MY CONTRACT WIFE CHAPTER 4

MY CONTRACT WIFE

CHAPTER 4

“ Pitar lubuk deuh leh tarmit lawk zet buni kha " a rawn tihleh lek phei te chuan a huatin ka haw hlur  tawh “ Lo en rawh Theo van mayor naktuk atang chuan tunge ka nih i hmu dawn khawp " ti rilru in James chu ka kai hrang “ Sara zanin chu party naah ka kawppui ah tang ta che " a tihchuan ka en haw ,a thutak hmel em em lehnghal “ James engthil maw chu chu,thawmhnaw hak tur pawh ka neilo ang " ka tihchuan nui vur vurin “ Kan ngaihtuah dawn a lawm,banah kan kal nghal ang" a ti a ,hnial ka tum chu “ Het mi hmaah i inlan tam ve a ngai a lawm,lungngai lo la nangmah hmusit tu te ho mak tihturin awm ang che " tiin min kai kal dawt dawt .

A thiante lo awm lamah chuan min hruai, James hi chu pasal neilo ila chuan ka mipa duh chi tak tur a ni,a hmeltha a a sam buang thang te hi a inhmeh hluah hluah,a mah a chhelo bawk nen ,a thiante nen pawh chuan kan inpawh ve tawh viau , Theo te thian ho nen chuan an in persan chiang hle ,zanlama University puma party an buatsaiha an kaldan tur an rel map map “ Keichu kawppui ka nei der tawh a nia " James a chuan a lo ti ve zat ,chutah a thiante chuan ka lam hawiin an nui ham ham a ,an inpawh hmel hlawm hle kei erawhin nuam ka tichiah lo.

Pasal neilai ka ni tih ka sawi thei bawk silo,sawi ngat ila chuan Theo hian min pawtsawm duh hial ang. James nen chuan banah saloon velah kalin ka vunte ka sam te chen in a siam danglam tir vek ,ka mitmeng pawl tak ngaih chu a lang chiang ta vawk , James pawh chuan min en reng mai ,keimah pawh ka inhai hial,ka tarmit la thlaa ka sam hnawk zeta ka tawn thin an han suasam chiah chu ka landan a dang chiang hle “ I hmeltha lutuk engtin nge i inthup theih zawk le " dawr neitute pawh chuan an tichhuak hial reng a .

James chuan ka thawmhnaw lei turin hmun dangah min hruaichhuak leh,min buaipuina avang chuan ka inthlahrung hle . Inlama ka let lai chuan Theo chu Matty hruaiturin a chhuak daih tawh tih ka hria “ Sara kal ve i tum em?" Nu Reina in min lo hmuh chuan min lo zawt vat renga “ Um ka thianpa nen kan kal dawn a ,nu Reina a pawi em " ka tihchuan a pawiloh thu sawiin ka thil khai luh chu a en ha mai “ Ka thianpa in thawmhnaw min lei a " ka tihchuan thil ngaihtuah chhuak niawm takin a lu a thing nar nar .

“ I pa in thawmhnaw a rawn lei haw teuh che alawm,ka lo hrilh lo che a ,I roomah a awm kha " atihchuan mak tiin ka ka ho mai “ Angai lo a sin" tisepin ka en kar ,ka inthlahrung hle “ Kan fanu ini tawh a ,mi hmuhsit tura awm duhloh tur eng mipawh nila i nihna ah chiang ang che. Tin i thawmhnaw incheidan thlak tura kan duhna chhan che chu kan fapa zawk hi a ni. Matty hi hmeichhe tha anilo tih i pa nen hian kan hrechiang si a ,chuvang chuan Theo hi a lak atanga a chhuah kan duh tih i hria tiraw?

Theo hian ngei hmel viau che mahse a ruk chuan a ngaihven hle che tih hi kan hmu tawh a lawm" tiin a sawi duah,a thusawi awmzia lah ka hre der silo “ Han inthlak tawh rawh . I thianpa pawh a lo thleng tep tawh awm si a " a tihchuan harh chhuak zawkin ka room lam ka pan,ka sam an siam danglam chu ka thlah siau a ,kawrfual pink a white in a tial zeuh zeuh,a ban ka hnute zawna intan rual phei hmarh ,a bah awm lo sexy deuh chu ka ha a ,ka nui sak,a ban chu a lian turin an siam bawk .

