MY CONTRACT WIFE CHAPTER 8

MY CONTRACT WIFE

CHAPTER 8

“ Hey Sara i tha maw " mipa pakhat ka hriat ngai pawh nilo hian Theo nen kan kal chu min lo bia “ I chhelo hle mai ,a tir nen kha chuan i pdang takzet tawh a nihkha " a rawn ti a “ Hey nang kha khatiangin sawi leh vaih teh ,i chak lo ang " Theo chuan a tihrawk,a in hum ruh leh tun tawh. Hepa thik thu chhe lutuk lah hi ,chupa pawh chu a kalsawn nghal vat “ Melh pawh melh tawh suh" tihlukin a kawr chung chuan ka lu a rawn khuh nghal .

“ Enge i hriata hawng vat rawh Theo a mak e " tiin a kawr chu laksawn ka tum ,a kut in a tham bet tlat bawk si “ Ka duh ai miin an hmu tam tlat ,tikhan nilengin khum mai rawh " tiin min kalsawn pui ,kalkawng lah ka hmu thei der silo ,min kai lo phei se ka inchhuih tlu tawh ang . Hahthlak thin e ,a thikthu te lah hi a pe chhe thei mai sia “ Thiana kha enga tinge " a thiante aw ka hriat rualin “ A lerh dawn tlat ka duh lo " pakhata lah chuan alo tihluk,a thiante chu an nui dar dar ,ahma kha chuan ka haw hlawm em em a tunah erawh kan in ngeih hlawm viau tawh

An bula lo awm ngun chuan an thawven zia ka hre chiang zual,an naupang chhia thei hle bawk “ Theo min thlah tawh teh,ka ning class a ka luh a hun " ka tihchuan min hawng ve hram . Ka hmuiah fawp tawkin “ Mipa dang melh tawh suh ka tihkha hre reng rawh " tiin min nam dawt dawt “ I thikthu a chhe lutuk aw ,hey Robert inthianpa hi lo hrilh fing tawh ru " tiin an thian zinga upa ber chu ka en ,nuihzat hmel zet in min en thung. “ Nangpawh hmeichhia hnaih leh vaih teh a bikin Matty ka ngaina miah lo a nia aw " tihlak hlakin ka kalsawn a .

Class ka luhchuan James leh Zóia pawh an lo awm tawh ,an lo inhnial leh tawh a nih hmel, Theo kawr chung chu ha in an bulah ka va thu “ Bialpa i neih hma ka ngai,bialpa inti neinu " James chuan naupang chhia zetin a rawn ti bul bul ,ka lo nuih hak hak “ Sara Theo kha i pasal maw? In inhmeh tawp " Zóia chuan tiin a nuisang “ Milar nupui thian ka nei dawn a ang riau,a van nuam tak America hi nuam ka ti sawt " tiin a nui var var reng “ Huh i lar ve chuang lo a ,anilawm ni?" James chuan alo tihsak leh an inchum lehnghal awk awk.

“ Kartawp chu picnic ho ang u,James Theo te nen Zóia nangpawh lo tel ve rawh kan pali in intihhlimna te nei ila a nuam dawn em asin " ka tihchuan a bu nghat nghat , James erawh Theo ka sawi vang nge a tum leh bur tawh“ Ka sawi chu i hria em Samsei ilo tel ve duhloh leh i thu thu " ka tileh “ Dawn dawn dawn " tivakin lehkha a bih nghal daih,Zóia nen in en in kan nuih char char ,hepa hi chu upa ve tawh viau e tilo hian a puitling thei thlawt lo a nih hmel,lehkha lah a thiam theilo bawk si.

Hei vanga Theo aipawha pawl hniam a nih ka ring  ,ban rualin Theo chuan class pawnah min lo nghak “ Anih Zóia mangtha phawt u,kan inhmu leh dawn ania " tiin ka ban ka vai hman awrh tihah Theo chuan min kaiin min hnuk dawr dawt ,Zóia nui chu ka hmu phe vuai “ Ka ning e Theo van Mayor min theh phar dawrh dawrh thin suh,hei ke ka nei ka kal ve thei " tiin a hnungah chuan ka chum dawt ,mi an awm ve teuh nen hetianga a awm reng hian min tithinrim ,min chawi lawpin bike ah chuan min hlang chho a .

