THE BAD BOY RULES CHAPTER 11

THE BAD BOY RULES 

CHAPTER 11

“ Dylan " puan min sin tir lai chuan a hmingin ka ko sap ,ka tahna avangin ka mit a la hnawng chhap bawk ,hetiang khawpa min hmangaih hi ka lo beisei ngai lo,mahse ka mangan niin min tlansan ngailo a ,ka tan a awm thin pawh a mah chiah hi a lo ni “ Kan in nei tak tak dawn em ni " ka tihchuan a bu nghut “ Ka bul i rawn pan dawn khan in ngaihtuah hmanlo mahla tunah chuan i hrethiam deuh tawh ang chu 

Min neih duhlo mah la ka nei lui tho ang che " tiin ka bulah a rawn muthla a ,min kuah nghal hlun “Ka lawm e" tisepin a awmah hmai ka phum a,ni e tunah rih chuan ka chhungte bula awm ai chuan a bula awm hrim hrim pawh hi ka thlangin ka thlahlel zawk,ka kutah a hum a “ Muhil tawh rawh ,nge i ril a tam em " a tihchuan ka lu ka thing vat “ Tihian ka bulah awm la ,ka puar ber " tiin ka mit ka chhing vat .

A tuklamah chuan Dylan nu leh pa te an lo kal a ,Dylan an ka chanchin a sawi lai chuan nu Emily hmelah chuan min khawngaihna leh lainatna a lang chhuak ,min kuahin engkim a that tur thu leh a fanu ang chiaha min en tur thu a sawi mawlh mawlh,keipawh ka lawm takzet ,ka nu leh pa in a min rawn hruai haw an tum chu duhlo in ka tang ve tlat ,khati khawp khan ka nu khan min huat thu a sawi a ,engtin nge ka let leh duh tehlul ang,Kan inneih thu Dylan an a sawi chuan ka nu chu a phun hlawk hlawk a ,ka pa erawh a ngawi reng a min belo in Dylan te thusawi chu a pawn vek thu a sawi tawp.

Keipawh ka thaw huai ,man hlan vel pawh a hla a ngaihloh tur thu an titlu ,zanlamah Dylan nen chuan kan mu a ,ka taksa a khawih kual lai chuan dan ka tum biklo,nupa .an ni tawh miau a 

Zingah tho in ka pasal muhil hmelchu ka en ,a hmui pawrh deuh tiau ah chuan ka khawihsak neuh neuh,ka nui deuh vur vur a a bula awm thlamuan thlak zia leh min ngaihpawimawh zia nizan khan ka hre chhuak bawk,tho chhuakin rawngbawl turin pawnlam ka pan a ,Chaw hmeh awm ang ang chu ka bawl ve a ,ka hnung lam atanga min rawn kuahtu chu nghengin ka nui sak a ,ka dul a chul nghal zai zai “ Lo awm mai mai teh ,ka nuamlo huiin ka hria " ka tihchuan a nui nghawr dawt .

“ Naute siam vat vat kan ngai a lawm,college hi zo vat vat ila " a tisup a ,ka nui hak “ Keipawh naute duhawm tawk ,chum buang mai ka duh" tiin ka chaw hmeh chanlai chu ka hui khawm pah a ,chhimbawng bai ka eichak bawk a nghapih nen ka bai hluah,ka nghawngah a lo nul kual dan dan “ Awm mai mai teh artui leh tomato ka kang duh tomato hi a laiah lo phel zel rawh kha " tiin thleng kum nen ka pe a ,ngawi rengin a la ve mai bawk .

Kan pahniha rawngbawl chu a nuam takzet ,ka nu leh pa bula awm ai pawhin ka hlim zawk ,ka nute ka ngaihtuah leh a vang chuan ka inthing harh nghal vat ,a tawngkam a fanu ka nihloh avanga min hmangaih theihloh thu a sawi te khan min la ti hrehawm ngut ngut thei “ Venus enge i ngaihtuah " Dylan chu enin ka nui luia ka lu thingin engmah a nihloh thu ka sawi chuan a awih loh hmel hle lehnghal ,ka biangah a dawma chiang zetin min en ngur .

“ I pasal ka nihna angin ka nupui ini bawk ,chuvang chuan ka lakah engmah zep suh,ka chunga i lungawi lo a nihpawhin tilang rawh,pasal ka nihna ang leh i hmangaih ka nihna anga i tihlanna tur ka ni bawk " a ti nghet churh,a thusawi chu dik ka ti viau bawk “ Engmah a nilo ka chhungte ka ngaihtuah deuh mai mai a lawm ,khawi maw i zo tawh a mi" tiin tomato chu ka en a ka hmuiah fawp vakin “ I chhungte chu keimah chiah" tiin thirbel chu a chhuang a “ Lo awm rawh i chau ang,zanlamah ka che leh duh dawn ania " a tihchuan rang zetin ka melh.