Thli chhem puar te pawh a ang zawk mah in ka hria ,ka hmai chu chei lehin darthlalanga ka inen chiah chu a hmaa keimah hlu kha chu a bo vek nimai in ka hria,pheikhawk sang erawh ka bun thiam loh avangin sneakers var ka bun leh tawp a ,mawi ka inti viau dinner pawna ka lo eisa hlauh chu a vanneih thlak,inhnuaia ka chhuklai chuan James pawh a lo thleng tawh a ,nu Reina nen chuan an lo inkawm mawlh mawlh.

SARA👇 

James an min hmu chiah chu “ Wow i va nalh ve " a lo ti hluai “ Kan fanu te chu a inthup mai mai a lawm,Sara ka thusawi kha hre reng la midangte mit tikham zawngin awm lo hram ang che" a tihchuan a sawi tum ka hrechiang viau ,James nen chuan kan inzui chhuak a ,tun tum chu car a rawn keng ve ta ,“ I nalh takzet " a tihchuan ka nuih ringawt “ Nang pawh " tiin a car kawngkhar min hawnsakah chuan ka thu lut .

Party na hmun kan thlen chuan kal an tam tawh tih hriat takin lirthei a lo tam viau, James-a ban vuan chungin kan lut a ,inchhung chu a lo eng ut a,couple te te hian an awm hrang thliaha thian ho a awm pawh an awm bawk ,kei leh James lut chu min lo thlir thup ,an mengkawk hlawm a an phun mur mur bawk “ Saw saw Sara pitari kha a ni lawm ni " an tihte chu ka hre reng “ Ni e avan mak  em em a pian analh nen a lo inthup a nimaw ,a hmellah saw a tha si " an tihchuan a rukin ka khisak.

Ka hawikual leh chuan kilkhat atanga a bana Matty kaichunga mak tih hmel leh thinrimna nena Theo min lo en chu ka melh fuh chat,a kutah intur a kenga khawdang hawi miahlo in min melh reng ,ka khur der der thei hial a thawmhnaw hak lah chu a inhmeh em em lehnghal “ Nalh an tivek che anih hi ka lo thlang che chu ka tisual lo hle mai " James an ka bengbula a rawn sawi chuan ka nui hak,a thiante fin turin kan kal a ,an nipawh in min hmuh rualin an lo wow vak vak kher lehnghal .

Infiamin kan nui ho dar dar ,lâm lam an tana ,ka thlir reng James an min sawm ve takah chuan muangchangin ka kut ka pe a ,lamtual lamah chuan min kaichhuak nghal . Ka ngaihtha lo tur hrimin Theo te bulah kan la awm zui,min rawn melh reng tih ka hria ka en duhlo lui tlat ,music tawp rualin intur dawmin kan thu a ,midang ka hmelhriat pawh nilo chuan min rawn be hlawm ,ka hmel danglam ta vang tih ka hria ,tumah ka chhang lemlo .

“ Ka lampui ve thei che angem?" titu aw ka hriat rualin ka mengkawk , Theo lam chu mak tizetin ka en chho bawk ,eng thu nge a sawi kha ,a a ani ngei ang,midangin min en reng bawk nen ka kut chu pe in ka pek rual rual chuan lamtual lamah chuan min kalpui in ka kawng leh ka darah nghet zetin a chelh nghal chat . Ka tha khur dar dar chu a chhan ka hre biklo,ka hriat theih zawng chu Theo perfume rimtui tak rim chu ani “ Ilo inthlak danglamna chhan chu ka hrethiam mai e ,mahse hre reng rawh ka nupui inih chhung chuan tu mipa mah inzawmna i siam pui theilo tih.

