THE BAD BOY RULES CHAPTER 12

THE BAD BOY RULES 

CHAPTER 12

7 MONTH LATER 

Ka pum puar ak chu ka chul Dubai ah kan awm tawh a ,doctor thusawi hre mah ila ka naupai erawh ka paih phallo ,ka pasal ngei pawhin engmah a la hrelo ,sipai lam a tui em avangin sipai lamah a chhungte phallo chung a lut a ,ka ngai thei viau mahse prince a nihna erawhin a duh hun hunah a bangin a rawn haw thei thung,ka ngai lutuk chuan ka ko haw tawp a ,mahse a mizia inthlak danglam chu ka lo hrethiam der silo 

“ Dylan tinge i chhuah renga ,nau ka neih a hun ve tep tawh ,duh duhin ka che thei tawh bawk silo ,ka pum hi a lian ve tawh a keimah chiahin inah ka awm bawk si" a phone hmang lai chu rawn hawiin “ Ka nute bulah awm mai la " a rawn tihchuan thinrim zetin ka melh “ Enge i hriata I army pui hmeichhia i zui nasa tih an sawi hi ka hre ve vek a nia " ka tihchuan a thaw hawk a “ Chu chu enge itih theih chuan" a tihchuan ka melh tlawk tlawk .

“ Tinge i inthlak danglam ,hetiang inih ka ringlo a sin" ka tihchuan a nui hawk ringawt,lung na zetin ka en,keihi reiloteah ka thi dawn ka fa erawhin khawvel eng a hmu ngei ang,hetianga Dylan a awm reng phei chuan ka fa hmalam hun ka ngaihtuah lo theilo “ Khawih teh " tiin a kut chuan ka dul puar che dat dat chu ka khawih tir “ Kan pahnih fa kha a nih hi,nakin lawkah a lo piang dawn ,chutah chuan pa a mamawh dawn a sin,Dylan engmah neih ka neihloh zia ka hre ve tho .

Chuti chunga pan che ka ni tih pawh ,hetiang hian awm suh,aw khawngaihin min hmangaih tawhlo a nihpawhin hetiang hian awm suh" ka tap chhuak hawk ,pawnlam panin ka tlan nghal “ Venus ding teh " a tihpawh chuan ka ngaithla thei tawhlo taxi pharin ka chuang lut ,ka tap chhuak hawm hawm beiseina nen Dubai ka panpui a,mahse a nichuan min hlat nan a hmang thung si ,kalna tur pawh hrelo in ka vak kual ,vur tlak lai a ni bawk nen ramhnuai lamah ka kal mawp mawp .

Thli a tleh vawk vawk ,vur karah chuan khur bauh bauh chungin ka kal a ,ka tahna ka mittui te chu vur chuan a tivawt vek tawh,tlang pawngah chuan dingin ka hnuai tui luang hum hum chu ka thlir vang vang,ka pum chu ka chul ,beisei hi ka nei tawhlo “ Bawihte a nu hian a hmangaih che tih hre reng rawh ,Anu hi i bula ka awm theilo a nihpawhin van atang khian ka lo thlir thin ang che ,tui khu en la i hmuh apiangin hengte hi i pa in min phatsan avanga inu rilru natna luang chhuak ani tih hre rawh aw .

I nu hian a nunah hlimna a nei ve ngailo a ,I nu hian Pathian hnen a thlen chuan a hlim ve tawh ang " tiin ka phun sep sep,ka hnung lam atanga min rawn kuahtu chu tunge anih ka hre chiang “ Venus " hlauhthawnna nen a rawn phun chhuak,ka taksa vawt nen ka taksa a zawi tan riai riai, Dylan awma lu nghatin ka mit ka chhing zui a.

DYLAN POV...

“ Bawihte " ka au mawlh mawlh,ka rilru kalsual a vangin ka hmeichhe hmangaih natna pawh ka lo hrelo a nisi,tunah nau paih tur chuan a pian a hun thawthang tawh a ,a theih tawhloh thu an sawi si ,Venus-i rawn harh kutah chuan ka vuan,a mittui a luang ngiai ngiai“ Pathian hnenah hei hi ka dil a " tap tiauin a rawn ti “ Ka kal a nihpawhin ka pasal hian ka fa hi hmangaih takin enkawl sela,nu hmangaihna a hmuh theih nan hmeichhe tha tak tawng rawh se tiin" a mittui a luang zung zung.