A thu tak hmel ropui leh nghal,helamah chuan hetia awmduna Dubai lama kan kal huna inneih that an ti a ,ka hnial lemlo ka nu ten min buaipui duhlo miau ,dawhkanah thu in a che vel fel thlup chu ka en reng ,ka sam ka khawih neuh neuh “ Jupiter vawiinah class kan kal a ngem" ka tihchuan a bu nghut “ Ka zak e an hre leh vek tawh awm sia " ka tihchuan a nui hawk a “ Enge zah tur awm ,nau pawm chung a class kal pawh an awm tho hi,naupang kan ni tawhlo .

Zahthlak pakhat mah a awm lo,ka awm hi i pasal mah ka zahloh chuan engmah zahthlak a awm lo,Kan duh a kan innei a nimai an niin kan nunah sawi theih an nei lo " tihpahin chawhmeh chu a chawk sur sur,ka bu nghat chaw eilai te chuan chawhmeh chu min suahsak zung zung,duat taka  min tihdan chuan ka hnuk lam lam a ti ulh,a hmuiah ka fawhsak zauha a nui vur vur mai .

Class kal turin kan inphur chhuak a ,college kan thlen rualin Ruati leh Thanan min rawn ngaihven nghal vat ,thil awmzia ka hrilh Chuan “ An va tiawm ang lo ve ,an fa inih loh avang tette atanga an enkawl che inia ,hetiang teh tawpa in tih,mahse a pawilo i thiante leh Dylan I nei alawm,haw tawh malek suh" Ruati chuan a ti hlak hlak ,class pan lai chuan Dylan chuan ka kut a hum run reng a,mahse ka ngaih a ti tha hluah hluah thung,hmeichhe dang kan inkarah an inrawlh loh hram ka beisei .

Ka bulah a thu a ,min veng hi a ang ber kan innei tih an hre vek a,tumahin min be lemlo pawi ka ti miahlo bawk ,Felyna erawhin min melh rum thei hle thung,runluih chakba in min tur leh tet tet a ,Dylan darah chuan ka bei kher ,a lehkhabu a hrawm nawk nawk ka hmuh chuan ka nui hak “ Jupiter ka mut a chhuak lutuk " tiin mitchhingin ka ngheng hnai sauh,a nipawhin ka khabeah dawmin a lu a bu nghut a .

Mu rawh a tihna angah ka ngai,ka ham bai bai ,ka chau bawk nen ka muhil zui nghal ,bengchheng awm nauh nauhah chuan ka harh a ,Kan class a mi ho chu an phun mur mur ,an bengchheng thei a nia ,mi 100 chuang awmkhawm chu a bengchhen dan a dang hle ,ka hawi kual thuak thuak a “I muttui bawk em " titu chu bu nghatin ka nuihsang a, a kiangah ka mutui lo ngailo.

Ban rualin kan inkai chhuak leh a,KFC ah min chawlhpui leh hram ,ka puar auh hian ka hria ,min lenkual puiin park velah te kan kal a,nuam ka tiviau sahuan kan kal erawh zawng nen kan inmil thei hlawllo thung,ka sawisak hrep dawn chuan a infit ropui bawk sia ,ka bula lungin ka vawm leh chawrh thin tihbak loh chu tihdan tur dang ka nei miaulo.

Dylan lah chuan min nuih hawk hawk reng ringawt ,sazuk leh saza bakah sakei khawi ho chu min en pui a,ka au chul reng ringawt.

ZAWMNA 

Dylan " college kan kal chu a pensawn chhungin class ah ka lut ,mahse a rawn luh ruala rawn lut ve avang chuan ka tum nghal hmak ,min rawn pan chuan ka en duh lo ,thla khat dawn kan innei ve tawh a ,hmeichhia angaihsak ngailo,mahse tunah erawh ka hmeichhe huat ber Felyna nen an rawn inzui a ,ka inhum ruh vak ,inti thei zeta a rawn hawi kherte chu khawih mai ka duh “ Venus " a rawn tihchuan en duhlo in ka hawi sawn .