Ka pa in a hriat chuan a thinrim khawp ang" a tih chuan “ Nang ang ka nilo ve , Theo van mayor hei hi lo hre rawh. Keihian phuba ka la ngei ang chu chu hre reng ang che" khur dar darin ka tichhuak,a mi kuahna a ta chu tal chhuah ka tum bawk . Mahse min man nghet lutuk tlat ,lamtual a tanga min pawt chhuak dawr dawrin bathlar lam min panpui lai chuan kan bul hnaia awm ho chuan mak tih hmel zet in min en zui hlawm “ Enge i hriat a ka kut hi thlah rawh " tiin ka chum nawk nawk.

Bathlar in hungnaah chuan min nem betin min melh chhuk run ,a thaw ring zet chu a thinrim vang a nih ngei ka ring bawk “ James Mallory hi hnaih leh tawh ngai suh " a tichuan ka lo nui hak “ Ka mi hnaih tur leh tur loh ah lo buai suh,nangpawh i bialnu nen in inkarah ka inrawlh bik lo engvanga James nen kan inkawm chu sel ve ringawt nge inih? Ka duh duh ka kawm ang tin i nupui ka ni pawh a nithei ka nuna thuneihna erawh i neilo .

Nang ang mipa nunrawng ,thah che ka chak hluah hluah tih hre rawh ,ka duhlo chung min khawih a vang pawh khan thah che ka chak hluah hluah tih i hria em?" ka ti tawn tawn . Hrilh hai hmel zet a min en chu ka haw zual sauh ,a kut chu ka thing thla hnawk “ Min dodal hauh suh,chuti lo chu heng mite hmaah hian ka nupui ini tih ka puang ang" a tihchuan ka mengkawk,awihlohna mitmengin Theo chu ka en reng ringawt.

A hmelah fiamthu hmel a langlo,amah hian in neihna kha sawi lan a rem tilo a ni si a ,ngaipawimawh lo ang zet chuan ka awm lui hram hram  ani. Inchhung lamah luh ka tum chuan min pawt let dawrh “ Enge i hriat min thlah rawh Theo " tiin ka au that ,mahse ka ban rekah chuan a vuan nghet deuh deuh,tal ngaihna ka hre hek lo ka kawngah a kut rawlh lutin alamah min pawt hnai sauh ,tal chhuah tumin ka bei ve fan fan ,chutah rawn kunhniamin a hmui lum thar thar chuan ka hmui a rawn bawh thuah.

Ka hamhaih bawk nen talsawn mai nachang ka hre lawklo,ka ka chhung rawn luh a tum rualin harh chhuak thutin ka namsawn dawrh “Nang hian a hma ang mai maia min tih i tum a nihchuan i thei hauhlo ang, Theo Van Mayor hre reng rawh , nang ang mipa chapo lutuk hi ka la thungrul khawp ang che. Min hnaih tawh hauh suh tiin ka au khum tuar,thinrim zeta namsawkin inchhung lamah chuan ka luhsan nal nal 

THEO👇

ZAWMNA 

Inchhung ka luh leh chuan eitur eiin an lo buai mur mur tawh “ Pitar khawnge ilo awm bo daih a,min va ngaihsak lo ve ,ka kalpui ber pawh ka chang tawhlo a nimaw " James chuan alo ti nghal zat ,ka nuih ringawt eitur an siamna lamah chuan kalin kan ei ve a , Theo pawh Matty nen an awm leh tawh,a taksa lian zet leh a thawmhnaw hak chu a inhmeh viau ,a hmel a la puitling tawklo leh a taksa pawh a nihtur ang a nilo tihmai a ni.

Ka thil ngaihtuah avang chuan lu thing nawk in James lam chu ka en san,kan thil ei chu a tui hle ,zu ka in ngailo nen wine ka in ka in takah chuan ka lu a hai chiai chiai James te chu ka hmu phir vek tawh “ Hey pitar i rui em ni?" a tihchuan ka lu ka thing nawk nawk “ James lam ang" ka tihchuan mak tih hmel zetin min en ,mahse min kaitho in min lampui a ,a nghawngah kuahin a awmah ka bei chial,ka lu hi a hai muai muai a ,ka zawi hle bawk.

