a awm lo,a tana khuanu ruat ka nilo ,reilote chiah kan la inhre chungin ka thinlungah erawh reitak ka hriat tawh ang mai a ni a sin.

Hlu engtin nge ka tihdawn ,ka rilru hi a buai nuaih tawh ,mahse fim taka ka in ngaihtuah fe hnuah pawh a ni chu hnaihloh law law ka duh zawk ,a nichu tuipuiral hla taka ka ban phakloh tur a lunghlu awm ani,ka pan theilo a ,ka hlat thei heklo ,Ani chu ka tan a awm ve thei lo a ,midang ta a niin ani chu langlo ruam a ka ta,a ruka ka duhna ka tihlan chiah rem ,a mesage tawng ngai silo a ,a number a dp phur em em en thin tu mai ka ni ,a vawikhat min biak pawh kha ka tan chuan nun tihlim tham a ni,mahse chupawh a hre tur anilo ani chu ka dreamboy a ni reng zawk ang " ka nui hak.

Aw a takchan ngailohna khawvel hi zawng,Kan miduhte bem ngamlohna khawvel,Kan vei em em te hrilh ngamlohna lei,Kan hmangaihte chelh ve theihlohna kut ,Kan vei leh neih chak em em te tana piang ve si a ,an hriat ve thianglo tura kan ral leh maina tur hringnun a lo nih hi.

ZAWMNA 

Thla khat a liam a ,keipawh nun pangngai tak nen ka nun chu ka hmang ve zel bawk ,Hlutea pawhin thian anga inkawm zel a duh tawh zawk thu a sawi chuan ka lawm ve hle ,hun a liama keipawh hmalam ka pan ve tial tial bawk ,ka nu leh pa pawhin engkim an hre tawh a ,Nick ka duhzia leh hmangaihzia ,mahse min hauh an tum ngailo ,ka zai pawh ka chhunzawm zela ,tunah chuan min hretu leh show eng emawah ka perform ve ta ziah a .

Nick erawh ka la hmu leh lo ,a reh hmak a ,a chanchin erawh a khat tawkin hriat tur a awm reng,a hnathawh tha tak tak te avanga mipui lam Leh PM meuh pawhin an chawimawi thu te nen lam in ka hre ve ziah “ Nu ka lengchhuak lawk dawn aw " tiin pawnlamah ka scooty nen ka tlanchhuak ,ka tih thin dan bawkin Nick a inlam ka pan,va lut ngailo mah ila a inpanna kawng tawpah dingin ka thlir reng zel ,haw tuma ka inher chu awm ruh tulah ka intauh dawt .

Chal tuai vut vutin ka hawi chhuak chu min lo melh chhuk run tu avang chuan meng phawk vakin ka chil ka lem khawlh,tlanchhiat tumin ka inher ,mahse ka hnunglam atanga ka kawr hnung a min rawn man bet tu avang chuan ka tlansawn thei derlo,ka tal chung pawhin a thlah duhlo nen ka kawr a rithawt . Tawp chawtin Nick ka en ,nui suk hian “ Min bihthla rei tawh bawk a ,Kan bihthla ve tawh ang che " tiin min pu nawlh a ,ka tal ve chu duhlo in ka mawngah a beng“ Nick min thlah rawh " a inlam panin a pen zel .

Keilah leilam chiah ka hmu thei,ka taksa chanve ah min thlep hnawk niberin ka hria “ Min ngai tih ka hria a lawm,ka ngai che chuvang chuan midang kan inkarah awm tawh suh se " tisupin a chenna inchhungah min luhpui,ngawi rengin a hnungah ka uai thla hnawp reng ,sofa ah min dahthlak rualin a thlan luang chu a hru thuak thuak,a exer la zo rawn haw tih hi a hriat hluah hluah,a sam hnawng chhap chu a chalah a bet thlar reng a ,a lang naupang sawtin ka hre lehnghal .

Ka en reng chu mit siai suk hian “ Min lo ngai hman em? Tunah chuan kan inkara awm zawng zawng te ka paih bo tawh a ,he hmeichhia keimah avanga tap ru fo hi ka hnaih thei tawh em?" A tihchuan mak ti lutukin ka en ,enge a sawi hi? Nilo Deepika nen an inthen tih sawi lul suh se,mahse a thusawiah khan a lang chiang hle si a . “ Nick " min rawn hnaih ruakin ka hmaah a rawn thu thla ” Ka hna avanga kalsan tur che in min duh tiraw"tiin ka biangah dawmin a mit a chhing “ Keimah vanga i hmingchhiat ka phallo a lawm . Nick mitena bialnu nei reng chunga inkawp anga kan thang anihchuan i bialnu nihna nen an hnam hian an tichhe vek duh ang che .

An lakah chuan ka te ngawih ngawihin leh phulo che a ka inhriat vang a ni" ka en vang vang “ Vai ho chu an hnam inanna avang pawhin Deepika hian hma la vaih se chuan alam tang tur an tam dawnin,in inkawp lai renga keinen kan thang anihchuan nang ngei hi a tuartu tur ini tih ka hria ani. Mahse ka mipa duh hmasak ber inih i hria a ,Nick " sawitur ka hre tawhlo chu ka ngawi daih . Rawn mengchhuakin a nui suk suk a “ Ka hna hi an ni min tihtawp sak zung zung theih ani hleinem . Tin ani nen hian thian ang chiah kan ni bawk .

Ka hmeichhe kawp tur leh ka hnaih turah thuneihna an neilo,mihring ve tho ka ni a ,ka duhzawng chu keimahin ka thlang thei,an ni min thlan sak tur ka nilo va ,ka nun sawi turin an fapa ka ni hek lo,he hna hi ka duh ber lo va,a tul avang zawka thawk mai ka ni tih hre turin ka duh che . Tin insit ngai suh keiai thil tithei pawhin an nupui te hi enla mi lar leh hausa kher an thlang hleinem ,mahni insitna hi dahlian ngai suh la . Engtik lai pawhin nangmah indahsang ber reng rawh . I nun a ni a ,an niin nunna an pe lo che an en kawl hek lo che .

Khawvel mite chuan sawisel tur an hmu reng,mahse heng sawiselna itsikna hneh thei te hi mi ropui leh nun hlimna nei tam ber ber te an ni tih hre reng rawh. Mi ngaihdan kan ngaihpawimawhna hian kan nihtum dik tak aia hniamah min dah thla fo .I mit tidel la ,I beng chhi ngawng rawh ,nangmah indahsang la chu chuan michak takah a siam ang che " tiin ka hmuiah a fawp zauh ,a thusawi chu dik ka ti viau “ I mi duhna leh hmangaihna kha midang vang ni lo se ka duh . Keimah ka nih avang leh i ta nitura min duh avang zawkin ni rawh se .

Mi mit atanga min thlir lo in i mit ngei khan min thlir la ,Kan kum en lo in i thinlung thusawi zawk kha zui rawh ,hmangaihna dik chuan thliar hran a neilo ,lungpui nghet tak ang thinlung i neih phawt chuan he mipa hian englai pawhin a chelh ang che " a rawn tisup . A thusawi a tih mai mai loh zia ka hre bawk “ Bawihi bul min tanpui duh angem? Reilote chhunga i mipa tawn nimah ila ,min iai bik lo tiraw? Keihi i bialpa niturin min duh angem? " Muang leh cool ruiha a tihchuan mittui tling pamin ka en .

Ka ta niturin ka beisei ngamlo a ,keichuan kalsan mai kha ka duh zawk a ,mahse ni e mihringte hian thinlung nghet tak kan nei miau,Chu thinlungin a thlan tawh chu a kaltir leh duh mai ngailo bawk. “ Nick " tiin ka kuah a,ka hah a dam vawng vawng ,ka thianghlimna ka hlan hnu phei kha chuan keimahah hian hlauhthawnna a awm reng a . Tunah erawh chu ka hlauhthawnna chu a reh ta hmak mai hian ka hria “ Min duh ve tak tak ka ringlo a ,I laka ka awmdan ka ngaihtuah phei chuan hmeichhe sihhnip tak angah min ngai dawn tih ka hria. Ka ni reng bawk a .

I lakah ka insum theilo a ,ka rilru thup dan ka thiam hek lo " ka chawl det mit san ukin Nick lah chuan “ Min duhna i thup tit tet lohna hi ka duhchhan che ani bawk. Ka lak a i thianghlimna i hlan avang khan hmeichhe sihhnip takah ka ngai lo che . Ka hlim em em zawk ,I duhloh chung lakah i hlan dawn lo tih ka hria a . Hmeichhe sihhnip ini lo tihchu i mi hnialna leh hnarna zawng zawngah khan ka hre tawh alawm" min kuah bet chial chunga a tihchuan ka thla a muang hliah hliah hian ka hria .

“ I hna nen hian maw ka ngaihtuah mai mai chu i inhmeh lo ren run e " ka tih chuan min en vut . Nuih tet tetin “ I rawn leng peih ve sia ,nangmah hmuh tum minister te hi beidawngin an awm ngun awm " ka tihchuan ka zakah a dek vak! Ka au nghal tuarh tuarh bawk . “ Ni e ram awptu mah ni ila ka duhzawng titheilo tur khawpin ka buai hleinem,nang ka hmuh theih nan che hna ka thawk thuai thuai a ,tin englai pawha thawh tur a awm reng bik hleinem ,sawrkar lam a nihna erawh ah hi chuan pawimawh awm reng mahse inchhung a inkhung rengna tur tham a awm lo te pawh a niang" tisupin a tho vut .

Enge a tih dawn tih ena ka thlir zui reng lai chuan a room lamah lutin a rawn chhuah leh chuan eng emaw hi a rawn keng va va a ,“ Hawng rawh i ta tura ka rawn hawn a nihkha " tiin ka lak mai loh avang chuan amah chuan hawngin thi nalh zet a rawn phawrh,a locket ah chuan tuipui leh thla lem ang tak hi a awm a . A mawi dangdai phian “ He tuipui hi keimah ka ni a ,thla hi i mi umzui lai ang kha a ni thung,a chhanchu thla a tlak lam a piangin tuipui nen an inhnaih angin a lang thin. Chu thil chuan ka lak atanga i inthiar fihlim lai kha a entir bawk ,thla leh tuichu inhnaih thei silo mahse in hmeh em em an ni thung lawi a " tiin a mah ngeiin min awrh tir a .

Ka khawih nauh nauh ,ka ngaihtuahna a kal thui ve hle “A mawi lutuk,hmuh che pawh ka inrin loh laia thil min rawn hawn phei hi chu ka beisei phalo ,Nick ka lawm e aw " tiin ka nui var var . Tlereuh lawm vak lo mah ila ka mipa duh em em in min pek a nih avang hian a hlu bik hrim hrim . Ka nu leh pa lakah ka mamawh zual a nihloh chuan ka ngen ngailo a; Nick an a hetiang min pe mai hi mumang a ang rum rumin ka hria ,reife ka awm hnu ah Nick chuan min thlah haw a,a ni erawh meeting an neih dawn avangin a haw leh nghal thung a.

Zanlam pawh a rawn len hman rih dawn loh thu a sawi chuan huatah pawh la lo in ka lo buk pui nghat. A hna hi hna dang ang mai mai a nilo nen a hah ve thei viau ang ; police pawh nise a mizia nghet tlut nen hian eng emaw tak chu a nih ka ring tho ,inchhung ka luh hnu te chuan ka nui reng mai . Kan inhriatna kar a la reilo a ,mahse mi duh tur leh hmangaih nei tur hian kum tam tak nghah kher a ngai lo . Rilru leh thinlung hian a duhzawng chu vawikhat a phut hlek pawhin a thlang fel chat thei si a 

Malsawmi thil awmzia ka hrilh nawk nawka ,ka phur bawk nen ka sa rak tih pawh hrelo khawpin ka lo au vak vak “Jasmine ka beng a chhet zo dawn. Ka hrilh che kha a duh ve che tih ,hneichhia ina kan mipa duh ka thup theih em em laiin mipa erawhin an thup thei hauh lo ,thup ve thin mahse rei a ni thei ngai hauhlo a nia. Heihi hmeichhia te kan chungnun ve na a nibawk ,natna tawk mah ila ,hlim hmel kan la pu thei a ,thikna nei pawh ni ila kan inveng thei.

Mahse mipa erawhin an natna an thup thei miah lo . Hmeichhia chu hmangaihna lamah kan tuarchhel a ,Mipa erawhin hmachhawn dan an thiam thin lo,nangpawh fimkhur takin aw ,mi naran i ngaizawng lo tih hria la" nidang aia a thutak chu mak ka ti hle ,a ni hi chu mi thawveng em ema ka ngaihkha a ni si a .

THE GOVERNOR 

CHAPTER 4

BY Mawitei bawitlung 

“ Malsawmzual hmeli" Rinpuia au lung lung na lamah kan hawi thap ,class chhungah thinrim lutuk tih hriat tak hian a rawn ding lut a. “ A mawl leh tawh a nihsaw teu teu mai a ,Lalrinpui khati vak vak khan min au ziah suh,hmel i nei ve lo em ni? Kha i mam thlak puak kha ,hmeli te kha min ti a ,enge i hriat" Malsawmi pawh in a tive hmak ral khat atangin an in melh rum dun teh e “ Nizanah khan engvanga min hawsan nge inih?" lawm lo tih hriat lutuk hian Rinpuia chuan a rawn ti leh a ,he mite pahnih hi chu an inti taurau kual reng a nih ber hi.

“ I duh leh zu chu in zelin hmeichhe ho kha kawp kual leh la ,keichuan ka peih ve lo,ka then tawh che tih ila hriatloh takin bawlhhlawh bawmah ka paih a che " Malsawmi pawhin a tilet leh tuar ,Hlutea nen mak ti hawi hai lutukin kan en “ Kha hei pawh hi la let leh vek rawh ,I hmeichhe duhzawng i sawi a ,i kuah chial nu kha i pe dawn ania ,thinlung pahnih nei mipa ka mamawh lo ,I a tiin ka dawh hram hram che a; hetianga min ti ziah hi ka kham tawh ,I duh duh chu kawp ta che " tihtuar pahin Rinpuia thil pek zawng zawng chu a lamah a vawm phei tuar .

Ka thiannu hmel ka en chu a rilru ana tih a hriat “ Duati inthen ka duhlo " Rinpuian rawn hnaih a tum chu a kutin a lo vai “ A tawk tawh a hma ang a ka lo ngaih avang che khan i mizia a danglam ve ka ring ngailo . Mahse nangpawh mipa dang ang bawk,lerh lutuk bialnu neihlai renga hmeichhe dang be leh thei lungawina hi hmeichhe pakhatah in hmu ve theilo nge ,innei phei chu ni ila hmeichhe tam tak tawrh ang pasal zu heh lutuk neiin ka nun ka tichhe vek dawn zu nia .

Khatiang kha ka peih ve lo,I duh na lam zawh la keipawhin ka duhna lam ka zawh ve bawk ang " tiin a tlan chhuak a ,ka umzui nghal vat . Rinpuia erawh angawi ngul a Hlutean a darah a va khawih lai chu ka chhuah hma in ka hmu hman vuai . Malsawmi awmna ka thlen chuan phulah lo thu in hmalam a lo melh ngar ngar “ I tha tiraw?" Ka tihchuan nui sak hian “ Ka hrilh chiang tawh a ,ka dawh ve nasa a sin ,Kan tleirawl lai ang hun kha ka ngai zawk ,khatah kha chuan in ngaizawng lo mah ila hetiang hian a awm ngailo a ,min ngaihsak daih zawk .

Tunah erawh keimah pawh min duhkhawp lo a nih ka ring hial tawh . Hmeichhia in an bawrh vut vut pawhin a enliam mai mai a ,keichuan ka thei velo ka thikthu ka lo pe chhe lutuk zawk pawh a ni thei ,mahse zu a inchuan min ngaihsak tawh ngailo Jas nang chu i vannei a nih hi ,bialpa puitling tak i neia ,anichuan i kum ang mila enkawl che pawh a thiam ang chu ,keini erawh rilru puitling zawk kan awm thei dawn lo a ,Kan thuduh dun avangin kan buai fo dawn ,chutiang a thlen reng ai chuan kan kal thui tak tak hmaa kalsan ka duh .

Keichuan hrehawmna hi ka lo tuar nasa tawh a ,heipawh hi ka tuar leh thei mai ang. Kan inkar inthlau lutuk te ,chhungkaw dinhmun inthlauh lutuk avang te hian animahna atan chuan keini ang chu kan hniam mah mah ani " a mittui a farfep ,ka kuah nghal vat “ Engkim a tha leh vek mai ang,Rinpuia pawh ka hrechianga kalsan mai che a duh bikin ka ring lo . I dinhmun ka hria a lawm,mahse enge i sawi thin kha ? Lehkha ka zir zung zung anga doctor nithei turin ka bei ngei ang itih thin kha hun reilote chiah a ngai tawh ania " ka tihchuan nui hakin min kuah let a .

Thiante hi an hlu a ,Kan tana awm fo thinte phei hi chu min mamawh hunah an tan awm ve fo ka duh bawk . Kan thiante hi kan chhungte tihloha min hmangaih ber tu an niin kan that a duhtu an ni fo . Mahse thian tha ti a kan ngaih zawng zawng erawh an ni vek kherlo tih hriat tur ,thian hi thlan fimkhur angai fo ,kan laka tha ber awma lang min tlawn huam huam thinte hian thian dang an lo neiin kan chhiatna tur an zawng duh tlangpui. Thian diktak erawhin kan diklohnaah min hau ngam a ,kawngsual kan zawhin min zilh ngam a,Mangan hunah erawh min tlanchhiatsan ngai lo .

Class lamah ka let pui leh a “ Duati " Rinpuia chu Malsawmi hmaah a rawn ding leh ,Malsawmi chu a thaw hak “ Tikhan min ko tawh suh . Awm sawn rawh;ka kal duh" tiin en pawh en duhlo in ka banah a rawn kai a . Ka mitmengin Rinpuia chu kalsawn rih mai turin ka hrilh Hlutea pawh lo inrawlh vatin Rinpuia beidawng chu a kalsawn pui a . Malsawmi chuan “ Ka lo va haw mai dawn a sin " a tihchuan ka zui ve vat,thil thalo a tih ka hlau pawh aniang ka zuichhuak a “ Kal rawh thil ei ang " tiin ka kai dawr dawr ,college piah chiaha restaurant awmah hian kan chawl ziah a.

A hnathawk te pawhin min hre ve tawh viau sanpiau chahin momo a niin a lam thunga “ Ei teuh rawh in ngaihtuah lungpuam lo la. Rinpuia pawh hian a duh ve hle che chuan ka hria,mihring kan niin kalsual palh chang a awm lo theilo tih i hriat kha ,tlangval lai hi mipa chuan an hmang thiamlo fo a ,a hun hma in pa dinhmun an luah phah fo in an rilru a la puitlin tawkloh avangin fahrah an tam leh phah thung ,mipa chuan thil hi an ngai awlsam a ,an thisen that vanglai phei chuan insum har an ti thin ania . Mahse hengte hi i vengthei a hmeichhe kawp ho lakah hian i vente angai ve a ,I bialpa ania i thuneihna tam tak a awm ve tih hria la .

Engkimah i dawh hram hram te pawh angai ania " ka tihchuan “ Mipa nungchang i va hre ve " a tihchuan nui sakin ka dar ka san ak a “ Val senior chubakah pathlawi ngat ka nihpui tih hre ta che . Thu min hrilh nasa thin lutuka ka rilru a puitling vawkin ka hria " ka tihchuan a rawn nui ve ta hak hak “ Mipa thankin tawh i nihpui tak e,a nuam bawk em? " a tihchuan ka bu nghat . Mahse tunlai phei chu a buai thei bawk nen ramri lam buai nen kan inbe tam theilo ,inhmuh phei chu karkhat chhung kan la inhmu lo hrim hrim.

