THE BAD BOY RULES CHAPTER 3

THE BAD BOY RULES 

CHAPTER 3

A rawn tho chhuak a,a hmel chu a dur khup bawk kei erawhin min rawn khawih hun changin ka inring ran bawk “ A chhiat lemloh kha ,min tiphur riau " tiin a nui suk a ,a ngaihtuahna awmang ka hre ta hauhlo ,ka en reng min rawn hnaih leh chu ka kick a mahse a lo indang zel ,ka kuta ka vaina te chu mipa pangngai nise an tlukpui tawh ang,mahse hepa hian a duh nise chu min khawih na tawh viau ang ,ka kut a rawn man bet a ,min pu nghal lawp ,ka rak that ka tal nghal nawk nawk a ,midang chu neksawnin gate lam min panpui hlawk hlawk  a .

“ Min thlah nghal rawh hmela ,min dah rawh " tiin a hnungah chuan ka beng dawt dawt a ,a sangin a lian ropui si lei chu ka hmu hla vawng vawng,min nghat dawt a ,a bikeah chuan rawn innem khalhin min melh nghal run,ka hlauh vang nge ka zam vang zawk pawh hriatlohin ka tha a khur a ,ka lung a phu dawt dawt bawk ,a perfume rim chuan ka hnar a verh zar mai ,asam chu a tiphir deuh sanga ,a t shirt hak Chuan a pian nalh leh sek tang chu a hliah zo lo ,keihi enge ka ngaihtuah kha ? Ka lu chu thing nawk nawkin thawk ka la kawk a ,chhuh tumin ka bei nghal ,mahse ka dar ve ve a dawmin min hrawm tawk a ,ka tawm chawih mai min khai kangin a nui leh suk a ,a taksa a min kuah betin bikeah chuan a lawn nghal thurh,a hmalamah chuan ka bet tai.

Ka hamhaih lutuk chu chet mai nachang pawh hrelo in a nghawnga kuah chuan ka meng ker ringawt,ka harh chhuah meuh chuan kan tlanchhuak der tawh,a hmaa ka bet chuan a tibuai phalo tih hriat lutukin chak zet hian a khalh a ,a helmet full face atanga lang chhun a mitmeng hriam deuh hrak leh nalh zet chu ka en a (In duhber biker ngaihtuah ru keichuan Kevin lutolf bak ka ngaihtuah peihlo🤣🤣😜) , ka chil ka lem khawlh,a chhe mawlh lo ,a nghawngah Chuan kuah nghet sauhin ka tlak hlauchuan a kawngah ka ke in ka kherh beta ,a nghawngah ka khabe ka nghat bawk ,a rawn nui nghawr dat a ,haw viau mah ila a bike khalh lai chuan ka tibuai duhlo hrim hrim .

Kan accident palh chuan kan na ve ve dawn a ,nunna hial chan theihna a nitih ka hre bawk ,bike a din takah chuan ka hawichhuak a ,picnic na hmunah min hruai chu niin,awm ve dang an lo awm teuh a ,nula rual awm ve chuan kan lam an rawn hawi thap bawk ,keilah Dylan chhuh hma loh chu a taksa atangin ka chhuk theilo,ka che thei miaulo a ,ka rihna chuan a tibuai phalo nge a helmet phelhin bike atang chuan inthazo zet hian a awmsawn thurh a ,keipawh ka chhuk nghal vat ,ka melh nghal rawm rawm chu ngaipawimawh lo zet hian pool awmna lamah chuan a kal nghal nul nul a “ Hey min dah let rawh Dylan " mi an awm ve avang chuan ka duh ang pawhin ka vin theilo.

Nula ho lah chuan Dylan tui chen ve leh chuan tuichen tumin an lut sup sup a “ Lo lut ve rawh Sangha chu tuiah an awm thin" a rawn ti a ,nuihza Siam Nana min hmang chu ka teithei thaklo ,ka thawmhnaw pelhin kekawr bul leh tawnzau nen chuan ka pan a ,ka luh rualin min rawn pan nghal vat “ Thu i awih hle mai ka sanghate " a rawn tihleh chuan a banah ka seh sak a ,a ner ve sawk mai ka thlah rualin “ Piranha te pawh i an kha Pivawk " tuichhungah chuan ka chum awk awk a ,ka kawngah chelhin min inliluh pui nghal thut a ,tuichhungah chuan min kuahbetin ka tal chu min chelh nghet sauh a ,kan chhuah rual chuan ka thaw kawk kawk mai,ka melh rawm rawm a ,pool pawnlamah chuan chhuakin a sira thutmutna an dahah chuan ka thu tawm kak .

