THE BAD BOY RULES CHAPTER - 6

THE BAD BOY RULES 

CHAPTER 6

*WOMEN WHO SAY “ I WANT A BAD BOY " ARE CLUELESS ,WHAT YOU NEED IS A MAN WHO WILL BREAK SOMEONE'S FACE FOR YOU ,BUT ALSO MAKE YOU BREAKFAST IN BED* 

Ka nawm loh em a vang chuan class pawh ka kal peihlo a ,Thana rawn kal pawh ka lo be tha thei meuhlo ,ka awm a nuamlo in ka ni nghulh reng a ,a hrehawm takzet a nipawhin min kalsan leh mai,chhunah chuan keimah chiahin ka awm a ,inhnuaiah chuan nuamlo zetin sofaa mu chuan ka awm mai mai a ,ka nu hnaah a kal a ka pa pawh chuti bawk ,keimah te chuan awm in a vawt bawk nen ka khur beuh beuh,khua lah chu a nuamlo in thli a thaw vuk vuk reng bawk nen ka awm a nuamlo zual takzet tawh.

Ka pa in min rawn phone a ,ka that thu ka lo hrilh vat,CM nen an inhmu khawm a ,chuvang chuan tihbuai ka duhlo ,ka khur nasa bawk nen ka taksa te chu an na thum tawh,kawngka an rawn kik chuan hlauthawng takin ka en a ,ka tho peihlo takzet ka damloh lai ber kherin tunge lo kal ang tihte ka ngaihtuah a,kawngka lam chu muangchangin ka pan ,khur dar dar in ka hawng a ,ka mi hmuh avang chuan ka thaw huai misual an ni ang tih ka hlauhthawnna pawh a reh vek.

Dylan chuan ka hmel a hmuh rualin min pawm a ,ka taksa sa vur a hmuh chuan lungawilo leh ngaihtuah tih hriat tak hian min en,ka pang a dek a a phun nghal hluk,min pawm kangin a awmah min pawm bet hle hle a ,a awm pharh dap leh lum nuam takah chuan talsawn pawh tum biklo in ka bei tawp ,tha ka neilo a ni ber “ I tha em tinge nangmah chiah a i awm " a tihchuan a aw ah chuan keimaha ka awm a lungawiloh zia ka hria ,enge a hriat vak vak ni “ Min ngaihtuah suh tinge i lo kal ,class i tlanbo a mi " ka aw chu a ri che che chauh,sofaah min thutthlak puiin ka samah a chul a .

Ka nu leh pa lak atanga ka dawnloh chutia ngaihsakna ka dawn vang nge ka mittui a luang ngiai ngiai,a hriat hlau takin ka mittui chu ka hru vat “ Chaw i eitawh em " a tihchuan lu ka thing “ Ka eichaklo " tiin ka thaw ham ham a “ Soup ka siamsak ang che ,I damloh chuan thil ei iti lui tang tang zawk tur ani" a tibul nghut a “ Haw leh zawk rawh ,i bialnu buaipui ngaiin a awm leh palh ange " tiin talsawn ka tum a ,ka damloh lai a ni nen a nilahin min kuah nghet si ka tal chhuak thei der lo,ka hawichhuah rualin chiang zetin min lo en a “ Vawi engzat nge Felyna saw ka bialnu a nilo tih ka sawi dawn " a rawn tibul hmuk ,ka nui sak ,ka insiam rem a .

“ I bialnu a nihzia mi hmaah i tilang fo a lawm,ka sawi tawh kha ngaihzawng nei chung chuan min rawn hnaih suh,haw tawh zawk rawh keichu ka tha" ka hmelah pawh kal tur a ka duhzia a hmu ngeiin ka ring,a hmu lo der hmak thunga ,choka lamah min pawm phei a,thutthlenga a kawr chung fual hnekhnawk min hak tirin a thilsiamtur a zawng kual a ,ka lo hrilh ve mai bawk a duhloh hunah chuan a haw dawn lo tih ka chian em vang te pawh a niang ,a che vel zei thlurh chu ka en  ,a mizia leh a insual peih zia ka ngaihtuahin rawngbawl a thiam ka ringlo ,mahse a tihthan hmel fu bawk si.

