THE BAD BOY RULES CHAPTER 4

THE BAD BOY RULES 

CHAPTER 4

“ Enge khatia a chhuah nul nul a " ka tisap a ,Ruati chuan a lo hre pha nge “ Lucifera an tia lawm a mah hi ,mahse apa ka ti a hmeltha bawk si min duh phei se ka zuang zawk zawk ang " a tihchuan ka nui ringawt a,a inhmeh tak viau chu a man a sual thiam ve bawk sia ,pawna kan chhuah chuan mipa pakhat hi a lo rek bet  a,tumahin puihtum pawh an awm lo,hepa hi a nu leh pa in an zilh ngai lo nge nge an hriatlohin sual a chhuah,ka phone phawrhin thla ka laksak a “ Hey Dylan hassin i khawih leh chuan i nu leh pa ka thawn ang" ka tihchuan “ An number pawh i neilo" a rawn tihluk a ,a reh beh pa chu a melh leh nghal run .

Chupa lah chu a dâng sawp sawp tawh bawk si ,ka tihngaihna hrelo chuan ka pan hnai a ,a kutah chuan ka va pawhsak “ Midangte tih hrehawm hi nuam iti viau a mi " tiin ka en a ,a nernawk “ Min lo tibuai suh" a tibul nghut a ,a kut lah a nghet nasa mai si ka hneh mai biklo ,a awmah chuan ka hnek ta tawp a ,a thlah nghal hnawk a thiante chuan min rawn man betin Dylan chuan rum zetin min en a,min rawn pan nghal zat hlauthawng lutuk in ka en a ,a thinrim hmel chuan min aikaih nimaiin ka hria ,ka bul a rawn thlen hma chuan ka hmai a risawk a ,ka hawichhuah rualin Felyna ka hmu nghal zat ,ka tal vak a a pumah chuan na zetin ka tlawh a ,a rak nghal tuar “ D ana lutuk " tiin a tap nghal pur a ,Dylan thiante chuan min thehsawn lawp a ,thutthlengah chuan insawhin engmah ka hre tawh lo .

“ Hey harh teh " ti a min sawi nawk nawk tu chu ka en a ,ka hmu phe vek “ Min en rawh intih harh tum rawh " a aw ah chuan a hlauhthawn zia ka hre thei,ka lu hai lutuk a vang chuan ka mit ka chhing zui riai riai ,ka harh chhuah leh chuan khumah ka lo mu a ,ka pa a lo awm bawk ka awmna chu kan college rikrum thila in enkawl nana an tihna roomah ka awm tih ka hre bawk ,ka pa chuan kan sir te chu a vin hrawk a ,a bulah Felyna leh Dylan te pawh an awm vek ,Felyna lah chu ka pa a hmuh takah chuan a hlauhthawn hmel hle “ I tha em bawihi,tunge hetianga siamtu che hi " a tidam dap a ,ka samah a chul bawk ka lu chu an tuam tih ka hre thei “ Pa ka insawh palh mai mai a lawm" tiin ka pa chu ka en a .

A hmelah chuan a awihlo tih ka hria ,mahse keimah vanga midang buaina neih belh leh kha ka duhlo ,ka pa hmuhloh lai chuan Felyna chu ka melh a ,hmui phun chuan bul tanna chauh a nihthu ka sawi sep ,ka pa chuan min kuah vang vang a ,“ Haw i duh em" a tihchuan lu ka thing vat “ Pu Hming kan thiamloh liau liau a ni,tun atang chuan kan lo fimkhur tawh dawn ania " sir chuan a rawn ti a ,ka pa chu a rum hawk mai “ A hma pawhin he college ah hian buaina a awm fo tih ka hria ania ,hetiang college lian nipha ah pawh zirtirtu in zirlai in enkawl zawhloh chuan lakbelh mai rawh u,ka kal phawt ange ka fanu hi hetianga ka hmu leh a nihchuan ka ngawi mai mai tawh lo ang " tiin ka chala fawp zauhin a chhuak a .

