MY CONTRACT WIFE CHAPTER 3

MY CONTRACT WIFE

CHAPTER 3

Inchhung ka luh chuan Theo hmel nelawm loh zeta sofaa lo thu leh maid ho in inthlahrung deka lo ding thap chu ka hmu nghal ,kal pel mai ka tum chu “ E tinge Sara Theo ruala i rawn haw loh " choka lam atanga nu Reina rawn au chuan ka kal tur min ti ding chawt, Theo ka en chu ngeiawm zetin min lo en a alo khisung a nihchu,hepa hi ka hrethiam thlawt lo ,a chang leh min huat hmel em em in min en a ,a chang leh min ngaihsak ang deuhin a awm ziah lehnghal.

“ Nu ih ka thawmhnaw a huh a ,intihfai ka duh bawk nen Theo lah a buai hmelsia ka rawn haw hmasak tir a nihkha ,thian fel tawk ka chhar hlauh a " ka tinghal zat “ Tunge dawt tello in aw ,fanu angin ka en che a dawt min hrilh ka duh dawn miahlo a nia " a tihchuan alam ka pan, Theo lo nui sung chu nuih let sakin “ I chak dawn lo " tiin ka phun sep a ,nu Reina lam chu panin engkim ka buaina tawh vel ka sawi chuan a lawm loh hmel viau “ Theo van mayor rawn kal teh " a ti tuar renga , Theo lo lut chu ka lo nuih kher .

Rum zetin min en a “ Sara buaina tawh pawh i en liam mai mai a maw? I nupui a nih hi Theo eng mi pawh ni rawh se ,an rethei emaw an hausa emaw tumah i hmusit tur a nilo ka ti fo che a nilawm ni? Sara naktuk atangin driver in an thlah tawh ang. Ka fapa tiin ka lo chhuang ve thin che,mahse i chet dan hian min tilawm lo takzet " nu Reina chuan a ti a ,ka hnial ve tak nangin “ Ka fanu ini tawha an ni el phak inih loh zia hmu rawh se " a tihchuan “ Anihchuan keipawh car ah chuan ka chuang ve ang.

Kei lem min thlah tir pawh i phal ngailo a nilawm ni?" Theo chuan lungawi loh hmel zet hian a tihmuk ,a hmelah chuan titau hmel a lang,Kum 24 ang vel chiah ani ve tho a ,a rilru a la puitling em em biklo tih a hriat,a chetdan hi a naupang chhia riau zel, University a a intih pat teh reng nen ” Nang chu mipa ini ,bike i nei bawk Sara chuan a nei ve lo " a tihchuan “ Anihte chuan bike lei ve mai ta che u ,tinge henu thing zet hi ka neih kher a ngaih? Beram hnimbuka tang pawhchhuah hlim ang chiah anih hi" a tihchuan ka rilru a na hle .

Engmah sawi tawh lo in ka room lam ka pansan,nu Reina in a hau ri chu ka hre pha reng . Ka khumah chuan bawkin ka mittui chu ka tuai zeuh,tupawh mai hian min hmusit ngawih ngawih tih a hriat ,zanriah kil lai te chuan ka ngawi ngar “ Theo zanin atangin Sara hian i subject ah pui che rawh se ,nangai hniam mahse zirna lamah a thiama min hnial hauh suh,i room khi hmang ang cheu,Zana chhuah leh i tum anihchuan ka fapa ini tih ka theihnghilh ang,i tuina hi ka tuipui lo che anilo,mahse ho teah nunna chan palh theih a ni tih hria la ,ka fapa mal neih chhun ini a midang hian an en reng che tih hria la.

I nundan thlengin media lam hian an thlir che tih hria la ,ka hming tichhe tu nihauh suh ang che " pa Christian chuan a tinghet charh,kan misuala pawh angel hawlhthlak ang maiin a ngawi kur ,thu a awih hmel hluah hluah ,ka ei hlawllo chaw eikham rualin a room lam kan pan dun ,kan inmelh no lo dun viau “ Pitar teacher ka nei tur hian min tidam lo takngial dawn " ngeiawm zet hian a tikher a nihchu . “ Ngawi hmak rawh ,zirtir che ka chak biklo ania hmela ,mi hausa fapa chapo lutuk hi kei pawhin ka ngaisang tehchiamlo che ,i lu te lahin hal ila a alh khu luih thei ang" ka tihchuan min melh rum tha viau.