“ Thinchhe hmeltha hlik hlek te ,i hmel hi midang hmuh ve vak ka phallo ka tihtawh kha ,haw vat ang zaninah party naah hruai che ka duh " a tihchuan ka en ha “ Eng party maw?" Tihu in ka hawi kual “ Xavier birthday party chuvang chuan nalh taka inchei turin ka duh che ,ka nupui hi miten a nalh ber ani tih an hriat theih nan " tiin ka chalah a fawp zauh “ Theo kan la naupang sia,mite hian mak min ti angem le " ka tihchuan a helmet khum pahin “ Nge mak ang kan innei tawh miau ,sawi theih an neilo le invuan nghet rawh le " a tihrualin a kawngah ka kuah vat.

Kan tlanchhuah hnu ah dawr pakhatah min luh pui,tlereuh zawrhna tih ka hre thei ” Enge kan tih dawn " tiha in ka melh ,thi leh sana chu a enkual dan dan ,rangkachak leh lunghlu hmang veka siam leh nghal “ Bun chhin teh le " tiin sana nalh zet rangkachak leh lunghlu hmanga chei chu min pe ,a nalh hle ka bun mai loh vang chuan amah chuan min bun tir a “ I inhmeh lutuk hei kan lo la ange ,chuan kha laia Blue diamond necklace pawh kha " tiin thi nalh zet mai chu akawk nghal ” Theo angailo a to dawn si " ka tisap ,a to dan tur ka hre reng,lunghlu tha ber ber chi hmanga siam vek lehnghal.

Amah pawh chuan ka sana ang chiah chu ala ” A ho lutuk,pawisa chu a tam a lawm,ka pa duhdan zawk a ni e ,hetiang aia tha hi i phu " a tihchuan ka en hau,dawr neitute lah chu an lawm hmel em em lehnghal ,thenkhat lahin awh hmel zetin min en bawk , Theo chuan thi chu ka nghawngah min awrh tir a “ Phelh ngai suh ang che" tiin min hrilh pah bawk “ Miin min suam mai ange aw " ka tihchuan nui hukin “ Lungngai suh,a ruka vengtu i nei reng tin keimah pawh ka awm hi engbuaina mah i tawklo ang,min ring rawh " a tisup sup ,card pe in min kaichhuak leh hlawk hlawk .

Tinge a hmanhmawh em em reng le ,“ I mit tuam lawk ang aw " a tihchuan mak ka ti deuh deuh,mahse ka lo pawm ve mai ,ka mit chu tuamin bike ah chuan min hlang leh a ,kan tlanchhuak leh nghal vat. Eng tak tih tum ang maw? Hepa hi chu hriatthiam a har a nih hi ,min dinpui hnu chuan thawm a awm deuh nangin a reh leh vat “ Theo khawiah nge kan awm ,thil thalo te hi iti ange aw " ka tihchuan nui hakin ring turin min hrilh sup ,kan kalna hmun chu zau tak anih ka ring .

Chutah kawngka a hawng tih hriat takin a ri rak “ Le " tiin ka mit tuamna chu a phelh chuveleh ka pa leh nu Reina ,pa Christian te ho bakah damdawi in athawk ho chuan “ Happy birthday" an lo tirual thap. Ka ang pham ,ka birthday tih pawh ka hre miahlo “ Nangpa hi Xavier birthday itih kha dawt a ni chiang lutuk,engtin nge ka birthday i hriat theih ka pa pawh " tiin zawhna nen Theo chu ka melh“Ka lakah hian engmah i zep theilo ang Sara,chuan enge ang i tih zanlamah party nen " a tihchuan ka nui hak.

Ka birthday hi ka lawm ngailo a ,hetia min thawng thut hi a mak ,ka lawm ngailoh avang khan ka lo ngaihsak ngai miahlo kha a nia ,ka pa nen chuan kan inkuah vang vang,a ni pawh a tha tawh takzet,heng thil zawng zawng hi Theo te chhungkua ka tawn vang hi a ni tih ka hria ,an ni hi awm lo se ka neih chhun ka pa hi ka no chan tawh hial mai thei. “Theo ,pa ,nu in chungah ka lawm lutuk aw" mittui hnam parin ka tichhuak tiau,thi leh Sana pawh hi ka birthday present tih ka hrechiang viau tawh ,Theo min lo nuih var var tu chu panin ka kuah thlawp.