Kan sir in a zuichhuak bawk “ Nangni pawh chhuak rawh u " zumzu a ding ho en chung chuan ka ti a ,Dylan erawh ka pa awmlai atang tawh khan a hmel ah zam hmel hmuh tur awm lo in a ngawi run tawp a ,a thiante ho chhuah sap sap lai pawh chuan a chhuak ve lo “ Chhuak rawh" tiin ka inher san a ,tukverh lam chu enin pawnlam thingkung lam chu ka melh vang vang,ka lu lah chu ana phian leh nghal,ka taksa in taksa lum thur thur a dai takah chuan ka tal vak a “ Che suh i nawm loh kha " ka ke delh bet chung chuan a rawn ti a “ Kalbo rawh chapo pa ka hmuh theihah rawn lang tawh suh,hmeichhe lakah pawh zahngaihna ilo nei miahlo ,mipa lakah chiah khatiang khan i awm ka ringa,hmeichhe lakah khatiang khan i chetduh ka ring lo,mahse ka ring sual chiang hle ka hlatah awm rawh .

Ka nunah inrawlh lo la keipawh ka inrawlh bawk lo ang,min tihbuai sim la i duh duh chu tibuai rawh mahse ka hlatah erawh awm ang che " tiin ka kiu chuan ka nghawk sawk sawk a ,alamah min kuai herin min melh run mai ,ka hlau duhtawh biklo “ Ka hua che kal bo rawh,nang ang mipa hi chu khawvelah hian piang ve miahlo mah ula a pawilo " ka tihleh rualin ka hmuiah arawn fawp mawlh mawlh a ,ka chum nghal dawt dawt ,ka tukkhumah dawmin a kut pakhat chuan a lamah min hnukhnai hrawk a,a lungphu dawt dawt chu ka hre vek keipawh ka danglam vek,mahse ka fawp let duh chuang lo ka hmui chu a pet dek dek a ,ka thaw hak ka chalah tauh datin “ Min tihlauthawng lutuk " a tihrual chuan ka melh nghek.

Amah a vanga hetianga awm hi ka ni reng si a “ Min tibuai tawh suh,bialnu neilai ini bawk khang thil kha ti tawh bawk suh,ka hlatah awm tawh rawh ,min be lo la ,min hre ngailo angin awm rawh " tiin a kut dahsawnin ka tho chhuak a ,ka lu hai a vang chuan ka pai deuh dat ,ka ding vang vanga Dylan rawn tho chhuak pawh chu ka hmu reng ,kalsawn ka tuma ka ke chu ana tih ka hre nghal ,thutthlenga min theh avang khan a ni ngei ang ,a thiante kha ka haw hlur bawk ka taksa hnaiha rawn kal leh a tum chu ka bul dawhkana bottle tui awm chuan ka vawm pawp a ,a rawn kal lui tho ka taksa chu pawm kang lawpin in seh ruh tun chuan pawnlamah min pawm chhuaka ,ka talna te chu hrelo ang hmakin a awm bawk .

Damdawiina awm ho chuan min en thap a ,a then lahin Dylan chu thla an lo lak ruk saka ,status leh khawi emaw group ah chuan postin an sawi zui leh ngei ang,“ Min dahthla rawh keimah in ka kal duh " ka tisep a ,ka tawng chu min melh eihlo chhan pawh min chhang lo a ngawi ngul ringawt,ka en chho a hmalam chiah chu a lo melh run mai,a hrawk bawk a chil lem zawnga che rulh chu ka en reng,hepa hi hnuailam zawng pawhin a hmeltha tho nia ,taxi a phar a min thutluhpui nghal vut ,taxi chhungah erawh ka thusawn thei hram ,college lam kan pan leha ,pawnlam chu ka en vang vang ,taxi din rualin Dylan chu ka kalsana ,a duhleh chuan man chu lo  pe ve mai rawh se.

