MY CONTRACT WIFE CHAPTER 9 LAST

MY CONTRACT WIFE 

CHAPTER 9 LAST

SARA POV....

Ka pum chu ka chul heuh heuh,tlang hnuai lam atanga thli rawn tleh chho chu dawngin ka mit ka chhing vang vang , Theo lak atanga ka awm bo na pawh thla 6 lai a ni ta ,ka naute pawh a pian  hun a hnai ve tial tial ,ka nun tihlim tu ber a ni tawh,tlang atanga tui rawn khawhthla chu ka thlir reng,ka awmna hmun hi nuam ka tiin khawpui a awm chakna ka nei tawh ngailo “ Sara " ka phu zawk,ka hawi let a ka mi hmuhte avang chuan ka mengkawk ..

Theo , James leh Zóia te maw? Ka hlauthawng nghal hle ,tlanchhiat tumin ka tho chhuak ,mahse ka pum lam a rit ve tawh nen ka tlansawn hman talo, Theo chuan min rawn man hman tlat “ Min thlah rawh ka naute hi i that theilo ang,a tul phawt chuan ka thih thlengin ka beilet ang che Theo,min thlah rawh helai hmunah pawh hian rawn kal tur inilo ,min kalsan rawh " ti tuar tuarin ka tal “ Sara ka tihpalh ,kan fa hi tihnat ka tum lo ,keichuan lo hruai tur cheu in a sin ka lo kal ,a harsa ang tih ka hria ,mahse pa ka ni dawn tih ka hriatna khan min tihamhaih em a ni" a tihchuan ka namsawk.

“ Dawt min hrilh tum tawh suh,I thusawi kha ka hre vek Matty nen chuan hlim takin awm rawh u,ka tibuai tawh lo ang cheu,kei leh ka fa erawh hi chu nungdamin min awm tir hram rawh kan rawn tibuai ngai lo ang che " mittui tling piau in ka ngen ,a hmelah chuan pawi tihna ka hmu thei in ka hria ,nge ka hmusual zawk ,James te pawh an rawn phei a “ Pitar tinge min tlan bosan i mawl em ni " a rawn tinghal hluk ,ka lo en reng ringawt “ A dik chiah,thiante pawh engmah hrilh lo Theo hian sawilo se chu i awmna pawh kan la hre tawp nang " Zóia chuan a rawn ti veleh .

Theo chuan min pan hnai leh in “ Sara ka hmangaih takzet che khawngaihin min ngaidam thei a ngem tunah pawh min ngaidam nghal rawh ka tilo che ,mahse min ngaihdam ngei theih nan i bulah hian awm ve ka duh,chuan an ni pahnih nen inkhua hi nawm hmel an tibawk a ,cham rih an pawi tiin ka ring lo " a tihchuan ka melh vak ringawt ” A dikchiah a hrim hrimin i in awmna phei hi chu hmun dang ai a nalh zawk ,phul vek leh nghal ,awi sawng far thing karah te sawn ka kal chak James kal ang" Zóia chuan a tinghal zat .

He mite pahnih hi engtik laiin nge an lo in ngeih le “ I hriat duh chuan an in ngaizawng ve a nihsaw ,i awmloh chhung khan thil mak tak tak a thleng a sin,ka nu pawhin a ngai tawh hle che a nia,i pa pawh a dam tha tih ka sawi duh bawk e " Theo chuan ka hnung lam atanga min rawn kuah pahin a ti sup,ka pum chu a chul ka tah a chhuak tun “ Kan naute pawh i duhloh kha ,khawih suh ka mamawh lai che pawhin ka bulah i awm loh kha , Theo tunah engvanga rawn inlan leh nge i nih " tiin a awmah ka chum dawt dawt .

Ka thinrim a ka rilru ana bawk ,ka fa thah tum ang hiala a tawng phei kha chuan min tina zual “ Ka tihpalh ,mahse kha kha ka sawitum reng a nilo,ka fa kha tihtlak ka duh biklo a sin,ka thusawi dang i hre hmanlo chu a pawi a ni , Sara ka fa that duh tur khawpa rilru sual ka pu lawk kha ka inchhir hle a sin,ka sawi tawh angin hetah hian ka awm anga,min ngaihdam theih hun ka nghak dawn a ni" a tihchuan ka thaw hak “ Let zawk rawh u,hetah hian nuam ka ti a ,keimaha ka awm thanna a nibawk ,ka in enkawl thei " tihlakin ka tawlh sawn .

