THE BAD BOY RULES CHAPTER 8

THE BAD BOY RULES 

CHAPTER 8

Ka sama khawih tu awm anga ka hriat avang chuan ka meng chhuak vat ,nihnih chhung Dylan a rawn harh tawhlo a ,a kut ka thlahlo tih tlukin a kiangah ka awm chawt ,ka hawichhuak Dylan an min lo en reng ka hmuh chuan ka ding hluai mai ,mahse a mah mai nilo nupa ka hmuh belh a ,a nu leh pa an nih ka ring ringawt,an hmel enin an upa ve tawh tih a hriata mahse an hmel erawh a la tha vuah mai ,Dylan lam ka en leh a “ Venus hei hi ka nu leh pa te an nih hi " a tihleh chuan a pa te lam ka en leh.

Dylan pa chu a lianin a zahawm khup ,a Sam Chu a tuak ve phung tawh a ,mahse a taksa erawh a la hrisel that hmel viau,a vanglai chuan a hmeltha ngawt ang ,a nu pawh chuti tho “ Ve ringawt a che Dylan hassin i pa ang mai ,khati khan harh chhuah rual rualin nu leh pa pawh be lo a inhmelhriat tir tawp kha sim rawh " a nu chuan a rawn tinghal hlak hlak,Dylan erawh a nui hawk a ,mahse a dul chu ana deuh nge a ner nghal sawk ,ka hnaih vat a a puan chu keuin ka en nghal zung zung.

A nu pawh chuan a rawn hnaih ve nghal “ Ka fapa i nu iti hlauthawng hle tih hria la ,I putean a rawn biak hlimah phei chuan i thi emaw tih Turin a tap pur nghal tawh tih hria la i nu kha duat hle rawh "pu Amira chu mizo tawng a thiam ka ring miahlo ,mahse thiam mai nilo in a tawng pai miahlo chu a mak “ Nu heihi ka hmeichhia leh ka hrilh thin che ,nangmah ang chiah maia thinchhe tereuhte chu a nih hi " a tihchuan a pa zawk a lo nui hawk hawk a ,damlohna kar mah nise Dylan chu ka melh vak a nilah a lo nui ruh ruh a .

“ A tha animai a lawm fanu ka neih belh dawn tihna a nimai a ,tiraw bawihi tunge i hming le ka fapa ka hauh chak a talangah lo inhmelhriat tirna chang pawh kan hre hleinem " tiin min nuihsang a ,“ Zomuanawmi ka ni e " inthlahrung dak chuan ka chhang,ka Mizo pui mah nise Dubai a mi zahawm tak ka bia chu zam a awl em ani“ Um keihi i nu Anga min ngaila nu min tihloh pawhin nu Emily tal min tidawn nia chuan hei tuna i bialpa mawl zet pa ka pasal Amir hassin anih hi ,an inchhun fuh a nia,pa Amir pawh tila a pawilo" a tihrualin Dylan pa chuan “ Pa tihloh ka duhlo ka fapa nupui chu ka fanu a ni nghal tihna " a lo ti ve a .

An chhungkua chu kan chhungkua lo ang takin an inpawh hmel ngawih ngawih “ Pa ka nu ang chiah ka tihkha kha a lai leh tawh ania " Dylan chuan ka kut hum ngheh sauh pah chuan a ti a ,thian ang maia an inkawm thei te chuan thil tamtak min ngaihtuah tir “ Um i nu nen kan lo luh tirh khan i kiangah alo mu kha Kan hamhaih deuha mahse engkim kan hrethiam nghal vek e ,ka fapa hmeichhe hmeltha tak a nih hi,ka sawi kha hmeichhe te te hian zun an ngah a nia tiraw Qamari " tiin a nupui chu hmangaihna mitin a ena .