Hepa hi tinge ka ngei viau si a ,a bulah ka awm duh reng mai le ,keimah pawh hi ka inhrethiamlo ,hmeichhe ho chu tuichhungah ball a ben pui a ,a taksa nalh thlup leh a hmel pa hrak te chu mu chung chuan ka en reng ,a nui hmel chu college a ka la hmuhloh thil a ni bawk ,college ah kha chuan a hmelah khan nui hmel hmuh tur a awm khat hle a nihkha ,ka lo en renga hmeichhe ho lah chuan an hnaihin an la kuah thuak thuak zui ka ner sawk ,a lerh kawh ve mawle tho chhuakin ka thawmhnaw dahna lam ka pan a ,motor tlan phar tur a awm in ka ring,ka thawmhnaw chu ka ha mawlh mawlh a ,kawngpui lam chu ka pan nghal zat ,nge ni a a bike hi ka khalh haw sak daih dawn mawni .

“ Hey nghate " a rawn tihleh avang chuan rumzetin ka en a,motor rawn tlan lah a vang si ,ke in kawngpuiah chuan ka kal hnak hnak hmela vang vek saw ,khawchhung lut turin la kal ve deuh fe a ngai dawn bawk si ka va han ngei tak kha mihring kha ka haw hluah hluah ,ka bulah bike a rawn ding a,ka en zawk ka kal leh nghal mahse ka kal rual zel chuan muangchangin a tlan ve zel ngei zetin ka melh a “ Kalbo rawh engkim hi nangmah vang vek min tihbuai hi sim bawk rawh,engvanga min tibuai reng nge inih " tiin ka melh ram ram a ,a helmet chhanah chuan a mit chuar deuh atang chuan a nui tih ka hria,fiamthu ka thawh pawh nilo a ka thinrim a nuih hi ka haw ber bawk.

“ Rawn chuang vat rawh" a tihleh pawh chuan ka ngaihsak duhlo a ning deuh nge a tlanchhuak nghal nal nal ,ka awmna lai lah chu ramhnuai thing pawh la awmthatna lai a nibawk nen thawm a rik hlek chuan ka phu leh zawk zel,ka kalzel a khawchhung ka hmuthei tan tihah mipa rual khat hi an lo awm a ,an hmel atang lah chuan ruihhlo tithang tih hriat reng reng ,ka lam an rawn hawi thap a ,zamlo tur in ka infuih sauh sauh ,ka kal pelh dawn lai chuan “ Ehem sexy reuh ve khal bawk si ,lo kal rawh rawn tel ve rawh " pakhat chuan min rawn khawih nghal ringawt lehnghal.

“ Min thlah rawh " ka tifak a ,midang lah chuan an zuin lai chu dahin min rawn en thap,min pawh luih leh a tum chu ka insum thei tawh lo chuan ka pet pawp a ,tlanchhiat ka tum rualin midang chuan min rawn man bet a ,an tam bawk nen ka hneh dawn lo tih ka hria ,mahse awlsam taka inkhawih tir ka tum hauhlo ,ka hmalam atanga min rawn khawih tum tu chu zuang vakin ka tlawh leh a ,an thinrim ve ta nge pahnihin min man betin pakhat chuan min hnek tum tih hriat tak hian min rawn pan a ,mit ka chhing nghal sawk ,mahse engmah a thlenglo ka mengchhuak a .

Ka hmaah Dylan chu dingin min hnek tum tupa kut chu a hum run a “ Mipa ni ve si hmeichhia kutthlak i tuma " a aw chu a rum ul mai ,a mitmeng te thleng chuan a hlauhawm ngawih ngawih ,midangin a an rawn bawr chu vir zawkin a man pa kut chu a herh sak a ,an insual nghal miah miah min chelh bet tute Chuan min thlahin an va bei ve a ,kei erawhin Dylan che vel zei zet chu ka en ,tunah tak hi chuan movie a changtunu chhana changtupa che vel te ka ngaihtuah,Ji chang wook ang mai Khan insual a thiam bawk ,police an rawn kal tih hriat takin siren a ri ruai ruai a .