“ I tello in ka awm ve thei silo a lawm,inchhungah ka indah dawn " tiin a suitcase chu a khai nghal lawp ” Theo Van Mayor ka sawi awmzia i hre lo em ni haw rawh ,lo lang tawh suh " ka tileh chiam “ I pa chhan nan min nei a ,kan la inthenlo bawk tin i pa pawh kan la enkawl reng,min rulh let theih dan chu ka bula i awm hi a ni " a rawn tihchuan ka ngei hle ,a sawi diklo bawk silo ,inchhungah chuan ka zui lut “ Zaktheilo pa " ti tuarin ka khuma a lo mu chu ka beng sawk “ Amak e baby khawi maw " tiin a lamah min pawt dawrh ,ka delh nghal rawk rawk.

Ka dulin min la do zui,a rawn nui huk mai “ Kan naute hi lo piang vat sela ka duh,ka hlo thlawh rah hi rawn chhuak vat rawh se " a thusawi chu ka ngei hle ,chhan let ka tum lai chuan Zóia leh James rawn au phei ri chuan min titawp, Theo chuan min thawh pui vatin pawnlamah chuan kan inzui chhuak,kan thil hmuh chuan nuih lam lam a tiza ,bawng pachalin a rawn um chu niin “ Sara min pui teh ka hlau ania awi , James " tiin Zóia lah a rak tung, James nen an rawn thlen rualin bawng hmaah chuan ka ding “ Pupy engkim a tha duhtawk rawh " tiin ka en kar .

A ni pawh lu thing buk bukin a kalsawn ,ka thaw huai mai “ Engtin nge a rawn um theih cheu ,Pupy kha bawng zinga zaidam ber leh nghal " ka tihchuan “ James hian a mawngah hmawlhin a vua mawle " a tihchuan James chu ka melh kawk ,a nilahin “ Nge min rawn hnim daw daw a nihkha " alo tibawk ,Zóia nen chuan an inhnial leh nghal char char , Theo chuan inchhung lamah min luhpui a “ In tur hi a awm em , James kan intur leh eitur ken ho kha rawn la lut rawh u " tiin a au zui nghal.

Engtik laiin nge an lo in ngeih hman ni,mahse ka awm loh chhungin thil tam tak a thleng a tih tak kha maw . James te pawh chu an rawn in khai lut a ,awm rei an tum tak tak a nih hmel “ Awi Sara a nuam e,tinge a hma daih khan kan lo kal loh awi,boruak a thiang bawk si a rehin a boruak lah a dai raih lehnghal,kumkhua a awmna atan pawh ka iai miahlo , Italy nen chuan a inthlau lutuk" Zóia chuan a tichul mai ,ka lo nuih ringawt ,rawng bawlin an pathum chuan an phe vut a ,kei erawh min awl hmak thung,ka nau a rit ve tawh nen ka hnial duh lo .

Ka che thei vak tawh lo miau,khumah chuan ka mu dar dar “ Chaw ei kan peih tawh a nia Lalnu " James chuan a rawn tilawng lawng, Theo chuan min rawn pui vat,mahni a thawh pawh ka harsat tawh chu ania,ka thaw hak , Theo chuan min pawm nawlh ka rak that bawk “ Enge i hriat " ka tihlak “ I chak tawh lo a nihkha ,nau i neih tak tak hmaa New York a kan let angai a ni " a rawn tihchuan “ Ka duh bawk lo " ka lo tihlar ,thut thlenga min thut tir rualin an eisiam chu an rawn chhawp zung zung,an thil rawn ken an siam bawk a ,thil tui hmel tak tak ka hmuh chuan ka ril a ti tam zual .

James leh Theo chuan eitur chu min pe khat tlat “ Kei ringawt min pe lo in Zóia kha pe ve ta cheu" ka tihlar “ Ani in nau a pai ve lo ei mai mai rawh ,tlanbo hmang nu ka lung a la awi miahlo a nia ,i thian emaw kan nih kan lo tive a ,mahse engmah i hrilh ngam loh thian chiah kan lo nih hi " James chuan a tihluk hluk ,ka nuih ringawt “ Ka hrilh cheu chuan a hun hma in Theo hian min zawng hmu dawn a sin ,ei mai mai teh u " tiin eitur chu ka ei nghal hlak hlak,a tui bawka ka eitam hle ,keimah maia ka ei thin ai chuan ka eitui bawk ,mahni kha chuan a reh ngawih ngawih sia a ei tui theih tak tak loh 