Thaw hle hle in ka hmai sa hut hut avang chuan lam pawh chu ka ning leh thuai “ Pitar i va cute tak i biang ataitek lehnghal " James chuan ka hmaia fawh pahin a ti a ,ka lo nuih ringawt Theo rawn pen phei pawk pawk ka hmuh rual chuan James chu ka lak atangin a hla dawrh “ Hnaih leh tawh hauh suh " a tichang hrawk a , James a rawn tho chhuak chuan nui chungin “ I hmusit hle  anilawm ni ,engvanga rawn inti ta tu chiam nge inih i bialnu saw va buaipui zawk rawh..

In ina a awm mai a vangin i duh duha Sara hi tih tum hauh suh " James chuan a ti ve fak,mi chuan kan lam an rawn hawi thup tawh Theo chu a in seh ruh tawlh tawlh “ Min thlah rawh" tiin Theo ban chu dahsawn ka tum,mahse min man nghet lutuk tlat “ Thlah rawh Theo van Mayor " tiin James chuan ka kut lehlam a rawn chelh ve leh ,midangte chu an phun mur mur tawh “ Theo enge i hriat thlah rawh ,khatiang hmeichhia a inchei na a vang maia tha chawp ai kha chuan ka tha zawk " Matty chuan a rawn ti a ,ka thinrim hle .

“ Theo min thlah rawh " ti a ka tal leh chu alamah min pawt dawrhin James min vawn ngheh loh lai a ni nen a lamah ka phei dawrh,chutah ka kat dawrh rual chuan ka hmuiah a rawn fawp leh siah, students dang ho chu an phun leh nasa zual sauh,ka kawngah chelh nghet sauhin min fawp tawn tawn hnial ka tumlo a chhan let pawh ka tum chuang lo ka ruihna chuan min ti zawi nguai vek “ Heihi lo hre rawh James Mallory ani hi kan awmpui nilo in ka nupui anih hi,chu chu lo hre tawh ang che" Theo chuan a tita mai.

Chuveleh midang chu mak tiin an tawng leh sup sup ,enge a hriat “ Engthil nge itih nang hian i nupui anga lang lo turin min hrilh a nilawm ni? Engvanga puang lang leh si nge inih " tiin a awmah chuan ka chum dawt , James ngawi reng chu panin “ James ih ka " ti a pan mai ka tum chu Theo chuan min hnukchhuak ta dawr dawr ,ka hneh lo nasat bakah ka wine ruih chuan min titang tha theilo ,sport car pawl tak ngak chhungah chuan min nawr lut nawkin chak zetin a khalh chhuak zui..

“ Ka hua che " thaw ham hamin ka sawi chhuak thei hram“ Ngawi hmak rawh thing lutuk angin ilo inchei a ,kha Mallory bulah erawh nalh loh hlauin i awm vel a ,ilo mutpui a nihvaih chuan maw hre rawh Sara wilson ka chhuah hauh lo ang che,ka pa hian inneihna hi a titawp ngei bawk ang" a tihchuan ”Chu chu a pawi em ni? Inthen a nilawm ni i duh,engvanga hetianga ka inchei chu sawisel nge inih ,pitar min ti a nilawm ni ka nihloh zia ka fiah mai a ni . Car hi tiding rawh ka chhuak dawn " ka tihchuan a nui suk ringawt.

Khawilai hmunah nge min hruai tihlah ka hre heklo,chutah car chu a ding thuta ,hmalamah ka bu dawrh mai “ Engthil nge ti ni a i inhriata?" ti thatin pawnlam chu ka en ,mahse ka thil hmuh avang chuan au hliai in ka ruihna te kha an reh nghal vekin ka hria ,tuipui ri ka hriatna lamah chuan ka tlan phei zel ,ka nui var var bawk,thla a eng ruih bawk nen thim a nilo bawka ka kalna tur ka hmu vek,ka phei khawk phelh sauh sauhin ka tlan leh Theo pawh ka hnungah muangchangin a rawn kal .

