THE BAD BOY RULES CHAPTER - 5

THE BAD BOY RULES 

CHAPTER 5

Haw tumin Thana nen a bike lam kan pan a ,kan inchhaih pah bawk ,kan nui dun hawk hawk a “ Zomuanawm " rawn tihrawkah chuan kan ding dat a ,Thana chu a phun leh hluk “ Enge Dylan hassin " tihlakin ka hawi let a ,a bike bul atanga rawn pheiin ka kutah a rawn vuan nghal chat ,min kaihsawn a tum chu Thana chuan a kut chu a lo chelh hnana ,an inmelh rum leh viau tawh 

“ Ka ning min khawih suh u keimah in ka haw mai ang ka ning,in inmelh chiam khan engmah inti thei chuang lo in mit a kham mai mai,an awm zawn atang chuan ka lo tivak vak a.

Midang tan en nawm kan siam ziah ka ning tawh tak tak “ Ka bulah i chuang ang" Dylan chuan thudang sawi leh tawhlo chuan a rawn ti a ,alamah min pawt nghal ,mahse Thana chuan ka kut lehlamah a pawt ve tlat bawk si“ Dylan tinge i buaipui renga khatiang bialpa nei tih i hmuh reng te chu " Felyna chuan a rawn ti a 

Dylan chuan a ngaihsakloh hmel hle,an pahnih chuan min pawt phar tawn reng bawk si ka ning lutuk chuan ka kut ka thing vak  “ Hrui ka nihloh hi ,min thlah nghal rawh u ,in saihrui pawhnana hman tur pawh ka nilo " tiin ka kut siam tha in ka kalsawn a,ka hnunglam atanga ka kan dawrh a vang chuan ka rak that .

Hepa hian min khai phele reng mai,alen a vang ringawt hian min khai kual reng a ,ka ngei lutuk chu ka tal ve nawk nawk,a bike ah chuan min dah in a helmet lian leh lawk zet chu min khum tir a ,helmet zawk chuan min khum nimai in ka hria ,ka mit awmna tur zawnah pawh a awm theilo ,a helmet full face a ni bawk nen ka buai viau ,a rawn nui hawk hawk ka lu ah chuan vuanin a mah chuan min siam rem sak a .

“ Khalh rawh" tiin ka hnungah chuan a thu hnawk a ,bike chu a tiche lawih,ngei zetin ka melh a ,min en duhlo in a thiante chu zanlama a kal tur thu a hrilh mawlh mawlh .

Bike chu startin ka tlanchhuak phut a ,engtin mah a awm duhlo lehnghal a ,ka kawngah a kut a rawn rawlh lut a ,ka ip nghal zawk ka dara khabe a rawn nghah phei chuan ka taksa a mur chhuak vek,hepa bula ka awm ang hian mipa dang bula vawikhat mah ka awm ngailo “ Khawpawn lamah kal rawh aw " tiin min hrilh sup .

 “ Ka peihlo " ka lo tichu ka dulah a hmet deuh salh “ Dup nuam ve " a rawn tikher a ,bike hi khalh lo ila chuan ka beng bu lawp tawh ang,exer lak ka peihloh a vang hian ka dul hi kiar miah silo in tlemin a thau deuh a “ Ngawi mai mai rawh " tihlakin Durtlang lamah ka tlanchho a ,ka insual lai ka ngaihtuah chhuak zawk .

Len khawthawnna tur a tam bawk a ,a tlangdung hi fan ve ka chak hrim hrim nena kal pui ka ni, Kan thlen rual chuan thli a rawn thaw vuk vuk a ,khawchhia nen kan awmna chu a eng emaw lunglen riau bawk 

Dylan pawh chuan engmah sawilo in a hawi vung vung a ,chhum dum a rawn in let tup tup a ,chutah ruah a rawn baw hawk hawk a ,inte lam pan chuan kan tlan vat,mahse kan huh hman tho thil a thaw nasa bawk nen mahse kan awmna inte hian bang a nei hlauh a ,kan vannei bang kawmah chuan ka thu tawm keka .