Nu Emily chu a tum bar bar mai ,a ni erawh a la upat hmel lutuk loh kum 40 chu a pel ve tawh ang tih tur chauh hi a ni“ Te min tiziah su aw ,mi pangngai chunglam ka neih vang cheu a nih hi,Kan tet pawhin kan lungawiloh in hlauh em kha ,tirawh Booboo lo va chhuak teh ang ka ril a tam ka nau te pawh hmuh ka duh,a rei ve ta hle mai " tiin a tho chhuak zui “ Nuam deuhin hun inlo hmang dawn ania aw Bawihi " tiin min nuihsang a ,Dylan lah chuan kal vat vat turin a lo tur ve sek bawk ,hepa hi min tizak lutuk

“ Tirawh le ka nupui duhawm te ,i ram ngei kan rap leh bawk a ,i thu ang zelin le " tiin an chhuak dun a “ Ehem le a hmaa i thusawi kha hriat leh ka duh ania " Dylan chu ka en vat,enge a sawi ka hre hauhlo ,zawhna mitmengin ka en a “ Ka thi dawn emaw tiha i sawi kha mawle ,le tunah chuan ka dam tawh tho nangin ka hre leh duh" a rawn tihchuan ka sen tawn tawn mai,a kal ka hlauh em a vang khan ka hmangaih thu leh a tello a ka awm theihloh tur thu ka sawi duah a nihkha ,ka ngawi reng a harh fim meuh chuan ka sawi duh reng reng lo .

Ka kut a rawn hum leh a “ Venus nang nen hian kumkhua a awm ka duh,ka nu leh pa te ang chiah khan i lungngaihna hnemtu leh lak kian sak tu che ,mahse tunah chuan inneih chu ka la peih chuang lo ,ka pa angin ka thai bawih palh ang " a tihchuan a kutah ka sik vak “ I pa nen khan in inang tak tak ,chuan an fel takzet " tiin thutak zetin ka en a ,ka kut chu a hmuiah chuk tuahin a fawp nghal zauh “ Ka sawi kha an ngaina dawn che tih ka nu phei kha chuan a anpui a hmu che in a in ngai nghal ang " tiin a nui suk suk a .

“ Keimah vangin i hmelthatna power a awm tawh rihlo animaw " mit kan uk uk in a rawn ti a ,a banah ka beng chawrh,misualin min umlaia ka thusawi a rawn sawi chhuak leh tawh “ Make up tello hian keichuan hmeltha ka tizawk che ,Chuan min hmangaih tih i sawi kha hlen ngei bawk ang che ,min hnawl leh a nihchuan zirtirna ka pe tawh ngei bawk ang che ,lo awm hnai teh" a tinghal zat ,ka awm hnaih rualin ka hmuiah a fawp vang vanga,ka ka a hawl kual bawk ka mur chum chum mai “ Ummmm ..zawngtah rim i nam" a nuipah ka ngei lutuk chuan “ Hmela ka ei bawk lo dawt dawt kha sawi suh aw " tiin a samah ka kehsak vak a ..

A nui pah hawk hawk “ Aiah" a tih rualin ka tawp chawt “ Tihpalh ka lo theihnghilh a " inthiamlo tak ka ni,a dul hliam ka lo theihnghilh leh pek chu niin “ Ka fiam che a nihkha ,lo mu teh " a tihchuan lu ka thing nawk nawk “ Ka haw dawn " tiin ka inher nghat a ,rang zetin ka kutah a rawn vuan nghal ,keipawh kal lui biklo in a lama min pawh hnaih ang ang chuan ka awm a ,rawn thu chhuakin min pawm nghal hlun,ka dul zawnah chuan a bei vang vanga ,a rawn nui leh hak“ I pum chhungah an intlansiak aniang a che rak rak mai " tiin min kuah nghet sauh a ,a nipawh a ri ve awm tho sia .

“ Tihian Kan awm reng dawn ami " ka tihrual chuan doctor a rawn lut thut a,awmsawnna hun a awm lo bawk nen kan awmdan dan chuan kan awm tawp,Dylan erawhin pawi a tihhmel teh chiamloh ,doctor pawhin nui sangin “ In in ngai tawh viau a nimaw " tiin a rawn tawng bawrh bawrh ,Dylan zawk chuan a chhang zel a ,inbiak pah chuan a check mawlh mawlh ,nurse rawn lut ve in a Dylan a en dan erawh ka duhloh zawng tak,hmeichhia ka nih angin ka hmeichhiatpui mitmeng chu ka hrethiam ve vek.

