THE SEX SURROGATE S2 COMPLETED

LINDEN LEH ARIE TE LAN TIR LAWK ANG AW 

ARIADNE POV....

Linden" ka tituar a,an pafa hian an puitling thei thlawt lo a nihhi ,kum 45 mi leh kum 22 mi ni tawh chung hian naupang ang chiah hian an la awm a ,ka fanu te pahnih lahin an pa leh an unaupa in fiam chu an nuih leh hak thin .

“ Arie infiamna a nihhi " Linden chuan a rawn ti bul bul a “ ni e tikhan Sam tuak phung Khan infiam zel la nakinah chuan ka hnung ana rawn ti reng reng suh ang che " tiin Gabriela te ho nui thaw chu ka luhsan hmak a ,kan room lamah ka kal nghal nal nal bawk .

“ Arie " ka hnunglam a tanga rawn ti dut dut tu chu ngaihsak duhlo in thawmhnaw chu ka thlep mawlh mawlh a ,“ ka nupui duatlai hi tunge aw lo hau khawi maw kan duat ange " tihpahin ka hnung lam a tang chuan min rawn kuah hlun a .

Ka beng nghal pawp “ mi khawih suh thu I awihlo si I hriselna ngai pawimawh ve ta che naupang pawh inih tawh loh kha ,I fapa lah nise chuti bawk naupiang hlim anga awm hi duh tawk teh u ,saw a tlangval ve uaih tawh a bialnu neihna Chang pawh a hre silo ,a buaithlak anih hi .

A college luhna te hi sawn ka duh tawh ,duhai an tang lo mah mah " tiin ka hau hlak hlak a ,ka dara a khabe nghat in ka dulah a kuah bet hlun a ,chet ahar vek “ amak e Linden kum 45 lai inih tawh hi " tiin ka tal a ,min la kuah nghet sauh zui “ kum 45 mi nitawh mah ila ka la che thei ania" tiin ka biangah a rawn fawp zauh a .

“ I h*r lutuk " ka ti.chiam ringawt ,a tawngkam thlahdah lutuk hi ka hau reng nihhi “ a dik lo ami nizanah pawh " a rawn tihrual in rang zetin a ka ka hup a ,ka hmai chu a sa hut hut a thusawi thin hi ngaiah ka nei thei lo ,ka melh rawm rawm a.

“ I fate awm lai lai in sawi ziah suh aw " tihpahin ka tauh data ,a rawn nui nghawr dat bawk ,ka hawilet a ka fawp vang vang ,a lo duhthawh leh mai mai ,ka talsawn a ka nuih hak hak “ khawi maw lo kal teh " tihpahin min chawi nawlh a ,kan inchhaih rak chul a .

Kan fate pawhin min en in an nui ve char char a ,Linden pawh a fate tan a theihtawp a chhuah a ,an mithmuhah thinrim hmel a tilang ngai lo tluk a ni ,mafia lam erawh a thlah tak tak theilo ,a fapa pawh hi in vennan tiin a tette a tang Khan a train a ,a thiam pawh a thiam viau .

Mahse a tul hun ah chiah a hmang thin thung ,“ Linden ka tlawm ka chau " tiin ka thaw halh halh a ,ka nghawngah a rawn fawp dek deka ,ka namsawn nghal vat ,mawl thei lutuk mai “ Liam I nu Daisy va ko teh " ka tihrualin a kal vat a ,thu an awih a min zah der thiam bawk .

Linden vang ani pakhat ,a ni hian engkim.awmdan mawi a zirtir reng a ,kan fanu te pahnih lahin an pa hi an chhuang em em reng bawk “ nu ka pa nen hian in inngaihzawn laiin engtin nge in awm thin" kan fanu naupang zawk Vivian chuan a rawn ti a .

Ka nui vur vur ringawt ,kan beih nasat dan te kha ka ngaihtuaha ,kan inhmuh tirh te kha “ I pa hian maw min neihloh a hlau lutuk kha min rubo a " ka tihchuan an unau in an nui hak hak a ,Linden erawh a ngawi ngul a ,a ner suk suk ringawt ka nuih ru vur vur a .

Min rawn hmuh rualin “ lo kal teh" tihpahin a rawn tlan a ,rang lutuk in ka tlanchhe nghal ,kan in um rak leh tung a,kan awmdan hi la hmu lo tan phei chuan naupang hi kan ang ngawt ang “ Ariadne " Daisy aw kan hriat rualin kan ding a ,ka hnung a tang min rawn kuah hlun a .

“ Aw daisy hei chaw ei khawm ang u ka tia Gabriela lah hi rawn kal tum reng reng lo a induh deuh em ni " tiin ka.phun hlak hlak a “ Mam chutiang pawh a nilo a inthlahrung alawm " a rawn ti a ,ka thaw hak buaithlak thei lutuk an indan a tang hian kan thla zar hnuaia awm a in ngai in a in kiltawih mah mah anihhi .

“ Rawn phei rawh se vawi eng zat nge ka sawi tawh chhungkua kan ni a ,kan ni reng bawk ang inthlahrun na tur a awm lo " ka tihchuan “ Madam " Gabriela ani ka ner nawk a,kan thinrim der a nge “ enge" rum lutuk a ka melhna a vang nge a meng khup nghal lap a .

“ Ka tihpalh fate kan nei ve tawh a chuta kara lo tihbuai reng cheu kha ka duhlo a lawm" a rawn ti a ,ka la tawng duh chuang lo ,midang lahin ka awmdan hrethiamin an lo nui ru reng bawk nen ka melh nghek “ Madam ka tihpalh ka tihkha " a rawn ti bul bul a.

Ka en ve chiah “ Gabriel vawi eng zat nge ka sawi Dawn chhungkua kan ni a ,I fate pawh kan fate ve tho an ni ,chuta karah ilo induh a maw " ka ti that a ,a thingthi nghal hnawk a,ngaihdam min dil char char ka nuih za lutuk chu ka insum thei tawh lo ka nui chhuak hawk hawk a .

Linden lahin a pan a “ I madam chu I hlau bawk maw" tiin a nuih hawk hawk a ,Gabriela pawh a rawn tho chhuak vat a ,kan inbe nghal bawrh bawrh Liam erawh a room.lamah a kal.leh tawh a ,apa anihloh chuan tumah hi a kawm.vak lemlo a thiante ho lah khawpui chhungah vek an awm bawk sia ,Gabriela te fa nen hian an inkawm deuh chawt a ani pawhin.azui chho vat a .