Ka khur hlawk hlawk bawk ,kawr ka ha chhahlo nen ka hmui leh hmai velte chu an vawt thlar tawh tih ka hria ,Dylan chu ka bulah a rawn thu a ,a kawr chung chu phelhin min sintir a,a haklum sa a ni nen tlem chuan a zia awm deuh,mahse thli atam nen ka insut leh hraih thin a .

Ka hritlang dawn tih ka chiang ,chutah Dylan chuan min rawn kuah a ,a ni chu a taksa a lum vung vung,a kawr chu lasawnin a taksa ah min pawm kai a ,bang nghengin a mah chu a thu a ,a kawr chuan ka hnunglam tuam lehin keipawh a taksa lum chu ka ngheng hnai talh talh,a awmah chuan ka hmai vawtthler chu ka phum a ,khawpui ri leh tek tla te chu hre mah ila ka taksa nghen mek a vang chuan ka thla a muang em em ringawt.

A lungphu ngaithla chuan ka mit ka chhinga ,hriatloh karin ka muhil zui ,ka harh leh chuan ruahsur chu a lo han duk tawh a ,Dylan ka en chuan a nipawh a lo muhil ve reng chu niin ka che chu a hria nge a rawn meng chhuak siar siar a ,ka lo en reng chu “ I tha em ,a vawt tawh lo tiraw " a tihchuan ka bu nghat 

“ Ka lawm e" tiin a taksa atanga awmsawn tumin ka che a ,phallo in ka hmuiah bawk a rawn fawp,min ngaihsak em vang nge pawh hriatlohin ka chhang let a ,Chu chuan a ti phur sawt ,min din chhuah puiin bang lamah min nawr bet a ,ka hmui chu a seh leh zauh thin,ka lungphu a ranga ka thawk a sa ham ham bawk .

“ Min duh ve tih sawi rawh Venus " tisupin min en a ,ka zam lutuk chu tihreh tumin mit ka chhing ,engmah ka sawi theilo ka khabeah a rawn dawm ,min kuaidakin a mah a rawn kun hniam a ,khaw dur hnuaiah chuan a hmel chu ka hmu tha zual sauh,fawh tumin ka hnaih a ,mahse ka fawh phaklohna turin a ding ngil daih,ka hamhaih bawk nen sawi mai tur hrelo in ka ngawi ran 

A nilahin hmun dang a melh daih bawk nen pawnlama chhuah tumin ka ke ka pen a “ Min duh ve chu a harsa viau a mi " a rawn tihchuan ka ding dawt ,a aw ah chuan natuar ang mai hian a khur deuh a ,harsa tih hmel zetin a thaw chhuak hulh bawk.

“ Ka tih duhdah a vang che khan min duh theilo em ni?" a rawn ti nawn leh a ,ka hmui ka pet fan fan “ Zomuansang min chhang rawh kei hi i mipa duh chi ka nilo em ni " a rawn tihleh rual chuan a aw a beidawng aw chu ka hmuh hmaihlo ,hmalam pan chuan ka pen leh det a rum hawk hian a thaw chhuak hulha ,pawna chhuak lo in ka hawi let chu hnunglam min hawisan 

A lu a dawm vung bawk muangchangin khur beuh beuh chung chuan ka pan ,a hnung lam atang a kawngah ka kut ka zen a ,a dul thep tangah chuan ka kut ka suih bet,rawn inher a tum chu ka dang tlat .

“ Nang chuan bialnu dang i neisia lawm,inkawp ang kha ka thei velo ,ka bialpa chuan hmeichhe dang a khawihin a hnaih tur anilo ,keimah chiah min ngaihven sela,keimah chiah min hnaih rawh se ,hmeichhe dang a hnaih pawh ka duhlo,Felyna nen hian eng chen chiah nge in thlen ka hrelo a ,mahse in zan chhuah thin te mi hma a i fawh dan zawng zawng pawh kha ka hmu ziah " tiin ka tawng sep sep a 

Ka kut hum letin a thaw leh hawk “ Kan la mu dunlo hmeichhia ka la mutpui lo " a rawn ti zawi sup a,awihlo zetin a tukkhum chu ka melh haw ,ka kut phelhin ka lamah a rawn in her a ,a khi nghal suk “ Ka sawi chu awih rawh hmeichhia chu ka fawp teuh tawh ngei a ,mahse tumah ka nunah ka la seng lut lo ,chuan ka bialnu ka nun min tawm pui tu .