Ka phone phawrhin ka tho chhuak a ,ngawi renga chhuah ka tum chu ka kutah a rawn man bet chawt ,mi kara inhnial ka duh hauhlo “ Min thlah rawh ka nuamlo riau ,ka haw hmasa mai ange " tiin ka kal chhuak nghal hlawk hlawk ,min rawn zui tih ka hre hauhlo gate bul ka thlen chuan ka kutah a rawn man bet chawt ,“ Thinrim lo teh Felyna nen khan engtin mah kan awm lo ka hnungah a rawn kal ve ringawt a nihkha " a tihpawh chuan.

“ E Hmeichhe rawp pa ,rawp hmuar intithei zeta a awm te kha ka hmu vek ,I hmel ka hmuh ringawt pawh hian kha i hmui pawrh zet kha ka pawt fan dawr dawr chak,I hmui khan fawp daw daw thin lo la chuan heti tak hian min pal zam lo ang,mipa hi chuan hmeichhe fawh lawr dawn dawn hi nuam intia ,inhmui te hi mi fawha pan thei nise a ral vek tawh ang" ring lutuka ka tihchuan a lungawi loh hmel viau .

“ Ngawi rawh te si,tawng thei si,thinchhe bawk ,insual hrat ,velh dawn che lahin i tliak mai ang tih a hlauhawm a vanga insum ngai bawk " a tihchuan ka thinrim hle “ Hapauhpa" ka inring hmanlo chuan ka sawi chhuak “Enga vai ang nu " a rawn ti ve zat thinrim lutukin ka en chho “ Hmaikhuaizukpa " a awma kawk sawk sawkin ka tileh “ Bawp satel nu " a rawn tileh “ Lusakuh" Kan intin awrh awrh tawh.

“ Sam Rapunzel thelh nu ,inla samsei si" tunah chuan midang vanga inhau pawh kan ang tawhlo “ Dylan hassin  ngal over pa" tiin ka au vak ,ka ke ka per pah bawk “ Zomuanawm ngal neivelo nu " a ti ve vak ,hnai zetah kan in en “ Ka tawilo " ka tihleh “ Tawi " a lo ti ve zel bawk nen kan in hnial char char “ Hmela ka tawi ziahlo ,aw ka sang ber ha kuh i ha leh sakuh hling pawt chhuah dan a in ang " ka tihchuan a rum nghut .

“ I tawi dan leh Pomeranian puppy tet dan a inang" a bengah ka pawt nghal dawt ,uite ber min tehkhin chu ka haw hle ,min khawih let ve duhlo in ka khawih ang ang chuan a awm kual ,thawm rihuk kan hriat takah chuan kan hawichhuak Kan college students ho zawng zawng leh professors te thlengin min lo en vek ,ka zak hle an nuih a zat hmel hlawm ropui si ,min lo en rei tawh viau angem le , Dylan kawr nghawngah thamin “ Kalsawn vat ang " ka tihchuan a nui kur kur a “ I aw ri a ring lutuka an lo chhuak vek anihkha " a tisup .

Bike in kan inphur chhuak,a changin a hnungah ka chum leh dawt thin,engtin mah min tilet thei hleilo ,ka khawih char char “ Ka hua che " titiauin ka inthlahdul a ,ka ngawi ta reng a din hnu pawhin chetsawn ka tumlo “ Venus " ka la ngawi reng “ Lo chhuk tawh la ,le kan thleng tawh a nia ,Kan awmna hi i hmu duhlo em ni " a tihpawh chuan hawichhuak duhlo in ka kun lui ngar ,min chawi nawlhin ka lamah a rawn kun hniam a .

“ Ka tihpalh " a rawn tihpawh chuan ka be duh lo “ Min hmangaihlo ,nangpawhin min ning ve tawh tiraw ,tu tan pawh hian keichu ninawm mai ka ni leh thin ,a tirteah duhsak taka min be thin te pawhin a reia min ning leh thin,keichu mi awm ve na tura remlo taka awm ve mai ,mi tana pawimawh leh thian tlak,hmangaih tlak ka ni ve ngailo,min ninga min theihnghilh leh thuai zel " ka tisap ,ka mittui luang tur chu ka dang hram hram .

“ I wanna love you forever and this is all I'm asking of you ,ten thousand life times together " a rawn zai a vang chuan ka dak chhuak vat “ You are my heaven on earth " a tihleh chuan ka lu ka thing nawk nawk “ Aih ka....ka hlauthawng a ni,ka engmah hi ka ring zo tawhlo " inhera tlansawn ka tum ,mahse min kuah bet chawt “ Venus ka hmangaih che a lawm ka hmangaih lutuk che ,min kalsan tum suh kal suh" a rawn timawlh mawlh .