Duh hmel zetin Dylan che vel leh nui hmel a en reng,chutah min rawn melh chiah chuan rum zeta ka en chu hmu in a hawisawn chauh“ In inhmeh lutuk tlat " doctor nu chuan nuisangin a ti a ,ka lo nuih let ve doctor nelawm tak a ni ,doctor thenkhat hi chu biak huphurh awm khawpin an hmel ah an lungawilo hmel an pe chhuak a ,an mimal buaina chu damlo teah lantir hrehlo an tam hle bawk ,an chhuah rual chuan ka thawveng huai thei “ Mawla mi an lo kal te chuan min thlah ve mai tur che a lawm,khati te kha chuan min sawi duh leh dawn lutuk" ti hlak hlakin ka thu thla a .

Sawi hmaih miahloh tur chu pawnlamah hian police an duty reng ,hlauhthawnna a la rehlo bawk nen keipawhin pawi be ka ti lo viau “ Chuan hun harsa kan tawng leh a nih pawhin kal turin min titawh bik suh,ka kalsan leh tawh lo ang che ,Chu chu i bialnu ka nih i duh tak tak a nihchuan min tiam rawh ,khatianga hlauthawng leh tap tur khan min siam tawh lo ang tih" thu tak zet chuan ka en ,a nipawhin a mitmu dum ngak chuan min melhin a bu nghat a,ka kuah nghal vang vang.

“ I thi dawn emaw ka tihlai khan maw ,ka lung hi a na ngut ngut a chhanchu ka nunpum hre chunga min ngaihsak tu awmchhun chan tur anga ka in ngaihtuah ringawt pawhin chan che kha ka hlau hluah hluah" a mita melh ngar chung chuan ka sawi chhuak,ni e ka thiantha ber ni a ka ngaih Thana ai pawhin he hun reilote chhung chauha ka hriat lakah hian beiseina leh thlamuanna ka nei tam zawk,Kan inhriatna la reilo mahse ka tan reitak ka hriat tawh ang maiin ka hlimpui a ,ka lungphu a tidanglam thin .

“ Venhim che hi ka duh ber ,ka hmangaih che a him taka awm tir che hi ka hna a ni,Chu chu hre reng rawh ,i kianga ka awm chhan chu hmangaih tur che in leh venghim tur che in a ni,mipa chuan a hmeichhe hmangaih chu a hauhin a venghim a ,a mahah a humhim thin,a hmangaih hlutna hrelo a ,ngaihthahtu leh venghim theilo mipa chu mipa nep takah ka ngai,ka venghim seng vek ang che ka ti theilo mahse ka dam chhung chuan tumahin ka hmuhlai che a an tihnat che ka phallo " ka kuah thlawp ,a thusawi hi a tak ngei nise ka duh bawk.

Hlamzuih leh mai tur atan chuan ni lul suhse ,damdawiin chaw chu kan ei dun a ,a ka a tui loh em a vangin tam pawh a eilo ,ka hriatthiam pui viau damloh hi chuan ka a tui tihna zawng zawng hi an reh duak thin miau a ,a nu leh a pa te pawh a putea nen an rawn kal leh tawh a ,Infiamin kan nui ho dar dar reng pa Amira Chuan “ Ka hriat tirh kha chuan Dubai a hruai haw mai kha ka duh a,mahse ka fapa hian a duh in ka ringlo tunah phei chuan keimah ang maiin a nu ang hmeichhia a tawng bawk nen haw a hlau hlurin ka ring" fiamthu nen chuan a sawi zauh a,midang chu an nui leh hak hak.