A roomah chuan min namlut rawkin kawngka a kalh a ,a thawmhnaw a phelh nghal ruak ruak “ nang hian tunge ka nihchu i hre dawn khawp ,ka sex slave mai mai tur inih hi,min neih i duh hiam hiam bawk a ,zan in hian ka nupui inihna chu hlen ta che " a rawn tichhar chhar ka tawlh rawk rawk ,kawngka lam ka pan lai chuan min pawt let dawrhin khumah chuan min nam thlu dawt “ Enge tih i tum, Theo ka nu te ka au dawn a nia aw " ka tivak,ngaih pawimawh loh hmel zet hian a khi suk .

“ Ka mutpui che i duh vang a nilawm ni ka nupui nih i pawm,zanin hian ka mutpui ngei ang che. Ka nun min khuahkhirh saktu inih avang pawh hian nuamsa taka i awm ka rem ti hauhlo " tiin min rawn delh bet a ,ka lo tal ve tang tangna chu a ngai pawimawh hauh lo,ka au tur chu a hria nge ka ka hupin ka thawmhnaw chu a pawtthler kawk kawk “ Theo ti suh. Khawngaihin " hlauthawng zetin ka tichhuak “ Nilo e i nun hi hrem hmunah ka chan tir dawn ani ,hre rawh ka lalramah i rawn lut a ,pawisa i duh anilawm ni keiin remchangah ka hmang ve thung ang che.

Ka hmeichhe hnenah ka kal thei ta silo a i taksa hi min hlan khawp ang " tiin eng sawi set set tawh lo in a mipatna khawng zet chu a rawn nawr lut pawp a nihchu,ana ka tichu ka mittui a tla zung zung “ I mittui te kha titla vel suh,pawisa i hlawh dawn anilawm ni? Ka nawm chenna tur in i inpe tawha i mittui kha ti tla vel suh " tinghutin dim lo zet zet in a chet zawm a ,inseh ruh ngawt ngawtin ka tuar tawp ,ka lak atanga a duh a lak zawh hnu chuan thu chhuakin cigarette a pak hlut hlut ,ka chau leh ka taksa na chuan min chetsawn tir theilo..

Apa in lehkha zir tura min tirhna chu ani hian min tihchhiat nan a hmang a ni si a ,ka chau lutuk chu ka mitpawh ka meng thei tawhlo ,ka muhil riai riai ka nu ka ngai takzet ,la dam ni se chuan hetiang hmunah hian ka awm a ngai lo tur .

THEO POV.....

Ka khuma hmeichhe muhil mithnam par chu ka en reng . A la naupanga kum 19 vel bak ala nih ka ring lo bawk ,ka pa hian engvanga min neih tir nge a nih ang ka bialnu Matty hi ka duh hle tih ka hria a ,ka hmangaih em tih erawh ka hre hauh lo thung. Min tilawm thiama amah a chhe lo in a lar bawk ,kan mudun nasa hle bawk ,pawisak kan nei tawhlo a ni ber ,henu hian engvanga min neih kha pawm nge a nih,pawisa vang a nih ka ring bur ,a chhan chu a thawmhnaw ah hian manto hmel tak ka hmu lo miau.

Chungte ka ngaihtuah phei chuan ka thin a rim zual,amah a vangin ka pa in ka tuizawng pawh min khapsak hmak bawk a,tuna ka mutpui chhan erawh University a ka el pui ber James Mallory nen an awmdun vang kha a ni ber,engvanga thikna thinlung nei tlat nge ka nih tih erawh ka hre hauh lo ,a sam chu ka hui kiang,a hmel chu ka en vang vang,inchei parhin thawmhnaw nalh tak tak ha se chu hmeichhe hmeltha leh nalh tak tur ani.Mahse pitar thawmhnaw emaw tihtur a ha chung pawh hian a duhawm ru riau lehnghal.