Class ah lut zawkin ka bag leh bike chahbi chu ka la a ,Ruatin a ka that leh that loh min lo zawt chu ka that thu a chhangin ka chhuahsan a,Dylan nen chuan kan intawk leh,be lo in ka kalpel a ,ka bike bul ka thlen chuan a thiante nen ka hnungah an rawn ding leh thap ,thaw hakin thip zetin ka en a “ Enge ila duh cheu " ka tituar ,ka kham takzet tawh a bag chu a thiante lamah vawrhin a bike chahbi nen chuan a thianpa pakhat sang ve tawk tak chu a pe a “ Kan inah inlo va dah dawn ania ,Nutei ten ka awmna an lo zawh cheu chuan damlo a thlah inlo timai dawn a nia" tiin ka lamah a rawn inher a ,ka lamah kut a phar chu melh nghekin ka bike ah chuan lawn tumin ka in siam rem ,mahse ka kawngah rawn manin alamah min pawt phei a ,ka kut pahnih chu hnunglamah a chelh bet tlat ,ka lamah rawn kun hniamin min melh run a .

“ Ka thu hnial suh,i lu hliam chung kha chuan nangmahin bike ka khalh tir hauh lo ang che" a rawn ti thum chhak ,ka ner saka “ Hetianga min siam tirtu i nia ,lo in lak fel kual vel a ngailo ang" ka tinghat,a tawnglo a a ka chip hmakin Kan in entawn ran ,Kan mitmengin kan insual a nihrim mai dak vahin ka en a ,a ni a kun ngur bawk ,ka taksa chu chawi nawlhin,bikeah chuan min hlang a ,a rawn chuang ve nghal bawk ,keiai chuan a inrah khalh pha fia fia hle ,a ngal sei zet leh a boot lawk zet bun chu a inhmeh hle hian ka hria,thawmhnaw dum a uar hle a ,rawng dang vak a bun ka la hmulo ka luh chinah pawh hian a thawmhnaw inbel reng reng hi rawng thim lam vek a inbel a ,a sam hi a tiphir ngei ngei bawk .

Tlemin a hmai hi a puar deuha chu chuan a hmel a ti cute daih thung,a ha hi a pauh nichiah silo hian a hmui te hi a pawrh deuh a ,mahse a inhmeh em em tho ,ka lu ka thing nawk nawk enge ka suangtuah tak chiam a ,ka hmelma number one a nih hi tih ka inhrilh mawlh mawlh ,a tlanchhuah phut a vang chuan ka lo inring lo nen ka bawh rawk rawk a ,a dul thep zaih leh sak deuh tangah chuan ka kuah vang vang,a ni erawhin hmalam ngawt melhin ngaihtuah nei ang mai hian a ngawi ngul a ,Kan tlanna tur ngawt chu a en ,a hmel leh nungchang hi chu tleirawl leh nula duh chi tak a ni bawk ,ka lu na leh deuh a vang chuan hawi chhuak peihlo in a hnungzang ah chuan ka bei vang vang,a lum nuam hle ,a nipawh rawn hawi let zawkin a tlan leh a .

Traffic police ina a kut a vai lauh lauhah chuan kan ding deuh a ,kan hnung leh sirah chuan motor leh bike ,scooty vel chu an ding ve bawk ,Kan awm dan chu thenkhat tan chuan sawinuam tak tur chu a ni ngei ang,mahse ka lu tuam an hmu a ,an hrethiam maiin ka ring “ Khawiah nge in in a awm " a rawn tih thut a vang chuan ka en ha a ,Kan inpawh hre silo in min thlah te chu a tum ve ania “ Helam kawiah hian tlan la in nga na ah khan ding rawh " tiin ka kawk kual a ,a tlan ve mai bawk ,a chang chuan Aizawl bengchheng thei lutuk hi awm bo leh mai ka chak thin,kawngpui chep zet leh traffic jam reng te ,mipui in nek luih luih hi ka ning takzet nun hi a chep ngawih ngawihin ka hria .