“ Khawvel a piang velo tur ka ni ti chungin ka duh dan ang nilo in khawvelah hmangaih neiin ka piang a ,ka mipa hmangaih nui hmel hmu in hmalam panin kal ka tum hram hram ,min hmu duhlo a awmbo ta ngaiin nitin inah khawhar takin ka nghak a ,Chung ka khawharna te chuan chhelna min lo pe ru reng a,mahse tunah erawh chu in khawhar tak nihchhan chu a chhunga cheng hmeichhe mal leh khawhar vang zawka in reh tih alo ni reng zawk si ,Jupiter ka lo kal hmasa zawk ang aw .

Jupiter kha khawvel pakhat zawkah chuan a kal hmasa a ,tunah erawh Venus zawk a kal hmasa dawn anih hi tiraw " tap teuha a tawngte chuan min vit ngut ngut “ Kalbo suh" harsa tizet chuan ka tichhuak“ Khawiah mah min kalsan suh ,ka kiangah awm rawh chuan ka zin bosan leh tawh lo ang che ,aw khawngaihin kal bo suh,I thawm leh hmel ka hmuh phaklohna ah kal suh" ka mittui a luang,engmah sawi zawm theilo in ka kuah vawng vawng .

Ka thil tihsual avanga hremna ka hmuh hi enge ,ka pehhel tang tang kha tunah hian kumkhua in a bo hlen dawn amaw “ Ih maw ka thi tur hi ka huphurh lo a ,mahse ka awm loh hnu ah ka fa hian tunge nu tihin a koh anga ,ka mipa hmangaih hi hmangaih dang neiturin phallo mah ila khawhar taka awm turin ka duh chuang silo,Dylan mahse keimah lo midang i pawm tur anga ka ngaihtuah hian ka na tho si,ka thinlung hi a na ngawih ngawih.

Keichu ka tawih ral a ,min theihnghilh thuai bawk ang,ka hlimna khan ka kiangah ai midang bulah hlimna a hmu tam tawh a ,kei chu ka pawimawh ve tawhlo " a hmuiah ka fawp vat “ Nanglo tumah an awm ngai reng renglo,min kalsan dawn lo kan bei dawn a lawm " ka tihchuan a lu a thing nawk nawk “ Kawng dang a awm lo ,ka kal dawn hmangaihtu ka neihlohna khawvel chhuahsanin ka kal tawh dawn " ka lu ka thing nawk nawk ,tihtheih ka neilo lutuk chu ka hua .

Ni a liam ka nupui pawh a tla hniam telh telh “ Bawiha engkim i hmachhawn a hun tawh a ni " ka pa chu ka melh tlawk tlawk “ Pa ka kal tir theilo pa ,khawngaih in min chhansak rawh " ka tap chhuak hawk,engtin nge ka kal tir theih ang,zai tura an nawr lut chu ka en “ Bawihte engtin nge i tello in ka awm theih ang ,bei rawh Lalpa ka hmangaih hi la bo suh,I khawngaiha i kianga i hruai duh a nihpawhin keihi min ngaihtuahla ,engtin nge a tello in ka nun ve ang.

Reilo teah naute nen nurse te an lo chhuak a ,kei erawhin ka fa pawh ngaihsaklo in ka nupui lam ka pan mawp mawp ,a hmel dang lep leh nunna nei tawhlo chu ka chul “ Zomuanawm min tibuai reng thin a nihkha ,min tibuai leh ta che lo tho la ,Kan inhmuh hmasak lai ang chiah khan awm leh ang aw ,Venus ka duat loh che a vangin ka tihpalh engtin nge ka tih kha Venus tello in a Jupiter hi a keh darh dawn ka tihkha ,bawihi lo meng teh ,Kan fa sawn hnute a ngen a nia tho la pe ta che .

I naute Khan a nu a au a nia harh rawh ,bawihi harh rawh " ka nu leh pa rawn lut pawh ngaihtuahlo in ka tap “ Hmangaihna mittui leh pangpar ,I tan rimtui a ka hlan che kha,tunah a thlawn mai an chang leh si,tuar thiam a har aw ana ,hrilh ka hai ngei e lunglam ka vai " ka phunchhuak,ka mittui chuan a hmai a far “ Dylan khawvel piahah ka lo nghak dawn che hre reng rawh ,Chu hmunah chuan ka ta chiah ini tawh bawk ang ,Dylan hassin ka mipa ka hmangaih leh ka neihchhun kei fahrah min enkawl puitling tu ka Jupiter kha ka lo nghak ang che .

