MY CONTRACT WIFE CHAPTER 5

MY CONTRACT WIFE

CHAPTER 5

Sava hram ri ka hriat avang chuan ka mengchhuak riai riai , Theo kawrchung chu sinin ani erawh a lo awm tawh miahlo ,ka hawi kual ruai min haw san em ni niang? Keimahin haw dan tur ka hre der silo ,hmanhmawh zetin ka tho chhuak a ,ka awmna phul hmun atang chuan ka tlansawn nghal vat,tuipuikam lam ka va chhuaha ka thil hmuh avang chuan thaw huai chungin ka pan hnai .

Theo chu tui a lo cheng mek, tui chhung atang chuan min rawn en a ,lalpa a pian nalh zia chu,a sa chu a muk deuh talh,exer la thang tih a hriat, James kha chu a sa pan lam a ni a Theo erawh a sa a nghet tlut ,min rawn nuih chuan ka khawng awt “ Ilo cheng ve dawn lo vem ni?" Tiin a rawn au a ,ni a lang tawh bawk a pawi ka ti em em lo ,muangchang in ka inphelh ka bra leh panty nen chuan ka pan phei ,ka zam hle min lo en reng lehnghal .

Tuipui lam pan chuan ka hleuh phei ve a ,a bul ka thlen rual in tuiin min lo theh kher lehnghal. Rum taka melhin tui chu ka vai per khum chuai,tuihnuai lamah chuan a liluh daih lehnghal ,keipawh chu in liluh ve in tuipui chhungah chuan ka hleuh kual,Sangha nalh zet zet leh tuihnuai hnim nalh tak tak chu enin ka hleuh kual zel an mawi takzet , Theo chu ka bulah rawn hleuhin a taksa nalh zet chu a inher kual pui a ,tuichhunga chet vel chu a hnehsawh hle mai .

Tuipawn lama kan chhuah leh meuh chuan mi an lo awm tan,englai pawhin beach hi chu a lun reng zel a nih dawn hi ,ka thawmhnaw chu ka inbel zung zung, Theo erawh a kekawr bul nen chiah chuan thawmhnaw ha lo in a awm reng,nula awm ve ho chuan an melh duh viau mai . Car lam pan chuan kan inzui hnak hnak,tun hi kan inneih hlim atanga in ngeih taka kan awm hmasak ber a ni . A car chung chu hnunglamah a thlep daih a ,van lam thiang kuk chu a lang chiang viau bawk 

“ Avan nuam tak a hahdam thlak bawk si " tiin ka kut phar chhuakim thli fim chu ka dawng heuh heuh ,ka hawichhuah chuan Theo chuan a car khalh pahin min lo melh leh zauh thin tih ka hre thei “ Hetah hian i kal fo em ni?" tiin ka zawt a “ Ka hman chang a piangin " a rawn tive mai bawk ,in be lo in kan awm ta reng ,in Kan thlen chuan nu Reina leh pa Christian chu pawnah an lo vei thuak thuak tawh . Chutia Theo nen a min hmuh takah chuan thaw huaiin min rawn pan vat.

“ Bawiha in tha tiraw ? Min va tihlauthawng em em ve ,engmah in rawn sawi silo khawnge in kal " nu Reina chuan a rawn tinghal zung zung a , Theo chuan kan awmdan a sawi chuan mak tih hmel takin min en dun ,mahse engmah an sawilo pa Christian chu a hlim hmel viau mai ,inchhungah lutin chaw kan ei a ,room lamah inbual turin ka lut zui ,class kal kan tlai tep tawh . Inthlak zung zung in t shirt ha in pawnfen dum a plane ka malpui thleng chiah khuh chu ka feng a ,ka t shirt chu ka bilh lut tat,a chungah bomber jacket chu ka hak thuah a,ka sam chu ka thlah siau bawk .

Ka mitmu pawl ram nen chuan a inhmeh viau ,nui var varin room atang chuan ka chhuak , Theo pawh a rawn chhuak ve chiah anih hmel,t shirt dum ha in truck kekawr a ha a ,a in hmeh leh pek viau a sam chu a tiphir bawk,a sam hi a sei mah mah ani. Ka inchei dan chu min en ngur ,ka kawng a chin hnuai lam a en phei chuan ka khur dar dar “ I mit kha lasawn rawh " ti thatin inhnuai lamah chuan ka chhuk nghal ,ka hnungah a rawn kal ve zel ,a bike awmna bul kan thlen chuan melh zawkin taxi phar ka tum chu ka kut man betin “ Lawn rawh " a rawn tisup .