An thian dangte nen erawh an in hlat ve em ani ,keini erawh khawpui ri bengchheng hriatlohna tur ah kan awm a ,a hahdam thlak ka ti zawk ,ri huai huai hi ka ngai thei lo  ,Vivian ,Christy ,dyna te chu an inkawm ho a hmeichhia vek an ni nen an inkawm ngeih phian bawk .

Kan inkawm ho bawrh bawrha ,Elina te erawh LA lamah Theo hna a vangin an awm a ,mahse phone ah kan inbe reng thung,Ketty pawh pasal nei tawh in ani pawh businessman tho anei a ,NY ah tho hian an awm a ,a khat tawkin kan in kan kual thin.

Zan kan mut dawn chuan ka hmaiah cream ka tat mawlh mawlh a ,Linden lahin min lo tibuai reng bawk he mihring hi chu aw khap sen pawh hi anilo,tun pawh khum lama.min.pawm phei leh dawr dawr tawh hi .

LIAM POV....

Ka room ah chuan Anthony nen kan inkawm a ,ka college luhna ka sawn Dawn tih ka sawi chuan a ni pawh ka luhna a luh ve a tum a ,ka nui suk midang pawhin an sawn leh Dawn tih ka chiang bawk .

Min zui kual reng zel miau a ,kan pate ho ho Mafia lama tanga in unau vek an ni a ,chuvang in an fate pawh kan in kawm ngeihin insual pawh kan thiam a ,mahse a tul hunah chiah kan lan tir thin,kan college luh na apiangah star tu pawh kan ngah.

Midang chuan nuam an ti a ,mahse kei erawhin engah vak ka ngai lem lo,hmeichhia hi biak leh chhaih ka thiam lo hrim hrim ,min duhthu min hrilh tulah ka ngah mahse chhan dan tur ka hrelo a ,ka thiante hian min nuih leh tawp thin ,ka hmeichhe mi lo ve em ani .

Chubakah ka duhzawng tak ka la hmu lo bawk ,Anthony nen hian kan inkawm ngeih fal a ,kan inhnaih ber vangte pawh hi aniang ,chubakah a pa leh ka pa lah hi unau ang mai an ni a ,an fate min en hrang ngai lo tluk ani .

An zaidam a ,an thinrim tawp erawh chuan ramsa kawlh ang mai an ni,ka pa hi Mafia hotu ber a nih a vang hian thiktu leh haw tu a ngah a ,chuvanga keipawh ka tette a tanga insual min zirtir a ni reng bawk a ,games kan khel a pubg hi chu ka tui lo ka lu a hai vek thin.

Ml khelin kan rak deuh tung a ,hmeichhia kan ang viau ,kan thianho kan insawm khawm a ,Joela te ho pawh an rawn lut vat ,squad hian kan khel ngei ngei a ,a nuam kan ti tlang bawk a ,zan rei tak tak thlengin kan khel fo a .

Kan chak lo ,Anthony chu ka melh khui a ka chum nghal chawrh ,base venna chang an hre thin lo hi a buaithlak ,a haw hnu chuan ka mu nghal mai a ,zingah walk turin ka kal leh nghal ,khawpawna awm kan nih a vang hian tumahin min hmu ngai lo a 

A thlamuan thlak zawk ,khawpui chhung luh erawh chuan tute pawhin ka thla an la ru a ,ka kham thin ,ka college luhna tur lamah ka nu leh ka naute pahnih an kal a , kei erawh in ah awmin kan thiante lo leng tur Anthony a nen kan lo nghak leh ran a .

Kawngka a rik rualin Joela leh Karen te an rawn lang nghal zat ,kan thianho hi kan sanga kan intiah hlawm viau ,mahse tlemin ka lawr hret thung ,kan dan pangngai in ml bawk kan khel leh a ,kan nute theuhin admission an ti a ,kan hahdam viau .

“ Tuna kan luhna tur hi America rama school tha ber pawl stanford ah a ni leh nghal " Karen chuan a rawn ti a ,kan melh nghal thup chu a ngawi deuh a “ enge California ah kan awm a ngai tihna" a rawn ti a,hmmm New York kan chhuahsan a ngaih hmel e.

Mahse a pawilo khawiah pawh awm ila ,kan ngaihtuah awm lo tur ah ngai ang,mahse California ber kherah ,ka kal chak vak lo a sin le ,America ah hi chuan kan pate a vang hian kan lar belh a ,ka duh lo viau .

Hmeichhe ho lahin min neih tumin an bei reng bawk ,mahse ka hmeichhe hmangaih tak lo chu ngaihzawn ka tum lo bur ,ka thiante erawh an duhzawng a nihtawh phawt chuan an hmaih ngai lo ,a hmeichhia zawkin an pan hmasak phei chuan ngei ngei hi a ni mai .

A tuk lamah kan nute ho pawh an rawn haw a ,zanah ka pa chuan min biak duhthu a sawi a ,an room ka pan vat “ pa pawimawh a awm ami" tiin ka hnaih a ,a bula thu turin min hui vat bawk “ bawiha ka thachhang dawl tu tur I ni a ,chuvang chuan tupawh hian an enrawn che a .

Fimkhurna hlauh ngai suh ,tun pawh california lamah i kal dawn a ni a ,hmelma tam tak inei tih hre reng la ,I thiante nen pawh fimkhur viau ang che u ,mahni in inveng thei tihchu hre mah ila ,fimkhur tluk a awm lo " a rawn tihchuan ka bu nghat a .

Ka nu in a rawn auh takah chuan a nui nghal suk a ,ka nu nen a an inhmangaihna hi a ropui ka ti thin“ chhuak phawt ang hmiang i nu in min au tlat min ngai leh tawh aniang " tihpahin a nui leh a ,ka lo nui ve hak.

Kan chhuah rualin ka nu chu kan pan a “ khawnge in tawm reng a,ninawm in pafa hian thuruk hi in ngah lutuk" tiin a phun hlak hlak a ,ka pa chuan a kuah vat ,keipawh chu inchung lamah ka chho a ,ka khumah chuan ka muthla dat bawk .

L.A lam kan pana ,kan thlen rualin car in min lo nghak a ,kan thianho a awm hran kan duh lo a ,kan penhouse pawh inhnaih te ah vek a awm ,ka thawmhnaw chu ka awmpui tur chuan a dahtha mawlh mawlh a .

Ka nuten maid hmeichhia duh mahse keimahin mipa ka duh zawk miau a vangin ,mipa kan la a hmeichhia awm pui kual vel hi ka peih velo ,ka room lam ka pan a ,ka intihfai hnu ah reilo te mut ka duh a vangin ka mu hahchawl a ,a dai raih nen a nuam phian .