Hepa hi a tirah khan sual viau mahse tunah chuan ka duh takzet tawh . Inah kan hawng a ,zanlam party na tur chu kan buaipui mup mup,a ngailo ka ti nachungin an tilui tlat sia dan theih pawh an nilo . James leh ka thianthar Zóia pawh an rawn kal ,ka hlim zual kan rak chul mai ,kawrfual nalh zet ka ha a , Theo suit nen ka bulah ading zurh bawk. Ka kawngah a kuah run renga ,rawn kal apiang chu kan lo chhawn dun ,ka hlim veng veng ,kan college a mi chu an rawn kim ve viau mai .

Theo nen chuan kan lam dun a ,kan pahnih chauh awm chu a nuam dangdai hle , music  rawn play leh a,midang pawh a kawp te te in an rawn lam James leh Zóia pawh inhau pahin an lam dun,ka nuih ru char char , Theo chuan ka nghawng a thawk khum lum ham ham,ka thi awrh chu eng hnuaiah chuan a lang paw tak ngaih a ,ka nghawng var zetah chuan a lang chiang viau,Kan sana inang bun chu lekchhuak dunin kan in nuih var var “ I nalh lutuk Sara,he khawvel hmeichhia zawng zawngah i nalh ber " tiin ka nghawngah chuan a fawp zauh.

“ Nang pawh khawvel mipaah i hmeltha ber " ka ti ve a ,a nui hawk hawk, music chu rawn thlakin hot lam an rawn play a ,kan lam dan style thlakin rang zet chuan kan intheh kual,Kan nui dun hawk hawk ,lampui inthlakin James nen chuan kan lam dun “ Pasal neih nuam ti hawr hawr nu" a tikher chu a lu ah ka chhu tawlh,“ Ngawi mai mai rawh luhnim,Zóia hi i en duh riau in ka hria " ka tihchuan a pha nasa teh e ,keilah ka nuih a za deuh deuh, eitur kan ei hlawma cake lian zer chu Theo nen zaiin kan inbarh dun a .

Midang pawh chu kan barh kual bawk ,thilpek ka dawng nasa hle ,kum danga ma birthday nen chuan inthlau tak ani ringawt. Midang haw hnu ah Theo nen chuan kan pahnih chauhin inchungah kan awm dun a ,thla eng ruih hnuaiah chuan kan lam dun ,ka hlim veng veng “ Kan inhmuh tirha min huat nen Theo hriatthiam i har " ka tihchuan a nui hawk hawk “ I hmeichhe hmuh ngailoh nei turin ti thut che in,Chu hmeichhia chu i nunah a pawimawh ber ala ni dawn tih hre lawk lo la ,ini ve tho ang" tiin ka hmuiah a fawp zauh .

Nuih hakin a dul phiar fat chu ka chulsak heuh heuh “ Theo ka hmangaih che " tisepin ka en chho kiau “ Ka engkim ini,ka hmangaih che " a rawn tih ve chuan ka mittui a hnamsawk,ka hlim lutuk vang zawk a ni,a hma kha chuan hetiang hi ka beisei phalo,mahse khawvela ka mipa hmeltha tihberin min hmangaih ve a nihchu, Theo van mayor hmelma angin bul tan mah ila,hmangaihna in tawp kan khar ngei ka beisei ani,chu zan thlaeng nghiai hnuai tuipui ri hriatphakna hmunah chuan zanlai thleng kan awm dun ,a taksa lumna chuan vawt lakah min hum si a .

An Sana lei👇

ZAWMNA

“ Theo arsi thlawk ka hmu a nia " tiin ka rak chul,a eng pup mai (keipawhin a takah ka hmu tawj a eng fiahsia a analh lutuk,mahse a rei ngailo thlawk chak pur pur arsi them tla an sawi a a Len zawng ang khi😄🤭) “ Khawi maw?" Theo chuan a rawn ti sup “ A bo leh daih tawh,kan tlaivar dawn a mi naktukah kan mit a bui vek ange" ka tihchuan nui hawk hawkin inchhung lamah min pawm lut.

Sana ka en chu zinglam dar 1 a lo ri reng tawh ,kan intifaina ,mutkawr ka hak rualin Theo chuan khumah min pawm phei leh nawl nawl ,kan nui dun nasa hla ,inkuah chialin khumah chuan kan mu a ,a roomah a awm hman meuh tawh lo a inthlak te a nihloh chuan ,ka mut a chhuak bawk a ,ka muhil nghal mai “ Theo enge tih i tum leh tak i ti harh ange" nu Reina aw ka hriat rual rual in mit nuai chat chatin ka tho chhuak “ Theo " la meng mang lo chuan ka au nghal .