Ka lu thingin “ Angai lo ka lawm e ,min kalsan zawk rawh " ka tihchuan thaw hrawkin ka kawngah chawi nawlhin a bike hnung sang zetah chuan min hlang nawlh . A bike hi a sen leh a dum intial nalh zet ani a ,a mah a sang bawk nen a pian nalh zet nen chuan a bike lu lawk zet te chu a inhmeh viau ,a bawp sei zet chu khaiin a bike ah chuan a rawn thu a ,a hniam sut mai ,a helmet chu khumin a tinung vut vut ,ka rilruah James an a khalh chak thin zia a sawi kha ka ngaihtuah chhuak zawk “ Theo khalh chak miah suh aw" ka tihrual chiahin vung zetin a tlanchhuak .

THEO LEH A BIKE 🤭

Au tuarin ka pawm rawk rawk a nui tih a taksa che dawt atang chuan ka hre thei,ka mit ka chhing a ka rak chul James mah kha a khalh chak ka ti a nia Theo phei chu lalpa ka thi dawn in ka hria “ Khalh muang rawh ka hlau a nia " tiin ka rak chul,a hnungah chuan nghet zetin ka bei ,ka sam leh ka kawrchung hak bakah ka pawnfen chu an phe hlawp hlawp bawk . A khalh muang ve hram ,a sam thli in a chhem phet hlep hlep chu ka en ,a hmel naupang tak nimahse a mitmeng pa hrak hian mi namai a nihloh zia a tilang chiang hle.

University kan thlenga mi chuan min lo en duh hle ,ka inchei dan danglam tak vang leh he University a lar ber hian a nupui ka ni tih nizan khan a sawi miau a lawm " ka kawnga rawn vuantu avang chuan phu zawkin Theo chu ka en ha “ Enge i hriat min thlah rawh " tiin ka tal nawk nawk , James chu kan lam panin a rawn phei “ Wow pitar ilo nula ta elo? " tiin a rawn nui vur vur ,a sam buang thang chu ahmalamah a tithla vek ,ka kutah a rawn chelha “ Class lam pan ang le ,vawiin chu nula chhelo ka kalpui dawn a ,ka phur riau " a ti surh surh leh ta nghal.

“ Thlah nghal rawh " Theo chuan ka kut lehlamah rawn vuan ve lehin rum zetin a en “ Enge i tiduhdah viau a nilawm ni nang ai chuan Sara hian ka bula awm nuam a tizawk " James chuan a tive leh ,midang lah chuan min en thup bawk si ,min pawt tawn tiah tiah,ka ban ana vek tawh . “ I duhthlang rawh Sara Wilson Ani nge kei?" Theo chuan a tichang fak enge an hriat ni “ Enge in hriat,duhthlang turin a tu amah mah hi ka enge in nih a ? In lu buk zet zawm ila hmeichhe thenkhat sam ai a sei tur nen hian ka duhlo cheu,min thlah rawh u. Nautelem ka nih loh hi in duh duha pawh tur ka nilo.

AN SAM HI A SEI EM A NI🤣😂😂

Tihtur dang inhriat hlawl loh chuan hrui ka la a nga in pawt rawh u ; ka kham " tiin ka kut chu ka thing,an ni erawh an la in melh tawn ran “ Ka kaldawn a nia induh leh tikhan awm rawh u " tiin ka kalsawn “ Pitar min lo nghak rawh " James chuan min rawn zui leh , Theo pawh chu a rawn kal ve leh nghal zat. “ Ka ning e,inhnial miahlo in awm ang cheu Theo nangpawh i bialnu bulah va kal rawh nidangah pawh James nen kan awm dun i huat ngai loh kha ,tuna taka rawn huat angailo a ni chu ka thian ani" tiin ka melh hrak.