CM te nen an buai tlang viau tih news-ah ka hmu reng,heihi ania pawi ka tih thin mi ram chuan fa neih tama an ram zauh zel an duh a . Mizo te erawh fa neih tlem kan inzirtir emaw tihturin naupai theilo tura indah kan tam si . Keini ai mihring tam na na na chuan min zuam hle reng ang chu. Kan tlem sa tehreng nen kan khawlai nun phung leh tawngah lah hnamdang tawng kan hmang nasa tawh nen ,Kan tlem em avang hian nakinah chuan hnamdangin min la chimpil lo ang tihpawh a sawi theih loh chu a nih hi “Achang chuan hrehawm ka ti ve thin ,mahse a hna ka ngaihpawimawh pui a ,mipuite an kutah an awm miau si a .

Ka ngaih em em lai pawha ka hmu theilo hi a hrehawm ber ,a buai tih hre mah ila a chang chuan ka dawhthei lo lek lek zel . In ngaihzawn lai phei chuan in ngaihsak tawn hi a pawimawh em em si a " ka tihchuan a nipawh a bu nghat ,momo hmawm pah chuan “ Experience a ngah tawh awm sia a zei awm " a tihchuan ka thil ei lai lemsualin ka khuh nghal bawrh bawrh ,henu thil sawi langtlang thin lutuk hi chu a . Tui min rawn thlitin min pe a “ I va ho e aw ,pathlawi leh val senior reng reng chu an zei duh an ti ania aw,en teh in in khiurawlai tawh em " a tihphei chuan ka sen tawn tawn tawh .

Thiannu Frank lutuk neih hi chu zahna hlir hlir ani ringawt “ Inti tawh chiang awi " a tawng leh tur chu aka ka hup . Mi an awm ve teuh bawk nen min sawi mualpho teuh thei ,ka khap takah chuan “ Chhuak vat ang" a la ti deuh deuh ,lu thing in ka eitur ka eizawm a ,Rinpuia nen an awmdan avanga a lungngai hmel a bo ta erawh ka lawm hle thung . Pawnlamah kan chhuah rualin min kalpui nghal dawr dawr ,hmun reh deuh kan thlen rualin “ Le sawi tawh rawh le " a rawn tihtakah chuan “ I ho e kal ang. Mahni bialpa te nena awm dan an sawi chiam ngailo chubakah mi in an hre thei tih i hriat kha .

Nick nen kan chungchang hi chu ka chhungte leh ka thiante tihloh hi chuan hrelo mah ula pawi ka tilo ,kal ang " tiin ka kalpui dawr dawr ,a ni pawhin min zawt zui tawh em lo . In ka thlen hnuah ka room lam panin Nick message ka thawn a,ka message hmasa pawh ala seen lo,a last seen pawh nithum liamta a mi kha ala ni reng,ka ngaihtha lo bawk nen nuamlo ka ti takzet “ Mimawlpa min lo be ve tawh em em ta che " tiin keimahin ka phunchhuak hap . A hma kan inhmuh tirha a rawn len theih lai kha ka ngai daih zawk.

Chaw pawh eilo in ka mu daih . Ka phone lahin rik tih a neilo,nge keihian ka lo ngai bik lutuk nge? Ka timah mah deuh em ni? Tihte chenin ka ngaihtuah ,khumah chuan ka mu zawi reng ,lehkha zir rilruah a lut theilo hrim hrim ,ka room kawngka pawn lam atangin an rawn kik a “ Bawihte Nick alo kal ania" ka nu in a tihchuan rang zetin ka tho chhuak a . Amah a ni tak tak tawh angem? Nge ka mumang leh mai mai zawk nge? hlauthawng leh ringngam silo in ka room khawngkhar chu ka hawng riai riai ,muangchangin ka chhuak phei zel .

Thutkhawmna a lo ding leh min lo melhtu chu ka mumang mai anihleh ka hlau,ka pan mai ngamlo ,anipawhin che map lo in ka chetzia chu a en “ Bawihi lo thula ,Nick nangpawh thu rawh ,tunlai chu i buai deuh animaw " ka pa chuan a lo ti zung zung a . Ka pa nen hian an inkawm nasa a ,puitling ve ve ta chu an thusawi pawh a rual viau,Kan inkar an hriat tawh avangin chungin ahma a a lo len thina mak an tihna ang kha hmuh tur a awm tawh heklo ,ka pa pawhin sawilo mahse Nick a rinzia ka hrechiang viau bawk.

Reiloah ka pate chuan hun min siamin an mu lut thuai a ,chuveleh Nick chuan min panin min pawm nghal thlawp . Keipawhin lo kuah vatin a awm khauh leh lum zetah chuan ka hmai ka nawr nak nak a “ Ka ngai lutuk che " a rawn tihchuan ka la tawng thei mailo . Keipawhin ka ngai em em a ni si a ,ka samah a tham nauh nauh a,ka tukkhuma dawmin min kuaidak ka mittui chu a tling pam bawk “ Tinge vawikhat te pawh min lo biakloh?" lungawilohna a khat leh tahchhuak tunin ka tichhuak tiau a .

Min en rengin ka hmuiah a fawp leh a “ Biak che ka duh a lawm,mahse ka hna hi i hriat kha ka mipui te ka venhim an ngai tih nen,mahni ram ngei tana ka thawh theihnan hian a lawm kha chen ka lo beih. Nangma tan leh nakin zela kan tu leh fate rawn rochun tur ram hi tih chereu mai ka phal hleinem " tiin min kuah bet leh a . Hahdam hmel taka thaw chhuak suai suaiin ka nghawngah a hmui a nawr vang vang.

Ni e ,a chau ve ngawt in ka ring ,a hnungah ka beng thek thek a . Min pawmna a tinghet sauh bawk ,a kawng ah chuan ka kut suihbet tlatin a awmah chuan ka bei kak reng a ,ka ngaih zia ka bula a han awmchiah hian ka hre thar,ngaihzawng ka neih hma kha chuan inngaihzawn nawmzia ka lo hre ngail. Tunah erawh ka hlim a , ngaihtuahna a tikal thui in hlim veng vengna hi keimahni ah a awm ka timai .

Mahni tea awmlai pawhin hriatloh karin kan lo nui leh vur vur zel chu a nih ber hi “ Min ngai ve tiraw" a tihchuan ka lo um vat . A rawn nui nghawr nghal dawt a ,a malchunga min thuttirin sofa hnung chu a ngheng run a kan in melh tawn ta ran mai,a biang ki invuah fuh lutuk chu ka chulsak zai zai a “ Nick fa in neilo hi a mak e " ka tihchuan a mitmeng a danglam zawk . An inneihna a rei ve tawh a ,fa an neih theihloh avanga inthen nge an nih ang tih hi ka ngaihtuah ve fo mai .

“ Khatiang hmeichhe mahni taksa mawina chiah ngaipawimawh khan fa pawh nei Ila angaihsak ngailo ang. Ka hmangaih loh vang te pawh khan aniang ka neihloh,bawihi sawi leh ka duh tawh lo . Tunah chuan he i pumchhung tetakte ah hian ka fa chu a insiam zawk mai thei a sin" a tihchuan ka meng phawk vak. Ka lo la ngaihtuah ngai miahlo . Ni e invenna kan hmanglo a ,mahse rai tur chu ni ila thla a liam tam ve leh tawh a ka taksa ah a langchhuak ngei ang 

“ Uang suh nihtum ka la ngah lutuk,ka la lungawi miahlo ania ka text takngial pawh i chhang thei lo lehnghal ,a chang phei chuan hmeichhe dang i bia ang hialah ka ngai thin " a mita enkalh pah chuan ka sawichhuak mawlh mawlh “ Ka sawi tawh kha mipa in thu ka tiam tawh che a ,sut leh mai turin thu ka tiam hek lo che . Thutiam sut hmang tak ka nih chuan Mizo mipa intingam tur ka ni lo ve . Pasaltha takin mipa chu a awm tur ani" a tihchuan ka nui hak hak “ Pasaltha ang i inti a mi ,sa pawh i kah theih pawh ka ringlo"ka tihchuan ka zakah a dek vak .

“ Tunang laiah chuan hmanlai thiltih ang kher kha tih a ngai tawhlo a ,ka ram ka hmangaihna leh a chhunga chengte tana ka inpek theih chuan chu chu mipa diktak rilru ani zawk thin" ka sam tla chu ka bengah a zep a ,min kuah leh nghal chial awm sawn ka tum bik lo . Engtikah nge kan awmdun leh theih ang tih ngaihtuah reng ngai tawhlo se ka ti takzet.

THE GOVERNOR 

CHAPTER 5

NICK ZOCHHUANMAWIA POV .....

Bawihi nghakin an college bul restaurant-ah ka lo chawl a ,class lak paha min rawn text zeuh zeuh chu ka nuihpui suk suk ,ka hna nena inmil lo tak taka ka chet phahna hi a hlu veuh veuh em . Ka hmazawn thutthlenga hmeichhe rawn thu chu melh zawkin ka thaw hawk ,“ Ka lo hmu fuh che a ka lo kal tawp anih hi " a rawn tinghal zat. Vawi eng emaw zat ka hrilh tawh hnu pawha min la hnaih talh hi ka kham ve ta takzet tawh ,mipa pawh hian dawhtheihloh hun hi kan nei tihte hi hriattur .

A pa nena kan inhmuh apiangin ka mit lak tumin sexy takin a rawn inlan ziah lehnghal a ,a in chei sexy poh leh bawihi nena an danglam zia ka hre thar zawk,eng ang pawhin sexy mahse hnaih ka tum hauhlo,a mizia tur awm ang ka hrethiama ka duhtawk viau “ Min duh ve tawh mai la" a tihchuan ka melh ngur. Chhan tuma ka ang zuau tawh chu hmeichhe aw chang fak ka hriat rual chuan ngawi rengin ka khi suk . Ka bawih thinchhetei a rawn thleng tih hrilh ka ngailo .

“ Min lo nghak rei tawh em " tiin ka bulah a rawn thu a ,nidang chu nise a duh leh dawn lo chiang a. Athikthu chhiatzia ka hriatna chuan patling meuh pawh min nuih tir vur vur leh ta nghal “ Nghak reilo e ,in bang tawh a mi?" Ka tihchuan a bu nghat “ Eitur chah rawh ka ril atam lutuk " tizatin kan hmaa thu pawh hmu lo ang hmak chuan a che reuh lehnghal ,a eiduh zawng chahsakin dawhkan hnuaiah chuan a kut a hum ruh tlat chu ka vawn beh sak a .

A thaw hak mai “ Hey nangnu hi tunge inih ? Engvanga Nick nena khatianga awm kha nge in nih a " Jessica chuan a rawn ti ,bawihi chu a nernawk “ Tunge ka nih maw keimah Jasmine par ang maia mawi ka nih avanga Jasmine min tih ,Dinghmelthai leh i hmazawna mipa thu bialnu leh a duhlai ka ni e , ni lawm ni?" Ti a min rawn en chuan keipawh chuan a chala fawp zauhin “ Ka neihchhun leh ka engkim" ka lo tisup a .

Bawihi nui sen sen hmeltha lutuk chu ka thlir reng ringawt.

LIANDINGPUII(JASMINE) POV.....

“ Enga Nick kha ka ta anihkha ,nangnu hi tunge inih chiah ,dawt hmanga min bum kha tum lo mai rawh u " a rawn tihchuan ka nersawk mai mai chuan a “ Ita nge ka ta tih kan fiah dawn em ni? Nick hian ka ta a tiche em?" Tiin Nick lam ka en ,alu a lo thing nghut “ Hmeli i chaklo ang ,tu fa nge ka nih i hria em" a tihchuan ka nui leh hak “ Hria e ,hre chiang e thlan chawp lal ,I pa hi a lal reng dawn lo tih i hriat kha ,I pa nihna chhuanga min khin han tum la tunge dik zawk kan fiah ang chu ,I pa hi a tling reng dawn lo tih i hre ve in ka ring .

Chuan Nick Zochhuanmawia i biakna te kha ka lo hmu a ,a hmeichhia zawkin a fapai te sawi kai kha i zak em . Ka ta anih hi lo tibuai leh tawh suh,ka duhloh thlenga min nawr lui a nihchuan enge ka tihdawn ka ngaihtuah lawk thiam mai lo,Chuan kan pahniha hun neih ka tum a,lo va kalsawn ta che " tiin ka eitur an rawn chhawp chu ka ei mial mial,dawr chhunga awm ho in keini pathum min thlir thup tih ka hria ,chunu pawh chu thinrim zetin a chhuak nghawng nghawng a .

Nick-a chu ka melh vak,anilahin nuihzathmel zetin min lo en thung “ Kal ang pawnah ka lo awm ange "ti a tho chhuakin restaurant pawnah chuan ka lo nghak a ,a rawn chhuah ve rual chuan a kutah ka lo vuan nghal hmak . Thawm kan college lam atang chuan a rawn chhuak luai luai a “ Lalrinpui enge i hriata " ti a ka thiannu au ka hriat rualin Nick kai chungin college lam pan chuan ka kal hlawk hlawk,an inkar a la tha lo nen eng emaw tak in an awm leh ani ngei ang . Campus chhungah kan lut ,Kan college students ho lo din khawm na leh a then an nuih tut tut na lam chu kan pan ve zel .

Chutah Nick chu a nui huka ,a hmel ka en chu a lo sen tun ,a nuihza lutuk a insum tih a hriat reng ,chutah midang chuan Nick nen kan kal chu mak ti leh a ngaihna hriat loh hmel zeta min en in kawng min lo kian zel,ka thil hmuh avang chuan nuihza bawk siin ka awm ,Rinpuia nghawnga hrui in thlung leh thingkung zara a hrui thlun nen chuan in awh hlum a tum tih a hriat . A in awh hlum tum dan lah chu a ke in lei a rap pha vek bawk si ,a mah a sang ve bawk nen Malsawmi chuan a malah a lo uai tung bawk.

“ Inthen i duh a nilawm ni? Ka duh ve lo ka tihkha " Rinpuia chuan a tinghek “ Khati khan i thih i ring a mi ? Mawla rawn chhuk rawh " tiin a au leh chiam ,Malsawmi lah a thinchhe chi a nibawk nen thingkung ah chuan lawnin Rinpuia awktu hrui chu a phelh mawlh mawlh ,a rawn chhuh ruala Rinpuia thu kun ngur chu en vang vangin a thu hniam a ,a kuah nghal vang vang “ Keimah chauh min thlang tawh dawn em ? I zu in i bansan a hmeichhe dang i pan dawn loh chauhin i kiangah ka awm ang" a tisep.

Ka hawi kual chu kei leh Nick nen kan Pali chiahin kan lo awm tawh,midang haw tur chhuak mek chu ka hmu phe vuai chauh ,Nick chuan alamah min kuai her in ka darah a kut a rawn nghata ,ka  biang vel chu a nul thuak thuak “ Kal tawh ang ,I thiante tan hian kan hnawk palh ange " a tihchuan Malsawmi te lam ka en chu an lo in fawp ang ngur ngur ,ner nawkin“ Kal ang " tiin gate pawn lam ka pan a ,ka hnungah nui vur vur chunga a rawn kal chu ka ngei hle “ Nui thaw reng suh ,mi â i ang heu huau lutuk ,patling ve si khatia nuih reng kha .

Zochhuanmawi" ala nui deuh deuh chu ka melh rawm rawm tawh “ Nang pitar bawk maw" chutia Nick ka auh lai chuan kan hmalam atanga thawm rawn chhuak vang chuan ka hawi chhuak ,police pahnih hian pitar thlai zuar hi an lo pawt ding lawp ,dimna an nei lo reng reng . Pitar lah chu Kum 65 vel tur ang tawh a zâng pawh a kul vek tawh leh nghal “ Hey enge khatianga mahni aia upa leh nghal ,tar an nih tawhna ang pawhin zahin dim ve ta che u" tiin an bulah ka tlan thla “ Inzawrh phallohna hmunah a inzuar a lawm ,lo inrawlh suh " an rawn ti.

Pitar ka en chu ka khawngaih zual sauh “ Mama te u ka tupa school kalna tur anihkha la suh u" tiin pakhat kawrah chuan a lo tham ve tang tang bawk “ Pe rawh u " ka tileh tuar ,ka nam nawk bawk pakhat zawkin kut min rawn thlak a tum chu ,ka hnung lam atanga kut rawn awm avang chuan min khawih hman lo chiang hle,Nick chuan  “ Khawih hauh suh" a tichang fak ,a aw ah chuan a tihmai mai loh zia a lang bawk “ Pitar kal pawh kal tha theilo pawisa umin maw in awm a ,inhna hian a chawm zo lo cheu em ni?" Chu mite pahnih hmel chu a tlanchhe dui .

“ Sir kan tihpalh" an tinghal nawk nawk ,Nick chu thinrim zeta thaw chhuakin “ Helai hi motor kawng a nihloh bakah hmun reh lai a nibawk a,he pitar hian enge dan bawh chhiatna a neih?" A tileh hmuk. An hlauhthawn hmel viau tawh ,kei erawhin pitar chu ka lo buaipui mawlh mawlh “ I tha em " ka tihchuan aw khur dar dar leh mittui tla in “ Mami ka lawm e " a rawn ti te chuan keipawh ka mittui an titla thei ,a kut cher riak chuan min rawn ban a ,ka lo vuan let ve vat “ Engkim a tha a nia " tiin ka purse ka la chhuaka ,ka pawisa ah zawng zawng 2000 chu ka pe vek .

“ I tupa chu eng rual nge a nih ka pi" ka tihchuan min rawn en in “ Kum 10 a ni ve tawh" a rawn tihphei chuan ka khawngaih zual,thil awt rual a ni ve tawh lehnghal “ Kalsawn rawh u ,buaina insiamsak leh tawh tur anilo " tih rik hrawk rualin police pahnih chu an kalsawn a . Kan tunlai nun meuh zawng hmanlai anga pi leh pu zahna a awm tawh lo a ,hmanlaia lu a kelsam to tawh chin phei chu zah hle tur an tihkha he zoram khawvel thang mek leh sualna in a chim pil mek zelna ah hian aia u te zahna a awm tawh meuh lo a nih hi ..

Nick chuan ka pi chu rawn be ve in ,a aw nghet charh chuan bia in a nipawh chuan pitar chu an inte zawtin pawisa singkhat(10000) lai a pe ve a ,pitar mita mittui luang chu ka hmuh hmaihlo,lawmthu sawi mawlh mawlhin a thlai zawrh an paih darh chu a en vang vang “ Hna i thawh a ngai tawh lo ang,I mamawh ilo sawi thin dawn ania " Nick chuan tiin a thlai darh ho chu a lakkhawm sak a ,kei erawhin a piah deuha lo dingin ka mittui hnam chu ka hru mawlh mawlh .

Nick rawn phei chu ropui hliah hliah hian ka hmu,ka bul a rawn thlen rualin chiang zeta min en in “ Lo kal teh " tiin a car lam panin chak zet hian min kalpui a ,car kawngkhar hawngin min thutluh tir zawhah a ni pawh rawn thu lutin min kuah nghal hlun “ Khang vang khan i tap reuh a maw?" Tisupin min kuah hlu hlu “ Ka khawngaih a lawm,keini in hrehawm hrelo lekin nu leh pa thlazar hnuaiah nuam titaka kan awm lai in an ni erawh tikhan hrehawm em em leh rethei takin an awm awm si a " ka tichhuak tiau .

Mi hausa in hman sen loh pawisa an neih laiin he khawpui chhungah ngei hian an mahni anpui mihring thenkhat chuan an awh zawng pawh neitheilo in an awm tih leh an awmna tur in tak ngial pawh an nei lo tih an hre leh duh silo. Mihring te hi kan lo mak em a nih hi,mahni aia neilo zawkte khawngaiha hnehin kan hmusit zawk si ,Kristian ram inti te hi thi ta ila pa hian lawm takin min lo chhawn thei in ka ringlo,vanram kai hi kan awm meuh angem tih hi ngaihtuah tham fe ani. Mahni thenawmte ngei pawh hmu theilo leh tanpui ngaite kan hmuhsitna hian vanram min la chan tir tho angem.

