MY CONTRACT WIFE CHAPTER 1

MY CONTRACT WIFE 

CHAPTER 1

Ka nei dawn lo hmangaih ka nei,ka pa in ti mah mah a ni" thinrim zetin ka pasal tura an tihchu a au tuar ,ka dem hran lo keipawhin he thil hi ka duh biklo ,mahse ka pa enkawlnan pawisa ka mamawh miau si . Tumahin min pui duh dawn hauh lo tih ka hrechiang,a chhan pawh ka pa hi mi tha tak anihloh vang a ni ngei ang ,mahse ka tan chuan ka engkim a ni“ Nangnu kha enge helaiah ila tih reng?pawisa i duh viau chuan inzuar mai ta che ?" Arawn tileh chutiang kher khera min bia chu ka haw hle 

Theo van mayor ngawi hmak rawh,i nei ang ka tihchuan i nei khawp ang,kha i bialnu lerh thak zet nen kha chuan in innei ngai lo ang" pa Christian chuan a tichhuak hrawk . Kei erawh mi pahnih inkar ka tichhe tur chuan min tinuam lo viau ,mahse duhthlang thei ka ni silo,ka chhungkaw neih chhun nitawh ka pa tan ka tih a ngai si,Theo chu thinrim zetin a chhuak ,ka hrehawm ti lutuk chu ka kun ngar ngar “ Sara nuam lo tiduh suh,lungngai lo la i pa chu a dam leh vat mai ang" pa Christian chuan a rawn tileh a .

A nupui chuan “ Duhtak,an inneih kher chu a ngai em ni? Tipawh hian kan pui thei tho a lawm,bawiha pawh ngaihtuah vela,a hmeichhe hmangaihloh bulah kumkhua in a awm thei dawn lo" a lo tive a “ Ngawi hmak rawh,i fapa hian saw hmeichhe lechiah zet saw a nei a nih vaih chuan in a tanga ka hnawhchhuah bakah company hi ka pe ngailo ang. A tana tha tur ka ngaihtuah zawk ,lo inrawlh suh tin an innei hlen dawn ka tilo,Kum thum chhung an innei anga chuta an awm dan in an in then leh thei ang" a tihtakah chuan anupui pawh chu a ngawi ta reng.

Inneihna chu an kalchhoh pui mawp mawp,ka mumanga ka la suangtuah phakloh mo kawr ha chunga ka pasal tur ka pan meuh chuan ka khur der der ,ka pa a awm loh avangin pa Christian chuan biakin chhungah min hruai lut ,ka pasal tur hmelah chuan engmah a lang chhuaklo,mipui an awm vang te pawh a niang ngawi rengin min lo en reng,kan thuchham te chu kan inneih dan vang nge lem ka ti riau lehnghal,zanlam hun kan hmang reng reng te chu hrehawm hi ka ti ngawih ngawih,khum ah pawh rawn mu duhlo in a bialnu nen an awm tlanga 

Kei min duhloh em em danah a bialnu chu a chhelo bawk em a ni,a hmeltha bawk si ,kei erawh hmeichhe pangngai ve tak ka ni nangin a bialnu lakah chuan ka te chem chem niberin ka hria ,ka hmuhlai renga an infawp te khan ka pasal laka awmzia ka neihloh zia a tilang chiang hle bawk. Keimahin khum zaupui leh dup nuam zeta ka mu te chu mumang emaw ka ti rum rum,ka kum tlin hma kha chu tlangramah ka awm thin a ,he ka room leh tlangchhipa ka room chu a inthlau hle ,mahse kha ka in kha ka ngai zawk mah mah.

Ka pa ka enkawl theih nan chuan ka tuar mai ang tiin ka in fuih sauh sauh,chutah college ka la kal thei dawn zui,ka pasal tan chuan vanduaina nimahse kei atan chuan he inneihna hi vanneihna a ni thung,college ka kal theih chuan ka tui em em lam te pawh ka zir chhunzawm thei ngei ang. Zingah tho in exer ka la a,hmeltha lutuk tihtur chu nilo mah ila pian nalh tak leh ka sam sen uk avang hian faktu leh duhder tu pawh ka tawng ve nual tawh,chutih rualin ka pasal erawh mipa sang tak,pian nalh leh hmeltha hmeichhe ho bawrh rawn an tih a ni thung.