Ka thil ngaihtuah avang chuan ka lu ka thing nawk nawk ,puan chu sin tirin ka thlir vang vang,ala Virgin tih ka hria a min haw ngei bawkin ka ring ,kawngka a rawn ri a ka nu rawn lut in thil awmdan a hmuh chuan a lawm loh hmel hle “ Theo engthil nge i tih " tiin min rawn hnaih,khuma Sara mu chu melhin lawmloh hmel lutuk hian a ner nawk “ Theo ka hrilh ang che, Sara hi i ngaih anga hmeichhe lepchiah a ni dawn hauh lo a nia " a tihchuan thaw hawkin “ Ka hria ,ka nupui niturin in duh a nilawm ni? Nupui anihna ka hriat tir mai a ni,ka nupui a ni tawha ka mutpui thiang" ka tihchuan ka nu chu thaw ham hamin “ Ching tam hauh suh ang che, Sara hi hmeichhe fel tak ani a .

A rilru i tina a nih vaih chuan Theo ka ngaidam hauh lo ang che " tiin achhuak ,tu te pawh hian engvanga Sara hi tan nghal em em vek nge maw an nih le ,intifaiin a bulah chuan ka mu thla a ,ka lamah a rawn tawlh hnai sat sat reuh lehnghal,a harh lai chu nise min hnaih duh tawh tawp lo ang le “ Nu ka ngai che " tisepin a chil a lem dek dek a ,a tep chiap chiap bawk ,Anu leh a pa hi khawnge an awm ang,kan inneih lai pawh khan ka hmu lo a nihkha ,mahse engmah zawh ka tum lemlo .

A sam chu chulsakin a hmui senno chek chu ka thlir ,a taksa lah kha a chunga ka chetlai khan a nel thepin tawh a nuam em em a nihkha ,hmeichhe taksa lo tawk fo mah ila,Sara erawh tumahin an la khawih ngailoh a taksa nem em em atang te hian hmeichhe thianghlim tak ani tih a hriat hle ,a bulah chuan ka muhil zui a .

SARA POV.....

Chiang lo riaiin ka meng,ka taksa hnuailam na avang chuan ka nersawk ,zanlama ka thil tawn chu ka hrechhuak a ,ka thinrim takzet ,khum atanga tho chhuakin bathroom lam atanga thawm rawn chhuahna lam chu rum zetin ka melh ngawt ngawt ,ka thawmhnaw tla darh nuaih chu chharin chhuahsan ka tum lai tak chuan bathroom kawngka chu a rawn inhawng thut , Theo van mayor nen chuan kan inmelh nghal chat .

THEO

“ Morning " a rawn tite chu chhan pawh chhanglo in huatna nen ka melh “ Phuba ka la la khawp ang hria ang che Theo van mayor,i mi tihnat dan ang leh hmuhsit ang chiah hian ka la rul let ang che " tifakin ka chhuah san ,ka thianghlimna ka hlauh tih ka hriatna chuan min ti thinrim zual,Chaw pawh ei duhlo in university lam ka pan,nu Reina min auhna pawh chu ka chhang hek lo .

Theo van mayor ka huatna chuan min pump up up in ka hria ,ka mittui chu tuai pawkin taxi chu ka phar , University ka thlen takah chuan hmel pangngai put luih tumin ka thaw ham ham “ Morning pitar " James aw ka hriatna lam hawi chuan ka nuih var var mai “ Morning James" ka tihchuan ka bul a rawn thleng chawp chilh nghal,nui luisangin ka lo en ,ka rilru natna chu ka hmelah a lan loh ngei ka beisei .

“ I va hma ve?" a tihchuan ka hma ve mai mai tih hrilhin phul chung a thu turin kan kal a ,reilo teah Theo pawh a thiante ho nen an rawn thleng leh ,melh pawh ka melh chhin duhlo,ka haw lutuk takzet theih nise thah mai te ka duh rum rum mahse mi nunrawng takah chhuah ka duh bawk silo ,a hma ang bawkin zirlai dangte chuan an en leh thup tawh,an thian ho chu ka ngaithei pawhin ka ringlo,ka lam a rawn pan tih ka hriat rualin James chu ka kalsawn pui nghal.

Ka hawi let rual a ngeiawm zeta a lo nuisawng chu vawm sawk mai ka duh.

(MUTTUI U)