“ Hetah ka awm e " tiin min rawn kuah,ka lo pawm vat ,chuveleh min din chhuah pui nghal nawlh ,ham bai baiin Theo sana min leisak chu ka en zauh,dar 10 ka mengkawk “ Theo class kan tlai dawn a nia " ka tihchuan nui hawk hawkin “ A pawilo vawiin chu ka pa in company lama kal turin min duh a ,Ilo tel ve duh em " a tihchuan phur zetin ka lo aw nghal vat ,nu Reina pawh nui hak hakin inhnuai lamah a chhuk thla ,kan intihfai zawh rualin Theo nen chuan kan chhuk ve a “ Bawiha vawiin chu Sara alo tel ve dawn maw " ka pa chuan a rawn ti a .

Theo chuan ka tel tur thu in a lo chhang ,pa Christiana pawh a nui vur vur mai “ Bawiha in in neih dawn lai kha a va ang ta lo ve " a tihchuan Theo a phun hluk,kei leh nu Reina chu uar zet in kan lo nui thung “ Nang kha nui ve suh" Theo chuan rum zeta min rawn melh pahin min um ,ka tlan chhe nghal vat ,inchhung dungah chuan kan inum rak tuar tuar ka nu leh pa ten min lo au chul bawk ,maid ho pawh an nui tet tet hlawm tih ka hmu thei ,hepa naupang chhia lutuk lah hi engtia tih chi nge maw ni dawn ni.

“ Ka tlawm ka peih tawh lo ka chau " tiin ka thu hnawk ,ka thaw hlawp hlawp tawh “ Theo ka lu a hai " ka khaw hmuh a phe ruai mai ,nu Reina te rawn tlan phei leh Theo in mangang zeta min pawm kang nawlh bak ka hre tawh lo . Ka mit kham urh chuan ka meng chhuak “ Sara i tha em tinge engmah i sawi loh a " nu Reina chuan hlim hmel zetin a ti a ,ka melh haw ,enge an sawi awmzia hi , Theo ka en chu engmah pawh a sawilo “ Nu enge i sawi awmzia" ka tihchuan “ Nau i pai a lawm Sara thlakhat a tling tawh lehnghal " a tihchuan ka phu zawk.

Theo chu a chhuak daih ,ngati nge khatianga a awm le ,a lawm ve miah lo vem ni? “ Nu Reina engmah ka hre biklo ,tun hi insawia ka hre ve chauh a ni " tisepin ka pum chu ka chul zauh ,damdawi ina kan chhuah atangin Theo ka la hmu miah lo ,biak tumin a room lam ka pan a “ Pa ni turin ka la in peihlo Matty,chubakah Sara hian ka fa a pai ang tih hi ka ring bik lo a ni" tiin a thaw hrawk “ Ka hria a lawm ka ruahmanna te chu" tiin a sawi chhun zawm “ Kum hnih hnuah kan inthen dawn a ,engmah buaina tur a awm lo buaina ber chu ka fa a pai hi a ni,tihtlak ngei ka duh" a tihchuan ka ka ka hup.

Theo hian min hmangaih ve miahlo maw? Ka mittui a hnam sawk ,ka fa hi a duh velo inhnuailamah ka tlan thla hlawk hlawk ,nilo ka fa hi min thahsak thei lo ang ” Nu Reina ka haw a ngai " ka tihchuan phawk zetin min lo en “ Tinge Sara" a tihchuan ka chhang theilo “ Ka haw a ngai ka ,keimaha ka naute nen hian awm rih ka duh khawngaihin engmah min zawt suh " tiin ka room lamah ka tlan chho hlawk hlawk ,ka thawmhnaw ka siam sa vek inhnuai lamah ka chhuh leh lai chuan Theo pawh a lo awm tawh. Ngawi rengin min lo melh ngur.

Nidang ang kha chu nise hlim zetin ka be leh siam siam tawh ang. Mahse ani hian min mutpui chu a duh a ,mahse ka fa erawh a duhlo ,nu Reina thusawi tum chu ka mitmengin sawilo turin ka ngen,thaw chhuak hawkin “ Bawiha naute hi i ngaihven miahna nge " a ti ta zawk a Theo chuan“ Chutiang pawh a nilo " a lo tisup ,kei erawhin engmah sawi lo in ka chaw chu ka ei mial mial, Theo chhuah veleh kan khawlam pan bus in ka haw mai ang ti rilru in nu Reina erawh thil awmzia ka hrilh ngei a ngai bawk ang ,chutilo chu ka kal a phal dawn hauh lo.