Zanah chuan tualah meipui chhepin kan aithap , Theo'n guitar perhin an pathumin an zai ,a reh lo viau khau chher leh sava hram riin a belh bawk nen kan thawm chu khawchhunga mi ten an hre pha vek ang . Ka nui ringawt an la zai tui ve em em lehnghal ,mu turin inchhungah kan lut , Theo ka bula mut tum chu ka melh kar “ Chhuatah mu rawh" ka tihmak ,anilahin ka thusawi hrelo ang hmaka awm in a puan rawn ken chu a phah belh a ,a la beng thuk thuk leh nghal “ Lo mu vat teh Sara i bul lo a mut ka tum reng reng lo .

Thla ruk chhung i bulah ka mulo tawh a ,atawk tawh viau min haw viau a nihchuan kut min thlak la min sawisa rawh ,mahse i hlata awm tur chuan min titawh suh ka awm tawh dawn lo ,engtik lai pawha i kianga awm ka duh,ka hmangaih che Sara,dawt tello in ka hrilh ang che ka hmangaih che " a rawn tileh sup ,muangchangin a bulah ka mu thla a ,min lo kuah nghal vat,ka pum chu a chul leh dauh dauh tawh ” Ka naute anu nen hian apa hi min ngaidam rawh u aw ,anu nen hian in rilru ka tina a,apa atna hi ngaidam ru aw " tiin a be mawlh mawlh .

Ka tah a tichhuak tun mai ,ka nghawngah a rawn fawp dan dan a “ Ka thi tep a sin Sara,rawn zawn che ka tuma ka nu lahin engmah min hrilh duhlo ,min haw hlur ringawt ,ka kaltir che kha ka tihsual lian ber tih min hrilh a sin,nitin khan ka zawng che a ,ka zawnna lamah che thi tepin ka awm phah bawk . Mahse ka intichak hram hram a ,nang leh kan naute hi ka zawn hmuh hma chu ka thihsan theilo tiin ka intichak hram hram a ni" a tihchuan ka en vat “ Theo engmah ka hrelo " tiin ka en ,ka hmuiah fawp zauh in “ Ka hria a lawm,hre tur pawhin tumah khan biak pawh dan tur che an hrelo a ..

Ka nu in ka na tuar hmel a hmuh khan ka that chhuah rualin i awmna hi min hrilha ,ka rawn kal nghal a nih hi " a tihchuan “ Khawilai nge i hliam" tiin a taksa chu ka en nghal vat ,nui sukin a pum chu min khawih tir ,a nak ah chuan ser a awm tih ka hre nghal ,thaw hakin ka khawihsak ,a thui danah hliam tenau a nilo tih ka hria “ Nang chiah hi a sin Sara ka la umzui, James u ngei pawh khan hetiang khawp hian min tibuai pha ngailo,mahse nang chu ka engkim ka thil tih tha lo zawng zawng ka sim theihna asin inih ,min tlanbosan tawh hauh suh " a tihchuan a samah tham vakin .

“ Ka kal duhtu zawk chu nangmah inih kha ka tlanbo lo ,ka naute him nan ka kal mai a ni " ka tihlar ,ka ngaihtuah leh zawng ringawt pawhin ka thin a rim “ Ka hria ,ka tihsual ka tih tawh kha ka tihsual chu siam that ka tum reng a nih hi " a rawn ti ve hluk “ Anihtak chu" tiin inher ka tum,mahse a bawp sei zet pahnih chuan min chep bet tlat bawk si ,ka hmuiah a rawn fawp buan buan ,hnar ka tumna zawng zawng chu alo dang zel bawk si ,taksa a chul kual a ,a hma ang bawkin a mah mamawhna in min tuam leh hlup hlup “ Theo duhtawk rawh " ka ti ve tak nangin ka aw chu a ri che che chauh a ni.

Ka hnute ka naupai a vanga lenbelh sawt chu tham tawn tawnin a hmuam nghal chat ,ka thawk a dik tawh lo “ Sara engkim siam tha ang ,ka kalsan leh tawh lovang che ,kan la naupang tih ka hria mahse kan pahnih a chhungkua din ka duh a ni " tiin a thawmhnaw a hlip pawp pawp ka en reng ringawt,ka pum a puar lian tawh bawk si engtia tihnge a tum reng reng ni ,chutah khum mawnglamah chuan min pawt thla a ,amah chu dingin tlemin a rawn kun hniam a ka lo en kar (awi a 🤒🤧☹️😜😝) chutah vanram tlafual chu kan chen dun leh ta delh delh a .