Keia pawh ka rilru no lutuk hi engvang nge ,ka tah a chhuak rengin ka mood lah a inthlak vak vak bawk si ,ka tap hlawp hlawp reng,duat takin min kuah a min hmangaih thu a sawi mawlh mawlh reng bawk ,ka zawi ,tlak dala an siam ah chuan min hlang nawlh “ Nui tawh rawh kha i mit kha a bui vek tawh a nia ,I hmelchhe vek " a tihchuan ka nui hak “ good " tisupin ka mittui chu a tuai zauh .

“ Tiam tlat e tiin nang leh kei pialleiah ,lirnghing leh tuifawn ten min sawi nghing long ,mahse kan mizia erawh tui leh mei ang nimahse ,I tello chuan keimah hi ka keimah lo ,I hria tiraw he hla hi ka laka thinrim chang i neih a piangin ngaihtuah chhuak la ,tui a awm theihloh ang bawkin mei a awm dawn biklo,a chhan chu sa leh vawt chu awmtlang thei lo ,mahse awmhrang thei miah silo ang an ni,keini pawh Venus leh Jupiter kan ni,englai pawhin inrem takin awm theilo mah ila khuanun a duan dun kan ni .

Theihnghilh ngai suh,Venus tello in Jupiter a awm ngai lo ,a awm theilo Venus hi planet atanga a bo daih chuan Jupiter chu a kehchhe vek dawn " a tisup sup a ,ka mitah tak a melh ngur bawk“ Khawvelah hian intawnglo tur intawng kan ni,an tih fo chhan hi i hria em,a chhan chu maw an huaisen tawkloh vang,huaisen takin an harsatna leh buaina paltlang ngam nise chuan khuanu ruat loh an tih hi a awm ngailo ang,harsatna tawpkhawk hneh tawh chuan hlimna in a zui tawh thin.

Nu leh pa thu an hnial ngamloh avanga inthen ta lungleng tak tak a awm an tam ,an nu leh pa an hlauh avangin an duh miahloh an pawm thin,mahse khua a lo reia an inchhir leh nge nge thin,hmangaihte hi kan kal tir mai tur a nilo,Kan hming putchhan Chawngmawii leh Hrangchhuana kha ngaihtuah rawh ,an inhmangaihna kha Doral karah pawh a nghetin thih thlenga an rinawmna avang a nilawm ni,tun thlenga sawi tling an nih.

Keimahah i rinna nghat la ,keimahah hahchawlhna hmuh tum rawh ,min rinloh chuan engtikah mah i hahdam ngailo ang,ka hmangaih che ka tihkha ,mipa hian thutiam sut leh mai hi kan tha a na bawk ,chuvang chuan ka nupui niturin ka thlang tawh che ,nanglo hmeichhe dang ka hnaih ring ngai suh" a ti nghet charh ,ka ngawi reng “ Le haw ang aw ,college pawh hi kal tawhlo in a rem ve leh Dubai ah kan kal tawh ang,buaina awm tawh lo in " a tisup a .

Engmah ka sawi buai tawh lo ,inlamah kan inphur haw a ,ka chauh em a vangin ka mu nghal daih,ka khua te hi a sik dawn in ka hria ,ka khur beuh beuh Dylan an min ngaihtuah viau ,damdawiina kal a sawi deuh chhen,a tawp a tawpah chuan kan inhruai ta tawp,a hlauthawng lutuk chu a khawngaih thlak zawk ,damdawiin kan thlen rualin a Nutei a a sawi awmna lam min panpui a .

Ka hnem ve tak nangin engmah a thawk chuanglo,a kal deuh hlawk hlawk “ Nute ka nupui hi en teh a khua a sik ania " room pakhata kan luhrualin a tihlawk hlawk,a chhungte ka la hmukim lo a ,ka inthiamlo ru viau “ Hetah hian lo mut rawh " a tihchuan min mut tir vat ,enge maw neuh neuh a tihhnuah “ Bawihi va in test teh maw " a tihchuan ka en ha , Dylan nen chuan kan bo dun viau mai .

Mahse toilet lamah kalin ka intest ta tho ,ka chhuah leh chuan ka thil ken chu ka en tir ,reiloteah a rawn nui nghal var var “ Bawiha pa ini dawn a nih hi " Dylan hmelah chuan hlimna ka hmu thei,min rawn pawm kang lawpin “ Ka hmangaih che tumtawite" a tihchuan rum zetin ka melh ,a Nutei chu a lo nui hawk hawk ,Dylan inthlahrung leh si chuan min nuih tlawn vur vur ,mahse ka nuih let ve naute ka pai tih ka hriatna chuan min tihlim em a ni.