Kei erawh ka lai hle ,an chhungkaw mi ang maiin min kawm ve bawrh bawrh a ,nu Emily phei chuan an chanchin Aizawl khaw diktak an nihloh thu leh a naute ho pemna pawh a la reiloh thu a sawi a ,Dylan naupan lai leh a tawngtheih thin zia a sawi chuan ka nui hak hak ,ka hmuh tirha a mizia kha a ni ngei ang,Dylan pawh a chungchang kan sawi avang chuan a ner sawk sawk a,a pa chhan beisei zetin a en ,pa Amira tawng tum chiah chu “ Ka tihtauh leh i duhloh chuan lo chhan hauh suh" nu Emily in a tih avang chuan a tawng tum chu a ka a chip leh nghal.

An nupa mizia la naupang chhia tak a tang chuan ka nuih a za ru viau mai ,ka lo nui hak hak an ni pawh chuti tho “ Bawiha Dubai let te i duh em helai chu a hlauhawm pha tho a ,mahse kha tualthah tum thubuaiah in ram pawhin an chhan dawnlo,Lalfapa thah an tum miau avangin thi tura thu pek an ni bawk " a putea Chuan a tihmarh hmarh “ Duhlo " bul hmukin Dylan chuan a tichhuak hmuk a ,a awmdan a vang Chuan an nuih khum nghal vek “ Awle awle ,Kan hria e i duhlo mahse helaia awm reng theih a ni dawn bawk silo a,i hawn ve ngei theih nan tu emaw chuan a neih ngei che a ngai anihchu" an tihleh chuan keimah zawk ka lai .

Ka biang a sa hat hat ,ka hawi chhuak ngam tawhlo hrim hrim “ Bawihi nangpawh nihnih chhung i haw tawhlo tih kan hria a ,kan fapa i ngaihtuahna ah kan lawm,mahse i nu leh pa te pawhin an ngaihtuah che in chanchin an lo ngaichang ve dawn a ,va chawlh hahdam pahin i va haw rih mai dawn em ni,a tul leh i hahdam deuh hunah ilo kal mai anga,i hmel kha a dan vek tawh kha lo va hahchawl ve tawh rawh,bawiha pawh a ngaihtuah awm tawhloh bawk a " nu Emily chuan a rawn ti zung zung ,Dylan ka en chu a lo bu nghut a

Muang changa tho in kawngka lam ka pan ,ka hawi let leh hram kalsan ka huphurh hluah hluah mahse an thusawi chu a dik tho bawk si,ka nu leh pa in min lo ngaihtuah tawh viau maithei Aizawl kan thlen atangin ka la be miah silo ,in ka thlen rualin ka nu leh pa chu sitting roomah an lo awm a ,ka nu chuan min hmuh rualin a ner nawk “ Haw na chang te hre ta che ,i bialpa neih pawh kan hrelo a ,then ang che dinhmun hlauhawmah i din phah leh nghal ,engtiang pawhin hausa mahse miin thah tuma an um chu mi tha a nilo ang,then nghal ang che mipa i ngaihsak lo emaw tihlaiin ram hnuaiah hial i kalpui ngam leh nghal .

Class i kal emaw tiin tha takin kan thlah liam che a ,I nu leh pa iva hmaizah lo em em ve ,I la thi tep lehnghal zankhua in ipa ten an zawng cheu a ,nu leh la thu hmu lo a tlangval fawr pui that loh zia chu i hre tawh bawk ang chu maw ,then hmak ang che " a rawn ti tawn tawn a ,ka ngawi thei tawh biklo “ Min ngaihsakloh em em laia ngaihsak tu ka hmuh awm chhun hi ka kalsan lo ang " ka chhanna a vang chuan ka nu hmel chu a sen tawn tawn a ,a in sehruh fun bawk “ Zomuanawm then rawh ka tihche chuan then mai rawn ,I nu ka nih hi" ka pa la ngawi tlat te chu ka ngei .