A haw ka duh timah ila chutia ka bula a awm chu kim riau hian ka inhre thung si ,a siam zawh rualin ka bulah rawn thu in min chhem daih sak a ,chutia min ngaihsakna chuan ka pi leh pu min ngaihtir zual ka nu leh pa lak atangin engmah ka dawnloh lai a ka mi huat em em thin laka ngaihsakna dawn chu a lungchhiat thlak zawk ,keimaha ei ka tum chu phallo in “I zawi em kha ei mai mai rawh" tiin min ei tir a ,hnial tawhlo in ka ang ve zel ,ka kam vela kai chu nu in a fa chaw a pek a a lem theihloh a hruk ang mai hian tissue chuan a hru zel a.

Ka mittui a luang ngiai ngiai ,a hmuh rual chuan a tawp chawt a “ Khawi lai nge na " tiin ngaihtuah hmel zetin min en a ,chungte Chuan ka tah an tichhuak zual “Ka lawm e ,min ngaihsak a vangin " tiin ka tap zui hlawp hlawp a ,rum hawkin a malah min thut tirin min kuah hlu hlu ,ka hnungah a beng det det a ,ka chhipah a fawp vang vang bawk “ Ka vanduai tiraw ngaihsaktu nu leh pa pawh ka neilo ania ,ka damloh nikhua pawhin ka kiangah tumah an awm duhlo,keihi ka hlauhawm a niang tiraw " tiin ka phun sep sep ,ka thusawi zawng te chuan ka tap teuh a ..

“ Mi chu an damloh in an nu ten duat taka chulin an thlamuan a ,an kiangah awm in an ngaihsakna an tilang reng mahse ka nu ve chuan a fanu hi vawikhat te mah min ngaihsak ve ngailo ,nge kei hi duhlo chunga an neih ka nizawk " ka tawng a ngaithla reng,engmah a la sawilo keihian tinge a ni bula pangchan hi ka chak tlat ka hre biklo,mahse hetia min kuah te ngawi renga ka hnunga beng chunga min ngaihsakna a lantir vang te pawh hian a niang .

“ Khawvela thilpek mawi ber ini,chutiangin an ngailo ang che ,nang ang fanu duhawm lutuk an neih vang hian an lawm zawk ang,ngaihsaktu neilo angah in ngai tawh suh,englai pawhin min mamawh a nihchuan ka hlat lo ang che ,keimahah hahchawlhna hmuh tumla ,i piang ve hi tu emaw tana a nuna thil lawmawm ber a ni tih hria ang che" a tisup ,ka mitah a en ngar ,tunah hian ka hmuhsual a nihloh chuan mitah hian hmangaihna ka hmu thei,nge ka hmu sual zawk ,a thilsiam chu min pe leh a ,keipawhin ka rinai tam daih ka ei .

Ka eizawh rualin vawt ka ti tih hria in room lamah min pawm chho a“ Khawilai nge i room" a tihchuan ka room lam chu ka kawk zeuh,in hnuaia awm loh kha a mawilo a ka ngaih avang leh rukru an tam a vangin inhnuai lama chhuk kha ka ni reng a ,khumah chuan dim zeta min mut thla in a mah pawh a rawn inthawlh a ,ruah sur leh tek tla vel chuan kan pahnih awmdan an tibuai phalo,vawt ka tih avangin ka bula a mu chu pawi ka ti em em lo ,hriatloh karin hepa hi rinna ka nei ta tlat bawk “ Mutthilh tum rawh " tiin a ke chuan min khan betin,ka taksa chu a pawm tha sauh a ,a lungphu ngai thla chuan ka mit ka chhing riai riai .

DYLAN POV...