Kan inzawnah chuan ka din tir a ,a en vung vung mai “ I duhchuan thingpui lo inla " mawi hnaiah ka sawm a ,hnial se ka ti ngei mai mahse min rawn zui nghal vut ,phurlo zet chuan inchhungah chuan ka hruai lut a ,ka nu chuan min lo buaipui vat Dylan chu enin min hruai haw tu a nihthu ka sawi a ,ka nu chuan a be nghal sawk sawk a ,thingpui a rawn pe a,Dylan chu a ngawi ngul a ka nu zawhna erawh a chhang tha viau thung,ka bula a tawng ngailoh ang takin ka nu chu a be tha in a tawngkam a thutakin a puitling bawk,mak ti zetin ka en ka en ringawt,ka nu pawh chuan a ngaina nghal tih ka hailo ,an inbe char char a ,keimah ber chu ka ngawi kar ringawt.

Ka nu chuan a nu leh pa leh an chhungkaw chanchin a zawt a ,Dylan an a sawi meuh Chuan ka nu hmelah chuan mak tihna leh  ngaihsanna a lang zut zut ,mahse thildang erawh a zawt tawhlo a ,ka lo thawveng huai mai ,Dylan chu awm reilo in a haw vat a ka nu lah chuan “ Dubai Lalfapa meuh kan inah a rawn leng ania,bawihi in inkarah awm a awm em ni?" ti a zawhna mitmenga min en chuan Dylan an a min fawh lai chu ka ngaihtuah zawk a ,mahse ka inthing harh vat “Awm lo awmlo ,ka hmelma kumhlun tur a nihkha " tivakin ka room lam ka pan hlawk hlawk a ,kha pa ve kha ka haw lutuk,ka phone phawrhin Thana ka call a ,a that leh thatloh ka zawt luam a a that tawh thu a rawn sawi ve sup bawk .

Thian kan nih angin engkimah kan in ngaipawimawh tawn a ,ka unaupa ang maiin ka ngai bawk “ Naktuk chu ilo kal thei ang tiraw " ka tihchuan a lo kal theih tur thu a sawi a ,ka thaw huai mai a awm loh chuan Ruati ringawt kha chu a mah a fello pawh nilo in ka la tlangnel tak tak lo nen a hrehawm riau mai ,tukverhah dakin ni tla turin a Aizawl tlang dung vel a chhun chu ka en a,Kan veng hi tlang pawng a awm a nih a vang hian veng dang pawh a hmuh theih deuh vek a ,vana vamur thlawk kual leh chhum sen phut te chuan lung an tileng rum rum.

Ka naupan tet atangin keimah in ka awm tam a ,a chang chuan mal riau hian ka inhria,nu leh pa nei ve mah ila primary ka nih ve lai te pawh khan kan schoolah an rawn kal ngailo a ,engkim kha keimah chauha ka hmachhawn chang lah a tam,tunah erawh chuan ka nu hi tlemin inah a awm tam ta deuh thung a ,nu leh pa neilo ang mai a ka in ngaihna pawh tlem chuan a reh ve deuh,Dylan ka ngaihtuah a englai pawhin hmusit takin min bia a ,min runluih bawk ,mahse a chang chuan min ngaihtuah leh em em lawi si,zanlamah chuan Ruati chuan thlalak min rawn thawn a ,ka en chuan Dylan te insual leh Dylan leh Felyna in kiss vel a ni a .

Chu thil ka hmuh chuan ka danglam deuh zawk ,ka kawchhung lam atang chuan na veng veng hi a awm a ,keihian Felyna hi ka thik tihna em ni?

ZAWMNA 

Thana nen college lam panin kan inphur chhuak a ,a mah nena kan kal dawn hi chuan ka bike khalh a phal ngailo a ,min phur ngei ngei ,college kan thlenga ,dan ngai te in thianho leh in ngaizawng ho chu a kawp te te in an awm hrang leh thliah ,puitling china in ngai thah kan ni tawh hlawm a ,tumah han inzah tet tet kan awm tawh lo tih theih ani.

Ruati chuan min hmuh rualin kan lam panin a rawn tlan nghal vat,Thana a hmuh rual chuan a chet phung a buai leh vek tawh ,he nu hi ka thianpa hi a duh chiang lutuk,ka nui vur vur a ka tihpui chiang viau ang ,Thana lah chuan a melh ang ngur ngur a .