THEO AW 👇

Nu Reina chuan min lo bia in rawng ka bawl pui a ,inchung atanga Theo leh a bialnu rawn chhuk chu enin keichu min en leh,a mitmengah hrehawm tihna ka hmu thei . Theo chu enin pa Christian thawh hmaa a bialnu chu haw tir vat turin a hrilh a “ Bawiha hetiang a i awm reng chuan ipa hian ala hnawtchhuak tak tak ang che , Matty nangpawh ka fapa hi nupui neilai a ni tih hria la inah em em hi chuan rawn kal suh u,bawiha pa a thinrim chuan thil thalo zawk a thleng thei tih in hriat kha " a ti dap dap.

“ Nu Reina tun bak ka lo lang tawhlo ang,mahse henu nen hian an inneihna hi a lem tih ka hre ve tho a sin " a tihchuan ka lo ner nak ,ka chhang chak hle mahse a sawi diklo chuang silo ,ka incheidan a thingin ani anga thawmhnaw tha ka nei miau lo . “ Inneihna lem emaw an innei tawha zungbun an bun bawk,zungbunin a kual hnan chhung chu nupa an ni reng ang " nu Reina chuan a lo tihraih,a ni pawh hian Theo bialnu hi a ngeih hmel vak bik loh .

An chhuah hnu chuan amah zawkin a fapa chu hrethiam hram hram turin min hrilh,keipawhin ka lu ka bu nghat “ Nu ,ih ka pa va hmuh ka duh e " tiin ka hrilh chuan nui var varin chhunah amahin min hmuhpui tur thu a sawi a ,rawng chu infiam pahin kan bawl dun ,pa Christian-a rawn tho chhuak pawhin min rawn fiam ve hlut a ,nufa kan an thu a sawi chuan “Ka fanu a ni tawh reng a lawm tiraw Sara " a rawn tihchuan keipawh in ka lo aw vat .

Theo rawn lut chu ka pa chuan ko in thu a hrilh leh mawlh mawlh ,pakhat lah hian a ngaihsak loh hmel nasa si “Zanah racinga chhuah ruk i hrat tih ka hria a nia ,hetiang reng chuan company pawh hi i kutah ka hlan ngam a ngem tih ka hrelo,Sara hian a pui thei ngei dawn che,tin a ni atang hian tuition lak buai ngailo in zirla a tha ang,lehkha a thiam thei a ,a nipawh kan hnuaiah a thawk pah thei ang " a tihchuan mak tileh lawm bawk siin pa Christian chu ka en , Theo erawh a meng tur tha viau .

Min rawn melh kur a ,a mit hring ni si mahse a eng rawng kai lek lek chuan min melh reng ,ka lai ringawt leh nghal,ka hawisawn vat chutah ”Ka duhlo engmah thiam a neih pawh ka ringlo " a tihchuan “ I hriat loh thil chu sawi reng suh,result tha i neih hmuh tur a awm loh laiin Sara saw chu an shool topper a ni zat zat tih hria la ka thu chu awih mai rawh,hmeichhia leh racing bak enge buaipui i neih,hetiang hi chuan jail bang bak i bel lo ang,miin hna hmuh tumin an beia nang erawh ka thlazar hnuaiah nuamsa takin ila awm thei a .

Hetiang mai mai a awm tur hian ka enkawl seilian lo che ,harsa taka ka din,hah thi kula ka enkawl ka company hi duhdah taka i enkawl ka rem tidawn lo ka tih tawh kha " a tihchuan pakhata chuan a thawh san nul nul ,apa chu a hlau lo hle tih a hriat,ka room lamah inthlak turin ka chho a ,Theo room zawn ka thlen ruala min lo pawh thut rualin a room chhungah ka awm nghal ran . Phawk zetin ka en “ Enge tih i tum " tisepin ka en chho ha,asanga a pian a nalha chuan a hmeltha ,ala upa biklo tih ka hria .