Kan inkhawmin Biakin chhungah Pathian kan fak chamchi a ,Kan pawnlam nun erawh a chhe leh hle thin si . Mi hmuhah tha ber angin kan langa ,chhungril nun chhe leh hle thinte nun hi a khawngaih thlak hi ka tia ,an status an thu post ah Pathian thu an hmang kur dup a ,mahse hun a han rei a an thu post an nunpui loh zia chu mit hian a hmu leh thin .

Ka contact a mi tam tak pawh an ni,group ah Pathian thu an post zuah zuah a ,group thenkhat leh private lamah erawh ngeih loh an han ngah leh laileng khawp a “ Khawvel dan a ni a lawm ,nakinah phei chuan kan khawvelah hian mi hausa te tan bak hmun a awm meuh tawh lo ang bawihi . Mahse in ngaihtuah hah lo la ,thi tur theuh theuh hi he khawvelah hrehawm mahse khitah tawp velo a hmangaihtu kiang an thlen hunah he khawvela mi rethei te hi an hausa thung dawn alawm.

Leiah nun nuam takin awm mahse siamtu an hriatloh chuan kum hlunlo tur lei chiah hi an nuam tawl ve theihna hun a lawm,khawvel hi a chhe tawlh tawlh anga ,keini ngei pawh hian kan hma hun kan hriatloh hi . Kan hringnun kan hmang tam tial tial a ,hringnun kan hmu chiang tulh tulh dawn ,nang pawh i upa telh telh anga ,nun ninchang i nei fo vang. Mahse intichaka khawvela ngaihdan hawisan a i kal thiam chuan i tlu ngai lo ang " a tisup sup .

“ Pawisa leh nunnawmna hi chuan heleiah chuan min ti hahdam ngei ,mahse mi duham te leh pamhamte an dingchhuak ngailo tih hre reng rawh" tihzawmin ka hmuiah a fawp zauh “ Hmuh hrehawm tak tak ila hmu dawn chauh. Mahse chung chu mahni inti beidawng ngai suh ang che . Kal ang le ,i hnar a sen leh vek tawh" a tihchuan ka nui hak hak ,ka kut vuanin car chu a tlanchhuah tir a ,khawpui chhung hmun pakhat ah hian min hruaiin nuam ka ti hle ,pangpar huan tih hriat reng reng .

Pan hnaiin pangpar karah chuan ka tlankual,an rim tui zet te chuan min ti hahdam sawng sawng mai “ Nick a nuam lutuk " tiin ka nuih var var ,thli a rawn thaw heuh heuha ,sava rawn hram nen ramhnuaia awm ang maiah ka in ngai ,ka kawngah a kut rawlh lutin rose par sendang chu ka samah a zep tel a,ka hmuiah a fawp leh vang vang,a kawr nghawngah chuan ka tham a ,ka vuan bet tlat “ Nick coat lo hi ha ve tawh la ,nangchu coat i ha run renga ,i mak" ka tihchuan a nui hawk mai.

A hna avanga a hak angai tih hre tho mah ila,Kan lenchhuah vel naah tal hian thawmhnaw pangngai ha ve se ka ti ,a inhmeh dawn tih ka chiang bawk.

ZAWMNA 

Haw lamah chuan a car chu mi bia in a in thleng a dah tir a ,ke a kal a duh tlat avangin keipawhin ka hnial lem lo,kut inkai rialin kan kala ,car chhung uap taka chuan reng ai chuan thawven thlak tak a ni . Mi chuan min en duh in an phun sep sep ,ka bialpa hi mi naran a nih loh vang tih ka hria a ,engah mah ka ngai duh hran lo “ Nick Zochhuanmawia a nihsaw awi ka duh lutuk che ,min hria em ?" tinghal thawrin chunu chuan Nick chu a rawn kuah ringawt .

Nick chuan min rawn melh vut chunga chunu chu kalsan in “ Ka hre ngailo a che " naupang ang maia dak vah chunga a tihchuan ka nuih a za ang reng hle ,ka bulah rawn kalin min kuah nghal thuk “ Min hrelo maw kha ka pa te nen pawh in inkawm fo kha ,Kan inah i rawn leng reng sia tinge min hriatloha ,police officer Ramnunpuia  fanu kha ka ni e " a tihleh chuan ka nui hak ,ka pa fanu maw a lo niha ,a va han zak lo tak “ Oh bawihi nangmah hi Ramnunpuia fanu ini amaw ka tia " tiin min rawn en ,chunu chu en leh in“ Ka bawihi nihna inbel i duh anihpawhin inchei thiam deuh rawh aw " a tikher a .

Chunu in min lo en chu ka lo nuih kher ,a tlanchhe nghal vang vang “ Kan sual e " ka tihchuan Nick chu a nui hawk hawk “ Min biak a duh anihpawhin dawt tello in min be mai rawh se ,khatiang dawt sawi hmang ka ngaina lo " a rawn ti nghet charh . “ Kal ang " tiin khawpui chhung hmun reh laia mipui kalna tur bik a an siam kawngah chuan ka kal pui a ,ka hnungah min zui ve zel bawk “ Thadang hmelchhe daih mai la " ka tihchuan phawk lutukin min rawn en ,ka thusawi chuan a tihamhaih tih a hriat.

Nge a hmeltha lutuk pawh nisilo ,a hmel a pa leh lutuka miin an duh ve chiam hi ka duhlo “ Tikhan min melh vak suh,I luck leh lutuka lenchhuah pawh a nuamlo,governor meuh nihpui ka nihbakah thlawi zûn ngah ka nihpui hi ka hah,hang dum thil thel te hi lo nimai la " ka tihchuan tum hmukin ka chalah a pen fawk a nihchu . Rak thatin ka arngeng ah kher a rawn pen fuh nen ka hmai hupin ka kun ngar ngar,ana lutuk chu ka mittui a hnam sawk thei ,min ngaihtuah leh si nge “ I tha em ?" tiin a kut in ka hmaiah a rawn dawm .

Min kuah dah ruala ka mittui tling a hmuh rual chuan inthiamlohna a khata min en in “ Ka tihpalh Miniau ka tihpalh" tisup supin a awmah min pawm bet nghal ,hahdam zetin ka thaw chhuak siai siai “ Ka hmeltha chhinchhiahna i pen keh tep a lawm ,khati ten ka hmelthatna power i ti reh daih dawn a sin" tichiamin a nakah ka sik vak,engtin mah awm lo in min kuah ngai reng chuan a awm a “Sorry miniau" a tihleh chuan ka melh nghek.

“Enge Miniau chu ? " lungawi lo zetin ka melh chho a ,nuihzat hmel zeta min enin “ Aw ka zawhte kawlh deuh leh tap bai bai thin inia "a tihchuan rum nghat in “ Anihchu Chris Hemsworth " ka tivak nui hawk hawkin “ Ka va han pa rem rem awm ve" mit kan uk uk in a tileh ,a inchhuan hmel ngawih ngawih bawk si “ Thor-a tuboh lian " ka tileh vak . A aia ringa nui hawk hawkin ka biangah a piai nawk nawk bawk “ Bawihi i mi tehkhin ber pa chu " tiin a nui leh a ,nasa taka a nui ka hmuhna hmasa ber ani . Mittui tla phunga a nui chu ngei lutuka melhin a ngalah ka chhuih tawk .

“ Thor te chu pa an ti thin viau a sin ,Chris hemsworth ang pawhin a pa tho a " a tileh zel “ I ang reng a lawm,I biang hmul nen zawng zawng khan Chris hemsworth chiah chiah inih kha " tivakin ka kut ka kuangkuah “ Keichuan Thor-a a nihkhan ka duh zawk ,ka bialnu hian min hmu pa bawka kan pa rem rem ve dawn emaw ni " tizuiin ka lungawilo ding chu min kuah nghal hlu hlu,a taksa che dawt dawt reng chu a awmah ka chum dawt “ Nui tawh suh Zochhuanmawi ,tuai bak khatiangin an nui uar uar ngailo" ka tihchuan a nuih a za deuh deuh tih a hriat.

Leiah thu in ka hawisawn san “ Ka bialnu te hian tuai ka nilo tihchu a hrechiang berin ka hria " ka dul chul riak riak chungin a rawn ti a ,a aw ah chuan a thu tak leh hmel tawh hle . Ka biang vel a nul kual,ka taksa chu a khur leh dar dar tawh ,ka sa pup pup a ,kan lungphu chu a inthum rawn tluk tluk bawk ,Kan in hip tawnzia chu kan hai lo ve ve . Mi kawngkal dang an awm lo a ,Kan awmna a fal bawk nen Nick pawhin chu chu a hrechiang hle tih ka hria “ Khawlai a nih hi ,miin min hmu ang awm mai mai rawh " tiin a kut che vel chu ka chelh beh sak .

Hetianga awm reng chuan ka pangngai thei leh lo mai ang,mipa hnih induh tawnna nen a an inkhawih a nihchuan sual lamah an tlu thuai thin. Lo mudun tawh mah ila ,tunah tak hi chuan a hun lo takzet bawk . Ka hmuiah a rawn fawp a ,a leiin a ka ka chhung a hawl kual chuan ka thaw hak “ Hei chu a thiang tur ani" tiin min fawh zawm buan buan “Ehe!" naupang tawng ri kan hriat rual chuan inthlahin kan en nghal vat . Mipa naupang chum buang mai duhawm zet hian Lollipop hmuam chungin min lo en dun kar .

“ A u in innei tawh ami" a tihchuan chhan dan tur hrelo in Nick nen chuan kan en tawp“ Anu in intih ang kha chu inneih hnuah emaw an fate emaw tan chauh an ti thin a tia " a tawng fiah vak lo chuan a ti reuh,Kum 5 vel lek tur te lehnghal “ Nilo e nakinah keimah ni ang rual inih hunah ila hre thiam mai ang ,mahse puitlin hma chu hetiang tih ve loh tur aw ,bawiha tunge i hming " Nick chuan  a tihzawm a “ Remrema " a rawn tive leh thuai ,a duhawm takzet .

Nick pawhin a awmdanah a lawm hle tih a hriat ,nui suk hian “Lo kal teh " atidam dup a ,naupang pawh chuan a rawn pan ve mai ,a purse atanga 200 phawrhin mipa naupang chu a pe a “ I lollipop ei lehna tur anihkha ,tihbo loh tur aw ,kal tawh rawh le ,I nu ten an lo ngaihtuah ang che " a tihchuan “ Ka lawm e ,a u te u " tiin a tlan hnak hnak .Nick nen chuan kan en zui vung vung “ Awi khatianga nau duhawm pui kha ka nei ve chak,a biangah khan ka piai chak takzet " tiin ka nui var var a .

Mitchhingin nu ka nih hun tur ka dream nghal ringawt “ Kal ang . I inngaihtuah thui leh dawn "Nick chuan tiin min kaiin car a dahna hmun lamah kan let ,hetiang renga kan inzui tluang thei a nihchuan engtikah emaw chuan kan la innei ve ngei awm si a . Ka bula ngaihtuah nei tih hriat taka mipa kal chu ka melh vang vang ,a kut lian hlupah chuan kaiin kawngpui lam pan chuan kan kal zel “ Naktuk chu ka nu leh pa an rawn zin dawn a ,hmuh ve che an duh bawk nen chaw lo ei rawh aw" aw dam thlapa a rawn tihchuan ka melh ha.

A nu leh pa ka la hmu miah lo a ,a enga mah hma in ka zam em em mai lehnghal . “ Ka zak e a " ka tihchuan ka kut chu a rawn hmer nghet salh “ Ka thu chu awih mai rawh . An monu la nimai tur hi an hmu chak ve animai a ,tlai dar 4 ah ka lo hruai ang che "tiin car bul kan thlen avang chuan a kawngkhar hawngin min thut luh tir a ,a biangah fawp zauhin “ Awle ka Thadang " tiin a rawn thut luh hnu chuan hla play in THLAWI ZUN Awmtea sak chu ka sak pui a “ THLAWI ZÛNA UAI CHU ZÛN PHURH ANA NI,THLAWI ZUNA UAI CHU A NGHET BIK THIN. THLAWI ZUNA UAI CHU LUNGLAWM A KIM THIN,THLAWI ZUNA UAI CHU ENGKIM A NUAM BIK" tiin ring tawk tawk in ka zai lawng lawng a .

Nick chu a kiai suk duh chauh,thlawi tih hi ala na ve tum hranga ,thlawi zun nat zia hi hriase a inchhuang zawk tur hi ania “ Nick Zochhuanmawi ,ka pathlawi story chhiar zawng zawng khum tu ,ka thadanga hi ka hmangaih a ni" kut phar hluai chungin ka tichhuak ,a rawn nui ,ka kuta hum in a fawp zauh,kalkawng lam bawk en leh in “ Ka Zawhte nghal zet min fawp hmasa thintu ngei hi ka hmangaih" a rawn tive kher chu a kutah ka sik vak .

TAWNGTURHAIHCHHAMLOA,THLAWIHMELTHALUNGMAWLA ,a nih hi ,kan in kan thlenga ka luh hma chuan ka chalah fawp leh zeuhin ,zanlam a buai dawn avanga a lo len dawn loh thu asawi a ,CM te nen thupawimawh sawi tur an nei a nih hmel,keipawh bu nghatin inchhung lamah ka lut nghal zat .

THE GOVERNOR 

CHAPTER 6 

“ Nick keichu ka zak e " ka ti niah niah,ka kaihza te hi a khur dar dar thei ,a nu leh pa in a inchhungah min nghak reng tih ka hria ,Chu chuan min tizam zual ,ka hmel an hmu anga an fapa tan hian min duhlo mai angem? Kan kum a in thlau hle si a an rei ti a ngem? tih te chu ka ngaihtuah kual ,an inlam pan chuan kan kal zel ,ka huphurhna a zual tawlh tawlh,Nick chuan ka kutah kaiin “ I bulah ka awm hi zahna tur a awm lo ,an ngaina ngei ang che " a tihchuan ka thawven phah chuanglo .

Tun ang laiah chhungte duhpui lo an nih avanga inhmangaih tam tak awmdun theilo chanchin ka hre ve kur nen ka zam hluah hluah ,chutah Nick chuan kawngka hawngin “ Nu ,pa kan lo thlenge " a tihrual chiahin kawngka hnuailam kang deuh chu chhuihin inchhung lamah chuan ka bawk lut thlawp . Lalpa ka zak lutuk “ Awhaw bawihi" mipa aw rawn chhuak ka hriat phei chuan ka zak hluah hluah tawh,Nick-a pa chu a ni tawh ngei ngei ang .

Enga tinge ka chet chhiat ziah le ,Nick an min kaihthawh pawhin ka dak chhuak ngam tawh lo . Ka tah hi a chhuak em em ringawt ,tumah an bialpa nu leh pa hmaa che chhia hi an awm ve ka ringlo,an fimkhur zawk viau ang,kei erawh englai pawha chet chhiat in peih emaw ka nih tihtur in ka che chhe ziah mai bawk si “ I tha maw Bawihi " hmeichhe aw in a rawn tihchuan ka bu nghat ,ka la hawichhuak ngam chuang lo “ Hei ka nu leh pa chu an nih hi "ka bengbulah rawn kun hniamin “En ve rawh ,Kun tlat lo la " a rawn ti sup,muangchangin ka hawi chhuak a .

Nick chuan a pa a chhunzia ka hre nghal ,a pa pawh chu palian pui ani leh nghal a,an hmel chu ala tha lai viau mai “ Hi...ih..Liandingpuii ka ...nia " ka ti bah nawk nawk,a nu zawk a rawn nuichhuak hak a “ I zak a nimaw ? zak duh reng reng suh ,keini pawh in ngaihzawn lai leh thatlai hun kha chuan laihna tur leh tihtauh na tur kha kan nei reng a nia ,lo kal teh ka lo kuah ang che " tiin Nick a nu chuan min kuah nghal,a pa pawh a lo nui ve a ,atawngtam hmel loh viau Nick nen chuan pafa ni awm reng an ni.

Kan inzui lut hlawm a “ Nick ka zak lutuk" Kan hmalam ah a nu leh pa an kal takah chuan ka  tichhuak,nui hawk hawkin “ Thawk la vak la ,I nu leh pa bulah leh nangma inchhung ngeia awm angah in ngai rawh " tiin ka kut a hmer vang vang . Chunga awm duh viau mah ila ka chetsualna khan min inthlahrun tir vek tawh,a bul atanga luhthat leh theih se ka ti ngei mai,tunge mahni bialpa nu leh pa hmaa chetsual duh bik ang,reiloteah chaw ei an ti nghal thuai .

Chaw ei lai pawhin ka mizia ah a bet tih pawh ka hriatlohin ka ngawi kar a ,thu hi ka awih hmel ngawih ngawih “ Bawihi kum engzat maw inih a?" Nick-a pa in a rawn tihchuan ka thil thial lai lem te te in “ Kum 20 na ka hmang mek " ka tihchuan a bu nghut “ In kum a inthlau a ,kawng tam takah inhriatthiam tawnna in neih a ngai ngei bawk ang. I hriat angin kan fapa hian nupui a lo nei tawh thin a ,mahse chu erawh i hriatreng loh kan beisei ,Kan fapa hi kan neihchhun ve ani a ,a tihsual leh hi kan hlauin tunah chuan keini pawh kan upa tawhin tu hmel hmuh te pawh kan chak ve tawh a .

Mahse Pathianin rem a ti rih lo nge ,tihian tu hmel pawh hmuh hma in an in then leh a . Nang tal hi chuan kan fapa hi i dawh kan beisei dawn ania ,hna hautak leh mualpho awlsam tak a thawk tih i hria a,hengte ah hian a ni pawhin a hna anihna anga a tihtur a hlen ngei a ngai dawn . Chung hunah te pawh chuan inhrethiam taka awm turin ka duh cheu ,engang mi pawh lo ni la ,ka fapa hian a duha a hmangaih che a nihchuan keini chu in inkarah inrawlh kan tum hauh lo ,Kan fapa hi kum 37 milai nive tawh hi puitlin hi a la harsat a " a tihchuan Nick chu a rum nghut.

Anu nen kan lo nui ringawt “ Ka pa i pehhel kual rei thei lutuk ,Puitei hian engmah a hrethiam lo ang" a rawn ti bul hmuk . Apa in a en tihpawh a haider hmiah a ,dawhkan hnuaia a kut chu ka sihsak hlawk “ Ka sawi duh chu ,in pahnih hian hmahun thui tak thlir tur inla nei a ,inhrethiam taka kal tur in ka duh cheu ani ,bawihtei pawh a lo haw ve leh tep tawh a ,a theih phei chuan khawlamah rawn zinchhoh in tum ve dawn ania " a tihchuan ka chak zawng tak ,Chaw chu kan ei nghal malh malh .

Nick chuan ka zah hlauin min be char char ,chawhmeh pawh ka ban leh suah ngailo in a mahin min suahsak zung zunga ,min ngaihsakna chuan min tihlim veng veng thei ,ka lo rin ang anihloh zia ka hmu zel zawng a nih hi . Chaw eikham lamah ka chhungten min ngaihtuah ka hlauh avangin min thlah haw leh a “ Zanin pawh ka lo leng hman dawn lo a nih hmel,khulama chanchin hrilh a ngai dawn bawk si a ,I thinrim lo ang chu tiraw ?" tiin ka sam chu ka bekah a zep a .

