THATCHHE LALPA CHAPTER 1

THATCHHE LALPA

CHAPTER 1

“ Ka duhlo " tiin ka pa chu ka melh hrawk “ Min hnial hauh suh Zosangpui ,i kal khawp ang addict mai maia i chhuah ai chuan i kal khawp ang,hetianga nu leh pa hlawh ringa nuam i tawl hi ka rem tilo,chuvang chuan ka thianpa te khuaah kalin thingtlang hna thawk ang che " a rawn tileh,chhan leh ka tum chu ka nu chuan min rawn dang vat “ Bawiha i pa thu chu awih rawh ,kum khuaa awm tur pawh i ni hleinem ,BA i zo tawh a ,kalzawm lah i peih tawh bawk silo .

Mizoram lamah lah kan awm thei silo a heti reng hi chuan i awm theilo tih i hriat kha , hotel hi nakinah chuan ila enkawl a ngai dawn ,puitling taka hna thawh awmzia hria la kan duh vang a ni, Mizoram lam hmuh pah a nimaia ,kan zin zeuh zeuh chauha mahni hnam nunphung hria la kan duh vang a nibawk" ka nu chuan a ti,ka ngawi reng ringawt ni e tette atangin Mumbaiah kan awm a ,ka pa hian hotel neiin a hlawhtling viau bawk,chubakah tunah hian oil company din tumin hma a la leh mek bawk a .

Keichuan hlim hlawp thiante nena party nuam ka tiber ,chu chu ka pa huat ber a nibawk ,Kum 27 ni ve tawh mah ila keichuan awm mai mai hi ka la duh tawk,an duh ang ngeiin mizoram ah pawh thingtlang khuaah chuan awm turin thingtlang ka la hmuhloh leh hriat lohna hmun lam pan chuan sumo in kan tlan. Ka lung erawh ala awi thei hauh lo ,zanah khua kan lut ,ka lehkha ken chu enin hming chu ka zawng kual a ,khawlian a nilo bawka reilo teah in Assam type ngeiah chuan ka ding chat ,a reh ruih tawh a ,thawm erawh ala awm zeuh zeuh thung.

Kawngka chu ka kik karh karh ,engang chhungkua tak ni ang maw? Reiloteah kawngka a rawn inhawng ,hmeichhia sam kir chiat mithmul pirsang ngo tih tur nimiah silo nen kan inhmachhawn ran ,min hmu chu a meng deuh kawk chutah “ Pa a lo thleng lo lut la " tiin kawng min kian,an in chhung leh chhuat vel chu thing mah nise an fai tha hle ,nawh ngun tih an hriat,apa chu pindan atangin a rawn chhuak a ,ka lo en reng “ Awhaw Bawiha ilo thleng tawh a nimaw ,I rawn tluang maw " tiin min rawn chibai .

Ka lo chibai let ve mai ,an pafa chauhin an cheng a tih tak kha maw ka nu khan,nula chu a che vat vat renga vawk chaw a chhum niin ka hria . A sam kir bam chuan a kawng a vaw hnalh,a inhmeh viau lehnghal ,keihi ka vawikhat hmeichhe hmuhnaah lehnghal hetianga ka en chiam ni “ I pa in min rawn phone khan mak ka ti deuh a ,engpawh nise naktuk chu hahchawlhnan hun i hmang anga,tuk leh lam atangin lo kan vat dawn a nia,pulpui kan nei ve lo a daiah mai ram nghet kan nei a chu chu kan vat dawn a nia.

Angela tui kha i lumsak em ,a thawmhnaw hi a room turah va dah sak ta che " a fanu chu Angela maw? A inhmeh phian,ngawi rengin ka thawmhnaw dahna chu a rawn la a ,pindan pakhatah a luh pui thak,ka zui luh lai chuan a lo rem fel that that reuh a “ Hei hi i room tur ania bathroom leh toilet erawh kawngka ep chiahah khan a inzawm aw ,i inbual duh chuan tui pawh a lum tawh a nia" tiin min rawn en zawk a ,a hawisawn leh nghal,a chhuah hnu chuan ka thawmhna hak tur la in towel nen ka chhuak leh a .