Tawng lo in min en run run hnu ah “ Dan zawm ang che,nang hian min hnaih i tum tur anilo,college a ka awm dan reng rengah in rawlh tum bawk suh ang che. Ka nupui inih avang ringawt in ka hmeichhe hmangaih hi ka thlah hek lo ang tih hre bawk la ,buaina min thlen i tum anih vaih chuan ka pa pawh hian a chhan theilo ang che " a rawn tihchuan chil ka lem dawk “ Ka sawi chu i hria em ? Nang ang pitar emaw tih tur khawpa incheina hmanlai hi engtin nge ka nupui i nih theih ni" a tileh kher chu ka haw hle.

“ I duh duhin awm rawh pawi ka tilo,I hmui pawrh zet khan ka inchei dan hi sawi lo mai teh ,nanga inchei dan setanic emaw tihtur hi ka ngaisang bik tehchai lo tih hre rawh ,lukir ropui si i mit te lah kha sakei mit ang re raw a nihkha" ka tichiam rum zeta min en in min sawi nawk “ I va tawng thei reuh ve ,pawisa duh avanga min nei tu hi ka then thuai ang che ,Kum thum chhung hian hrehawm thei ang berin ka siam dawn che tih lo hria la " tiin ka sam ka dara mi chu hnunglamah a hui liam a,rawn kun hniamin ka hmuiah a fawp zauh.

Ka lo mengkawk chutah ka bengbulah “ Ka hmeichhe hmangaih hi ka duh hun hunah ka khawih thei tawh dawn silo a ,mahse a pawilo ka sex slave turin ka pa hian a rawn thlang che a chuthil chu ka ti puitling ngei bawk ang" a tihleh chuan ka rilru a na hle ,mittui tling pama enin “ Engang mihring nge inih le? Nang hian min khawih ngai hauh lo ang" ti tuarin ka namsawk,ka chhuahsan nghal nal nal,mipa tenawm tak ani ,ka haw hluah hluah,ka intihfai zawh rualin breakfast ei turin inhnuai lamah ka chhuk .

Theo van mayor chu melh pawh ka melh duhlo,chaw eikham rualin maid ho chu an che nghal mawlh mawlh,rawngbawl hunah erawh chuan an awl thin thung,a chhan pawh nu Reina hian a mah ngeiin a rawngbawl a duh thin vang a ni pakhat. Nu Reina nen chuan ka pa hmu turin hospital lam kan pan,naktuk atanga college ka zawm ve tawh dawn avangin vawiin chiah hunthawl taka a bula ka awm theih hun tih ka hria ,chuvang chuan hmuh ngei ka duh.

A awmna cabin kan thlen chuan ka pa pawh chu a lo tha tawh viau,a kut cher riaka min lo banin keipawhin ka vuan vat “ Pa ilo tha em?"ti a ka zawh chuan zawi tak hian a that thu chu a sawi ve a ,ala chau hle tih a hriat,nu Reina nen chuan inhmel hriat tirin an inkawm zui a,keipawh ka lo tel ve zauh zauh,nilenga awm lo in rawngbawl hun awm velah kan haw a ,nu Reina pawhin ka pa chu a tha leh vat mai ang tiin min hnem ve a ,chu chu keipawhin ka beisei.

Rawngbawl chu pui lehin nufa ang mai chuan kan infiam bawrh bawrh,chunga sual a nilo a a fanu ang tak takin min en ve tih ka hria ,misuala pawh a rawn haw a , fridge a bawng hnute chu a rawn in khawlh khawlh “ Mom enge insiama ,pitar chuan eisiam athiam ve a nimaw?" a rawn tikher chu ka ngei hle “ Theo khatiangin tawng suh,naktuk atangin Sara hian college a kal ve dawn a ,nitin i bike ah phurin in kal rualin in haw rual bawk tur ani,ka thu i hnial a nihchuan ka chhan tawh dawn lo che ania" nu Reina chuan a tihzawm a .