(Comment vek ang aw chuan blog link hi share vak ka phallo a ,copy theihloh bawk aw)

LIAM POV....

Kan college tur lam kan pan a ,guard kan nei vek bawk ,kan thlen rualin students ho an lo awm khawm leh tawh ,engtin nge an hriat zel ni ,ka thiante pathum chu an chhuak sap sap a ,kei erawh a hnung berah ka chhuak thung .

Ka chhuah rualin camera chu a rawn phe nghal chuai chuai a ,ka nersawk hetiang hi ka ngaina tehchiam lo kan kal tur chiah chu hmeichhe pakhat hian min rawn su dawt a ,a tlu tur chu ka man nghal vat ,mak tih hmel zetin min en a .

A tilui nge ni ang,a tihluih ka ring mah zawk “ hetiang a i awm hian ka duh phah che I ring em ni " tiin a beng bulah chuan ka phun sup a ,a rawn meng lin nghal phat “ I zak nange nang hi ka duh bik reng reng lo che tunge inih lah ka hre hek lo min thlah rawh " a rawn tihrual chuan ka thlah a .

A thal nghal tawp midang chu an nui dur dur a ,ani erawh a thinrim hmel lutuk a thinrim hmel lah chu a duhawm em em.mai leh nghal a, mipa pakhat hian rawn panin a kai tho a an kalsawn chu ka thlir reng ,hmeichhe dang ang a ni hauh lo ,ka thiante chuan min rawn nghawk zauh a .

Keipawh ka inthing harh nghal vat bawk ,class ah kan lut a teacher thlengin min lo be nghal bawrh bawrh ,mihausa hi chu an hre ve mawle ,kan thutna tur kan pan lai chuan khanu bawk kha ka hmu rum zetin min lo en a .

Ka nuih sak a nuam dawn e a mizia hriat chian pawh a chak awm a lawm le ,an hma ah kher chuan ka va thu a ,a ner nghal nawk ka thiante pawh an rawn thuve vat a , teacher chuan kan chungchang a sawi a ,an phun leh nghal mur mur tawh ,a hahthlak leh dawn mange .

Heng vang hian a lawm school sawn vak pawh ka peih loh thin ,hmeichhe ho lah hian mi an zar leh chung ngei ang “Madie engtin nge kan tih dawn " ka hnunglama tawngthawm.chu ka ngai thla a “ eng tin vak nge I awm anga I thu ang he mi te vanga thutna sawn te kha I tum ange hetiang mihausa chapo " a ti that a .

Ka thiante pawhin an hre reng ,mahse ka mitmenga ka khap na a vang chuan an be bik em lo “ I tawng an hre pha ange thil a tithei ania " a mipa mipa chiah pawh a nilo gay a ni ngei ang chu chuan a ti leh a ,ka nui hak ka hawi let.rualin engmah hre lo ang maiin a hawi hmak.reuh a .

Engmah sawi lemlo chuan ka hma.lam chu ka melh ngur a ,teaching pawh ka ngaithla tehchiam lo ,break rualin ngawi reng in ka tho chhuak a ,ka thiante nen chuan pawn lam kan pan vat bawk “ hi " ka hma a hmeichhe chhelo ve tak ding chu ka en ngur a .

“ Gina ka nia " tihpahin a kut a rawn phar a ,ka thiante chuan chibai turin min lo ti leh hmanhmawh chhelo an ti tih ka hre nghal mai ,ka kut chu phur lo zetin ka pe a ,min rawn nek nawk tu an awm a vang chuan kan en thap a ,kha nu bawk kha pawnlam panin a kal nal nal a .

Ka thiante chuan ka khawih zui dawn leh Dawn loh min en thap bawk ,engah mah ka ngai lemlo ka la bel Chiang khawp ang ,Gina chu kan bulah a awm nghal char char a ,mi hausa fanu ve tho tih hriat takin a thawmhnaw pawh a changkang viau bawk ,ka bulah a awm deuh chawt a ,khawih ka tum lemlo .

Hmeichhia ka ngaihsak loh em a vang hian ka thiante pawhin ka zeiloh zia an hre vek ang ,ka kalsawn nal nal hmeichhia hi ka tai thei thak lo ,an bula ka awm hian ka hah ,fianrial lam ka pan a ,thing pakhat hnuaiah chuan ka ding vang vang a ,NY lam ka ngaihtuah a ,ka chhungte ka ngaihtuah a .

An thawm hriat tur awm lo chu a reh ruihin ka hria ,ka chung lama thawm ka hriat chuan ka hawi chho a ,mak ti lutukin ka en reng khanu maksak I bawk kha thingzar ah chuan a lo mu a ,min hmu lo nge ka chungchang sawiin a phun char char leh nghal a ka nuih suk a .

“ He ta hi ka awm reng a lawm " ka tihchuan a phu nasa lutuk nge a rawn tla thla a ,min rawn delh nghal chawrh a ,ka nersawk ka awm chu a delhna phian leh nghal “ tho vat rawh" ka tihmuk a ,rang zetin a tho nghal a .

Melh run chungin ka kalsan nghal nal nal ,mawl lutuk ,ka thianten ka hmel an lo hmu chu dik lo a awm tih an hre nghal a ,mahse engmah sawi ka tum lem lo ,kha hmeichhe mawl lutuk kha a thutthlengah chuan ngawi reng in ka thu a ,midang chuan min rawn pan vat .

Hmalam ka melh ngur bawk ,ka awm lah chu a rawn tlakna a vangin a ruh ana deuh a ,ka thaw hawk ka in ngaihtuah thinrim mai Dawn ka pian tirh a tang in tumah in min la tina ngai lo ,pem ka nei ngai hek lo ,ka nu leh pa khan min enkawl uluk em a vang kha a ni pakhat .

Class a kan luh hnu ah a rawn lut ve a ,ala bai auh auh zui ,ka en ngur ringawt a ni pawh a mengno teh chiam lo ,Joela te ho chuan min en tawn sek a ,ka hawisawn deuh hmuk,ka awmdan chu a naupang chhia viau .

Mahse pawi pawh ka tilo ,kum 22 mi ni tawh mah ila ,puitlin hi a har ani ,min rawn kal pel a a rimtui inhnawih rim chu ka hip lut hrawk a 

MADIESON POV..

He mipa ngeng leh sual thiam zet hi kan college ah kher a rawn lut leh nghal ,a chanchin chu ka hre ve a mahse chungin ka hre teh chiam lo ,ka kal pelh lai te chuan rum zetin min en a ,ka hlau awm hlei lo emai a .