Ka awmdan hriat tumin ka mitah a melh ran bawk . “ Bialpa sawrkar hna thawk neih chu hmuh pawh kan inhmu khat zawng a nih hi,ka chang tawh meuh lo che ,mahse i thawhrimna ka hriatpui che a ,phone in kan inbe thei tho a lawm ,chanchin min lo hrilh la " tiin a hmuiah ka fawp zauh ,lungawi hmel hliah hliah hian min enin min kuah vawng vawng “ He ka hna hi thawh reng ka tum lo a ,thawh pawh ka thawk reng dawn lo bawk ,engtikah emaw tar samtuak kan nih hun thlengin i kut chiah ka vawn hun tur ala thleng ngei ang . Tuna inthlahlel em em a kan awmna hi ka nupui inih hunah chuan a ngai tawh kher lo ang " a tisup sup a .

Ni e ram hi a hmangaih hmasak a ngai miau si a ,car atanga chhuakin ka bye bye a ,Kan in lam chu ka pan nghal zat ,inchhung ka luhchuan ka nu chiah alo la awm “ Nu ka pa hi an la bang lo em ni " ka tilang lang a ,ka nu in min rawn melhin “ A buai viau ang,tualthahna a thlenga ,station ah a la awm in ka ring " atihchuan tunge ni ang tih ka ngaihtuah nghal “ Engtualthahna maw?" Ka nu lam hawiin ka zawt “ Pa pakhat zuruiin an nu a sawisa hlum an tia ,nichin mai khan " a tihzawm ,rapthlak ka ti lutuk chu ka mengkawk .

Kan tunlai nun meuh zawng a chhe tawh takzet ,zu vanga hetiang a thleng leh ngat phei hi chu ,fa an neih tawh ngat phei chuan an fate chu an fahrah ngei dawn chu ani sia ,hmeichhia te pawh hian pasal tur thlan fimkhur hi a ngai ta hle in ka hria ,room lam panin ka mu zawi hnawk ,mitthi an awm tih ka hriat hian ka lung hi a phu dawt dawt zel ,vengdang daih ami pawh thise ka awm a nuam theilo, ka dawihzep vang nge pawh ka hre chuanglo .

Phone phawrhin Nick ka text ,a la on9 lo a nihhmel,in a la thleng lo zawk pawh a nimaithei bawk,a buai tih ka hria chuti chunga ka tana hun a insiam hram hram thin hian min ngaihsakzia a tihlanna tih hria in ka lawm tawk em em tho . Ani ang a hna hautak chelh ni ila ka peih rei pawhin ka ring lo ,ram khat meuh governor nitur pawh hian mibik nih a ngai si a ,lehkha zir zir mah ila ,Kan ram ala changkang lo nen hna hi a vang em em si a .

Hna hmu tur lahin mi bik mi aia thiam chungchuang nih a ngaih bakah ,tihpui tu tha ,hmelhriat ngah leh neinung nih a ngai leh ta zel a ,Kan tunlai nun ah hi chuan a ni chho zel chu a nih hi ,pawisa hmang hi chuan leitheihloh pawh a lo awm tawh meuhlo ,ka teddy bear chu la in ka kuah vang vang ,status upin “ Ka ngai che ,Mi amor " tihchu hmangin midang status ka en ,Malsawmin status a rawn nei a ,a status chuan min tinui huk ,Rinpuia inawh hlum tumlai thla kha engtik laiin nge a lo lak hman ni ,Chu chu status in caption ah “ Kan inawhhlum tum dan pawhin lei rap pha renga inawhhlumte pawh kan lo thiama" tih a hmang .

Rinpuian status a rawn nei ve lehnghal “ Hmangaihna avanga thi thei ka nihna hian Isua ang maiah min in ngaihtir a sin ,Isua pawh min hmangaih vanga krawsa khenbeh a lawm a nih le ,Malsawm itana inawk theia ka awm hi Lalpa remruat" a tive leh,status in an inkap char char ringawt . He mite pahnih hi chuan in ngeih an zir angai ve hle ani ,Hlutean min rawn biak avang chuan bawk khupin ka ply let a “ Lehkha i zir a mi ?" A rawn tihchuan nuihakin ka zirloh thu ka hrilh .

Nick an hria se min melh puak pawp duh ngei ang,“ I body guard a lo leng na nge " a rawn tihleh chuan ka nui chhuak leh hak. Nick-a a sawi dan chuan ka nuih a tiza em a ni . A inhmeh em lah taka ,“ Lo leng lo ,a buai deuh a ,nangteh enge itih?" Ka tihchuan video min rawn thawn ,ka en chu ka nui chhuak leh vak vak,Rinpuia nen Malsawmi te in bulah dingin Rinpuia zawk au lung lungin “ Malsawmzual I Romeo hi min chhang dawn na nge ,lo chhuak rawh lo chhuak rawh ,Dengi I love you " a tiluah luah lehnghal .

Malsawmi te in luahna neitute zawk lakah a inthlahrun awm duh awm “ Enge intih haw pui vat rawh ,miin bengchheng an ti ang " tiin message ka thawn . Nui vak lem rawn dahin video dang a rawn thleng leh “ Hmela rawn au tawh suh,nangmah avangin ka nu leh ka naute ho pawh an mu theilo " tiin Malsawmi chuan Rinpuia chu hmun phiah nen a hlap zawt zawt “ Lo video call la kha ai chiangin ka hmu ve duh" ka tihchuan a rawn vid call nghal .

Hetiang thilah hi chuan ka hawkdak bawka hlah ka tum derlo,chutah Rinpuia leh Malsawmin la in hlap zawt zawt chu enin ka nui char char “ Hmangaihna avanga tlangrel phurh huamin ka rawn au ve che a ,hetiang hian maw min lo rulh let dawn a ,a va na em Sawmbawih min hmangaih ve lo mahla ka hmangaih che . I tan ka tlinglo ka hailo,I hlim nan ka liam mai tange" tiin Rinpuia chu kawngpuiah a mu zuar ,motor te pawhin an chil a hlau lo emaw ni “ Awi Lalrinpui tho rawh,tinge hetiang em em a mawl bialpa hi Pathian pawh hian min pek bik.

Tho vat rawh ,nang ngaihzawn che chu zahna lawng lawng " Malsawmin tawng ring ngam silo in a tihlak hlak ,Rinpuia thi der tur chu an buaipui anilahin thuchah hnuhnung a sawi ang zuah zuah a “ Ka hnen ilo thlen hunah chuan hlim takin ka lo hmuak ang che ,keimah vangin i mittui kha tla hauh suh se" a ti zuah zuah ,Malsawmi run lutuk chuan “ I duh tak tak anihchuan " tiin kawnglai lamah an inhnuk phei ta mai ,ka au deuh that,Hlutea pawhin a dang nghal .

An la naupang chhia dun lutuk hi a buaithlak a nih hi ,kawngsirah an ding leh thap “ Va haw tawh rawh u ,ka nu hmuhah pawh khatianga au pung pung kha  a mawi miahlo ania " Malsawmin a tihchuan Rinpuia lahin a ngaihpawimawh hmelloh nasa mai sia . “ Ok kan haw ang,nu Strict tei chu min lo biak rawh aw,ka nu a nih ve hun tur ka nghak hlel " Rinpuian a tihtakah chuan phone chu ka dah  nghal vat ,Nick message ka thawn pawh ala seen lo hrim hrim a a buai viau a ni ngei ang.

ZAWMNA 

College lam panin ka kal hnak hnak ,ka awm nuam theilo chuan hnunglam ka hawi leh thin . Min zui rutu awm tlata hriatna ka nei ,car pakhat ka hnung a rawn tlan zel pawh chu ka hriatna a rei tawh ,college ka thleng tep tihah Nick ka hmu thut ,min lo nuih var var ka pan a ,mi hmuh tur an la awm lo bawka ka kuah thlawp ,ka hmuiah duhthawh zeta fawpin min kuah nghet sauh “ Nick miin min hmu ang " tiin ka inla hrang ,a hmel ka en chuan a pangngai bik lo tih hriat takin a mitchhingin thawk a la ham ham.

“ Inneih vat hi a ngai a ni,hetianga renga awm hi ka peih tawh lo " a tihchuan ka nuih hak “ I chak tawh vang maia inneih sawi ,hun kan la ngah lutuk ,chubakah i buai em em kha i hna hi tha deuhin thawk reng mai rawh . Zanah pawh ilo leng thei tawh silo ,ka huatlai che kha ni reng zawk ila kan inhmu ngun leh thei zawk awm sia " ka tihchuan ngeiawm min tih hmel lutuk hian min en a “ Kha tih lai te kha chuan ka thinrimna tur hlirin a lawm i awm" tiin ka hmuiah a fawp leh zauh “ Ehem...an lo in hmuam leh tawh " tihri rawn chhuak ah chuan kan hawi phei dun .

Rinpuia leh Malsawmi,Hlutea chu an lo ding thap ,mipa pahnihin an laitata Malsawmi hi thau lam deuh ani a ,a hniam ve bawk nen a nuihzatthlak lek lek “ Kha kid iva nei tha ve " ka tihchuan “ Liandingpui a kid kan ni bawk lo " Hlutea chuan a rawn tihluk . Nick chuan ka kutah vuan vang vangin “ Vawiinah Mumbai lamah ka kal leh a ngai dawn a " a tihchuan ka en nghal vat “ Tinge " ka tihchuan “ Hna a awm leh thut a ,karkhat vel ka cham leh a ngai ang" a tihchuan ka thaw hak “ Hetah pawh i buai a ,Kan inhmu khat si ,I zin reng bawk hi ka ning ve tawh Nick ,ka bulah i awm tlemin kan inbe khat bawk si .

Ka ning ve tawh ,hetiang lo te hi thawk ve la a tha tur " ka tihlak ,thawk la hawkin a hmai a tuai pawk “ He hna hi ka duh in ka beih ngawrh a sin ,he hna chelh tura ka beih nasat zia hi i hre hauhlo ang. Thil a kawi zawngin la suh " a rawn tichang ve ta fak “ A tha a nihchu kei min ngaihsak hmanlohna khawpa i ngaihpawimawh chu buaipui reng mai rawh Nick Zochhuanmawi ,ka kham hriatthiam hram che ka tum ve ,mahse hetiang renga awm hi ka ning tawh" tiin ka au khum tuar ,ka dara a rawn hmerna chu ana hle “ Bialnu mihriatthiamna neilo hi ka mamawh bik lo ,hetiang hian awm ka duh bik in i ring a mi .

Ram tana ka thil tih hi bansan ka tum lo bawk ,thil a kawizawngin ngai tlat suh" a rawn tive ta hrawk ,a thinrim zia pawh a lang thei “ A tha a nihchu kei min ngaihsak tir theilo tu che chu vuan reng mai rawh Zochhuanmawi " ka mittui tla tur chu insumin a kut chu ka vai thla lawp ,college campus lamah chuan ka tlanlut ,Malsawmi te hrilhhai hmel pawh chu tlanpelin mit nuai nawk nawkin ka kal hlawk hlawk ,ka tah a chhuak takzet ,thutthlengah thu in ka tap nghal hlawp hlawp ,hriatthiam chu duh ve mah ila ngaihsakna tel lo leh lutuk hi chu ka hrethiam thei lo .

Nge ka rilru hi a kawi viau nge pawh ka hre tawh biklo “ Jas" Malsawmi ka bula rawn thu in min kuah “ Mal,ka timah mah viau em ? Nge ka thiamlo zawk,ka thlahlel ve em em a ,mahse hun hi kan nei dun khat tawh takzet ,mi in ngaizawng chu nitin an inhmuh loh pawhin an inbe ziah tal a ,keini ve chu" tiin ka ngawi ta daih “ Ka hrethiam che alawm,mahse Nick hi i hriatkha hna pangngai mai mai a thawk lo a ,a hnathawh that leh thatloh a thu in miin an hmuhdan pawh a dang dawrh thei ania .

Dawh hram hram rawh ,keipawh bialpa mawl deuh ka nei a ka la dawh hram hram hi" a tihchuan “ Enga Malsawmzual ,mi a min ti amaw " Rinpuia chuan a rawn tinghal vak .  A au ring thei sia ka nui hak“ Ni e mi a lo an au vak vak ngai a mi,nangmah avangin nizanah pawh kan muttheihloh phah vengkhat tlangval bengchheng an ti che hi chu a awm hliah hliah,bike in in tipa lutukin helmet full face nen i tlan ve ang pur pur a ,a taka mawl leh hle si " Malsawmi chuan tiin an in hmachhawn leh tawh.

“ Malsawmzual thau i ,Bawptawi " Rinpuia chuan a roh(rauh)leh ta tak tak e  “ Ngalsang thlawn ,inawkhlumbeidawngpa ,I ngal hi an zum belh a a tliaklo chauh a nilawm ni" Malsawmi pawhin a tive nghal “ Min cho chuan rawi rawh" Rinpuia chuan a tihmuk . An in mu leh ar lo chauh thin chu a nih hi “ A mak thin inhnial reng suh u ,inthen thei chuang silo" Hlutean a tidek dek chu “ Lo ngawi rawh single inrawlh a hun rihlo " an tirual thawt ,Hlutea chu ka lo pawt vat “ Inhnial tir mai mai rawh an in ngaizawng leh lutuk a ,an in hmuamlo chauh tawh a nih hi" ka lo tihak .

Reiloteah an in khawih leh ta awk awk ,college students ve meuh tawh si hi an puitling thei hian ka ring lo,ka thiante ve zawng naupang ang maia awm hi an sim thei pawhin ka ring lo ve “ Ana ana awi ka hnarkua a vang vek dawn Malsawmzual " Rinpuia chuan a rawn tichul,Malsawmi lahin a hnarah a kawm sak vak leh nghal ,Hlutea nen chuan kan kalsawn san ta tawp “ Nick nen chuan inla tha meuh maw " a tihchuan thawk la ham hamin ka bu ringawt .

Mahse kan inhnialna kha a hre ve vek tho a ,Kan inkar tha lutuk lo chu a hrethiam ve vek tho ang. A sawi duh lo mai mai a ni tih a hriat “ Nang teh engtikah nge ngaihzawng neih ve hi i tum kan college ah lah duhlo tur che ka hmu hauh lo a nia " ka tihchuan nui hakin a lu a thing ringawt ,ngaihzawng neih hi a tum lo tak tak em ni tih hi ka ngaihtuah ve fo ,amah a chhelo in a hmeltha a ,a hausa cheu a ,mahse hmeichhia hi ala ngaihsak lo hrim hrim chu anih hi .

Kei min bem ve lah kha Nick nen kan lo intawng bawk nen achang chuan alakah hian ka inthlahrung thin . “ Ka hmeichhe duhtak ka chang silo a ,ka ngaihsak ta lo mai nakinah ala beiseiawm mai thei bawk si a " uang zeta a rawn tihchuan ka nui ve ringawt ,class ah kan lut a ,Malsawmi te pawh an rawn lut har lo,an sam thur dun danah an inkek nasa dun tih a hriat ,in hau reng si hian an inthlah thei miah lo lehnghal .

Thenkhat chu nise ka thiannu hi an dawh reng peih hauh lo ang le ! Class laklai chuan ka muthlu leh thin,Nick pawh tunah chuan a thlawk chhuak tawh ngei ang le. Min ngaihtuah ve angem tihte chu ka ngaihtuah neuh neuh ,dar a rik rualin teacher a chhuak a ,lehkhabu chu bih vang vangin ka bawk hnawk . Lehkha zir reng ngai pawh hi ka ning ,ka mood a off bawk nen class chu kal peih tawh lo in ka chhuahsan ,ka chau hluah hluah.

Malsawmi te pawhin min hrethiamin min dang duh lem lo ,pawn ka thlenga ka hawi kual hnu ah muangchangin inlam panin ka kal nghal chhet chhet ,thawk leh khatah kan inkawng kawi laia ka kal tur chiah traffic police hmuh phaklohna lai ka thlen rualin car chak zet a rawn tlan chu hmu hman mah ila  ka tlansawn hmanlo ka taksa chu a kang lawp a ,leiah ka tlak thlawp rualin engmah ka hre zui tawh lo .

NICK POV....

Mumbai ka thlen rualin hotel lam ka pan ,he ka hna hi keima mimal lam a nizawk mah a ,chubakah president lam nena inhmuh khawm a ngaih vang a nipakhat ,bawihi awmdan ka ngaihtuah chuan ka thaw chhuak ham ham,a ngaihdan chu ka pawmpui ve tho ,a la naupanga engmah lah a la hrethiam lutuk dawn lo ,ngaihsak a phut tih ka hria ,keilahin ka hna avangin hmuh loh chang ka ngah hle si a .

Zanlama inhmu khawm tur kan nih avangin a tlai tawh bawk nen zanriah eiin ka intifai zung zung,vairam chu a lum zual a ,boruak hi a uap nghal churh zel bawk . Ka kawr phelhin shower hnuaiah ka ding vang vang,bawihi message ka thawn pawh a la seen lo hrim hrim . A la lungawi lo reng a nih hmel,ka hna hi zawh vata haw zung zung ka chak ber ,inhmuh khawmna tur lam ka pan a ,ka thlen chuan an lo kim hmel tawh hlawm viau,ka governor pui te nen chuan inchibai thuak thuakin kan thu ho a .

A naupang ber ka ni bawk a ,mi an biakdan pawh a dang deuh ,president rawn thlen rualin kan thukhawm nghal thap ,thusawi chhung lah a rei em em bawk si . Meeting zawh rualin ka chhuak nghal vat ,ka phone ah chuan missed call a lo awm tuar bawihi nu number atang leh bawihi number atang vek . Ka ngaih tha lo chuan bawihi phone number ah chuan callin ka ngaithla nghal vang vang “ Bawihi"ka tihruala lehlama anu tap thawm ka hriat avang chuan ka ngaih a tha lo hle.

Ka lung a phu nghal zawih zawih “ Nu Tluang thil thleng a awm em ni? Bawihi a tha em " ka tihchuan “ Nick bawiha ,bawihtei chu car in a su a ,tunah ICU ah an dah mek " a tihchuan ka lung a che dawt “ Enga a tha em" ka tinghal nawk nawk ,bawihi ka chan mai ang tih hlauhna in min tuam bawk “ Nu Tluang engtin nge a thlen theih?" tiin ka zawt leh,a ni lah a tap deuh reng chutah a thusawi a vang chuan ka inhum ruh,ka man chhuak khawp ang.

Ka bawihi thah tum tu hi ka man khawp ang “ Ka rawn haw nghal ang " tiin phone ka dah ,ka phone chuan midang be kualin emergency avanga ka haw tur thu ka sawi chuan an ni pawhin min lo hrethiam viau ,air ticket lah chu a lo full phiangsen lehnghal hrep hian ,ka bula dawhkan chu ka chum bur . Bawihi dinhmun derthawnga a awmlaia ka kalsan chu ka inchhir hle bawk ,thinrim taka a awm laiin ka kalsan leh nghal a ,ka chan a nihchuan ka inthiam thei tawh ngailo ang.

Zing dar 6 a thlawk chhuak tur chu ka book ta tawp a ,ka lu chu ka dawm vang vang,kallo tur a min tihlai khan lo kal lo ila chuan hetiang hian a awm lo tur ,engkim hi ka thiamloh a ni . A tan hun ka neiloh avanga a thinrimna pawh pawisa lo a ka kal luihna chuan tunah hian dinhmun der thawng takah a dah chu a ni si a ,ka tukkhum dawmin ka thaw chhuak deuh hawk ,ka zan phah silo,a na viau a ni ngei ang ,ka au chhuak tuar a ,thinrimna leh mahni indemna hlirin ka khat .

THE GOVERNOR 

CHAPTER 7

NICK ZOCHHUANMAWIA POV...