Kei erawh ka lo ngawi ran ,ka chawhmeh chan lai chu ka chan mawlh mawlh ringawt “ Hmm a duhleh a mahin kal ve mai sela ,a thing ropui si ka nu in timah mah a ni ,ka bialnu ka hruai dawn hetiang thingtlang mi leh nghal ,miin engtin nge min ngaih ang " a tihchuan ka lo thaw hak,ka kalsawn nghal daih bawk ,engvanga min hmusit em em nge maw a nih le,kei chuan ka pa nunna atan chauh a nei ka ni a ,chungin ka tibuai pawh a ni silo . Hetiang khawpa min hmuhsitna hi engtikah emaw chuan ka la rul let ngei ang.

Ka roomah chuan ka thu reng,chaw ei hunah chiah ka chhuk thla a ,pa Christian an vawiin lam chanchin min zawh chuan ka chhang ve mai ,kan hmela erawh a awm velo a nih hmel,chubakah ka pa chanchin hi hre ve turin ka duh hek lo ,a tuk lamah chuan college kal turin ka insiam,ka inchei dan pangngai bawkin pawnfen nen ka inha leh tawp a ,ka kawr chu a par deuh bawk , Theo khan a sawi diklo chuang lo ,thingtlangah ka awm reng avangin khawpui lam incheina ang chu kan ha ngai lo hrim hrim.

Sexy taka awm te kha a zahthlak kan tizawk thin . Inhnuaia ka chhuh rualin “ Min rawn zui rawh" Theo chuan tihmukin a chhuak nal nal,a hnungah chuan muangchangin ka zui,a bike bula lo dinga ka inchei dan a melh kual chu ka hmu reng . Lungawi loh hmel zetin min en ran mai ,“ Khatiang thawmhnaw lo kha i neilo em ni?" arawn tihchuan ka melh nghek “ Neilo min phurh peihloh chuan min phurh angailo ,keimahin ka rawn kal ve mai ang " tiin a bike chu ka kal pel hmak.

Taxi rawn tlan phar ka tum chiah chu min rawn pawt her lawpin min chawi nawlha ,a bike ah chuan min hlang dawt,ka hamhaih bawk nen lo tal nachang pawh ka hrelo ,rawn thu in chak zet hian bike chu akhalh chhuak a ,au tuarin ka kuah nghal rawk rawk ,ka mit ka chhing tlat bawk ,reife hnu ah mi tawng ri hria in ka mengchhuak “ Chhuk rawh "a rawn tihmuk .

Mipa panga rawn kalin “ Wow bro,i hmeichhe duhzawng i thlak leh em ni " sa tha zet hian a rawn ti a,Theo chuan melh vakin “ Thlaklo kal ang u " tiin keichu min ngaihsak tawhlo in a thiante chu a kalpui nal nal,hawi kualin ka class tur lam ka zawng a ,tumah hmelhriat ka neilo bawk nen a thenlahin ka inchei dan enin  an nui leh thin . Mi hausa ho luh khawmnaah ka lut tih ka hailo,an college pawh America ramah chuan a lar hle reng a , University of Rochester ah ngei ka lut tih hi ka awih theilo rum rum , building a awm teuh,lab zirna ringawt pawh a lian hle.

Library pawh building hran vekin a awm a,phul a awm chhuak vek bawk. Ropui tizetin ka hawi kual ruai “ Hi " ti a mipa in min rawn biak chuan phu zawkin ka en ,mipa sangtha zet hi ka hmaah lo dingin min nuihsang,a kut ka lamah a rawn phar bawk “ Hi " tiin ka chibai let a,a nui var var reng mai ,a nelawm hmel takzet “ James ka nia " a tihchuan “ Sara " tiin ka en let ,ka class awmna tur lam a hriat leh hriat loh zawtin ka subject te chu ka sawi a ,vanneihthlak takin kan subject lak a lo in ang hlauh.

Kan inzui nghal chawt,chu University ropui lutuk chuan min hawi kual tir reng ringawt