A hnungah chuan ka thu thla a ,ka hma a ngeng lutuk chu ka en reng ,a la rawn hawi duh lo zui ,Gina te an rawn kal takah chuan ka hawi sawn hram ,ani hian min er em em a ,mihausa fanu duat sual ang chi kha ,kei erawh sum chu kan ngah ve tho a a u chuakin ka inchei ngai lem lo .

Gina erawh an hausak na a chhuang ka timai ,midang hmuhsit leh hnuai chhiah taka tawngkhum.a hmang viau ,ka pa hi Grayson ani a ,mahse a thihna a rei tawh ka nu min hrilh dan chuan ka pian hma lawkin bomb puakah a thi tih a sawi a .

A thiltihsual vang ani a ti bawk,misual tak ni mahse ka pa anih angin ka haw thei lo ,Gina chuan ngengngula banah chuan a kuah a ,ka ei thlawt lo ,an inhmeh phian ang mi chapo lutuk pahnih ,ka tho chhuak a ka thianpa ( ani hi gay ani) Peter chu ka haw tur thu ka hrilh a ,a lo pawm hram .

Dik tak chuan kan college hi ka ning ,ka tho chhuak a kan ngengngula khan min rawn en vat a ,hmu lo ang hmakin ka kalpel a ,ka chhuak nal nal ka ke lah chu ana phian leh nghal a ,ka tla tur min lo chhan kha lawmthu sawi ka duh nen a thusawi a vang Khan ka thulh leh phah kha a nia .

Kan in ka thleng a ,kan awmpuite chuan min lo hmuak vat ,ka nu erawh kan hotel lamah a kal a ,ka pa thih hnu khan a hna engkim ka nu kutah a awm nghal vek bawk ,chuvang chuan haw pawh a rawn haw khat a ,kan awm pui pi Charlie hian min enkawl seiliana chuvang pawh a niang ka nu ai mahin ka ngaina zawk .

Ka haw hmat chhan min zawt a ,ka hrilh tha ve mai ,midang chu ka ke hmehna tur a lak tir a ,min zut sak nghal.thlap a fate nen min enhran loh zia ka hria a ,keipawhin ka nu ang mai a enchang lah ka ngah ,inchung lamah ka room ah ka chho a .

Ka mitthla ah lah chuan khapa hlir kha a la awm zui ,a hmelkha ka sawi thiamlo a perfect a ni tawp.mai ,a pian analh a a sang bawk ,a taksa lah chu cher tihtur ni silo ,thau ni bawk silo a inphut mawi tawk em em zui ,ka lu ka thing nawk.

“ Madieson chutiang ngaihtuah tawh suh a chapo si " tiin ka inhau mawlh mawlh a ,ka khumah chuan bawkin ka mawnglam ka ti kang a ,min hmutu awm se chuan an nui vak ngei ang mahse ka room a ni miau a ,ka ham buai buai a .

Ka muhil nghal bawrh bawrh ,ka harh leh chuan ka nu lawh a lo haw tawh a nih hmel ,in hnuai lamah a tawngthawm ka hre tlat ,tho chhuakin ka chhuk thla a ,ka kuah nghal vat ,ka samah a chul a “ vawiin teh enge I an I ke iti na tih ka lo hria a " a rawn ti dam thlap a .

“ Um nia ih..." ka tihrual chuan “ thingkungah I lawn leh tawh ani maw " a rawn tihchuan ka lei ka chhuah vak a ,ka nu hi chuan ka naupan lai a tanga ka chin than hi a hre lutuk tlat “ tihpalh mom mahse a nuam em alawm, ka tla na lo mipa pakhat mahse chapo tawk in min lo dang hlauh a " ka ti a .

A rawn nui hak hak a ,keipawh chuti tho ngengngula chanchin chu sawiin kan titi bawrh bawrh a ,fimkhur turin min chah pah bawk ,ka lo aw ve mai a ,mahse ka zawm leh dawn lo tih hrechiang tu ber pawh ka ni bawk .

Chaw kan ei a ,lehkha zirin ka mu leh vat a ,ka chau lutuk thawnthu ka chhiar hmasa phawt a ,ka chhiar loh chuan ka awm thiam lo miau a ,ka mut a chhuah tawh em a vangin ka awmdan siam remin ka mit ka chhing riai riai a .

MADIESON POV....

Kan awmna a piangah min zui a ,ka va han ngei tak naupang chhia pawh an ni tawh tawp silo ,ngeiawm lutuk mai an thianho in kan thianho bulah a kawpte tein an la awm zui ,Liam Scott chu ka melh leh hrep thin a sawt lemlo khawp mai ,students dang ho chuan min sawi sep sep hlawm a .

Ka duhlo viau ,he mihring vang vek hi “ tinge min zui reng a " ka ti tuar a ,an rawn hawi nghal thap enge ka thil hmuh hi ka thiante leh a thiante kut chu alo insuih vek tawh ,ka mit ka nuai nawk nawk “ nangni kha inthlah nghal rawh u " ka tihrualin Liam Scott chuan ka kut a rawn hum bo nghal vek ,a kut a lian si a lum bawk nen min khawih rual chiah chuan ka mur nghal chuai 

Mak tizetin ka en chho a ,min lo melhchhuk ngur ringawt “ au reng lo teh an induh tawna an inkai a nimai love at first sight an tihkha " a rawn tihchuan ka ner khum vak “ a duhleh love at first die pawh ni ang hmiang" ka lo ti chu a nui huk a ,kan thiante lam chu hawiin “ lo va kal sawn ta cheu " a tihrualin nui tet tetin an kalsawn a “ Lily ,Tessa ,Nora min phatsan a maw " ka tihchuan an rawn hawi let a .

“ Madie kan tihpalh ,mahse I thinlung kha bum suh nang pawhin I duh kha " an rawn tihchuan ,ka lo inhum ruh vak an va han chak Dawn lo tak ,Liam Scott ka en chu a mit hmul a lo tikang uk a ,ka beng nghal chawrh chu min hnuksawn nghal dawr dawr a ,a carah min hnawhlut nghal rawk rawk ka timai ,alakah ka te lutuk hi ka hua .

Khawiah nge min kalpui dawn pawh sawilo in a tlan mawp mawp a ,ka mit ka chhing lui tlat ,reife hnu ah car a tiding dawt a ,ka la mengduh chuang lo ,ka hmai za mer mer ah chuan ka mengchhuak riai riai a ,Liam Scott an min lo en reng tih ka hriat chuan ka sen nghal awp awp in ka hria ,ka hawisawn vat a a nui suk ri chu ka hre reng .