Ka tawng leh tur chu ka lamah rawn kun hniam thutin ka hmuiah a fawp a nihchu,ka ka chhungah a lei a hawl kual a , James awm ve chu a ngai pawimawh lo hle tih a hriat,chhan let phut zetin min fawp ,chulaia mihring tawng te leh an awm ve ani tih pawh ka hre tawhlo hial . Ka tukkhumah dawmin ka hmui hnuailam chu a zuk dep dep a ,ka taksa a sa pup pup ka lungphu a rang bawk,a kawr nghawngah thamin ka thiam ang ang chuan ka hmui ka tiche . Enge ka ngaihtuah pawh ka hrelo mahse ka chhang let lo theilo,ka haw viau emaw ka ti a ,mahse ka lo haw tawk lo tih ka hria .

A perfume rimte a sam hnawih rim te chen chuan rimrui ka ti takzet ,harh chhuak thutin ka namsawn ka thawk pangngailo zet avang chuan ka thaw ham ham, James an mak ti zeta min lo en chu ka hmu zui bawk “ Kal ang class tan a hun " tiin hma ka hruai ,ka zak chem chem mai ,class kan luh hnu thleng chuan an phun sep sep mai “ An innei tak tak aniang awi a mak e,a hmaa a thin tehlul nen mihring hi a lo inthlak danglam theih hle a ni,amah hmusittu Violet te pawh kha an zah hmel zia kha " ti a an phun te chu ka hre reng.

Ngawi reng chuan ka science bu chu la chhuakin ka en “ In innei tak tak em ni?" James chuan a rawn ti a ,ka bu nghat a dang sawi ka tumlo a a nipawhin min zawh belh a tum biklo ,nidang ang bawkin a tawng leh bawrh bawrha,a inthlak danglam lo chu ka lawm hle ,infiamin kan nui dun leh bawk bawk tawh . “ Sara ka thluak ai ka lu hi a lian ami?" a rawn tihthut chuan alam ka en haw ” Engah maw ? " tiin ka lehkhabu chu ka bih,sawi tur mak pui pui lah hi a hre thei si “ Aw James lulian thluak thawl  ka nu in min tiziah a " a tih nung nung chuan ka lo nui hak.

“ I lu ai i thluak lian se i thluak zawk kha a pawnah a awm angai dawn sin. Mawl veh vuah viau suh,i nu in a sawi awmzia chu i â a tiche a nihchu " ka tihchuan a tum hmuk “ Kha i pasal thluak aia tha ngah ai kha chuan ka tha fe zawk" ala tive fan ,ka ner nawng “ In inang ka tia sin,in lu lah chu sakawr mei ang maiin in sam a sei hnuang a ,in hmelte lah hi a nû si" ka tihchuan “ Anulo " alo tinghal chiam,ka nuih vak vak “ I sam a buang si,i hmui a sen bawk si hmeichhe awmdep i ang" ka tihleh chuan min melh rum tha viau tawh.

Professor a rawn luh takah chuan duhtawkin nungchang tha zet chuan ka thu , James rum vut vut erawhin ka nuih a tiza viau thung. Class zawhah pawnah kan chhuak chu kan class kawngka bulah Theo alo ding run mai,bang nghengin James nen kan chhuak chu min lo melh kur anih chu,enge rawn tihleh a tum ang? Kal pel mai kan tum chu ka kutah a rawn vuan “ Thlah rawh Theo van mayor, Sara hi ka u ang mai maia i chhaih kual ka phal hauh lo ang" James chuan a tihmak.

Ka rin ang ngei ngeiin maw ? Theo chu za lo zetin a nui ,mahse a mitmeng rum zet atang chuan a thinrim hle tih a hriat “ Kha i unaunu lepchiah zet ,mi phatsan ching deuh kha maw i tih?" ngeiawm zeta a tihrualin James chuan a hnek thuai,ka lo au that Theo rawn tho chhuak chuan bawhtlu in a hnek ve leh nghal mawlh mawlh,an insual buan buan an pilh phung tawh midang rawn pungkhawm chuan thelh a hnekin an en thup ringawt , Theo thiante panga leh James thiante chuan an rawn pawt then thei hram 

“ Sara hi hnaih leh tawh ngai suh ang che" Theo chuan a tichhuak tuar a ,a la tal ut ut reng ,a thiante pawhin an dawm hneh meuhlo, James lah a lo nuisung bawk si. He mite pahnih hian min tibuai takzet Matty chu rawn kalin “ Nangnu vang vek hi ini,engvanga buaina rawn thlen reng lehnghal,nang ang thingtlang mi lutuk hi chu he college a lut ve tur hi ini lo Theo nen hian a der chiah in in innei tih kan hria a nilawm ni?" a rawn ti fak fak “ Matty ngawi hmak rawh " Theo chuan a tideuh tuar .