Ka nuih tet tet an in entawn ran reng bawk sia ,ka khuh kherh a “ Induh chuan in inbem thei a nia" ka tihrualin “ Ngawi mai mai rawh " an tirual thawt a ,ka nuih uar uar a ,mahse ka hawi chhuak chiah ka lam pan a Dylan rawn kal ka hmuh rual chuan “ Kal vat ang u" tiin hma ka hruai hlawk hlawk a ,ka hma a rawn ding a vang chuan ka pen lai ka tawp chawt ,ka en chho ha ,tak ngur hian min lo en a

 Thana chuan ka kutah a rawn chelh nghal vat ,an in ngeih loh zia ka hria,chuvang chuan ka thianpa hi kalsawn pui vat ka duh,Dylan hel zawng chuan ka kal a ,Kan pel chiah tihchuan ka kut lehlamah a rawn vuan chawt .

Ka thiante pahnih pawh Kan awmdan a vang chuan min en in Thana phei chuan thinrim hmel zet hian Dylan chu a en a ,a hliam tuar tawh mahse a la hlaulo hle tih a hriat bawk ka thianpa hi insual ve vak ngai lemlo mahse a luhlul zia ka hre chiang ,a tlawm mai mai lo ang“ Min thlah rawh" tiin ka en a ,tawng pawh tumlo in min kalsawn pui a tum a ,ka ngeih thei der lo.

 “ Enge i hriat a min thlah rawh ,i duhleh i bialnu ramhuaii kha va kai rawh" tiin ka kut chu ka thing vak vak ,a chelh nghet bawk si “ Thlah rawh " Thana chuan rin ang ngeiin a rawn tileh ta fak a ,Dylan chu a nui suk duh chauh .

Thana tawng leh tum chu a nghawngah a tham a ,an insual leh ang tih ka hlau takzet “ Inthlah rawh u " tiin Dylan kut chu la sawnin an inkarah ka ding a ,ka te bik si mahse an pahnih chuan min melh chhuk ngur in an inkhawih biklo “ Kalsawn rawh Dylan ,nang nen sawi tur kan neih awm leh ka zui tur chhan che ka hrelo ,min tibuai tawh suh ka tihkha keichuan.." 

Ka thusawi zawh hma chuan alamah min pawt thutin rang zet hian rawn kunhniamin mi hmuhlai chuan min kiss leh ,Kan bula awm ve dang ho chu an thum hak a ,ka kawngah chuan hmer nghet sauhin a awmah chuan keiin ka kut ka dah bawk,tihtur ber hrelo in ka awm mawl tawp a .

Eng thil nge a tih leh tak he mihring hian,ka nam vak a ka hmui ka tuai nawk nawk ,a ni erawh a la tawng chuang lo Felyna kan lampan a rawn kal hlawk hlawk ka hmuh chuan ka lo en ngar ka hmaia ben a tum chu keimah zawkin a kut manin ka beng thuai a ,a hawi nghal sawk mai ka tha a za leh zek zek tawh ,a thiante pathum rawn tlanin a ka sama keh an tum chu kun zawk in ka kick thal nghal tawp tawp.

Felyna lam ka pan lai chuan hlauh hmel zet hian min lo en ,zirtirna pek hlak tawh ka duh ka kham ve ta bawk e ,ka nuihsak a chhantu tur zawngin a mengkual nghal ruai mahse Dylan leh a thiante ho lah chuan an en tawp ringawt a .

Ka ke chu khai kangin tlawh leh tawp tum chuan ka zuang a ,mahse ka ke a man bet a ka kut man bet chunga ,a kawnga min kherh beh tir tu avang chuan engmah titheilo in ka awm ,ka kut pahnih a nghawngah a suih tir a ,ka ke chuan a kawngah a la inkherh bet ran bawk ,min kalsawn pui pawk pawk a.

 “Min dahthla rawh nang nu kha ka khawih leh dawn khawp che " tiin ka kut chuan ka la ban tang tang ,Dylan lah chuan a hlat zawngin min kalpui zel,ka thiante pahnih lah chuan min puih pawh tumlo in min en liam tak ang vung vung a .