“ Lo chhuak la " a rawn tihchuan ka chhuak a ,kan awmna hmun chu ka en kual nghal vat ,pathian leh! “ a mawi lutuk " tiin ka nui nghal sen sen a ,tlangsang zet a tang hian tui a rawn khaw thla a ,a sir velah chuan farthing leh thing chi hrang hrang a ding thupa ,lei lang miahlo in phulin a bawh khat vek bawk ,sava leh pheng phehlep an tlawk suau suau a .

Ka nui nghal var var hetiang hmun LA ah a awm tih ka lo la hre ngai miah lo “ kal ila " a rawn tihchuan ka pan vat a ,tui khawhthla in a a siam dil chu kan pan zel a ,a kawr a phelh nghal sawt sawt chu en ngam lo in ka hawisawn vat mahse a pian nalh zet chu ka hmuh hmaihlo ,chuan ka ruih lai Khan ka lo zutsak tawh a nihkha .

Tuiah chuan a zuang lut a ,ka au that a rawn lan chhuah leh chuan a nui var var a ,a vahan hmeltha tak a mit hring ram chu tuiah chuan a fiah kak mai “ I lo cheng ve Dawn em " a rawn tihchuan ka ngawi reng ,pawi ka ti em em lo ni a sa ropui sia ,ka thawmhnaw chu ka phelh riai riai a ,min lo en reng ka hmuh chuan ka tawp chawt “ hawisawn rawh" ka ti that a .

Min hnial lo in a hawisawn ve mai ,muangchangin ka kekawr chu ka hlip leh a ,bra leh panty nen chiah ka awm tawh ,tui ka hleuh thiamlo nen a thuklohna laiah chuan ka awm daih a ,Liam Scott a rawn hawi chuan min en nghal vut “ tinge rawn phei ta che " a rawn tihchuan ka lu ka thing nghal vat .

“ Ka duh teuh lo tuihleuh ka thiam lo tih i hriat reng kha " ka ti that a ,a rawn nui nghal hawk a “ ka zirtir ang che " tiin min rawn pan a “ ka duhlo min thlah ang " tiin pawnlam pan chuan tlanchhuah ka tum a ,tui a ni nen a tlanchak theih bawk siloh ,ka taiah a rawn man a a taksa lum vung vung chu ka hre rang ngei mai .

Ka che lo a ,ka thaw dep dep ringawt thawm hnaw kan ha lo ve ve bawk nen ,a taksa nen a kan indai chiah hian ka danglam vek ,ka beng bulah chuan rawn kun hniamin a hmui chuan a rawn nawr kual ne ne a ,ka lo thaw tawi hak ringawt ,a lam hawiin min kuai her a ,ka en chho nghal kar .

A mit hring ram chuan min en ngur a,ka hmui chu ka pek zeuh ,ka zam takzet a rawn kun hniam ruai ruai a ,ka mit chu ka chhing nghal daih bawk ,a hmuia min rawn fawh chiah chuan a nghawngah kuah letin ka fawp let ve nghal zat a min pawm kang nghal lawp .

Dil pawnlam pan chuan min pawm phei zel a ,tunah tak hi chuan engmah thil dang ka ngaihtuah thei lo ,he pa Liam Scott hi ka duh takzet tih chiah ka hria ,phulah chuan min mut a ,ka lo en let ve kar bawk ,ka bra chu phelhin ka hnute chu a thlir vung vung a ,ka lo hup nghal vat .

Ka zam takzet vawikhat mah sex ka hmang ngai lo ,ni e keiang kum rual tawh ah hi chuan a awm lo viau ang ,a chhan pawh keini hnam angah hi chuan a tlangpui in kum 18 kan tlin hian kan virginity hi tu emaw ber kan hlan thin ,sex hi chu a ngei ngeiah an ngai miau a ,a mikhual lo viau bawk .

Mahse kei erawh tu mipa mah ka la mutpui lo a ,tunah pawh hian ka duhkher em tih ka hre lo ,ka kut chu lasawnin a rawn fawp a ,ka rum nghal hak ,a hnungah ka lo tham tawn tawn a ,ka lungphu hi a pangngai thei hek lo “ Liam duhtawk ang " tiin ka kap lam khawih a tum chu ka vuan bet vat ,min rawn en vut a ,a hmelchu a insum tumna ah a sen tun a .

Ka inthiamlo deuh mahse ka la inpeih lo ,ka chungah chuan a rawn bawk vang vang a ,a thaw hrawk hrawk bawk ,a samah chuan ka lo chul ringawt,min pawmkangin dil lamah chuan min luhpui leh a ,ka rak nghal tung ringawt ,nileng chuan chulai hmunah chuan kan awm a ,a nuam takzet a hma a ka huat nen tunah hi chuan ka duhtak zet tawh .

A mizia ka hre Chiang telh telh a ,ka duh tulh tulh bawk ,kan haw lam te chuan ka nui deuh vur vur reng a ,ka lam hawiin ani pawh a khi leh suk thin “ nuam iti viau a mi " atihchuan ka lo bu nghauh nghauh a “ kan kal ziah dawn ania I duh em " a rawn tihchuan ka lo yes nghal vat ,ka awmdan chu naupang chhia a tiviau mai thei .

Mahse ka hlim em ani ,college lamah kan let a,ka car bulah kan thiante ho an lo awm thap a ,enge an hriat ni ka chhuah rualin an lo nui vur vur hlawm a ,Liam lah chuan ka kawngah a rawn kuah nghal zat bawk nen ,students dang la haw lo ho chu an phun leh nghal sup sup a ,ka zak lutuk chu ka kun nghal daih .

“ In va inti lungawi thei maw " Anthony chuan a rawn ti a ,Liam a chuan a lu a bu nghal nghut ,kan vaiin kan inkawp ta vek chu ania ,ka thiante pawh celeb bialpa an neih vang nge an hmel a nungsar hlawm a ,ka lawmpui takzet ,a bikin keihi ka vannei ka inti zual an hotu pa ber ka ta a ni tawh miau a .

Kan kawppuite theuh carah kan chuang a ,ka car erawh midang kan ruai a ,kan inthleng an rawn dah dawn thung ,Liam chuan ka hmuiah a rawn fawp zauh a ,ka lo hau nghal hlak ,motor khalh lai hi chuan fimkhur angai ve bawk em ani ,kan in kan thleng a .