Inthenawm tawhlohna vanramah chuan ,kawngkhar kianga lo dingin hlim takin ka lo lawm tawh ang che " a tihri te khan ka beng an luah thar ,a hmaiah chuan ka chul “ Min ngaidam rawh ka hmangaih che Zomuanawm ka hmangaih che ,engtin nge i tello in hmalam ka pan tak ang,hmeichhe harh vang mahni inveng zo tak insual peih em em khan a ma ram pawh hmu tawhlo leh a fapa pawh chawi hmanlo in lei hnuai a bel tawh dawn.

A ruang leiah an thlak,a lehkha min hnutchhiah chu ka chhiar “ Hapauhpa " ka nuichhuak hawk “ He thu ka ziahlai hian enge ka ngaihtuah i hria em ,Durtlang ka kal tuma kawnga lo insual te kha ka hrechhuak mawle " kha hmeichhe hmaituam tlat kha a mah a nitih ka chiang e “ Ka sawi duh chu,phallo viau mah ila keimah avanga pathlawi turin ka duhlo che ,ka fa hi puitling takin lo enkawl seilian rawh aw jupiter ,van lam rawn thlir la arsi tam tak an lan chuan lungawi takin ka thlir thin che tih hria la .

Arsi an lanloha a chhumin a hliah vek a piangin ka ngaihzia che a lan tir tih hre rawh aw ,Dylan engtin nge ka tih ang ,I bula awm ka kham lo lutuk tih erawh hre reng rawh,ka kiangah hun i hmang tam theilo kha inthiamlo suh,mahse hei erawh ka ngen duh che ,Kan fa hi Mizoram ngeiah piangin seilian se ka duh,nu leh pa hmangaihna ka dawnloh ang kha lo pe turin ka ngen a che .

Ka hmangaih reng che a ,nupui dang i neihpawhin ilo kal ve hunah tal ka ta ini tawh dawn alawm tiin ka inhnem chawp a ,ka tihbuai em em thin kha pialralah phei chuan nasa takin ka tibuai leh zual ang che ,Jupiter arsi ,ni leh thla te chu an kal ngai rengin an kal reng dawn nang nena kan thawnthu erawh kum 20 ah a tawp thung,ni a chhuak anga tlaiah a tla leh thin ang,chutiang bawkin i nunah pawh a tirah chuan I tuar mai thei.

Mahse hun a liam anga ,I hringnun chawhnu a nih meuh chuan min hrechhuak leh tawh lo maithei ,nilo vanramah min hrechhuak leh dawn ,ka hmeichhe hmuhsit thin leh ka hmangaihin pialralah min nghak tih kha hre reng rawh ,ka hmangaih che ,Kan fa kha hlimna pe la ,I duatloh vaih chuan ka lungawi dawn miahlo a nia ,a tawp berah chuan ka ngai che ,he ka hringnun tham ral rual hian ka taksa pawh a tawih ral ang.

Mahse ka hmangaihna che erawh a tawih ral ngai dawn lo ,mangtha aw Dylan hassin " a thlan chu ka thlir vawng vawng “ Ka theihnghilh ngailo ang che Zomuanawm ,Dylan hassin nunah hmun I khuar tawh a ka theihnghilh ngai lo ang che .

6 YEARS LATER ..

Ka hmazawna bike rawn ding chu ka en,a khalhtu chu a lian lem lo,mahse chu chuan ka nunhluia ka chan tak kha min hriat chhuah tir ,min rawn melh a a hmelchu a fai vang,make up a hmang miahlo bawk ,a hmelthatna a bo chuanglo,min melh hrakin “ Hm" tihmakin a hawisawn ka nuih a tiza ru viau ,ka fapa thil ei chu ka en a,abiangah chuan ka fawp zauh

ZORINPUII POV...

“ Awi pathlawi mah nise ka iai hauhlo,a chhiatloh dan saw ,a nupui in kum ruk liamta Khan a thihsan an tia ,amah hi Dubai lalfapa a ni an tibawk a sin" ka thiannu chu ka melh zawk,ka hmuh hmasak kha chuan carah an chuang a nihkha ,a hmel chu Kum 30 ral kai a ni ve tawh bawk a a hriam in a ro rum hmel ,mahse a tipa zual .

Min rawn melh leh chat,a mitmeng hi a mawi ka ti,a fapa pawh saw a duhawm tak zet .

LIBERTY  ZAWHAH KAN ZAWM ANG MANGTHA VEK ULE