“ Ka thenlo ang ,ka nu in ti si nu tihtur ang chuan i  fa hi min enkawl ta che,nang hian min ngaihsak ngai em ni ,ka tette atangin ka mamawh hunah cheu pawn ka bulah in awm ngai em ,ka classmate te an nu keh pa in an rawn hruai thin lai pawhin nangni chuan in hna ringawt ngaihtuahin in fanu nu leh pa mamawh em em pawh in ngaihsak ngai em ni " ka biang ringhal sawk avang chuan ka nui hak a ,ka nu chu ka melh ngawt ngawt ,ka tah chhuak viau mahse an hmaa tah ka duhlo “ Lalnunpui a tawk e ,i fanu a nihkha I kut em kha chu thlak lo teh ,puitling a nitawh a duhchu a kawp ve mai ang,a tawk ta viau e ,fa neih i duhlo tih ka lo hre har lutuk hi chu a pawi a ni .

Nu ni tlaklo ka nupuiah ka lo nei che a ,a tawk ta viau e,bawihi I roomah Han chho rawh ,i mipa hmangaih pawh chu i thenlo ang,engkimah i pa hi ka thiamlo a ni e ,i naupan lai zawng zawng a kan ngaihsakloh vang che pawhin i nu hian fate hmangaihna chang pawh a hre ta lo a nih hi " a tihchuan chhanglo in ka room ka pan a ,ka mittui a luang nghal ngiai ngiai,ka phone ri a vang chuan ka en ,Dylan hming a lan rual chuan ka mittui hru sawk sawkin ka aw ka thian leh hmasa te te a ,ka lak rualin “ I thleng tawh em ,ka ngai nghal che" a rawn ti lang lang a,ka nui deuh hak .

Ka chhungte avanga ka rilru na a tibo nghal vek “ Keipawhin ka ngai che " ka tisep a ,ka aw danglam a lo hria nge “ I tha em " a rawn ti ta reng a “ Um tha e ka tha lutuk " ka tihchuan a awih vaklo nge rum nghutin “ I tap tih ka hria ,ka rawn kal dawn " tiin biak leh hman pawh nilo in a phone a dah nghal hmak,message a lo kal lo turin ka thawn pawh chu a hmulo nge reiloteah inhnuai lamah ka nu tawngthawm ka hria a ,ka chhuak nghal vat “ I va zaklo ve ka fanu hi nangmah avanga dinhmun derthawnga a awm ka rem ti tawhlo " ka nu chuan a ti piap piap ,Dylan lah chuan ngaihsaklo zetin ka room lam a rawn pan chho a .

A hliam nen a rawn kal chu keipawh in tha ka ti viaulo ,kailawn a rawn chhuah chhoh rualin min hmuh nghal a vang chuan a nui suk a ,min pan pan chuan ka hmel chu chiang zetin a melh ran bawk ,ka bul a rawn thlen rualin ka hmaiah dawmin “ I tha em" a tisup a ,ka bu nghat min kuah takah chuan ka thaw huai huai thei ,ka thla a muang hliah hliah bawk,ka roomah min luhpui a ,a taksa ah min kuah bet reng .

“ Engkim min hrilh rawh engvanga tap nge inih " a tihchuan ka thaw hak,ka ngawih reng a vang chuan ka khabe ah a chawikanga “ Min hrilh rawh Venus "a ti bul hmak “ Ka nu in thentur che in min ti a " tiin hnuailam ka melh a ,a rum hawk mai “ Chuan ka duhlo a ka hniala,ka hmaiah min benga " ka tihleh chuan a phun hluk “ I nu chu nilo se chuan engtin emaw tak ka ti ngei ang" a tibul hak a ,a aw ah chuan a tiduh ngei dawn tih ka hrechiang “ Ka tha a lawm engah mah ka ngailo,nang ka nei tho che " tiin a awmah ka bei a.

“ Ilo chhuak daih sia,I nu leh pa ten an phal a mi " tiin ka en kiau “ I tap tih hre chung khan ka awm mai mai theih i ring a mi " a tihluk,a lungawilo hmel chuan ka nuih a tiza ,a hmuiah ka fawp zeuh a “ Ka lawm e " tiin a awma bei chung chuan ka mit ka chhing nghal hmak