Zingah air port lam panin ka kal a ,Kan thlawh chhuah rualin mitchhing vang vangin bawihi ringawt ka mitthla ah a cham ,a na viau a ni ngei ang ,heiaia thlen hmat dan hi awmse ka ti takzet ,ka tha a khur a engtin nge a lo awm ang. Tunah te hian a tha a ngem? Hrehawm tizetin ka thaw chhuak leh thin “ Sir intur i duh em ,I tha tiraw " air hostess chuan ngaihtha lo zet hian min rawn en ka lo bu nghut ringawt ,bawihi dinhmun thatloh laia ka awm thei lo chu ka inhaw hluah hluah.

Kolkata kan thlen rualin ticket la leh nghal in Mizoram lam panin kan thlawk leh ,ka rilru chuan ka tawngtai ta hial mai . Ka phone a a thlalak ka neih chu en in“ Ka Lalnu ,engtin mah lo awm hauh suh " tiin ka phun chhuak sup ,lengpuia ka tum rualin Sharma number hmet chhuakin ka dial a ,a awmna ka zawt nghal vat chutah ka lam pana a rawn kal rualin chak zetin ka pan phei “ Hmanhmawhin civil hospital lam pan rawh " tiin ka car chhungah chuan ka lut ,bawihi nu ka phone leh nghal zat “ Nu Tluang a tha em?"ka tihchuan a rawn thaw hak .

Ka ngaih a tha thei meuh lo “ Nick a tha e ,mahse doctor lamin hmuh an la phallo a ,a dinhmun hi an la chiang biklo ani ,khawilai nge i rawn thlen tawh " a aw ah chuan pangngai taka min biak hram hram a tum tih ka hria ,mahse a tahchhuak aw chu ka hai hauh lo “ Ka lo thleng tep " tiin phone ka dah a ,ka lu dawmin ka thaw ham ham ,bawihi chunga hetiang thlen tir duhtu hi ka zawng chhuak ngei ang . Hremna ka pe bawk ang ,a pa pawh ka be tawh a ,anipawhin a chhui mek a nih hmel .

Damdawiin kan thlen rualin chak zetin an awmna lam ka pan,nu Tluangin min hmuh rualin a lo ding vat “ Khawiah nge a awm " ka tihchuan a kawk ,pawn atang chuan Bawihi an dahna chu ka en,khawl leh a lungphut leh phut loh lanna monitor te ,a oxygen vuah ka hmuh te chuan min tihrehawm ngut ngut thei “ Keima thiamloh a ni ,a thinrim chungin ka lo kalsan a " tiin ka phun chhuak sup,ni e lo kal lo ila chuan tunah hian hlim tak leh naupang ang maia rak chulin ka bulah a awm leh tawh ngei ang.

Doctor kan lam pana rawn kal chu en in ka pan nghal vat “Enge Liandingpuii chanchin saw " ka tihchuan min en in “ A dinhmun hi tunah rihchuan a la tha lo khawp mai,a lu a sawhna bawk nen a sutu car khan ruahmanna fel fai tak nena su a ang ber ,pu Zo theihtawp chu kan chhuah dawn a nia " tiin min buk khum zoh a ,ka lu tuaipuatin bawihi lam bawk chu ka en “ Engtikah nge a bulah sawn kan kal theih ang" tiin ka sana ka bih vut “ A dinhmun hi a that chhoh zel chuan naktuk lamah chuan a hmuh theih tawh ang.

Hmeichhe tuarchhel tak a niin ka hria,a la dam te hi a mak zawk ,mi tamtak chu nise an thihpui ngei ang " doctor pa pawh chuan a tichhuak hial,bawihi check turin an lut leh a,reilo te tal a bulah sawn kal ka duh takzet “ Nu ,Jasmine-i chu engtin nge a awm" bawihi thiante ho an rawn thleng ,nu Tluangi chuan thil awmzia a lo hrilh zung zung ,Malsawmi chu a tap nghal “ Amah chiahin lo kal tir lo ila tha tur,a rilru hnual em em lai pawhin ngaihvenna chang ka lo hrelo a ,thian laktlak loh ber ka ni " tiin a mittui chu a hru leh thin. Rinpuia leh ka thik em em thin Hlutea a tihpa pawh an rawn kal ve bawk .

An ni pawh an hlauthawng tih a hriat nu Tluangi nen chuan an mahni indem lo tura hrilhin an ni pawh chuan Bawihi awmna lam chu an thlir ve reng . Reiloteah bawihi pa pawh a police puite nen an rawn lang hlawl “ Nick ilo thleng tawh maw?" Pa Rama chuan ti thuai ,bu nghatin “ Enge chanchin tu thil tih nge in hre tawh em " ka tihchuan a mitmeia min signalin midang hlatah chuan kan inzui thuai “A chetsualna bul ah khan CCTV a lo awm hloh a ,he thil hi a buaithlak dawn in ka hria " a rilru a hah ve hmel hle .

“ Chhui zui dawn ila,keimah ngei pawhin ka tuar thei mai thei bawk " a tihleh chuan ka ngaihven zual hle “ Tu thil tih nge? Tupawh nirawh se a thil tih man chu a tuar ngei tur ani " ka tideuh hrawk “ Ni e ,Kan Cm fanu a nih hmel,apa lah hian a hum nasa mai si a " tiin a chal a tuai puat “ Ka tihluih vaih chuan ka hna ngei pawh ka chan thei ngei ang,mahse chu chu pawi ka tichuanglo,ka fanu nunna lak duh tu hi chhuah mai ka tum bik lo " a tihchuan ka kut ka humruh hle .

“ An niin thuneihna an neilo,an fanu pawh nise a thiltih chu a tuar mai tur ani,video chu in nei reng reng em ?" Ka tihchuan bu nghatin min hmuh a ,ka en ve rual phei chuan thinrimna in min tuam hlawp hlawp “ Hma lo la la ,in man theih chuan keimahin thil dang chu ka lo ti vek ang. Tualthah tumna a ni a ,a nu leh pa  pawhin an hum thei hauh(hoh heihi ka hrechianglo min lo hrilh teh u aw ,a dikna )  lo ang ,mipui lam pawhin an hre vek dawn a ,a thil fanu thil tihsual a hum anih vaih chuan a hna a chan thei tih a inhre chiang viau bawk ang" tiin video chu ka pe let .

Bawihi ka ngaihtuah avangin ka let leh thuai ,a tawp thlengin a chunga kut thlak tu hi engzat pawh niin eng mi pawh nirawh se tumah ka chhuah dawn lo .

MALSAWMI POV...

“ Rinpui ka hlauthawng e ,a lo harh leh ang tiraw " tiin ka en ,a nipawh a ngui ve ruai,ni e kan tan chuan Jasmine hi a pawimawh em a ni. Amah vanga tun thlenga Rinpuia nen pawh hian awmdun thei kan ni miau “ A accident dan hi tihpalh a nihhmel loh,Kan chhui ve ngei angai ang,a nihloh pawhin pa Ramnunpuia leh Nick hian an hre mai thei " tiin pu Nick-a leh Jasmine-i  pa lo phei chu a melh “ Kan vaiin kan tangrual anga ,Jasmine chunga kut thlaktu hi hremna kan pe ngei ang" Hlutea pawh chuan a rawn ti fak .

Khani kher khan Rinpuia nen a len kan duh avangin Jasmine kha a mahin kan haw tir a ,mahse tawhsual a tawk ta si,ka inthiam thei meuh lo . Ka mamawh hunah min tlanchhiatsan ngai lo a ,min mamawh hunah lem a tan ka awm ve leh silo,Rinpuia chuan min kuahin engkim a that leh tur thu a sawi a,mawl viau thin mahse ka hahdamna a ni ve miau,a chetdan maksak thin tak tak te a vang hian a chang chuan ka nun buaichuar lutuk pawh hi a reh ve thin.

Kan inthlau hle chungin min iai na a neilo a ,duh chu nise mi awm thei tak tak fanu neiin a duh a thlang thei hial ang chu,mahse vawikhat pawh hmeichhe dang tana beiseiawmin a awm ngailo hrim hrim ,Nick leh pa Rama chu phone an hmang mawlh mawlh reng a ,an awm danah tihtum chu an nei ngei ani . Reiloteah an thil buaipui chu kan hre ta reng bawk . Jasmine chu accident palh a lo nilo ngei e ,minister fanu ve meuh si rapthlak ka ti takzet engtin nge a hmeichhiat pui nunna ngei laksak a tum theih.

Jasmine hian a hre ngai pawhin ka hre silo a ,“ Ava mak ve ,a fel viau emaw ka lo ti a sin" Rinpuia chu ka en a ,ka melh deuh hrawk “ Mihi an pawnlam landan ringawt hi en loh tur ,pastor pawh misual tak an awm thei ve tho a ,enge ani a nih avanga a fel hmel chung chuan na bik" ti vakin ka melh rawm rawm . Min nuihtlawnin “ Ka timai mai a nihkha ,a mak ve em a lawm,Kan inhmu ve zeuh tawha ,a pangngai hmel tehlul nen a nunnem hmel si" a tileh ta zel “ Ka sual hmel a mi ? Ka thiannu ala that tep zui,I tan viau leh a tan ai inpe zo tawkin va tang la tinia ,haw nghal rawh " tiin ka thawh chhuah san .

Khua a var tan tawha Jasmine dinhmun pawhin ziaawm lam a pan zel niin an sawi,a tawhsual tawh leh a mah thah tumtu chu chanchintharah an rawn puang ta ngei a ,mi chuan mak an tiviau ngei ang,damdawiinah ringawt pawh chanchin hriat chian tumin an rawn kal reng. CM pawh a buai viau ang le ,a fanu thil tih hian anihna pawh a tihming hliau ngei ang “ Amak e Malsawmzual ,nangai ka duh pawh ka tihloh kha ka fiam che a ,tihhlim hram hram che tumin" tuiin tuma ka kalsawn chu min lo zui ve zel a nih hmel.

“ Khatiang intihhlim tumna pawh a nihloh kha ,I pa unaupa fanu a ni tih hi ka hriatloh i ring em ni? Nge nang hian ruahmanna ilo siampui zawk " tifakin Lalrinpuia chu ka melh ran ,thil nithei a nive tho ,a tel ve anih vaih chuan duh viau mah ila ka thiannu chunga thil thleng avang hian ka ngaidam hauh lo ang . Ka thusawi avang chuan a thinrim hmel hle “ Engvangin nge ka tih ang ,tin ka cousin a ni tihchu ka hre tho ,mahse hetiang thil sual chupawh ka thian anga ka en chungah hian engtin nge ka tih i rin,I bulah lo ka awm ngai em? A teuhlo .

Jasmine hi ka tan pawh a pawimawh ve tho tih hre rawh ,tin Jessica hi ka unaunu anih avang ngawt in vawikhat pawh ka la belo ,Malsawmzual min va ring chhe em em ve ,a tha e i duh ang ang chuan ngai rawh . Ka kham ve tawh ,englai pawhin tih hlim hram hram che ka tuma,mahse nang chuan min ring ngai lo tih ka hre tawh ,I duh duh dan chuan i awm dawn ania " tiin pawnlam panin a kal hmawk hmawk ,auh hman pawh a nilo hrim hrim,ka inthiam bik chiamlo,mahse khatia khanu a tan kha ka haw em a ni .

Jasmine awmna lama ka let leh chuan ward pangngaiah an lo sawn dawn mek ,Hlutean a zawhna mitmenga min en chu “ A haw " tihzawng sawiin thutthlengah chuan ka thu thla hnak. Nick pawh ka thiannu hmu turin a lut hmasa ber ,a ngaihtuahzia tupawhin kan hmuhpui a ,nu Tluangi te pawhin hmuh hmasak an chuh duhlo .

NICK POV CONTI.....

“ Duati" ka phunchhuak sup,a chal an tuamna ah chuan dim te in ka chulsak a ,a hmui ro rap chu ka fawp vang vang ,kha Jessica kha khawih lo turin ka insum nasa viau. Kei min neih a duhluat avanga bawihi hetianga a ti hi mipa pawh ni ila insum zawh loh a awl takzet ,a pa lah chuan a tisual lo a lo ti ve chhen lehnghal,finfiahna kan hmuh tir takah kha chuan rem tilo mahse dan chungah a leng miau silo a ,an fanu an enkawl that loh azarah buaina lian tak an tawh phah reng bawk a .

A kut chu ka fawp vang vang “ Lo harh tawh la ,I thinrim laia ka zinsan che a vangin ka tihpalh ,hetiang hian mu reng suh aw,ka hmeichhe harh zet kha hmuh leh vat ka duh a nia " monitor ri bak chhang tu neilo mah ila,a la dam tih ka hriatna ringawt pawh hi ka tan chuan a tawk viau . Ka hna lam atanga phone dawng reng mah ila a enga mah tunah chuan ngaihsak ka duh hek lo,ka hmangaih nun a derthawn laia hna ringawt buaipui lah ka duh hek lo ,a tul chuan ka bansan mai ang.

“ Reilote ka haw lawk dawn a ,chumi chhungin engtin mah lo awm suh ang che . Chu chu i bialpa ka nihna anga ka thupek che a nihchu,rawn harh chhuak vat ang che ,nangmah tina tu te ka tuartir lai hmel hi i hmuh ve ka duh ania " ni e a pa hi a ngawi mai mai dawn lo . Tunah pawh hian a rukin mi a ruai tih ka hria ,bawihi pawh a pa hrilhin venhimna kan kalpui reng ,damdawi ina a awmlai hi remchangah an hmang lo ang tih pawh a sawi theihloh.

A chalah chuan fawp vang vangin nu Tluangi chu melh zauhin ka buk khuma ,ka chhuak nghal zat

In ka thlen rualin ka inbual fai a ,ka phone ri ka hriat chuan in tleuh zung zungin ka chhuak nghal vat “ Aw Thiana" tiin lehlama ka thianpa rawn tawng hun chu ka nghak ran lawyer a ni a ,a thiam hle bawk . A rorumin a dinsak tawhah chakloh lai a la nei hek lo,college kan kallai a intawng kan ni a ,amah hi hmeichhe lam pawhin an duh ve thei hle ,hmeichhe duh tak tur mizia a nei miau a “ An hruaichhuah theihna turin video lem hmangin tan an rawn la nghal anih hi ,mahse an hruaichhuak thei hauh lo ang .

Tunah hian an thurual pui te Lucas nen kan zawng mek bawk " a tihchuan thaw huaiin lawm thu ka hrilh nghal sup “ Thian kan ni a ,lawm thu sawi a ngailo ,thian kan nihna ang leh unau kan nih na anga kan tih tur ani. Lucas nen pawh i hmangaih em em chu hmuh ve kan duh ania " a tihchuan ka nui suk ringawt ,an hmuh vat tur thu hrilhin phone kan dah,Lucas pawh hi officer a ni a ,a ni erawh Delhi lamah a thawk a ,ka tan a rawn let vang vang tih ka hria ,ka tan hian ka thiante ai baka hlu an awm lo Zuala erawh America lamah a awm thung a . 

Ani nen erawh kan inhmu khat pharh zel ,ka intihfai zawh rualih hmun pui lam bia in ka la buai rih thu ka sawi chuan ,an ni pawhin ka tello a inhmuh khawm an tih theih thu an sawi a . Ka thaw deuh huai ,duattei dam loh laia kal bosan ka duh tawh hauh lo . Thil pawizawk pawh thleng thei a ni si a ,chuvangin akiangah a tam thei ang ber awm ka duh,ina tanga ka chhuak chiah chu silai rawn puak avang chuan ka awmsawn vat ,ka ban chu a rawn thip nghal zawk reng bawk a .

Sharma leh police min vengtura awm te chu an rawn kal khawm nghal vat “ Sir ,I tha em ?" an rawn tihchuan bu nghutin “ Ram hnuai lamah sawn an awm ,va en rawh u in man ngei tur ani" ka ti deuh hrawk . Tu chuan nge keimah thleng thlenga min khawih theih nan lo pui ang? Ka la hre dawn khawp ,heti chuan Duattei ka ngaihven vat a ngai a ni . Heng ho hi mi tlemte an nih ka ring hauh lo “ Sharma nangin hospital lamah min hruai mai ta che " tiin ka hliam a tuam lai chu melh runin ka ti a .

Bu nghatin ka car lam a pan nghal zat ,tunah tak hi chuan ka Mizopui te aiin ka hnathawk hnamdang mite hi ka ring rih zawk tlat ,“ Robert te kha bia la ,an man rualin police station ah hruai nghal rawh se " ka tihchuan a car khalh pahin phone chu a hmang a ,ka thaw hawk mai,ka hliam tawrh thu hi mipui hriattir ka duh hauh lo ,chutih rual erawh in ka hmelma ho lakah erawh fimkhur angai ta viau ang le . Ka in thleng an rawn kal ngam chu a ni si a ,finfiahna tha tawk tak kan neih hunah chuan nuam an sa lo khawp ang.

An thiltih sual man hi an tuar ngei bawk ang,an nihna in a chhanhim zawhlohna tur khawpin keihian hma ka la ngei bawk ang. Ka ban lah chuan min tur ve ut ut thei hial,damdawi in ka thlen rualin min lo buaipui vat ,ka hliam an tuam mawlh mawlh laiin doctor chuan ka inhliam chhan chu hriat a chak tih a hmel leh mitmengah ka hmu thiam ve vek,mahse ka hmelhriat tha lo chuan tumahin la hrelo se ka duh ber ,thil pawizawk a thleng thei miau.

He kan minister hian a cho loh tur a cho tih hi a hre thuai ang,Duattei awmna cabin lam ka pan a ,Nu Tluangi pawhin ka hliam a hmuh chuan a meng deuh kawk ,min zawt nghal reng bawk a ,keipawhin thudik chuan ka chhang ve mai bawk . Ka thianpa Lucas chu message in ka thil tawn chu ka hrilh a ,a ni pawh ka inlam pana a kal tur thu a rawn vat ta reng a,khuma mudang bei chu ka pan hnai hrut , a kut vuanin ka mit ka chhing vang vang.

Nu Tluangi pawh ka awm tak avangin a chhuak vat a “ Het tau peihnu ,rawn harh har suh aw ,harh vat ang che ,ka chakna i nih hi . He thil ka hmachhawn theih nan hian ka mamawh che ania ,lo harh vat rawh ,hetianga mut reng hi Liandingpuii hian a inhmeh lo ,rawn harh vat rawh ,ka tello a khawiah mah i kal ka phallo tih hre reng rawh ,I thiante pawhin an ngai tawh che a,nitin an rawn kan ziah che hi ,nangmah hmangaih tute ho hi i beidawn tir mai dawn em ni .

Rawn harh la kumkhua atan ka ta ah ka siam tawh ang che " tiin a kut chu ka fawp vang vang,ni e ka nupui a nih ka pawi tilo,ka bulah ka venhimna hnuaiah awm se ka duh ber a ni . Ani lah chu tui taka muhil ang maiin a mitmeng mawi zet chu a chhing reng leh nghal . A thaw ri bak hriat tur a awm heklo,a khum tlangah lu nghatin ka thaw chhuak suai suai ,he hmeichhia hi ka chan theilo,ka chan duh bawk heklo,ka hmeichhia a ni a ,a ni reng bawk ang.

A chalah chuan fawp vang vangin a lu ah ka chul zauh ,min tibuai tura a harh ta lo chu ka awm thiam lo hu lehnghal ,ka phone ri chu enin ka la nghal vat “ Aw " lehlama an thu rawn sawi avang chuan ka in hum ruh ngut ngut ,tunah inla him a ni thei ,mahse in him rei tawh hauh lo ang le . Lucas nen kan inbiak zawh rualin Duattei chu ka en “ I laka hetiang thil thlen tir tu zawng zawng hi ka chhuah lo ang . Nangpawh i rawn harh vat angai tih hre reng rawh,ka energy tello hian rei tak chak takin ka awm thei dawn lo tih i hriatkha ,ka naute tello hian he mipa hian tihtur a hrelo .