Tuilum a chawi taih taih chuan ka nuih a tiza viau ,bathroom ah chuan lutin ka en kual leh,a bang vel chu dap leh rangva in an siam a, Mumbai a kan in nen chuan a inthlau hle ka pa ka haw zual sauh hetiang thingtlang khawte lutukah hian a fapa hi min dah chu ania.

ANGELA RINTHANPUII POV...

A inbual lo chhuak chu ka en reng,half pan a rawn ha chhuak a ,kawr erawh a ha lo ,a lu huh dap chu towel chuan a hru bawk. A pian chu a nalh hle,amah a ngo bawk si ,kawngka ka hawn ruala a mitmeng leh a hmel mawlh khan min tibuai,a hmeltha hle ang tih rin ngaihna ka hrelo a ,ka pa in a thianpa fapa hun eng emaw ti chhung rawn awm tur a sawi khan tlangval hmelchhia leh awm herh takah ka lo ngai a .

Mahse a hmel ka hmuh chiah chuan engkim a thlak vek,a sam chu a sei in a tukkhum lamah a thlak thla tawp a ,a mitmeng chu a sexy riau lehnghal ,kei a pawh hi mipa ka vawikhat hmuh naah heti em em hian ka ngaihtuah thei a maw? A room lama a luh hnu chuan vawk chaw chu ka vil leh a ,ka pa erawh chanchinbu chhiarin thutthlengah a thu thung . Mikhualpa rawn chhuak chu a lo titi pui nghal zung zung a ,unau dang ka nei lo bawk nen chutia a mipatpui a rawn awm tur chu ka pa pawh a lawm hle tih a hriat.

Dar 9 velah mu turin ka pindan lam ka pan,ka room ka thlen rualin mikhualpa phone hmang ri ka hria ,a bialnu a bia a ni ngei ang vai tawngin an tawng a ,a hmeichhia chuan a ngaih thu vel english in a sawi zauh zauh bawk. Ngaithla tawhlo in ka bengah ear phone ka vuah a ,ka zai pah rat rat , phone hmang pa thawm pawh chu a reh daih ,lehkhabu ka chhiar leha hei hi ka hnathawh loh kar lak a ka tih thin a ni. BA ka zawh kumin ka nu a borala ka tuar na hle bawk . Zir zawm tawh lo in ka pa ka pui a ,tunah chuan kan dinhmun pawh a ziaawm viau tawh.

Ka room ep chiaha phun bul bul rengpa chuan ka nuih a tiza hle ,thingtlang thingtlang tiin a phun tiah tiah,ka pa hnen atangin a chanchin tlem ka hria a ,a dik ngei ka ring bawk. Tlangval awm duh dah ve tak a ni ngei ang ,a tuk zing ka thawh rualin rawng ka bawl zung zung,ka pa pawh dar 7 velah a rawn tho ve a ,Mikhualpa erawh ala tho lo hrim hrim,kan khawho lah kan mikhual neih chu an hre leh vek tih hriat takin thenawm khawveng chin ngaihven turin an rawn lut reng,a tawpah ka pa in min kaih thawh tir ,a hming pawh ka la hre reng reng lo .

“ Hei mikhualpa harh teh " tiin ka sawi,a muhil hmel lah chu a cute phian ,a rum ngul ngul a “ Ka peihlo ninawm " tihlukin puan chu a sin tha sauh sauh “ Tho vat rawh miin an hmu duh che ka pa in va kaitho rawh a ti ,a tlai tawh hrim hrim a nia " tiin ka sawi leh ngat,a mit phenin min rawn en,a harh nghal kawk “ Nang" tiin a insiam tha sawk sawk “ Rawn chhuak vat rawh in leng ten inhmelhriat tir che an duh " ka tihchuan a bu nghat,ka chhuahsan leh ruala a phun chu ka la hre pha ,a rawn chhuak a an lo en nghal thap,nula leh tleirawl awm ve ho chu an insik nghal nawk nawk.