Ka awm zawna thaw sek sek chu awmsawn deuhin ka en a ,a damlohna chuan a hmai a tidangin a hmui min hnial zet zetna thin chu a ro bam a,a chhungte chungchang a sawi khan sawilo mahse a ni damlo an kalsan hi a mak ka ti hle ,nu leh pa an nihchuan damlo a an fate kalsan an hreh thin a ni si a ,ka nu pawh in hetia ka awm hrang chung hian nikhatah vawikhat tal min rawn be ziah ,ka awma tapa a thusawi te khan min tina ve ngut ngut thei“ Ka venghim ang che " tisupin a mutthilh chian hun chu ka nghak a ,a pang a sa bawk nen keipawh ka la awm reng.

A chhungte rawn haw mahse pawi ka tilemlo ,ani damlo lehnghal a mah chauha kalsan ka duh hek lo ,college ka kal ruala a rawn kal lo tih ka hriat rual khan a chanchin ka ngaihven ru daih tawh a ,a thianpa chiah a rawn thlen takah phei kha chuan nimin lama a awmdan nen a damlo a nih ka ring nghal bur a nihkha ,pawnlamah lah chuan thli leh ruah chu a ri hulh hulh reng ,chungte chuan amah kalsan a ruahsur hnuaia haw ka hreh phah bawk ,ka awmsawn deuh chu a hria nge a rawn tawlh hnai ve zel ,a tawpah ka kawngah kuahin ka awmah a lu a nghat nghal thaka ,ka nui hawk mai .

A muhil hmel tha zet leh cute zet chu enin ka kuah nghet sauh,hmeichhia chu kawp ve thin mah ila ,rooma ka awm hranpui leh ka mutpui hmasak ber chu he nu te chiah hi ,chupawh thianghlim tak ngeiin,insual ka peihin ruihhlo tih pawh ka ngah ,nun dan tur ve rengah ka ngai a ,mahse hmeichhe thianghlimna erawh vawikhat mah ka la tibawrhbang lo thung,ka nu leh pa thu min hrilh hi a vaiin zawm lo mah ila ,ka theihzawngah chuan zawm hram ka duh,ka hmeichhe duhtak lo chu khawih ka tumlo bawk,Zomuanawmi erawh ka hmuh tirh atangin a danglam hlak .

Ka vauna ah zamlo takin min chhang let ngam a ,ka beiseiloh dan deuhin insual a ngaina in a la inveng thiam em em zui a ,sana ka en chuan ala hma hle a nu leh a pa kha hna an thawk a tibawk a ,an rawn haw mai ka rinloh avang chuan puan sin tha in ka mit ka chhing a ,kan puansin lai inhlim riai riai chuan ka mutui lai chu min tiharh zawk ,ka menchhuah rualin mitmeng mawi zeta min lo en leh lai tih hriat lutuk a kun nghal chu ka nuih nghal suk,thinchhia in mi hau ve pang pang thin mahse in ngaihzawnna lamah erawh a la zahzum zia leh ngaihzawng a neihloh zia a tilang nimaiin ka hria .

“ I nuam deuh tawh a mi " ka tihchuan bu nghatin pawnlam ruah la sur chu enin a thaw hak,a taksa sang lutuk silo mahse ama tawka nalh tak chu ka en a ,ka hnaih pah bawk min hnungchhawn zawnga a thut miau a vangin ka pan tih a hrelo,a hnung lam atang chuan a kawngah ka kut ka rawlh lut a ,a dul dup lai chu ka khawih leh neuh neuh,dul kiar ni em em silo hian a tawk chiahin a dul te hi a awm reuh a ,khawih a lehnawm ka tiphian,a ip zawk a ka kut a rawn vawn rual chuan a nghawngah ka hmui ka nawr a ,a tawp nghal chawt ,hmeichhe tam tak chu thau hlauh lust a vangin chaw an ei tam ngamlo a,an taksa tlinloh tur khawpin an in diet fo .