I lungawiloh avanga i hremna min pek hi a tawk tawh iti lo vem ni Liandingpui" a mut ngai rengin a mu a ,amah avanga naupang chhia taka ka chetna tur awm talo chu engkim chuan ka luak an tichhuak ut ut thei. A kut rawn che zauh ang ka hriat chuan ka en nghal vat “ Duatte i harh tiraw ?" Ka tihchuan a mit a rawn chet leh ,god ka nuichhuak hawk .

JASMINE POV...

Ka mit kham urh chu ka khap fak fak ,ka oxygen vuah chu ka khawih nghal zat “ Nick.." ka bula rawn kun hniam ka hmuh rualin ka phun sep “ Lalpa ,duatte min hre thei em " a tihchuan ka nui deuh sak ,a hamhaih leh a lawm hmel chuan ka nuih a tiza ,ka kut vuanin a fawp leh vang vang thin . A hmela hlimna chu a lem a nilo tih ka chiang hle bawk .

“ Nick engtin nge hetah i awm theih ,Mumbai ah i kal si a " ka thusawi avang chuan a laka ka awmdan ka hrechhuak leh ,ka tum hmak “ Duatte ,engtin nge ka hmeichhe hmangaih  natlaiin ka awm bosan theih ang ,tun atang chuan ka hlatah ka awm tir tawh lo ang che " a rawn tinghet charh ,ka la lungawi chuanglo “ Kalsuh ka tihlai che in min kalsan lui a ,kha car in min suthlum a tum lai reng pawh khan ka au che a sin " tiin ka tap tiau.

Kha min sutu kha tunge a nih ang. A rawn chet dan a tang lah khan min thah tum ngei a ni tih a hriat hluah hluah ,hetiang thil hi kan ram a thleng turin ka lo suangtuah chhin ngailo ,tualthah tumna chupawh zam hauhlo lehnghalin ,rapthlak ka ti hluah hluah. Chutah Nick thusawi chuan min ti thinrim zual,kha nu leh bawk kha maw? A mah avangin ka thih phah tep a ni si a “ Ka ngaidam thei chuang lo che ,ka haw hluah hluah zawk che " tiin ka kut a vawn chu laksawn ka tum .

Phallo in min vuan lui tlat lehnghal ,chutah min kuah thlawpin ka tal theihloh nan a awmah nghet zetin min tham bet a ,ka chum dat dat,ka hmuiah a rawn fawp ,ka mittui a luang ngiai ngiai.

THE GOVERNOR 

CHAPTER 8

I sual si ,i sual takzet Zochhuanmawi " tiin a awmah ka chum dat dat ,ka oxygen hipna ka ken pawh ka dahthla hnak ,thawk erawh tlemin a har deuh “ Duatte i inti na leh ang,duhtawk rawh ka tihpalh anihkha ,mahse nangpawhin ka hna hi i hriatchian em kha . Midangte angin englai pawhin ka vuanin ka be theilo che ,mahse an ni aia ka hmangaih lohna che a awm lo ,duatte hrethiam hram teh . Hetianga na a i awm reng ai chuan min nei mai rawh" a rawn tihchuan ka melh haw .

A â a ni ngei ang ,ka la naupang lutuk chubakah nihtum tam tak ka nei ve bawk ,model nihte ka chak ka zaina hi chu tui viau mah ila zaithiam an tam tawh bakah ka tuichilh theiin ka ring lo “ I â a mi ,Kan ni tan dek dek a in neih i sawi nghal ngawt ,hna te ka neiha nangma tan pawha zahpuiawm lo tura ka thiam hunah chauh inneih ka duh ,ka la lungawi miahlo ania " tiin ka melh kha kha ,min tlawn zet hian min melh ,ka hawisawn san hmak “ Awle a nih kan innei rihlo ang ,mahse ka nghak rei thei dawn lo che ania ,keichuan fa neih zung zung ka duh bakah ka bula phuar hlawm reng che ka duh bawk.

Ka tar mai dawn ,tin keimahin hna ka nei renga ka chawm thei lutuk ang cheu" a la ti ve tum hrang a,a samah ka kek vak “ Khawiah nge ka nute hi an va la rawn lang lo ve " ka tihchuan min kuah betin ka bekah a hmui chuan a nawr vang vang,hahdam hmel tak hian a thaw chhuak suai suai “ Min tih hlauhthawn hmanzia kha i hria em ,a zan a zana ka rawn let chung pawh khan rei tak inhmu tawh lo ang maiin ka ngai che a ,tin ka chan tur ang che a ka ngaihtuah ringawt pawh in he mipa thinlung hi a ruak nghal ngawih ngawih.

I accident tih ka hriat ruala ka chi ai zia leh mangan zia kha i hre hauh lo ang tiraw . Nang Liandingpuii a vang hian a vawikhat nan hlauhthawnna ka neih ve phah a sin ,tun atang chuan tumah hruai tello in i chhuak tawh hauh lo ang" a tihchuan ka hmui ka pet zauh,keipawhin khatiangin min thah duhtu an awm ang tih ka ring bik tawp silo ,ka ngawi ngar “ Engvanga min thah duh nge a nih ang le? Hmelhriat tha pawh kan ni tawp silo ,a pawi ka sawi awm ka hre bawk silo,Nick kha car in min sut laia ka mi lam erawh Mumbai ah a awm daih a nihkha " tiin a mitah ka en ran .

Inthiamlohna mitmengin min en ve reng bawk ,a thaw chhuak leh hrawk thin ,rilru hahna eng emaw tak chu a nei tih ka hrechiang “ Engkim min hrilh rawh "ka tihchuan min rawn en vut sawi tum hmel a putloh avang chuan ka ti nawn leh ngat ,tunge heti khawpa ka nat hi duh ta ang. Sawi tawh mahse khanu chauh kha a nih ka ring theilo ,chutah Jessica leh kan CM hmalakna zawng zawng a sawi chuan ka thinrim ve takzet ,a fanu in min thah a tum chung pawhin Nick lehzel maw beih an lo tuma ,a ban hliam a tuam chu ka en vang vang.

Ka thinrim ang buan buan khan ka lo hmu lo hrim hrim a nih hmel ,ka khawih sak a “ Ana viau em?" tiin ka en ha ,lu thing vutin min kuah leh nghal “ Ilo harh leh a vangin ka dam sawng sawng tawh ,I rilru tihah lo la ,tunah hian ka thiante hian an man chhuak leh a nihchuan CM a nihna chanin a hmingchhe hle ta ve ang,a party thlengin an keh darh bawk ang. Ka hmeichhe hmangaih nunna lak tumtu te hi hrem loh a an chhuah ka duh lo,chubakah mahni hnam pui ngei timualpho a tualthah duhtu hi an zalen reng ka rem tilo bawk " tiin ka chhipah a khabe nghatin a thaw chhuak suai suai .

“ Nick ka lo chhawk tawh dawn che em ni" ka nu rawn tawng chu thil tla ri in a zawm nghal “ Bawihte ka awih theilo " tiin min rawn pan a ,keipawhin ka lo kuah nghal vat “ Ilo harh tawh ka fanu ,I pa leh Malsawmi kan hrilh vat ange" tiin phone a hmang nghal zat ,a hlimzia pawh a hmelah a lang thei ,Nick chuan ka nu eitur rawn ken chhuata tla chu chharin “ Doctor kan va hmu lawk ange " tiin a chhuak zui a ,reilo teah doctor pakhat nen an rawn inzui lut nghal zat ,min check kualin ka mar vel chu a khawih a ,bu nghut nghutin “A tha tawh viau e ,inchhuak har lo ang" a tihchuan keipawh chu ka awm a nuam huai.

Damdawiin hi ka ngaina lo,nitin damlo leh mitthi an awm ve reng a ,mi tap ri ka hriat ringawt pawhin ka awm a nuam lo chhu zel a ni si a ,tunah lah ka hliam avangin ka awm phah ve ta bawk nen dam zung zunga chhuah vat ai baka duh ka neilo ,Nick chuan doctor chu lawmthu hrilhin kei erawh ka nu lawm lutuk che kual vel chu enin ka lo nui ringawt,reiloteah ka pa leh Malsawmi pawh an rawn thleng ,Kan inhmu leh chu kan rak chul mai ,Malsawmi phei chuan ka thi dawn emaw a tih thu a sawi chuan ka nui hak ,keipawh ka inhliam dan an sawi chuan eng buaina mah nei lo a ka harh chhuak leh chu mak ka ti hle .

Malsawmi chu a awm ve tareng a ,ka pa erawh Nick nen buaipui ngai an neih avangin an chhuak ,ka nu pawh inlamah Malsawmin min awmpui theih dawn avangin a haw veleh bawk a “ Mal ,Rinpuia te hi an lo va kal ve lo ve " ka  tihchuan a hmelah natna a lang chhuak zut zut ,ngaih tha lo zetin ka en “I tha em?" tiin a kut ka vuan a ,bu nghat hian “Bialnu dang a nei tawh " tiin tap teuh chungin ka damloh chhunga thil thleng zawng zawng chu a sawi ,Rinpuia a duh ve zia ka hria a ,chutianga an awm chu keimah vangah ka ngai deuh.

A chhan pawh Rinpuia leh Jessica te hi inchhung khat an ni tih ka lo hre hauh lo ,ka thiam ang tawkin ka hnem ve a,tawngkam ka thiamlo lutuk erawh ka in haw hle .

__ 1 weak later 

College ka kal leh tan dawn a ,ka huphurh ve takzet ,mithar ang mai turah ka in ngai leh nghal,Nick te pawh finfiahna an hmuh ang ang lakhawmin an buai thei hle ,keipawhin dawhthei taka ka bialpa hi ka en ve mai a ngai tih ka hria . A chhan chu min hmangaihin min thlahlel ve hle tih ka hria ,Malsawmi nen chuan college lam panin kan kal ,mahse gate kan thlena ,Kan college nula tawng thei leh hmeltha zet nena Rinpuia bike a an rawn inphur dun kan hmuh chuan Malsawmi chu a ding chawt .

Amitmengah a natzia ka hmuh pui “ Jasmine keichu kal loh mai ka duh " tiin a tap hlawp hlawp ,ka kuah nghal vat ,midang awmlohna lamah ka kal pui thuai ,a mittui hru in a inhnit leh faih faih thin “ Min hmangaih emaw ka tia ,mahse kan inhauh atanga a tuk atangin Hmangaihi nen sawn an inzui nghal hmak,engtin nge a theih zawk ,Jas ka thinlung hi ana hluah hluah ,awmbo mai ka duh,kan retheih lutuk avang te pawh hian a niang tiraw tikhawpa min fiam hi nuam a lo tih" tap teuh chungin a rawn tichhuak .

Ka kuah nghal vat “ Nilo e hmangaihtu dik tak chuan neih engmah i neih loh laipawhin a vuan thin ang che . Rinpuia hi chu i tana khuanu ruat a nilo angah ngai rawh ,ana dawn tih ka hria ,mahse kan ta tur nilo nuna inrawlh reng chu keimah ni bawk kan na leh thin .Chu ai chuan kalsan ila rilru natna pawhin reh hun a nei thin an tihkha ,a ni chu i tana kuhmum a nilo tiin pawm thiam tum zawk rawh aw ,kan tel velohna tur kunga par dang daih va par tum chu hnawl kan ni leh tho thin 

A hunlai a ni,tap rawh ka hrethiam lutuk che . Mahse ka thiannu hi keiai pawha chak ,hmeichhe luhlul tak leh tuarchhel tak ini tih ka hria a nia ,nakinah mipa tha tak leh hmeltha uchuak ila tawng ve mai ang " ka tihchuan a nui hak . A nui leh thei chu ka lawm viau mai ,college lamah kan kal leh pawhin hrehawm tihna a hmelah ka hmu tawh lo “ Min duhlo a min kalsan tu chuan min phu biklo " tiin hawi vah vahin a kal ,ka nuih tet tet reng ringawt ,hei hi lawm Malsawmi ka duh nachhan chu beidawngin tap ve thin mahse a hlim leh nghal thuai zel .

A tlu hlen ve ngai lo,mi hausa kara zam hauhlo a lehkhathiam thei ber nihna hauh tu a ni miau a lawm,engtikah emaw chuan hlawh tlinna a la chan ngei ka beisei,Rinpuia te pahnih pawh an inkuah chial reng,kei leh Malsawmi kal chu an lo en ran ,Malsawmi lahin hmu miahlo angin a ti ti a ,a nui uar uar reng bawk “ Mal ,vawiinah Nick an a thiante min hmelhriat tir dawn a ,lawyer leh officer an nia ,ka accident naa an theih tawp chhuah tu ,keimah chauh chuan ka zam e lo kal ve mai la " ka tihchuan a bu nghat .

“ An chhiat loh chuan ka bem nghal ang,Val senior chin ngat keipawhin ka duh ve ,an rinawm deuh ang " tiin ring takin a sawi kher a ,Rinpuia pawhin a rawn ngaihven nghal mai reng a ,Malsawmi erawhin a phone ringawt a en thung Rinpuia chu kan dawhkan hmaah a rawn ding ,ka lo en ha Malsawmi erawhin engmah a sawi lo hrim hrim “ Malsawmzual " a tita reng a “ Maw? Min ko em ni? Jasmine tunge min ko a " nichin a a rilru a nat tehreng nen ka thiannu hi ka hrethiam theilo fo dawn a nih hi .

“ Min hrelo der suh " tiin Malsawmi chu a kaichhuak hlawk hlawk .

MALSAWMI POV ..

“ Enge i hriata min thlah rawh ,nang nen hian sawi dun tur kan nei tawh lo " ti tuarin Lalrinpuia chu ka en “ Khapa kha tunge " a tihchuan mak tizetin ka en ,tunge a sawi ka hre hauh lo “ Sawi vat rawh nichina i mipa sawi kha tunge a nih?" a rawn tileh hrawk . Nernawkin “ I hriat tur a awm em ni? Mi nunah inrawlh lutuk suh ,ka kal dawn " tiin ka in her nghat ,ka kutah rawn manin a lamah min hnuk hnai leh dawrh ,hepa hi ka lo duh a nihpawhin tun atang hian tihtawp mai ka duh tawh e .

“ Min thlah rawh ,reilote pawh ka tana rinawm thei lo hian engvanga ka nun chu lo hriat tum em em nge inih engvanga ka nuna buai reng hi nge i nih? A tawk tawh viau e,khanu i mutpui lai i nuam tuarlai leh i khuma in mutdun lai khan ka awm ve reng tih hi i hrelo tiraw? A tawk tawh e ,keichuan hmalam ka pan tawh ,mipa dang nang ang mai mai nilo hi ka tan hian an tha tih ka hrechiang ve tawh . Min enkawl thei tu tur ka pan ve tawh ang ,I milpui tur ngei i hausak pui fanu chu nei mawlh rawh kha hei hi ,bialpa mawl lutuk ka neihna tur lakah ka zalenna entir nan" tiin a thi min pek chuan ka vawm sawk .

Ka ner nawk bawk engtin nge bul ka lo tanpui duh ni. Engkim a tawp tawh ,Ani hian min fiamkual tawhlo ang “ Malsawmzual " a rawn tih hrawk chuan hawi let zawkin “ I game chu a tawp tawh Lalrinpui ,nang leh kei hi hmelhriat ngailoh chiah kan ni tawh " tiin ka kalsan nal nal ,kha nu kha a mutpui vel a ka haw hluah hluah hi ani tawp mai. Banah chuan Jasmine nen chuan Nick leh a thiante ho hmu tur chuan kan college bul restaurant lam pan chuan kan kal a ,Jasmine hi a tawng tam lutuk ngai lo nen ngawi rengin kan kal zel 

“ Mal en rawh " a tihrual chiahin mi pakhat ka su bur ,ka chal ka la tauh zui “ Nick " Jasmine chuan a bialpa chu a kuah nghal vang vang ,kei erawhin ka misutpa chu ka en chho ,awi leh! Mitmeng rum zet hian mi palian zet hian min lo melh run,Nick nen chuan an intiat tawk viau ,an hnungah an ni aia tlema hniam deuh a lo awm bawk “ Kawng en ta che i mit a del em ni " a rawn tih hrawk chuan ka ner nawk “ Enga enge ka hmaah ilo din ni ,tunge lo ding rawh tiche " ka ti ve nghal .

“ Thiana insum rih teh u ,kha kha bawihi thiannu Malsawmi anihkha ,Dereck Lalchhanhima anihkha Sawmi,tin a hnunga mi kha Hmangaihsanga " tiin Nick chuan a rawn sawi a ,kei leh chu Dereck a erawh kan inmelh no lo hle ,kan panga chuan restaurant ah chuan kan lut thap,Kan chawl ngun bawka hnathawk te nen pawh kan inpawh tlang ,thil kan ei mawlh mawlh lai chuan “ Nick i thiante hian engmaw an thawk " Jasmine chuan a ti leh a ,a nachang a hre hle mai .

“ Dereck zawk hi lawyer ania ,Hmangaiha hi police officer ani thung"Nick pawh chuan a tileha ,Jasmine in college a alo sawi kha a dik a nih hmel,chubakah an zahawmin mi awm thei tak an ni tih en mai pawhin an hriat hrim hrim,mi fate hi a,haw lamah chuan Nick leh Jasmine te lah len tumin an kal hrang daih,an thianpa officer lah chu hna a neih avangin midang aia hma in a haw kha a nia ,Dereck hmela nen chauh kan awm ,Jasmine ka ngei ber tum a ni hial ang.

“Rawn kal rawh " arawn tihmuk “ Min hnial leh vaih teh ka tawmtel mai ang che" a rawn tihzawm hnial leh ka tum tih a hria a ni ngei ang,tum burin ka thu lut hnak ,Liandingpuii vang vek .

MALSAWMI point of view Conti...

“ Khawiah nge in in " bul hmak bawkin a rawn ti leh “ Inla hlauhawm kual lo mai teh ka hlau lo che ,in pawh kan neilo mipa hi chu in han inla hlauhawm kual a ,nep zel zul leh viau si " ka tihchuan rum zeta min rawn enin “ Ka nep leh neploh fiah turin kha i taksa tetakteah khan ka hnuhma ka siam palh ange " a rawn tihchuan na zeta chhut thluk tawp mai ka duh tawh “ Ngawi hmak rawh val senior phanchang lu a kelsam to chin in khatia naupang lakah tawngkam mawi pawh hman dan i hre na nge?

Tin nanga zuam mai mai tur ka nilo ,ding rawh ka chhuk dawn " ka ti that,a tawng leh duh tawh der silo . Hetiang ang mipa hi engtin nge ka tawn theih zawk “ Hey ka biak che chu i hria em" ka tileh tuar ,a bengah ear phone vuahin hmalam a en hmak a nihchu,ka thinrim hle tawh ka bialpa ka then hlim thinrim lai a ni nen khawih zawt zawt mai ka duh, a ear phone lakthlaksakin a bebgbulah ka au vak ,phun hlukin min rawn melh “I cho chhuah liau liau a ni " tihlukin ka hmuiah a rawn fawp a ,ka lo tal ve chu duhlo in ka kut aman bet nghal hmiah.

Car seat chu tiawnin min delh bet ,ka tal ve tang tang ,ka awm a hrawm bawrh bawrh ,ka thluak a nu tan tial tial,Rinpuia nen khan kan in fawp ve fo,mahse he mipa ka vawikhat hmuhna lehnghal min fawhna nen chuan a dang hle . Min fawhna chu a dam ta dup, ka taksa chu a zut kuala dan tumna ka nei miahlo te chu mak ka inti zawk ,a thinrimna chu tisa chakna in a luahlan tih thup tum miahlo in ka taksa a khawih danah chuan ka hre thei.

Nilo kan tawp vat a ngai a ni “ Duhtawk rawh" thawk la ham hamin min fawhna a ta ka awm sawn,a taksa rit zetin min la delh bawk nen ka che thei der bawk silo. Kawngkalin min hmuhloh ngei ka beisei,a car glass a rawng thim a hmang hlauh chu a vanneih thlak ,thawk la ham hamin min melh chhuk run ,mitmeng phi chiaiin ka lo en ve thung“ Min hnial tawh hauh suh,a nihloh chuan hmeichhe thinrim ngawih tir dan ka hre teh a nia" chutia engpawh nei thei anga a insawi chu haw lutukin a samah ka tham bawrh bawrh.