Matty in va khawih a tum chu lo vaisawn lawpin keichu ka kutah a rawn kai,min kalsawn pui a tum chu James alo inrawlh leh ,insual peih atin an awm lehnghal ,ka ning lutuk chu ka au vak “ Duhtawk rawh u a tu a mah mah hian min hnaih tawh suh u. Ka kham tuta mah ka nilo ,keimah bakin ka nunah hian thu neihna in neilo James nangpawh ka thian ini,hetianga in tibuai rual pawh in ni tawh lo,in insual duh pawhin hmun dangah ka awm lohna ah insual rawh u,ka kham buaina hi ka ning tawh." tiin ka kalsawn hlawk hlawk.

He lai hmun pawh hi ka ning kal bosan rih ka duh , University tualah chuan ka kal hlawk hlawk,ka bula rawn kal ve chu ka melh an mahni bawk ” Enge in hriata in hau leh tur chuan min zui suh u inhria em chhimbuk ang in nih hi rak peih si lubuk si insual peih bawk ,in intih buai leh dawn ai chuan min rawn zui suh u keimahin ka awm dawn " tivakin kal leh mai ka tum “ Kan inhau tawh lo ang " an tihchuan “ Chiah maw " ka ti a an bu ve ve “ Anihchuan in chibai ula hi in ti ve ve rawh u " ka tihchuan an tiduh mailo 

An la inmelh rum tha dun viau “ Ok ka kal dawn " ka tih veleh an inchibai a “ Hi James Mallory ka ni e " James chuan a ti a ,a ner sawk . He mite pahnih hi ka inkawm ngeih tir ngei ang , Theo erawh a ngawi ngur an inchibai telah chu an thazam a lang pawng talh talh “ Theo van mayor ka ni e " selhchilh nawk hian a tive hram ,ka thaw huai thei “ Kal ang u in inhnial leh anih vaih chuan keimah in ka kal hrang ang " ka tihchuan min rawn zui.

“ Leng ang u aw " ka tihchuan an bu ve ve tawp ,vawiin nihian in inkawm khawp ang " ti rilru in ka nui var var ,bike ah min phurh ve ve an tum leh awi ham an inhnial buai leh tep tawhin ka ring “ James Theo bulah hian ka chuang mai ang. Kal vat ang u ,tuipui kamah kal leh ang u ka kal leh chak,inhnial phal a nilo ka tih tawh kha "ka tihchuan Theo in tithei hmel chu ka hmu reng,a bula chuan ka tihchhan pawh a naupang zawk leh a dawhtheilo zawk a ni tih ka hriat vang a ni pakhat.

Tuipui lam pan chuan kan pathumin kan kal,tuipui kam ah chuan an bike ve ve chu parkin kan chhuk a ,ka au leh hliai,khawpawn tuma kallohna hmun a ni a ,a hahdam thlak an bike lah chu a han inang dun em em khawp a “ Kal ang u le ,vawiin atan chuan tuichen kan hna " tiin an ban ve ve ah chelhin tuipui lam pan chuan ka hruai,kan infiam ho a ,a tirah chuan an la inkhak fek fek reng,a tawpah erawh an inbe ve ta zeuh zeuh,tui chu inhleuh siakin kan rak ring hle ,hetianga nitin ka awmtlanpui thei anihchuan an la inkawm ngeih ngei ka beisei.

DUHTHUSAM NEIH HI A ATTHLAK LO VA,TIHDAN PANGNGAI ANI . DUHTHUSAM NEIH LOH HI A ATTHLAK ZAWK FO CHANG A AWM ,CHUTIH RUALIN DUHTHUSAM PAWHIN SAM SANG LUTUK SUH,I TLAK HUNAH I TLA NA LUTUK PALH HLAUH A NGE. MUTTUI U