Chu veleh a hmaa insual Dylan chu na nei ang mai chuan a awm a,mak ka ti lutuk chu ka mengphawk vak “ Awi ka tlawm ,pute min chhan rawh " a tichul mai ,hepa hian enge a hriata chutah police motor a tang chuan pa pakhat upa lam tawh tur hi a rawn chhuak a ,Dylan chu a hma ai mahin a au nasa chupa huan “ I tha em bawiha" tiin Dylan chu a pan a ,Dylan lah chu nat hmel tawk hian a ner sawk sawk a,a hmui bul vel lo thi ve nen police ho tan chuan lem a chang tih a hriat miahloh ang,ka lam rawn enin a nui suk a .

Police dang ho chuan min lo tibuaitute chu an man mawlh mawlh bawk “ Pute ani saw a tha em va en zawk rawh " tiin ka lam a rawn hawi a ,pute a tihpa pawh Chuan min rawn pahin ka thatleh thatloh min zawt a ,Dylan ai chuan a hmel hi a ngainat awm zawk ,saw lemchan thiam a ve saw a“ Ka tha e " tiin ka tho chhuak a ,Dylan lam chu ka pan vat police ho hnenah chuan chung mipa ho chuan ka kawng kallai min lo tihbuai thu leh Dylan an min puih thu chu ka sawi a ,kal tur in keini chu min tinghal ,an hmelah hian Dylan nen kan in ngaizawng emaw an ti tih a hriat nghal vek bawk ..

Bike a kan chuan hnu chuan “ Engtin nge police kha an lo kal theih " ka tihchuan min chhang mai lo ka zawh nawn leh takah chuan “ Ka phone " a tihmuk a ,a vahan nelawm loh tak “ Lemchan pawh i hnehsawh kha " ka ti a ka nui kher bawk “ I putea kha i mizia diktak ka hrilh zawk dawn emaw ni " ka tihchuan a bike chu a tiding chawt a ,min rawn melh nghal ngur mai “ Ngawi mai mai rawh sangha phakar nu hmanni tlaia kan insuala rawn inrawlh ini tih ka hre ve tho ania " a rawn tihchuan ka insiamchhiat khum vak a ,college a kan kir leh hnu chuan ka bike lam ka pan vat ka bike bula Thana lo ding ka hmuh chuan ka nui var var a .

Thil ngaihtuah muk deuh a ang ,a bul ka thlen pawh chuan min en nachang a hre miahlo ,ka auh rual chiahin a rawn hawi chhuak a ,a meng deuh kawk bawk “ I tha em" tiin ka taksa te chu a enkual a ,ka tha tih a hriat chuan a thaw hawk mai,Kan hnunglama rum nghut a hriat chuan a pan a ,engmah sawilo in Dylan hmaiah chuan a hnek a ,ka lo au that ,an insual buai nghal dylan lah chuan Thana hmaiah chuan a hnek thuai thuai a ,midang chu rawn kal khawmin thelh vat ,Felyna chuan Thana nena min kawk chungin “ In chan tawk chiah a nihkha D i tha em " tiin Dylan Hmai pem vel chu a hruksak a,Thana Chu ka buaipui mawlh mawlh, midang chuan chawh min tih hmel zet hian min en hlawm a .

“ Rawn lut thar ve si ,in zaklo ngawih ngawih in hria em Dylan hi khing ngam tur in nilo,kha in hneh loh tur khawih kha insim tawh ang chu" an rawn ti a ,kei erawh keimah avanga Thana na tuar chu ka mittui a tla fap,keimah vangin a tuar reng mai chu a nih hi “ Ngawi rawh u engvanga hetianga min rawn tive ngawt nge in nih,engmah in hrelo " tiin ka au khum tuar a,Thana chu kaitho in hmeichhe pakhat min rawn khawih tum chu a kur chu elhin ka tlawh tlu tawp a “ Tunge malah min cho le ,nang Felyna khan min  ho em " ka thinrim lutuk chuan ka tichhuak tuar a ,Dylan erawhin ngawi ngurin min en,he mihring pawh hi a bulah vawikhat pawh ka awm tawh lo ang.