Theo chu company lam en tur chuan a chhuak zui a ,keipawh ka room lam ka pan vat “ Sara haw chu i tum tak tak em ni ? " Nu Reina chu enin ka mittui a far fap “ Nu Reina ka tihpalh ka kal a ngai ,kei leh ka fa hi kan himnan " tiin ka tap “ In him dawn alawm Theo pawhin a phallo ang " a tihchuan “ Anichu ka tello in a awm thei , Matty a nei alawm an pahnihin ka fa hi tihtlak an tum a ni,chu chu ka thlen tir theilo ka kal dawn nu Reina min dang suh ka kal dawn " tiin ka chhuak hlawk hlawk ,bus stand lam panin ka kal,nu Reina chuan min au lawm lawm bawk .

Kan khaw bus chu a rawn tlana ,a din rualin ka chuang lut vat “ Theo ka hua che " tisepin ka dul chu ka khawih,he ka fa hi duhlo mahse keichuan ka duh a ni,kan tlanchhuah rualin ka thaw ham ham darkar 5 hnuah ka khua ngei ka seilenna hmun chu ka thleng ta ,ka in lam panin tlang pawng lamah chuan ka chho hnak hnak ,ka in ka thlen chuan a lo hnim ve tawh hle ,inchu ka hawnga ka hawi kual nghal ruai ,ka awm lo rei bawk nen a lo chul rup tawh . Tihfai ngai ang ang chu ka tifai nghal zung zung ,ka zawh meuh chuan zan dar 8 a ri der tawh .

Ka khumah chuan mu in ka thaw ham ham,ka hahdam huai bawk hetah hian kei leh ka fa chu kan awm thei em em ang , Theo van Mayor rawn kir pawh tum mah la ka ngaidam mai mai lo ang che .

THEO POV....

In kan thlen rualin ka nu chuan min rawn pan in ka hmaiah a beng thuai,a mittui a tla bawk “ Ka fapa ini hi ka zak ngawih ngawih " tiin a inhnit hlawp hlawp ,ka pa chuan a kuah nghal vat “ Nu enge a awmzia khawnge Sara" ka tihchuan ka nu chuan min melh rum zual sauh “ Kha hmeichhia kawp tawh suh ka tih nena in thusawi avangin Sara chu a kal tawh ,I fa ngei pawh i duhlo a nihchuan engvanga mutpui nge inih mipa pawh inih loh hi,ka fapa ni tur pawh hian ka duh lo che " tiin ka pa awmah chuan beiin a tap zui hlawp hlawp .

Eng maw? Sara a haw a maw ,ka pa chuan min melh hrawkin “ Enge a awmzia i fa tih tlak i tum amaw Theo van Mayor ,eng thil nge i hriat " tihrawkin min melh khuih khuih tawh “ Sara hian i pawisa vangin a neilo che ,a pa kha i hmu a nilawm ni a pa kha nang nei lo che se a thi ngei ang . Sara i ngaihdan hi thlak ang che ,I then a nih pawhin kha hmeichhia kha chu i lakluh ka rem ti ngai lo ang " ka pa chuan a rawn tichang fak “ Chutiang a nilo a sin,pa niturin ka la in peih in ka hrelo a ni " ka tichhuak sup ka ngaihdan dik tak pawh a ni renga .

Mahse Sara duh lo chung kan fa kha tihtlak ka duh reng reng lo“ Nu Sara te khua chu min hrilh rawh " ka tihchuan ka nu chuan alu a thing nawk nawk “ Sara leh naute an hima naute apiang tih ka hriat hunah chiah ka hrilh ang che . Tun a tan chuan Sara hi hmu lo la a tha zawk " ka nu chuan a rawn ti , Sara a ngainat zia ka hria a a natpui dawn tih pawh ka hria , Sara khan ka thusawi dang a ngai thla hmanlo ani ngei ang ,ka hmangaih a sin .

Mahse tunah chuan min hlauin a awm bo daih ta si

SARA THI AW👇🤭🌹

ZANTIN KUT RUAKIN MU LA ,TICHUAN TUK TIN THLAMUANNA LEH BEISEINA THAR NEN I THO LEH THEI ANG . MUTTUI VEK U