Min kuah leh vang vang hnu ah ka lut chauh ,a tuk ah chuan college pumpuiin kan thian ho leh Liam te thianho in kawp thu chu an hre vek a ,min thiktu pawh an tam ,a awm ve tho mai America rama mipa chhelo rual te hi kan ta an ni miau a ,Gina te phei chu an thinrim zia zeplo in an tilang bawrh bawrh a .

Kan ngai haw tawh lemlo ,an lo intih tatu em em te khan keimahni min thlang miau si a ,an thinrim chu a awm ve tho e ,Liam te ho chuan min rawn pan a ,ka bulah a rawn thu nghal vat chu ka lo nuih sen sen a ,a hma a ka huat nen tunah chuan a hmel te hi tha ka ti hluah hluah tawh,ka biangah a rawn fawp zeuh a .

kan thiante lam pawn kan ngaihsak tawh lo ,kan pahnih khawvelah kan cheng a ni ber ,ka kutah chuan a fawp vang vang a ,ka thinlung chu lawmna in a khat ,class ah pawh chuan a hrana thu tawh lo in ,kan thu ho vek a ,kei leh Liam ,Lily leh Anthony ,Tessa leh Joel,Nora leh Karen ,kan awmdan te pawh chu a nuihzatthlak zawk .

Kan inkawm ho nak nak a ,han kawm tak tak chuan an rilru chhiatloh zia ka hre nghal uar uar ,fiamthu an duh bawk si ,chawhma lam chiah class kan la a ,chaw hnu lam chu kan thianho in kan leng chhuak a ,an car theuhah chuangin ka car erawh driver ruaiin kan dah tir a ,ka nu in min hau em lo vang chu maw .

Tlang lamah kan lawn a ,a hahthlak phian leh nghal ,ka thiante hian lawn an timiau sia ,mipa ho chuan an hre teuhlo helaiah an awmna a la rei lo bawk sia ,a chhip zawl kan thleng a ,puan phah in an mu nghal thap ,kei leh Liam erawh hmun fal deuh ah ,kan puan nen kan mu a ,eitur kan ken chu ka ei mial mial a .

Min lo en reng chu ka lei ka chhuah zeuh ringawt ,ka hmuiah a rawn fawp a ,ral lam chu kan thlir dun vang vang ,sava dangdai zet zet te chu ram ngaw chhah tha zet thinglian pui puiah te chuan an thlawk nauh nauh a ,a va han mawi tak ,Liam a awmah chuan ka bei vang vang a.

A lungphu dat dat chu ka ngai thla kar ,amipa rim hrim hrim leh a perfume rimte hi a tui hluah hluah bikin ka hria ,a sam kir deuh chiatah chuan ka zut sak nauh nauh a “ hey nangni kha inla hrang viau suh u helamah lo phei ve ru thla kan la dawn" tiin Anthony chu a rawn au lauh lauh a .

Keini pawh kan phei ve nghal vat ,thla chu kan la teuh a ,ig ah an la post zui ,milar an ni nen hmutu an tam viau ang le,an chhelo hlawm bawk sia ,sawisel tu pawh kan nei teuhin ka ring ,tlaiah pawh kan la haw lo ,eitur kalkawngah khan an lo lei teuh tih ka hre chiah .

Ril pawh a tam meuhlo , Liam nen chuan thla kan la teuha,ka biang a lo fawp hman ziah leh nghal phakar a hi a .

MADIESON POV

Ka luna bur nen ka tho chhuak a ,ka bula mu ka hmuh rualin ka rak nghal that ,hepa hi engtin nge ka bulah a mut theih ,nilo keihi ka in en nghal thuak a,ka kawr ka ha tawh lo t shirt lian zet ka ha tih ka hmuh rualin ka mit ka chhing vang vang a ,tinge he mihring hian min tihbuai reng mai le ,ka kham takzet muangchangin ka tho chhuak tham tham a .

A rawn harh hma ngei a chhuah ka duh kawngka lam panin ka kal nghal hlawk hlawk a ,“ ding rawh " a rawn tih hrawk rualin chak zetin ka tlan nghal ,kawngkhar hawngin ka tlanchhuak a ,kawngpui lam chu ka pan vat bawk ,mahse engtik laiin nge ka bul a rawn thlen ka hre lo ,ka dulah a kut dahin min chawi kang nghal nawlh ,ka au nghal tuarh a “ min thlah rawh tenawmpa " tiin ka tal nawk nawk bawk .

“ Ngawi reng khan awm rawh ka phalna lo chuan khawiah mah I kal lo ang " a rawn tihchuan ka tal leh nghal vak a ,mahse a tha chak zia hriat lutuk in a che chhin eih lo “ min thlah rawh engvanga min man bet reng nge i nih ka nunah inrawlh suh mi hma a hmusit taka min tihdan en phei kha chuan maw min hnaih ngam tur ini lo " ka ti tawn tawn a , ngaipawimawh lo tih hriat zet hian inchhungah min luhpui leh a .

Ka thinrim lutuk chu ka sa vek thei “ Liam Scott min dahthla rawh ka tihchu " tiin ka chum leh pawp a ,rum hrawih chungin sofa ah min theh thla nghal dawt ,min rawn bawhin min fawp nghal buan buan a ,ka nam ve tang tang chu ngai pawimawh lo zet hian ka taksa chu a zut a ,he mihring pa hi ka haw tak zet ,tinge hetianga ka chungah a tih ni .

Enga ka lak a tang hian a duh le ,min fawhna thlakin dam dap hian min fawp dek dek a ,ka la chhang duh chuang lo ka haw so bawrh bawrh,mi hma ah zak takin min siam a ,a bialnu Gina kha nu ka ngaihtuah chhuah rual chuan ka namsawn nghal dawrh “ vawikhat mah min khawih leh tawh suh ang che ,nang ang mipa hmeichhe pakhata lungawi lo ho hi chu thi vek tlak in ni ,in hausakna kha maw chapo pui viau mahla .

Keichuan eng a tan mah ka ti ve lo tih hria ang che ,mangtha le Liam Scott min dan han tum leh vaih teh police te I hma chhawn nghal ang " tiin ka ding chhuak a ,ngawi renga min en tu chu nuih lui sakin ka chhuak nghal nal nal ,ka car a awm bawk silo pawi lo taxi la mai ang ka nu in min hauh loh ngei ka beisei ,Liam Scott ka ngaihtuah rualin ka thinrim tha leh thin zakthei lo lutuk mai .