“ Min fawh theih mai avang khan i lakah ka inpek mai chu ring duh suh. I hmeichhe sawi ho zawk chu va pan leh ta mai che ,kan in a hla tawhlo tho a ka lo chhuk mai ange. Anih aw pu luck ber " tiin car kawngkhar hawn ka tum a ,mahse a lo lock vek a nihchu “ Hawng nghal rawh " a nersawk min be tawh biklo chuan a hawng ve mai bawk ,be  tawhlo in ka chhuahsan nal nal .

JASMINE POV...

“ Nick i thianpa kha ka ring ngam chiah ang maw? Malsawmi lah kan kalsan daih bawk si ka inthiam chiahlo ania ,nang lah hi biak reng reng chhan tumlo,in thianho khan in inhmeh tawk dawn kha ,in senior dan in inlak dan a in ang vek ,Thlawi zâng hang chin ngat " ka tihchuan a rum nghut “ Ka pathlawi mai avangin an thlawi ve kherlo,tin i tawngtheih pui i thiannu chu ngaihtuah suh,ka thianpa in keiangin hmeichhe sakawr sam ang nei a duhlo,I thiannu phei kha chu a mawl si Dereck khan a khawih duh i ring em ni,a pian a nalh lo si " a tichiam kher chu ka ngei hle .

“ A nihchu Rotawt hmelchhe pa" tivakin kan dinna hmun pan turin ka chhuahsan nal nal “Enge Khauzik" car atanga rawn chhuah paha a tihleh chuan lei hlawm chu la in ka vawm nghal sawk . Ka lama a rawn tlanphei rualin ka tlanchhiatsan,chu phul chungah chuan kan inumkual “ I tar tawh lutuka min um pha thei nange Rotawt biangsum pakaw neipa " tilehin ka tlan zel ,phulah chuan min delh tlu rawkin ka chungah a bawk “Ka tar leh tar loh fiah a hun te pawh aniang " tiin min fawp nghal buan buan.

Ka thawmhnaw a phelh laite chuan a thinrim hmel em avangin chet ngaihna pawh hrelo in amah ringawt chu ka en ,chutah a thawmhnaw in a zui leh nghal hmawk hmawk ,ka taksa chhunga awm ka hriat rualin ka harh chhuak zawk “ Nick " a hming lamin ka hamhaih bawk nen a biangah ka dawm “ I thinrim a mi?" min chhang lo in a che nghut nghut,ka hmangaih a atan ka inpe pumhlum tawh bawk . Tuna lo dan thar chiam hian awmzia a nei heklo,a duhtawk a ngah hnu pawhin min chawlhsan heklo.

Ka ngik ta faih ,ka khur nghal der der “ Ka kum hian min dallo tih i hrechiang tawh ang chu maw? Englai pawhin ka ram tan a ni emaw ka hmeichhia tan hian ka bei dawn tih hria ang che " tiin thawmhnaw chu min haktir leh “ I sual si, engvangin nge min rawn lo a hetiang itih?" tiin mittui tling pamin ka en “ Ka ta ah ka siam nawn leh mai che ani. Engmah thildang a awm lo " tiin a t shirt chu a ha ,ka mittui chu a tuai pawk “ Bawihi hetah hian reilo te chiah ka thawk tawh dawn ,Delhi lamah ka thawh zawm tawh dawn ,chuvang chuan i kianga a tam thei ang ber hun hman ka duh" a tihchuan ka phu zawk.

“Timaw ka duhlo " tiin ka en “ I hna hi bansan mai rawh Nick " ka en kiau reng,a thusawi chuan min ti hnual rawih rawih “Jasmine he thil hi kan pahnih tan ani,tunah mai ka la kal dawn hleinem ,awm hran reng i duhlo ve tho tih ka hria, chuvang chuan min nei mai rawh" a tihchuan ka chhang theilo . Ka la naupang ropui si, chubakah innei ila damchhung atan a ni thei kher angem tih ahriat bawk siloh .

“ Ka lo nghak ang che,ilo kir leh hunah chuan keipawh ka lo puitlin belh tawh anga ,hre reng ang che keilo hmeichhe dang hnaih phalsak inilo tih " ka tihchuan nui hawkin min kuah ,kei erawh ka tah a chhuak sa em em thung,tlang hmawrah chuan dingin ka mittui a luang ngiai ngiai,ka hnunglam atanga min rawn kuahna ka chhawn duhlo  

A chhuk a nihchuan a rawn let mai mai thei dawn lo tih ka hre ve reng si ,ka darah a khabe a rawn nghat “ Nitin ka lo be tawh ang che ,ka awmloh chhungin mipa number neih belh phal a nilo hre reng rawh ,I hnaih tih ka hriat rual rualin ka pawtsawm duh mai ang" fiamthu titak zet hian a ti a ,ka lo nuih ringawt “ Min theihnghilh ka hlau ber ,Nick keiai chhelo leh hmeltha tak tak vai nula ho lakah i awm dawn a ni si a ,nitin min lo be ziah ang che" mittui hru mawlh mawlhin ka kuah a ,ka ngai sa ngawih ngawih.

A tello chuan zawl khawpui hi a reh ngawih ngawih dawn tih ka chiang. Haw lam te chuan ka ngawi ran ,nidang anga tawng tur hre zet anga awm kha ka thei thlawt lo. Reiloteah ka mipa hmangaih em em nen kan in then hrang thuai dawn tih ka hriatna chuan ka nun atinguai hle ,a bulah reilo te chiah ka awm thei tawh dawn chu a ni sia. Ka kut a rawn huma “ In ngaihtuah nasa lutuk suh ,kan inhmulo hlen dawn pawh a inilo,hetia i hlimlo hmel ka hmu reng a nihchuan ka awnbosan thei nang che " tiin ka kut chu a fawp zauh.

Kan in kan thlenga thingpui in in a rawn thu lut zuai nen ka nu lahin zawhna a lo zawt chamchi bawk ,tunah chuan min thah tumna a inhnamhnawih ho pawh an man thei tep tih a sawi a ,ka bulah lem sawi duh der silo,Zochuanmawia tak hi chuh! Makpa interview hun hi a hre si ,mahse keipawhin kan cm thiltih tenawm tak lanchhuah hun chu ka nghakhlel ve takzet ,a mualpho hle ngei dawn tih hi a thilsual tih hmaa ngaihtuah ve tur a sin a nih.

Mipui venghima a ram tana ding tura an thlan hian a ram mipuite chhiatna tur a zawng miau si a .

THE GOVERNOR 

CHAPTER 9

In chhung ka lut chu ka mi hmuh avang chuan ka ho in ka awm ,Ka hmel an pui chiah chiah chu ka nu nen lo thu in ka nu chuan mittui tla purin a lo kuah bawk. Ka lam an rawn hawi a ka nu chuan min hui vat “ Bawihte i nau alo haw ania " tiin ka nu chuan mittui tla teuhin min hrilh a ,eng maw? Ka nau maw “ Nu enge thil awmzia ,tinge ani nen hian kan hmel a in an a ,ka nu min hrilh rawh " engmah hi ka hrethiam lo ,unau dang chu nei mah ila henu kher kher hi ka la hmu ngailo.

Engtin nge ka hmel ang chiah a put theih,keiai a sam a ngil zawka tin ka bianga khuavang ka neih ang a neilo in keiai tlemin a hniam bawk tihloh chu engkimah ka anpui vek a ni,ka nu chuan sofaah min thutpuiin “Ni e nang chuan i hrelo mai thei, kum 5 in nihlai khan in chesuala ,chupawh kan zinna ah ,I nau hi a thi emaw tiin kan tuar hle a sin,I phirpui a ni a ,nang aiin minute 20 in a piang har ,a thi emaw kan tih avangin nangpawh engmah kan hrilh lo che a ,mahse hei min rawn zawng hmu leh a nih hi.

In chibai ta che u " a tihchuan ka che chhuak mailo . Engmah min hrilh ngai hauh silo a ,tinge tunah henu pawh hi a lo lan kher ,muangchangin ka kut ka phar chhuak a ,a mitmeng verther zeta min en chungin ka kut a rawn vuan,Ka phir pui mah nise ka mil dawn hauhlo tih ka hre nghal ,a hming ka nu in a sawilai chuan ka lo nernawk. Ka nu awmdan chung chung pawh hi ka ngeihlo ,henu a buaipui ang hian min buaipui ve ngai hauh silo a. Ka en zui peih tawhloh a vang chuan ka room lam ka pan , Nick ka phone nghal vat .

Phir ka neih thu chuan a thawng ve hle ani ang a ngawih vung vung hnu ah “ I tha em?" a rawn ti ta sup. Thaw ham hamin ka mit ka chhing ,unau neih chu ka duhlo lutuk pawh a nilo ,mahse hei chen ka laka an zep hi ka nu leh pa chungah hian ka lawm lo takzet “ Ka hrelo awmdan tur pawh ka thiam lo ,min thawng takzet " tihchiah ka sawi,a hrethiam a ni ngei ang “Hahdam la i nu leh pa pawh kha dem theih lutuk an nihloh kha ,an tan chuan an fanu ve tho thi tawh emaw an tih rawn let leh chu a lawmawm dawn tih hria la, zanah ka lo leng ang "a tihtakah chuan ka thaw huai.

Tunah hi chuan a bula awm tluka chak ka neilo,chaw ei lai pawhin ka ngawi reng ,ka phirpui erawh ka nu leh pa nen an inkawm ho bawrh bawrh reng ,ka pa in min rawn biak pawhin ka chhanglo. Hetiang hian keichu min ti ve ngai hauhlo ,ka birthday tak ngialah pawh an awm ngai miau lo a. Henu erawh an ngaihven takzet tih a lang reng ,ka pa in chawhmeh min rawn suah a tum chu ka thleng chawiin ka tho nal nal ,ka phirpui hmel nuam tilo chu lem ka ti riau pek a .

“ Bawihte enga tinge " ka nu chu enin ka nui lui “ Ka laka in awmdan thin en chuan ka nau chu in lo hmangaih zawk hle mai"ka tihchuan ka nu hmel a pawi tihna ka hmu nghal ,thusawi a tum chu lo dangin “ A pawilo in fanu dik tak lo haw chu hlim takin in be tur a lawm" tiin kawngka ri lam chu ka ngaihven san a . Ka pa erawhin min en zui reng,kawngka ka hawn ruala ka mipa hmuh chu ka kuah nghal chawt,ka hahdam huai huai ,zah buai ka tum tawhlo.

A awmah hmai phum tlatin ka kuah beh takah chuan a nipawhin min hrethiam animahna min pawm kang nawlhin ka pa te chu melhin “ A theih chuan Bawihi hi ka lo titi pui ange " tiin ka room lam min panpui a tum lai chuan “Nick Zochhuanmawia tiraw inih,lo in chibai ila Grace Lalnunhlimi ka nia ,Jasmine-i phirpui hi " tiin a kut a rawn phar a ,Nick chuan alo vuan ve mai “Pu Ram ka zah viau na che u chu ,in fanu pakhat haw vang maia Bawihi hetia hrehawm ti lutuka in awm tir thei hi mak ka ti,in inah ka rawn chuangkai ve fo, zah pawh ka zah cheu mahse hetianga ka hmangaih na tihmel hi ka hmuh reng theih ka ringlo" tisupin ka nu leh pa inthiamlo hmel chu enin room lamah min luhpui nal nal.

“Bawihi hahdam rawh " a tihchuan ka tap chhuak nghal hlawp hlawp “ Engmah hrilh tlakah min ngailo a ,tin khanu kha keiaiin an ngaihsak nghal vek ,ka birthday a thil pek pawh min pe ngailo khan a ni kha chu scooty lei an tum nghal a nia Nick ," sawi zawm theilo in ka tap uar sauh ,unaunu ka nei tih ka hria a ,mahse ka hlim chuang hauh silo. Kei min theihnghilh ang mai a an awm ta khan min tina a ni . Nick chuan min kuahin ka chhipah a fawp vang vang “ Insum rawh le ,alo let chauha nang chuan an bulah kum tam tak hun i hmang tawh a ,ani kha chuan a hmang ngailo tih i hriat kha.

An ngaihsak ve angai alawm ,an fanu ve tho a ni a ,a tlangnel nana an biak leh an duat ve tho a ngai. Kum tam tak an inhmu tawhlo a ,nangpawhin phirpui neih chu i lawm zawk lo em ni?" a rawn tihchuan Aih tiin ka chhang hmak. A nui hawk a “ Le insum rawh le ,nangchuan kum 21 chuang an hmangaihna i lo dawng tawh a ,tunah hian chung i thil dawn te chu midang i sem ve dawn angah ngai la ,rilru ti hrehawm hauh suh ,i unaunu pawh a fel hmel viau kha " a tihchuan ka melh vak .

Tawng duh tawhlo in a mal atanga chhukin khumah chuan puanin ka inkhuh hmak ,a thaw hawk ri chu ka hre reng “ Duatte " a rawn tihpawh chuan chhang lo in ka mut ngai in ka mu ngar mai,a rawn haw dek dek a keiai in ngaihsakna a dawng vek leh nghal . Ka in ngaihtuah lungpuam zel ‘“ Tinge alo lan ve dek dek avanga kei hi min thlahthlam nghal vek a ,hetiang chuan awm bo daih ka duh " ka tap chhuak hlawp hlawp ,ka puan chu rawn hlimin min pawm kang nawlh .

“ Chutiang sawi suh ,I tello in engtin nge ka awm anga Bawihi innei mai ang" a tihchuan rilru a buai viau tawh ,ka phirpui rawn let avang ringawta pasal neih chu a tlawm thlak ka ti bawk si. Mahse keiai a dinhmun a tha leh ka nu leh pa ngaihsakna a dawng nghal bik chu ka thinrim a ni . Keive chu enge ka duh tih zawh ka ni ve ngailo a ,hetiang taka min ngaihsak hi an nei ngailo bawk. Nick chu ka chhanloh avang chuan a ngawi vung vung,ka thaw hak ka kuah bet nghal thlawp.

Pawnlamah min chhuahpui a ,ka pa in a “ Bawihte " min rawn ti te chu lem hi ka ti em em khawp “ Kha ti khan min ko suh pa ,tinge ka neihloh zawng zawng thlenga pek in tum ? Khatiang khan ka duhzawng min zawt ve ngai em ? Ka birthday min wish ve ngai em ? Teuhlo lutuk! Tinge khatianga in bawh nghal huam huam ni " tiin ka nuisak “ Liandingpui khatiangin ipa be suh" ka nu chuan a rawn ti that,ka nui hak ringawt “ Nick haw rih rawh ka tha " tiin Nick chu ka en .

Min ngaihtuah hmel zetin ka mitah a melh ngura,ka mitmenga ka hrilh leh takah chuan ka chalah fawp zauhin a chhuak nghal chu ka en zui reng “ Jasmine min ngaithei rihlo ang tih ka hria ,mahse kum tam tak chhung home ah ka lo awm tawh a ,chhungte ka nei cheu tih ka hriat khan ka hlim a sin" a tihchuan nuihlui sakin“ Nia duat hlum lo chauh tur che bulah i awm alawm ,scooty chu leina tur in nei ta ro ro min rawn lei ve ang chu" tiin sofaah chuan ka thu thla “ Nia in unaua in neih pawh a mawi zawk ang " ka pa chuan a rawn ti ve a .

Chhan pawh ka chhang leh tawhlo,Malsawmi nen kan intext a a nipawh a thinrim hmel viau ,“ Chutiang thil liantham te chu zep chi pawh a nihloh chu" a rawn ti ve hlak hlak . A ni hi chu ka tan hian a hluzual “ Nu ,pa in bulah ka lo mu ,ka chak thei lutuka " kan hmel phakari bawk chuan a ti leh. Ka nu lahin a lo pawmpui nghal bawk ,room lamah an lut a ,ka en zui reng,ka mittui tlak leh loh nan ka insum tang tang .

“ Bawihte inu hi hrethiam rawh aw ,in unau hian a hmangaih em cheu a ,tunah i unaunu thi tawh riaka kan ngaih a rawn kir leh a ni si a ,a awmthiamlo a nihkha " ka pa in a rawn tihchuan nui hakin “ A pawilo ,pawi ka tihber etawh thudik hrilh tlaka min ngailo leh fa en bik in nei tih ka lo hre har mah mah hi a ni " tiin ka room lam panin ka kal nghal hnak hnak,ka pa chuan min en zui reng ,zingah thawm ka hriat avangin ka tho chhuak a .

Choka lama ka phirpui leh ka nu hlim taka rawngbawl tlang chu ka thlir mal riau hian ka inhria ,ka en ta reng ,ka dawn ve ngai reng reng loh ka damloh nikhua chiaha ka dawn thin ka nu ngaihsakna zawng zawng a dawng nghal vek anihchu . Tu in nge hlim taka en thei bik ang,Malsawmi thawm ka hria a ,min hmuh rualin ka enna lam a en ,a nersawk “ Ka millo nghal dawn riau ,a hmel saw a phakar hmel ngawih ngawih " a tihchuan ka nuih hak hak,ka nu rawn hawi letin min rawn hmuh chuan “ Lo tel ve ta che " a rawn tihnuhnawha .

“ Tikhan inkawm rawh u ,in inhmuhlohna a rei tawh si a " tiin Malsawmi chu ka hruai hrang nghal “ Awi ka ngei e ,I nu pawh chu khatia rawn ngaihsak der vel che pawh a ngailo,tunlai nu thenkhat hi chu an mak a nia ,mahni thisen atanga an hrin ro ro ah pawh hmangaih bik leh duat bik hi an han nei a,an fa dang tana rilru nawm lohna tur pawh ngaihtuah leklo hian an awm thei ania ,taka kha Nicka thianpa kha eng hna maw a thawh kha" a rawn tihchuan nuih tet tet in “ Lawyer a nihkha ,I thil tihsual pawh a chhui hnehsawh viau ang" ka tihchuan min melh nghek.

“ Sawi pawh sawi suh,min in ti ngainep khanglanga ,a zahloh dan lah kha a hundred percent chiang ania ,min la fawp zui a zaklo hi ka tihluah hluah,engtin nge ka number te alo neih ni ,min la vo ve ziah lehnghal" a tihlak hlak “ Engtin nge a tihche " ka tihchuan “ Ka tawmtel ang che ,ka hrualmum ang che te min tia ,ka thau te a ti mawle ka haw hluah hluah,ka thau over der silo,ka khal nalh tehreng nen khapa khan min hmusit hluah hluah ang hian a tawng a lawm. Ka thinrim lutuk in ka lock siah kha " a tihchuan mengphawk hru in ka en.

“ Nge zanah kan inah a rawn kal ziaha,chupawh min hnial tur ringawt in a peih tak tak ania ,a upat tawh tehlul nen" a tihchuan “ A duh che aniang" ka tichu ka lu a ringhal lawlh ,henu tak hi chuh. A duhloh zawnga awm te hi a hlauhawm hluah hluah,keilah ani ang em em ka ni ve bawk silo . Keimah vanga mipa a sual pawhin a tlawm ngai lo reng reng,a kutthlak lah hi hmeichhia a nihpawh hi ka ring thinlo,ana zawng vung vung zel “ Duh turin kan hming pawh kan inhrelo,tun i rawn sawi a,ka hre leh chiah a hmel kha ka huat chi inla pa si 

Hmeichhia enga tan mah a ngailo " a tihlak hlak,ka nuih char char ringawt ,ka rilru natna zawng zawng a rawn tireh hi a ni ringawt. “ Nick nen teh enge in chanchin a hre ve tawh em?" a tihchuan bu nghatin nizan lama kan awmdan vel a sawi chuan “ Man rem rem maw" a rawn ti a ,a khi thaw lehnghal . Ka kut vuanin “ I unaunu lemlemtei leh i nu saw an sual viau leh kan sual ve viau anga animai" a tihchuan kan nui dun uar uar ka pa rawn tho chhuak chuan Malsawmi chu a be ve hlut a ,an in nel bawka an infiam nghal bawrh bawrh .