Karhnih vel an cham chhung chuan kan hlim thei hle , James leh Zóia an haw hnu pawhin Theo chu ala awm ve ta reng. Hepa hi a thusawi kha a ti tak tak dawn ani tih ka ring tawh,Ani telin min ngaihsakna chuan amah rinna min neih tir ,zantin meibulah thawnthu min chhiarsakin ka mutthilh hnuah khumah min insawn pui ziah zel ,thlasik a intan bawk nen khua pawh a vawt tawh viau ,ar kan hem hmin a,a bawp inchuhin kan in pawt ngat ngat “ Theo thlah rawh hei chu ka ta tur naupai zawk kenna changte hre rawh " tiin ka pawt zel .

Chutah ka thlah palh in tithei zetin a ei ,ka thinrim lutuk chu ka tap tawp “ Haw rawh ,rawn kal tawh suh ka hmu leh duh tawh lo che " tiin ka room lamah chuan ka inkalh khum “ Baby lo hawng teh ka tihpalh ka fiam che a nihkha " a tihchuan ka thinrimna a tih belhchhah deuh deuh “ I fiam rual pawh ka ni tawh lo tikhan zankhua in pawnah khan awm rawh " tiin ka mut san hmak,min au reng chu ka ning bawk nen ka bengah ear phone vuahin ka mu hmak .

Zinga ka harh a kawngka ka hawnlai chuan Theo chu vawt ti tihhriat tak hian a lo thu ,a pang ka dek chu alo sa vur mai “ Theo harh teh " tiin ka sawi ,a rawn meng suar suar “ A vawt " a rawn ti khur hlak hlak,khum lamah kan inkuah phei ,ka mutthlak rualin khua a doctor ka phone nghal,a rawn kal theih tur thu a sawi chuan ka thaw huai mai , Theo chu tuilum chhuangin a pang ka dep a ,a vawt ti chu a reh deuh tawh,doctor chu a rawn thleng har lo , Theo chu a en nghal vat vat “ Pawnah i riah tir em ni Sara " a tihchuan ka lo bu nghat.

“ Kan inti thinrima" ka tihchuan nui hakin “ Nangni ang rual ho tak hi chu in tih thinrim hi nuam in ti emaw ni,mahse nupa in ni tawha inhrethiam tak chunga kal tum rawh u ,hei ei sela a tha leh vat mai ang,hlauhthawn awm a nilo e a vawt tih vang a nih hi ,in intih thinrim pawhin pawnah lo in inthinrim khum tawh dawn a nia,thlasik a ni tan tawh a ,intihlum hi a tha ber " tiin a chhuak zui a lawmthu hrilhin pawn thleng chuan ka thlah a .

Inchhung ka luh leh chuan Theo chu a lo harh tawh “ I tha tawh em ni" ka tihchuan a bu nghut,alamah min pawt hnaia min kuah nghal hlun “ Lo mu ve rawh ala hma "tiin khumah chuan min mut tir “ Min tihlauthawng a lawm" ka tihchuan a nui hak “ Nangma min tihnat a lawm ka nih,tinge i hlauhthawn leh si " tiin ka hmaiah a chul hauh hauh “ Theo nu Reina te hian min ngaihtuah tawh ngawt ang " ka tihchuan a bu nghat “ Chuvang chuan kan let vat a ngai tih i hria ang tiraw , Sara bul tan thata kan fate nen damchhung hun hman ka duh a ni " a tihchuan ka nuih sen sen .

Karkhat a liam meuh chuan kan in kawngka hmaah kan ding dun ral ,door bell kan hmeta nu Reina in a rawn hawn ruala min hmuh chuan min kuah chawt “ Pa a Sara te an lo haw a nia " tiin a rak chul nghal,pa Christian-a pawh a rawn tlanchhuak vat,kan inkuah khawm dal ,inchhungah chuan lutin nu Reina chuan min ngaih thu a sawi siam siam,ka pum lian a tih tawh zia sawiin kan nui dun a , Theo leh a pa pawh kan bulah an thu ve bawk .