“ Awi a chhiatloh zia hi kan inah lo awm zawk se" tihvela an phun chu ka nerkhum sawk ,vawk chaw pe turin ka chhuak a ,reilo teah kan mikhualpa chanchin chuan khawpum a deng thuai,khawlian kan nilo a inpawh 100 bawr vel chiah ala awma ,kan in hre tawn hlawm viau ,inleng neuh neuh kan nei renga mi hi an hawk dak hi ka tia,nula ho lah chu kan in a rawn lut ngam silo in tualah an vir sek,ka thiante lah bang lo min kawm duh si amah hmu chak siin rawn leng lut keichuan engah vak ka ngai lem lo ,hmeltha erawh chu ka ti ve tho.

A hming pawh ka hre tawh a Zosangpuia,a inhmeh viau mai ,zanlamah chuan ka pa nen a tuklama ken tur kan siam a,pakhata erawh a lengchhuak a nihhmel,a zamlo ka ti takzet . A tuk a lo thlenga feh tura kan insiam lai chuan peihloh hmel deuh hian a insiam ve hnu hnu ,kalkawngah te chuan an kalmuang khawp,ka pa in “ Hna a thawk ngailo a dawhtheih angai dawn ania " a tih avangin engtin mah ka ti biklo,mahse ka nuih aza ,kan ram nghet kan thlenga ,a thaw hlawp hlawp tawh .

“ Ava hla em em ve " ati nung nung ,a thlan a hru mual mual “ Hetiang hmun tehhrepa min dah avang hian ala chak lo khawp ang,engmah ka ti dawn reng reng lo " a tihluk hluk,ka nuihza sa nen insum a har viau “ Iti hram hram ang chu tha deuha i thawh te chuan i pa pawhin i haw leh vat a phal zawk ang . Tiru le kit tan ang u,Hrei i hmang thiam em " ka pa in a tihchuan “ Thiamlo " alo tileh hmuk “ Aw kha ka tihdan hi en la ilo tive zel dawn ania " ka pa in a tihchuan “ Ka peihlo ka tihkha " tiin hrei chu a la ve tho.

A ken zawng reng reng chuan a thatchhe ngawih ngawih,chutah thing chu kan kit tan a ,chawn puar tiat vel sang lutuk lo chu a chek ve kurh kurh,a zeilo si ka nuih ru char char chutah le a thing chu a tlu ruai ruai,enzuina chang hre heklo a thing chuan a delha a tlu awk mai,a rak nasa lutuk keilah ka insum thei tawh lo ring deuh deuh in ka nuih vak vak,a huat hmel em em lehnghal,thing lah chuan a hnungah a delh zuarh mai bawk si “Angela nuih lo khan pui ta che mawle aw ,Ava hahthlak em ,i na em? " ka pa chuan tiin a thing chu ava laksawn sak,tho chhuakin .

“ Anat loh i ring reng reng em ni? Nang nu kha min nuih tawh suh,ka ning ka peih tawh lo" tiin a thu hmuk,a kut thi ka hmuh chuan ka pan vat,a thutna bula tlangsam hnah chu la in ka nuaisawm a ,a tui thleng chuan ka nuai zel ,a bulah thu in “ Khawi i kut kha " ka tihchuan min rawn en hu,mak a tih hmel em em lehnghal,hnathawk ngailo tih takah mipa mah nise a no em bawk a ni “ Hei ka lo hnawih ang,pem thar damdawi tha lutuk a nih hi " ka tihchuan zawi muangin min rawn pe , a kut thi laiah chuan hmehbelin ka hupsak vang vang.

“ Thing kih chuan a tlukna lamah awm loh tur ania,fimkhur hle tur thing lian lutuk a nilo hlauha kan vannei " tisap sapin a kut chu ka chhemsak,min lo en reng chuan min tilai hle tho chhuakin ka hrei nen chuan thingkit tur bawk chuan ka kal leh ,chawhma chhung pawh chuan kan vat zau ve hman viau,kan dinhmun in a zirloh avang hian mipa tih ang pawh ka tih ve zel a ngai a ,mahse ka zaklo hnathawk theia ka awm hi ka lawm zawk .