“ Awi a van nuam tak tuipui ka hmu ve thei ta" tiin tui vau china rawn intheh chhuakah chuan ka kal ,ka kutah Theo chuan min rawn vuanin “ Hmuh tir duh che ka nei" a tihchuan ka melh ha ,min kaihna lam pan chuan ka zui,chutah ram hnuaiah min luhpuiin phul cham diaiah hian kan chuang chhuak hlawl ,hnim sang zet zet hi a hranin a awm bawk,a mawi dangdai hle chutah Theo chu pen deuhin hnim awmna lamah chuan va pheiin a va tiche a ,chuveleh dumde an rawn eng nghal sep sep,ka mengkawk .

“ A mawi lutuk "tihliai in ka pan hnai ,ka nui var var bawk Theo chu ka bul chetah a rawn ding a “ Engtin nge helai hmun hi i hriat" tiin ka en ha ,tuipui lam chu thlir thla vauh vauhin “ Ka lungngaih leh thinrim chang apianga ka kalna a ni a lawm" tihchiah sawiin phul hmun tawp tlang a hnuailama tuipui cham put lang laiah chuan a thu a ,a bulah ka thu thla ve vat “ Tinge Theo James kha i hnek ringawta ,a chhan chu min haw em em ani si a ,engvanga ani nena kan awm phallo tlat nge i nih " tiin ka zawt leh nghal zat .

James nen hian hote te ah pawh an inkhak renga ,ka awm loh lai pawhin an inhnial ziah tih ka hria “ Hmeichhe hmangaih tak ka nei thin " a tihchuan ka en vat “ Matty hi a nilo a mi" ka tihchuan a lu a thing nar nar vanlam chu enin a thaw hawk a “ Ka tleirawl tan tirh atangin ka hmangaih em em thin,mahse ka pa khan kan inkawp a phal ta lo a ,kawng tinrengin kan inthen theih dan tur a dap a niber,a chhan pawh a elpui berte fanu a ni miau a ,tichuan a duh ang ngeiin kan inthen ta a ,a nichuan mipa dang min neihsan bawk .

Chu hmeichhia chu James Mallory u hi a ni" tiin a nui suk “ Ah!" sawi ve tur ka hre hlawl lo “ I pa chu dil leh la keini pawh kan inthen thei anga " ka tihchuan chiang zet hian min rawn en a “ A thusawi a thlak i ring em ni? Tin ,tunah mai chuan kan inthen theilo bawk tih chu i hria a lawm,engvanga min nei nge inih" a tihchuan chhan dan tur ka van,ka pa chanchin hi ka hrilh duh angem tih ka ngaihtuah. Ka ngawi rauh rauh chu min en in ka thusawi hun a nghak tih ka hria.

“ Hmeichhe naupang te ka nihlai chuan awh neilo in ka nun kha hlim takin ka hmang thin,nihtum ka nei thina chumi nithei tur chuan rim takin lehkha ka zir thin ,ka nu a damlai zawng kha chuan nun hrehawmna leh retheihna kha ka hre ngailo a niber ,ka pa ka hmu ngailo a a ni chu khawpui lamah min chawmna tur thawk chhuak turin a kal tih ka nu khan a sawi mai thin. Mahse kum 13 ka nihin ka nu chuan min boral san a " tiin ka ngawi dat .

Nuisakin ka naupan lai hun ka ngaihtuah vang vang,ka nu damlai kha chuan ka hlim thin reng a ni “ I nu a thi tih ka lo hre miahlo a " a tihchuan ka nui ringawt “ Tichuan keimahin ka nun ka hmang chho a ,ka zirna ka mamawh engkim kha ka intum a ni ber ,ka pa lah ka nu thihlai tak ngial pawhin a rawn haw lo kha ka dem em em a ,mahse ka hriat ve meuh chuan ka pa chu a thil tihsual avanga hrem niin jail ah a tang tih a ni . Tihtur ber hrelo in keimahin inah ka inkhung ngawt ngawt zel a 

Tuma ngaihsak kha ka hlawh ngai reng renglo " tiin ka mittui tla tur chu ka hru zauh “ Kha zawng kha a nimai ,haw tawh ila i nu in min lo ngaihtuah tawh ang " ti a thawh ka tum chu ka kuta rawn vuanin chiang zet hian min rawn melh chho,ka zam tih ka kaihza tha khur atang chuan ka hre thei ,rawn dingchhuakin “ Chuvang chuan em ni min neih i rem tih?" a rawn tihchuan ka bu nghat ringawt,ka pa chungchang hi ka hrilh theilo rawn kunhniam ruai ruai in ka hmui bulah chuan a rawn thaw lum ham ham ,a zu in rim chu ka hip lut chiang hle.