“ Pa Ram ,Jasmine hi vengtha hle rawh a luck teh ania ,a hmelte hi a tha si ,a pian a nalh si,hmeltha satliah mawngfual deuh ho ang lo takin mipa te hian an duh riau ania " tiin Grace lam chu a ena ,a sawi chhan tih ka hria. Anilahin hrethiam derlo in “ Chu ka u chu aluck viau animaw ,Kan inang bawk sia min hai lo maw " a tihchuan Sawmi chuan “ Haha Ka thiannu hi chu a hai theihloh hrim hrim,a tawngkam avang ngawt pawh hian mipa a hip sa ,hmel inang mahse taksa leh rilru inang lo hi chu mipa pawhin an hria ania .

Hmeichhe rilru tha pawh hi an hre bawk,a ruka verther tak phei chu keini ngei pawh hian kan hria,ka thiannu hi chu a hmel dang daih mahse ka hai ngailo ang" a tikher a ,Grace nen chuan an inmelh rum viau “ Chubakah hmel in ang ro ro pawh hi hmelthat dan a inang ngailo" a tileh kher ,ka lo inrawlh vat ,thildang sawi puiin kan nui dun leh,Rinpuian a tih buai nasat thu leh kir leh erawh a tum loh thu a sawi chuan keipawhin ka lo tuihnih vat . Ka thiannu tana a that ringin ka lo sawipui ve a,mahse a lo lerh phian bawk sia .

College kal turin kan insiam a ,Ka phirpui erawh school a chawlhna arei tawh thu a sawi zat zat “ Bawihi money pai i ngai em" ka nu in a rawn tihchuan ka neih thu in ka chhanga ,Malsawmi nen chuan kan inzui chhuak,kan inah chaw a ei tlang a vangin ka thawmhnaw ka hak tir tawp kha a nia ,kawngsira thawmhnaw an zawrh vel chu enin kan nui dun leh hak thin.

RAMNUNPUIA POV(JASMINEI PA AW )

“ Kan fate ve ve an ni,Jasmine-i puitling lutuk zawk hi i vanneih pui a nih hi .I fate ve ve an ni,a ni rawn let vang ngawta en bik i nei dawn a nihchuan Grace hi chhuahpui la ,keiin Jasmine Chu ka enkawl mai ang" ka nupui melh runin ka tichhuak ,a hmel chu a kimki nghal dawk,a ngawi nghal hmak bawk “ I fate ve ve an ni,engkim a inangin an dawng bawk ang,Jasmine i ngaihsakloh zia hi ka hre ve reng ,hetiang a nihdawn ai chuan inthen pawh a tha zawk ,nupa a kan insiam chhan chu i hriat kha . He mite pahnih enkawl tur hian a ni " tihrawkin ka nupui tawng chu ka titawp hmak.

“ Ka tihpalh ka hmu lo rei em a ni" a tihchuan thawham ham in“ Engmah kan hrilh loh avanga a nat tawh sa laia hetianga i awm reng dawn anihchuan ka hum reng theilo ang che" tiin ka thawh chhuah sana .

END OF JASMINE FATHER 

ZAWMNA

“ Awi ka lawm e ,an mualpho nasa dawn sia " tiin Malsawmi chuan news chu min entir a ,keipawh ka hlim ,Nick leh a thiante pahnih kha an ni ka tilo theilo an ni awmlo se tunah hian kan CM hian a sualna thupin mipui min la bum zel dawn chu anisia,ka classmate te pawhin min rawn panin min chibai sap sap hlawm . Kei nilo in Nick te hian ani chawimawi phu,ka rin ang ngeiin fb leh Instagram velah chuan kan CM chu a lar chak hle ,mipui te mak tih a hlawhin mualpho pawh a mualpho nasa .

Malsawmi lahin “ An fate tihsual pawmlo a humhimtum tu te chan tur chiah anihkha ,amah mai nilo in Mizoram hi a tihming chhe tel dawn tih hriat tur ania ,mipuiin kan ram tan tiin kan vote tlinga ,mahse sual lam zawng leh a hlem hle zawng ,eiru zawnga ram hruaitu hi chuan tlak hun an nei tho thin . Mipui te hi kan a bik silo a " a tihlak hlak,thil a eipawng pawng bawk ,banah library a kal lawk ka duh avangin Malsawmi chu gate bula min lo nghak mai turin ka hrilh a ,ka va let lai chuan mipa pakhat hnungah a lo uai tawng tawng.

An bulah Nick ka hmuh avang chuan a thianpa Dereck kha ani tih ka hre nghal Malsawmi lahin a samah a kek kun ngawng ngawng,tumah an awm tawhlo bawka a zia,Nick chu panin ka kuah thlawp,min lo pawm kang nawlha “ Ka lawm e aw " tiin ka nuih ver ver ,ka hnarah piai zauhin a nui suk “ Ka bialnu hi him taka a awm ka duh a lawm" tiin Malsawmi te pahnih la insual chu a en “ Thiana intibuai reng lo teh u,naupang lutuk pawh in nih tawh loh kha " a tisup “ He hmeichhia zel hi a lawm,a tawngthei si a thau si ,amah thlahtu chu mi tawngthei tak ani ngei ang" a tihleh chuan Malsawmi chuan angalah a chhuih leh nghal tawk.

Tinge maw henu hi mipa reng reng hi a hlauh loh mai le? “ Ka mithmuhah pawh rawn lang leh tawh suh,hmela vawikhat mah ka hmaah rawn in lan tawh suh" tiin Dereck chu a melh khai khai,an in len hleih nasa mai si,Nick thianpa hi a thinrim mai ang tihte pawh a hlauhawm zawk . Mahse engtin mah a la tilet miahlo,a tawpah inpawt dawr dawrin car chhungah an in nam lut ,va puih ka tum chu Nick chuan ka banah a lo vuan “ Kal tir rawh ka thianpa sawn a tina lovang" a tihchuan thawk la hluaiin Nick bulah chuan dingin an tlanchhuak chu ka en reng.

“ Kal tawh ang hruai duhna che ka nei ania " a tihchuan ka en ha mai ,ka zui rualin faifuk rut rutin car kawngkhar min hawnsak a ,tun hi Delhi lam a chhuk tur thu a sawi atanga karlina chiah ni ,a chhuk hun ka hre lo nangin a awm lo thuai dawn tih ka ngaihtuah chhuah a piang hian ka na sa ,hmun pakhat reh ruih ah hian min hruai,in ding chu ka en vang vang “ I duh zawng a ni em" a tihchuan ka bu nghat,a hlui tawh tih a hriata ,mahse ala that hmel em em thung.

A bul vel a phul leh pangpar vel chuan a chawi zual “ Kan pahnih in tura ka lei anih hi " a tihchuan ka en ha ,a ip te zenin chahbi pahnih a rawn phawrh a ,pakhat chu min pe nghal “ Ka awm loh pawhin he in ah hian thu i nei zawk tih hria la ,englai pawhin i kal thei ang." A tihchuan ka bu nghat “ Awm loh thu kha sawi ziah suh aw ,ngaihthlak nuam ka tilo,kan inneih hnu chuan ka tan chiah hun nei turin ka duh che ania " ka tihchuan nui sukin min kuah nghal hlun.

“ Nick ,min phatsan chu ring lo mah ila keimahah hian hlauhthawnna hi a nasa thin. Engtikah emaw kan inthen a ngai ang tih ka hlau,tun ang renga ka nu hi a awm anihchuan nangmah chiah hi ka neihchhun ini dawn tih hre reng rawh aw " tiin ka en chho kiau,ka mittui chu tuai zauhin ka hmui a nul thuak thuak,rawn kun hniamin min rawn fawp vawng vawng “ Ka hmangaih che Liandingpui" a rawn ti tham ve tuak “ Keipawhin ka hmangaih che Nick Zochhuanmawi" tiin ka nui ta var var .

Heiaia puitling leh ka pasal hna thawhpui thei tur khawpa thiamna ka neih hun ka nghakhlel hle ,inlamah kan haw leh a ,mak takin ka nu pawh a lo danglamin min be tha leh tawh hle . Kei erawh ka chhang vak lem lo , scooty pawh min lo lei ve ta ngei ,ka pa erawh a la rawn haw lo a nih hmel,ka unaunu thar pawh a ma room lamah a awm a ,hmuh pawh ka chak lem lo .

Hun a liam ve zel ,Nick pawh CM thar lakluh leh an thlan avangin a buai ve hle ,Kan in hmu hman meuhlo ,ka awmdan maksak zet avang chuan in ringhlelin ka in test a ,ka rai tih hriat takin rinsen pahnih a lang kalh,ka en vang vang ka lawm nge ka hlim tih pawh ka hrelo , Nick hrilh ka huphurhna leh ka chakna a inang reng. Engtin nge min lo hmachhawn ang le ,ka scooty lachhuakin ka nu chu ka kalna tur ka hrilha ,Nicka  in ka thlen chuan Sharma chuan inchhung ka lut tur min lo danga ..

“ Enge i hriata min thlah rawh ,Nick thil hrilh tur ka nei" tiin ka tal “ Miss lut rihlo zawk rawh ,mi pawimawh a hmu " a lo ti ve tang tang a ,ka tuar thei derlo “Min thlah rawh ,nangmah avanga ka tlai vaih chuan i chak lovang " tiin ka kut ka thing thla ,inchhungah chuan ka lut zui nghal ,mahse ka mi hmuhdun te avang chuan ka ding chawt “ Naute neih pawh ka duh tawh ang,khawngaihin bul tan leh ang" tiin a nupui hlui chu Nick-a awmah a lo bei a nihchu ka khawng awt thei.

Chutah Nick a rawn hawi chhuak chuan min rawn hmu ta chiah ,a mengkawk “ Duatte " ti a min rawn pan a tum chu ka tlanchhuah san nghal “ Duatte ding teh ,min ngaithla rawh " tiin min rawn um,tlanchak zual sauhin ka scooty ah chuan ka lawna , tinungin ka tlan chhuak nghal, Nick-a hrilh hai hmel chu ka hmu reng,in ka thlen rualin tumah be lo in ka roomah ka lut tlang.

Ka khumah chuan ka bawk thlawp,ka mittui tla tur chu ka tuai nawk nawk bawk“ Ka hua che " ti a phun sepin rizai hnuaiah chuan ka tawm kek ,reilo teah kan inpawn lamah car ding thawm ka hria ,ka in khuh tha sauh sauh “ Nu Tluang khawnge bawihi " Zochhuanmawia aw thum zet chu kan inchhungah chuan a khawk rum rum hialin ka hria “ Roomah a lut a nihkha ,ngatinge in in tithiamlo a mi,kan biak pawn min chhang silo,chhuah pawh ala rawn chhuaklo " a tihchuan Zochhuanmawia chuan ka room lam a rawn pan a ni ngei ang.

“ Bawihi lo hawng teh " tiin kawngka a rawn sawi dawt dawt,ka hawng awm hlei lo e ,ka haw lutuk tih hi hria se a rawn kal lui tho a ngem“ Rawn hawng vat rawh ,anihloh chuan i thuruk lanna hi i chhungte ka hrilh ang" a tihchuan ka thochhuak rang hle . Ka indap nilo ka test kid kha ,hmela chuh! Ka lo thlauh anih hi ;mai mai chuan kawngka ka hawn rualin min pawt chhuak dawr dawr “ Nu Tluang kan rawn let leh ang,thil pawimawh tih a ngai bawk si a ka hruai chhuak lawk dawn ania " tiin ka nu leh Grace chu enin ka pa pawh chu a en zauh a .

An rem tih takah chuan pawnlamah min kai chhuak dawr dawr ,“Min thlah rawh pathlawi" ka tihpawhin duhlo in min hnuk dawr dawr ,ka hua a neih ka duh em pawh ka hrelo mahse a fa ka pai tlat si ,carah chuan min nawr lut a ,a tawng duh miahlo te chu ka haw zual “Test kid kha enge a awmzia ,I rai a maw?" Kan tlan chhuah hnu chuan atisup ,ka be dawn lo hrim hrim ,ka kut rawn vawn a tum chu ka la sawn ,a thaw hrawk mai a hmai tuai puatin “Kimtei kha ka duhvang renga kuah ka nilo a nia" a tihchuan ngeiawm lutukin ka nui

“I kuahlohin i nupui a nia lawm oh!nupui ni leh mai tur zawk,fa neih a duh tawh ber te chuan kei min mamawh tawh lem dawn em ni?" ka tihleh chuan a inseh ruh tawlh tawlh “Ngawi hmak rawh ka nupui ni reng turin duh ni ila ka then kherlo ang. Tin a ni thuhnuaia kun tur ka ni heklo ,ka fa i pai tih engvanga zep nge inih?" tiin min rawn en“Nau ka pai ringawt em ni ? Nge khanu khan alo pai zawk" “Liandingpui a tawk!" a rawn ti tuar “Zochhuanmawi min vin hauh suh,hna pawimawh i neih thu Sharma i inti hrilh vela .

A lo pawimawh khawp kha ,nei leh ta che " ka tihchuan a nui suk“ A aia tha ka nei dawn mawle,ka awm loh tur a huphurh bawka ka thawmhnaw bawmah ka pack ve mai ang chu" a tihchuan rum lutuk in ka melh “ Zochhuanmawi hmela ,ka zui dawn lo che "ka tihchuan “ Min zui khawp ang" tiin car chu dintir in damdawiin lamah chuan min luhpui a ,nurse leh doctor ho chuan min lo buaipui vat,hepa hi chu a nihna avang hian tu tan mah hai theih ni heklo,doctor pakhat hnenah min hruaiin chu doctor nen chuan inhria tih hriat takin an inbia a .

“ Naute a tha em thla engzat nge tih ka hre duh,mahse kan awmdun hnuhnun ber kha a nihchuan a la rei vak lo anga thla a tling tep chauh ang" a tihchuan ka zak bawk si ka tawng ngam tawhlo hrim hrim . A ni chuan zah hre rual a nitawhlo tih a inhre chiang hle te pawh ani mahna ,kei erawh ka zak hluah hluah “ Oh! Naute maw chu nupui hmel kan hmu thuai dawn animaw " tiin doctor nu chu a nui har har a ,khumah min muttirin ka pumah chuan eng emaw hi a tikual a ,chutah ka sirah chuan ka pum chhung a rawn lang nghal.

Zochhuanmawia chuan hnai zetah a bih run “ Khi khi a nih khi naute chu,karthumna chiah ani e ,a la lang tham vak lo ang" tiin Nick chu a en a “ Naute pawh a tha ,Anu pawh indim a ngai dawn ania,naupai tirh hi indim ngaihzual hun a ni a ,hahdam taka awm kha a tha ber" a tihchuan Zochhuanmawia pawh a bu nghut . Damdawi min chawh te chu a lei kim thlap lehnghal,nichina a thinrim hmel te kha khawnge an awm zawh ni. Kan luh hlima tum bur kha a nuichhuak vur vur a ,ka kutah a kai run bawk .

“ Khati khan khi vur vur suh miin an en thup che hi,mi â emaw an timai ang che"ka tihchuan ka pum a zut daih a nihchu “ Zaninah palai an rawn kal nghal ang" a tihchuan a hmingpumin ka au vak ,ka chhungte pawh engmah ka la hrilh lo a ,engtin nge min ngaih dawn lah ka hre hek lo . Hepa hian a rawn tir duh tak tak ang “ Enge ka chhuk tep tawha,dankhatna kan tlin lo phawta mahse inneihna ropui taka tih ka duh " a tileh,a thinrim duh tawh der bawk silo.

Carah te chuan dim zet hian min dahlut a ,a khalh chhuak reng reng te chu hnapkhawn tlan ang vel kan ni “ Khalh tha rawh ,khati khan engtikah nge in min thlen pui i tum, traffic jam hma in in thlen vat ka duh ania,jam ah ka tang peihlo " tiin ka phun hlak hlak,ka lung ala awi chiahlo bawk nen keh bawrh bawrh tak ania ka nap ni “ Shh.....Kan naute in a hlau ang,Kan naute tan vek a nih hi,ka nu leh pa in an tu hmuh hmasak ber tur hi hrisel taka a rawn pian ka duh" thutak zetin a ti .

A ngaihna hi a awm thlawt lo,a lehlamah erawh a nupui hmasa nen fa an neilo a ,kei nena hetia inneilo a neih chu ani ang puitling chuan mite min ngaihdan tur a ngaihtuah thleng vek dawn a ,chuvanga a ranglama inneih ti ni ngei pawhin ka ring “ Eichak i nei em" tiin thei zawrhnaah min din pui,hepa pui hi naupai ho eichak thin a hriat hmel phian hi,a pawilo a pawisa ka hmang hrep anga nimai lawm “ Serthlum,theihai ,Lakhuihthei ,Dragon fruit " tiin ka lam zat zat.

A chhuak a a va lei nghal mawlh mawlh ,a zuar tunu in a lo biak chuan nuisuk hian ka lam a rawn hawi a ,an thusawi tur awm ang ka ringthiam mai ,pawisa a pek zawh rualin a thil leinen min rawn pana ,rawn thu lutin min pe nghal zat ,nui ver ver hian serthlum chu ka ei nghal mawlh mawlh “ Nick ka nu leh pa te ka la hrilh lo,min hau angem le ?"tiin ka thil eilai chawl detin a mah chu ka en ,tunlai kan chhungkaw boruak rit tak nen kan hun tawn hian min ti thlamuang lo ,ka kut vuanin “ I pa hnenah engkim ka hrilh tawh a lawm,an phallo a nihpawhin ka nei tho ang che" a tihchuan ka khisak.

In kan thlenga anipawh a rawn lut zui ,ka nu leh ka pa chuan min lo en ha ka zam takzet “ Nu,pa" ka tidek dek chu ka bula ding chuan“ Bawihi hian nau chu apai ngei a ,chuan kan pahnih hian inneih kan duh ani,arang lamin min phalsak ngei ka beisei,a chhan chu khulamah chhuk vat ka tum tawh si a " a tihchuan ka nu leh Grace hmelah chuan mak tihna a lang chhuak ,ka pa erawh a hmel a pangngai thlap “ Khatia ding chunga hmanhmawh zeta sawilo khan rawn thu phawt teh u" ka pa chuan a tidam dap.

“ Bawihi nau i pai maw" ka nu in a rawn tihchuan ka bu nghat “ Keima thiamloh ani e ,bawihi hi neih ka duh a ,anilahin a kum a naupan thu leh ka tana a zahpui awmloh hun a inneih a duha ,mahse ka nghak theilo a ni. Mipa ka ni a ka nupui leh ka fate enkawl chu ka hna a ni bawk,tin ka nupui anihchuan hna a thawh ve kher pawh ka duhlo ,ka kum min hriat pui a ka nu leh pa lah an tar tawhin tuhmel an hmu chak bawk nen .

Keichuan bawihi naupai hi pawi ka tilemlo ,khawngaihin kan inneih hi min rem tihsak hram rawh u,in fanu hi rethei leh nun hrehawmin ka awm tir ngailo ang" a tinghet churh. Ka pa rilru a hneh hmel viau “ Anih tap chungin i rawn haw tirlo ang maw? Ka fanu hi ka hmangaih a ,a hlimna ka duh bawk ,heta awm reng pawh hi atan pawh a tha ber chuanglo a ,hmangaih taka i enkawl a ,I phatsan dawn loh chiahin i kutah ka hlan ang che " ka pa chuan arawn ti ve a.

Nick pawhin thu chu alo tiam vat