“ Bawihi lo han haw ula,vawk chaw pek angai dawn bawk si ,an ngaihtuah awm rawngbawl nen" ka pa chuan a rawn ti,ka ngaihtuah viau amah chuan a khawhar thlak dawn si “ Mahse pa nangmah te chuan a reh lutuk dawn a sin,kan haw rual vek ang chu vawk chu tlai takah pawh kan haw dawn lo a ,an lo riltam lutuk hmanlo ang " ka tihchuan ka pa chuan min hnial leh,mahse Zosangpuia chuan “ Kan vaiin haw zawk ang u,tihian ka lo awm mai mai tho a ,ka nghak thei a lawm" tihve takah chuan ka pa nen chuan kan vah zawm.

A that chhia tihchu a lo dik tak tak a nih dawn hi ,tlangval ve lai tawh si ,ka duhloh chi tak a ni . Dar 4 velah kan haw a ,kan lo a hla chiam lo nen chungin kan tlai lo hlauh,kan haw rualin bellianin tui ka chhuang a ,mei chu ka vur  sauh sauh,Kan thatchhe Lalpa erawh thutthlengah a mu thluang zuar mai,a pa beidawngin heta a rawn thawn pawh hi awm ka tihluah hluah,vawk chaw pe turin ka chhuak a ,Chaw ka pe dawn tih an hriat rualin an lo vir leh chung tawh.

Ka pek zawh rualin inlamah ka let leh a ,ka pa inbualna tur ka siam lehnghal zung zung,rawng ka bawl pah bawk nen ka hah viau mai ,ka thlan hlap tawh “u Zosang mei hi min lo vilsak mai " ka tihchuan peihloh hmel em em hian a rawn tho tuah tuah a ,vuak mar zawk a nia ka duh,a nungchang hi ka ei thlawt lo ,mei chu a rawn vil ve ngei mahse ,a tuah alh thei lo reng reng,a hmai a tidum veka chu zawng chu,ka pa a rawn chhuah rualin rang zetin bathroom ah chuan a lut nghal .

“ Bawihi hei tak hi a nia apa ten insiam tha tura an duhna,dawhthei taka kan enkawl chuan ala tha em em ang,tunah chuan kan en mai mai rih hi a ngai a ni " ka pa in a tihchuan ka bu nghat ringawt . Hetiang ang mipa hi an awm theih pawh ka rinloh laiin he mihring hian ka rinna a dikloh zia min hriat tir a ni ringawt ,a rawn chhuak chu ka en reng . A lu chu towel in a hru thuak thuak,min rawn en rualin ka lo hawisawn “ Beer vel te hi helaiah a awm lo vem ni?" a tihchuan “ Kan in ngailo" ka lo tihmak.

“Thing hlawm si,nula hmeltha vang bawk , nuam tawlna tur awm bawk silo,khaw thing tak a nih dawn hi . Ka pa hi ka hua" tiin room lamah a lut vang vang chu ka pa nen kan thlir tawp . Zanriah ei dawna ka ko chhuak te chu meng rum tha fia fia tak a ni,Mipa awm duh dah tak leh lerh leh thinchhe tak a nih ka ring . Roomah chuan a phun ri chu pawnlam atangin ka pa nen kan ngaithla ringawt “ Hetiang hmun thing lutuk leh ninawm zetah hian engvanga ka pa Nick Zochhuanmawia pawh hian min dah nge a nih.

Ka bialnu lah a titau a ,he khua hi ka ning hluah hluah tawh " a tihluk hluk,ka nuih tet tet laiin ka pa erawh a thaw hak thung . Hrehawm a ti viau reng ang chu,khawpui thil changkang hlir awmna ah leh nun nuam tak a nei bawk si a,helaia awm chu nuam a tilo tawp ang.