Hmeltha mahse a nungchang a vang Khan ka duh ngai lo ang ,mipa ka kawp vat a ngai a ni ,chuti lo chu min ti buai reng mai ang,taxi chu pharin ka lut nghal vat a ,in ka thlen rualin awmpuinu chuan min lo chhawn vat a ,be lo in ka room lam ka pan vat ,college ah ka tlai ka hlauh vang a ni pakhat ,ka insiam sawk sawk a ,a hma anga thawmhnaw tha vak lemlo kha hak ka tum tawh lem lo ,tu pawhin ka nihna dik tak an hre vek tawh tho a .

Inthup vel kha ka peih tawh lo ,jeans kekawr bul chu ka ha a ,t shirt ka taksa phiar tang leh boot ka mal thleng dawn a zeeper awm chu ka inthawlh leh mawlh mawlh a ,ka sam ngil leh sei zet chu ka thlah hniang a ,make up tlem ka inhnawih bawk ,Liam Scott eng mi nge ka nih chiah hi ka la hmuh Dawn khawp che ,hmeichhia hi I duh duh nei theiah i in ngai a tiraw ,keipawh hian mipa chu ka van bik hoh lo a nia .

Ka nui sak a ,inhnuaiah chhukin chaw chu ka ei nghal mawlh mawlh a ,ka nu erawh a lo kal tawh a nih hmel ,ka ei zawh rualin ka ha nawt sawk sawkin ka car lam ka pan a ,ka chuang lut nghal vat ,college ka thlen rual chuan tuala lo awm ho chuan min thlir deuh thap a ,a hma a min tih dan vang kha nge ka tihlet hlauh hmel takin min en hlawm leh nghal a ,Gina te ka hmuh chuan ka nuih lui sak a .

Hawi sang vah chungin class lam panin ka kal nghal nal nal a ,ka hma a mipa rawn ding chu en in ka ner nghal nawk “ enge ni leh ta pek ,ka hmu peih vak lo che a sin " tiin Liam Scott chu ka melh kar a “ inbia ang" tiin min en ngur a ,ka biak peih a ring reng reng em ni ,a mit lah chuan ka ke ler a tanga ka chhip thlengin min la en leh ta nghal zakthei lo lutuk mai .

“ I chhe ve kal mai teh" tiin ka pensawn tur chu min rawn dang leh nghal chat a “ enge i hriata I lukir nen " tiin a thiante ho rawn phei ve chu ka melh rawm a “ in hmel hi ka hmu peih lo kal kiang vat rawh u " ti a ka tawng zawm ka tum leh chu min rawn fawh a vang chuan ka mengphawk vak a ,chulai awm ve ho pawh chu an thawm hak a camera a rawn de nghal chuai chuai bawk ,ka nam ngat ngat a .

Mahse ka kawngah a chelh bet tlat leh nghal ,Gina in a huat na leh thinrimna mitmenga min melh chuan runluih ka chak riau pek ,chuan he mihring pa pawh hian a tithei a nihchuan ka tilet ve mai a ,a hnungah chuan ka chula ka fawp let ve nghal chu boruak a sa nghal hat thei ,mak a ti nge min fawhna thlahin min melh ngur a ,ka nuih hak infiamna chu kan tan dawn chauh .

“ Tikhan I duhtawk em " tiin a mawng chu ka tham salh a ,hawi vahin phone a min lo la tin tu phone chu ka ben thlak sak hram kha ,class ah ka lut a ka thiante mak ti hmel chu ka nuih ringawt ,kan mihring chapo a chuan mak a tive ngang a niang a meng phar awn awn mai a lawm le ,min tihmualpho a tum a nih chuan ka ti mualpho let ve thiam tho a lawm le ,haha Liam Scott samkir a phuba anihkha .

“ Hey in in ngai zawng ami" Ryan chuan a rawn ti a “ enga " ka lo ti nghal vak ,Lily te ho lah chuan a dik chiah an lo la tizui “ teuhlo sawtiang mipa chapo lutuk saw ka duh ngai lo ang ,min tih ang chiahin ka tilet a nih kha " tiin ka nui hak hak a ,kawngka lam a tanga Gina te thian zaho an rawn luh chuan ka nui tawp nghal vat ,ka lam chu thinrim zet hian an rawn pan a .

Ka lo en ve reng thung ,kut min thlak a tum chu a kut ka man bet nghal chat a ,ka thing thla nghal hnawk “ nang hmeichhia hi ka ngaidam dawn lo che ,Liam hi ka ta a nih hi I hria em " a rawn ti tawn tawn a ,ka nuih hak “ oh a nih chu a nihte chuan enkawl tha la kei min ti buai lo tur hian hrilh ta che " tiin ka nam per nawlh a ,a thianten rawn puih an tum chu ka thiante chuan an lo khawih ve nghal zat a .

Gina bulah chuan thu thla in a Sam chu ka zut sak zauh a “ ka dawh tawh mai mai dawn lo che a nia ,ka nihna chu i hriat tawh kha " tiin ka ding chhuak ruai ruai a ,Liam Scott mitnen kan in melh fuh nghal chat ,ka nui sak a ,ka thutnaah thu in lehlam ka hawi nghal hmak a ,ka thiante pawh an rawn thu ve nghal mai ,class an rawn lak tawh a vangin tumah kan tawng tawh lo a 

A reh huaiin ka hria ,ka ham bai bai chu min nuih leh thin ,nizan ka thil tawn chu hria se an nui tawp nang ,kha mihringin ka taksa a khawih dan ka ngaihtuah let phei chuan ka thin a rim hlur thei mai ,break kan nei a ,kan thianho chuan kawtah phul chunga an thutna ah chuan kan thu thap a ,hmeichhia hi kei, lily ,Tessa ,Nora te kan ni a ,pali tihna anih chu ,fiamthu thawhin kan nui leh dar dar thin .

Tessa in min rawn nghawk zauh takah chuan ka hawi chhuak a ,a mitmenga a sawina lam ka en chuan ka ner sawk ,enge a la.rawn tih leh dawn ni ,kan bul an rawn thlenga students ho chu an phun nghal sap sap “ eng in rawn tihdawn Liam Scott " ka tifak a ,a rawn nui suk “ kan lo thu ve dawn mawle eng vak nge nise itih a " tiin a thiante chu a hui zauh a ,kan bulah an rawn thu ve nghal vek ,ka thiante pathum lah an lai nasa .

Chubakah kan la in kawp Kim thap zui ,pali ve ve kan ni tihna ,celed meuh kan bula an thu chu min en haw haw hlawm a ,Gina teho phei chu alh tur hmel an pu “ tunge I thiante hi " nelawm loh lutuk chuan ka tihmuk a “ oh " tiin lily bula mi chu a kawk a “ Anthony " a tinghal zauh a ,Tessa bula thu chu kawk lehin “ Joel" a tileh sup bawk ,chuan Nora bula mi chu “karen" a tisup bawk ,an hming chu nalh ve hlawm phian mai .