Ka hmeichhe hnaih hmasak ber chu nih i duh em Venus " a rawn tileh sup,a hmelah chuan ka chhan a beisei zia a langa ,hlauhthawnna ka hmu tel bawk ,ka nuih sen sen a “ I hmeichhe tih duh dah deuh hi i ngaihzawng atan i duh tak tak meuh amaw ?" chiang zeta en chungin ka zawt,min fiamkual mai mai ka hlau viau thung

 “ Ka..." a tihrual chiah chuan ka phone a rawn ri a,ka la nghal vat “ Khawiah nge i awm rawn haw vat teh,ruah a sur tihte hi i hre ve lo em ni" ka nu chuan a rawn tivin hlar ,heihi ka nu mizia dik tak chu a ni e .

Mi hmuh lai leh a mood fuh changin min duat a ,mahse a hun tam zawk erawh kei min hauh nan a hmang thung,a chang chuan an falak ka ni mai a ngem tih ka ngaihtuah fo a ,mahse min ngaihsak veleh thin na ah erawh ka ring chiah thin silo “ Haw vat ka ngai " tiin Dylan chu ka en a ,ka hmel a tangin a hrethiam a niang zawhna pawh min zawt tawhlo in bike lam panin kan kal a ,ngawi rengin a hnungah chuan ka zui ,bike chu a mah chuan a tinung a ,a hnung ah chuan ka thu nghal vat.

Khua a vawt bawk nen Dylan kawrchung ha mah ila vawt ka la ti tho “ Min lo kuah rawh,khua a vawta chetsual a hlauhawm " a tihchuan ka kuah ve mai ,mahse Dylan bike khalh thiam zia an sawi ka hre tawh ,min accident pui chu ka ring chuang lo ,a hnungah beiin ka thaw ham ham  ,thli tleh nen boruak chu a vawh in a vawt,kan inkawtah chuan min dinpuiin a kawr chung chu ka pe a

“ Lut vat rawh i hritlang palh ang " a tihhnuah a tlanchhuak ,muangchangin kan inlam pan chuan ka pen chhet chhet a,inchhungah chuan ka pa leh ka nu an lo awm “ Zomuansang tun thleng thleng khawaiah nge i vah,ngaihtuah ngai rual pawh ini tawh lo ,in ban te chuan in pan ve mai thin rawh.

Enkawl hi i har sawt lutuk ,hetiang reng chuan thawn bo leh mai che a ngai ang,i hnampui te bulah i awm a ,I nun a zalen mah mah " ka nu chuan a rawn tinghal hlawk hlawk,a hmelah pawh a thinrim zia a hriat theih “ Nu ka tihpalh " tiin hnuailam ka melh a “ Han inthlak vat rawh,kha i thawmhnaw te kha a hnawm vek a nihkha " a rawn tileh a 

Ka pa chuan a lo khap vat ,mahse a chawlh phah lemlo,ka room lam panin ka kal a ,ka thu hnawk ,ka tet lai chuan unaupa ka nei thin tih ka hria ,mahse accident a vangin a thi tih an sawi a ,keichuan chiang taka hriat ka neilo,inti fai sawk sawkin thawmhnaw lum inbelin khumah chuan ka mu a .

Chaw pawh eilo in ka mutlang ta reng,khawvawt nen ka tho peihlo,ka lu lah chu a rawn na ut ut lehnghal,tho chhuakin ka khum bula nachhawkna leh tui bottle chu la in ka ei a ,ka mu leh hnawk ruah a sur tawhlo a ,boruak erawh a la vawt vur tho ,pawnlam phei chu chhum a zing khat vek emaw tih tur ani 

Ka insut leh hraih thin ka hnar lah chu a pinin a ping ,ka hnar atangin ka thaw theilo hrim hrim,ka ka in ka thaw tawp a ,a hrehawm lutuk chu la pua la in ka hnar ka hnawh a ,a nuam huaiin ka hria ,hnar a thawk theihloh rau rau chuan hnawh tawp hi ka duhdan a ni 