“ Kan harsatna in anglo mahse thenkhatah chuan a inang a nihhmel,engah nge kan harsatna te chu kan inchhawk sak mai loh ang Sara " thawp satin a rawn ti a ,a thusawi awmzia ka hrelo hle mahse ka hmuia dam dap a a rawn fawh takah chuan a thusawi awmzia ka hrechiang hle ,ka hmui ka tihchet ve rualin a duhthawh zual sauh,Engmah ka ngaihtuah thei meuhlo ,phulah chuan min mut thlak puiin vanlam chu kan en dun“ Heta riah hi i duh ve em? " a tihchuan mak tizetin ka en ha .

“ Ramhnuaiah hian maw? A vawt awm si haw ang" ka tihchuan a lu thingin “ Nangmaha i haw mai a ngai a nihchu keichu ka riak dawn " a tihchuan ka thinrim hle “ Min thlah nghal rawh" tithatin a samah chuan ka kehsak bawrh bawrh,ka khawih chakna a rei tawh bawka ka kek na hle ,phun hlukin a rawn tho chhuak a ,min bawh tlu in ka chungah chuan a bawk run bawk . Ka tal ve fat fat chu ngai pawimawh lo zet hian a kiai suk a . “ Tihian kan pahnih inhriat chian lehzualna a nimai " tiin min kuahin a ngawi hmak,ka talchhuak thei bawk silo .

Ka hah chu ka thaw hle hle tawh mai,tinge hepa hian min tihbuai em em mai le ,hetiang reng a nihchuan ka laka a thil tih kha ka theihnghilh sak mai ka hlau,ka pasal chu a ni ngei mai; mahse ka phalna la lo leh tihluihna hmanga min mutpui kha ka theihnghilh thei pawhin ka ring lo ,reiloteah ka inthlah dul tih hria in min kuahna pawh a phelh thawl deuh “ Min haw viau em ni?" a rawn tihchuan ka lo aw hmiah,ka haw reng a ni “ James hi i duh em?" a rawn tihchuan ka phu zawk.

James chu ka chungah a tha a mahse ngaihzawng en in ka en lo hrim hrim chu aiah chuan ka thiantha takah ka ngai,mahse Theo hi hrilh kher ka tum lo “ Nang ai chuan a thlanawm fe zawk a lawm,ka chungah a tha hle bawk " ka tihchuan tawng leh tawh lo in a kawr chung chu min sintirin a mit a chhing hmak,nipui lai a nibawka chungin khua a vawtlo ,pawi ka tiviau lo bawk . Hepa hian min haw pui chu a tumlo tak tak a nihhmel,minute 10 a liam leh meuh chua a a muhil der tawh,tho chhuakin kan awmna lai vel chu ka en.

Hetiang ang hmun nuam hi engtin nge a hriat theih ni,tlangrama ka in leh a vel kha nimai in ka hria tihtur dang awm heklo a bulah chuan va mu ve in a taksa lum chu ka hnaiha,a kawr chung chu kan pahnih taksa zawmin ka mu ve kak,rawn che hrutin min kuahin a bawp sei zet chuan min khan nghal chial,ka thaw dep dep ringawt a perfume rimte chu a pa in a rimtui hliah hliah hian ka hria ,a taksa lumna chuan vawt lakah min hum chiang hle ,mitchhingin mangramah ka lut ve ta riai riai.

(GOVERNOR KAN DAH LEH DAWN SIA TI HIAN AW ,INKHAWM PHAWT ANGAI BAWK NEN)