Heng ho hi min ngaihzawn an tum em ni le “ enge kan bulah kher in rawn thut a " ka ti hmaka ,ka la haw hlur thei ,“ kan lo thu chak a ni mai alawm " a rawn ti a ,a tawng thei si ka thiante ka en chu an bula thute vang nge an biang a tai hlar hlawm leh nghal ,hrep chuan a ,nge hetia an awm vak kher ni ,in ngaizawng pawh kan ni hlawm tawp silo ,zirlai dang ho hian in ngaizawng emaw min ti vek Dawn a nih hi .

He mihring Liam Scott vang vek hi a ni,ala chak lo khawp ang .

LIAM POV....

Thiana keipawh a thiannu Lily saw ka duh riau " Anthony chuan a rawn ti a ,ka nui suk Madieson ka ta ila ni khawp ang “ keipawh pakhat saw " tiin joela chu a rawn tawng a ,Karen pawh mawle ,a fuh Dawn e he school a thianza ho in ngaizawng awm chhun kan ni dawn tihna a nih chu ,madie te awmna lam chu ka en a ,fiamthu thawhin an nui hak hak hlawm ka thiante chu hui zauh In ka phei pui a .

An lam kan pan tih an hriat rual chuan rum zetin min rawn melh a ,ka nuih a za ru viau ,min hua a nih pawhin ka la in hmangaih tir ngei ang le ,ka thiante ho nen chuan kan thu thla a ,a awmdan hi chu a ngeiawm ve mawle ,kan thu ve ta renga athiante an laih em em laiin a ni erawh zahna hre lo tih hriat tak hian ka thiante nen chuan huat hmel zetin min melh rawm rawm thung.

Ka thiante lah an hmel a tangin an hlimzia ka hria ,hmeichhia an kawp tawh ho bula an awm loh dan in an awm bawk a ,a fuh Dawn e kei erawh a harsa Dawn a nih hi ka bialnu hmasa ber turah pawh a har talh mai ,ni e ka inhuat hmasak tir miau a ,mahse min duh theihna a nihchuan engpawh ka timai ang ,a kut ah chuan ka kut chuan ka va khawih hnan a ,hrelo ang hmakin ka awm nghal hmiah .

Min en reng tih ka hria ,lehlam ka hawi lui tlat ,henu hi ka duh takzet ka ta nise ka duh ,ka nu Khan min hrilh fo thin ,I hmangaih leh duh ber I tawn hunah meuh chuan i inzep reng thei ngai lo ang ,a bulah chuan I khurin I zam fo anga ,a thatlohna lai ber kha I mitah chuan a thatna a ni daih thin ang ,a kiangah chuan hote te ah pawh I nui reng mai ang .

Eng mi nge a nih ah I buai lo anga ,a hausa emaw a rethei emaw I tan awmzia a awm ngai lo ang ,hmangaihna dik tak chu hriat miahlohin a lo thleng thin ,hre reng rawh I thinlungin a duhtak a hmuh chuan pehhel ngai suh ,second chance inei tawh Dawn lo ,midang ta a nih hma khan vuan la midang ta a nihtawh chuan a tlai zo tawh thin,I duh anihchuan a tlai hma in hrilh ang che .

A tlai tawh chuan eng tiang pawhin tum mahla awm zia a nei tawh lo ,hun hian min nghaklo chuvang chuan he khawvela kan awm chhung hian kan nuam tihzawng chu tih mai tur ,nun hi a tawi a chutih rual erawh chuan zahawm thei ang berin nun hi hman tur ,midang in an sawisel reng nih ai chuan mite fak rawn leh en tawn tlaka nun tur ,tin mi awmtha duhlo I hmu a nih pawhin hmusit mai lo la .

A rukin harsatna an nei reng thei a,tin hmangaihnaah hian fimkhur a ngai hle bawk ,nun nuam tak kan neih rualin hrehawmna nasa ber min pe thei tu ani a ,dinhmun tha bera min dah theih rualin dinhmun hniam takah min dah thei thin ,hmangaihna chuan a dawhthei a ,mawilo takin a che ngai hek lo .

Mipa in hmeichhia laka in hriat reng tur chu ,hmeichhia hian hausa ringawt kan en lo a ,min hmangaihtu leh kan rin ngam hi kan mamawh ber thin ,hmeichhia nuihza siamnana hman fo te hi tihloh tur .

Hmeichhia chu kan nem hmat rualin kan duhlohna ah chuan lung ang mai a rilru sak kan nei a nia ,nawr luihna ai chuan dawhtheihna kan ngai hlu ,mipa harh vang leh lutuk leh tihuam huam kan ngai thei lo a ,chu ai chuan mipa cool raih si mahse min ngaihtuah em em tu ,min hrethiama harsatna kam tawh chang a min kuahtu tur hi kan duh chawk .

Tihluihna hmangin hmeichhe rilru hneh tum suh la ,I lak a tangin a hla sawt zawk ang ,hmeichhe nun infiamnana hmang tu chuana. tawpah kalsan na a hmu thin ,hmeichhia hi infiamna an nilo tih hre reng ang che mipa then khat chuan hmeichhia te hi toys ang maiin an ngai a ,an rilru hliam sakin an kalsan fo .

Mahse tumah nun nuam tak nei an awm ngailo ,hmeichhe rilru khoh tawh vek vek chu an rilru sawhsawn sak mai a har tawh ,hmalam an pan thuai thin ,beidawngin tap thin mahse hmeichhia an ni tih hre rent la an tlu hlen mai mai lo ania " ti a ka nu sawi thin chu ka ngaihtuah a .

Keihian ka nawr mah mah angem aw ,mahse chan ka duh silo mipa dang lakah ka chan ang tih ka hlau ,keima ta chauh niturin ka duh ,ka ta ka hmeichhia leh ka nupui niturin ,ka nui suk  a ,a mitmenga min melhna chu ka siai khum suk “ nang zak thei lo pa " tiin ka samah a rawn kek nghal.bawrh ,ka lo rum hak ,ka thiante lah an lo nui huk a.

“ I hmeichhia tur chu a kawlh hle mai " Joela chuan a rawn ti a“ nang kha lo ngawi rawh " Madie chuan a ti leh nghal that a ,ka lo nui hawk hawk zirlai dang kan bulah an awm em tih pawh ka ngaihtuah thei tawh lo akawngah ka kuah a ,ka pawm hnai nghal salh chu a khawng nghal awt