Chaw eitlem lutuk hi taksa nalhna a ni berlo tihhi an hre lo emaw ni,tunangah chuan hmel leh landan hi a la pawimawh rual rualin hmangaihna ah erawh a pawimawh hauh tawh lo,i hmeltha emaw chhia emaw ,i hangin ,I ngo emaw ,sang tak inih kha a pawimawh ber kherlo nangmah hmangaih a duh tak tak tu che chuan i tlinlohna lai leh i mawilohna lai zawk kha a hmangaih chhan che a ni ngei ang,mipa dik tak chuan hmeichhe mawina an hmu thiamin an zahsak bawk,chuvang chuan i nihna ang ang khan lang ngam rawh .

I hmangaih tur dik tak a Pathianin a ruatsak che chuan eng mi pawh nila i nihna ang ang khan a pawm vek ang che “ Venus " tisupin a sam rimtui zet chu ka hnim vang vang,a ngawi leh kar tawh a taksa ka kuah behna erawh talchhuah a tum biklo thung ,tukverh atang chuan ruahsur chu kan en dun a,a tir khan hnaih ka duhlo ka tum bawk heklo,mahse a mizia leh nungchang hian min hip a ,hnaihlo theilo in min siam reng bawk,hmeichhe tam tak angin nu hnap leh mipa mit lak tum ranin a awm ve ngailo a ,anihna ang angin a lang mai thin.

A nun a tlangin zep vak a neih ve loh a vang te pawh hian a niang amah hnaih ka chak chhan ni ,“ Ruahsur hi nimaiin ka hria " a rawn tisep a ,ka melh nghal vut “ Thallaia an duh em em si ,mahse furah chuan sur miahlo tura an duh leh an nin em em ,mihring nun tichhetu nihial a an ngaih ,ruah leh tek tla te hi ka nimaiin ka hria ,hetiang chiah hi ka nu leh pa tan chuan ka nihna ,a changin sur turin min duh a ,mahse thliin keiman min tuamtu chhum dum chhan tak nena len bo tura min duh hun hi a tam hial ta ve ang" za lo tih hriat zet hian a nui leh .

He hmeichhia hian eng chiah nge a lo tawh ang ,hetiang khawpa duatna awka a dawn ngailoh avanga nun chhung khawhar ngawih ngawih hian engtianga rei nge a awm ang,a nu leh pa tana a hnawksak ni a a in ngaihchhan a nu leh pa hian engti fako in nge an tihnat ang tih ka ngaihtuah,ka awm a rawn nghenga a mit a chhing nghal vang vang “ You are my rainbow " a bengbulah ka tisup a min rawn en nghal vat “ I hria em ,nang hi ruah hi ini ngailo ang,ka awm chhung chu nang chu midangte nun tihlim tu mawi taka zam thin ka chhimbal ini,keihi chhum chhah takah min ngaizawk la .

Mahse chu chhum chhah tak beng dai a ,a nihna diktak tilang tura thuneihna neiturin chu chhum thim mup karah chuan i mawina chuan chhun engin chhum dum chhah mup chu chhum mawi berah chantir ta che " ka tihleh chuan ka lama rawn inherin ka mitah tak a melh ,a mita mittui tling chu ka kut chuan ka hruksak a,a hmuiah chuan ka fawp zauh“ I hria em keihi bad boy an tihchu ka ni ngei a,mahse heihi an hre tello badboy pawh hi a Angel tan chuan a innocent thei " ka thusawi ngei pawh chu keimah chuan mak ka ti ,ka lung zawnah a kut ka hmeh bel a .

“ He mipa thinlung neilo an tih lungphu hi ngaithla rawh ,hmeichhe pakhat vanga danglam leh inthlak tum meka a phu ri chu i hre thei em " ka tihchuan alu a thing a “ I lung a tawng theilo " a tihchuan ka nuih hawk hawk “ Ka sawi tawh kha ka venghim ang che ,insual nuam ka tihna chhan chu nang hmeichhe thinchhe zet ka tawn dawn vang che hian Pathianin min lo duangsa a nih ka ring " fiamthu a ka tihchuan a tum nghal bar “ Lerha i lerh si,I bialnu ka ni dawn pawh ka tilo ,min hnaih suh" a tihrual chuan pawm bet vakin khumah chuan ka leh thlak pui a ,a rak nghal chul mai