Tumahin min chhanloh avang chuan Thana chu ka bike dahna lamah ka hruai a ,ka tlanchhuah pui nghal vat,keihian min hmusit tute hi ka enliam mai mai tawh biklo ang,inah chuan Thana hliam chu ka buaipui a “ Keimah vangin insual tawh suh,ka buaina chu ka chingfel ve tawh ang min ngaihtuah suh,ka invenna tur tawk kungfu ka thiam tih i hriat kha chuvang chuan keimah avanga insual a ngailo ,keichu ka tha khang mai mai te kha chu a ho lutuk keimah a vanga i buai reng hi ka duhlo ,I hria em thian kan nihna avang pawhin" ka tihchuan a lu a thing nghut a “ Ka inrawlh zel ang" a tihchuan a darah ka beng a ,a rawn nui hawk ringawt mahse a biang vel chu a na tih hriat takin a ner zui nawk .

A haw hnu chuan roomah chuan ka awm a ,heng hmuhsitna ka tawrh zawng zawng hi kha hmela vang vek kha a ni,tunah chuan keimah diktak nen ka lang ve tawh ang ,ka nu leh pa rawn haw hnuah pawh pawnlamah ka chhuaklo a ,ka nu leh pa hming ka sawi ngai loh avang hian tumahin min hrechiang lo ang ,a tuklamah chuan insiamin shirt turtleneck ha in a chungah jeans kawr a nghawng vel a ,ranhmul buk chhep awm leh kekawr tight a dum ha in belt ka hreng bawk a ka sam sei tak chu ka thlah hnalh bawk ,ka hmai chu chei leh in ka hmui pawh sen deuh hlekin ka hnawih a ,ka mit vel chu ka line leh bawk .

Ankle boot dum ka bun leh a ,keima tawkah nalh ka inti ve viau ,ft 5'5 inch ka ni a ,ka te chhelo bawk nen ka boot bun chuan min tisang zual ,ka kal chhuak a ka bike chahbi chu la in ka nu pawisa ka dil zauh a ,ka tlanchhuak nghal vat kawngpuiah chuan tlanzelin a jam hma ngeia college thlen ka duh,Thanpuia erawh kha chu a nawmloh a vang khan kallo turin ka ti a ,a rawn kalloh ngei ka beisei keimah a vanga buaina a nei reng hi a nu leh pa lakah pawh ka inthlahrung zo tawh ,mifel tak nilo phei se kan inkawm an phal tawh hauh lo ang ,college ka thlenga ka chhuk nghal tharh,min en duh hlawm hle bawk .

Ka sam chu hnunglamah vaikiangin class lam ka pan a ,chutah pawh corridor a awm ho chuan min en duh hle ,stepah muangchangin ka chho a ,ka phone chu ka khawih pah mawlh mawlh ,class ah chuan an awm thup tawh tih hriat takin a bengchheng nuaih nuaih a ,naupang nitawh silo hi high school leh middle ang mai hian a bengchheng em em reng a ,ka luh rualin class chu a reh dawk a tumah ngaihsaklo in ka thutna lam pan chuan ka kal zel ,mipa ho ka ho leh hmeichhe ho meng phar awn awn chu ka mitsirin ka hmu vek bawk ,ka thutna lam ka pan a ,Dylan chuan hriatthiam har zet hian min lo en a .

Tluangi lah chuan “ Awi i vahan chhelo tak,midang pawh hian an en thap che a nia ,hetiang hian inchei ziah tawh rawh " a rawn ti nghal zat zat a ,ka nuih ringawt ,ka phone bawk chu phawrhin ka thian te ho ka be pah a ,ka ngai veng veng mai,kan tawng leh hnam inang lo mahse ka kawm ngun leh an mizia ka hriatchiante an ni a ,ka ngai takzet ,Kan awm ho tawh kha chuan tu thusawi mah kan bengkhawn lo a keimahni nihna ah khan kan lungawi mai thin,tin helam angin thawmhnaw dahlau tak tak an ha ve lo a ,an mahni hnam incheina chhuang takin an ha zawk thin.

“A awihawm loh e ,a hma a keimah tho kha a lawm ka la nih " tiin ka nui hak hak a ,a nipawh chuti tho kan pahnih chuan infiamin midang kan ngaihsak lo a ni ber ,dawhkan ring zet a rawn beng tu an awm a vang chuan Kan Phu nasa hlawm hle ,Dylan chu ngawi ngul hian tho chhuakin pawnlamah a chhuak a .

ZAWM LEH TUR .......