Dylan ka ngaihtuah ,a bulah khan ka thla a muang em em tih ka hria ,a tawngtam lo nangin a bula awm kha nuam ka ti takzet ,mahse eng ang mizia nge a put tih ka hre bik mai silo,a tuklamah chuan nuamlo zetin ka tho a ,ka hrawk te a thip hlur thei,ka nu lah chuan min hau leh char char tawh ,ka ngaithla tawp a college ka kal te chuan ka ning hluah hluah tawh

Ka ninna belhchhah turin Dylan leh Felyna te awmdun ka hmu reng a ,Dylan lah chuan Felyna kawngah kher a chelh bawk ,niminah khan min duhthu min hrilh a ,ka lo chhanglo kha ka lawm zawk ta hluah hluah.

Ka nawm loh zual tak emah chuan Thana chu min thlah hawng turin ka ti ta tawp a ,a nipawhin min kaitho in pawnlam min panpui nghal vat ,bikeah chuan thu in min en a “ Niminah khan ruahkha I do a nimaw " a tihchuan ka lu bu in a hnungah ka lawn kai ,kan tlanchhuah rual chuan Dylan rawn chhuak ve chu ka hmu hman hram he mihring pawh hi ka hnaih tawh tur a nilo,keimahin ka chak tawkin ka awm thei ,bul lo tanpui hman ila chuan min lo nuihzat ru viau ang ,ka chhanglo kha ka vannei hle hian ka hria .

In kan thlen rualin Thana chuan ka nu chu thil awmzia a hrilha,min la awmpui a duhthu a sawi bawk,ka nu pawh chuan a lo remti ve mai ,ka thiante an rawn len hi chuan tawngkam tha ber ber a hmang thin tih tluk a ni ,ka roomah chuan kan titi duna Dylan nen kan inkar min zawh chuan engmah a awm loh thu in ka chhang vat,a ni nen kha chuan reilote chiah kan la inhria ,a nipawh a thaw huai mai nge Dylan pawh hi a ngainat theih miah loh le.

A leng ve reng a,a haw dawn chuan damdawi eitha turin min chah hram a ,nui hak hakin ka eitur thu in ka chhang ve mai ,ka khum bula damdawi chu ka ei leh ,ka hrawk thip lutuk

 lahchu a hrehawmin theihse ziah hrep ka chak 

Ka pa rawn haw pawhin ka nawmloh thu a hriat rualin ka roomah a rawn lut a ,eitur min pe bawk,ka pa hi chu inah awm khat mahse a rawn haw chhun hi chuan eitur min rawn hawn ngei ngei zel ,ka chalah a fawp zauh a ,min chhuahsan hnu chuan a eitur rawn hawn serthlum vel chu ka ei nghal rak rak .

Tlemin thil ka ei takah chuan ka zang huai mai ,puan chu sin tha sauh sauhin ka mit ka chhing a ,mutthilh tumin ka bei ngat ngat,ka muhil thei bawk silo ,ka hrawk chu ka dawm a ,ka thaw leh hak thin,ruah sur hnuaia ka vakchhuak kha ka inchhir rum rum kha Dylan vang vek kha a ni.

Ka phone message rawn lut pawh chu en duhlo in pawn lam thim mup chu ka en a ka room kawngka rawn riin ka nu chu chaw eitur nen a rawn lut,min rawn panin khum bul dawhkanah chuan chaw chu a dah a .

“ Nawmloh pawhin chaw eihram hi a tha ,tam ei theih loh pawhin,taksa a tichak a ,I eiloh reng chuan  i na zual tawlh tawlh mai ang" chaw ei lui tura min tih avang chuan tlem eiin ka mu leh nghal vat,Delhi lama ka pi leh pute ka ngai vawng vawng ,an nichuan ka damloh a piang khan duat takin min enkawl a .

Ka bulah an awm tlat thin,ka muttheihloh chang pawhin ka pi khan ka lu ah chul hliau hliauin min timu mai thin a ,tunah erawh an hlat takah ka awm ta sia ,mihringte hian kan damloh nikhua leh harsatna ,manganna kan tawh meuh hi chhan  kan tana mi pawimawh chu kan lo hre chiang khawp mai .