BONUS

Ka nau neih thla a ni ve ta reng mai , Theo lah chuan min ngaihsak em em a ,min kal hlatsan ngailo tih tluk a ni, college pawh ka kal chhunzawm talo a chhan pawh ka fa tan hian hun insiam ka duh ani. Ka pasal leh a chhungte ngaihdan a ni bawk ,ni e pasal ka nei tawha tin min duatin an ni lah thil ti thei tak an ni bawk nen keia tan chuan an tana theih tawp ka chhuah ve theihna chu an tu tur hrisel taka pian tir hi a ni tih ka hria.

Ka pa pawh hospital atanga chhuak tawhin mall ah a thawk a ,amahin a indang ve bawk,a nun chhia zawng zawng a kalsan thei chu ka lawm a ni. “ Theo ka ril a tam " tiin ka pasal movie en chu ka va bawh thak ,“ Enge i eichak " tiin a laptop chu a khuh tharh,pa a ni dawn tih a hriat atang hian a patling sawt viau lehnghal,nui var varin “ Arbawp ,chuan soup pawh ka nu lo siam tir la chuan ih vawksa leh hmarcha kan pawlh pawh aw ,mukbang ka ena ka eichak lutuk " ka tihchuan nui sukin a tho nghal zat .

Inhnuaia a chhuk hnu chuan khumah mu thla in ka ham bai bai,ka mut a chhuak riau lehnghal ,“ Le i thil duh a rawn thlenga " tihri ah chuan ka mengchhuak,ka lo muhil hman a ni ngei ang . A awm tho e an siam chhung nen ka chau ve hle a niang “ Ka lawm e Theo" tiin a thil rawn chhawp chu chil lem dawk dawkin ka ei nghal ,“ A tui lutuk " tiin ka nui ver ver , Theo pawh chu ka pe ve bawk ,kan pahnih chuan si hliam hliamin kan ei dun a ,Kum 19 lekha nu ka ni dawn tih hi awih a har rum rum zawk .

Mahse pasal leh nu leh pa tha tak ka nei a ka lawm tho ,kan eizawh rualin tui vawt kan indun leh ,khatianga thil thak leh tui si kha ka la ei ngailo ,ka pum chu ka chul heuh heuh “ Ka nupui leh ka naute hi an puar em " a tihchuan lu bu nghauh nghauhin “ Naute in papa lawm e a ti" ka tihchuan Theo chuan ka dul fawp zauhin a chul heuh heuh,ani pawh in pa tha tak nih tumin theih tawp a chhuah a ,naupang enkawl dan lehkhabu pawh a chhiar nasa .

Atira pa nih in peihlo kha tunah chuan a nghakhlel ber berah a tang tawh ,ka pum na riai riai nen chuan toilet atangin ka chhuak, toilet kawngkhar ka pel chiah chu ka tuibawm a rawn keh a , Theo ka au nghal chul a rawn tlan phei “ Ka nu te ko rawh ka tui bawm a keh a nia " ka tihchuan rang zetin a tlanchhuak a ,reilote ah damdawi in lam panin kan chhungin kan tlan nghal ,nau ka vei chhung zawng Theo chuan min kalsan lo hrim hrim,ka kut chelhin doctor ho min buaipuina karah chuan min lo fuih ve reng.

Chu chuan chakna min pe a mi,ka pa leh Theo nu leh pa te chu pawnah an lo awm bawk, reporter ho lah chuan engtin nge an lo hriat leh hmanni damdawi in kawtah ka nau hrin hun nghakin an awm thup bawk ,naute tap ri ka hriat rual chuan ka mu thla hnawk ,ka san nan ka thlan hlup bawk ,chungte chu Theo chuan min hruksak hliau hliau “ Ka lawm e ka nupui duhtak ka hmangaih che " tiin ka hmuiah afawp a ,kan fapa puana an tuam hlim chu pawmin a en vawng vawng.

“ Khawvela naute hmeltha ber a ni" a tisup, doctor leh nurse te pawh chuan an lo tui hnih ve bawk ,ka nu te pawh chu rawn lutin tupa an nei tih an hriat chuan an lawm hle ,nikhat kan awm hnu ah damdawi in kan chhuahsan a ,mipui lam pawh ka nu leh pa ten kei leh naute la sen chhung chu min chim buai lo turin an ngen bawk ,lawmpuina pawh kan dawng nasa hle ,mihausa an ni bawka company hrang hrang lam atang pawhin thil pek kan dawng hnem hle .