College bul lamkhuang hnuaia thutthlenga an siamah chuan min thutthlak pui a ,ka en duhlo ,hmun dang melh in ka hawi kual a ,ka hmaiah a rawn dawm nghut ,tawng lova chetzia a min biak a tum emaw ni “ Min khawih tawh suh ka  tih kha " ka tihlak a ,a mitmengah erawh ka en duhlo ka danglam leh ka hlau ,ka hmuiah chuan a rawn chul a ,ka phu zawk

 “ Enge i hriata Dylan hassin ,i tawng thei tawh lo em ni?" tiin ka melh ngar ngar “ Ka hua che ka haw lutuk che " ka tihleh “ Ka duh che " a rawn tihchu a inrual chiah ,ka lu ka thing nawk nawk “ Bialnu nei inih kha chubakah nang anga min hmusit tu hi hnaih ka duh bawk lo " tihlakin a mal atang ka chhuk a .

Midang che vel chu ka en ngar ,ka darah a lu a rawn nghah rual chuan tho chhuak in “ Dylan hassin " tivak chuan hnek ka tum a ,lo thlesawn zauhin ka kut a man bet chuan a hmai bul chetah min pawt hnai ,chiang zetin ka mitah a en a ,ka rilru hriat a tum nimai hian ka hria ,ka lungphu ri dawt dawt chu a hriat ka hlau takzet “ Min duh ve tiraw " a tihchuan ka nui deuh hak 

“ Teuhlo lutuk " uar zeta tih pahin ka kut chu ka pawt vak a ,a rawn thlah leh thut si nen leiah chuan ka thu nghal dawt,tho chhuakin ka melh ram ram “ Mipa chimawm lutuk min khawih tawh hlek suh ,hmela " tileh vakin ka kalsawn nghal hlawk hlawk .

Classah chuan tumbur in ka thu a “ Zo in ni a mi " Ruati chu ka melh vat ,ka ner nawnga khapa nen khan kan in mgaizawng ang maw ? Teuhlo lutuk ,ka lu ka thing nawk nawk a “ Ani ngaihzawn kha ka duh lam lam lo ,ka hua ka haw hluah hluah in la ngeng si ,tawng duh silo in a tawng chhunah a ngeiawm si " tiin class a rawn lut mek chu ka melh a ,Felyna bula a va thut rualin a ni chuan alo kuah a ,a tap titih leh nghal ,Dylan chuan duat deuhin a kuah a ,min la rawn en kher zui ,ka nersawk a ka hawi sawn nghal hmak .

Lerh si bialnu nei reng chunga min bem ngam te chu ka haw hluah hluah tawp,Kan class ho laksh pawh ahma  ang chu ka ni tawhlo ,tupawh chuan ka pa an hriat tak vang nge min be tha hiam hiam vek a ,tumah erawh ka kawm belh lo ka thiante pahnih lakah hian ka lungawi rih viau mai .

 Teachers rawn lut chu zawhna an ngah leh pek hle ,kei erawh hriatthiam loh nei thin mah Ila zirtirtute biak hi zahah ka la tlat pek a ,a ruk a phone atanga zawh bak ka ngam ngailo ,ka chhiar lai chu ka melh ngar ngar a ,pol.sciemce hi chu zirtur a tam viau e tilo hian ka tuina ber a ni thunga ,zir ka phur thei hle tun erawh ka peih thlawt lo.

Dan leh dun tih vel hi ka ning ve lek lek ,ka nunah hi chuan dan hi awm lo se ka tiber ,dawhkanah chuan ka bawk a Thana lah chuan ka zakah a rawn dek phet leh nghal“ Min khawih leh chuan Ruati saw ka bemsak ang che " ka tihchuan a tum nghal hmuk nuih tet tetin lehlam hawi chuan ka lu ka dah a ,mahse rum zeta min lo en tu avang chuan ka ip chawih,thinrim hmel lutuk leh a mitmu thim raih chuan min en a ,ka zam rum rum thei ,ka lei chhuah zeuhin ka hawisawn a ,hepa hian a tawngkam nimiahlo pawhin a lamah mi a  hip thei a nih dawn hi 

(CURRENT A AWM THEI NGANG SILO A ,HRETHIAM RIH RU AW )