“ Samuel van mayor " kan fapa hming chuan ka lung a dum hliah hliah,a pa ang maia sam dum hlap ,an hmai fangah pawh an inan zia a lang reng bawk a ,a mitmeng erawhin keimah min chhunin a pawl phat thung. Ka hnute hne dek dek chunga mitchhing chial chu ka en reng, Theo room rawn lut chuan kan nufa in min rawn pan vat “ Ka hmangaih te u " tisupin ka hmuiah a rawn fawp ,ka lo nuih var var mai “ Theo hnute a duh reuh zia hi " ka tihchuan rawn nui hakin “Keimah min chhun a nihchu" a rawn ti a .

Ka lo nuih ve hak ,a fapa muhil chu pawmin ka bulah a rawn thut pui a ,a en vawng vawng mai ,a kum ngaihtuah chuan kum 24 chiah mah nise ka tan chuan pasal tha ber a ni “ Theo " ka tihchuan ka lam a rawn hawi nghal vat “ Ka hmangaih lutuk che " tiin a hmuiah ka fawp “ Keipawhin ka hmangaih ber cheu " tiin a fapa chu mutin min pawm nghal hlun ” Ka neih rohlu ber inih hi " tiin ka chhipah fawpin min awi hlu hlu a ,ka nui hak .

“ Company lam chu i enkawl tawh dawn maw?" ka tihchuan a bu nghat,ka pa ten University chawlhsana company enkawl tawh tur a an tihna chu a pawm ta tihna ania ,mahse keichuan engpawh ti dawn che ka thlawp reng fo ang,kei leh a fapa hi min thlahthlam dawn lo tih ka hria,khumah chuan min delh tlu riai riai,ka harh leh chuan khua a lo thim tawh a ,room chhungah an pafa a hmuh tur an awm loh a vang chuan tho chhuakin inhnuai lam ka pan.

Ka nu leh pa te nen chuan bawihtea chu an lo bawrlaih a an buai hmel em em lehnghal ,ka nuih an tiza hle “ Pitar " James leh Zóia ka hmuh chuan ka au chul mai kan inhmu khat bawk sia chutia an rawn leng lut chu ka rin phakbak a ni “ Naute kan lo en dawn ,kan tello in tlei viau mahla " James chuan a rawn tikher ,hepa ngeiawm thiam lutuk lah hi,Samuela chu an pawm a “ Awi a duhawm zia hi James " Zóia chuan a tichul “ Kan siam ve dawn nia" James lah chuan ngaihsam zetin alo ti kan nui dar dar.

Zóia erawh a sen tawn tawn thung ,Samuela pawh hnute ngenin a rawn tap al al ,ka kutah an rawn dah vat,ka kawr hlima hnute ka pek ve leh Theo chuan James a mit hupin” En ve suh " atinghal hluk . He mite pahnih in hmu alh chuai chuai reng hi engtikah tak reh ang maw,an thik thu te lah hi a chhe dun nasa mai sia,an lu pawh ala buk tluang zel e “ Enge ka hmu tawh tho tho,ka hne dawn pawh ni hleilo.

Hey bialnu ka neih ve reng hi aw ,pitar hnute te chu ka awt teuhlo " James lah chuan a lo ti hluk hluk,ka nu leh pa te ho chu an lo nui dar dar ,zanriah pawh kan inah an ei ve nghal,chaw eikham lamah kan thian li in movie kan en ho a , Theo an a fapa a pawm bawk ,a inhmeh hnup hnup thin a nia aw ,mi hi an tihlim veng veng, James te an haw rualin roomah min luhpui,kan fapa chu a bawmah a mut a ,min rawn pan nghal chat .

“ Ka hmangaih zia che hi i hria em " a rawn tihchuan ka lo bu nghat,ka nuih var var bawk ,a duh ka hria a nghawngah kut suihin ka ding dihlip ak ak ,ni e keipawh hian ka hmangaih a ni . A tello hian ka awm thei pawh in ka ringlo,ka tan chuan khawvela mipa tha ber a ni ” Theo van mayor ka hmangaih che ,ka thawk tawp thlengin " tiin ka bula mu chu ka hrilh sep sep,ka kut fawp zauhin “ Forever my love ,ka nuna ilo lut hi ka lawm ani Sarah Wilson " tiin a fapa chik that that lam hawiin ” Fapa sual" ti a phun sup a a pan phei chu nui hak hakin ka en reng.

He ka chhungkua hi a kehchhiat loh nan theihtawp ka chhuah anga,a kehchhiat ka phal ngailo ang ,ka neihchhun te an ni si a .

Tawp ta tak2 e ,kan peih leh S2 mai thei aw muttui u